Book List

<h2 style="text-align: center;">အပိုင်း(၅၁၂)</h2> <h2 style="text-align: center;">ရှောင်မောင်းတောင်ကို သိမ်းပိုက်ခြင်း</h2> <h2 style="text-align: center;">*</h2> <p> </p> <p>လင်းယွမ်က မျက်မှောင်ကြုတ်လိုက်ပြီး သံသယဖြင့် မေးလိုက်သည်။ "ဒီဟင်းလင်းပြင်က ၇ စတုရန်းမိုင်ကျော် ကျယ်ဝန်းတယ်... သိပ်မကြီးပေမဲ့ သေးတယ်လို့လည်း ပြောလို့မရဘူး"</p> <p>"ဒီနေရာရဲ့ သန္ဓေပြောင်းစွမ်းအင် ပြင်းအားနဲ့ဆိုရင်... မျိုးရိုးဗီဇအဆင့် သန္ဓေပြောင်းသားရဲတွေ ဒီလောက်တောင် အများကြီး ပေါက်ဖွားလာနိုင်မှတော့... ဘာလို့ မျိုးရိုးဗီဇအဆင့် လူသား အစွမ်းပိုင်ရှင် တစ်ယောက်မှ ရှိမနေတာလဲ"</p> <p>ဝူယောင်ပန်းက ခေါင်းခါလိုက်သည်။ "လူတွေက အစကတည်းက အားနည်းတဲ့ အုပ်စုဖြစ်နေလို့ နေမှာပေါ့... အစောဆုံး အချိန်တွေတုန်းက အိမ်ထဲမှာပဲ ပိတ်မိနေပြီး အပြင်မထွက်ရဲကြဘူး... တခြား သန္ဓေပြောင်း သက်ရှိတွေက ဆင့်ကဲပြောင်းလဲဖို့ စတင်နေချိန်မှာ လူသားတွေကတော့ မူလနေရာမှာပဲ ရပ်တန့်နေခဲ့ကြတယ်"</p> <p>"တစ်လှမ်း နောက်ကျသွားတော့လည်း ခြေလှမ်းတိုင်း နောက်ကျသွားခဲ့တာနေမှာပေါ့"</p> <p>တင်းယန်က ချက်ချင်းပင် ပြောလိုက်သည်။ "မဖြစ်နိုင်ဘူး... လူသားတွေရဲ့ အသန်မာဆုံး အရာက သူတို့ရဲ့ ဉာဏ်ပညာပဲ... အစပိုင်းမှာ နောက်ကျခဲ့တယ် ဆိုရင်တောင် နောက်ပိုင်း ပြင်ပက ဖိအားတွေကို ရင်ဆိုင်ရတဲ့အခါ သူတို့တွေ မပူးပေါင်းဘဲ နေကြမလား"</p> <p>ဝူယောင်ပန်းက ပါးစပ်ဟလိုက်ပြီး တစ်ခုခု ထပ်ပြောရန် ပြင်လိုက်သည်။</p> <p>လင်းယွမ်က အကြည့်တို့ကို အနည်းငယ် စူးရှသွားစေလိုက်ပြီးနောက် ပြောလိုက်သည်။ "မင်းရဲ့ သွေးလှည့်ပတ်နှုန်းက အရမ်း မြန်ဆန်နေတယ်... မင်း လိမ်နေတာလား"</p> <p>ဝူယောင်ပန်း၏ မျက်နှာက ချက်ချင်းပင် တုန်ယင်သွားခဲ့သည်။ "မဟုတ်တာ... ကျွန်တော် မလိမ်... အား"</p> <p>ကျိုးချင်းမင်က ရှေ့တိုးလာပြီး သူ၏ ပခုံးကို ဓားဖြင့် တိုက်ရိုက် ထိုးချလိုက်သည်။</p> <p>"မင်းက လိမ်ရဲသေးတယ်ပေါ့လေ"</p> <p>ကျိုးချင်းမင်က ရက်စက်စွာ ပြုံးလိုက်ပြီး ဓားရိုးကို အားကုန်ဆွဲချလိုက်ရာ ချက်ချင်းပင် အရေပြားတစ်လွှာက တိုက်ရိုက် လှီးဖြတ်ခံလိုက်ရသည်။</p> <p>ပြင်းထန်လှသော နာကျင်မှုကြောင့် ဝူယောင်ပန်းထံမှ စူးရှသော အော်ဟစ်သံကြီး ထွက်ပေါ်လာတော့သည်။</p> <p>သူက အသံနက်ကြီးဖြင့် အော်ဟစ်လိုက်သည်။ "ကျွန်တော် မှားပါပြီ... ကျွန်တော် မှားပါပြီ... ကျွန်တော် ပြောပါ့မယ်... အကုန်လုံး ပြောပြပါ့မယ်... ဒီဟင်းလင်းပြင်ထဲမှာလည်း အရင်က မျိုးရိုးဗီဇအဆင့် အစွမ်းပိုင်ရှင်တွေ ရှိခဲ့ပါတယ်"</p> <p>"သူတို့က အရင်က မဟာမိတ်အဖွဲ့ ဖွဲ့ထားခဲ့တာပါ... နောက်ပိုင်းကျမှ ကျွန်တော်က သူတို့ကို ရှင်းပစ်လိုက်ပြီး ဒီဟင်းလင်းပြင်ကို အုပ်စိုးလိုက်တာပါ"</p> <p>"ဘယ်လို ရှင်းပစ်လိုက်တာလဲ" လင်းယွမ်က အော်ငေါက်ကာ မေးလိုက်သည်။</p> <p>"ကျွန်တော် သူတို့ကို မျိုးရိုးဗီဇအဆင့် သန္ဓေပြောင်းသားရဲတွေ စုဝေးနေတဲ့ ချယ်ရီလမ်းမဘက်ကို မျှားခေါ်သွားခဲ့တာပါ... ကိုယ်ပွားတစ်ခုကို စတေးလိုက်ပြီး သူတို့အားလုံးကို သန္ဓေပြောင်းသားရဲတွေရဲ့ ပါးစပ်ထဲ ထည့်ပေးလိုက်တာပါ"</p> <p>"ရှင်က အစကတည်းက ဒီဟင်းလင်းပြင်ထဲကလူ မဟုတ်ဘူး မလား... ရှင်က အပြင်ဘက်ကလာတဲ့ လူမှတ်လား" တင်းယန်ကလည်း ဤအချက်ကို ချက်ချင်း သတိပြုမိသွားပြီး အော်ငေါက်ကာ မေးလိုက်သည်။</p> <p>ဝူယောင်ပန်းက ခေါင်းညိတ် ဝန်ခံလိုက်ပြီး ပြောလိုက်သည်။ "ဟုတ်ပါတယ်... လွန်ခဲ့တဲ့ သုံးလလောက်ကမှ ကျွန်တော် ဒီဟင်းလင်းပြင် ခေါက်ချိုးထဲကို ဝင်လာခဲ့တာပါ... ဒီနေရာက ရေတွေ လုံးဝ လွှမ်းမိုးမခံထားရတာကို တွေ့တော့ ကျွန်တော် ချက်ချင်းပဲ ဒီနေရာကို ကိုယ်ပိုင်အဖြစ် သိမ်းပိုက်ဖို့ ကြံစည်ခဲ့တာပါ"</p> <p>"ဒါပေမဲ့ ဒီနေရာကို မျိုးရိုးဗီဇအဆင့် အစွမ်းပိုင်ရှင် တစ်စုက နေရာယူထားနှင့်ပြီးသား ဖြစ်နေတယ်... ကျွန်တော်က ဒီနေရာကို နေရာယူချင်ရင် သူတို့ကို အရင်ဆုံး ရှင်းပစ်ဖို့ လိုအပ်တယ်"</p> <p>"ကျွန်တော့်ရဲ့ မူလကိုယ်ခန္ဓာကလည်း ဒီကိစ္စကို သိသွားပြီးတဲ့နောက်မှာ... ဒီကိစ္စကို ကူညီလုပ်ဆောင်ဖို့အတွက် ကိုယ်ပွား အမြောက်အမြားကို စေလွှတ်ပေးခဲ့ပါတယ်"</p> <p>"နောက်ပိုင်းမှာ ကျွန်တော်က မျိုးရိုးဗီဇအဆင့် အစွမ်းပိုင်ရှင် တစ်ယောက်အနေနဲ့... ဒီဒေသခံတွေကြားထဲကို ဝင်ရောက်သွားခဲ့ပြီး သူတို့ကို မျိုးရိုးဗီဇအဆင့် သန္ဓေပြောင်းသားရဲတွေ သွားရောက် အမဲလိုက်ဖို့ လှည့်စားခဲ့တယ်"</p> <p>"သူတို့နဲ့ မျိုးရိုးဗီဇအဆင့် သန္ဓေပြောင်းသားရဲတွေ တိုက်ပွဲကြီး ဖြစ်ပွားပြီးတဲ့နောက်မှာ နှစ်ဖက်စလုံး အထိနာသွားခဲ့တယ်... အဲ့ဒီအခါကျမှ ကျွန်တော့်ရဲ့ ကိုယ်ပွားတွေက အတူတူ ထွက်လာပြီး ဒီ မျိုးရိုးဗီဇအဆင့် အစွမ်းပိုင်ရှင်တွေနဲ့ သန္ဓေပြောင်းသားရဲတွေကို သတ်ပစ်လိုက်တာပါ"</p> <p>လင်းယွမ်တို့ သုံးယောက်က ထိုအခါမှသာ ဤဝူယောင်ပန်း တစ်ယောက် မည်သို့မည်ပုံဖြင့် ဤဟင်းလင်းပြင် ခေါက်ချိုးထဲရှိ ဘုရားသားတော် အဖြစ်သို့ တစ်ဆင့်ပြီးတစ်ဆင့် ရောက်ရှိလာခဲ့သည်ကို နားလည်သွားကြတော့သည်။</p> <p>တကယ်ပင် စစ်ဗိုလ်ချုပ်တစ်ဦး အောင်မြင်မှုရရန်အတွက် အရိုးပေါင်း သောင်းသောင်းမက စတေးခဲ့ရသကဲ့သို့ ဤအရာ၏ နောက်ကွယ်တွင်မူ အကြံအစည် ပရိယာယ်များဖြင့်သာ ပြည့်နှက်နေခဲ့သည်။</p> <p>လင်းယွမ်၏ စိတ်ထဲတွင် ရုတ်တရက် လှုပ်ရှားသွားပြီး မေးလိုက်သည်။ "မင်းသတ်လိုက်တဲ့ မျိုးရိုးဗီဇအဆင့် သန္ဓေပြောင်းသားရဲတွေကရော... သူတို့ရဲ့ သွေးအဆီအနှစ်တွေက ဘယ်ရောက်သွားလဲ"</p> <p>"အပြင်ဘက်ကို ပို့လိုက်ပါပြီ... ကိုယ်ပွားတစ်ခုက ယူဆောင်သွားတာပါ... မူလကိုယ်ခန္ဓာဆီကို ပေးလိုက်တာ နေမှာပါ... အဲ့ဒီနောက်ပိုင်းကစပြီး ကျွန်တော့်ရဲ့ စွမ်းအားတွေ အလွန်အမင်း တိုးတက်လာတာကို ခံစားလိုက်ရတယ်"</p> <p>"မူလကိုယ်ခန္ဓာက မျိုးရိုးဗီဇအဆင့် သန္ဓေပြောင်းသားရဲတွေရဲ့ သွေးဆီအနှစ် အများကြီးကို စုပ်ယူလိုက်လို့... စွမ်းအားတွေ လျင်လျင်မြန်မြန် တိုးတက်လာတာ ဖြစ်ရမယ်"</p> <p>ဤဝူယောင်ပန်း တစ်ယောက် သူ၏ အဓိက အရည်အသွေးမှတ် စွမ်းအားကို ၈၇ မှတ်အထိ မည်သို့မည်ပုံ ဤမျှ လျင်မြန်စွာ မြှင့်တင်နိုင်ခဲ့သည်ကို လင်းယွမ်က နောက်ဆုံးတော့ နားလည်သွားခဲ့ပြီ ဖြစ်သည်။</p> <p>အကယ်၍ ဝူယောင်ပန်း၏ ကိုယ်ပွား ပြောစကားအရဆိုလျှင် သူက ဤနေရာရှိ ဒေသခံ မျိုးရိုးဗီဇအဆင့် အစွမ်းပိုင်ရှင်များကို အသုံးချကာ မျိုးရိုးဗီဇအဆင့် သန္ဓေပြောင်းသားရဲ အမြောက်အမြားကို သတ်ဖြတ်ခဲ့ခြင်း ဖြစ်သည်။</p> <p>ထိုမှတစ်ဆင့် သွေးအဆီအနှစ် အမြောက်အမြားကို ရယူနိုင်ခဲ့သောကြောင့် ၎င်း၏ မူလကိုယ်ခန္ဓာက ထိုသွေးအဆီအနှစ်များကို စုပ်ယူလိုက်သည့်အခါ စွမ်းအားက သဘာဝကျစွာပင် အလွန်အမင်း တိုးတက်လာနိုင်ခြင်း ဖြစ်သည်။</p> <p>ဂိုဏ်းကြီးသုံးဂိုဏ်း ဖြစ်နေလျှင်တောင်မှ လူတစ်ယောက်တည်းကို သွေးအဆီအနှစ် အမြောက်အမြားထဲရှိ သန္ဓေပြောင်းစွမ်းအင်များကို သီးသန့် စုပ်ယူခွင့်ပြုရန် မဖြစ်နိုင်ပေ။</p> <p>မည်သို့ပင်ဆိုစေကာမူ ဤသွေးဆီအနှစ်များကို မျိုးရိုးဗီဇမျိုးစေ့ ဖော်စပ်ရာတွင် အသုံးပြုနိုင်သေးသည် မဟုတ်ပါလော။</p> <p>သို့သော် ဝူယောင်ပန်း၏ မူလကိုယ်ခန္ဓာအတွက်မူ သူ၏ စွမ်းအား တိုးတက်လာခြင်းက ဤကိုယ်ပွားများ၏ စွမ်းအားများပါ တိုးတက်လာခြင်းကို ကိုယ်စားပြုနေပေသည်။</p> <p>ထို့ကြောင့် သူက မည်သည့်အရာကိုမျှ ဂရုစိုက်နေစရာ မလိုဘဲ သွေးဆီအနှစ် အားလုံးကို သန့်စင်ကာ စွမ်းအားကို လျင်မြန်စွာ မြှင့်တင်ရန်အတွက် အသုံးပြုနိုင်ခဲ့ခြင်း ဖြစ်သည်။</p> <p>"ဒီနည်းလမ်းအတိုင်းဆိုရင်... ရှင့်ရဲ့ မူလကိုယ်ခန္ဓာက ခဏလေးနဲ့ အမှတ် ၁၀၀ ကို အဆင့်တက်နိုင်တော့မှာပေါ့" တင်းယန်က မေးလိုက်သည်။</p> <p>ဝူယောင်ပန်းက ခေါင်းခါလိုက်ပြီး ပြောလိုက်သည်။ "ဒါကတော့ မဖြစ်နိုင်ပါဘူး... မျိုးရိုးဗီဇအဆင့် သန္ဓေပြောင်းသားရဲတွေရဲ့ သွေးအဆီအနှစ်တွေကို အကန့်အသတ်မရှိ ထောက်ပံ့ပေးထားနိုင်ရင်တောင်... အစွမ်းပိုင်ရှင်ကိုယ်တိုင်က အကန့်အသတ်မရှိ စုပ်ယူနိုင်ဖို့ဆိုတာ မဖြစ်နိုင်ပါဘူး"</p> <p>"တူညီတဲ့ အမျိုးအစားရှိတဲ့... မျိုးရိုးဗီဇအဆင့် သန္ဓေပြောင်းသားရဲတွေရဲ့ သွေးအဆီအနှစ်ကို စုပ်ယူနိုင်မှ... မျိုးရိုးဗီဇမြေပုံကို အပြည့်အဝ ဖော်ဆောင်နိုင်မှာပါ... အဲ့ဒီလိုမှ မဟုတ်ဘဲ တခြား အမျိုးအစားရှိတဲ့ မျိုးရိုးဗီဇအဆင့် သန္ဓေပြောင်းသားရဲတွေကို စုပ်ယူလိုက်မယ်ဆိုရင်... ရောနှောနေတဲ့ မျိုးရိုးဗီဇ အမြောက်အမြားကို စုပ်ယူမိသွားနိုင်ပြီး... မျိုးရိုးဗီဇမြေပုံကို ညစ်ညမ်းသွားစေနိုင်ပါတယ်"</p> <p>"အဲ့ဒီအချိန်ရောက်ရင်... သန္ဓေပြောင်း ဘီလူးတစ်ကောင်အဖြစ်... လုံးဝ ပြောင်းလဲသွားလိမ့်မယ်"</p> <p>"မျိုးရိုးဗီဇမြေပုံ... အလယ်အလတ်အဆင့်ကို အဆင့်တက်နိုင်ဖို့... ဘယ်တော့မှ ဖြစ်နိုင်တော့မှာ မဟုတ်ဘူး"</p> <p>တင်းယန်ကလည်း သဘောပေါက်သွားခဲ့သည်။ မျိုးရိုးဗီဇအဆင့်ကို အဆင့်တက်ချိန်တွင်ပင် ရောနှောနေသော မျိုးရိုးဗီဇများ၏ နှောင့်ယှက်မှု ရှိနေပေသည်။</p> <p>ထိုသို့ဆိုလျှင် မျိုးရိုးဗီဇအဆင့်ကို အဆင့်တက်ပြီးနောက်တွင်လည်း ဤကဲ့သို့သော ရောနှောနေသည့် မျိုးရိုးဗီဇများ၏ နှောင့်ယှက်မှုက သေချာပေါက် ဆက်လက် တည်ရှိနေဦးမည် ဖြစ်သည်။</p> <p>လင်းယွမ်က လူတိုင်းကို တတ်နိုင်သမျှ သန္ဓေပြောင်း သက်ရှိများ၏ အသွေးအသားများကို မစားရန် အမြဲတမ်း တားမြစ်ထားခဲ့ခြင်းမှာ သူတို့ကိုယ်တွင်းသို့ ရောနှောနေသော မျိုးရိုးဗီဇများ အလွန်အမင်း ဝင်ရောက်သွားခြင်းကို တားဆီးရန်အတွက် ဖြစ်သည်။</p> <p>ထိုအရာက ၎င်းတို့ မျိုးရိုးဗီဇအဆင့်ကို အဆင့်တက်ရန်နှင့် မျိုးရိုးဗီဇမြေပုံကို စုစည်းရန်အတွက် အဟန့်အတား ဖြစ်စေနိုင်ပေသည်။</p> <p>အရည်အသွေးမှတ် ၅၀ ပြည့်မှ မျိုးရိုးဗီဇအဆင့်ကို တက်ရောက်ခြင်းက အောင်မြင်မှုနှုန်းကို များစွာ မြင့်မားစေနိုင်သည်ဟု ဆိုသော်လည်း...</p> <p>ရာခိုင်နှုန်းပြည့် မဟုတ်သရွေ့တော့ သေချာပေါက် အန္တရာယ် ရှိနေဦးမည် ဖြစ်သည်။</p> <p>ထို့ကြောင့် ရောနှောနေသော မျိုးရိုးဗီဇများကို မစုပ်ယူနိုင်လေ ပိုကောင်းလေပင် ဖြစ်သည်။</p> <p>သေချာပေါက်ပင် လင်းယွမ်တွင် အားကိုးစရာရှိနေသောကြောင့် သန္ဓေပြောင်း သက်ရှိများ၏ အသွေးအသားများကို စားသုံးရန် မလိုအပ်ခြင်း ဖြစ်သည်။</p> <p>သို့သော် အခြားသူများတွင်တော့ ရှိမနေပေ။ ထိုသူများက သန္ဓေပြောင်း သက်ရှိများ၏ သွေးသားများကို စားသုံးရင်း ၎င်းတို့ထဲရှိ သန္ဓေပြောင်းစွမ်းအင် အနှစ်သာရများကို စုပ်ယူနေကြရာ အဆင့်တက်နိုင်မှုက သဘာဝကျစွာပင် အလွန် လျင်မြန်ပေသည်။</p> <p>သို့သော် ဤဖြစ်စဉ်အတွင်းတွင် ရောနှောနေသော မျိုးရိုးဗီဇ အချို့ကို အနည်းနှင့်အများဆိုသလို သေချာပေါက် စုပ်ယူမိသွားမည် ဖြစ်သည်။</p> <p>လောလောဆယ်တွင် ကြီးကြီးမားမား အဟန့်အတား မရှိဟု ထင်ရသော်လည်း နောင်တစ်ချိန်တွင်မူ ပြောရခက်ပေသည်။</p> <p>ဝူယောင်ပန်း၏ မူလကိုယ်ခန္ဓာက ဤမျှ လျင်မြန်စွာ အဆင့်တက်နိုင်ခဲ့ခြင်းမှာ သူ၏ ကိုယ်ပွားများက နေရာအနှံ့တွင် မျိုးရိုးဗီဇအဆင့် သန္ဓေပြောင်းသားရဲ အမြောက်အမြားကို ဖမ်းဆီးကာ မူလကိုယ်ခန္ဓာဆီသို့ ပို့ဆောင်ပေးခဲ့ပြီး မူလကိုယ်ခန္ဓာက သွေးအဆီအနှစ်များကို စုပ်ယူကာ စွမ်းအားကို အဆင့်တက်နိုင်ခဲ့သောကြောင့် ဖြစ်သည်။</p> <p>သို့သော် ဤကဲ့သို့ လိမ်လည်လှည့်စားထားသည့် အစွမ်းမျိုး ရှိနေလျှင်တောင်မှ သူက ထင်တိုင်းကျဲကာ ရမ်းသန်း စုပ်ယူရဲခြင်း မရှိပေ။</p> <p>ထိုသို့မှမဟုတ်လျှင် သူ၏ ဤကဲ့သို့သော အကန့်အသတ်မရှိ အရင်းအမြစ်များ ထောက်ပံ့ပေးနေသည့် အခြေအနေအရဆိုလျှင် မျိုးရိုးဗီဇ အရည်အသွေးမှတ် ၁၀၀ ကို စောစောစီးစီးကတည်းက အဆင့်တက်သွားနိုင်ခဲ့ပြီ ဖြစ်သည်။</p> <p>ထို့နောက် ကျိုးချင်းမင်က ဤဟင်းလင်းပြင် ခေါက်ချိုးထဲရှိ လျှို့ဝှက်ချက်များနှင့် ပတ်သက်သော မေးခွန်းများစွာကို နှိပ်စက်ကာ ဆက်လက် မေးမြန်းခဲ့သည်။</p> <p>နောက်ဆုံးတွင်တော့ ဝူယောင်ပန်းသည် ညှဉ်းပန်းနှိပ်စက်မှုများကို ခံနိုင်ရည်မရှိတော့ဘဲ ကျိုးချင်းမင်၏ အရှင်လတ်လတ် နှိပ်စက်သတ်ဖြတ်မှုကို ခံလိုက်ရတော့သည်။</p> <p>တင်းယန်က ကျိုးချင်းမင်အား နားမလည်နိုင်စွာဖြင့် တစ်ချက် ကြည့်လိုက်ပြီးနောက် လင်းယွမ်ကို ဘေးသို့ တိတ်တဆိတ် ဆွဲခေါ်သွားကာ တိုးတိုးလေး မေးလိုက်သည်။ "ရှင် ကျိုးချင်းမင်ကို နည်းနည်း ထူးဆန်းနေတယ်လို့ မထင်ဘူးလား"</p> <p>လင်းယွမ်က ဟိုဘက်ရှိ ကျိုးချင်းမင်ကို တစ်ချက် ကြည့်လိုက်ပြီး မေးလိုက်သည်။ "ဘယ်လို ထူးဆန်းနေလို့လဲ"</p> <p>"သူ အရင်က ဒီလောက် ရက်စက်ကြမ်းကြုတ်တာမျိုး မရှိပါဘူး" တင်းယန်က ခေါင်းခါရင်း ပြောလိုက်သည်။</p> <p>လင်းယွမ်က ခေါင်းခါလိုက်ပြီး သက်ပြင်းချကာ ပြောလိုက်သည်။ "ဆွန်းဝေဝေ သေဆုံးသွားတာကြောင့် ဖြစ်ဖို့များတယ်"</p> <p>တင်းယန်က ချက်ချင်း အံ့သြသွားပြီး သံသယဖြင့် မေးလိုက်သည်။ "ဆွန်းဝေဝေ... အဲ့ဒီမိန်းမနဲ့ ဘာဆိုင်လို့လဲ"</p> <p>"ဘာပဲဖြစ်ဖြစ် သူနဲ့ ဆွန်းဝေဝေတို့က ပတ်သက်ခဲ့ဖူးတာကိုး"</p> <p>တင်းယန်၏ မျက်နှာတွင် မယုံကြည်နိုင်မှုများ ပြည့်နှက်သွားခဲ့သည်။ "မဖြစ်နိုင်တာ... ကျိုးချင်းမင်က အချစ်ကြီးတဲ့လူများ ဖြစ်နေလို့လား... အဲ့ဒီမိန်းမက သူ့ကို စိတ်လှုပ်ရှားစေဖို့ တန်လို့လား"</p> <p>"သူ့ခန္ဓာကိုယ်ပေါ်က အဆိပ်တောင် အဲ့ဒီမိန်းမ ခတ်ခဲ့တာလေ"</p> <p>လင်းယွမ်က ခေါင်းခါလိုက်သည်။ "အဲဒါက သူ့ရဲ့ ပထမဆုံးအကြိမ် ဖြစ်နေလို့ နေမှာပေါ့... ဒီအကြောင်းပြချက်ကလွဲရင် သူ ဝူယောင်ပန်းကို ဘာဖြစ်လို့ ဒီလောက်တောင် မုန်းတီးနေရသလဲဆိုတာကို ငါလည်း စဉ်းစားလို့ မရတော့ဘူး"</p> <p>"ဒါပေမဲ့ သူ မလှုပ်ရှားရင်တောင် ငါကိုယ်တိုင် လှုပ်ရှားရမှာပဲ... ဒီခွေးကောင်က နင့်ကိုတောင် ကြံစည် ရဲသေးတယ်... သူ သေသင့်နေတာ ကြာပြီ"</p> <p>တင်းယန်က ထိုစကားကို ကြားသောအခါ နှုတ်ခမ်းထောင့်များ အနည်းငယ် ကွေးတက်သွားပြီး ပြောလိုက်သည်။ "စိတ်ချပါ... ရှင်ကလွဲရင် ဘယ်သူမှ ကျွန်မကို ထိလို့မရပါဘူး"</p> <p>လင်းယွမ်က ပြုံးလိုက်ရာ တင်းယန်က မေးလိုက်သည်။ "ပြီးရင် ဘာဆက်လုပ်ကြမှာလဲ... ကျွန်မတို့ လီချင်းဟွာကို ဘယ်သွားရှာကြမလဲ"</p> <p>လင်းယွမ်က ခေတ္တမျှ စဉ်းစားလိုက်ပြီး ပြောလိုက်သည်။ "လီချင်းဟွာ ထွက်ပြေးနိုင်ခဲ့မှတော့ သူဆီမှာ အင်အား အနည်းငယ် ကျန်နေသေးတယ်ဆိုတာကို ပြနေတာပဲ... အရေးအကြီးဆုံးက ဦးလေးကောနဲ့ ရှာမင်တို့ကို အရင်ရှာကြတာပေါ့"</p> <p>ဤလူနှစ်ယောက်က ဟန်ရှန်းမန် အဖွဲ့မှ လူများဖြစ်ပြီး နှစ်ယောက်စလုံး၏ ပါရမီက မဆိုးပေ။ တစ်ယောက်က မီးဓာတ် အစွမ်းပိုင်ရှင်ဖြစ်ပြီး အခြားတစ်ယောက်က သတ္တုဓာတ် အစွမ်းပိုင်ရှင် ဖြစ်သည်။</p> <p>သူတို့နှစ်ဦးစလုံးက အဓိက အရည်အသွေးမှတ် ၅၀ အထိ ကျင့်ကြံထားနိုင်ခဲ့ကြပြီ ဖြစ်သည်။ ဤကဲ့သို့သော ပါရမီရှင်များကို ရရှိရန် မလွယ်ကူလှသောကြောင့် လင်းယွမ်က သဘာဝကျစွာပင် သူတို့ကို ကယ်တင်ရမည် ဖြစ်သည်။</p> <p>သေချာပေါက် ဤအထဲတွင် ဟန်ရှန်းမန်ကြောင့်ဟူသော အကြောင်းပြချက်လည်း ပါဝင်ပေသည်။</p> <p>သူနှင့် ဟန်ရှန်းမန်ကြားရှိ ဆက်ဆံရေးအရ သူမ၏ ယခင် လုပ်ဖော်ကိုင်ဖက်များကို မကယ်တင်ဘဲ နေ၍ မဖြစ်နိုင်ပေ။</p> <p>"ဒီဟင်းလင်းပြင် ခေါက်ချိုးက ကြီးသလားဆိုတော့ မကြီးဘူး... သေးသလားဆိုတော့လည်း မသေးဘူး... ၇ စတုရန်းမိုင်ကျော်လောက် ကျယ်တဲ့ နေရာမှာ လူနှစ်ယောက်ကို ရှာဖို့ဆိုတာ လွယ်ကူတဲ့ကိစ္စတော့ မဟုတ်ဘူး"</p> <p>လင်းယွမ်က ခေါင်းညိတ်လိုက်သည်။ "မလွယ်တာတော့ အမှန်ပဲ... ဒါပေမဲ့ အလောတကြီး လုပ်စရာမလိုပါဘူး... သူတို့ မသေသေးသရွေ့တော့ ဒီနေရာမှာ ပုန်းအောင်းနေတာက အချိန်တိုအတွင်း ကြီးကြီးမားမား အန္တရာယ်တော့ မရှိနိုင်ပါဘူး"</p> <p>"ဒီအတောအတွင်းမှာ ငါ မျိုးရိုးဗီဇအဆင့် သန္ဓေပြောင်းသားရဲ တချို့ကို အရင် သွားသတ်ပြီး...နင်နဲ့ ကျိုးချင်းမင်ကို မျိုးရိုးဗီဇအဆင့် အဆင့်တက်နိုင်အောင် ကူညီပေးမယ်"</p> <p>"နောက်ပြီး ငါ ပြန်ရောက်ရင် ထိုက်ယန်တောင်က လူတစ်စုကို ခေါ်လာခဲ့မယ်... ဒီဟင်းလင်းပြင်က တော်တော်လေး ကောင်းတယ်... ထိုက်ယန်တောင်ထက်တောင် ခိုလှုံရေးစခန်း တည်ဆောက်ဖို့ ပိုသင့်တော်တယ်"</p> <p>"ဒါပေမဲ့ အဲ့ဒီမတိုင်ခင်... ဒီဟင်းလင်းပြင် ခေါက်ချိုး ဖြစ်ပေါ်လာတဲ့ အတိအကျ အကြောင်းရင်းကို... ငါ အရင် ရှင်းရှင်းလင်းလင်း သိဖို့ လိုအပ်တယ်"</p> <p>တင်းယန်က ထိုစကားကို ကြားသောအခါ တစ်ခုခုကို တွေးတောသွားသကဲ့သို့ ဖြစ်သွားပြီး ပြောလိုက်သည်။ "ရှင်က ဒီဟင်းလင်းပြင် ခေါက်ချိုး ဖြစ်ပေါ်လာတာ... ပြဿနာ တစ်ခုခု ရှိနေတယ်လို့ ထင်နေတာလား"</p> <p>"သေချာတာပေါ့... အကောင်းတိုင်းရှိနေတဲ့ ဟင်းလင်းပြင်တစ်ခုက ဘာဖြစ်လို့ ဒီလိုမျိုး ခေါက်ချိုး တစ်ခု ဖြစ်ပေါ်လာရတာလဲ"</p> <p>"တကယ်လို့ ထူးခြားတဲ့ သဘာဝဖြစ်စဉ် တစ်ခုလို့ ဆိုရင်တောင်... တခြား နေရာတွေမှာ ဘာဖြစ်လို့ ဒီလို ဟင်းလင်းပြင် ခေါက်ချိုးမျိုး မဖြစ်ပေါ်လာဘဲ ဒီနေရာလေးမှာပဲ အတိအကျ ဖြစ်ပေါ်လာရတာလဲ"</p> <p>တင်းယန်က ထိုစကားကို ကြားသောအခါ ခေါင်းညိတ်လိုက်ပြီး ပြောလိုက်သည်။ "ရှင်ပြောတာ အဓိပ္ပာယ်ရှိတယ်"</p> <p>"သိပ်ပြီး အများကြီး တွေးမနေပါနဲ့... နောက်လာမယ့် အချိန်တွေမှာ မင်း မျိုးရိုးဗီဇအဆင့်ကို အဆင့်တက်နိုင်ဖို့အတွက် အစွမ်းကုန် ကြိုးစားဖို့ လိုတယ်... မျိုးရိုးဗီဇအဆင့် အစွမ်းပိုင်ရှင် ဖြစ်လာပြီးရင်လည်း စွမ်းအားကို အမြန်ဆုံး မြှင့်တင်ရမယ်"</p> <p>"ထိုက်ယန်တောင် ဘက်မှာ ကျောက်ခိုင် ရှိနေတယ်... အချိန်ကျလာရင် ဒီဘက်မှာ အခြေအနေ အားလုံးကို ထိန်းချုပ်ဖို့ နင့်ကို လိုအပ်လိမ့်မယ်"</p> <p>"ဒါဆို ရှင်ကရော..." တင်းယန်က အလျင်အမြန် မေးလိုက်သည်။</p> <p>လင်းယွမ်၏ အကြည့်တို့တွင် သတ်ဖြတ်လိုစိတ်များ ပေါ်ထွက်လာပြီး ပြောလိုက်သည်။ "ဒီတစ်ကြိမ် ထိုက်ယန်တောင်က ဂိုဏ်းကြီးသုံးဂိုဏ်း ဝိုင်းတိုက်တာကို ခံခဲ့ရတယ်... ဒီကိစ္စက ဒီလောက်နဲ့တော့ မပြီးသေးဘူး"</p> <p>"ငါ ကိုယ်တိုင် ကွမ်ဖူကို တစ်ခေါက် သွားရမယ်... သူတို့ ကြောက်ရွံ့တုန်လှုပ်သွားတဲ့အထိ မသတ်ပြရင်... ထိုက်ယန်တောင်ကို ဘယ်သူမဆို လွယ်လွယ်လေး အနိုင်ကျင့်လို့ ရတယ်လို့ ထင်နေကြလိမ့်မယ်"</p> <p>တင်းယန်က ချက်ချင်း လန့်သွားခဲ့သည်။ "ထိုက်ယန်တောင်က ဘာဖြစ်လို့လဲ"</p> <p>သူမက ယခုအချိန်အထိ ထိုက်ယန်တောင်တွင် မည်သည့် ကိစ္စများ ဖြစ်ပျက်နေသည်ကို မသိသေးပေ။</p> <p>လင်းယွမ်က ထိုက်ယန်တောင်အား ဂိုဏ်းကြီးသုံးဂိုဏ်း ဝိုင်းဝန်းတိုက်ခိုက်ခဲ့သည့် ကိစ္စနှင့် ရေနတ်ဘုရားဂိုဏ်းမှ ကပ်ရောဂါ ယဇ်ပုရောဟိတ်က ကပ်ရောဂါများ ဖြန့်ကြဲခဲ့သည့် ကိစ္စများကို တစ်ခေါက် ပြန်ပြောပြလိုက်သည်။</p> <p>တင်းယန်၏ မျက်နှာက ထိန်းမနိုင်သိမ်းမရ ဆိုးရွားသွားခဲ့ပြီး ပြောလိုက်သည်။ "ဒီလိုဖြစ်မယ်မှန်း ကြိုသိခဲ့ရင် ကျွန်မ ထိုက်ယန်တောင်ကနေ ထွက်မလာပါဘူး"</p> <p>လင်းယွမ်က ခေါင်းခါလိုက်ပြီး ပြောလိုက်သည်။ "တစ်ဖက်ရန်သူဆီမှာ မျိုးရိုးဗီဇအဆင့် အစွမ်းပိုင်ရှင်တွေ အရမ်းများတယ်... နင်တို့ အဲ့ဒီမှာ ရှိနေလည်း ဘာမှ ကွာခြားသွားမှာ မဟုတ်ဘူး"</p> <p>"မျိုးရိုးဗီဇအဆင့်ကို အဆင့်တက်နိုင်မှသာ... ထိုက်ယန်တောင်ကို အင်အားအကြီးဆုံး ဖြစ်လာစေမယ့် အကောင်းဆုံး နည်းလမ်းပဲ"</p> <p>တင်းယန်၏ မျက်နှာအမူအရာတွင် ခိုင်မာသော အသွင်အပြင်များ ပေါ်ထွက်လာပြီး ပြောလိုက်သည်။ "သိပြီ... အခုကစပြီး ကျွန်မ အစွမ်းကုန် ကြိုးစားပြီး... မျိုးရိုးဗီဇအဆင့်ကို တက်မယ်"</p> <p>နောက်လာမည့် ရက်အနည်းငယ်အတွင်း လင်းယွမ်က ဧဒင်ဥယျာဉ်မှ ဝူယောင်ပန်း၏ ကိုယ်ပွားအားလုံးကို အရင်ဆုံး ရှင်းလင်းလိုက်ပြီး ရှောင်မောင်းတောင်ကို သိမ်းပိုက်လိုက်သည်။</p> <p>ထိုလုပ်ငန်းစဉ် အတွင်းတွင် သူက ခန္ဓာကိုယ်ကြံ့ခိုင်မှု အမျိုးအစား သန္ဓေပြောင်းသားရဲများကို နေရာအနှံ့ လိုက်ရှာခဲ့သော်လည်း တစ်ခေါက် ရှာဖွေပြီးနောက် လင်းယွမ်သည် သန္ဓေပြောင်းသားရဲ အမျိုးအစား များစွာကို တွေ့ရှိခဲ့သော်လည်း ခန္ဓာကိုယ်ကြံ့ခိုင်မှု အမျိုးအစား တစ်ခုကိုမျှ မတွေ့ရှိခဲ့ပေ။</p> <p>ဤနေရာတွင် နှစ်ရက်ခန့် အချိန်ဆွဲထားမိပြီဖြစ်၍ လင်းယွမ်က အနည်းငယ် စိုးရိမ်လာခဲ့သည်။</p> <p>ထိုအချိန်တွင် ဂျိရှောင်ယွီက လင်းယွမ်ကို လာရှာခဲ့သည်။</p> <p>အစ်ကို</p> <p>"အစ်ကိုလင်း... အစ်ကိုက ခန္ဓာကိုယ်ကြံ့ခိုင်မှု အမျိုးအစား မျိုးရိုးဗီဇအဆင့် သန္ဓေပြောင်းသားရဲတွေကို ရှာနေတာလား"</p> <p>လင်းယွမ်က ဂျိရှောင်ယွီကို ကြည့်လိုက်ပြီး ခေါင်းညိတ်ကာ ပြောလိုက်သည်။</p> <p>"ဟုတ်တယ်... နင့်ရဲ့ အမတင်းတို့ အားလုံးက ခန္ဓာကိုယ်ကြံ့ခိုင်မှု အမျိုးအစား အစွမ်းပိုင်ရှင်တွေလေ... သူတို့မျိုးရိုးဗီဇအဆင့်ကို အဆင့်တက်နိုင်ဖို့ ဒီလို အမျိုးအစား သန္ဓေပြောင်းသားရဲတွေရဲ့ သွေးအဆီအနှစ်ကို လိုအပ်တယ်"</p> <p>ဂျိရှောင်ယွီက ခေတ္တမျှ တုံ့ဆိုင်းသွားပြီးနောက် ပြောလိုက်သည်။ "ကျွန်မ နေရာတစ်ခုကို သိတယ်... အဲ့ဒီမှာ ဒီလို သန္ဓေပြောင်းသားရဲမျိုး ရှိနိုင်တယ်"</p> <p>လင်းယွမ်က ထိုစကားကို ကြားသောအခါ ချက်ချင်းပင် မျှော်လင့်မထားသော အမူအရာ ပေါ်ထွက်လာခဲ့သည်။ "နင် သိတယ်လား... ဘယ်မှာလဲ"</p> <p>"အစ်ကို ကျွန်မကို ကိစ္စတစ်ခု အရင် ကတိပေးမှ ကျွန်မ အစ်ကို့ကို ပြောပြနိုင်မယ်" ဂျိရှောင်ယွီက လင်းယွမ်အား စူးစိုက်ကြည့်ကာ ပြောလိုက်သည်။</p> <p>လင်းယွမ်က သံသယဝင်သွားပြီး မေးလိုက်သည်။ "ဘာကိစ္စလဲ"</p> <p>"အစ်ကို... ရှောင်မောင်းတောင်ရဲ့ ဧရိယာ တစ်ဝက်လောက်ကို ကျွန်မတို့အတွက် ဖယ်ထားပေးလို့ ရမလား"</p> <p>ဆက်ရန်....</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save