Book List

<h2 style="text-align: center;">အခန်း ၃၂၈</h2> <h2 style="text-align: center;">မင်းတို့ကိုယ်မင်းတို့ အထင်ကြီးလွန်းနေကြတယ် ...</h2> <h2 style="text-align: center;">ငါ့ရဲ့ကျွန်ဖြစ်ဖို့ ဘယ်လိုတောင် သတ္တိရှိနေကြတာလဲ</h2> <h2 style="text-align: center;">*</h2> <p> </p> <p> </p> <p>စက်ရုပ်ဆန်ဆန် အသံထွက်ပေါ်လာသည်နှင့် မူအကြီးအကဲ မှင်တက်သွား၏။</p> <p> </p> <p>ဘာဖြစ်တာလဲ။</p> <p> </p> <p>သူ၏မျက်ဝန်းထဲတွင် ဇဝေဇဝါဖြစ်မှုများ ဖြတ်ပြေးသွားပြီး အလိုမကျဖြစ်သွားခဲ့သည်။</p> <p> </p> <p>ကောင်းကင်မျက်လုံးများကို  အသုံးပြုခဲသော်လည်း အချိန်တစ်ခုတိုင်းတွင် လေ့ကျင့်ခန်းများကို ပြုလုပ်လေ့ရှိ၏။</p> <p> </p> <p>ထို့အပြင် လေ့ကျင့်ခန်းအစီအစဉ်များကို လုပ်ဆောင်နေသည့် စက်ရုပ်များပင်လျှင် ၎င်းမှာ လေ့ကျင့်ခန်းလား သို့မဟုတ် အစစ်အမှန်လားဆိုသည်ကို သိရှိနိုင်မည်မဟုတ်ပေ။</p> <p>စစ်ရေးလေ့ကျင့်ခန်းတိုင်းမှာလည်း စနစ်တကျရှိခဲ့ပြီး ယခုကဲ့သို့ အခြေအနေမျိုးနှင့် တစ်ခါမျှ မကြုံတွေ့ခဲ့ဖူးချေ။</p> <p>ညွှန်ကြားချက် ပျက်ကွက်ပါသည်။</p> <p>အမည်မသိ အမှားတစ်ခု ဖြစ်ပေါ်နေသည်တဲ့။</p> <p>"ဘာအမည်မသိ အမှားလဲ၊ ကိုယ်တိုင် စစ်ဆေးမှုကို စတင်စမ်း"</p> <p> </p> <p>မူအကြီးအကဲက စိတ်မရှည်စွာ အော်ဟစ်လိုက်သည်။</p> <p>သူ၏အသံမှာ ဖုံးကွယ်ထားခြင်းမရှိသဖြင့် သတ္တမမြောက်မင်းသားနှင့် ကုံယီချိုင်တို့၏ နားထဲသို့ တိုက်ရိုက်ကျရောက်သွားသည်။</p> <p>သတ္တမမြောက်မင်းသား၏ အမူအရာမှာ နားမလည်နိုင်သည့်အလား အံ့အားသင့်နေ၏။</p> <p>ကုံယီချိုင်မှာလည်း ထိတ်လန့်သွားသည်။</p> <p> </p> <p>သူသည်လည်း ကောင်းကင်မျက်လုံး ၏ စစ်ရေးလေ့ကျင့်ခန်းများတွင် ပါဝင်ခဲ့ဖူးသူဖြစ်ပါသည်။</p> <p>အမည်မသိအမှားလား။</p> <p>သူသိထားသော အချက်အလက်အရ ထိုအရာမျိုးက  ဖြစ်နိုင်ခြေ လုံးဝမရှိသလောက်ပင် ။</p> <p>ကောင်းကင်မျက်လုံးများသည် သီးခြားရပ်တည်နေပြီး အခြားသော ကွန်ရက်များနှင့် ချိတ်ဆက်ထားခြင်း လုံးဝ မရှိပေ။</p> <p>၎င်းတို့သည် ကိုယ်ပိုင်စွမ်းအင် ကိုယ်ပိုင်ကွန်ယက်အပြင်  မိမိကိုယ်ကို လည်း အဆက်မပြတ် စစ်ဆေးနေကြသည်။</p> <p>ကောင်းကင်မျက်လုံးများပေါ်ရှိ စက်ရုပ်များကလည်း နောက်ဆုံးပေါ်မျိုးဆက်များဖြစ်ပြီး လူသားများထက် အမှားဖြစ်နှုန်း များစွာနည်းပါး၏။</p> <p>ပို၍အရေးကြီးသည်မှာ ကောင်းကင်မျက်လုံးများသည် ကောင်းကင်ဘုံအတားအဆီးများကဲ့သို့ အာကာသထဲတွင် မြင့်မားစွာ တည်ရှိနေခြင်းဖြစ်သည်။</p> <p> </p> <p>ထို့ကြောင့်   ကောင်းကင်မျက်လုံးအချင်းချင်းမှလွဲ၍ ကမ္ဘာပေါ်တွင် ကောင်းကင်မျက်လုံးကို ထိခိုက်စေနိုင်သည့် လက်နက်ဟူ၍ မရှိပေ။</p> <p>အဆုံးတွင်တော့ ကောင်းကင်မျက်လုံးဆိုသည်မှာ ဤကမ္ဘာပေါ်ရှိ အဆင့်မြင့်ဆုံး လက်နက်အားလုံးနီးပါး တပ်ဆင်ထားသည့် အာကာသထဲမှ စစ်လက်နက်ခံတပ်ကြီးပင် ဖြစ်သည်။</p> <p>သို့သော်... ယခု အမည်မသိ အမှားတစ်ခု ဖြစ်ပေါ်ခဲ့သည်ဆို၏။</p> <p>ပြီးတော့... ကောင်းကင်မျက်လုံး တစ်ခုတည်းတင်မကဘဲ အားလုံးဟာ တစ်ချိန်တည်းမှာ ထိခိုက်သွားပုံရတာကြောင့်  စိတ်ကူးကြည့်ဖို့တောင် ခက်ခဲလှသည်။</p> <p> </p> <p>ကောင်းကင်မျက်လုံးများ ဘာဖြစ်သွားသည်ဆိုတာကို ကုံယီချိုင်  မစဥ်းစားနိုင်တော့ပေ။</p> <p>"ကိုယ်တိုင် စစ်ဆေးမှု စတင်နေပြီ..."</p> <p> </p> <p>"တီ  တီ  တီ ... ကောင်းကင်မျက်လုံးများသည် အမည်မသိ တိုက်ခိုက်မှုကို ခံနေရသည်၊ အဆင့်တစ် သတိပေးချက်သို့ ဝင်ရောက်နေသည်၊ ကာကွယ်ရေးစနစ်ကို စတင်နေပါသည်..."</p> <p>အချက်ပေးသံ ထပ်မံထွက်ပေါ်လာပြီး မူအကြီးအကဲ၏ မျက်နှာမှာ လုံးဝ ပြောင်းလဲသွားတော့သည်။</p> <p>ကောင်းကင်မျက်လုံးများသည် တကယ်ပင် တိုက်ခိုက်ခံနေရလေပြီ။</p> <p> </p> <p>ပြီးတော့ အဆင့်တစ် သတိပေးချက်ဆိုသည်မှာ အမြင့်ဆုံး သတိပေးချက် အဆင့်ဖြစ်သည်။</p> <p>ယင်းမှာ ကောင်းကင်မျက်လုံးများပေါ်သို့ ကျရောက်နေသည့် တိုက်ခိုက်မှုမှာ... ၎င်းတို့ ကိုင်တွယ်နိုင်စွမ်းထက် ကျော်လွန်နေနိုင်သည်ဟု အဓိပ္ပာယ်ရ၏။</p> <p> </p> <p>"ဘယ်သူလဲ၊ ကုဝူလား၊ ကန်ရှင်းလား ဒါမှမဟုတ် ကြယ်ခုနှစ်ပွင့်ထဲက  အခြားမိသားစုလား"</p> <p> </p> <p> မူအကြီးအကဲ၏ စူးရှသော အကြည့်မှာ သတ္တမမြောက်မင်းသားထံသို့ ကျရောက်သွားသည်။</p> <p>ကောင်းကင်မျက်လုံးများကို အချိန်တိုအတွင်း ထိုကဲ့သို့ အကျပ်ရိုက်စေနိုင်သည်မှာ အခြားသော ကောင်းကင်မျက်လုံးများသာ ရှိသည်မဟုတ်ပါလား။</p> <p>တော်ဝင်မိသားစုသည် မိမိအား တိုက်ခိုက်ရန်အတွက် ကြယ်ခုနှစ်ပွငိ့ထဲမှ အခြားမိသားစုများနှင့် ပူးပေါင်းကြံစည်လေသလားဟုပင် သူ သံသယဝင်သွားသည်။</p> <p>"ကြယ်စင်ကွန်ရက်ကို ဖွင့်စမ်း၊ ဘာဖြစ်နေလဲဆိုတာ ငါ့ကို ပြပါ"</p> <p>လက်ရှိတွင် တိုက်ခိုက်ခံနေရသော ကောင်းကင်မျက်လုံးများသည် ကာကွယ်ရေးမုဒ်တွင် ရှိနေသဖြင့် တိုက်ရိုက်ပုံရိပ်များကို ပြန်လည်မပို့လွှတ်နိုင်ပေ။</p> <p>မူအကြီးအကဲသည် ကြယ်စင်ကွန်ရက် ကို အသက်သွင်းလိုက်ရ၏။</p> <p>ကြယ်စင်ကွန်ရက်သည် ဘလူးစတားရှိ ဂြိုဟ်တုများနှင့် ဆင်တူပြီး အာကာသထဲတွင် ရှိနေကာ ပုံရိပ်များနှင့် ဗီဒီယိုများကို တိတိကျကျဖမ်းယူနိုင်သည်။</p> <p> </p> <p>မူအကြီးအကဲ၏ညွှန်ကြားချက်ထုတ်ပြီးသည်နှင့် ချက်ချင်းဆိုသလို ခန်းမအတွင်းရှိ လေထုထဲတွင် မြင်ကွင်းအမျိုးမျိုး ပေါ်လာ၏။</p> <p>ပထမဆုံး မြင်တွေ့ရသည်မှာ 'မူ ၀၁' ကောင်းကင်မျက်လုံး ဖြစ်သည်။</p> <p>အေးစက်ပြီး ခြောက်သွေ့သော အာကာသထဲတွင် ကြီးမားသော စစ်ခံတပ်ကြီးတစ်ခုသည် ကောင်းကင်ယံ၌ ချိတ်ဆွဲထားသကဲ့သို့ ရှိနေ၏။</p> <p> </p> <p>ထိုသံမဏိသတ္တဝါကြီးအတွင်းတွင် ထူးဆန်းသောပုံစံရှိသည့် စက်ယန္တရားများနှင့် သယ်ယူပို့ဆောင်ရေးစနစ်များ လှုပ်ရှားနေကြသည်။</p> <p>မရေမတွက်နိုင်သော စက်ရုပ်များသည် လည်း ပုရွက်ဆိတ်များကဲ့သို့ ကင်းလှည့်နေကြ၏။</p> <p>ပြန်လည်ရုပ်သိမ်းနိုင်သော အမြောက်ပြောင်းကြီးများကတော့ အေးစက်ပြီး ခိုင်မာကာ ပြင်းထန်သောခြိမ်းခြောက်နိုင်စွမ်းကို ထုတ်လွှတ်နေကြသည်။</p> <p> </p> <p>အာကာသထဲမှ ကြီးမားသောစစ်ခံတပ်ကြီးသည် သိပ္ပံစိတ်ကူးယဉ်ဇာတ်လမ်းထဲမှအတိုင်း ကြီးမားထည်ဝါလှ၏။</p> <p>သံမဏိခံတပ်ကြီးသည် ၎င်း၏ အစွယ်များကို ထုတ်ပြရန် စောင့်ဆိုင်းနေသည့် အာကာသသတ္တဝါကြီးကဲ့သို့ စနစ်တကျ လည်ပတ်နေလေသည်။</p> <p>ထိုအခိုက်  အလင်းတန်းတစ်ခုက ရုတ်တရက် ဖြတ်သန်းသွားသကဲ့သို့ လင်းလက်သွားသည်။</p> <p>ဝုန်း...</p> <p> </p> <p>၎င်းမှာ အသံမဟုတ်ဘဲ လှုပ်ရှားမှုတစ်ခု ဖြစ်သည်။</p> <p>ကြီးမားသော သံမဏိသတ္တဝါကြီးသည် မီးအလင်းရောင်များဖွင့်လိုက်သလို ရုတ်တရက် မျက်စိပြာမတတ် လင်းလက်သွား၏။</p> <p> </p> <p>နောက်တစ်စက္ကန့်တွင် သံမဏိဘီလူးကြီးပေါ်ရှိ မရေမတွက်နိုင်သော စက်ရုပ်များမှာ... အစိတ်စိတ်အမွှာမွှာ ကွဲအက်သွားလေသည်။</p> <p>ထိတ်လန့်ဖွယ်ကောင်းသော သံမဏိခံတပ်ကြီးမှာလည်း ပြိုကျပျက်စီးလွယ်သည့် ကစားစရာရွံ့တုံးများအလား ပင်မကိုယ်ထည်ကြီး  အက်ကွဲသွား၏။</p> <p> </p> <p>လူအများကို ပို၍ထိတ်လန့်သွားစေသည်မှာ တစ်ချိန်က ပြီးပြည့်စုံခဲ့သော သံမဏိယာဥ်ကြီးမှာ သိပ္ပံစိတ်ကူးယဉ် ရုပ်ရှင်ထဲမှ မြင်ကွင်းတစ်ခုကဲ့သို့ အပိုင်းပိုင်း ပျက်စီးသွားခဲ့ခြင်းပင်ဖြစ်သည်။</p> <p> </p> <p>ကမ္ဘာပေါ်ရှိအင်အားအကောင်းဆုံး ဒုံးကျည်များကပင် ကောင်းကင်မျက်လုံးကို အစင်းရာလေးတောင် မထင်စေနိုင်ခဲ့သော်လည်း ယခုအခါတွင်မူ... ပင်မတည်ဆောက်ပုံ၏ ၈၀ ရာခိုင်နှုန်းကျော် ပျက်စီးသွားလေပြီ။</p> <p> </p> <p>အလင်းတန်းက လုပ်လိုက်တာလား။</p> <p> </p> <p>အဲဒီအလင်းတန်းက ဘာကြီးလဲ။</p> <p> </p> <p>ဘယ်လိုလက်နက်က... ကောင်းကင်မျက်လုံးကို ပျက်စီးအောင် လုပ်နိုင်တာလဲ။</p> <p>မူမိသားစုဝင်များသည်  ပျက်စီးသွားသော ကောင်းကင်မျက်လုံးအား စိုက်ကြည့်နေကြပြီး ၎င်းတို့၏ မျက်ဝန်းထဲတွင် နားမလည်ခြင်းများဖြင့် ရှုပ်ထွေးနေကြ၏။</p> <p> </p> <p>မူအကြီးအကဲ၏ မျက်နှာမှာ တင်းမာနေသည်။</p> <p> </p> <p>"ဘယ်သူလဲ၊ ဘယ်သူက ဒါကို လုပ်တာလဲ၊ သူတို့ကို ငါ ပြန်ပေးဆပ်ခိုင်းရမယ်"</p> <p>ကောင်းကင်မျက်လုံးတစ်ခုကို ပြန်လည်ပြုပြင်ရန် အနည်းဆုံး ဆယ်စုနှစ်ပေါင်းများစွာ ကြာမြင့်မည်ဖြစ်သည်။</p> <p>သို့သော်လည်း ထိုအချိန်တွင် ထူးဆန်းသော အသံတစ်ခုမှာ ပုံရိပ်ဖော်စနစ်မှတစ်ဆင့် လူတိုင်း၏ နားထဲသို့ ရောက်ရှိလာ၏။</p> <p> </p> <p>သို့သော် ၎င်းမှာ သိပ္ပံနည်းကျရောက်လာခြင်းတော့ မဟုတ်ပေ။</p> <p> </p> <p>"ဒီကောင်းကင်မျက်လုံးက တကယ်ကို ခိုင်မာတာပဲ၊ လေတစ်ချက်မှုတ်ရုံနဲ့ ဖုန်မှုန့်ဖြစ်သွားအောင် မလုပ်နိုင်ဘူး။"</p> <p> </p> <p>"ယောက်ျား.... မိန်းမကို  ပိုပြီး တင်းတင်းကြပ်ကြပ် ဖက်ထားဦး... ကျွန်မ လက်တစ်ဖက် လွှတ်ဖို့လိုတယ်"</p> <p>အနည်းငယ် ကလူကျီစယ်နေသော အသံချိုချိုလေးတစ်ခုမှာ အခန်းထဲရှိ လူတိုင်း၏ နားထဲသို့ ရောက်ရှိလာသည်။</p> <p> </p> <p>မူမိသားစုဝင်များအားလုံး မှင်တက်သွားကြ၏။</p> <p> </p> <p>အကယ်၍   သူမပြောသည်ကသာ အမှန်ဖြစ်ခဲ့လျှင်....။</p> <p> </p> <p>အာကာသထဲရှိ ကောင်းကင်မျက်လုံးကြီး... အပိုင်းပိုင်း ကွဲသွားခဲ့သည်မှာ သူမက လေလေးတစ်ချက်မှုတ်လိုက်လို့တဲ့လား။</p> <p> </p> <p>ဒါဟာ ဘယ်လိုမျိုး ကြီးမားတဲ့ စွမ်းအားလဲ။</p> <p>အိမ်မက်ထဲမှာပင် မမက်ဖူးသော စွမ်းအားကြီး မဟုတ်ပါလား။</p> <p> </p> <p>သူတို့ ထပ်မံ မစဉ်းစားနိုင်ခင်မှာပင် ပို၍ ထိတ်လန့်ဖွယ်ကောင်းသော မြင်ကွင်းတစ်ခု ပေါ်လာသည်။</p> <p> </p> <p>ကျယ်ပြန့်သော အာကာသထဲတွင် ယခင်ကထက် အဆတစ်ရာမက ပိုမိုပြင်းထန်သော အလင်းတန်းတစ်ခု လင်းလက်သွားပြန်၏။</p> <p> </p> <p>အလင်းတန်းသည် သမုဒ္ဒရာကဲ့သို့ ကျယ်ပြောပြီး နတ်ဘုရားစွမ်းအင်ကဲ့သို့ ရှိသည်။</p> <p> </p> <p>၎င်းကို သာမန်လူများက နားမလည်နိုင်သလို ဖော်ပြရန်လည်း မဖြစ်နိုင်ပေ။</p> <p> </p> <p>ဝန်ခံရလျှင်... ထိုနေရာတွင် ရှိနေသူတိုင်းသည် ဤနတ်ဘုရားစွမ်းအင်ကို မြင်လိုက်ရသည့်အခါ ရုတ်တရက် ဝတ်ပြုကိုးကွယ်လိုစိတ်များပင် ပြည့်နှက်သွားခဲ့သည်။</p> <p> </p> <p>နတ်ဘုရားစွမ်းအင်အောက်တွင် တစ်လောကလုံးက ကြောက်ရွံ့ရပါသည်ဆိုသော ကောင်းကင်မျက်လုံး ဘီလူးကြီးမှာ အာကာသလက်နက်ဖြင့် အပစ်ခံလိုက်ရသော ပိုးရွှေနီလေးတစ်ကောင်ကဲ့သို့ အစိတ်စိတ်အမွှာမွှာ ကွဲအက်ကာ ဖုန်မှုန့်အဖြစ် ပြောင်းလဲသွားတော့သည်။</p> <p> </p> <p>လက်နက်ထဲမှ စွမ်းအင်များပေါက်ကွဲကုန်သည်မှာ အာကာသထဲတွင် ခမ်းနားထည်ဝါလှသော မီးရှူးမီးပန်းများ ဖောက်လိုက်သကဲ့သို့ပင်။</p> <p> </p> <p>ချင်းယွမ်တစ်ခွင်လုံးတွင်လည်း လူများသည်  အထက်ကောင်းကင်ယံတွင် ပွင့်လန်းလာသော မီးရှူးမီးပန်းများကို ရင်သပ်ရှုမောဖွယ် မြင်တွေ့လိုက်ရသည်။</p> <p> </p> <p>ထိုအချိန်တွင် သတိပေးချက်များ ကလည်း ဆက်တိုက်ထွက်ပေါ်လာ၏။</p> <p>"သတိပေးချက်၊ မူ ၀၁ ကောင်းကင်မျက်လုံးနှင့် အဆက်အသွယ် ပြတ်တောက်သွားသည်"</p> <p>"သတိပေးချက်၊ မူ ၀၂ ကောင်းကင်မျက်လုံးနှင့် အဆက်အသွယ် ပြတ်တောက်သွားသည်"</p> <p>......</p> <p> </p> <p>.......</p> <p> </p> <p>"သတိပေးချက်၊ မူ ၁၃ ကောင်းကင်မျက်လုံးနှင့် အဆက်အသွယ် ပြတ်တောက်သွားသည်"</p> <p>အချက်ပေးသံများမှာ ခန်းမတစ်ခုလုံး ပြည့်နှက်သွားခဲ့သည်။</p> <p> </p> <p>မူမိသားစုဝင်များ၏ မျက်နှာများမှာ ထိတ်လန့်မှုများဖြင့် ပြည့်နှက်နေပြီး သူတို့၏ဝိညာဉ်များပင် ခန္ဓာကိုယ်မှ ထွက်ခွာသွားသကဲ့သို့ ဖြစ်နေကြ၏။</p> <p> </p> <p>"ဒါ ဘယ်လိုလုပ် ဖြစ်နိုင်မှာလဲ"</p> <p> </p> <p>"ကောင်းကင်မျက်လုံးဆယ့်သုံးလုံးစလုံး... လေတစ်ချက်ထဲနဲ့ ပျက်စီးသွားတာလား"</p> <p> </p> <p>"ငါ မယုံဘူး"</p> <p>"ဒါဟာ အချက်ပေးစနစ် မှားယွင်းတာ ဖြစ်ရမယ်၊ ဟုတ်တယ်၊ အမှားပဲ ဖြစ်ရမယ်"</p> <p> </p> <p>မူမိသားစုဝင်များသည် မျက်လုံးများ နီမြန်းလာပြီး လက်တွေ့ဘဝကို လက်မခံနိုင်ကြဘဲ အထင်မှားအမြင်မှားဖြစ်ရန်သာ မျှော်လင့်နေကြ၏။</p> <p> </p> <p>သူတို့၏ မျက်ဝန်းထဲတွင် တစ်ချိန်က တောက်ပခဲ့သော မာန်မာနနှင့် သာလွန်မှုများ ကွယ်ပျောက်သွားပြီ ဖြစ်သည်။</p> <p> </p> <p>ကောင်းကင်မျက်လုံး  ဆယ့်သုံးလုံး ပျက်စီးသွားခြင်းက ဘာကို ဆိုလိုသနည်း။</p> <p>ယခုနေရာတွင် ရှိနေသူတိုင်း ကောင်းစွာ နားလည်ကြသည်။</p> <p>ယင်းမှာ မူမိသားစု၏ အထူးအခွင့်အရေးများ လုံးဝ ကွယ်ပျောက်သွားပြီဟု ဆိုလိုခြင်း မဟုတ်ပါလား။</p> <p> </p> <p>ထိုကောင်းကင်မျက်လုံး  ဆယ့်သုံးလုံးကြောင့်သာ မူမိသားစုသည် ချင်းယွမ်ရှိ ထိပ်သီးမိသားစု သုံးစုထဲတွင် တစ်ခုအပါအဝင် ဖြစ်နေခြင်းပင်။</p> <p> </p> <p>သို့သော် ကောင်းကင်မျက်လုံးများ ပျက်စီးသွားပြီဖြစ်၍ အရာအားလုံး... ပြီးဆုံးသွားပြီလည်း ဖြစ်သည်။</p> <p> </p> <p>ကောင်းကင်မျက်လုံးများ မရှိသည့်ဘဝမှာ မည်သို့ရှိမည်ကို မူမိသားစုဝင် မည်သူမျှ စိတ်ကူးမယဉ်ခဲ့ဖူးပေ။</p> <p> </p> <p>ကောင်းကင်မျက်လုံး၏ စွမ်းအားသည် နတ်ဘုရားများကိုပင် တုန်လှုပ်စေရန် လုံလောက်သောကြောင့် ၄င်းလက်နက် ၁၃ ခုကိုပိုင်ဆိုင်ထားခြင်းက အကြွင်းမဲ့အာဏာကို ပြသထားသလိုပင်။</p> <p> </p> <p>သို့သော် ယခုအခါ... ကောင်းကင်မျက်လုံးဆယ့်သုံးလုံးစလုံး ကွယ်ပျောက်သွားပြီ ဖြစ်၏။</p> <p> </p> <p>"သွားပြီ... အားလုံး သွားပြီ..."</p> <p> </p> <p>မူအကြီးအကဲ၏ အသံမှာ အက်ကွဲနေပြီး သူ၏ စိတ်ဓာတ်မှာလည်း လုံးဝ ပြိုလဲသွားကာ ခန္ဓာကိုယ်မှာလည်း ရုတ်တရက် ကုန်းသွားခဲ့သည်။</p> <p>ကောင်းကင်မျက်လုံးများသည် သူတို့အတွက် အရာအားလုံး ဖြစ်သည်။</p> <p> </p> <p>၎င်းတို့မရှိလျှင် မူမိသားစုသည် မကြာမီပင် ပြိုလဲသွားပေတော့မည်။</p> <p> </p> <p>သူတို့ကို စောင့်ကြိုနေသည့် မုန်တိုင်းများကို သူတို့ စိတ်ပင် မကူးဝံ့ကြပေ။</p> <p> </p> <p>"ငါ့လက်ထက်ကြမှ မူမိသားစုကတော့ အဆုံးသတ်ရတော့မယ်၊ ငါဟာ အပြစ်သားပဲ... အီး.. ဟီး  ဟီး ..."</p> <p> </p> <p>မကြာသေးမီကပင်  အလွန်အမင်း အာဏာပြနေခဲ့သော အဖိုးအိုမှာ ယခုအခါ လေထဲတွင် တုန်ရီနေသော မီးစာကုန်ဆီခမ်း ဆီမီးတိုင်ကဲ့သို့ ဖြစ်နေပြီး ရုတ်တရက် အသက်နှစ်ဆယ်ခန့် ပို၍အိုမင်းသွားသကဲ့သို့ ဂျုန်းဂျုန်းကျသွား၏။</p> <p> </p> <p>ချင်းယွမ်ရှိ သြဇာအရှိဆုံး ပုဂ္ဂိုလ်များထဲမှ တစ်ဦးဖြစ်သည့် မူမိသားစု၏ မျိုးနွယ်စုခေါင်းဆောင်ကြီးမှာ... အဆုံးတွင်တော့ သာမန်လူတစ်ယောက်မျှသာ။</p> <p> </p> <p>ထိုအချိန်တွင် နောက်ပြောင်ကျီစယ်သော အသံတစ်ခုမှာ လူတိုင်း၏ နားထဲသို့ ထပ်မံ ရောက်ရှိလာသည်။</p> <p>မူမိသားစုဝင်များမှာ ရုတ်တရက် တင်းမာသွားကြ၏။</p> <p>အဘယ်ကြောင့်ဆိုသော် ဤအသံမှာ... စောစောက ကြယ်စင်ကွန်ရက်မှ ထွက်ပေါ်လာသည့် အသံနှင့် ထပ်တူကျနေသောကြောင့် ဖြစ်သည်။</p> <p> </p> <p>"ယောက်ျား၊ နောက်ထပ် ဘယ်သူ့ကို သတ်ရဦးမလဲ"</p> <p>ထိုအသံ ထွက်ပေါ်လာသည်နှင့်အမျှ အခန်းထဲရှိ လူတိုင်းမှာ လေပြင်းတစ်ခု ဖြတ်တိုက်သွားသကဲ့သို့ ခံစားလိုက်ရသည်။</p> <p>ရုတ်တရက်ဆိုသလို ခန်းမထဲသို့ လူငယ်တစ်ဦးနှင့်မိန်းပျိုတစ်ဦးတို့မှာ နတ်ဘုရားနှစ်ပါးကဲ့သို့ မည်သည့်နေရာမှန်းမသိ ပေါ်လာ၏။</p> <p> </p> <p>"သူပဲ... ကောင်းကင်မျက်လုံးတွေကို ဖျက်ဆီးခဲ့တဲ့သူက သူပဲ"</p> <p> </p> <p>"သူတို့ ဘယ်လိုလုပ် ဒီလောက်မြန်မြန် ရောက်လာတာလဲ"</p> <p> </p> <p>"အား..."</p> <p> </p> <p>မူမိသားစုဝင်များ၏ ထိတ်လန့်တကြားအသံများ ဆူညံသွားပြီး ခြေထောက်များလည်း တုန်ရီနေကြသည်။</p> <p>အပြင်လောကတွင် သူတို့သည် ကောင်းကင်ကို တုန်ခါစေနိုင်ပြီး စကားတစ်လုံးတည်းဖြင့် စီးပွားရေး သို့မဟုတ် အရာရှိခန့်အပ်မှုများကို ဆုံးဖြတ်နိုင်လောက်အောင် အင်အားကြီးမားကြသည်။</p> <p>သို့သော် ယခုအခါတွင်မူ သူတို့သည် အမှန်တကယ်ပင် မည်မျှ စွမ်းအားမဲ့ပြီး အားနည်းလှကြောင်းကို သိရှိခံစားလာရလေပြီ။</p> <p>သတ္တမမြောက်မင်းသား၏ အကြည့်မှာမိန်းမပျိုထံသို့ မရဲတရဲရောက်ရှိသွားသည်။ သူမ၏ အလှမှာ မြေပြင်သို့ ဆင်းသက်လာသော နတ်သမီးတစ်ပါးကဲ့သို့ပင် မှင်တက်ဖွယ်ကောင်းလွန်းသော်လည်း သူ ကြာကြာမကြည့်ဝံ့ပေ။</p> <p>ထို့နောက် သူ၏အကြည့်မှာ ရင်းနှီးနေသော လူငယ်၏ မျက်နှာထံသို့ ရောက်ရှိသွားသည်။ ထိုမျက်နှာကို မြင်လိုက်ရသည့်အခါ သူ၏မျက်ဝန်းထဲတွင် အံ့အားသင့်မှုများ ပြည့်နှက်သွားသည်။</p> <p>"မစ္စတာကျိ..၊ ကျွန်တော်က သတ္တမမြောက်မင်းသားပါ"</p> <p>သူ၏အသံမှာ အနည်းငယ် တုန်ရီနေ၏။</p> <p>မျှော်လင့်ထားသည့်အတိုင်းပင်... ကောင်းကင်မျက်လုံး ဆယ့်သုံးလုံးစလုံးကို ဖျက်ဆီးခဲ့သူမှာ  မစ္စတာကျိနှင့်... သူ၏ အမည်မသိအဖော်ပင် ။</p> <p> </p> <p>ယခုအနေအထားအရ  မစ္စတာကျိသည် မူမိသားစုထံ ပြဿနာရှာရန် မြို့တော်သို့ လာရောက်ခဲ့ခြင်း ဖြစ်၏။</p> <p>မစ္စတာကျိအား  မူမိသားစုက တစ်ခုခုလုပ်တော့မည်ဟူသောသတင်းကို ဝမ်ဝင်မင်ထံမှ ဖုန်းလက်ခံရရှိသည့်အခါ သူ ချက်ချင်း အရေးတကြီးဆောင်ရွက်ခဲ့သည်။</p> <p> </p> <p>ကျိယွမ်အပေါ် ရင်းနှီးမြှုပ်နှံခြင်းစတင်ရန်အတွက် သူ့ကို အကာအကွယ်ပေးရန်နှင့် ကောင်းကင်မျက်လုံးများ၏ အတားအဆီးများကို ဖယ်ရှားပေးရန် ဖြစ်သည်။</p> <p>ထို့ကြောင့် သူသည် မူမိသားစုထံ လာရောက်ခဲ့သော်လည်း အရှက်ခွဲခံခဲ့ရခြင်းသာ အဖတ်တင်ခဲ့၏။</p> <p>မူမိသားစုမှာ တော်ဝင်မိသားစုကို လုံးဝ ဂရုမစိုက်တော့ပေ။</p> <p>သူသည် စိတ်ပျက်ခဲ့ပြီး သူ၏ အစီအစဉ် ပျက်ပြားသွားပြီဟု ထင်မှတ်ခဲ့သည်။</p> <p>သို့သော်လည်း ကံကြမ္မာက သူ့ကို ကြီးမားသော ပြက်လုံးတစ်ခု ပေးခဲ့သည်။</p> <p>မစ္စတာကျိသည်... တစ်လောကလုံးဖိန့်ဖိန့်တုန်အောင်ကြောက်ကြသည့် ကောင်းကင်မျက်လုံး အားလုံးကို လက်တစ်ဖက်တည်းဖြင့် ဖျက်ဆီးပစ်ခဲ့လေ၏။</p> <p>၄င်းမှာ...။</p> <p> </p> <p>စိတ်ကူးယဥ်ကြည့်ဖို့တောင် မဖြစ်နိုင်သလို သဘာဝတရားအရ နားလည်ဖို့လည်း ခက်ခဲလှသည်။</p> <p> </p> <p>ထိုစွမ်းအားကို အခြေခံ၍ တွက်ဆရလျှင် ကျိယွမ်ကသာ အလိုရှိခဲ့ရင်...</p> <p> </p> <p>ကောင်းကင်မှာရှိသော ကျန်နေသည့် ကောင်းကင်မျက်လုံး အားလုံးကိုလည်း သူ အလိုရှိသည့်အချိန်တိုင်းမှာ အလွယ်တကူ ဖျက်ဆီးပစ်နိုင်တယ်လို့ ဆိုလိုသည် မဟုတ်ပါလား။</p> <p> </p> <p>ကျိယွမ်သည် ချင်းယွမ်၏ စစ်မှန်သော အမည်မဖော်လိုသော ဘုရင်ပင်ဖြစ်လာနိုင်သည်၊ မဟုတ်ပါ...ကုံရှင်းဂြိုဟ်ကြီးတစ်ခုလုံး၏ ဘုရင်ပင် ဖြစ်နိုင်သည်။</p> <p>"ဪ..တော်ဝင်မင်းသားလား၊ တွေ့ရခဲတယ်၊ ငါ့ဘဝမှာ မင်းသမီးတွေ အများကြီးနဲ့ တွေ့ဖူးပေမဲ့ မင်းသားတွေနဲ့တော့ သိပ်မတွေ့ဖူးဘူး"</p> <p> </p> <p>ကျိယွမ်က ပေါ့ပေါ့ပါးပါး  ပြန်နှုတ်ဆက်လိုက်သည်။</p> <p> </p> <p>နှုတ်ဆက်ပြီးနောက် သူကခန်းမတစ်ခုလုံးကို ဝေ့ကြည့်လိုက်ရင်း မျက်ခုံးများ တွန့်ချိုးသွားသည်။</p> <p>"ကြောက်ရွံ့မှုလား၊ သတ်ဖြတ်လိုစိတ်တွေနဲ့  မုန်းတီးမှုတွေလား... "</p> <p> </p> <p>"အင်း... ငါ့အထင်တော့ သူတို့အားလုံးကို သတ်ပစ်လိုက်တာ ပိုကောင်းမယ်၊ ဘယ်သူမှ မပြစ်ကင်းကြဘူးပဲ"</p> <p> </p> <p>သူက ခန်းမထဲမှ ​မူမိသားစုဝင်များ၏ ခံစားချက်များကို ဖော်ထုတ်လိုက်သည်။</p> <p> </p> <p>ထို့အပြင် စကားတစ်ခွန်းတည်းဖြင့် သူသည် အခန်းထဲရှိ  မိသားစုဝင် သုံးရာလုံး၏ ကံကြမ္မာကို ဆုံးဖြတ်လိုက်ခြင်းပင်။</p> <p> </p> <p>မူမိသားစုဝင်များ၏ မျက်နှာများက သိသိသာသာ ပြောင်းလဲသွားပြီး ကျိယွမ်ကို ကြောက်ရွံ့နေသော မျက်လုံးများဖြင့် ကြည့်နေကြ၏။</p> <p> </p> <p>ယခုအချိန်တွင် သူတို့မှာ မြင့်မြတ်လှသော မူမိသားစုဝင်များ၏ပုံစံမျိုး လုံးဝမရှိတော့ဘဲ သေနေသော လမ်းဘေးခွေးများနှင့်ပင် တူနေတော့သည်။</p> <p> </p> <p>"မစ္စတာကျိ၊ မူမိသားစုက ခင်ဗျားကို စော်ကားခဲ့တာတွေနဲ့ ကျွန်တော်နဲ့ ဘာမှမဆိုင်ပါဘူး"</p> <p> </p> <p>"သခင်ကြီးကျိ ကျွန်တော့်ကို ချမ်းသာပေးပါ၊ ကျွန်တော့်မှာ ပိုက်ဆံတွေ ရှိပါတယ်၊ စည်းစိမ်တွေ ရှိပါတယ်၊ မိန်းမတွေတောင် ရှိပါတယ်၊ အားလုံးကို ခင်ဗျားကို ပေးပါမယ် ၊ ကျွန်တော့်အသက်လေးကိုတော့ ချမ်းသာပေးပါ"</p> <p> </p> <p>လူလတ်ပိုင်း အမျိုးသားတစ်ဦးက ထိတ်လန့်တကြား တောင်းပန်သည်။</p> <p>ကောင်းကင်မျက်လုံးများမရှိဘဲနှင့် ကျိယွမ်ကဲ့သို့ စွမ်းအားကြီးသော ကျင့်ကြံသူကို ရင်ဆိုင်ရန် သူတို့တွင် မည်သည့် နည်းလမ်းမျှ မရှိပေ။</p> <p> </p> <p>ကျိယွမ်ကို ရင်ဆိုင်နေရချိန်တွင် သူတို့သည် စွမ်းအားဆိုသော ခံစားချက်ကို နားလည်လာကြ၏။သူတို့၏ ဘဝသက်တမ်းတစ်လျှောက် စွမ်းအားမရှိဘဲ ရှင်သန်လာခဲ့ကြခြင်းသာ မဟုတ်ပါလား။</p> <p> </p> <p>သူတို့ရှေ့မှလူမှာ  တစ်လောကလုံးဖိန့်ဖိန့်တုန်အောင်ကြောက်နေရသည့် ကောင်းကင်မျက်လုံးများကို ဖျက်ဆီးနိုင်သူဖြစ်ပြီး နတ်ဘုရားများထက်ပင် သာလွန်သော ထိတ်လန့်ဖွယ် ပုဂ္ဂိုလ်တစ်ဦး ဖြစ်သည်။</p> <p>မူမိသားစုက ဘယ်လိုလုပ်ပြီး ဒီလိုလူမျိုးကို သွားပြီး ရန်စရဲရတာလဲ။</p> <p>အကုန်လုံးက ကန်းများကန်းနေကြလို့လား။</p> <p>သူတို့၏ မာန်မာန၊ ဂုဏ်သိက္ခာနှင့် ထောင်လွှားမှုများ အားလုံးမှာ ဤအချိန်တွင် ပျောက်ကွယ်သွားပြီ ဖြစ်သည်။</p> <p> </p> <p>သို့သော် ထိုအချိန်တွင် နင်းထောင်၏ မျက်ဝန်းထဲ၌ အေးစက်သော အလင်းတန်းများ လင်းလက်သွားသည်။</p> <p> </p> <p> "ငါ့ယောက်ျားကို မိန်းမတွေနဲ့ လာလာဘ်ထိုးတာလား၊ နင်က သေသင့်တယ်"</p> <p>သူမ၏ စကားအဆုံးတွင် ထိုလူလတ်ပိုင်း အမျိုးသား၏ ခန္ဓာကိုယ်က တောင့်တင်းသွားပြီး မြေပြင်ပေါ်သို့ ပြိုလဲကျသွားသည်။</p> <p> </p> <p>သူ၏ ဇီဝအသက်မှာ အငွေ့ပျံသလိုပျောက်ကွယ်သွားပြီး  သေဆုံးသွားလေပြီ။</p> <p> </p> <p>ခန်းမတစ်ခုလုံး တိတ်ဆိတ်သွားပြီး မူမိသားစုဝင်မည်သူမျှ စကားထပ်မပြောရဲကြတော့ဘဲ ကျိယွမ်ကို နတ်ဆိုးတစ်ပါးကဲ့သို့ ကြည့်နေကြသည်။</p> <p> </p> <p>ထိုအချိန်တွင် ဒုန်းခနဲအသံတစ်ခု ထွက်ပေါ်လာ၏။</p> <p> </p> <p>တစ်ချိန်က ထောင်လွှားခဲ့သော မူမျိုးနွယ်စုခေါင်းဆောင်မှာ ဒူးထောက်ကျသွားပြီး သူ၏ မျက်ဝန်းထဲတွင် မျှော်လင့်ချက်မဲ့မှုများ ပြည့်နှက်နေသည်။</p> <p>"မစ္စတာကျိကို စော်ကားမိတာဟာ ကျွန်တော့်ရဲ့ အမှားသက်သက်ပါပဲ။"</p> <p>"ကျွန်တော့်ရဲ့ အပြစ်တွေက ကြီးမားလှပါတယ်၊ အပြစ်ပေးဆပ်တဲ့အနေနဲ့ ကျွန်တော့်အသက်ကို ကျွန်တော် အဆုံးစီရင်ပါ့မယ်။"</p> <p>"ကျွန်တော် မျှော်လင့်တာကတော့ မစ္စတာကျိအနေနဲ့ မူမိသားစုဝင် တချို့ကို ချမ်းသာပေးဖို့ပါ၊ ကျွန်တော်တို့ကို အသက်ရှင်ခွင့်ပေးပါ...</p> <p>မူမိသားစုက  သင့်ရဲ့ ကျွန်တွေအဖြစ် ခံယူဖို့ အသင့်ပါပဲ"</p> <p> </p> <p>မူမျိုးနွယ်စုခေါင်းဆောင်မှာလည်း ရက်စက်တတ်သော လူတစ်ယောက် ဖြစ်သည်။</p> <p>ကောင်းကင်မျက်လုံးများ ပျက်စီးသွားခြင်းနှင့်အတူ မူမိသားစု ပြိုလဲဖို့မှာ အချိန်ပိုင်းသာ လိုတော့ကြောင်း သူ သိ၏။</p> <p> </p> <p>ကျိယွမ်က သူတို့ကို ချမ်းသာမပေးသည့်အပြင်  ကျန်နေခဲ့လျှင်ပင် သူတို့၏ ရန်သူဟောင်းများကလည်း ချမ်းသာပေးမည် မဟုတ်ပေ။</p> <p>သူတို့အတွက် ပြန်လည် နာလန်ထူဖို့ အခွင့်အရေးမှာ  လုံးဝမရှိသလောက်ပင် ဖြစ်သည်။</p> <p>တစ်ခုတည်းသော အခွင့်အရေးမှာ ကျိယွမ်၏ ခွင့်လွှတ်မှုကို ရယူရန် ဖြစ်၏။</p> <p>ထို့ကြောင့် သူသည် သွားကို တင်းတင်းကြိတ်ကာ မူမိသားစု၏ နှစ်ပေါင်းထောင်ချီ စုဆောင်းထားမှုများကို ကျိယွမ်ထံ လက်ဆောင်အဖြစ် ပေးအပ်ကာ အသက်ရှင်သန်ရန် မျှော်လင့်ချက် အလင်းအစလေးကို တောင်းခံလိုက်ခြင်းပင်။</p> <p> </p> <p>အဆုံးတွင်တော့ နှစ်ပေါင်းထောင်ချီ တည်ဆောက်ထားသော မိသားစုကြီးတစ်ခု၏ စည်းစိမ်ဥစ္စာမှာ မည်သူ့ကိုမဆို ဆွဲဆောင်နိုင်လောက်၏။</p> <p> </p> <p>"မရဘူး... အဖိုး... ကျွန်တော်တို့ မူမိသားစုက နှစ်ပေါင်းသုံးထောင်ကြာအောင် မြင့်မြတ်တဲ့ မိသားစုအဖြစ် ရပ်တည်ခဲ့တာ၊ ဘယ်လိုလုပ် ကျွန်တွေ ဖြစ်နိုင်မှာလဲ"</p> <p>မူမိသားစုဝင် တစ်ဦးက ရှေ့သို့ တိုးထွက်လာပြီး မျက်ရည်များ ဝဲလျက် ဤလက်တွေ့ဘဝကို လက်မခံနိုင် ဖြစ်နေသည်။</p> <p>စစ်မှန်သော အထက်တန်းလွှာ တစ်ဦးအနေဖြင့် သူသည် မြင့်မြတ်သော မျိုးနွယ်နွယ်တစ်ခု၏ ဂုဏ်သိက္ခာနှင့် အဆင့်အတန်း ရှိ၏။</p> <p>နှစ်ပေါင်းထောင်ချီသော အမွေအနှစ်များနှင့်အတူ သူသည် ကျွန်တစ်ဦးအဖြစ် မည်သို့ နှိမ့်ချနိုင်မည်နည်း။</p> <p>ချက်ချင်းပင် အခြား မူမိသားစုဝင် တစ်ဦးကလည်း ထရပ်လိုက်သည်။</p> <p> "ကျွန်ဖြစ်ရတာထက် သေလိုက်တာကမှ ပိုမြတ်ဦးမယ်"</p> <p> </p> <p>သူ၏စကားကို ထောက်ခံမှုများစွာ ရှိခဲ့သည်။</p> <p>ကျွန်တစ်ဦးအဖြစ် သူတို့ကို စောင့်ကြိုနေမည့် အရှက်ရမှုများကို သူတို့ စိတ်ကူးပင် မယဉ်နိုင်ကြပေ။</p> <p>သို့သော်  အခြားသော မူမိသားစုဝင် အများစုမှာတော့ အမှန်တကယ်ပင် စိတ်လှုပ်ရှားသွားကြသည်။</p> <p> </p> <p>ယခုအချိန်တွင် အသက်ရှင်နေရခြင်းမှာပင် ဆုလာဘ်တစ်ခု ဖြစ်နေပြီဖြစ်ရာ အခြားအရာများကို မည်သူက ဂရုစိုက်မည်နည်း။</p> <p> </p> <p>"ဝါး....မင်းတို့အားလုံးမှာ တကယ်ကို ကောင်းမွန်တဲ့ အတွေးတွေ ရှိကြတာပဲ"</p> <p> </p> <p>ကျိယွမ်၏ မျက်ဝန်းထဲတွင် အထင်အမြင်သေးမှုများ ပေါ်လာသည်။</p> <p> </p> <p> "မင်းတို့လို... အသုံးမကျတဲ့ အမှိုက်တစ်သိုက်က ငါ့ရဲ့ကျွန်ဖြစ်ဖို့ ထိုက်တန်တယ်လို့ ဘယ်လိုတောင် တွေးရဲကြတာလဲ။"</p> <p> </p> <p>"အဲ့ဒါက ငါ့အတွက် အရမ်း အရှက်ရစရာ မဖြစ်သွားဘူးလား"</p> <p>ကျိယွမ်သည် မူမိသားစုကို  အထင်မကြီးပါ။ ကြီးစရာလည်း မရှိပေ။</p> <p> </p> <p>သူတို့၏ စည်းစိမ်ဥစ္စာများ၊ အမွေအနှစ်များနှင့် စုဆောင်းမှုများသည်  ကျိယွမ်၏ မျက်လုံးထဲတွင် ပြောပလောက်စရာ မရှိပါ။</p> <p>သူတို့၏ တန်ဖိုးမှာ သူ့ကို ဖျော်ဖြေပေးနိုင်မည့် ပြက်လုံးတစ်ခုလောက်ပင် တန်ဖိုးမရှိပေ။</p> <p>ဒီ NPC တွေကတော့ တကယ်ကို ရယ်ရတာပဲ၊ အိပ်မက်တွေ အရမ်းကြီးနေကြတာ။</p> <p>"ဒါကြောင့်... သူတို့ကို အားလုံး သတ်လိုက်တာပဲ ကောင်းမယ်၊ ဒါမှ သူတို့ ဆက်ပြီး အိပ်မက်မမက်တော့မှာ၊ ဒါမှလည်း သူတို့အတွက် လွယ်လွယ်ကူကူ ဖြစ်သွားမှာ"</p> <p>ကျိယွမ်က တည်ငြိမ်စွာ ပြောလိုက်သည်။</p> <p> </p> <p>မူမျိုးနွယ်စုခေါင်းဆောင်၏ မျက်ဝန်းထဲတွင် မယုံကြည်နိုင်သောအမူအယာများ ဖြတ်ပြေးသွားခဲ့သည်။</p> <p>ချီယွမ်၏ တုံ့ပြန်မှုမှာ လုံးဝကို မျှော်လင့်မထားသော အရာပင်။</p> <p> </p> <p>နှစ်ပေါင်းထောင်ချီတဲ့ မူမိသားစုရဲ့ စုဆောင်းမှုတွေကို ဘယ်သူကများ ငြင်းပယ်နိုင်မှာလဲ။</p> <p>သို့သော် သူ စဉ်းစားရန် အချိန်မရှိတော့ပေ၊ သူ၏ အသိစိတ်မှာ ထိုအခိုက်မှာပင် ရပ်တန့်ကာ မည်းမှောင်သွား၏။</p> <p> </p> <p>ခန်းမထဲရှိ မူမိသားစုဝင် နှစ်ရာကျော်မှာလ​ည်း ... တစ်ခဏအတွင်းမှာပင် အလောင်းများအဖြစ် ပြောင်းလဲသွားတော့သည်။</p> <p> </p> <p>သတ္တမမြောက်မင်းသား၏ နှလုံးသားမှာ တုန်လှုပ်သွားပြီး သူ၏ရင်တွင်း၌ အမည်မဖော်နိုင်လောက်သော ကြောက်ရွံ့မှုကြီးများ ဖြစ်ပေါ်လာသည်။</p> <p> </p> <p>ကုံယိီချိုင်မှာလည်း တုန်ရီနေပြီး မလှုပ်ဝံ့ပေ။</p> <p> </p> <p>"တကယ်ပဲ၊ ဒီလိုဆိုတော့ ပိုတိတ်ဆိတ်သွားတာပေါ့။ မဟုတ်ရင် သူတို့က ငါ့နားထဲမှာ တတွတ်တွတ်နဲ့ ပြောနေကြတာ၊ စိတ်ရှုပ်စရာကြီး"</p> <p> </p> <p>ကျိယွမ်က မူအကြီးအကဲ၏ အလောင်းကို စိတ်ရှုပ်သလိုကြည့်ကာ ပြောလိုက်သည်။</p> <p> </p> <p>ချင်းယွမ်နိုင်ငံ၏ ထိပ်တန်းအထက်တန်းလွှာ နှစ်ရာကျော်ကို သတ်လိုက်သည်ကိုပင် ပုရွက်ဆိတ်များကို နင်းခြေလိုက်သကဲ့သို့ ပေါ့ပေါ့ပါးပါး ရှိလှ၏။</p> <p> </p> <p>"ဪ၊ ဒါနဲ့...ငါမမှားဘူးဆိုရင် မူမိသားစုဝင်တွေ ထောင်ချီပြီး ကျန်နေသေးတယ် မဟုတ်လား၊ ဒါမှမဟုတ် သောင်းချီပြီးလား ၊ မိန်းမ.....ငါတို့သူတို့အားလုံးကိုလည်း... သတ်လိုက်ရင်ကောင်းမလား"</p> <p> </p> <p>ကျိယွမ်က နင်ထောင်ကို ကြည့်ကာ တစ်ကိုယ်တည်း ရေရွတ်လိုက်သည်။</p> <p> </p> <p>"ယောက်ျား....ရှင်သတ်ချင်တယ်ဆိုရင် ကျွန်မ အခုပဲ မန္တာန်တစ်ခု သုံးလိုက်မယ်။ မူမိသားစုရဲ့ သွေးပါတဲ့သူတွေ အားလုံး  ခဏအတွင်းမှာပဲ သေသွားလိမ့်မယ်"</p> <p>နင်းထောင်က ကျိယွမ်အား အလိုလိုက်သော မိခင်တစ်ဦးသဖွယ်ကြည့်ကာ လေးလေးနက်နက် ပြန်ပြောသည်။</p> <p>သူမ၏ ကမ္ဘာတွင် ကျိယွမ်မှာ အရာအားလုံး ဖြစ်၏။</p> <p>ကျိယွမ် ဘာပဲပြောပြော သူမ လိုက်နာမည် ဖြစ်သည်။</p> <p> </p> <p>သူတို့၏စကားများသည် သတ္တမမြောက်မင်းသားနှင့် ကုံယိီချိုင်တို့၏ နှလုံးသားထဲသို့ ပို၍ပြင်းထန်သောကြောက်ရွံ့မှုများ သွတ်သွင်းလိုက်သကဲ့သို့ ဖြစ်သွားပြီး သူတို့၏ မျက်နှာများမှာ သိသိသာသာ ပြောင်းလဲသွားသည်။</p> <p>ထိုကဲ့သို့ ထိတ်လန့်ဖွယ်ကောင်းသော မန္တာန်မျိုးမှာ... အရမ်းကို ကြောက်စရာကောင်းလှမှာ သေချာ၏။</p> <p> </p> <p>ထိုအမျိုးသမီးသည် လှပသလောက် ၏ နှလုံးသားကတော့ အလွန်ပင် ကြောက်မက်ဖွယ် ကောင်းလွန်း၏။</p> <p> </p> <p>"မဖြစ်ဘူး မိန်းမ ၊ ငါသာ အဲ့လိုလုပ်လိုက်ရင် လူအများကြီးကို တစ်ခါတည်းသတ်တဲ့ လူသတ်သမားကြီး ဖြစ်မသွားဘူးလား။ ငါက မဆင်မခြင် သတ်တဲ့လူ မဟုတ်ပါဘူး"</p> <p> </p> <p>ကျိယွမ်က ငြင်းလိုက်သည်။</p> <p>သူသည် လူကောင်းတစ်ယောက် ဖြစ်သည်၊ မဆင်မခြင် ဘယ်တော့မှ မသတ်သလို၊ မိသားစုတစ်ခုလုံးကိုလည်း အမြစ်ပြတ်အောင် မလုပ်တတ်ပေ၊ ထိူ့အပြင် အုပ်စုလိုက် ပြစ်ဒဏ်ပေးတာမျိုးကိုလည်း ဘယ်တော့မှ မလုပ်ပေ။</p> <p>"ငါ သိပြီ၊ လူထုမဲခွဲပွဲတစ်ခု... လုပ်ကြရအောင်"</p> <p> </p> <p>ပြီးပြည့်စုံသော ဖြေရှင်းနည်းတစ်ခုကို စဉ်းစားမိသွားသည့်အတွက် ကျိယွမ်၏ မျက်ဝန်းထဲတွင် ကျေနပ်သော အပြုံးတစ်ခု ပေါ်လာ၏။</p> <p> </p> <p style="text-align: center;">***</p>


Save