Book List

<h2 style="text-align: center;">အပိုင်း(၅၂၀)</h2> <h2 style="text-align: center;">လီချင်းဟွာ အဆင့်တက်ခြင်း</h2> <h2 style="text-align: center;">*</h2> <p> </p> <p> </p> <p>ထိုအလင်းတန်းက စူးရှတောက်ပနေပြီး ရုတ်တရက် ပေါက်ကွဲထွက်သွားသည်။</p> <p>မျက်စိတစ်မှိတ်အတွင်းမှာပင် ၎င်းက အလင်းဓားသွားတစ်လက်အဖြစ် ပြောင်းလဲသွားကာ ထို ဓားမြီးပင်လယ်မြွေဆီသို့ အရှိန်အဟုန်ဖြင့် ပစ်ဝင်သွားတော့သည်။</p> <p>ဓားမြီးပင်လယ်မြွေက ဒေါသတကြီးဖြင့် မျက်လုံးများကို ချက်ချင်း ဖွင့်ကြည့်လိုက်သည်။</p> <p>မျက်လုံးပွင့်လာသည်နှင့်တစ်ပြိုင်နက် ထိုအလင်းဓားသွားက ကျယ်လောင်စွာ ပေါက်ကွဲသွားခဲ့သည်။</p> <p>ချက်ချင်းပင် စူးရှသောအလင်းရောင်အောက်တွင် ဓားမြီးပင်လယ်မြွေက မျက်လုံးများကို ကပျာကယာ မှိတ်လိုက်ပြီး ခေါင်းကို လှည့်ဖယ်လိုက်ရသည်။</p> <p>၎င်းက ဒေါသတကြီးဖြင့် မျက်လုံးမှိတ်ထားလျက် ငါးလွှာရှိ ဆိုင်ခန်းဆီသို့ ခေါင်းဖြင့် ရုတ်တရက် ပြေးဝင်တိုက်ချလိုက်သည်။</p> <p>"ဝုန်း"</p> <p>ထိုဘက်ရှိ ဆိုင်ခန်းမှာ တိုက်ရိုက်ပင် အပိုင်းပိုင်းအစစ ကြေမွသွားပြီး အုတ်ခဲများက တဖြောင်းဖြောင်း မြည်ကာ ပြုတ်ကျကွဲအက်သွားသလို ရေအောက်တွင်လည်း လေပူဖောင်းများ တလိပ်လိပ် တက်လာသည်။</p> <p>သို့သော်လည်း အတွင်း၌ ဟာလာဟင်းလင်း ဖြစ်နေပြီး မည်သူမျှ မရှိပေ။</p> <p>ဓားမြီးပင်လယ်မြွေက ဒေါသတကြီးဖြင့် ပါးစပ်ကို ဟကာ အဆိပ်ရည်များကို ရုတ်တရက် မှုတ်ထုတ်လိုက်သည်။</p> <p>ထိုအဆိပ်ရည်များက ရေစီးကြောင်းအတိုင်း ပတ်ဝန်းကျင် အရပ်လေးမျက်နှာသို့ အလွန် လျင်မြန်စွာ ပျံ့နှံ့သွားသည်။</p> <p>အပျက်အစီးများကြားမှ အရိပ်နှစ်ခုက အပျက်အစီးများထဲမှ လျင်မြန်စွာ ထွက်ပေါ်လာပြီး အောက်ထပ်သို့ အမြန် ပြေးဆင်းသွားကြသည်။</p> <p>သို့သော် မည်သည့်အကြောင်းကြောင့်မှန်း မသိရဘဲ ဓားမြီးပင်လယ်မြွေက သူတို့ကို မမြင်သလိုမျိုး လျစ်လျူရှုထားကာ ပတ်ဝန်းကျင်ရှိ အဆောက်အအုံများကိုသာ ဒေါသတကြီး ဆက်လက် ဖျက်ဆီးနေဆဲ ဖြစ်သည်။</p> <p>လင်းယွမ်က ထိုအရိပ်နှစ်ခုကို ချက်ချင်း စူးစိုက်ကြည့်လိုက်ပြီး အံ့သြဝမ်းသာသော အမူအရာများ ထွက်ပေါ်လာတော့သည်။</p> <p>"လီရှန်ယန်... ကျန်းရုံရုံ"</p> <p>ဤလူနှစ်ဦးမှာ အခြားသူများ မဟုတ်ဘဲ မိန်တောင် ကျဲ့ဆစ် စာသင်ကျောင်းမှ လီရှန်ယန်နှင့် ကျန်းရုံရုံတို့ပင် ဖြစ်သည်။</p> <p>ယခုအချိန်တွင် ကျန်းရုံရုံက စိတ်စွမ်းအင် အကာအကွယ်ကို အသုံးပြုကာ ပြင်ပမှ ထောက်လှမ်းမှုများကို တားဆီးထားပြီး လီရှန်ယန်ကို ခေါ်ကာ တရကြမ်း ပြေးလွှား ထွက်ပြေးနေခြင်း ဖြစ်သည်။</p> <p>ယခုလေးတင်က အလင်းဓားသွားဖြင့် တိုက်ခိုက်မှုမှာ လီရှန်ယန် ဖြစ်မည်မှာ သေချာလှပေသည်။</p> <p>သို့သော် လင်းယွမ် နားမလည်သည်မှာ လီရှန်ယန်၏ အလင်းဓားသွား တိုက်ခိုက်မှုက အစွမ်းထက်ပုံပေါ်သော်လည်း ဤဓားမြီးပင်လယ်မြွေအား ထိခိုက်ဒဏ်ရာရစေရန်မှာ အလွန် ခက်ခဲလှသည်။</p> <p>သူ၏ ဤလုပ်ရပ်က ဘာရည်ရွယ်ချက် ရှိနေသနည်း။</p> <p>အများကြီး စဉ်းစားနေရန် အချိန်မရတော့ဘဲ လူကယ်ရန်က ပိုအရေးကြီးသောကြောင့် လင်းယွမ်က ကိုယ်ကို တစ်ချက် ဝှေ့ယမ်းကာ ချက်ချင်းပင် လှုပ်ရှားရန် ပြင်လိုက်သည်။</p> <p>သို့သော် နောက်တစ်စက္ကန့်တွင် သူက ရုတ်တရက် ကြောင်အသွားသည်။</p> <p>ဓားမြီးပင်လယ်မြွေ၏ ခန္ဓာကိုယ်က ရုတ်တရက် ပြင်းထန်စွာ တုန်ခါသွားပြီး မြွေတစ်ကောင်လုံး ကောက်ကွေး လူးလွန့်သွားသည်ကို မြင်လိုက်ရသည်။</p> <p>ပါးစပ် ဟလိုက်သည်နှင့် စူးရှသောအသံလှိုင်းများဖြင့် အော်ဟစ်ညည်းတွားလိုက်သည်။</p> <p>အမှန်တကယ် အသံမထွက်လာသော်လည်း ၎င်း၏ ပါးစပ်ထဲမှ ရေစီးကြောင်းများ ပြင်းထန်စွာ ထွက်ပေါ်လာပြီး လေပူဖောင်း အမြောက်အမြား လူးလွန့်လာကာ အတွင်းကလီစာ အမြောက်အမြားနှင့် သွေးမြှုပ်များပင် ပါဝင်နေသောကြောင့် ၎င်း၏ အော်ဟစ်သံက မည်မျှ ပြင်းထန်မည်ကို တွေးကြည့်၍ ရနိုင်သည်။</p> <p>လင်းယွမ်က အနည်းငယ် အံ့သြသွားပြီး ကိုယ်ကို တစ်ချက် ဝှေ့ယမ်းကာ လီရှန်ယန်တို့ နှစ်ဦးရှေ့သို့ ရောက်ရှိသွားသည်။</p> <p>လီရှန်ယန်နှင့် ကျန်းရုံရုံတို့က အစပိုင်းတွင် မျက်နှာအမူအရာ ပြောင်းလဲသွားပြီး အလိုအလျောက် တိုက်ခိုက်ရန် ပြင်လိုက်ကြသည်။</p> <p>သို့သော် ရောက်လာသူ၏ မျက်နှာကို ရှင်းလင်းစွာ မြင်လိုက်ရသောအခါ နှစ်ဦးစလုံးက ချက်ချင်းပင် အလွန် ဝမ်းသာသွားကြသည်။</p> <p>"ဆရာလင်းယွမ်"</p> <p>"ဆရာလင်းယွမ်... ဘယ်လိုလုပ်ပြီး ဒီကို ရောက်နေတာလဲ"</p> <p>လင်းယွမ်က လက်တစ်ချက် ဝှေ့ယမ်းလိုက်ကာ သူတို့ဆီ ပြုတ်ကျလာသော အုတ်ခဲများနှင့် ကျောက်တုံးကြီးများကို လွင့်စင်သွားစေပြီး "ဒါတွေ အသာထား... ငါ အရင်ဆုံး ဒီကောင်ကို ရှင်းလိုက်မယ်" ဟု ပြန်မေးလိုက်သည်။</p> <p>လင်းယွမ် လှုပ်ရှားရန် ပြင်လိုက်စဉ် လီရှန်ယန်က အလျင်အမြန် တားဆီးကာ "ဆရာလင်းယွမ်... မလုပ်နဲ့ဦး... လီချင်းဟွာက အဲ့ဒီကောင်ရဲ့ ကိုယ်ထဲမှာ ရှိနေတုန်းပဲ" ဟု ပြောလိုက်သည်။</p> <p>"ဘာ"</p> <p>လင်းယွမ်က ချက်ချင်း အလွန် အံ့သြသွားပြီး လီရှန်ယန်ကို မှင်သက်စွာ ကြည့်လိုက်သည်။</p> <p>လီရှန်ယန်က ကပျာကယာ ပြန်ပြောလိုက်သည်။ "မစိုးရိမ်ပါနဲ့ ဆရာလင်းယွမ်... ညီလေးချင်းဟွာက တမင်သက်သက် သူ့ကို မျိုချခိုင်းလိုက်တာပါ"</p> <p>"ကျွန်တော်တို့ ဒီတစ်ခေါက် ကြီးမားတဲ့ တွေ့ရှိမှုကြီးတစ်ခု ရခဲ့တယ်... ဒီဟင်းလင်းပြင် ခေါက်ချိုးနယ်မြေက တကယ်တော့ ရေပေါ်ကျွန်းတွေလိုပဲ ဟင်းလင်းပြင် အမျိုးအစား ရေပေါ်ကျွန်း တစ်မျိုးပဲ"</p> <p>"ဒါပေမဲ့ သူ့ရဲ့ နှလုံးအမြူတေကို ဒီသတ္တဝါက မျိုချထားတယ်... သူက ဟင်းလင်းပြင် ခေါက်ချိုးနယ်မြေရဲ့ ပတ်ဝန်းကျင်ကို ထိန်းချုပ်နိုင်တယ်"</p> <p>"နှလုံးအမြူတေကို လုယူဖို့အတွက်... ညီလေးချင်းဟွာက အန္တရာယ်ကို ဂရုမစိုက်ဘဲ သူ့ကိုယ်ထဲ ဝင်ပြီး... နှလုံးအမြူတေကို သူ့ဆီကနေ ခွဲထုတ်ဖို့ တိုက်ရိုက် ကြိုးစားနေတာ"</p> <p>လင်းယွမ်က အလွန် အံ့သြသွားပြီး လီချင်းဟွာတို့က ဤမျှ အရေးကြီးသော ကိစ္စရပ်ကို ကြံစည်နေကြလိမ့်မည်ဟု လုံးဝ ထင်မှတ်မထားခဲ့ပေ။</p> <p>လင်းယွမ်က အလျင်အမြန် မေးလိုက်သည်။ "သူက ဒီအကောင်ရဲ့ ကိုယ်ထဲမှာနေတော့ အန္တရာယ် မရှိဘူးလား"</p> <p>"မရှိလောက်ပါဘူး... ညီလေးချင်းဟွာ ပြောဖူးတယ်... သူမှာ ဟင်းလင်းပြင် ပူဖောင်း အကာအကွယ် ရှိတဲ့အတွက် တစ်ဖက်လူရဲ့ အစာချေတာကို ခံရမှာ မဟုတ်ဘူးတဲ့"</p> <p>"ဒါဆို မင်းတို့နှစ်ယောက်ကရော"</p> <p>"ကျွန်တော်တို့က ဒီကောင်ကို အပြင်ကနေ နှောင့်ယှက်ပြီး... သူ့ကိုယ်ထဲက ညီလေးချင်းဟွာကို အာရုံစိုက်ချိန်မရအောင် လုပ်ပေးနေတာ"</p> <p>လင်းယွမ်က မနေနိုင်ဘဲ မေးလိုက်သည်။ "လီချင်းဟွာက အဲ့ဒီထဲမှာ နေနေတာ ဘယ်လောက်ကြာပြီလဲ"</p> <p>"နှစ်ရက်လောက် ရှိတော့မယ်" ဟု လီရှန်ယန်က လျင်မြန်စွာ ဖြေလိုက်သည်။</p> <p>ကျန်းရုံရုံက ထပ်ပြောလိုက်သည်။ "ဒီကောင် သွေးတွေ အန်နေတာ ကြည့်ရရင် ချင်းဟွာ အောင်မြင်တော့မယ် ထင်တယ်... ဆရာလင်းယွမ်... ခဏလောက် ထပ်စောင့်ပါဦး... အခု သူ့ကို သတ်လို့ မရသေးဘူး"</p> <p>လီရှန်ယန်ကလည်း ပြောလိုက်သည်။ "ဒီကောင် အသက်ရှင်နေတဲ့ အချိန်မှာပဲ နှလုံးအမြူတေကို ခွဲထုတ်ရ လွယ်ကူမှာ... အဲ့လိုမှ မဟုတ်ရင် သူ သေသွားတာနဲ့ နှလုံးအမြူတေကလည်း လိုက်ပြီး ပျောက်ကွယ်သွားလိမ့်မယ်"</p> <p>လင်းယွမ်က အံ့သြသွားသည်။ "မင်းတို့က ဘယ်လို သိတာလဲ"</p> <p>"ဟင်းလင်းပြင် ခေါက်ချိုးနယ်မြေရဲ့ ဦးနှောက်အမြူတေက အဲ့ဒီလိုမျိုး ပျောက်သွားတာလေ" ဟု လီရှန်ယန်က လျင်မြန်စွာ ဖြေလိုက်သည်။</p> <p>ထိုအခါမှ လင်းယွမ်က နားလည်သွားပြီး သူတို့က ဟင်းလင်းပြင် ခေါက်ချိုးနယ်မြေ၏ ဦးနှောက်အမြူတေကို ခြေရာခံခဲ့ပြီးဖြစ်ကြောင်း သိလိုက်သည်။</p> <p>သူက ချက်ချင်း မေးလိုက်သည်။ "ပျောက်သွားတယ်ဆိုတာ ဘာအဓိပ္ပာယ်လဲ... ဘယ်ရောက်သွားတာလဲ"</p> <p>"ကျွန်တော်တို့လည်း ဘယ်ရောက်သွားမှန်း မသိပါဘူး... အစက ဦးနှောက်အမြူတေကို မျိုချသွားတာ အင်းဆက်အမျိုးအစား သန္ဓေပြောင်း သတ္တဝါတစ်ကောင်ပဲ"</p> <p>"ကျွန်တော်တို့ ခက်ခက်ခဲခဲနဲ့ သူ့ကို သတ်ပစ်နိုင်ခဲ့ပေမဲ့... သူက ဦးနှောက်အမြူတေကို အသုံးပြုပြီး မျိုးရိုးဗီဇ သန္ဓေပြောင်း သတ္တဝါ အမြောက်အမြားကို ခေါ်ယူပြီး... ကျွန်တော်တို့ကို ဝိုင်းတိုက်ခိုင်းတာ"</p> <p>"အဲ့ဒါကြောင့် ကျွန်တော်တို့ ဒဏ်ရာရခဲ့လို့ မတတ်သာဘဲ လူစုကွဲသွားတာပဲ... ဒါနဲ့ ဆရာလင်းယွမ်... အမတင်းယန်နဲ့ ကျိုးချင်းမင်တို့ကို ရှာတွေ့ပြီလား"</p> <p>လင်းယွမ်က ပြန်ဖြေလိုက်သည်။ "မစိုးရိမ်ပါနဲ့... သူတို့ လုံခြုံသွားပါပြီ"</p> <p>"ဒါနဲ့ ရှမင်နဲ့ ဦးလေးကောတို့ရော"</p> <p>ဤအကြောင်းကို ပြောလိုက်သောအခါ လီရှန်ယန်၏ မျက်နှာက မှိုင်းညှို့သွားပြီး "ရှမင်က သေသွားပြီ... ဦးလေးကောလည်း ပျောက်နေတယ်" ဟု ပြန်ဖြေလိုက်သည်။</p> <p>လင်းယွမ်၏ မျက်နှာက မည်းမှောင်သွားပြီး "ရှမင် ဘယ်လို သေသွားတာလဲ" ဟု မေးလိုက်သည်။</p> <p>"ရှမင်က ကျွန်တော်တို့ကို ကာကွယ်ပေးဖို့အတွက်... ဓားမြီးပင်လယ်မြွေ အကောင်ပေါက်လေးတွေ ဝိုင်းရံတိုက်ခိုက်တာ ခံလိုက်ရတယ်... အဲ့ဒီတုန်းက ကျွန်တော်တို့ ဓားမြီးပင်လယ်မြွေ အမေကြီး လိုက်သတ်တာကို ခံနေရတာ"</p> <p>"ချင်းဟွာက သူ့ကို ဟင်းလင်းပြင် ပူဖောင်းတစ်ခု ဖန်တီးပေးဖို့ပဲ အချိန်ရလိုက်ပြီး... ကျွန်တော်တို့လည်း မတတ်သာဘဲ ဟင်းလင်းပြင် အက်ကွဲကြောင်းထဲကို ခုန်ချလိုက်ရတယ်"</p> <p>လင်းယွမ်က ချက်ချင်းပင် နားလည်သွားပြီး ချယ်ရီပန်းလမ်းမတွင် သူ တွေ့ခဲ့ရသော ဟင်းလင်းပြင် ပူဖောင်းအတွင်းမှ အရိုးစုက မည်သူ့အရိုးစု ဖြစ်ကြောင်း သိလိုက်ရသည်။</p> <p>ထိုအရိုးစုက ရှမင်၏ အရိုးစုပင် ဖြစ်နေခဲ့သည်။</p> <p>ရှမင်၏ သတ္တုဓာတ် အစွမ်းအရဆိုလျှင် သူက အကာအကွယ် အကောင်းဆုံးလူ ဖြစ်သင့်ပေသည်။</p> <p>သို့သော် သူက အရင်ဆုံး ကျဆုံးသွားလိမ့်မည်ဟု ထင်မထားခဲ့ပေ။</p> <p>ကျန်းရုံရုံက မျက်လုံးများ နီရဲလာကာ ပြောလိုက်သည်။ "ရှမင်ရဲ့ အကာအကွယ်က အရမ်း ကောင်းပေမဲ့... အဲ့ဒီ ဓားမြီးပင်လယ်မြွေ အကောင်ပေါက်လေးတွေက အဆိပ်တွေ ထုတ်လွှတ်နိုင်တယ်..."</p> <p>သူမက ဆက်မပြောတော့သော်လည်း လင်းယွမ်ကလည်း ဖြစ်စဉ်ကို ခန့်မှန်းမိပြီးသား ဖြစ်သည်။</p> <p>ရှမင်က ရုပ်ပိုင်းဆိုင်ရာ တိုက်ခိုက်မှုများကို ကာကွယ်နိုင်သော်လည်း အဆိပ်များနှင့် ရင်ဆိုင်ရချိန်တွင်မူ တောင့်ခံနိုင်မည် မဟုတ်ပေ။</p> <p>သူ၏ မျက်နှာက မည်းမှောင်သွားပြီး ထိုက်ယန်တောင်ရှိ မည်သည့် အစွမ်းပိုင်ရှင်မဆို အဖိုးတန်သော အရင်းအမြစ်များ ဖြစ်ကြသည်။</p> <p>အထူးသဖြင့် ရှမင်က အမှတ် (၅၀) အထိ ကျင့်ကြံထားပြီးဖြစ်ကာ အခွင့်အရေးများ ရှာဖွေရန်အတွက် တင်းယန်တို့နှင့်အတူ လိုက်လာခဲ့ခြင်း ဖြစ်သည်။</p> <p>၎င်းက ပို၍ နှမြောစရာ ကောင်းလှပေသည်။</p> <p>သူတို့သုံးဦး စကားပြောနေစဉ်မှာပင် ထို ဓားမြီးပင်လယ်မြွေ၏ ကိုယ်တွင်းမှ ကျယ်လောင်သော ပေါက်ကွဲသံကြီး ထွက်ပေါ်လာသည်။</p> <p>နောက်တစ်စက္ကန့်တွင် အရိပ်တစ်ခုက ဓားမြီးပင်လယ်မြွေ၏ ခန္ဓာကိုယ်ကို ဆုတ်ဖြဲကာ နေရာရွှေ့ပြောင်းသွားသကဲ့သို့ ချက်ချင်း ထွက်ပေါ်လာသည်။</p> <p>လီချင်းဟွာ၏ တစ်ကိုယ်လုံးတွင် သန္ဓေပြောင်းစွမ်းအင်များ အားကောင်းနေပြီး အငွေ့အသက်များက ပြင်းထန်နေသည်ကို မြင်လိုက်ရသည်။</p> <p>လင်းယွမ်က မျိုးရိုးဗီဇ မျိုးစေ့၏ စွမ်းအင်လှိုင်းများကို ခံစားလိုက်ရသည်။</p> <p>သူက ချက်ချင်း မျက်ခုံးပင့်လိုက်ပြီး "သူ အောင်မြင်သွားပြီ" ဟု ပြောလိုက်သည်။</p> <p>လီချင်းဟွာမှာ ယခုအခါ စိတ်လှုပ်ရှား ဝမ်းသာနေသော မျက်နှာဖြင့် ဓားမြီးပင်လယ်မြွေကို လှည့်ကြည့်လိုက်ပြီး မျက်လုံးများထဲတွင် သတ်ဖြတ်လိုစိတ်များ ထွက်ပေါ်လာသည်။</p> <p>"တိရစ္ဆာန်ကောင်... ဒီနေ့ မင်းရဲ့ ခေါင်းကို ဖြတ်ပြီး ငါ့ညီ ရှမင်အတွက် ကလဲ့စားချေမယ်"</p> <p>သူက ဒေါသတကြီး အော်ဟစ်လိုက်ပြီး လက်နှစ်ဖက်ကို ဓားသဖွယ် ပူးကာ အရှိန်အဟုန်ဖြင့် ခုတ်ချလိုက်သည်။</p> <p>"ဝှစ်"</p> <p>ဟင်းလင်းပြင်တွင် ချက်ချင်းပင် အလွန် သေးငယ်သော အက်ကွဲကြောင်းများ ထွက်ပေါ်လာသည်။</p> <p>"ရွှမ်း"</p> <p>ဟင်းလင်းပြင် အက်ကွဲကြောင်း တစ်ခုက ဓားမြီးပင်လယ်မြွေ၏ ခေါင်းကို တိုက်ရိုက် ဖောက်ထွင်းသွားသည်။</p> <p>ပြိုင်ဘက်ကင်းလောက်အောင် မာကျောသော မြွေအကြေးခွံများကလည်း လုံးဝ ခုခံနိုင်စွမ်း မရှိခဲ့ပေ။</p> <p>မျက်စိတစ်မှိတ်အတွင်းမှာပင် ၎င်း၏ ခေါင်းက ဘုတ်ခနဲ မြည်ကာ နှစ်ပိုင်း တိုက်ရိုက် ပြတ်ကျသွားတော့သည်။</p> <p>သွေးများက ချက်ချင်း ပန်းထွက်လာပြီး ကြီးမားသော မြွေကိုယ်ထည်ကြီးက ဝုန်းခနဲ ပြုတ်ကျသွားသည်။</p> <p>ဓားမြီးပင်လယ်မြွေ၏ ခေါင်းကလည်း လိမ့်ဆင်းသွားကာ ပင်လယ်ကြမ်းပြင်သို့ နစ်မြုပ်သွားတော့သည်။</p> <p>ဇီဝကမ္မ ဖွဲ့စည်းပုံအရသာ ၎င်း၏ မြွေခေါင်းက လုံးဝ သေဆုံးမသွားသေးဘဲ တစ်ခုခုကို ကိုက်ဖြတ်ချင်နေသကဲ့သို့ ပါးစပ်ကို ပိတ်လိုက် ဖွင့်လိုက် လုပ်နေဆဲ ဖြစ်သည်။</p> <p>လင်းယွမ်က ဤမြင်ကွင်းကို ကြည့်ကာ အနည်းငယ် အံ့သြချီးကျူးသွားသည်။</p> <p>လီချင်းဟွာက မျိုးရိုးဗီဇ မျိုးစေ့ကို အဆင့်တက်ပြီးနောက် အလွန် အံ့မခန်းဖွယ်ကောင်းသော ဟင်းလင်းပြင် အမျိုးအစား အစွမ်းအချို့ကိုလည်း ကျွမ်းကျင်သွားပုံရသည်။</p> <p>ဤဟင်းလင်းပြင် အက်ကွဲကြောင်း ခုတ်ချက်၏ တိုက်ခိုက်မှု စွမ်းအားက အံ့မခန်းပင် ဖြစ်သည်။</p> <p>သိထားသင့်သည်မှာ ဤ ဓားမြီးပင်လယ်မြွေ၏ အကာအကွယ်က အလွန် အားကောင်းလှသည်။</p> <p>ဝူယောင်ပန်း၏ ကိုယ်ပွားမြောက်မြားစွာပင် သူ့ကိုသွားရောက် ရန်မစရဲခဲ့ပေ။</p> <p>သို့သော် လင်းယွမ်ကလည်း လီချင်းဟွာ၏ တိုက်ခိုက်မှု အားကောင်းခြင်းမှာ ဟင်းလင်းပြင် အက်ကွဲကြောင်းကြောင့် ဖြစ်ကြောင်း သိမြင်လိုက်သည်။</p> <p>သူ၏ အရည်အသွေးက အလွန်အားကောင်းနေခြင်းကြောင့် မဟုတ်ပေ။</p> <p>တကယ်တော့ ဟင်းလင်းပြင် အက်ကွဲကြောင်း ခုတ်ချက်တွင် အစွမ်းထက်သည်မှာ ဟင်းလင်းပြင် အက်ကွဲကြောင်းပင် ဖြစ်သည်။</p> <p>လီချင်းဟွာ လုပ်ရသည်မှာ အစွမ်းကို အသုံးပြုပြီး ဟင်းလင်းပြင် အက်ကွဲကြောင်းကို ဖွင့်လှစ်လိုက်ခြင်းသာ ဖြစ်သည်။</p> <p>"ချင်းဟွာ"</p> <p>"ညီလေးချင်းဟွာ... ဘယ်သူ ရောက်နေလဲဆိုတာ မြန်မြန် ကြည့်လိုက်စမ်း"</p> <p>လီရှန်ယန်နှင့် ကျန်းရုံရုံတို့က ချက်ချင်း လှမ်းခေါ်လိုက်ကြသည်။</p> <p>လီချင်းဟွာက လှည့်ကြည့်လိုက်ရာ လင်းယွမ်ကို မြင်လိုက်ရသောကြောင့် ချက်ချင်းပင် ဝမ်းသာအံ့သြသွားတော့သည်။</p> <p>"ဆရာလင်း... ဘယ်လိုလုပ် ရောက်လာတာလဲ"</p> <p>လင်းယွမ်က သူ့ကို အထက်အောက် ကြည့်လိုက်ပြီး မနေနိုင်ဘဲ ပြုံးကာ ပြောလိုက်သည်။ "မင်းတို့ချည်းပဲ မျိုးရိုးဗီဇမျိုးစေ့အဆင့် သန္ဓေပြောင်း သတ္တဝါတွေကို ထွက်ပြီး အမဲလိုက်နေတာကို... ငါက ဘယ်လိုလုပ် စိတ်ချနိုင်မှာလဲကွ"</p> <p>လီချင်းဟွာက ရင်ထဲတွင် အနည်းငယ် ကြည်နူးသွားပြီး မနေနိုင်ဘဲ ပြန်ပြောလိုက်သည်။ "ဆရာလင်း အလုပ်များနေမှန်း သိလို့ ကျွန်တော်တို့ မနှောင့်ယှက်ရဲတာပါ... ဒါနဲ့ ထိုက်ယန်တောင်က ရောဂါပိုး ကိစ္စ ဖြေရှင်းပြီးသွားပြီလား"</p> <p>လင်းယွမ်က ခေါင်းညိတ်လိုက်သည်။ "ထိုက်ယန်တောင်က ကိစ္စတွေ ဖြေရှင်းပြီးသွားပြီ... နောက်မှ မင်းတို့ကို အသေအချာ ပြန်ပြောပြမယ်... အခု မင်းတို့ဘက်က အခြေအနေကို အရင် ပြောပြဦး"</p> <p>"မင်းက ဟင်းလင်းပြင် ခေါက်ချိုးနယ်မြေရဲ့ နှလုံးအမြူတေကို သန့်စင်လိုက်တာလား"</p> <p>လီချင်းဟွာက လျင်မြန်စွာ ခေါင်းညိတ်လိုက်ပြီး စိတ်လှုပ်ရှားစွာ ပြောလိုက်သည်။ "ဟုတ်တယ်... ဒီ ဟင်းလင်းပြင် ခေါက်ချိုးနယ်မြေက ရေပေါ်ကျွန်း တစ်ခုလိုမျိုး ဖြစ်တည်နေမယ်လို့ ကျွန်တော် တကယ်ကို ထင်မထားခဲ့ဘူး"</p> <p>"ဒါပေမဲ့ ဒီဟင်းလင်းပြင် ခေါက်ချိုးနယ်မြေရဲ့ ဦးနှောက်အမြူတေနဲ့ နှလုံးအမြူတေကို သန္ဓေပြောင်း သတ္တဝါတွေက စားသွားတာ"</p> <p>လင်းယွမ်က သူ၏စကားကို ဖြတ်ပြောလိုက်ပြီး လေးနက်သော အသံဖြင့် မေးလိုက်သည်။ "မင်း အခု နှလုံးအမြူတေကို သန့်စင်ပြီးသွားပြီဆိုတော့... ဒီ ဟင်းလင်းပြင်ကို ထိန်းချုပ်နိုင်သွားပြီလား"</p> <p>လီချင်းဟွာက ထိုစကားကို ကြားသောအခါ ခေါင်းခါလိုက်ပြီး "ကျွန်တော်က အပေါ်ယံ သန့်စင်ရုံပဲ ရှိသေးတယ်... အပြည့်အဝ မသန့်စင်နိုင်သေးဘူး... လောလောဆယ် ဒီ ဟင်းလင်းပြင် ခေါက်ချိုးနယ်မြေကို အပေါ်ယံလောက်ပဲ ထိန်းချုပ်နိုင်သေးတယ်" ဟု ပြန်ဖြေလိုက်သည်။</p> <p>လင်းယွမ်က ချက်ချင်း ပြောလိုက်သည်။ "ဒါဆို ဟင်းလင်းပြင် ခေါက်ချိုးနယ်မြေကို ဖွင့်လို့ရလား... ငါတို့ ချက်ချင်း ပြန်မှရမှာ"</p> <p>လီချင်းဟွာက ထိုစကားကို ကြားသောအခါ ချက်ချင်း ခေါင်းညိတ်လိုက်သည်။ "သေချာပေါက် ရတာပေါ့... ကောင်းသားပဲ... ကျွန်တော် ပြန်သွားပြီး ဧဒင်ဥယျာဉ်နဲ့ စာရင်းရှင်းရမယ်"</p> <p>လင်းယွမ်က လက်ခါပြလိုက်ပြီး ပြောလိုက်သည်။ "ဧဒင်ဥယျာဉ် ကိစ္စကို ငါ ဖြေရှင်းပြီးပြီ... ဒါပေမဲ့ ဝူယောင်ပန်းရဲ့ မူလကိုယ်ကိုတော့ မတွေ့သေးဘူး... သူက အရမ်း လျှို့ဝှက်ထားတာ... ဟင်းလင်းပြင်ထဲက တစ်နေရာရာမှာ သူ့ရဲ့ ကိုယ်ပွားတွေ ပုန်းအောင်းနေသေးလားဆိုတာကို ငါ အာမမခံနိုင်ဘူး"</p> <p>"ဘာ... ကိုယ်ပွားဟုတ်လား" လီချင်းဟွာက အလွန် အံ့သြသွားပြီး မေးလိုက်သည်။ "သူက မသေနိုင်တဲ့ ခန္ဓာကိုယ် ပိုင်ရှင် မဟုတ်ဘူးလား"</p> <p>လင်းယွမ်က ခေါင်းခါလိုက်သည်။ "မဟုတ်ဘူး... သူ့ရဲ့ မသေနိုင်တဲ့ ခန္ဓာကိုယ်ဆိုတာက အပြင်လူတွေကို လှည့်စားထားတာ... သူ့ကိုယ်သူ ဘုရားသားတော်အဖြစ် ဖန်တီးထားတာပဲ"</p> <p>"တကယ်တော့ သူ့ရဲ့ မသေနိုင်တဲ့ ခန္ဓာကိုယ်ဆိုတာက ကိုယ်ပွား အစွမ်းပဲ"</p> <p>"သူ့နားက နံပါတ်မျက်နှာဖုံးတွေ တပ်ထားတဲ့ ကောင်းကင်တမန်အဖွဲ့ထဲမှာ... သူ့ရဲ့ ကိုယ်ပွားတွေ အများကြီး ပါတယ်"</p> <p>"သူ့ရဲ့ ဘုရားသားတော် ကိုယ်ပွား သေဆုံးသွားတာနဲ့... ကောင်းကင်တမန်အဖွဲ့ထဲက ဂဏန်းကိုယ်ပွားအသစ် တစ်ခုက မျက်နှာဖုံးကို ချွတ်ပြီး ဘုရားသားတော် နေရာကို အစားထိုးလိုက်တာပဲ... အဲ့လိုနည်းလမ်းနဲ့ သူ ပြန်ရှင်လာသလိုမျိုး လူတွေကို ထင်သွားစေတာ"</p> <p>"ဒီလူရဲ့ မူလကိုယ်က လောလောဆယ် ဘယ်မှာ ပုန်းနေမှန်း မသိရသေးဘူး... ဒါပေမဲ့ သူ့ရဲ့ ဒီကိုယ်ပွားတွေကလည်း နာကျင်မှုကို ခံစားရတယ်... သေရမှာကို မကြောက်ပေမဲ့ နှိပ်စက်ခံရမှာကိုတော့ ကြောက်တယ်"</p> <p>"ငါက ရှောင်မောင်းတောင်ပေါ်မှာ ရှိတဲ့ သူ့ရဲ့ ကိုယ်ပွားတွေကို အကုန် ရှင်းပစ်လိုက်ပြီဆိုပေမဲ့... အဲ့ဒီ ဟင်းလင်းပြင် ခေါက်ချိုးနယ်မြေထဲမှာ အခြား ကိုယ်ပွားတွေ ကျန်နေသေးလားဆိုတာကိုတော့ သေချာ မသိဘူး"</p> <p>"အဲ့ဒါကြောင့် အမြန် ပြန်မှဖြစ်မယ်"</p> <p>"မင်း နှလုံးအမြူတေကို ထိန်းချုပ်နိုင်ပြီဆိုတော့... သူ့ကို အာရုံခံလို့ရမယ့် နည်းလမ်း ရှိလား"</p> <p>"မရဘူး... ဟင်းလင်းပြင်ထဲက သက်ရှိတွေရဲ့ အငွေ့အသက်ကို အာရုံခံဖို့ဆိုရင် ဦးနှောက်အမြူတေ လိုတယ်... ကျွန်တော် ရထားတာက နှလုံးအမြူတေ... ပြီးတော့ အခုလေးတင်မှ ရထားတာဆိုတော့ ဟင်းလင်းပြင်ကို ထိန်းချုပ်နိုင်စွမ်းက မလုံလောက်သေးဘူး" ဟု လီချင်းဟွာက ခေါင်းခါလိုက်သည်။</p> <p>လင်းယွမ်က မေးလိုက်သည်။ "ဒါဆို မင်းက အစတုန်းက ဝူယောင်ပန်းကို ဘယ်လို ရင်ဆိုင်ဖို့ ရည်ရွယ်ထားတာလဲ"</p> <p>"သူသာ မသေနိုင်တဲ့ ခန္ဓာကိုယ် ပိုင်ရှင်ဆိုရင်... ကျွန်တော်က ဟင်းလင်းပြင် အက်ကွဲကြောင်းကို တိုက်ရိုက် ဖွင့်ပြီး သူ့ကို အထဲ ထိုးထည့်လိုက်မယ်... ဟင်းလင်းပြင် စီးကြောင်းတွေထဲမှာ သူ့ကို အဆက်မပြတ် သေလိုက်ရှင်လိုက်ဖြစ်အောင် လုပ်မလို့ပဲ... ဒီနည်းနဲ့ဆို အနှေးနဲ့အမြန် သူ့စွမ်းအင်တွေ ကုန်သွားပြီး တစ်နေ့ကျရင် လုံးဝ သေသွားမှာပဲ" ဟု လီချင်းဟွာက ဖြေလိုက်သည်။</p> <p>လင်းယွမ်က ဖြည်းညင်းစွာ ခေါင်းညိတ်လိုက်သည်။ ၎င်းက တကယ်ကို ကောင်းမွန်သော နည်းလမ်းတစ်ခု ဖြစ်ပေသည်။</p> <p>အရင်တုန်းက ဝူမုန့်နှင့် ယခင်က ဟွမ်မင်ခိုင်တို့ကိုပင် တကယ်တော့ ဤနည်းလမ်းကို အသုံးပြုကာ တစ်ဖက်လူ၏ အစွမ်းများကို ကုန်ခမ်းစေနိုင်သည်။</p> <p>တစ်ဖက်လူ၏ စွမ်းအင်များသာ လုံးဝ ကုန်ခမ်းသွားပါက မည်သည့် မသေနိုင်သော ခန္ဓာကိုယ်ဖြစ်စေ၊ မည်သည့် ထိခိုက်မှု လွှဲပြောင်းခြင်းဖြစ်စေ နောက်ဆုံးတွင် သေလမ်း တစ်လမ်းသာ ရှိတော့သည်။</p> <p>"ခုနက ရှန်ယန် ပြောတော့... မင်းတို့ ဦးနှောက်အမြူတေကို သန့်စင်ထားတဲ့ သန္ဓေပြောင်း သတ္တဝါကို သတ်လိုက်တော့... ဦးနှောက်အမြူတေက လုံးဝ ပျောက်ကွယ်သွားတယ်ဆို... ဒါက အမှန်ပဲလား"</p> <p>လီချင်းဟွာ၏ မျက်နှာက နောင်တရကာ နှမြောနေပုံပေါ်ပြီး ပြန်ဖြေလိုက်သည်။ "အမှန်ပဲ... အဲ့ဒီ ဦးနှောက်အမြူတေ လုံးဝ ပျောက်ကွယ်သွားတာကို ကျွန်တော် အာရုံခံလို့ ရတယ်"</p> <p>"ဒီ ရေပေါ်ကျွန်းတွေရဲ့ နှလုံးအမြူတေနဲ့ ဦးနှောက်အမြူတေတွေကို... ပထမတစ်ကြိမ်ပဲ အလွယ်တကူ သန့်စင်လို့ ရတာ"</p> <p>"ဒုတိယအကြိမ် သန့်စင်ချင်ရင်... အသက်ရှင်နေတဲ့ ခန္ဓာကိုယ်ထဲမှာပဲ သန့်စင်လို့ရတယ်... အဲ့ဒီလိုမှ မဟုတ်ရင် မူလ သန့်စင်ထားတဲ့သူ သေသွားတာနဲ့... နှလုံးအမြူတေနဲ့ ဦးနှောက်အမြူတေက သေချာပေါက် ပျောက်ကွယ်သွားလိမ့်မယ်"</p> <p>"ဒါပေမဲ့ ရေပေါ်ကျွန်းကတော့... ပျောက်ကွယ်သွားမှာ မဟုတ်ဘူး"</p> <p>လင်းယွမ်က ဖြည်းညင်းစွာ ခေါင်းညိတ်လိုက်ပြီး ဤအချက်ကို မှတ်သားထားလိုက်သည်။</p> <p>လီချင်းဟွာက ပြောလိုက်သည်။ "ကျွန်တော်တို့ မြွေမိစ္ဆာ ဟင်းလင်းပြင်ကို ပြန်ကြရအောင်"</p> <p>"မြွေမိစ္ဆာ ဟင်းလင်းပြင် ဟုတ်လား" ဟု လီရှန်ယန်က မှင်သက်စွာ မေးလိုက်သည်။</p> <p>လီချင်းဟွာက ခေါင်းကို တစ်ချက် ပုတ်လိုက်သည်။ "ပြောဖို့ မေ့နေတာ... ဒီ ဟင်းလင်းပြင် ခေါက်ချိုးနယ်မြေက တကယ်တော့ မြွေမိစ္ဆာ ဟင်းလင်းပြင်လို့ ခေါ်တာ... ကျွန်တော် သန့်စင်လိုက်တဲ့ နှလုံးအမြူတေဆီက ရလာတဲ့ အမွေအနှစ်အရဆိုရင်... ဒီဟင်းလင်းပြင် အမျိုးအစား ရေပေါ်ကျွန်းက တကယ်တော့... အခြေခံအားဖြင့် ရှင်းမြွေမိစ္ဆာလို့ ခေါ်တဲ့ သတ္တဝါရဲ့ အလောင်းကနေ ဖြစ်ပေါ်လာတာပဲ"</p> <p>ဆက်ရန်...</p> <p>နောက်တစ်အုပ်မှာ လီချင်းဟွာက ဟင်းလင်းပြင်ခေါက်ချိုးနယ်မြေကို ဘယ်လောက်အတိုင်းအတာထိ ထိန်းချုပ်နိုင်သွားမလဲ၊ လင်းယွမ်ကရော ဟင်းလင်းပြင်မျိုးရိုးဗီဇမျိုးစေ့ ရသွားနိုင်မလား၊ အအေးလှိုင်းတွေဝင်လာလို့ ရေပြင်ကြီးခဲသွားရင် ထိုက်ယန်တောင် ဘာတွေ ကြုံရဦးမလဲ၊ ရေပေါ်ကျွန်းတွေရော ထပ်ပေါ်လာဦးမလား၊ ကွမ်ဖူတပ်ဖွဲ့နဲ့ဂိုဏ်းကြီးသုံးဂိုဏ်းနဲ့ရော ဘယ်လိုပြဿနာတွေ ထပ်ဖြစ်ဦးမလဲဆိုတာကို နောက်တစ်အုပ်မှာ ဆက်ပြီးအားပေါ်ကြဦးနော်။</p> <p> </p> <p style="text-align: center;"> </p> <p style="text-align: center;">***</p>


Save