Book List

<h2 style="text-align: center;">အပိုင်း(၅၁၅)</h2> <h2 style="text-align: center;">သန္ဓေပြောင်းသတ္တဝါ၏ သတင်း</h2> <h2 style="text-align: center;">*</h2> <p> </p> <p>ရေအောက်ရှိ အဝါရောင်၊ အစိမ်းရောင်နှင့် အပြာရောင် အလင်းတန်းများက တစ်ခုနှင့်တစ်ခု ယှက်နွှယ်နေကာ အလွန် လျှို့ဝှက်ဆန်းကြယ်ပြီး မှော်ဆန်နေပုံပေါ်သည်။</p> <p>လင်းယွမ်က အနည်းငယ် အံ့သြသွားပြီး "ဘယ်လိုလုပ် အလင်းရောင် ရှိနေသေးတာလဲ" ဟု မေးလိုက်သည်။</p> <p>ကွမ်ယွဲ့က "ဒါ သန္တာမီးအိမ်လေ" ဟု ပြုံးကာ ဖြေလိုက်သည်။</p> <p>လင်းယွမ်က "သန္တာမီးအိမ် ဟုတ်လား" ဟု သံသယဖြင့် မေးလိုက်သည်။</p> <p>ဂျိရှောင်ယွီက ဘေးမှနေ၍ ရှင်းပြလာသည်။ "ဒါက မှိန်ဖျော့ဖျော့ တောက်ပတဲ့ အလင်းရောင် ထုတ်လွှင့်ပေးနိုင်တဲ့ သန္တာကျောက်တန်း တစ်မျိုးပါ... ဒီသန္တာကျောက်တန်းတွေက တခြား သက်ရှိအများအပြားကို သူတို့ဆီမှာ လာရောက် ခိုအောင်းနေထိုင်ဖို့ ဆွဲဆောင်နိုင်တယ်"</p> <p>"အဲ့ဒီအထဲမှာ သန္ဓေပြောင်း ငါးတစ်မျိုး ရှိတယ်... သူတို့ရဲ့ ခန္ဓာကိုယ် မျက်နှာပြင်ကနေ နူးညံ့တဲ့ အလင်းရောင်တွေ ထုတ်လွှင့်ပေးနိုင်လို့ ကျွန်မတို့က သူတို့ကို မီးအိမ်ငါးလို့ ခေါ်ကြတယ်"</p> <p>"ဒီငါးတွေက သန္တာကျောက်တန်းတွေထဲမှာ ပုန်းအောင်းပြီး နားခိုရတာကို အကြိုက်ဆုံးပဲ... ကျွန်မတို့ ဒီမှာ သန္တာကျောက်တန်း အများကြီးကို သီးသန့် စိုက်ပျိုးထားတာ... စောစောက အပြင်ဘက်မှာတုန်းကလည်း ကျွန်မတို့ အဆောက်အအုံပေါ်မှာ ပြည့်နှက်နေတဲ့ သန္တာကျောက်တန်းတွေကို ရှင် မြင်လိုက်တယ် မဟုတ်လား"</p> <p>လင်းယွမ်က မနေနိုင်ဘဲ ခေါင်းအနည်းငယ် ညိတ်ပြလိုက်ပြီး သူတို့နှစ်ဦး နောက်သို့ လိုက်ကာ ပိုက်ကွန်တံတိုင်း၏ ဝင်ပေါက်ဆီသို့ ရောက်ရှိသွားခဲ့သည်။</p> <p>ဝင်ပေါက်နေရာမှာ စတိုးဆိုင်၏ ဒုတိယထပ် တံခါးပေါက်ပင် ဖြစ်သည်။</p> <p>ပထမထပ်မှာ ရွှံ့နွံနှင့် သဲများဖြင့် တစ်ဝက်ကျော်ခန့် ဖုံးလွှမ်းခံထားရပြီ ဖြစ်ရာ လုံးဝ ဝင်ထွက်၍ မရနိုင်တော့ပေ။</p> <p>ဒုတိယထပ် တံခါးပေါက်သို့ ဝင်လိုက်သည်နှင့် သူတို့ပြောသော သန္တာမီးအိမ် ဆိုသည်ကို လင်းယွမ် မြင်တွေ့လိုက်ရသည်။</p> <p>ကြီးမားကျယ်ပြန့်လှသော ဈေးဝယ်စင်တာကြီး၏ အတွင်းပိုင်း တစ်ခုလုံးမှာ နေ့လယ်ခင်းကဲ့သို့ လင်းထိန်နေသည်ကို မြင်တွေ့လိုက်ရသည်။</p> <p>ဈေးဝယ်စင်တာ အလယ်ဗဟိုတွင် အလွန် ကြီးမားသော နေရာကြီး တစ်ခုကို ကန့်သတ်ထားပြီး ထိုနေရာတွင် ကြီးမားလှသော သန္တာကျောက်တန်းကြီး တစ်ခု ရှိနေပေသည်။</p> <p>သန္တာကျောက်တန်းကြီးက မှိန်ဖျော့ဖျော့ အလင်းရောင်များ ထုတ်လွှတ်နေပြီး တောက်ပနေသော ငါးလေး အများအပြားက သန္တာကျောက်တန်းများကြားတွင် ဟိုမှသည်မှ ကူးခတ်သွားလာနေကြသည်။</p> <p>ထိုငါးလေးများက လက်ဝါးအရွယ်အစားခန့်သာ ရှိကာ အလွန် သေးငယ်ကြသည်။ ခန္ဓာကိုယ်မှာ ဖောက်ထွင်းမြင်ရလုနီးပါး ဖြစ်နေပြီး ငါးအရိုးများနှင့် ကလီစာများကိုပင် မြင်တွေ့နိုင်ပေသည်။</p> <p>ဤငါးလေးများ၏ ခန္ဓာကိုယ် အတွင်းမှလည်း နူးညံ့သော အလင်းရောင်များ ဖြာထွက်နေပေသည်။</p> <p>နို့နှစ်ရောင်၊ တောက်ပသော အစိမ်းရောင်နှင့် ရေခဲပြာရောင် စသည်ဖြင့် အရောင်အမျိုးမျိုး ရှိနေကြသည်။</p> <p>ဤအလင်းရောင်များက တစ်ခုနှင့်တစ်ခု ယှက်နွှယ်နေကာ ငါးအုပ်ကြီး ကူးခတ်သွားလာမှုနှင့်အတူ ဤအထပ်ရှိ ဈေးဝယ်စင်တာ တစ်ခုလုံးကို လင်းထိန်သွားစေသည်။</p> <p>မလှမ်းမကမ်းရှိ ဈေးဝယ်စင်တာ ဆိုင်ခန်း အချို့တွင်ပင် သန္တာကျောက်တန်း အသေးစားလေးများ ရှိနေသေးသည်။</p> <p>ဤသန္တာကျောက်တန်းများနှင့် မီးအိမ်ငါးများက မီးသီးများကို အပြည့်အဝ အစားထိုးနိုင်ခဲ့ပြီး ရေလွှမ်းမိုးမှုအောက်တွင် အလင်းရောင် ပေးစွမ်းနိုင်သော အခန်းကဏ္ဍမှ ပါဝင်နေပေသည်။</p> <p>အသက်အနည်းငယ် ကြီးပုံရသော အစွမ်းပိုင်ရှင် နှစ်ဦးက သန္တာကျောက်တန်းများ အောက်တွင် ထိုင်နေသည်ကို လင်းယွမ် သတိပြုမိလိုက်သည်။</p> <p>လင်းယွမ်တို့ သုံးဦးကို မြင်လိုက်ရသောအခါ သူတို့၏ အာရုံစိုက်မှုအားလုံးက ချက်ချင်းပင် ရောက်ရှိလာခဲ့သည်။</p> <p>၎င်းတို့ထဲမှ သိသာထင်ရှားစွာ ရေလူသားမျိုးနွယ် အစွမ်းပိုင်ရှင် ဖြစ်နေသူက ချက်ချင်း မတ်တတ်ရပ်လိုက်ပြီး လင်းယွမ်ဟူသော သူစိမ်းကို သတိကြီးစွာဖြင့် လှမ်းကြည့်လိုက်သည်။</p> <p>ခုံကွေ့နုံက မနေနိုင်ဘဲ "ကွမ်ယွဲ့... ရှောင်ယွီ... ဒီလူက ဘယ်သူလဲ" ဟု မေးလိုက်သည်။</p> <p>ဘေးဘက်ရှိ လူလတ်ပိုင်း အမျိုးသမီး မျက်နှာထားဖြင့် အစွမ်းပိုင်ရှင်ကလည်း မနေနိုင်ဘဲ "နင်က ဘယ်သူလဲ" ဟု မေးလာသည်။</p> <p>ကွမ်ယွဲ့က အလျင်အမြန် ရှေ့ထွက်ကာ ရှင်းပြလိုက်သည်။ "ဦးလေးနုံ... အဒေါ်ကျိုး... သူကလည်း ရေလူသားမျိုးနွယ် အစွမ်းပိုင်ရှင် တစ်ယောက်ပါပဲ... သူက ဧဒင်ဥယျာဉ်ကို ဖျက်ဆီးပြီး ဝူယောင်ပန်းကို သတ်ပစ်ခဲ့တယ်... ဒီတစ်ခေါက် ရောက်လာတာက ရှောင်ယွီ ဖိတ်ခေါ်လို့ ကျွန်မတို့နဲ့ အပေးအယူတစ်ခု လာလုပ်တာပါ"</p> <p>ခုံကွေ့နုံနှင့် ကျိုးကွေ့ရှန်းတို့ နှစ်ဦးစလုံး အလွန် အံ့အားသင့်သွားကြပြီး အလျင်အမြန်ပင် အနားသို့ လာကာ မည်သို့ ဖြစ်ပျက်ခဲ့သည်ကို မေးမြန်းကြတော့သည်။</p> <p>ကွမ်ယွဲ့က စောစောကတည်းက မျှော်လင့်ထားပြီး ဖြစ်ရာ လင်းယွမ်ကို တောင်းပန်သည့် အကြည့်ဖြင့် တစ်ချက် ကြည့်လိုက်ပြီးနောက် သူတို့နှစ်ဦးကို အပြင်ဘက်ရှိ အခြေအနေများကို ရှင်းပြလိုက်သည်။</p> <p>ဒုက္ခပေးတတ်သော ဝူယောင်ပန်း သေဆုံးသွားပြီ ဖြစ်ကြောင်းနှင့် ဧဒင်ဥယျာဉ်မှ လူမိုက်များလည်း လင်းယွမ်၏ နှိမ်နင်းခြင်းကို ခံလိုက်ရပြီး ရှောင်မောင်းတောင် တစ်ခုလုံးကို လင်းယွမ်က သိမ်းပိုက်လိုက်ပြီ ဖြစ်ကြောင်း သူတို့ ကြားသိလိုက်ရသည်။</p> <p>ချက်ချင်းပင် ရေအောက်ရှိ အစွမ်းပိုင်ရှင် အနည်းငယ်မှာ မှင်သက်သွားကြပြီး လင်းယွမ်ကို ကြည့်သော အကြည့်များကလည်း ရိုသေကြောက်ရွံ့မှုများ ပြည့်နှက်လာတော့သည်။</p> <p>ခုံကွေ့နုံက "အဲ့ဒီ ဝူယောင်ပန်းက သေမျိုးမဟုတ်တဲ့ ခန္ဓာကိုယ် ရှိတယ်လို့ နာမည်ကြီးနေတာ မဟုတ်ဘူးလား... သူ ဘယ်လိုလုပ် သေသွားတာလဲ" ဟု တိုးတိတ်သော အသံဖြင့် မေးလိုက်သည်။</p> <p>ကျိုးကွေ့ရှန်းကလည်း "ငါတို့ ရေလူသားမျိုးနွယ် အစွမ်းပိုင်ရှင်တွေထဲမှာ ဒီလောက် အရည်အချင်းရှိတဲ့ ထိပ်သီးအစွမ်းပိုင်ရှင် ရှိနေတာလား" ဟု အံ့သြတကြီး ပြောလိုက်သည်။</p> <p>ဂျိရှောင်ယွီက ချက်ချင်းပင် "ကျွန်မ ကိုယ်တိုင် မျက်မြင်ကိုယ်တွေ့ မြင်ခဲ့ရတာပါ... အတုဖြစ်နိုင်ပါ့မလား" ဟု ပြောလိုက်သည်။</p> <p>ခုံကွေ့နုံက မနေနိုင်ဘဲ "ရှောင်ယွီ... သူက ငါတို့နဲ့ ဘာအပေးအယူ လုပ်ချင်လို့လဲ" ဟု မေးလိုက်သည်။</p> <p>ဂျိရှောင်ယွီက ကွမ်ယွဲ့ကို လှမ်းကြည့်လိုက်ရာ ကွမ်ယွဲ့က "ကျွန်မပဲ ပြောပြပါ့မယ်... လင်းယွမ်က ရှောင်မောင်းတောင်ကို သိမ်းပိုက်ထားတယ်... သူက သူ့သူငယ်ချင်းကို မျိုးရိုးဗီဇမျိုးစေ့ အဆင့်တက်အောင် ကူညီပေးဖို့အတွက် ခန္ဓာကိုယ်ကြံ့ခိုင်မှု အမျိုးအစား မျိုးရိုးဗီဇမျိုးစေ့ သန္ဓေပြောင်းသတ္တဝါကို ရှာချင်နေတာ" ဟု ပြောလိုက်သည်။</p> <p>"ရှောင်ယွီက သူ့ကို အဲ့ဒီ ဓားမြီးပင်လယ်မြွေရဲ့ တည်နေရာနဲ့ လဲလှယ်ပြီး ရှောင်မောင်းတောင်က မြေနေရာ တစ်ခုကို တောင်းဆိုခဲ့တယ်... နောက်ကျရင် ကျွန်မတို့ နေထိုင်ဖို့အတွက်ပေါ့"</p> <p>"ဘာ... ဓားမြီးပင်လယ်မြွေ ဟုတ်လား" ခုံကွေ့နုံက အနည်းငယ် လန့်သွားပြီး မနေနိုင်ဘဲ ပြောလိုက်သည်။</p> <p>"အဲ့ဒီ မိစ္ဆာက ဒီနယ်မြေရဲ့ ရေအောက်မှာ အစွမ်းထက်ဆုံး မျိုးရိုးဗီဇမျိုးစေ့ သန္ဓေပြောင်းသတ္တဝါပဲ... အရင်တုန်းက မဟာမိတ်အဖွဲ့က ထိပ်သီးအစွမ်းပိုင်ရှင်တွေ အတူတူ ပူးပေါင်းတိုက်ခိုက်ခဲ့တာတောင် သူ့ကို မသတ်နိုင်ခဲ့တဲ့အပြင် သူ့ရဲ့ ပြင်းထန်တဲ့ တန်ပြန်တိုက်ခိုက်တာကိုတောင် ခံခဲ့ရသေးတယ်"</p> <p>"မင်းတို့က အဲ့ဒါနဲ့ အပေးအယူ လုပ်တာကို ဆရာလင်းယွမ်က သဘောတူပါ့မလား"</p> <p>ကျိုးကွေ့ရှန်းကလည်း မနေနိုင်ဘဲ သတိပေးလိုက်သည်။ "နင်တို့ အရမ်း တဇွတ်ထိုး လုပ်တာပဲ... နောက်ဆုံးကျ အပေးအယူ မဖြစ်တဲ့အပြင် သူ့ကို အကြောင်းမဲ့ သွားဒုက္ခပေးသလို ဖြစ်နေဦးမယ်နော်"</p> <p>ဂျိရှောင်ယွီက ထိုစကားကို ကြားသောအခါ နှုတ်ခမ်းကို ဖိကိုက်လိုက်ပြီး "နောက်ဆုံးအဆင်မပြေရင်... ဓားမြီးပင်လယ်မြွေကို သွားမရှာဖို့ သူ့ကို ကျွန်မ ဖျောင်းဖျလိုက်ပါ့မယ်" ဟု ပြောလိုက်သည်။</p> <p>"ဒါပေမဲ့ ကျွန်မတို့က တစ်သက်လုံး ရေအောက်မှာပဲ နေလို့မှ မရတာ... ကျွန်မ သန္ဓေပြောင်း ငါးတွေနဲ့ ဒီရေညှိတွေကို စားရတာ ငြီးငွေ့နေပြီ... ချက်ပြုတ်ထားတဲ့ အစားအစာတွေ စားချင်တယ်... ကုန်းပေါ်က ဟင်းသီးဟင်းရွက်တွေနဲ့ သစ်သီးတွေကို စားချင်တယ်"</p> <p>ကွမ်ယွဲ့နှင့် အခြားသူများက ခါးသီးစွာ ပြုံးလိုက်ကြသည်။ သူတို့တွင် အစွမ်းများ ရှိပြီး ရေလူသားအဖြစ် အသွင်ပြောင်းနိုင်ကာ ရေအောက်တွင် အချိန်ကြာမြင့်စွာ နေထိုင်နိုင်သည်မှာ မှန်ပေသည်။</p> <p>သို့သော် ရေအောက် ဘဝတွင် မီးမရှိသလို အမျိုးမျိုးသော ဟင်းခတ်အမွှေးအကြိုင်များလည်း မရှိပေ။</p> <p>အစားအစာများကို အစိမ်းလိုက်သာ စားသောက်နေရသဖြင့် သူတို့ မည်သို့ ခံနိုင်ရည် ရှိနိုင်မည်နည်း။</p> <p>ကုန်းပေါ် ပြန်တက်ပြီး နေထိုင်နိုင်မည်ဆိုပါက မည်သူက ရေထဲတွင် နေချင်မည်နည်း။</p> <p>လင်းယွမ်က သူတို့၏ ဆွေးနွေးပြောဆိုမှုများကို ဂရုမစိုက်ဘဲ ရေအောက် ခိုလှုံရေးစခန်းအား ဆက်လက် အကဲခတ်နေခဲ့သည်။</p> <p>၎င်းကို ခိုလှုံရေးစခန်းဟု ခေါ်ဆိုနိုင်သော်လည်း လက်တွေ့တွင်မူ ဤဈေးဝယ်စင်တာ တစ်ခုသာ ရှိပေသည်။</p> <p>ဒုတိယထပ်ရှိ ဈေးဝယ်စင်တာမှာ အခြေခံအားဖြင့် အလွတ်နီးပါး ဖြစ်နေပြီး ဆိုင်ခန်းအများအပြား၏ သံပန်းတံခါးများကို ချထားသည်။</p> <p>သံပန်းတံခါး ချမထားသော ဆိုင်ခန်း အနည်းငယ်ကို လင်းယွမ် ကြည့်ရှုလိုက်ရာ အံ့သြဖွယ်ကောင်းစွာပင် အိပ်ရာကဲ့သို့သော ပစ္စည်းများ ရှိနေသေးသည်ကို သတိပြုမိလိုက်သည်။</p> <p>သူက အနည်းငယ် အံ့အားသင့်သွားသည်။ ဤရေလူသားမျိုးနွယ်နှင့် ရေလူသားမျိုးနွယ် အစွမ်းပိုင်ရှင်များက ဤနေရာတွင် တကယ် အိပ်ကြသည်လား။</p> <p>အကယ်၍ အိပ်ပျော်နေစဉ် တစ်ဝက်တစ်ပျက်တွင် သန္ဓေပြောင်းစွမ်းအင်များ ကုန်ခမ်းသွားပြီး အသွင်ပြောင်းထားသည့် အခြေအနေကို မထိန်းသိမ်းနိုင်တော့ပါက အသက်ရှူကြပ်ပြီး သေဆုံးသွားနိုင်သည် မဟုတ်လား။</p> <p>လင်းယွမ်က ခန္ဓာကိုယ်ကို အပေါ်သို့ ပေါ်တက်စေကာ ဈေးဝယ်စင်တာ၏ တတိယထပ်နှင့် စတုတ္ထထပ်တို့ကို ကြည့်ရှုလိုက်ရာ ထိုအထပ်များတွင် နေထိုင်သူ အလွန် နည်းပါးကြောင်း တွေ့ရှိလိုက်ရသည်။</p> <p>အကြမ်းဖျင်း ကြည့်ရှုပြီးနောက် ဤရေအောက် ဈေးဝယ်စင်တာ ခိုလှုံရေးစခန်းတွင် တကယ်တမ်း လူနှစ်ဆယ်ကျော်သာ အများဆုံး ရှိနိုင်မည်ဟု လင်းယွမ် ခန့်မှန်းလိုက်သည်။</p> <p>သူ လှည့်ကာ ဒုတိယထပ်သို့ ပြန်ဆင်းလာချိန်တွင်မူ ပတ်ဝန်းကျင်၌ အစွမ်းပိုင်ရှင် အများအပြား တဖြည်းဖြည်း စုရုံးရောက်ရှိနေကြပြီ ဖြစ်သည်။</p> <p>သူတို့အားလုံး ရှောင်မောင်းတောင်၏ ကိစ္စရပ်များကို ကြားသိခဲ့ရသဖြင့် အားလုံး မှင်သက်နေကြသည့်အပြင် လင်းယွမ်ကိုပါ အကဲခတ် ကြည့်ရှုနေကြသည်။</p> <p>လင်းယွမ်က သူတို့ကို ပြုံးပြလိုက်ပြီး နောက်ဆုံးတွင် ကွမ်ယွဲ့နှင့် ဂျိရှောင်ယွီတို့ ရှေ့သို့ ရောက်လာကာ "ခင်ဗျားတို့ဆီမှာ ဘယ်သူက ဆုံးဖြတ်ပိုင်ခွင့် ရှိလဲ" ဟု မေးလိုက်သည်။</p> <p>ကွမ်ယွဲ့က ခုံကွေ့နုံကို တစ်ချက် ကြည့်လိုက်ပြီး "ဦးလေးနုံက ကျွန်မတို့ဆီမှာ အဓိက အရည်အသွေး အမြင့်ဆုံးလူပဲ... ကျွန်မတို့ အားလုံး သူ့စကားကို နားထောင်ကြတယ်" ဟု ပြောလိုက်သည်။</p> <p>ခုံကွေ့နုံက အလျင်အမြန် လက်ကာပြလိုက်ပြီး "ကျွန်တော်က အသက်ကြီးပါပြီ... ဒီက ကိစ္စတော်တော်များများကို ရှောင်ယွဲ့တို့ပဲ လုပ်ကြတာပါ" ဟု ပြောလိုက်သည်။</p> <p>လင်းယွမ်က ခေါင်းညိတ်လိုက်သည်။ "ဘာလိုပဲဖြစ်ဖြစ် ခင်ဗျားတို့ နှစ်ယောက်စလုံး ဒီမှာ ရှိနေတော့ ကျွန်တော် တိုက်ရိုက်ပဲ ပြောလိုက်တော့မယ်... ခင်ဗျားတို့ရဲ့ လူဦးရေက သုံးဆယ် ထက် မပိုလောက်ဘူး မဟုတ်လား"</p> <p>"ဟုတ်ပါတယ်" ကွမ်ယွဲ့က ခေါင်းအနည်းငယ် ညိတ်လိုက်ပြီး အနည်းငယ် ညှိုးငယ်စွာဖြင့် "အရင်က ကျွန်မတို့ ရေအောက်မှာ နေထိုင်နိုင်တဲ့ လူတွေထဲမှာ အယောက် ငါးဆယ် ခြောက်ဆယ်ကျော် ရှိခဲ့တာပါ" ဟု ပြောလိုက်သည်။</p> <p>"ချယ်ရီပန်းလမ်း တိုက်ပွဲအပြီးမှာ ကျွန်မတို့ လူတွေ အများကြီး သေဆုံးသွားခဲ့တယ်... အခု ကျွန်မတို့ပဲ ကျန်တော့တာ"</p> <p>"ချယ်ရီပန်းလမ်း တိုက်ပွဲ ဟုတ်လား" လင်းယွမ်က သံသယဖြင့် မေးလိုက်သည်။</p> <p>ဂျိရှောင်ယွီက "ဝူယောင်ပန်းက... ကျွန်မတို့ မဟာမိတ်အဖွဲ့ရဲ့ ထိပ်သီးအစွမ်းပိုင်ရှင်တွေကို လှည့်စားခဲ့တဲ့ အဲ့ဒီတိုက်ပွဲကြီးလေ" ဟု သတိပေးလိုက်သည်။</p> <p>လင်းယွမ်က သဘောပေါက်သွားပြီး ခေတ္တမျှ စဉ်းစားလိုက်ကာ "ခင်ဗျားတို့မှာ လူဦးရေ မများတော့ ခင်ဗျားတို့ကို အရမ်းကြီးတဲ့ မြေနေရာ ပေးဖို့တော့ မဖြစ်နိုင်ဘူး" ဟု ပြောလိုက်သည်။</p> <p>"ရှောင်မောင်းတောင် တောင်ခါးပန်းနားက... ရှောင်ယွီ နင် ငါတို့ကို ဂူထဲကနေ ရှောင်မောင်းတောင်ထဲ ခေါ်သွားတဲ့ နေရာကို မှတ်မိသေးလား"</p> <p>"မှတ်မိပါတယ်"</p> <p>"အဲ့ဒီဂူက ရေအောက်ကို တိုက်ရိုက် ရောက်နိုင်တယ်... ဂူရဲ့ အပြင်ဘက်မှာလည်း လှေကားထစ် စိုက်ခင်း တော်တော်များများ ရှိတယ်... အဲ့ဒီနေရာကို ကျွန်တော် ခင်ဗျားတို့ကို ခွဲပေးမယ်"</p> <p>"ခင်ဗျားတို့ အဲ့ဒီဂူကို ဗဟိုပြုပြီး ကုန်းပေါ်မှာ အိမ်တွေ ဆောက်လို့ရတယ်... ကုန်းပေါ်မှာ နေထိုင်လို့ရတယ်"</p> <p>"ရေအောက် ပြန်ဆင်းချင်ရင်လည်း အချိန်မရွေး ဂူထဲက ရေအောက်လမ်းကြောင်းကနေ ပြန်လာလို့ ရတယ်"</p> <p>"ခင်ဗျားတို့ ဘယ်လိုသဘောရလဲ"</p> <p>ဂျိရှောင်ယွီနှင့် ကွမ်ယွဲ့တို့က တစ်ယောက်ကိုတစ်ယောက် ကြည့်လိုက်ကြပြီး ကွမ်ယွဲ့က ချက်ချင်း ခေါင်းညိတ်လိုက်သည်။</p> <p>"ကျွန်မကတော့ အရမ်းကောင်းတယ်လို့ ထင်တယ်... ဒါဆို ကျွန်မတို့ ကုန်းပေါ်ကိုလည်း တက်လို့ရသလို ရေအောက်မှာလည်း ပြန်နေထိုင်နိုင်တယ်... တခြားသူတွေရဲ့ အာရုံစိုက်တာကိုလည်း ခံရမှာ မဟုတ်ဘူး"</p> <p>ခုံကွေ့နုံက မနေနိုင်ဘဲ "ဆရာလင်းယွမ်... နောက်ပိုင်း ကျွန်တော်တို့ဆီမှာ လူဦးရေ ပိုများလာရင်ကော ကျွန်တော်တို့ နေထိုင်မယ့် ဧရိယာကို တိုးပေးနိုင်မလား" ဟု မေးလိုက်သည်။</p> <p>လင်းယွမ်က ပြုံးကာ "ဒါပေါ့... ကမ္ဘာပျက်ကပ်ထဲမှာ လူဦးရေကမှ အဖိုးတန်ဆုံး အရင်းအမြစ်ပဲလေ" ဟု ပြောလိုက်သည်။</p> <p>"ဒါပေမဲ့ ကျွန်တော် ကြိုပြောထားချင်တာက... ရှောင်မောင်းတောင်က ဒီလောက်ပဲ အကျယ်အဝန်း ရှိတာ... မြေနေရာ အရင်းအမြစ်က ကျပ်တည်းတယ်... သုံးစွဲမယ့် မြေနေရာ အားလုံးက စနစ်တကျ စီမံကိန်း ရှိရမယ်"</p> <p>"ခင်ဗျားတို့ အိမ်တွေ ဘာတွေ ဆောက်ချင်ရင်... နောက်ကျရင် အဆောက်အအုံတွေ သီးသန့်ဆောက်ဖို့ ကျွန်တော် လူလွှတ်ပေးမယ်... အဲ့ဒီလိုမှ မဟုတ်ဘဲ လူတိုင်းက သီးသန့်အိမ်တွေ ဆောက်နေရင် မြေနေရာ အရမ်း ဖြုန်းတီးရာ ကျလိမ့်မယ်"</p> <p>ခုံကွေ့နုံက မနေနိုင်ဘဲ ပြုံးရယ်လိုက်ပြီး "တကယ်တော့ ကျွန်တော်တို့ ဘယ်မှာနေရနေရ ဂရုမစိုက်ပါဘူး... အဓိကက ကျွန်တော်တို့ ကိုယ်တိုင် စားဖို့သောက်ဖို့ စိုက်ပျိုးနိုင်တဲ့ မြေနေရာ တစ်ခု ရချင်တာပါ... ရေအောက်ဘဝက တကယ်ကို အသားမကျနိုင်ဘူး ဖြစ်နေလို့ပါ" ဟု ပြောလိုက်သည်။</p> <p>လင်းယွမ်က ရယ်မောလိုက်သည်။ "စိုက်ပျိုးရေး လုပ်တာကတော့ သေချာပေါက် ရတာပေါ့... နောက်ပိုင်း ရှောင်မောင်းတောင်က သေချာပေါက် ဖူလုံအောင် လုပ်ရမှာပဲ"</p> <p>"အချိန်ကျရင် ရှောင်မောင်းတောင်ကို ပြုပြင်ဖို့အတွက်... ကျွမ်းကျင်သူတွေကို ကျွန်တော် ခေါ်လာခဲ့မယ်"</p> <p>အကယ်၍ ဤနေရာက လုံလောက်သော တည်ငြိမ်မှု ရှိပါက လင်းယွမ်က ဤနေရာကို ထိုက်ယန်တောင်၏ အရန်စခန်း တစ်ခုအဖြစ် ဖွံ့ဖြိုးတိုးတက်စေရန် ဆန္ဒရှိနေသည်။</p> <p>"ကျေးဇူးတင်ပါတယ် ဆရာလင်းယွမ်"</p> <p>"ကျေးဇူးတင်ပါတယ်... ရှင့်ကို ကျေးဇူးတင်ပါတယ်"</p> <p>ခုံကွေ့နုံ၊ ကွမ်ယွဲ့နှင့် ကျိုးကွေ့ရှန်းတို့က အသီးသီး ကျေးဇူးတင်စကား ဆိုလိုက်ကြသည်။</p> <p>ပတ်ဝန်းကျင်ရှိ အခြားသူများကလည်း လင်းယွမ်ထံသို့ ရှေ့ထွက်လာကာ ကျေးဇူးတင်စကား ဆိုကြသည်။</p> <p>လင်းယွမ်က ဂျိရှောင်ယွီကို ကြည့်ကာ ပြုံးလိုက်ပြီး "ရှောင်ယွီ... အဲ့ဒီ ဓားမြီးပင်လယ်မြွေရဲ့ တည်နေရာကို ငါ့ကို ပြောပြလို့ရပြီ မဟုတ်လား" ဟု မေးလိုက်သည်။</p> <p>ဂျိရှောင်ယွီ၏ အပြုံးများက ရပ်တန့်သွားပြီး ထိုစကားကို ကြားသောအခါ အလျင်အမြန်ပင် ဖျောင်းဖျလိုက်သည်။ "အစ်ကိုလင်း... ဓားမြီးပင်လယ်မြွေရဲ့ နေရာကို ကျွန်မ သိပါတယ်... ဒါပေမဲ့ ရှင်သူ့ကို သွားရန်မရှာတာ ပိုကောင်းမယ်"</p> <p>"သူက တကယ်ကို အရမ်း စွမ်းတာ... အရင်တုန်းက ကျွန်မတို့ရဲ့ မျိုးရိုးဗီဇမျိုးစေ့အဆင့် အစွမ်းပိုင်ရှင် မဟာမိတ်အဖွဲ့က သူ့ကို သွားပြီး အမဲလိုက်ခဲ့ကြပေမဲ့... နောက်ဆုံးမှာ သူ့ကို မသတ်နိုင်ခဲ့တဲ့အပြင် ပြင်းပြင်းထန်ထန် ပြန်တိုက်ခိုက်တာကိုပါ ခံခဲ့ရသေးတယ်"</p> <p>"အဲ့ဒါကြောင့်ပဲ ဝူယောင်ပန်းက အခွင့်အရေး ရသွားတာ... အခုအချိန်အထိ အရင်တုန်းက ဓားမြီးပင်လယ်မြွေကို ဝိုင်းဝန်း သတ်ဖြတ်ခဲ့တဲ့ ကိစ္စအတွက် ကျွန်မတို့ နောင်တရနေကြတုန်းပဲ"</p> <p>လင်းယွမ်က ထိုစကားကို ကြားသောအခါ "ဒီ ဓားမြီးပင်လယ်မြွေက တကယ်ပဲ အဲ့ဒီလောက်တောင် စွမ်းတာလား" ဟု မေးလိုက်သည်။</p> <p>ဂျိရှောင်ယွီက "ဟုတ်တယ်... အရမ်းကို စွမ်းတာ... ဝူယောင်ပန်းတောင် သူ့ကို သွားရန်မစရဲဘူး" ဟု ပြန်ဖြေလိုက်သည်။</p> <p>လင်းယွမ်က မေးစေ့ကို ပွတ်သပ်လိုက်ပြီး "ဒီလိုဆိုမှတော့ သူ့ကို ပိုလို့တောင် ရှင်းပစ်ရဦးမယ်" ဟု ပြောလိုက်သည်။</p> <p>ဂျိရှောင်ယွီက "ရှင်... ဘာဖြစ်လို့လဲ" ဟု အံ့သြတကြီး မေးလိုက်သည်။</p> <p>"တကယ်လို့ အခု သူ့ကို မသတ်ပစ်ဘဲ ဆက်ပြီး ကြီးထွားလာခွင့် ပေးလိုက်မယ်ဆိုရင်... အနှေးနဲ့အမြန် သူက ပိုပြီး သန်မာလာမယ်... ပိုပြီး ကြောက်စရာကောင်းတဲ့ မိစ္ဆာကောင် ဖြစ်လာလိမ့်မယ်"</p> <p>"အဲ့ဒီအချိန်ရောက်ရင် ငါတို့ သူ့ကို သတ်ချင်တာ မသတ်ချင်တာက အရေးမကြီးတော့ဘူး... သူက ဒီ ဟင်းလင်းပြင် ခေါက်ချိုးနယ်မြေ တစ်ခုလုံးကို ကြီးစိုးဖို့ လုပ်လာမှာပဲ"</p> <p>လင်းယွမ်၏ စကားကြောင့် ထိုနေရာတွင် ရှိနေသူ အားလုံး အလန့်တကြား ဖြစ်သွားကြသည်။</p> <p>ဤအကြောင်းပြချက်ကို သူတို့ နားမလည်ကြသည်တော့ မဟုတ်ပေ။ သို့သော် မည်သူကမျှ အဆုံးအထိ တွေးတောရန် မရဲဝံ့ခဲ့ကြခြင်းသာ ဖြစ်သည်။</p> <p>ယခုအချိန်တွင် လူတိုင်းက ထို ဓားမြီးပင်လယ်မြွေကို မယှဉ်နိုင်ကြသဖြင့် သဘာဝကျကျပင် ရသလောက် အသက်ဆက်နေရုံမျှသာ တတ်နိုင်ကြသည်။</p> <p>ထို ဓားမြီးပင်လယ်မြွေက လူသားများကို ထွက်၍ အမဲမလိုက်သရွေ့ သူတို့က ဆက်လက်၍ ရှင်သန်နိုင်ကြသေးသည်။</p> <p>ဝူယောင်ပန်းကလည်း အစကတည်းက အလားတူ အတွေးမျိုး ရှိခဲ့ပုံရသည်။</p> <p>သူက ခန္ဓာကိုယ်ကြံ့ခိုင်မှု အမျိုးအစား သန္ဓေပြောင်း သတ္တဝါများကို အမဲလိုက်ရန်သာ အာရုံစိုက်နေခဲ့ပြီး သူ၏ မူလခန္ဓာကိုယ် စွမ်းအားကို မြှင့်တင်ရန်သာ လုပ်ဆောင်ခဲ့သည်။</p> <p>ဤ ဓားမြီးပင်လယ်မြွေကို မသတ်ဘဲ လွှတ်ထားရန် အကြောင်းပြချက် မရှိပေ။</p> <p>သူက ဤ ဓားမြီးပင်လယ်မြွေကို မယှဉ်နိုင်မှန်း သိနေသောကြောင့် ဓားမြီးပင်လယ်မြွေ ရေအောက်တွင် ကြီးစိုးနေသည်ကိုသာ ကြည့်နေနိုင်ခဲ့ခြင်း ဖြစ်ပေမည်။</p> <p>သို့သော် ဝူယောင်ပန်း ဓားမြီးပင်လယ်မြွေကို မသတ်နိုင်ခြင်းက လင်းယွမ် မလုပ်နိုင်ဟု ဆိုလိုခြင်း မဟုတ်ပေ။</p> <p>ဝူယောင်ပန်းတွင် အဓိက အရည်အသွေး ၈၇ မှတ် ရှိနေပုံပေါ်သော်လည်း သူ၏ တိုက်ခိုက်နိုင်စွမ်းက မကောင်းလှပေ။</p> <p>လင်းယွမ်ကမူ ထိုသို့မဟုတ်။ သူ၏ အမြင့်ဆုံး အရည်အသွေးက ခွန်အား ဖြစ်ပြီး ကြွက်သားပေါက်ကွဲအစွမ်း ကဲ့သို့သော ခွန်အား မြှင့်တင်ပေးနိုင်သည့် အစွမ်းမျိုးပင် ရှိနေသေးသည်။</p> <p>ထို့ကြောင့် သူက ဝူယောင်ပန်းထက်စာလျှင် သေချာမှု ပိုရှိနေဆဲ ဖြစ်သည်။</p> <p>သေချာသည်မှာ ပို၍ အရေးကြီးသောအချက်က ယခုအခါတွင် သူက ဂိုဏ်းကြီးသုံးဂိုဏ်း၏ တိုက်ပွဲကြီးကို ဖြတ်သန်းခဲ့ရပြီး ဂိုဏ်းကြီးသုံးဂိုဏ်း၏ ထိပ်သီးအစွမ်းပိုင်ရှင် အများအပြားကို သတ်ဖြတ်ခဲ့သောကြောင့် သူ၏ အမှတ်များက တစ်ဟုန်ထိုး ထပ်မံ မြင့်တက်လာခဲ့ခြင်း ဖြစ်သည်။</p> <p>ယခုအခါတွင် အမှတ် သုံးသိန်းကျော်အထိ ရောက်ရှိနေပြီ ဖြစ်သည်။</p> <p>ဤမျှများပြားသော အမှတ်များက သူ့ကို နောက်ထပ် အရည်အသွေးမှတ် ၃၀ ထပ်မံ ကံစမ်းမဲနှိုက်ရန် လုံလောက်ပေသည်။</p> <p>အကယ်၍ ကံကောင်းမည်ဆိုပါက သူက အရည်အသွေးလေးခုထဲမှ တစ်ခုခုကို တိုက်ရိုက် ၁၀၀ မှတ်အထိပင် ပြည့်သွားစေနိုင်ပေသည်။</p> <p>ဆက်ရန်...</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save