Book List

<h2 style="text-align: center;">အခန်း ၂၅၈</h2> <h2 style="text-align: center;">တားမရတော့ဘူး</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p style="text-align:justify">ဖုန်းရှီးနန်းဆောင်။</p> <p style="text-align:justify">မိဖုရားခေါင်ကြီးသည် နင်ချန် ကြိုက်သော ဟင်းပွဲများကို အထူးစီစဉ်ထားသည်။</p> <p style="text-align:justify"> </p> <p style="text-align:justify">ယဲ့ယွင် ကိုယ်ဝန်ရသွားသည့်သတင်းက သူမကို စိတ်ထိခိုက်စေသော်လည်း အရှင်မင်းကြီးက သူမမျက်နှာကို ထောက်ထားသေးသဖြင့် ကျေနပ်ရသည်။</p> <p style="text-align:justify"> </p> <p style="text-align:justify">အရှင်မင်းကြီး ကြွလာကြောင်း လျှောက်တင်သည်နှင့် အစေခံများကို ခေါ်ပြီး ထွက်ကြိုလေသည်။</p> <p style="text-align:justify"> </p> <p style="text-align:justify">"ရာသီဥတု အေးနေတာကို ဘာလို့ အပြင်</p> <p style="text-align:justify">ထွက်စောင့်နေတာလဲ။ အအေးမိသွားမှာစိုးရတယ်။”</p> <p style="text-align:justify"> </p> <p style="text-align:justify">နင်ချန် သူမကို တွဲထူပြီး နူးညံ့စွာ ပြောလိုက်သည်။</p> <p style="text-align:justify"> </p> <p style="text-align:justify">"ဒီချန်းချဲ့ မအေးပါဘူး။ အရှင်မင်းကြီးကမှ ဝတ်ရုံခြုံမလာဘူး။ အေးနေမှာပေါ့"</p> <p style="text-align:justify"> </p> <p style="text-align:justify">မိဖုရားခေါင်ကြီး ပြုံးလျက် ပြောလိုက်သည်။</p> <p style="text-align:justify"> </p> <p style="text-align:justify">"ယိရွှင်ရုန် ပေးထားတဲ့ လက်ကိုင်မီးဖိုရှိနေလို့ မအေးပါဘူး။ ကဲ... အထဲဝင်ကြစို့"</p> <p style="text-align:justify"> </p> <p style="text-align:justify">နင်ချန် ရှေ့က ဝင်သွားလိုက်သည်။</p> <p style="text-align:justify"> </p> <p style="text-align:justify">သူ့လက်ထဲတွင် ခရမ်းရောင်တိမ်တိုက်ပုံအိတ်စွပ်ထားသော လက်ကိုင်မီးဖိုကို တွေ့လိုက်ရသောအခါ မိဖုရားခေါင်ကြီး ရင်ထဲ နာကျင်သွားသည်။</p> <p style="text-align:justify"> </p> <p style="text-align:justify">သို့သော် စိတ်ထိန်းပြီး အပြုံးမပျက် လိုက်ဝင်သွားသည်။</p> <p style="text-align:justify"> </p> <p style="text-align:justify">စားပွဲဝိုင်းတွင် ထိုင်ပြီးနောက် နင်ချန်အတွက် ဟင်းထည့်ပေးသည်။</p> <p style="text-align:justify"> </p> <p style="text-align:justify">"ဒီ ကောက်ညှင်းကြက်ပေါင်းလေး မြည်းကြည့်ပါ။ အရသာကောင်းတယ်။”</p> <p style="text-align:justify"> </p> <p style="text-align:justify">"ကျေးဇူးပါပဲ။ ဟင်းရည် အရင်သောက်လိုက်ဦးမယ်"</p> <p style="text-align:justify"> </p> <p style="text-align:justify">နင်ချန် ပြောလိုက်သည်။ ယွမ်ကျိုက ဝါးပိုးမျှစ်ဟင်းရည်တစ်ခွက် ထည့်ပေးသည်။</p> <p style="text-align:justify"> </p> <p style="text-align:justify">မိဖုရားခေါင်ကြီး ဟင်းထည့်လက်စ ရပ်သွားပြီးမှ နင်ချန်၏ ပန်းကန်ပြားထဲ ထည့်ပေးလိုက်သည်။ မျက်နှာထား အနည်းငယ် တင်းမာသွားသည်။</p> <p style="text-align:justify"> </p> <p style="text-align:justify">"အရှင်မင်းကြီးက ဟင်းရည် သိပ်မကြိုက်ပါဘူး။ ဒီနေ့မှ ဘာလို့ ဟင်းရည်သောက်ချင်နေတာလဲ"</p> <p style="text-align:justify"> </p> <p style="text-align:justify">နင်ချန် ဟင်းရည်တစ်ခွက် ကုန်အောင်သောက်ပြီး ပါးစပ်သုတ်ကာ ပြောလိုက်သည်။</p> <p style="text-align:justify"> </p> <p style="text-align:justify">"ဆောင်းတွင်းမှာ ဟင်းရည်ပူပူလေး သောက်ရတာ ကောင်းပါတယ်။ မင်ရှိုးရုန် က ဒါကို ကြိုက်တယ်။ ကျန်းလည်း သူနဲ့အတူ လိုက်သောက်ဖူးတယ်။ အဲ့တာနဲ့ကျန်းလည်း အကျင့်ပါပြီး သောက်ရတာကြ်ိုက်သွားတာ။”</p> <p style="text-align:justify"> </p> <p style="text-align:justify">"မင်ရှိုးရုန်က ထက်မြက်ပြီး အရှင်မင်းကြီး အကြိုက်ကို သိတာပဲ။”</p> <p style="text-align:justify"> </p> <p style="text-align:justify">မိဖုရားခေါင်ကြီး အသံတိမ်ဝင်သွားပြီးအပြုံးကလည်း မဲ့သွားသည်။</p> <p style="text-align:justify"> </p> <p style="text-align:justify">နင်ချန် ဗိုက်ဆာနေသဖြင့် သူမ၏ မျက်နှာထားကို သတိမထားမိဘဲ ကောက်ညှင်းကြက်ပေါင်းကို စားလိုက်သည်။ နင်ချန်နှစ်ခြိုက်စွာစားနေသည်ကို မြင်မှ မိဖုရားခေါင်ကြီး မျက်နှာပြန်ကောင်းသွားသည်။</p> <p style="text-align:justify"> </p> <p style="text-align:justify">အရှင်မင်းကြီး အကြိုက်ကို သူမလည်း သိထားသည့်အတွက် အကြိုက်ဆုံးဟင်းတွေကို ရွေးထည့်ပေးနေသည်။ နင်ချန်လည်း အားနာပါးနာ စားပေးနေခဲ့သည်။</p> <p style="text-align:justify"> </p> <p style="text-align:justify">မိဖုရားခေါင်ကြီး ပျော်ရွှင်လာသည်။</p> <p style="text-align:justify"> </p> <p style="text-align:justify">"ကျန်းကိုချည်း ထည့်မပေးပါနဲ့။ မင်းလည်း စားပါဦး။ နှစ်ကုန်ပိုင်းမှာ အလုပ်တွေများလို့ ပိန်သွားပြီ။”</p> <p style="text-align:justify"> </p> <p style="text-align:justify">"ကျေးဇူးတင်ပါတယ် အရှင်မင်းကြီး"</p> <p style="text-align:justify"> </p> <p style="text-align:justify">မိဖုရားခေါင်ကြီး မတ်တတ်ရပ်ပြီး ကျေးဇူးတင်လိုက်သည်။</p> <p style="text-align:justify"> </p> <p style="text-align:justify">ပြန်ထိုင်ပြီးမှ နင်ချန် စကားဆက်ပြောသည်။</p> <p style="text-align:justify"> </p> <p style="text-align:justify">"မင်ရှိုးရုန် ကိုယ်ဝန်ကိစ္စကို တမင် ဖုံးကွယ်ထားတာ မဟုတ်ပါဘူး။ သူ့စိတ်က ဆတ်တော့ ကိုယ်ဝန်မငြိမ်ခင်မှာ သူများတွေနဲ့ ရန်ဖြစ်ပြီး ထိခိုက်မှာစိုးလို့ နေမကောင်းဘူးဆိုပြီး အနားယူခိုင်းထားတာပါ။ စိတ်မဆိုးပါနဲ့"</p> <p style="text-align:justify"> </p> <p style="text-align:justify">ဆိုလိုတာက ယဲ့ယွင် နေမကောင်းဖြစ်တာ အတုပဲ။ အရှင်မင်းကြီးက ကာကွယ်ပေးထားခြင်းပင်။ ဒီအမှန်တရားကို သိလိုက်ရသောအခါ မိဖုရားခေါင်ကြီး စိတ်ရှုပ်ထွေးသွားသည်။</p> <p style="text-align:justify"> </p> <p style="text-align:justify">အရှင်မင်းကြီးက ယဲ့ယွင်ကို ဘယ်လောက်ထိ ချစ်လဲဆိုတာ သိလိုက်ရလို့ ဝမ်းနည်းမိသလို၊ သူမကို အမှန်အတိုင်း ပြောပြလို့ စိတ်သက်သာရာ ရသွားသည်။</p> <p style="text-align:justify"> </p> <p style="text-align:justify">အနည်းဆုံးတော့ သူမကို လေးစားမှု ရှိသေးတယ်ပေါ့။ ဒါပေမဲ့ လေးစားမှုက ဘာလုပ်ရမှာလဲ။ သူမ လိုချင်တာက အချစ်မေတ္တာလေ။ မည်သို့ပင် ခံစားရစေကာမူ စိတ်ထိန်းပြီး သဘောထားကြီးဟန် ဆောင်လိုက်ရသည်။</p> <p style="text-align:justify"> </p> <p style="text-align:justify">"အရှင်မင်းကြီးကို ဘယ်စိတ်ဆိုးရက်ပါ့မလဲ။ တော်ဝင်မျိုးဆက်က အဓိကပဲလေ။ ဒီချန်းချဲ့က မိဖုရားခေါင်ကြီး (တရားဝင်မိခင်) အနေနဲ့ ကလေးအားလုံး ကျန်းမာပါစေလို့ ဆုတောင်းပါတယ်။”</p> <p style="text-align:justify"> </p> <p style="text-align:justify">နင်ချန် သူမလက်ကို ဆုပ်ကိုင်ပြီး နှစ်သိမ့်ပေးလိုက်သည်။</p> <p style="text-align:justify"> </p> <p style="text-align:justify">"မင်းက ငယ်ပါသေးတယ်။ ကျန်းတို့မှာ သားယောက်ျားလေး ရလာမှာပါ။”</p> <p style="text-align:justify"> </p> <p style="text-align:justify">မိဖုရားခေါင်ကြီး မျက်ရည်ဝဲသွားပြီး ခေါင်းညိတ်ကာ မျက်ရည်ကို ထိန်းလိုက်သည်။</p> <p style="text-align:justify"> </p> <p style="text-align:justify">"နောက်ထပ် ဆွေးနွေးစရာ ကိစ္စတစ်ခု ရှိသေးတယ်။”</p> <p style="text-align:justify"> </p> <p style="text-align:justify">"ပြောပါ အရှင်မင်းကြီး"</p> <p style="text-align:justify"> </p> <p style="text-align:justify">"မင်ရှိုးရုန်က ကျိုဖင်အဆင့် ရောက်နေပြီ။ အခု ကိုယ်ဝန်ရှိနေတော့ ကလေးမွေးရင် နေရာကျယ်ကျယ် လိုအပ်တယ်။ ကျောက်ချွန်းနန်းဆောင်က ကောင်းမယ်ထင်တယ်။ နှစ်သစ်ကူးပြီးရင် ပြောင်းခိုင်းလိုက်ဖ်ို့ စဉ်းစားထားတယ်။ အခုကတည်းက ပြင်ဆင်ထားလိုက်ပါ"</p> <p style="text-align:justify"> </p> <p style="text-align:justify">အဆောင်အပြောင်းအလဲက ကိစ္စကြီးမဟုတ်ပေ။ မိဖုရားခေါင်ကြီးက နေရာတစ်ခုလောက်နဲ့ မငြိုငြင်ပါဘူး။</p> <p style="text-align:justify"> </p> <p style="text-align:justify">တကယ်တော့ ယဲ့ယွင် အဆောင်ပြောင်းသင့်တာ ကြာပြီ။ အခုမှ အတည်ပြုပြီး နှစ်သစ်ကူးမှ ပြောင်းမှာဆိုတော့ အချိန်ရပါသေးတယ်။ ထို့ကြောင့်ခေါင်းညိတ် သဘောတူလိုက်သည်။</p> <p style="text-align:justify"> </p> <p style="text-align:justify">သို့သော် နောက်ဆက်တွဲ စကားက လက်ခံရခက်စေသည်။</p> <p style="text-align:justify"> </p> <p style="text-align:justify">"ယဲ့မိသားစုက နယ်စပ်ကို စောင့်ရှောက်နေတော့ ယဲ့ယွင်ရဲ့အစ်ကိုက အရည်အချင်းရှိတယ်။ ယဲ့စစ်သူကြီးရဲ့ခြေရာ နင်းနိုင်မယ့်သူပဲ။ သေဆုံးသွားတဲ့ စစ်သူကြီးရဲ့ သားသမီးနှစ်ယောက်လုံးက တိုင်းပြည်</p> <p style="text-align:justify">အတွက် အကျိုးပြုနေကြလို့ဆိုရမယ်။ အခု ယဲ့ယွင် ကိုယ်ဝန်ရှိနေပြီဆိုတော့ နှစ်သစ်ကူးမှာ ရာထူးတိုးပေးလိုက်ရင် ကောင်းမလား။”</p> <p style="text-align:justify"> </p> <p style="text-align:justify">ကိုယ်ဝန်ရတာနဲ့ ရာထူးတိုးပေးမယ်တဲ့။ အချစ်ခံရလွန်းနေပြီ။ မိဖုရားခေါင်ကြီး မနေနိုင်တော့ဘဲ ဟန်လုပ်ပြုံးကာ ကန့်ကွက်လိုက်သည်။</p> <p style="text-align:justify"> </p> <p style="text-align:justify">"အရှင်မင်းကြီးက မင်ရှိုးရုန်ကို ချစ်တာ သိပါတယ်။ ဒါပေမဲ့ အခုမှ ကိုယ်ဝန်ရကာစ ရှိပါသေးတယ်။ မွေးပြီးမှ ဖန်းကျယ်ယွီနဲ့အတူ ရာထူးတိုးပေးလိုက်ရင် မကောင်းဘူးလား။ မဟုတ်ရင် အရှင်မင်းကြီးကိုမျက်နှာလိုက်တယ် ပြောကြပါလိမ့်မယ်။”</p> <p style="text-align:justify"> </p> <p style="text-align:justify">"မပူပါနဲ့။ ယောင်မျိုးရိုးက စုကျယ်ယွီ ကိုယ်ဝန်ပျက်ကျမှုနဲ့ ပတ်သက်နေတာ။ကျန်းက စုကျယ်ယွီကို မချစ်ပေမဲ့ ကျားစခ်ဒေသကို မျက်နှာထောက်ရမယ်။ ယောင်မျိုးရိုးကို အရင်ဘွဲ့ထူးပြန်ပေးတာနဲ့တင်လုံလောက်နေပြီ။ ရာထူးတိုးတာကတော့ မွေးပြီးမှ စဉ်းစားမယ်။ မင်ရှိုးရုန်ကတော့ အရင် တိုးပေးလိုက်မယ်။ သူ့မိသားစုက အသုံးဝင်တယ်လေ။ ယိရွှင်ရုန်တုန်းကလည်း လုပ်ပေးခဲ့တာပဲ။”</p> <p style="text-align:justify"> </p> <p style="text-align:justify">ဒီစကားကြောင့် မိဖုရားခေါင်ကြီး ငြင်းလို့မရတော့ပေ။</p> <p style="text-align:justify"> </p> <p style="text-align:justify">ယိရွှင်ရုန် ကိုယ်ဝန်ရှိတုန်းက သူမကိုယ်တိုင် ထောက်ခံပြီး ရာထူးတိုးပေးခဲ့တာလေ။ </p> <p style="text-align:justify"> </p> <p style="text-align:justify">အခု ယဲ့ယွင်အလှည့်ကျမှ ကန့်ကွက်ရင် မကောင်းသည့်အတွက် နောက်ဆုံးတော့ သဘောတူလိုက်ရသည်။</p> <p style="text-align:justify"> </p> <p style="text-align:justify">ဒီည နင်ချန် လာအိပ်သော်လည်း စကားသိပ်မပြောကြပေ။ ပုံမှန်အတိုင်းနင်ချန် အိပ်ပျော်သွားသော်လည်း မိဖုရားခေါင်ကြီး တစ်ညလုံး အိပ်မပျော်နိုင်ခဲ့ပေ။</p> <p style="text-align:justify">....</p> <p style="text-align:justify"> </p> <p style="text-align:justify">မနက်မိုးလင်းတော့ မျက်ကွင်းတွေ ညိုမဲနေသည်။ ဂါရဝပြုပွဲလာသော ကိုယ်လုပ်တော်အများစုလည်း ထို့အတူပင်။</p> <p style="text-align:justify"> </p> <p style="text-align:justify">ယဲ့ယွင် ကိုယ်ဝန်ရသွားသည့်သတင်းက ယောင်ရှန်း ကိုယ်ဝန်ရသည့်သတင်းထက် ပိုပြီး ထိခိုက်စေပုံရသည်။</p> <p style="text-align:justify"> </p> <p style="text-align:justify">အိပ်ရေးဝသူများလည်း ရှိပါသည်။ ရှူးဖေး နှင့် သယ့်ဖေး တို့ ဖြစ်သည်။ သူတို့က သားသမီးရှိပြီးသားမို့ အချစ်မခံရလည်း ကိစ္စမရှိပေ။</p> <p style="text-align:justify"> </p> <p style="text-align:justify">ထုံးစံအတိုင်းရှူးဖေးက မနက်စောစောစီးစီး လူလိုက်ကိုက်နေသည်။ ပထမဆုံး ပစ်မှတ်က ယဲ့ယွင်နှင့် အဆင့်တူသော ယိရွှင်ရုန် ဖြစ်သည်။</p> <p style="text-align:justify"> </p> <p style="text-align:justify">"အို... မင်ရှိုးရုန် မွေးလာရင် တတိယမင်းသားအတွက် ကစားဖော် ရတော့မှာပဲ။သားယောက်ျားလေးဆိုရင် နန်းတော်ထဲမှာ ပိုစည်ကားသွားမှာ။”</p> <p style="text-align:justify"> </p> <p style="text-align:justify">"ယောက်ျားလေးတွေက ဆော့ကစားတတ်တော့ စည်ကားသလို ရှုပ်လည်း ရှုပ်ပါတယ်။ ရှူးဖေးမယ်မယ်က သမီးမိန်းကလေး မွေးထားတော့ သားယောက်ျားလေး မွေးရတဲ့ ဒုက္ခကို ဘယ်နားလည်ပါ့မလဲ"</p> <p style="text-align:justify"> </p> <p style="text-align:justify">ယိရွှင်ရုန်က ပြန်ပက်လိုက်သည်။</p> <p style="text-align:justify"> </p> <p style="text-align:justify">သူမလည်း ယဲ့ယွင် မွေးမှာကို မလိုလားပေမဲ့ ကိုယ့်မှာ သားရှိပြီးသားမို့ စိတ်အေးနေသည်။ ယဲ့ယွင်က ဘာလေးမွေးမလဲ မသိသေးဘူးလေ။</p> <p style="text-align:justify"> </p> <p style="text-align:justify">ရှူးဖေး နှာမှုတ်လိုက်သည်။</p> <p style="text-align:justify"> </p> <p style="text-align:justify">သားယောက်ျားလေး မမွေးနိုင်တာကို စောင်းမြောင်းမှန်း သိသော်လည်း ပြန်ပြောစရာ မရှိပေ။</p> <p style="text-align:justify"> </p> <p style="text-align:justify">သူမတို့ ငြိမ်သွားမှ မိဖုရားခေါင်ကြီးက နင်ချန်၏ အမိန့်ကို ကြေညာလိုက်သည်။</p> <p style="text-align:justify"> </p> <p style="text-align: center;">***</p>


Save