Book List

<h2 style="text-align: center;">အပိုင်း ၆၀၁.၂</h2> <h2 style="text-align: center;">‎​" ကန့်သတ်မဲ့သော့်လော့တစ်ယောက်ကို သတ်ဖြတ်ရန် ထောင်ချောက်ဆင်ခြင်း "</h2> <h2 style="text-align: center;">*</h2> <p> </p> <p>‎</p> <p>‎​ဒီလို သွေးဆာဝိညာဉ်တစ်ကောင် စတင် လှုပ်ရှားပြီဆိုရင် သူတို့ရဲ့ အမုန်းတရားက လူတစ်ယောက်ရဲ့ စိတ်ဝိညာဉ်ကို ထိန်းချုပ်မှု လွတ်ထွက်သွားစေပါတယ်။ လုံလောက်အောင် ကျင့်ကြံဆင့်မသန်မာဘူးဆိုရင် စိတ်ဝိညာဉ်က ခန္ဓာကိုယ်ထဲကနေ ဆွဲထုတ်ခံလိုက်ရပြီး ဝါးမြိုစားသောက်ခံရမှာပါ။ ဒီသွေးဆာဝိညာဉ်တွေက အရမ်းကို ကြောက်စရာကောင်းလွန်းလှပါတယ်။</p> <p>‎</p> <p>‎​တိုက်ခိုက်မှုက အစသာ ရှိသေးပေမဲ့ ယဲ့ရှီးရွှေက သူမရဲ့ အသန်မာဆုံး ဝိညာဉ်စွမ်းအင်ကို သုံးနေခဲ့ပါပြီ။ သူမက အသက်ကို စွန့်စားဖို့ ပြင်ဆင်ထားတယ်ဆိုတာ သိသာနေခဲ့တယ်။</p> <p>‎</p> <p>‎ခုန်ဒဲ့မင်ကလည်း ဒါတွေကို မြင်တဲ့အချိန်မှာ ချက်ချင်းဆိုသလို အလေးအနက် အသွင်ပြောင်းသွားခဲ့ပါတယ်။</p> <p>‎</p> <p>‎​" ငါတို့တွေ တစ်ယောက်တစ်ယောက်ချင်း ဒီကောင်တွေကို ချိတ်ပိတ်ပစ်မှရမယ်။ မလွတ်စေနဲ့။ "</p> <p>‎</p> <p>‎​သူပြောရင်းနဲ့ လက်ကို မြှောက်လိုက်ပါတယ်။ အဲဒီနောက် တစ်ယောက်ချင်းစီတိုင်းက ရွှေရောင် အလင်းတန်းတွေကို ပစ်ခတ်လိုက်ရင်း သွေးဆာဝိညာဉ်တွေကို စတင်ကာ ချိတ်ပိတ်ဖမ်းတော့တယ်။</p> <p>‎</p> <p>‎ရွှီးချန်းယန်ရဲ့ ဘေးပတ်လည်မှာရှိတဲ့ အဆင့်ကိုး ဝိညာဉ်လက်နက် အတတ်ပညာရှင်တွေကလည်း မြန်မြန်ဆန်ဆန် လူခွဲလိုက်ပါတယ်။ သူတို့တွေ အားလုံး အကောင်းဆုံး ကြိုးစားရင်းနဲ့ သွေးဆာဝိညာဉ်တစ်ကောင်ချင်းစီကို ထိန်းချုပ်ဖို့ လုပ်နေခဲ့တယ်။</p> <p>‎</p> <p>‎​ယဲ့ရှီးရွှေကတော့ အေးစက်စက် ရယ်မောနေဆဲပါပဲ။ သူမရဲ့ မျက်ဝန်းတွေထဲမှာ သွေးနီရောင် အလင်းတန်းတွေက တောက်ပလို့နေခဲ့ပြီး ရုတ်တရက်ဆိုသလို သူမရဲ့ ဆံကေသာတွေက သွေးနီရောင် ပြောင်းသွားခဲ့တယ်။ အဲဒီနောက် သူမရဲ့ နတ်ဆိုးရုပ်သေးကြီးက ခန္ဓာကိုယ်ထဲကို ဝင်ရောက်လာခဲ့ရင်း ပေါင်းစည်းလို့သွားခဲ့ပါပြီ။</p> <p>‎</p> <p>‎ရုတ်တရက်ဆိုသလို သူမရဲ့ အရွယ်အစားက နှစ်ဆကြီးသွားခဲ့ပါတယ်။ ကြည်လင်ထွင်းဖောက်မြင်ရတဲ့ သွေးနီရောင် အလင်းတန်းက သူမရဲ့ ခန္ဓာကိုယ်ပေါ်မှာ ပတ္တမြားကျောက်ဆိုင်သားတစ်ခုလို တည်ရှိလို့နေခဲ့တယ်။ အဲဒီနောက် သွေးနီရောင် လေစီးကြောင်းကြီးတွေက လေထဲကို ထိုးတက်လို့သွားခဲ့ပြီး ချက်ချင်း ပျံ့သွားခဲ့တယ်။</p> <p>‎</p> <p>‎​" အဆုံးမဲ့သွေးပင်လယ် "</p> <p>‎</p> <p>‎​ယဲ့ရှီးရွှေ အော်ဟစ်လိုက်ချိန်မှာ ပတ်ဝန်းကျင်တစ်ခွင်လုံးက အဆောက်အအုံတွေ စတင်ကာ အငွေ့ပျံလွင့်လို့သွားပါတော့တယ်။ အဆုံးမဲ့သွေးပင်လယ်နဲ့ ထိတွေ့လိုက်တာနဲ့ တစ်ပြိုင်နက် ချက်ချင်းဆိုသလို သွေးပင်လယ်က သူတို့ကို ဝါးမြိုပြီး အပြင်ကို ဆန့်ထွက်လာတော့တယ်။</p> <p>‎</p> <p>‎သူမက မြင့်မြတ်သရဲဘုရားကျောင်းထဲမှာ အသန်မာဆုံး မိစ္ဆာဝိညာဉ်ပညာရှင် ဖြစ်ပြီး ကန့်သတ်မဲ့သော့်လော့ ဖြစ်နေတာ အံ့ဩစရာ မရှိပါဘူး။ ဒီလိုမျိုး အရေးနိမ့်လာတဲ့ အခြေအနေမှာတောင် သူမက ပတ်ပတ်လည်မှာရှိသမျှ  ဝိညာဉ်လက်နက် အတတ်ပညာရှင်တွေအားလုံးရဲ့ တိုက်ခိုက်မှုကို ခုခံနိုင်ဆဲပါ။ သူမ ဘယ်လောက် ယုံကြည်ချက်ရှိနေမလဲဆိုတာ အားလုံးက တွေးနေမိပါတယ်။</p> <p>‎</p> <p>‎​ရွှီချန်းယန်ကလည်း ဒေါသတကြီး ဟိန်းဟောက်ရင်း လက်ကို ဝှေ့ယမ်းလိုက်တယ်။ သူ့ရဲ့ လက်ထဲမှာတော့ နှင်းတံလို တုတ်ချောင်းတစ်ချောင်း ရှိနေခဲ့ပါတယ်။ အဲဒီအရာရဲ့ ထိပ်မှာကတော့ သက်တံ့ရောင် ကျောက်မျက်ရတနာ ရှိနေခဲ့တယ်။ သူက လက်ကို ဝှေ့ယမ်းရင်းနဲ့ ယဲ့ရှီးရွှေကို နှင်းတံနဲ့ ညွှန်လိုက်ပါတယ်။ ရုတ်တရက်ဆိုသလို ကောင်းကင်ကနေ သက်တံ့ရောင် အလင်းတန်းတစ်တန်း ဆင်းသက်လို့လာခဲ့ပြီး ယဲ့ရှီးရွှေကို တိုက်ခိုက်တော့တယ်။ ဒါက အစွမ်းထက်ဆုံး အဆင့်မြင့် စွမ်းအင်စုအမြောက်ရဲ့ အင်အားပါပဲ။ သူက ဒါကို အသုံးပြုပြီး နေလနိုင်ငံတော်ရဲ့ လူတွေကို ကာကွယ်ဖူးပါတယ်။ ဒီအချိန်မှာတော့ သူက တိုက်ခိုက်ဖို့ အသုံးပြုနေခဲ့ပါပြီ။</p> <p>‎</p> <p>‎​ယဲ့ရှီးရွှေက ခုန်မရှောင်နိုင်ခဲ့ပါဘူး။ သူမက ရှောင်နိုင်ဖို့လည်း မရှိပါဘူး။ အခုလက်ရှိအချိန်မှာ မတင်လိုက်တဲ့ပုံ လုပ်လိုက်ပြီး ရုတ်တရက် သွေးပင်လယ်ကြီးကို ကြီးမားတဲ့ ဒိုင်းကာတစ်ခု အသွင်ပြောင်းလဲကာ သက်တံ့ရောင် အလင်းတန်းကို တားဆီးလိုက်တော့တယ်။</p> <p>‎</p> <p>‎ကျယ်လောင်တဲ့ ပေါက်ကွဲသံကြီးနဲ့အတူ ပြင်းထန်လှတဲ့ အင်အားလှိုင်းတွေက ပေါ်ထွက်လာခဲ့တာကြောင့် အဆင့်ကိုး ဝိညာဉ်လက်နက် အတတ်ပညာရှင် ဆယ့်တစ်ယောက်လုံး ချက်ချင်း ဝိညာဉ်လက်နက် အကာအကွယ်အတားအဆီးတွေကို ထုတ်လိုက်ရပါတယ်။ ဒါအပြင် နေလနိုင်ငံတော်ရဲ့ ဝိညာဉ်လက်နက် အတတ်ပညာရှင်တွေ အားလုံးကလည်း အကာအကွယ်အတားအဆီးတွေကို ထုတ်ကာ သူတို့ကိုသူတို့ ကာကွယ်လိုက်ကြတယ်။</p> <p>‎</p> <p>‎​ကြောက်စရာကောင်းလွန်းလှတဲ့ ပေါက်ကွဲမှုက တဝုန်းဝုန်း မြည်သံတွေ စဉ်ဆက်မပြတ် နေပြီးအချိန်မှာမှ ပျောက်ကွယ်လို့ သွားပါတော့တယ်။ သွေးနီရောင် ပင်လယ်ကြီးက သက်တံ့ရောင် အလင်းတန်းကို ကာကွယ်နေဆဲ ဖြစ်သလို ထိန်းချုပ်ထားနိုင်ပေမဲ့ အမြင်စူးရှတဲ့သူတွေကတော့ သွေးပင်လယ် ကျုံ့လာနေတာကို မြင်နိုင်ပါတယ်။ စွမ်းအင်စုစည်း တိုက်ခိုက်မှုတွေရဲ့ အောက်မှာ သွေးပင်လယ်ကြီးက ဖြည်းဖြည်းချင်းဆိုသလို သေးငယ်လို့လာခဲ့ပါတယ်။</p> <p>‎</p> <p>‎​ရွှီချန်းယန်ရဲ့ မျက်နှာပေါ်မှာကတော့ အပြုံးတစ်ခု ဖြစ်ပေါ်လာတော့တယ်။ ကန့်သတ်မဲ့သော့်လော့တောင်မှ ဒီလို လက်နက်မျိုးနဲ့ ရင်ဆိုင်ရချိန်မှာ အရေးနိမ့်ရစမြဲပါ။</p> <p>‎</p> <p>‎ဒီနေ့မှာတော့ သူက ဒါတွေကို မှီခိုပြီး သူ့ကိုယ်သူနဲ့ တော်ဝင်နန်းဆောင်ကို ကာကွယ်ဖို့ သူလုပ်နေခဲ့တယ်။ အခုလက်ရှိအချိန်မှာ ရှိရှိသမျှ ဝိညာဉ်လက်နက် အတတ်ပညာရှင်တွေအားလုံးကို စုစည်းပြီး ဒီလိုထောင်ချောက်ဆင်ထားတဲ့ အစီအစဉ်က သတ်ဖြတ်ဖို့ ထောင်ချောက်ဆင်ထားတဲ့ အစီအစဉ်က ပထမ စမ်းသပ်မှုတစ်ခုပါ။ ဒါသာ အောင်မြင်သွားမယ်ဆိုရင် နောက်ပိုင်းမှာ ဒီလက်နက်တွေကို အများကြီး သုတေသနလုပ်ဖို့အတွက် ငွေကြေးရင်းနှီးမြှုပ်နှံဖို့ လုံလောက်သွားပါလိမ့်မယ်။</p> <p>‎</p> <p>‎​ယဲ့ရှီးရွှေကတော့ နေလနိုင်ငံတော်ဘက်ကနေ ဒီလက်နက်အတွက် ငွေကြေးတွေကို အလွန်အကျွံ အများအပြား သုံးစွဲပြီး ပုံအောနေတယ်ဆိုတာ မသိခဲ့ပါဘူး။ ခုန်ဒဲ့မင် ဦးဆောင်တဲ့ အဖွဲ့မှာ အဆင့်ကိုး ဝိညာဉ်လက်နက် အတတ်ပညာရှင် ခုနစ်ယောက် တိတိ အဓိက ပါဝင်ပြီး သူတို့ လေ့လာနေတဲ့ အရာရဲ့ ကုန်ကျစရိတ်နဲ့ လိုအပ်တဲ့ အရင်းမြစ် ပမာဏတွေက တွေးတောမရနိုင်အောင် ကြီးမားခဲ့ပါတယ်။</p> <p>‎</p> <p>‎ဒါက ဝိညာဉ်လက်နက် နည်းပညာရဲ့ အင်အားပါပဲ။</p> <p>‎</p> <p>‎​ယဲ့ရှီးရွှေရဲ့ ခန္ဓာကိုယ်က လေထဲမှာ ရုတ်တရက် ပေါ်ထွက်လာခဲ့ပါတယ်။ သူမက သွေးနီရောင် တောက်နေဆဲပါ။ ခုန်ဒဲ့မင်က သူမ ရှေ့တည့်တည့်ကို ရောက်လာပြီး သူမကို ပိတ်ရပ်နေခဲ့ပါတယ်။</p> <p>‎</p> <p>‎သူတို့ရဲ့ တိုက်ခိုက်မှုက စတင်ချိန်မှာ ခုန်ဒဲ့မင်က ချက်ချင်း လွင့်ထွက်လို့ သွားခဲ့တယ်။ သူ့တစ်ကိုယ်လုံးကတော့ ရွှေရောင်တောက်နေခဲ့ပြီး ယဲ့ရှီးရွှေကတော့ ကောင်းကင်ပေါ်မှာ ရပ်နေခဲ့ပါသေးတယ်။ ‌မရေမတွက်နိုင်တဲ့ အလင်းတန်းတွေကတော့ သူမကို ချိန်ရွယ်ခံထားရပါတယ်။</p> <p>‎</p> <p>‎​ဒီချိတ်ဆက်ထားတဲ့ တိုက်ခိုက်မှုက မကြာခင်မှာပဲ သူမ ခန္ဓာကိုယ်ပေါ် ကျရောက်လာတော့မှာပါ။</p> <p>‎</p> <p>‎သားရဲ‌ကောင်ဘုရင်အဆင့် ဝိညာဉ်လက်နက် အတတ်ပညာရှင်တပ်ရင်းသုံးခုရဲ့ ချိတ်ဆက်ထားတဲ့ တိုက်ခိုက်မှုကတော့ အဆင်ပြေတဲ့ အနေအထားတစ်ခုမှာ ရှိနေဆဲပါ။ အကြောက်စရာအကောင်းဆုံးကတော့ နေလနိုင်ငံတော် ဝိညာဉ်လက်နက် အတတ်ပညာရှင်ဆီကနေ ရောက်ရှိလာတဲ့ တိုက်ခိုက်မှုပါပဲ။ အနက်ရောင် ဝိညာဉ်အလင်းတန်းက ရေဘုံကြီးတစ်ဘုံလောက် အရွယ်အစား ကြီးမားပြီး ဖြတ်သန်းသွားတဲ့ နေရာတိုင်းမှာ ကြီးမားနက်ရှိုင်းတဲ့ အက်ကွဲကြောင်းတွေကို ဖြစ်စေခဲ့ပါတယ်။</p> <p>‎</p> <p>‎​ယဲ့ရှီးရွှေတောင်မှ ဒီဝိညာဉ်အလင်းတန်းရဲ့ အင်အားကို အာရုံခံမိပြီးချိန်မှာ အမူအရာ ပြောင်းလဲလို့ သွားခဲ့ရတယ်။ ဒါက အဆင့်မြင့် စွမ်းအင်စုအမြောက်တွေရဲ့ တိုက်ခိုက်မှုနဲ့ အဆင့်တူတူလောက်ပါပဲ။ နေလနိုင်ငံတော် တော်ဝင်ဝိညာဉ်လက်နက် အတတ်ပညာရှင် တပ်ရင်းက ဒီလောက်ကြီး သန်မာတာလား။ ရွှီချန်းယန် ငါကို ဒီလိုလာပြီးထိပါးဝံ့တာ ဘယ်အံ့ဩစရာ ရှိမလည်း။</p> <p>‎</p> <p>‎တွေးတာက ကိစ္စတစ်ခုဖြစ်ပြီး ရင်ဆိုင်ဖြေရှင်းရတာက နောက်ကိစ္စတစ်ခုပါ။</p> <p>‎</p> <p>‎​အနီရောင်အလင်းတန်းတွေ တဖျတ်ဖျတ် လင်းလာရင်း သွေးဆာဝိညာဉ်သုံးခုက အလင်းတန်းဆီကနေ မြန်မြန်ဆန်ဆန် ထိုးထွက်ကာ လွတ်မြောက်လာခဲ့တယ်။ သူတို့ တစ်ခုချင်းစီက တိုက်ခိုက်မှု သုံးခုကို တားဆီးလိုက်ပါတယ်။ သွေးဆာဝိညာဉ်တွေလည်း ဆိုးဆိုးရွားရွား အော်ဟစ်ရင်းနဲ့ တိုက်ခိုက်မှု သုံးခုစလုံးကို ခုခံနေခဲ့တယ်။ ယဲ့ရှီးရွှေကတော့ နေလနိုင်ငံတော် ဝိညာဉ်လက်နက် အတတ်ပညာရှင် တပ်ရင်းရဲ့ တိုက်ခိုက်မှုကို သူမကိုယ်တိုင် ရင်ဆိုင်ခဲ့ပါတယ်။</p> <p>‎</p> <p>‎​" သူ့ကို ထိသွားပြီ "</p> <p>‎</p> <p>‎​ရွှီချန်းယန် ပျော်သွားခဲ့တယ်။ နေလနိုင်ငံတော် ဝိညာဉ်လက်နက်အတတ်ပညာရှင် တပ်ရင်းရဲ့ ချိတ်ဆက်ထားတဲ့ တိုက်ခိုက်မှု ဘယ်လောက် အင်အားကြီးလဲ သူမ ကောင်းကောင်း သိပြီးသားပါ။ ဒါကို လူသားတစ်ယောက် ခုခံနိုင်ဖို့က မလွယ်ပါဘူး။ ကန့်သတ်မဲ့သော့်လော့တစ်ယောက်အတွက်တောင် ဒါ ခက်ခဲပါလိမ့်မယ်။</p> <p>‎</p> <p>‎​အကယ်၍ ခုန်ဒဲ့မင်ကို ချီးမွမ်းရမယ်ဆိုရင် အဆင့်ကိုးဝိညာဉ်လက်နက်အတတ်ပညာရှင်မပြောနဲ့ အဆင့်တစ်ဆယ် ဝိညာဉ်လက်နက် အတတ်ပညာရှင်တွေတောင် ဒါကို ခုခံနိုင်မှာ မဟုတ်ဘူးလို့ ပြောရမှာပါ။ ကန့်သတ်မဲ့သော့်လော့တစ်ယောက်တောင် ဒီလောက် ကူကယ်ရာမဲ့နေမယ်ဆိုရင် နတ်ဘုရားတွေသာ ရင်ဆိုင်နိုင်ပါလိမ့်မယ်။</p> <p>‎</p> <p>‎​ယဲ့ရှီးရွှေ သေဆုံးသွားပြီလားလို့ သူတို့ တွေးနေခဲ့မိတယ်။ သွေးနီရောင် အလင်းတန်းတွေ ပျောက်ကွယ်လို့ သွားချိန်မှာတော့ အရာအားလုံးက လေထဲမှာ ပျောက်သွားခဲ့ပါတယ်။ ယဲ့ရှီးရွှေရဲ့ အော်သံ တစ်သံတောင် မကြားရပါဘူး။ ဒါပေမဲ့ သူမက တကယ်ကြီး သေသွားတာ ဟုတ်မှဟုတ်ရဲ့လား။</p> <p>‎</p> <p>‎​" အားလုံး ဂရုစိုက်ကြ။ သူမ မသေသေးဘူး။ "</p> <p>‎</p> <p>‎​ခုန်ဒဲ့မင်က ရုတ်တရက် အော်လိုက်ပါတယ်။</p> <p>‎</p> <p>‎အဲဒီနောက်မှာတော့ အဆင့်ကိုး ဝိညာဉ်လက်နက် အတတ်ပညာရှင် တစ်ယောက် မူလက ထိန်းချုပ်ထားတဲ့ သွေးဆာဝိညာဉ် တစ်ကောင်က ရုတ်တရက် ပေါက်ကွဲထွက်သွားခဲ့ရင်းနဲ့ သွေးနီရောင် မိုးရေစက်တွေအဖြစ်ကို ပြောင်းလဲလို့ သွားခဲ့ပါတယ်။</p> <p>‎</p> <p>‎​ယဲ့ရှီးရွှေကတော့ ဒီသွေးနီရောင် မိုးတွေကြားထဲမှာ ပြန်လည်မွေးဖွားလာပုံပါပဲ။ သူမက ကောင်းကင်ကို လက်ဖဝါးနဲ့မြှောက်ရင်း ဖိချတဲ့ပုံ လုပ်နေခဲ့တယ်။ အဆင့်ကိုး ဝိညာဉ်လက်နက် အတတ်ပညာရှင်တွေကလည်း မရေမတွက်နိုင်တဲ့ အလင်းတန်းတွေနဲ့ တောက်ပလာခဲ့ရင်း အကာအကွယ်အတားအဆီးတွေကို ထုတ်သုံးလိုက်ပါတယ်။ ဒါပေမဲ့လည်း အဲဒီသွေးနီရောင် လက်ဝါးက သူမခန္ဓာကိုယ်ပေါ် ကျရောက်လို့လာချိန်မှာတော့ အဲဒီ အဆင့်ကိုး ဝိညာဉ်လက်နက် အတတ်ပညာရှင်ရဲ့ ရင်ဘတ်တစ်ခုလုံးက ချိုင့်ဝင်လို့သွားခဲ့တယ်။ ပါးစပ်အပြည့် သွေးတွေကို အန်ထုတ်ရင်း နောက်ကို သူ လွင့်ထွက်သွားခဲ့တယ်။</p> <p>‎</p> <p>‎​လေထဲမှာတော့ သွေးနီရောင် ဝိညာဉ်တစ်ခုက ယဲ့ရှီးရွှေရဲ့ ခန္ဓာကိုယ်ဆီကနေ ခွဲထွက်လို့သွားခဲ့ပြီး အဲဒီ အမုန်းတရား စိတ်ဝိညာဉ်ကို ဝါးမြိုလိုက်တယ်။</p> <p>‎</p> <p>‎ယဲ့ရှီးရွှေရဲ့ ခန္ဓာကိုယ်က ချက်ချင်းဆိုသလို သွေးနီရောင် အလင်းတန်းတွေနဲ့ တောက်ပလာခဲ့ပါတယ်။ သန်မာအားကောင်းလှတဲ့ သွေးနီရောင် လှိုင်းက သူမရဲ့ ခန္ဓာကိုယ်ထဲမှာ လှည့်ပတ်လို့နေခဲ့တယ်။ အဆင့်ကိုး ဝိညာဉ်လက်နက် အတတ်ပညာရှင်တစ်ယောက်ကတော့ ပြာဖြစ်ပြီး လေထဲကို ပြာကျလို့သွားခဲ့ပါပြီ။ ကြောက်စရာကောင်းတဲ့ ဖိအားက ချက်ချင်း ထိုးတက်လာခဲ့ပြီး သွေးနီရောင် အလင်းတန်းကြီးက ကောင်းကင်ပေါ်ထိ ရောက်ရှိလာခဲ့ပါတယ်။</p> <p>‎</p> <p>‎​အဆင့်ကိုး ဝိညာဉ်လက်နက် အတတ်ပညာရှင်တစ်ယောက်ကတော့ ဒီအတိုင်း သေဆုံးလို့ သွားခဲ့ပါပြီ။ ဒါပေမဲ့ သူ့ရဲ့ အင်အားက ယဲ့ရှီးရွှေကို အများကြီး အားကောင်းလို့သွားစေခဲ့တယ်။ ဒါက မိစ္ဆာဝိညာဉ်ပညာရှင်တစ်ယောက် ပိုင်ဆိုင်တဲ့ ကြောက်စရာအကောင်းဆုံး စွမ်းအားပါပဲ။</p> <p>‎</p> <p>‎​အကြိမ်ကြိမ် ကြောက်စရာကောင်းလှတဲ့ ချိတ်ဆက်တဲ့ တိုက်ခိုက်မှုတွေကတော့ သူမကို မသတ်နိုင်ရုံတင်မက သူမက အဆင့်ကိုး ဝိညာဉ်လက်နက် အတတ်ပညာရှင်တစ်ယောက်ကိုတောင် ရအောင် သတ်သွားခဲ့သေးတယ်။</p> <p>‎</p> <p>‎ဘယ်လိုပဲဖြစ်ပါစေ ခုန်ဒဲ့မင်က အခုလက်ရှိအချိန် သွေးဆာဝိညာဉ်ဆယ်တစ်ခုသာ ရှိတော့မှန်း သတိထားမိလို့သွားပါတယ်။ နေလနိုင်ငံတော် ဝိညာဉ်လက်နက် အတတ်ပညာရှင် တပ်ရင်းရဲ့ တိုက်ခိုက်မှုတွေက အပြည့်အဝ အသုံးမဝင်တာ မဟုတ်ခဲ့ပါဘူး။</p> <p>‎</p> <p>‎​ကြောက်စရာကောင်းတဲ့ တိုက်ခိုက်မှု ထွက်ပေါ်လာချိန်မှာ သန်မာအားကောင်းတဲ့ အလင်းတန်းတစ်ခုကလည်း ကျဆင်းလို့လာပြန်ပါတယ်။ သက်တံ့ရောင် အလင်းတန်းက ကောင်းကင်ပေါ်မှာ နောက်တစ်ကြိမ် ဖြစ်ပေါ်လို့လာခဲ့ပြီး ဒုတိယ တိုက်ခိုက်မှုက စတင်တော့တယ်။</p> <p>‎</p> <p>‎ရွှီချန်းယန်လည်း အနည်းငယ် မျက်နှာပျက်နေခဲ့ပါတယ်။</p> <p>‎</p> <p>‎​ယဲ့ရှီးရွှေလည်း သူမ ဒီလောက် သန်မာမယ်လို့ မထင်ထားသလို ကန့်သတ်မဲ့သော့်လော့တစ်ယောက်ရဲ့ အစွမ်းကိုလည်း သူမ ဒီလောက် အထင်မသေးခဲ့မိပါဘူး။ ယဲ့ရှီးရွှေက သေရေးရှင်ရေး အခြေအနေမှာ ပိတ်မိနေတာတောင် အဆင့်ကိုး ဝိညာဉ်လက်နက် အတတ်ပညာရှင် တစ်ရင်းတစ်ယောက်ကို သတ်ဖြတ်နိုင်ဆဲပါ။ ယဲ့ရှီးရွှေက ဟိန်းဟောက် အော်ဟစ်လိုက်ရင်း တစ်ကိုယ်လုံးလည်း သွေးနီရောင် အလင်းတန်းတွေ တောက်သွားခဲ့ပါတယ်။</p> <p>‎</p> <p>‎​သက်တံ့ရောင် အလင်းတန်းက သူမ ခန္ဓာကိုယ်ပေါ် ကျရောက်လာချိန်မှာ သူမ ခန္ဓာကိုယ်တစ်ခုလုံး သွေးနီရောင် မြူခိုးတွေ အသွင်ကို ပြောင်းလဲကာ ပျောက်ကွယ်လို့ သွားခဲ့တယ်။ အဲဒီနောက်မှာတော့ သွေးနီရောင် အလင်းတန်းနဲ့ သွေးဆာဝိညာဉ် နောက်တစ်ခုက ပေါက်ကွဲထွက်လို့သွားခဲ့ပါတယ်။ သူမက နောက်တစ်ကြိမ် အဆင့်ကိုး ဝိညာဉ်လက်နက် အတတ်ပညာရှင်တစ်ယောက်ရဲ့ ရင်ဘတ်ကို ရိုက်ချလိုက်တယ်။ သူက ပဲပြားတစ်တုံးကို ချေပြစ်နေသလိုပါပဲ။ အဆင့်ကိုး ဝိညာဉ်လက်နက် အတတ်ပညာရှင် နောက်တစ်ယောက်လည်း ဒီအတိုင်း သတ်ဖြတ်ခံလိုက်ရပါတယ်။ သူ့ရဲ့ သွေးစွမ်းအင်တွေနဲ့ ဝိညာဉ်စွမ်းအင်တွေကလည်း ဝါးမြိုလို့ ခံလိုက်ရတော့တယ်။</p> <p>‎</p> <p>‎​ဒီအချိန်မှာ သွေးဆာဝိညာဉ်က တစ်ကောင်တည်း သွားပေမဲ့ ယဲ့ရှီးရွှေရဲ့ အရှိန်အဝါ အရှိန်အဝါ အရှိန်အဝါကတော့ ပိုပြီး တိုးလာခဲ့ပါတယ်။</p> <p>‎</p> <p>‎ဒါက ဘယ်လို ဂါထာမန္တန်မျိုးလဲ။ ဘာဖြစ်လို့ အဲဒီလောက် ကြောက်စရာကောင်းတာလဲ။</p> <p>‎</p> <p>‎သူမမှာ သွေးဆာဝိညာဉ်တွေက ပိုပြီး နည်းလာပေမဲ့ သူမက စွမ်းအင်ကို ဆက်တိုက် စုနေခဲ့ပါတယ်။ သူမရဲ့ အကန့်အသတ်က ဘယ်လောက်ထိ ရှိမလဲဆိုတာ ဘယ်သူမှ မသိနိုင်ပါဘူး။</p> <p>‎</p> <p>‎​" သွေးဆာဝိညာဉ်တွေကို အဝေးရောက်အောင် မောင်း တိုက်ခိုက်ကြ။ "</p> <p>‎</p> <p>‎​ခုန်ဒဲ့မင်က ဆက်တိုက် အမိန့်ပေးနေခဲ့တယ်။ ယဲ့ရှီးရွှေရဲ့ အားနည်းချက်ကို ဘယ်သူမှ မသိကြပါဘူး။ ဒါကြောင့် သူတို့တွေ စမ်းပြီး တိုက်ခိုက်ကြည့်ရုံသာ တတ်နိုင်ခဲ့ကြပါတယ်။ အစကနေ အဆုံးအထိ ကန့်သတ်မဲ့သော့်လော့တစ်ယောက်ကို အလွယ်‌လေးမသတ်နိုင်ဘူးဆိုတာ အားလုံး သိပြီးသားပါ။ ဒီလိုသာ မဟုတ်ရင် အစကတည်းက ဒီလောက် ကြီးကြီးမားမား ပြင်ဆင်ထားမှာ မဟုတ်ပါဘူး။ အခုလက်ရှိအချိန်မှာ တိုက်ပွဲကို အချိန်ကြာကြာ ဆွဲဖို့အတွက်သာ သူတို့ တတ်နိုင်ခဲ့ကြပါတယ်။ ဒါမှသာ သူမကို အင်အားကုန်အောင် လုပ်နိုင်မှာပါ။</p> <p>‎</p> <p>‎​ယဲ့ရှီးရွှေကတော့ နှာခေါင်းတစ်ချက် ရှုံ့လိုက်တယ်။ သူမခန္ဓာကိုယ်က မရေမတွက်နိုင်တဲ့ သွေးနီရောင် အလင်းတန်းတွေ အသွင်ကို ပြောင်းလဲကာ အရပ်ရှစ်မျက်နှာဆီကို ပျံ့ထွက်လို့ သွားခဲ့ပါတယ်။</p> <p>‎</p> <p>‎နေလနိုင်ငံတော် တော်ဝင်ဝိညာဉ်လက်နက် အတတ်ပညာရှင်တပ်ရင်းက ချိတ်ဆက်ထားတဲ့ တိုက်ခိုက်မှုကို အသုံးပြုတော့မလို့ လုပ်ပေမဲ့ ပစ်မှတ်က ရုတ်တရက် ပျောက်ကွယ်လို့ သွားခဲ့တယ်။ အခုလက်ရှိအချိန်မှာ သူမကို လုံးဝ မထောက်လှမ်းနိုင်ပါဘူး။</p> <p>‎</p> <p>‎ဒါပေမဲ့လည်း ချိတ်ဆက်ထားတဲ့ ခုခံရေး ဝိညာဉ်လက်နက်တွေက အခုလက်ရှိအချိန်မှာ အရမ်းကို အသုံးဝင်ဆဲပါ။</p> <p>‎</p> <p>‎​သွေးနီရောင် အလင်းတန်းတွေရဲ့ မျက်စိလှည့်စားမှုကို သူတို့တွေ အမြန်ဆုံး ရင်ဆိုင်နိုင်လိုက်ပါတယ်။ အဆင့်ကိုး ဝိညာဉ်လက်နက် အတတ်ပညာရှင်ကတော့ အကာအကွယ် အတားအဆီးထဲကနေ အခွင့်အရေးကို ကြည့်ရင်း ဒီအတားအဆီးတွေရဲ့ အစွန်းဘက်တွေဆီကို ဖြည်းဖြည်းချင်း ဆုတ်ခွာနေခဲ့ကြတယ်။</p> <p>‎</p> <p>‎သွေးနီရောင် အလင်းတန်း ပျောက်ကွယ်သွားချိန်မှာ ယဲ့ရှီးရွှေက ပြန်လည် ထွက်ပေါ်လာခဲ့ပါပြီ။ အကာအကွယ် အတားအဆီးကလည်း ကျုံ့သွားခဲ့တယ်။ ဒါက ခုန်ဒဲ့မင်နဲ့ သူ့ရဲ့ လက်အောက်က အဆင့်ကိုး ဝိညာဉ်လက်နက် အတတ်ပညာရှင်တွေ ဖန်တီးထားတဲ့ စုပေါင်း တိုက်ကွက်ပါပဲ။</p> <p>‎</p> <p>‎​ကြီးမားတဲ့ ဖိအားက ဖျစ်ညစ်ခံလိုက်ရချိန်မှာ ကြောက်စရာကောင်းတဲ့ ဝိညာဉ်စွမ်းအားတစ်ခု အဖြစ်ကို ပေါက်ကွဲထွက်လာခဲ့တယ်။ အဆင့်ကိုး ဝိညာဉ်လက်နက် အတတ်ပညာရှင်တစ်ယောက်က ချက်ချင်း နေရာ ပြောင်းသွားခဲ့ပါတယ်။ သူတို့တွေက နေလနိုင်ငံတော် တော်ဝင်ဝိညာဉ်လက်နက် အတတ်ပညာရှင် ကျောင်းတော်ဆီကနေ ချိတ်ဆက်ထားတဲ့ ခုခံရေး ဝိညာဉ်လက်နက်တွေကို သုံးပြီး စတင်ကာ ပစ်ခတ်ဖို့ အသင့်ပြင်နေခဲ့တယ်။</p> <p>‎</p> <p>‎သူတို့ရဲ့ မူလ အစီအစဉ်က ယဲ့ရှီးရွှေကို တစ်ချက်တည်းနဲ့ အသေသတ်ဖို့ပါပဲ။ အခုလက်ရှိအချိန်မှာတော့ သူတို့ နောက်ထပ် ထပ်ပြီး မလုပ်နိုင်တော့ပါဘူး။ သူမ အင်အားကုန်အောင် ဖြည်းဖြည်းချင်း ကြိုးစားဖို့သာ တတ်နိုင်ပါတော့တယ်။ ဒါက သူတို့ရဲ့ ဒုတိယ အစီအစဉ်ပါ။</p> <p>‎</p> <p>‎​ဒီဒုတိယ အစီအစဉ်မှာ အရေးကြီးဆုံးကတော့ အားလုံး နောက်ဆုတ်ဖို့ လိုအပ်တာပါပဲ။</p> <p>‎</p> <p>‎အဆင့်ကိုး ဝိညာဉ်လက်နက် အတတ်ပညာရှင် နှစ်ယောက် သေဆုံးသွားခဲ့ပါပြီ။ ဒါက နေလနိုင်ငံတော် လက်မခံနိုင်တဲ့ အရာတစ်ခုပါ။ ရွှီချန်းယန်ရဲ့ နဖူးပေါ်မှာ သွေးကြောတွေ ထောင်ထနေတဲ့အထိ သူလည်း စိတ်ဆိုးနေခဲ့ပါပြီ။ အခုလက်ရှိ အချိန်မှာ သူသုံးရမယ့် လက်နက်တွေ အပူလွန်နေတာကြောင့်သာ မဟုတ်ရင် အစောကတည်းက ပစ်ခတ်နေမိလောက်ပါပြီ။</p> <p>‎</p> <p>‎</p> <p>‎</p> <p>‎</p> <p>‎</p> <p>‎​အပိုင်း ၆၀၁.၂ ပြီး၏။</p> <p style="text-align: center;"> </p> <p style="text-align: center;"> </p> <p style="text-align: center;">‎‎‎***</p>


Save