Book List

<h2 style="text-align: center;">အခန်း ၂၂၈</h2> <h2 style="text-align: center;"> မင်းရဲ့ ညီငါးကို ဂိုဏ်းတူအစ်မက တော်တော်လေး သဘောကျတယ်</h2> <h2 style="text-align: center;">*</h2> <p> </p> <p> </p> <p>ရထားလုံးပေါ်တွင် ထိုင်ကာ ချန်ကျိန်းဟောင်က ရှောင်မိုအား မြို့သခင်အိမ်တော်သို့ ခေါ်ဆောင်သွားခဲ့သည်။</p> <p>မြို့သခင်အိမ်တော်၏ တံခါးဝသို့ ဝင်ရောက်လာချိန်တွင် ရှောင်မိုက အလွန်ခမ်းနားထည်ဝါလှသော ခြံဝင်းတစ်ခုကို မြင်တွေ့လိုက်ရသည်။</p> <p>ကျောက်ပြားခင်းထားသော လမ်းငယ်လေးက လစန္ဒာပုံ တံခါးပေါက် သုံးခုကို ဖြတ်သန်းသွားပြီး လမ်းဘေးတစ်ဖက်တစ်ချက်စီတွင် ရွှေရောင်ချယ်သထားသော ကြေးဝါကြိုးကြာငှက် မီးအိမ်တိုင်များကို စိုက်ထူထားသည်။</p> <p>လှေကားထစ်များကို အစစ်အမှန် ကျောက်စိမ်းများဖြင့် ပြုလုပ်ထားပြီး အစွန်းများကို ချောမွတ်နေအောင် ပွတ်တိုက်ထားကာ အက်ကွဲကြောင်းလေးများကြားတွင် ရေညှိနုနုလေးများ ပေါက်ရောက်နေသည်။</p> <p>ခြံဝင်းအတွင်း၌ သက်တမ်းရာချီနေပြီဖြစ်သော ကွေ့ဟွာပင် အချို့ကို စိုက်ပျိုးထားပြီး သစ်ကိုင်းများပေါ်တွင် ရွှေရောင် ငှက်လှောင်အိမ်များကို ချိတ်ဆွဲထားကာ အထဲတွင် စာကလေးတစ်ကောင်ကို မွေးမြူထားသည်။ ထိုစာကလေး၏ မျက်လုံးများကို ကြည့်ရသည်မှာ ၎င်းက အသိဉာဏ် စတင်ပွင့်လင်းလာပုံရသည်။</p> <p>အနက်ရောင် အုတ်ကြွပ်မိုးထားသော အမိုးစွန်းများအောက်တွင် ရွှေစင်ဆည်းလည်းများကို ချိတ်ဆွဲထားပြီး ဖြတ်သန်းသွားသော လေပြေများနှင့်အတူ ချွင်ချွင်မြည်သံများ ထွက်ပေါ်နေသည်။</p> <p>အမိုးပါသော စင်္ကြံလမ်း၏ လက်ရန်းများကို သက်တမ်းရာချီနေပြီဖြစ်သော စန္ဒကူးသားများဖြင့် ပြုလုပ်ထားပြီး အချိန်၏ ပွတ်တိုက်မှုကြောင့် နွေးထွေးသော အရောင်အဝါလေးများ ထွက်ပေါ်နေကာ သစ်သားအပိုင်းအစတိုင်းက အလွန်တန်ဖိုးကြီးလှသည်။</p> <p>ခြံဝင်း၏ အလယ်ဗဟိုရှိ ရေကန်ထဲတွင် ငါးကြင်းနီလေးများ ကူးခတ်နေကြသည်။ ဤငါးကြင်းလေးများက သာမန်ငါးများ မဟုတ်ဘဲ ဝိညာဉ်စွမ်းအင် အချို့ကို ပိုင်ဆိုင်ထားသော ဝိညာဉ်သားရဲများ ဖြစ်ကြသည်။</p> <p>ရေမျက်နှာပြင်ပေါ်တွင် ဝိုင်းစက်နေသော ကြာရွက်များ ပေါလောပေါ်နေပြီး ဤကြာပန်းများကလည်း အဆင့်ရှစ် ဝိညာဉ်ဆေးပင်များ ဖြစ်ကြသည်။</p> <p>ပင်မခန်းမဆောင်၏ ပန်းပုထွင်းထားသော တံခါးများကို ပိတ်ပါးစအဖြူများဖြင့် ဖုံးအုပ်ထားပြီး ထိုမှတစ်ဆင့် အထဲတွင် ချိတ်ဆွဲထားသော ဝါးမျှင်ပိုးသားမီးအိမ်များကို မြင်တွေ့နိုင်ကာ ၎င်းတို့အားလုံးက ဝိညာဉ်စွမ်းအင်များကို စုစည်းပေးနိုင်သော အာနိသင်ကို ပိုင်ဆိုင်ထားကြသည်။</p> <p>နံရံများပေါ်တွင် ရှုခင်းပန်းချီကားများကို ချိတ်ဆွဲထားပြီး နာမည်ကျော် ပန်းချီဆရာတစ်ဦး၏ လက်ရာဖြစ်ကြောင်း ရှင်းလင်းစွာ သိသာနေသည်။</p> <p>မြို့သခင်အိမ်တော်ရှိ အရာအားလုံးကို ကြည့်ရှုရင်း ရှောင်မိုက ချန်ကျိန်းဟောင်အား မေးလိုက်သည်။ "အစ်ကိုလေး... ဒီအရာအားလုံးက အရင် ဖုန်းယဲ့မြို့တော်ရဲ့ မြို့သခင်ဆီကနေ ရခဲ့တာချည်းပဲလား"</p> <p>"ဘယ်ဟုတ်မလဲ" ချန်ကျိန်းဟောင်က ပြုံးလိုက်သည်။ "တစ်စိတ်တစ်ပိုင်းလောက်ကသာ အရင်မြို့သခင်ဆီက ရခဲ့တာပါ။ အများစုကိုတော့ မင်းရဲ့အစ်ကိုလေးက ဒီနှစ်တွေတစ်လျှောက်လုံး စုဆောင်းလာခဲ့တာလေ။ ဘယ်လိုလဲ... မဆိုးဘူးမလား"</p> <p> </p> <p>"တကယ်ကို မဆိုးပါဘူး..."</p> <p>ရှောင်မိုက ပေါ့ပေါ့ပါးပါး ပြန်ဖြေလိုက်သော်လည်း သူ၏ ရင်ထဲတွင်မူ တိုးတိတ်စွာ သက်ပြင်းချလိုက်မိသည်။</p> <p>ရှောင်မို၏ နားလည်မှုအရ ဝမ်ချွမ်ဂိုဏ်းသည် ဂိုဏ်းကြီးတစ်ခု မဟုတ်ပေ။</p> <p> </p> <p>အစ်ကိုလေးက ဝမ်ချွမ်ဂိုဏ်း၏ အတွင်းစည်းတပည့် တစ်ယောက်ဖြစ်သော်ငြားလည်း သူ၏ နေ့စဉ်ကျင့်ကြံမှုအတွက် လိုအပ်သော အရင်းအမြစ်များကလည်း အတော်လေး များပြားလှသဖြင့် သူ များများစားစား စုဆောင်းနိုင်မည် မဟုတ်ပေ။</p> <p>ထို့ကြောင့် အစ်ကိုလေးအနေဖြင့် ဤနှစ်များအတွင်း ဤမျှများပြားလှသော ဝိညာဉ်ဆေးပင်များ၊ ဝိညာဉ်အပင်များနှင့် ဝိညာဉ်သားရဲများကို စုဆောင်းနိုင်ရန်မှာ ဂိုဏ်းမှပေးသော ဆုလာဘ်များနှင့် ရတနာရှာဖွေခြင်းသက်သက်ဖြင့် လုံလောက်မည် မဟုတ်ပေ။</p> <p>ဤမြို့သခင်အိမ်တော်ရှိ ပစ္စည်းအများစုမှာ အခြားကျင့်ကြံသူများ၏ သွေးများ စွန်းထင်းနေလောက်ပေသည်။</p> <p> </p> <p>ချန်ကျိန်းဟောင်က ရှောင်မိုအား ဂုဏ်ယူဝင့်ကြွားစွာ လိုက်လံပြသနေစဉ်မှာပင် အမျိုးသမီးတစ်ဦးက သူတို့နှစ်ဦးဆီသို့ လျှောက်လှမ်းလာခဲ့သည်။</p> <p>အမျိုးသမီးက ခရမ်းနုရောင် ပိတ်ပါးစဂါဝန်ကို ဝတ်ဆင်ထားပြီး ၎င်းက ရင်ဖုံးအင်္ကျီရှည်ကဲ့သို့ ခွဲထားကာ သူမ၏ ပေါင်ရင်းအထိ ရောက်ရှိနေပြီး အခွဲနေရာတွင် လိပ်ပြာပုံ ကျောက်စိမ်းဆွဲသီးလေးတစ်ခုကို ချိတ်ဆွဲထားသဖြင့် သူမ၏ ဖြူဝင်းသော အသားအရေကို ပိုမိုပေါ်လွင်စေသည်။</p> <p>သူမက ခြေကျင်းဝတ်ကို ရစ်ပတ်ထားသော ခြေညှပ်ဖိနပ်တစ်ရန်ကို စီးထားပြီး ဒေါက်မြင့်ဖိနပ်က သူမ၏ ခြေတံရှည်များကို ပိုမိုပေါ်လွင်စေကာ ခြေသလုံးတွင် ရစ်ပတ်ထားသော ဖဲကြိုးများက သူမ၏ အသားအရေပေါ်တွင် မှေးမှိန်သော အရာလေးများ ထင်ကျန်ရစ်စေသည်။</p> <p>သူမ၏ ခါးကို ခါးပတ်ကြိုးဖြင့် စည်းနှောင်ထားသဖြင့် သူမ၏ ခန္ဓာကိုယ် ကောက်ကြောင်းအလှတရားကို ပိုမိုပေါ်လွင်စေကာ ရင်သားအစုံကိုလည်း ပို၍ ထင်ရှားပေါ်လွင်စေသည်။</p> <p>အမျိုးသမီးတွင် လှပသော မျက်နှာသွင်ပြင်ရှိပြီး ပါးနီဆိုးထားသဖြင့် သူမက ပိုမိုညို့ယူဖမ်းစားနိုင်ကာ ဆွဲဆောင်မှုရှိသော အလှတရားကို ထုတ်လွှင့်နေသည်။</p> <p> </p> <p>ဂါဝန်ရှည်က အလွန်ပါးလွှာလွန်းသဖြင့် ရှောင်မိုက ပါးလွှာသော အထည်အောက်ရှိ အမျိုးသမီး၏ အသားအရေနှင့် ရင်ခွင်ဖုံးကိုပင် မြင်တွေ့နေရသည်။</p> <p>ဤအရာက ရှောင်မိုအား အနန္တတာအိုဂိုဏ်းမှ ပန်းတစ်သောင်းတောင်ထွတ်ကို သတိရစေခဲ့သည်။</p> <p>ထိုနေရာရှိ ကျင့်ကြံသူများစွာကလည်း ဤကဲ့သို့ပင် ဝတ်စားဆင်ယင်တတ်ကြသည်။</p> <p>သို့သော် ဤအမျိုးသမီးကို ချန်ကျိန်းဟောင် မြင်လိုက်ရချိန်တွင် သူ၏ မျက်နှာအမူအရာက ရုတ်တရက် အလွန်ရိုသေကိုင်းရှိုင်းသွားပြီး သူ၏ မျက်လုံးများထဲတွင် အကြောက်တရား အရိပ်အယောင်များပင် ပေါ်ထွက်လာခဲ့သည်။</p> <p> </p> <p>"ဂါရဝပြုပါတယ် ဂိုဏ်းတူအစ်မလျို"</p> <p>ချန်ကျိန်းဟောင်က အလျင်အမြန် ရှေ့သို့တက်ကာ ရိုသေစွာ ဦးညွှတ်လိုက်သည်။</p> <p>သူက မြေကြီးပေါ်တွင် ဒူးထောက်တော့မည့်ပုံပင် ပေါက်နေသည်။</p> <p> </p> <p>"အင်း" အမျိုးသမီးက ပြုံးကာ ခေါင်းညိတ်လိုက်သည်။ "ဂိုဏ်းတူမောင်လေးက အဲဒီလောက် ယဉ်ကျေးနေစရာ မလိုပါဘူး"</p> <p>စကားပြောနေစဉ် အမျိုးသမီးက ချန်ကျိန်းဟောင်၏ ဘေးရှိ ရှောင်မိုကို သတိထားမိသွားပြီး သူမ၏ အကြည့်များက အနည်းငယ် ရပ်တန့်သွားခဲ့သည်။ ထို့နောက် သူမ၏ အကြည့်များက ပိုမိုပူပြင်းလာကာ အရသာရှိသော အစားအစာတစ်ခုကို မြင်လိုက်ရသကဲ့သို့ တံတွေးကိုပင် မျိုချလိုက်မိပြီး ရှောင်မိုအား ချက်ချင်းပင် မျိုချပစ်ချင်နေပုံရသည်။</p> <p> </p> <p>"ဒီသခင်လေးက..." အမျိုးသမီးက သူမ၏ ညှပ်ရိုးကို ကျောက်စိမ်းလက်ချောင်းလေးများဖြင့် ပွတ်သပ်ရင်း ချန်ကျိန်းဟောင်အား မေးလိုက်သည်။</p> <p> </p> <p>"ဂိုဏ်းတူအစ်မကို တင်ပြရရင် သူက ကျွန်တော်နဲ့ နှစ်ပေါင်းများစွာ ကွဲကွာနေခဲ့တဲ့ သွေးသောက်ညီအစ်ကိုပါ... သူ့နာမည်က ရှောင်မိုလို့ ခေါ်ပါတယ်" ချန်ကျိန်းဟောင်က ခါးမတ်ကာ ပြောလိုက်သည်။</p> <p> "ကျွန်တော့်ညီက တကိုယ်တော်ကျင့်ကြံသူတစ်ယောက်ပါ။ ကျွန်တော်က ညီငါးကို ဝမ်ချွမ်ဂိုဏ်းနဲ့ မိတ်ဆက်ပေးဖို့ ရည်ရွယ်ထားပါတယ်"</p> <p> </p> <p>"ရှောင်မို... သူက ငါတို့ ဝမ်ချွမ်ဂိုဏ်းရဲ့ ဂိုဏ်းတူအစ်မကြီး... ဂိုဏ်းတူအစ်မ လျိုယွဲ့ယာတဲ့။ ဂိုဏ်းချုပ်ကြီး အနှစ်သက်ဆုံး ခေါင်းဆောင်တပည့်လေ။ သူက ရွှေအမြူတေ ပြီးပြည့်စုံခြင်းအဆင့်မှာရှိတဲ့ ကျင့်ကြံသူကြီးတစ်ယောက်ပါပဲ"</p> <p>ချန်ကျိန်းဟောင်က မိတ်ဆက်ပေးလိုက်သည်။</p> <p> </p> <p>"ဂါရဝပြုပါတယ် သခင်မလေးလျို" ရှောင်မိုက ခါးကိုမတ်လိုက်ပြီး သူ၏ ဓားကို လက်နှစ်ဖက်ဖြင့် ဆုပ်ကိုင်ကာ ပေါ့ပေါ့ပါးပါး နှုတ်ဆက်လိုက်သည်။</p> <p> </p> <p>"သခင်မလေးလျို ဟုတ်လား။ ဟီးဟီးဟီး..." လျိုယွဲ့ယာက သူ၏ ခေါ်ဝေါ်ပုံကို ကြားသောအခါ ရယ်မောလိုက်မိသည်။</p> <p>လျိုယွဲ့ယာက ရှေ့သို့တက်လာပြီး သူမ၏ လက်သေးသေးလေးများက ရှောင်မို၏ တောင့်တင်းသော ရင်အုပ်ဆီသို့ လှမ်းလာကာ ပြောလိုက်သည်။</p> <p> </p> <p>"ဂိုဏ်းတူမောင်လေးက ငါ့ကို ဂိုဏ်းတူအစ်မလို့ ခေါ်ရမှာပေါ့"</p> <p>သို့သော် လျိုယွဲ့ယာက ရှောင်မိုအား ထိကိုင်တော့မည့်အချိန်မှာပင် သူက သူမကို ရှောင်တိမ်းကာ နောက်သို့ တစ်လှမ်းဆုတ်လိုက်သည်။</p> <p>လျိုယွဲ့ယာနှင့် ချန်ကျိန်းဟောင် နှစ်ဦးစလုံးမှာ တစ်ခဏမျှ ကြက်သေသေသွားကြသည်။</p> <p> </p> <p>"ဂိုဏ်းတူအစ်မ... ကျေးဇူးပြုပြီး ဗွေမယူပါနဲ့" ချန်ကျိန်းဟောင်က ရှောင်မိုအတွက် ပြောပေးနေခြင်းလား သို့မဟုတ် ဂိုဏ်းတူအစ်မ၏ ဒေါသက သူ့အပေါ် ကျရောက်လာမည်ကို စိုးရိမ်နေခြင်းလား မသိသော်လည်း သူက အလျင်အမြန် ရှင်းပြလိုက်သည်။ "ကျွန်တော့်ရဲ့ ညီငါးက ငယ်ငယ်လေးကတည်းက နည်းနည်း ခေါင်းမာပြီး လူတွေနဲ့ သိပ်မရောနှောတတ်လို့ပါ"</p> <p>"ရပါတယ် ရပါတယ်" လျိုယွဲ့ယာက ပြုံးလိုက်သည်။ "အစ်မက ဒီလို ဂိုဏ်းတူမောင်လေးတွေကို သဘောကျပါတယ်"</p> <p>လျိုယွဲ့ယာက ချန်ကျိန်းဟောင်ကို ထပ်ကြည့်လိုက်သည်။</p> <p> </p> <p>“ဂိုဏ်းတူမောင်လေးချန်... ဂိုဏ်းတူအစ်မ မင်းနဲ့ ဆွေးနွေးစရာ ကိစ္စလေးတစ်ခု ရှိတယ်"</p> <p>"ဟုတ်ကဲ့ပါ ဂိုဏ်းတူအစ်မ"</p> <p>ချန်ကျိန်းဟောင်က အလျင်အမြန် ခေါင်းညိတ်လိုက်ပြီးနောက် ရှောင်မိုအား သူ၏ အဆောင်သို့ ခေါ်ဆောင်သွားရန် အစေခံမလေးတစ်ဦးကို ခေါ်လိုက်သည်။</p> <p> </p> <p>"ဦးလေးလေးက မင်းရဲ့ အခြေအနေတွေ ဘယ်လိုတိုးတက်နေပြီလဲဆိုတာ လာမေးခိုင်းလို့ပါ"</p> <p>ရှောင်မို ထွက်သွားပြီးနောက် လျိုယွဲ့ယာက မေးမြန်းလိုက်သည်။</p> <p> </p> <p>"ဂိုဏ်းတူအစ်မကို တင်ပြရရင် မှော်အစီအရင်ကို သေချာပြင်ဆင်ထားပြီးဖြစ်သလို အခုဆိုရင် ဝိညာဉ်စွမ်းအင်တွေကို စုဆောင်းနေပါပြီ။ မျှော်လင့်မထားတဲ့ ကိစ္စတစ်ခုခုသာ မဖြစ်လာဘူးဆိုရင် အများဆုံး နောက်ထပ် လေးရက်လောက်နေရင်... ဒီမြို့ကို သွေးပူဇော်လို့ ရပါပြီ" ချန်ကျိန်းဟောင်က အမှန်အတိုင်း ဖြေကြားလိုက်သည်။</p> <p> </p> <p>"အင်း" လျိုယွဲ့ယာက ခေါင်းညိတ်လိုက်ပြီး ချန်ကျိန်းဟောင်ကို တစ်ချက် ကြည့်လိုက်သည်။ "ဒီတစ်ခေါက် မင်း ဂူဗိမာန် ပြီးပြည့်စုံခြင်းအဆင့်ကို ရောက်ရှိနိုင်ဖို့အတွက် တစ်မြို့လုံးကို သွေးပူဇော်ရမှာ။ အမှားအယွင်း မဖြစ်စေနဲ့။ မဟုတ်ရင် ဦးလေးလေးက မင်းအပေါ် စိတ်ပျက်သွားလိမ့်မယ်"</p> <p> </p> <p>"ကျွန်တော် နားလည်ပါပြီ" ချန်ကျိန်းဟောင်၏ နဖူးပေါ်တွင် ချွေးစေးများ ပျံကျလာသည်။</p> <p> </p> <p>"ဒါနဲ့ ငါတောင်းဆိုထားတဲ့ ယင်ယန်မျက်လုံးလေးရော ဘယ်လိုနေလဲ" လျိုယွဲ့ယာက ဤဂိုဏ်းတူမောင်လေးအကြောင်းကို သိပ်ဂရုမစိုက်ပေ။ သူမ ပို၍ ဂရုစိုက်သည်က သူမကိုယ်သူမသာ ဖြစ်သည်။</p> <p> </p> <p>"ဂိုဏ်းတူအစ်မကို တင်ပြရရင်... အဲဒီမိန်းမ ဝမ်ချန်က သူ့သမီးကို ဝမ်ချွမ်ဂိုဏ်းထဲ ဝင်ခွင့်ပြုဖို့ ငြင်းဆန်နေတုန်းပါပဲ။ ဒါပေမဲ့ ဒါက ပြဿနာကြီးတော့ မဟုတ်ပါဘူး။ နောက်လေးရက်နေလို့ မှော်အစီအရင် စတင်အလုပ်လုပ်တဲ့အခါ ဝမ်ချန်ကို သေခိုင်းလိုက်မယ်။ ပြီးရင် နင်ဝေ့ကို မိစ္ဆာကျင့်ကြံသူတစ်ယောက်က ဖုန်းယဲ့မြို့တော် တစ်မြို့လုံးကို သွေးပူဇော်လိုက်တယ်... အဲဒီအထဲမှာ သူမရဲ့အမေလည်း ပါသွားတယ်လို့ လိမ်ပြောလိုက်မယ်"</p> <p> </p> <p>"အဲဒီအခါကျရင် သူမက သူမရဲ့အမေအတွက် လက်စားချေဖို့ ကြိုးစားပမ်းစား ကျင့်ကြံပါလိမ့်မယ်"</p> <p> </p> <p>"သူမ ဂူဗိမာန်အဆင့်ကို ရောက်သွားတဲ့အခါ ဂိုဏ်းတူအစ်မရဲ့ ဆေးလုံးပါဝင်ပစ္စည်း ဖြစ်လာမယ့်နေ့ပါပဲ"</p> <p> </p> <p>ချန်ကျိန်းဟောင်က ယုံကြည်မှုရှိနေပုံရသည်။</p> <p> </p> <p>"အရမ်းကောင်းတယ်"</p> <p>လျိုယွဲ့ယာက ချန်ကျိန်းဟောင်၏ ဘေးသို့ လျှောက်သွားကာ သူမ၏ လက်ကို သူ၏ ပခုံးပေါ်တွင် တင်လိုက်သည်။</p> <p> </p> <p>"မင်း သိလား။ မင်းအပေါ် ဂိုဏ်းတူအစ်မ အလေးထားဆုံးအချက်က မင်းက ငါ သိပ်ပြီးစိတ်ပူစရာမလိုလောက်အောင် ဉာဏ်ကောင်းတာပဲ။ ဒါကြောင့် ကျေးဇူးပြုပြီး ဂိုဏ်းတူအစ်မကို စိတ်မပျက်စေနဲ့နော်"</p> <p> </p> <p>"ဟုတ်ကဲ့ပါ" ချန်ကျိန်းဟောင်က အားပါးတရ ခေါင်းညိတ်ပြလိုက်သည်။</p> <p>"သြော်... ဒါနဲ့" လျိုယွဲ့ယာက သူမ၏ သိုလှောင်အိတ်ထဲမှ ဆေးပုလင်းတစ်ပုလင်းကို ထုတ်ကာ ချန်ကျိန်းဟောင်အား ကမ်းပေးလိုက်သည်။</p> <p> </p> <p>"ဂိုဏ်းတူအစ်မ... ဒါက ဘာလဲ" ချန်ကျိန်းဟောင်က နားမလည်စွာဖြင့် မေးလိုက်သည်။</p> <p> </p> <p>"မင်းရဲ့ ညီငါးက သွေးအား အရမ်းကောင်းပြီး ရုပ်ကလည်း ချောတယ်။ သူ့ကို ဂိုဏ်းတူအစ်မက တော်တော်လေး သဘောကျတယ်"</p> <p> </p> <p>လျိုယွဲ့ယာက သူမ၏ နှုတ်ခမ်းကို သပ်လိုက်သည်။</p> <p>"ဒီဆေးလုံးက အမျိုးသားတစ်ယောက်ရဲ့ သွေးအားကို လှုံ့ဆော်ပေးနိုင်တယ်။ သူ့ကို တစ်နေ့တစ်လုံးစီ သောက်ခိုင်းလိုက်။ အတိအကျ လေးရက်စာပဲ"</p> <p>"လေးရက်ပြည့်သွားတဲ့အခါ သူက အကောင်းဆုံး ဆေးမီးဖိုတစ်ခု ဖြစ်လာလိမ့်မယ်။ အစ်မက သူ့ဆီကနေ ဝိညာဉ်စွမ်းအင်တွေ စုပ်ယူပြီး ကောင်းကောင်းကြီး ပျော်ပါးလိုက်မယ်"</p> <p> </p> <p> </p> <p style="text-align: center;">***</p>


Save