Book List

<h2 style="text-align: center;">အခန်း ၃၃၃</h2> <h2 style="text-align: center;">မိစ္ဆာတစ်သောင်းနယ်မြေ၏ လက်တံများ</h2> <h2 style="text-align: center;">*</h2> <p> </p> <p> </p> <p>သိုင်းစင်မြင့်ပေါ်တွင် ကျိယွမ်သည် လေထဲတွင် မတ်မတ်ရပ်နေပြီး မိမိကိုယ်ကိုယ် အလွန်ကျေနပ်နေသည်။</p> <p> </p> <p>ဤသည်မှာ သူ၏ ပထမဆုံးသော အမျိုးသားအဆင့် သိုင်းပြိုင်ပွဲဖြစ်ပြီး သူ အနိုင်ရရှိခဲ့လေ၏။</p> <p> </p> <p>ချန်ပီယံဖြစ်လာပြီးနောက် သူသည် လူသိများသော နာမည်ကျော်တစ်ဦး ဖြစ်လာတော့ပေတော့မည်။</p> <p> </p> <p>သူသာ အလိုရှိပါက ကြော်ငြာများနှင့် စီးပွားရေးဆိုင်ရာ ဖျော်ဖြေပွဲများသည် တစ်ခုပြီးတစ်ခု ရောက်ရှိလာမည်ဖြစ်ကာ  သူ၏ ဘဝလမ်းကြောင်းသည် သေချာပေါက် ပြောင်းလဲတော့မည်ဖြစ်သည်။</p> <p> </p> <p>သို့သော်လည်း သူမှလွဲ၍ သိုင်းပြိုင်ပွဲကျင်းပရာနေရာတစ်ခုလုံးရှိ လူအားလုံးကတော့ ဝေခွဲမရမှုများဖြင့် ပြည့်နှက်နေကြ၏။</p> <p> </p> <p>"မီးတောက်တွေရော..."</p> <p> </p> <p>"ကျန်းယန် ဘယ်ပျောက်သွားတာလဲ"</p> <p> </p> <p>"သူက သွေးမြူအဖြစ် ပေါက်ကွဲသွားတာလေ"</p> <p> </p> <p>"မဖြစ်နိုင်တာ.."</p> <p> </p> <p>"ဒါ ငါသိတဲ့ သိုင်းပညာပဲလား..ဒါမှမဟုတ် အသစ်လား"</p> <p> </p> <p>မျက်စိတစ်မှိတ်အတွင်းမှာပင်  ကျိယွမ်နှင့် ကျန်းယန်တို့၏ တိုက်ပွဲသည် လူတိုင်း၏ မျှော်လင့်ချက်ကို လုံးဝဆန့်ကျင်သွားခဲ့သည်။</p> <p> </p> <p>အစပိုင်းတွင် ကျန်းယန်၏ အဝတ်အစားများ ပေါက်ပြဲသွားခြင်းမှာ ထူးဆန်းသော်လည်း ပရိသတ်လက်ခံနိုင်သော အတိုင်းအတာအတွင်း ရှိနေပါသေးသည်။</p> <p> </p> <p>သို့သော် ထို့နောက်တွင် သူ၏ လက်သီးများတွင် မီးများထတောက်လာသည်ကတော့ အလွန်အကျူးဖြစ်သွားလေပြီ။</p> <p> </p> <p>သူတို့ စင်ပေါ်ကို ဓာတုဗေဒနည်းပညာတစ်မျိုးမျိုးများ ယူလာကြတာလား။</p> <p> </p> <p>ထို့နောက် လက်သီးတွင် မီးတောက်နေသော ကျန်းယန်အား   ကျိယွမ်က  သာမန်လက်သီးတစ်ချက်ဖြင့် တိုက်ခိုက်လိုက်၏။</p> <p> </p> <p>ထိုလကိသီးချက်ဖြင့် အထိုးခံလိုက်ရရုံ​နှင့်  မီးတောက်နေသောကျန်းယန်မှာ တိုက်ရိုက်အမှုန့်ခြေခံလိုက်ရပြီး သွေးမြူအဖြစ် ဖွားခနဲပြောင်းလဲသွားသည်။</p> <p> </p> <p>လက်သီးက ဘယ်လောက်ပြင်းပြင်း အလွန်ဆုံးရှိမှ နောက်ကိုလွင့်သွား​ရုံပေါ့။</p> <p>နံရိုးတွေဘာတွေကျိုးပြီး သွေးအန် ။</p> <p> </p> <p>ဘယ်လိုလုပ်ပြီး တစ်ချက်တည်းနဲ့အမှုန့်ဖြစ်သွားရတာလဲ ။</p> <p> </p> <p>ဒါက ဘာကို ဆိုလိုတာလဲ။</p> <p> </p> <p>လူအများမှာ ရှုပ်ထွေးမှုများ ၊ သံသယများ ၊  တုန်လှုပ်မှုများဖြင့် အဖြေရှာမရဖြစ်နေကြ၏။</p> <p> </p> <p>"ဒါ ရုပ်ရှင်မဟုတ်တာ သေချာလား"</p> <p> </p> <p>" မျက်လှည့်တစ်မျိုးလား"</p> <p> </p> <p>"လူတစ်ယောက်က ဘယ်လိုလုပ် သွေးမြူအဖြစ် ဖွားခနဲ ပြောင်းသွားနိုင်မှာလဲ"</p> <p> </p> <p>"ဒါ သိပ္ပံနည်း လုံးဝမကျဘူး"</p> <p> </p> <p>ပရိသတ်များသာမက သိုင်းပြိုင်ပွဲ ကျင်းပသူများပင် မှင်သက်နေကြသည်။</p> <p> </p> <p>ထိပ်ပြောင်ပြောင်နှင့် အမှုဆောင်အရာရှိတစ်ဦးက ချက်ချင်း ထရပ်လိုက်ပြီး အရေးတကြီးအော်ဟစ်လိုက်သည်။</p> <p> </p> <p> "တိုက်ရိုက်ထုတ်လွှင့်မှုကို ချက်ချင်းရပ်လိုက်"</p> <p> </p> <p>သိုင်းပြိုင်ပွဲ၏ တိုက်ရိုက်ထုတ်လွှင့်မှုသည် သုံးမိနစ်ခန့်နောက်ကျပြီးမှ ပြသခြင်းဖြစ်၏။</p> <p> </p> <p>မမျှော်လင့်ထားသော ဖြစ်ရပ်မျိုး ကြုံလာရပါက ပုံမှန်အားဖြင့် ထုတ်လွှင့်မှုကို ရပ်တန့်လေ့ရှိသည်။</p> <p> </p> <p>သို့သော် ထိုအချိန်တွင် တည်ငြိမ်သော်လည်း အနည်းငယ်စိတ်ရှုပ်ထွေးသော အသံတစ်ခု ထွက်ပေါ်လာ၏။</p> <p> "တိုက်ရိုက်ထုတ်လွှင့်မှုကို ဆက်လုပ်ပါ။ စည်းမျဉ်းအတိုင်း လိုက်နာပါ။"</p> <p> </p> <p>ထိုအသံကို ကြားလိုက်ရသောအခါ ထိပ်ပြောင်အရာရှိမှာ နားမလည်နိုင်ဖြစ်သွားပြီး စောဒကတတ်လိုက်၏။</p> <p> </p> <p> "ဒီလိုဖြစ်ရပ်မျိုးက လူထုကို ထိတ်လန့်စေပြီး လူ့အဖွဲ့အစည်းအတွက် မလိုအပ်ဘဲ ပြဿနာတွေ ဖြစ်လာနိုင်တယ်"</p> <p>ထိပ်ပြောင်အရာရှိသည် မသေမျိုးကျင့်စဥ်များ ရှိနေသည်ကို သိရှိထားပြီးသားဖြစ်သည်။</p> <p>လက်ရှိတွင် အထက်လူကြီးများသည် ဤကိစ္စကို လူထုထံ ကြေညာရန် အဆင်သင့်မဖြစ်သေးပေ။</p> <p> </p> <p>သို့သော်  သူ့ကို  လုံးဝရှုပ်ထွေးစေသည်မှာ  ကျိယွမ် ပြသခဲ့သည့်စွမ်းရည်ဖြစ်သည်။ ထိုလက်သီးစွမ်းရည်က သေချာပေါက်  သိုင်းပညာအစစ်အမှန် ဖြစ်၏။</p> <p> </p> <p>ဒါပေမဲ့ မသေမျိုးကျင့်စဥ်ကို သုံးနေသော ကျန်းယန်ကို သူက သိုင်းပညာဖြင့် ဘယ်လို အနိုင်ယူနိုင်ခဲ့သနည်း။</p> <p> </p> <p>"ထိတ်လန့်မှုက အရေးမကြီးဘူး၊ စည်းမျဉ်းကသာ အဓိကပဲ။ စည်းမျဉ်းအတိုင်း လုပ်"</p> <p>လူငယ်၏အသံက ပိုမိုပြတ်သားစွာ ပြောလိုက်သည်။</p> <p> </p> <p>ထိုအရာကြောင့် ထိပ်ပြောင်အရာရှိမှာ  အနည်းငယ်တော့ မကျေမနပ် ဖြစ်သွားခဲ့သည်။အရှိန်အဝါဖြင့် ရာထူးတက်လာသော လူငယ်များသည် သိုင်းပြိုင်ပွဲ၏ အကြီးအကဲအဖြစ် တာဝန်ယူရုံသာမက အမြော်အမြင်လည်း မရှိကြချေ။</p> <p> </p> <p>ဤကဲ့သို့ ဖြစ်ရပ်မျိုးကို အပြင်သို့ မည်သို့ ပေါက်ကြားခွင့်ပြုနိုင်မည်နည်း။</p> <p> </p> <p>စည်းမျဉ်းက အဓိက ဟုတ်လား။</p> <p> </p> <p>အဓိပ္ပာယ်မရှိတာ။</p> <p> </p> <p>စိတ်ထဲတွင်  မကျေမနပ်ပြောနေသော်လည်း ထိပ်ပြောင်အရာရှိသည် ထပ်မံ ငြင်းခုံရန်တော့ မဝံ့ရဲတော့ပေ။</p> <p>တစ်ချိန်တည်းမှာပင် အဘိုးကြီးတစ်ဦးသည် မျက်နှာပျက်ယွင်းနေပြီး တတွတ်တွတ်ရွတ်နေ၏။</p> <p> "အားလုံး ပြီးသွားပြီ။ ကျန်းယန် သေသွားပြီ... ကျန်းမိသားစုက ငါတို့နောက်ကို လိုက်လာတော့မှာလား"</p> <p> </p> <p>ယခင်က ကျိယွမ်သည် သိုင်းပညာတွင် ထူးကဲသော ပါရမီကို ပြသခဲ့ပြီး သိုင်းပညာ၏ အကန့်အသတ်ကိုပင် ချိုးဖျက်နိုင်လုနီးပါး ဖြစ်ခဲ့သည်။</p> <p> </p> <p>အဘိုးကြီးသည်  ကျိယွမ်ကို မျှော်လင့်ချက်ကြီးစွာ ထားခဲ့သော်လည်း ငြင်းပယ်ခံခဲ့ရသဖြင့် ကျိယွမ်အပေါ် မကျေနပ်ချက်များ ရှိခဲ့၏။</p> <p> </p> <p>နောက်ပိုင်းတွင် မသေမျိုးကျင့်စဥ်များအကြောင်းသိရှိပြီးနောက် သူ၏ အာရုံသည် ကျန်းယန်ထံသို့ လုံးဝ ရောက်ရှိသွားခဲ့သည်။</p> <p> </p> <p>သိုင်းပညာအကန့်အသတ်ကို ချိုးဖျက်နိုင်ခြင်းက အံ့သြဖွယ်ကောင်းသော်လည်း မသေမျိုးလမ်းစဥ်နှင့် ယှဉ်လျှင် ဘာမှမဟုတ်တော့ပေ။</p> <p> </p> <p>ထို့ကြောင့် သူသည် ကျန်းယန်နှင့် ပူးပေါင်းပြီး မသေမျိုးဖြစ်ရန် လမ်းစကို ရှာဖွေခဲ့၏။</p> <p> </p> <p>ယခု ကျန်းယန်က ရုတ်တရက်သေဆုံးသွားပြီဖြစ်ရာ ကျန်းမိသားစုကို မည်သို့ ရှင်းပြရမည်နည်းအား သူ မသိတော့ပေ။</p> <p> </p> <p>အဘိုးကြီးသည် ရုတ်တရက် ထရပ်လိုက်ပြီး ကျိယွမ်အားညွှန်ပြလိုက်သည်။</p> <p> </p> <p> "ဆရာ၊ ဒီလူက ကျန်းယန်ကို စင်ပေါ်မှာ သတ်လိုက်တာ။ သူ့ကို ဖမ်းဆီးပြီး ကျန်းမိသားစုဆီ လွှဲပေးရမယ်"</p> <p> </p> <p>သူ၏ အသံက သိသိသာသာတုန်တုန်ယင်ယင်နေ၏။ ကျန်းယန်သည် ကျန်းမိသားစုတွင် အရေးပါသူ တစ်ဦးဖြစ်သလို ကျန်းမိသားစုကိုယ်တိုင်ကလည်း အလွန်သြဇာကြီးမားသည်။</p> <p> </p> <p>လူငယ်၏ အကြည့်မှာ စူးရှသွားပြီး ပြတ်သားစွာပြောလ်ုက်၏။</p> <p> "စင်ပေါ်မှာတော့ အသက်နဲ့ သေခြင်းက ကံကြမ္မာအတိုင်းပဲ။ အားလုံးက စည်းမျဉ်းအတိုင်း လိုက်နာရမယ်။ ကျန်းယန် သေသွားတယ်... အခြားသူတွေလည်း သေဖူးတာပဲလေ။ ဒါက စင်မြင့်ရဲ့ စည်းမျဉ်းပဲ"</p> <p> </p> <p>အဘိုးကြီးက လက်မခံသေးဘဲ ဆက်လက်ငြင်းခုံချင်နေသည်။</p> <p> "ဒါပေမဲ့ ကျန်းမိသားစုကို ရှင်းပြချက် ပေးရမယ်လေ"</p> <p> </p> <p>ထိပ်ပြောင်အရာရှိကလည်း  အနည်းငယ်လှောင်ပြောင်သည့်လေသံဖြင့် ဝင်ထောက်၏။</p> <p>"ကျန်းမိသားစုက ငါတို့ကို အပြစ်တင်ရင် ဆရာတောင် တောင့်ခံနိုင်မှာ မဟုတ်ဘူးနော်"</p> <p> </p> <p>ဤလူငယ်သည် နောက်ခံအင်အား အနည်းငယ်ရှိနိုင်သော်လည်း ကျန်းမိသားစုနှင့် ယှဉ်လျှင် ဘာမှမဟုတ်ဟု သူတို့ ယူဆထားကြသည်။</p> <p> </p> <p>လူငယ်၏ မျက်လုံးများက အေးစက်သွားပြီး သူတို့အားစူးရှစွာကြည့်၏။</p> <p> "ခင်ဗျားတို့နှစ်ယောက် ထောင်ထဲမှာ ခဏလောက် အချိန်ယူပြီး စဉ်းစားဖို့ လိုနေပြီ ထင်တယ်။ ကျန်းမိသားစုအတွက်တော့ ငါကိုယ်တိုင် အကြောင်းကြားလိုက်မယ်၊ သူတို့ ရှင်းပြချက် တောင်းရဲသလားဆိုတာ ကြည့်ရသေးတာပေါ့"</p> <p> </p> <p>သူ၏ စကားအဆုံးတွင် လက်နက်ကိုင် တပ်သားအချို့ ရောက်ရှိလာပြီး ထိပ်ပြောင်အရာရှိနှင့်  လေရှည်နေသောအဘိုးကြီးကို သေနတ်ဖြင့် ချိန်ထားလိုက်သည်။</p> <p>လူငယ်က သူ၏ဖုန်းကို ထုတ်ပြီး နံပါတ်တစ်ခုသို့ ခေါ်ဆိုလိုက်၏။</p> <p> </p> <p>"ကျန်းမင်ယွမ်၊ မင်းတို့ ကျန်းမိသားစုက ရှင်းပြချက် လိုချင်နေတယ်လို့ ကြားတယ်"</p> <p> </p> <p>လူငယ်၏ လေသံမှာ အကြောင်းကြားသည်နှင့်မတူဘဲ ပြစ်တင်မောင်းမဲသည့် လေသံ ဖြစ်နေသည်။</p> <p> </p> <p>"ငါက မင်းတို့ ကျန်းမိသားစုဆီက ရှင်းပြချက် လိုချင်နေတာ"</p> <p> </p> <p>မနီးမဝေးတွင် ရှိနေသော ထိပ်ပြောင်အရာရှိနှင့် အဘိုးကြီး၏ မျက်နှာများမှာ ဖြူလျော်သွား၏။</p> <p> </p> <p>အထူးသဖြင့် ဖုန်းထဲမှ ကျန်းမိသားစုအကြီးအကဲ ကျန်းမင်ယွမ်၏ ရိုကျိုးနေသော အသံကို ကြားလိုက်ရသောအခါ သူတို့ နှစ်ဦးလုံး အံ့အားသင့်ပြီး ဝေခွဲမရ ဖြစ်သွားကြသည်။</p> <p> </p> <p>ကျန်းမိသားစုက ဆုံးရှုံးမှု ကြုံနေရတာတောင် ဘာကြောင့် ကျန်းအကြီးအကဲက ဒီလောက် ရိုကျိုးနေရတာလဲ။</p> <p> </p> <p>ရုတ်တရက် သူတို့နှစ်ဦးသည် စင်ပေါ်မှ လူငယ်ကို ထိတ်လန့်တုန်လှုပ်စွာ ကြည့်လိုက်မိသည်။</p> <p> </p> <p>ထို့နောက် တစ်ယောက်မျက်နှာတစ်ယောက်ကြည့်မိ၏။</p> <p>ဒါက... ဖြစ်နိုင်ပါ့မလား...</p> <p>...........</p> <p> </p> <p>"နောက်ဆုံးတော့ ငါ ချန်ပီယံ ဖြစ်သွားပြီ။"</p> <p> </p> <p>ဟိုတယ်တွင်  ကျိယွမ်သည် သက်ပြင်းချကာ စိတ်အေးလက်အေးရှိနေ၏။</p> <p> </p> <p>နောက်ဆုံးတွင် ဤဂိမ်း၏ မစ်ရှင်သည် တိုးတက်မှု ရှိလာခဲ့လေပြီ။</p> <p> </p> <p>ကနေရီမလေးကျူးယန်သည်  သူ၏အနီးတွင် ထိုင်နေပြီး တိုက်ရိုက်ထုတ်လွှင့်မှုကို ကြည့်ကာ မျက်လုံးများ တောက်ပနေသည်။</p> <p> </p> <p>"သွေးပုလဲ...နင့်ရဲ့ အဲဒီ လက်သီးတစ်ချက်က သိုင်းပညာဆိုတာလား ၊  တကယ်ကို မိုက်တယ်"</p> <p> </p> <p>သူမက ပြောရင်း  ကျိယွမ်ကို ဗီဒီယိုထဲကပုံစံနှင့် နှိုင်းယှဉ်ကြည့်နေ၏။</p> <p> </p> <p>"ငါတို့ အင်တာဗျူး မဖြေဘဲ ချက်ချင်းထွက်လာတာ ပြဿနာ ရှိမလား၊  ပြိုင်ပွဲကျင်းပရေးကော်မတီက ငါ့နောက်ကို လိုက်လာပြီး ချန်ပီယံဆုကို ပြန်သိမ်းရင် ဘယ်လိုလုပ်မလဲ"</p> <p> </p> <p>ကျိယွမ်က စိုးရိမ်တကြီး ထမေးလိုက်သည်။</p> <p>အနိုင်ရပြီးနောက် ချန်ပီယံသည် အင်တာဗျူးနှင့် မိန့်ခွန်းပြောရမည် ဖြစ်သည်။</p> <p> </p> <p>သွေးဝတ်စုံ ဓားနတ်ဘုရားအနေဖြင့်ဆိုလျှင်တော့ ကျိယွမ်သည် အများကြီး ပြောနိုင်သော်လည်း ၎င်းမှာ မျက်နှာဖုံးနောက်ကွယ်မှသာ ဖြစ်သည်။</p> <p> </p> <p>လက်တွေ့တွင်မူ သူသည် လူကြားသူကြား၌ စကားပြောသိပ်မကျွမ်းကျင်ချေ။</p> <p> </p> <p>သူသည် ရန်သူများနှင့် ရင်ဆိုင်ရလျှင် စကားအများကြီး ပြောတတ်သူများကို မယှဉ်နိုင်သောအခါ အကြမ်းဖက်နည်းကိုသာ သုံးလေ့ရှိ၏။</p> <p> </p> <p>"အဆင်ပြေမှာပါ"</p> <p>ကျူးယန်က ယုံကြည်မှုရှိရှိ ပြောလိုက်သည်။</p> <p> </p> <p>"ဘယ်သူကမှ  နင့်ဆီက ချန်ပီယံဆုကို မသိမ်းနိုင်စေရဘူး၊ ငါကိုယ်တိုင် ပြန်ယူပေးမယ်"</p> <p> </p> <p>"ဒါဆိုရင်တော့ ကောင်းတာပေါ့"</p> <p> </p> <p>ကျိယွမ်က စိတ်ချသွားပုံဖြင့် အညောင်းအညာ ဆန့်လိုက်သည်။</p> <p> </p> <p>စွမ်းဆောင်ရည်ရှိသော ဇနီးလောင်းရှိခြင်းမှာ ပြဿနာ အများအပြားကို သက်သာစေ၏။</p> <p> </p> <p>"သွေးပုလဲ...နင် ဒါတွေကို စိတ်ရှုပ်စရာလို့ ထင်ရင် ငါအခြား နည်းလမ်းတစ်ခု သုံးလို့ရတယ်... ဒီကမ္ဘာကလူတွေ  နင့်ကို မသိစိတ်ကနေ လျစ်လျူရှုသွားအောင် လုပ်လို့ရတယ်။ နင်ရှိတာကိုတော့ သိနေကြမယ်၊ ဒါပေမဲ့ တချို့အခြေအနေတွေမှာ  နင့်အကြောင်းကို သူတို့ ပြောမှာမဟုတ်တော့ဘူး။ လမ်းပေါ်မှာ  နင့်ကို ခိုးရိုက်မယ့်သူလည်း ရှိမှာမဟုတ်တော့ဘူး"</p> <p> </p> <p>ကျူးယန်က လှပစွာပြုံးလျှက် ပြောလ်ုက်သည်။</p> <p>ကျိယွမ်က အနည်းငယ် စဉ်းစားပြီး ခေါင်းညိတ်လိုက်၏။</p> <p> "ကောင်းသားပဲ။"</p> <p> </p> <p> "ဒါပေမဲ့  နင့်ရဲ့ အမြုတေစွမ်းအားကို သုံးဖို့ လိုလိမ့်မယ်၊ မဟုတ်ရင် ငါတစ်ယောက်တည်း လုပ်ရတာ နည်းနည်း ကြာနိုင်တယ်"</p> <p> </p> <p>"နင် အဆင်ပြေသလိုသာ လုပ်ပါ"</p> <p> </p> <p>ကျိယွမ်က ကျူးယန်၏ခေါင်းလေးအားပုတ်ကာ အေးအေးဆေးဆေး ပြောလိုက်သည်။</p> <p> </p> <p>"အဲဒါဆို စပြီ.."</p> <p> </p> <p>ထိုသို့ပြောပြီးနောက်  သူမ၏ မျက်လုံးလေးများက နီရဲတောက်ပလာသည်။</p> <p>ချက်ချင်းဆိုသလိုပင် ချင်းယွမ်ရှိလူများမှာ  ရွှေရောင်အလင်းတန်းတစ်ခုသည် ကောင်းကင်နှင့်မြေပြင်ကို လွှမ်းခြုံသွားသလို ခံစားလိုက်ရ၏။</p> <p> </p> <p>လူအများအပြားသည် ကောင်းကင်ကို မော့ကြည့်လိုက်ကြပြီး နေနှစ်စင်းကို မြင်လိုက်ရသော်လည်း ဘာမှမဖြစ်သလိုပင် မျက်နှာလွှဲသွားကြသည်။</p> <p> </p> <p>"အားလုံး ပြီးပြီ"</p> <p> </p> <p>ကျူးယန်က ပျော်ရွှင်စွာလက်ခုပ်တီးလိုက်ပြီး ကျိယွမ်၏လက်မောင်းကို ခိုလိုက်၏။</p> <p> </p> <p> "ဒါက ငါတို့ ဂိမ်းကစားတာကို မထိခိုက်စေဘူး၊ မလိုလားအပ်တဲ့သူတွေနဲ့ သတင်းထောက်တွေကိုပဲ လျှော့ချပေးမှာပါ"</p> <p> </p> <p>...........</p> <p> </p> <p>ကြယ်စင်များ၏ကောင်းကင်ယံ အထက်တွင်ဖြစ်သည်။</p> <p> </p> <p>အစစ်အမှန်နှင့် အနည်းငယ်သာကွာခြားသော မှောင်မည်းနေသည့်ဟင်းလင်းပြင်ကြီး တစ်ခုရှိ၏။</p> <p> </p> <p>အေးစက်သော စစ်သင်္ဘောကြီးများ ဖြတ်သန်းနေပြီး စူးစမ်းလေ့လာရေး ယာဉ်ငယ်များစွာမှာလည်း စစ်သင်္ဘောကြီးများမှ ထွက်ခွာသွားလိုက်၊ ပြန်ဝင်လာလိုက် ဖြစ်နေသည်။</p> <p> </p> <p>၎င်းတို့မှာ ကန်ရှင်းဂြိုဟ်မှ နောက်ဆုံးပေါ် စူးစမ်းလေ့လာရေးယာဉ်များဖြစ်ပြီး  ကုံရှင်းဂြိုဟ်၏ အချက်အလက်များကို စုဆောင်းရန် ရည်ရွယ်လျှက်လှုပ်ရှားလျှက်ရှိသည်။</p> <p> </p> <p>စစ်သင်္ဘောကပ္ပတိန်သည် စူးစမ်းလေ့လာရေး ရလဒ်များကို စောင့်ကြည့်နေပြီး  ကုံရှင်းကို နယ်ချဲ့ရန် အမြဲ ကြံစည်နေသူဖြစ်၏။</p> <p> </p> <p>မကြာသေးမီကပင်  ကုံရှင်းဂြိုဟ်ရှိ မိုးကောင်းကင်မျက်လုံး ၁၃ ခုတိတိ ဖျက်ဆီးခံလိုက်ရကြောင်း သူ သိရှိခဲ့ရသည်။</p> <p> </p> <p>၄င်းမှာ သူတို့ကန်ရှင်းဂြိုဟ်အတွက် အခွင့်အရေးကောင်းပင် မဟုတ်ပါလား။</p> <p> </p> <p>ကန်ရှင်းသည် နည်းပညာပိုင်းတွင် သာလွန်သော်လည်း  ကုံရှင်းတွင် ရှေးဟောင်းယဉ်ကျေးမှု၏ အမွေအနှစ်များ ရှိနေသဖြင့် ခုခံနိုင်စွမ်း ရှိနေခြင်းဖြစ်သည်။</p> <p>"အစီရင်ခံပါတယ် ကပ္ပတိန်..ကုံရှင်းပေါ်မှာ ကြယ်ခုနစ်ပွင့် မိသားစုတွေကြား ပြည်တွင်းစစ် ဖြစ်ပွားပြီး မူမိသားစုကို အခြားမိသားစုတွေက တိုက်ခိုက်ချေမှုန်းလိုက်ပါတယ်"</p> <p> စစ်သည်တစ်ဦးက အစီရင်ခံသည်။</p> <p> </p> <p>"ပြည်တွင်းစစ် ဟုတ်လား"</p> <p> </p> <p>ထိုသတင်းက ကပ္ပတိန်ကို အံ့အားသင့်သွားစေသည်။</p> <p>ပြည်တွင်းစစ်ကြောင့်  ကောင်းကင်မျက်လုံးတွေ ပျက်စီးသွားတာလား။</p> <p> </p> <p>ထိုအခိုက် သူ၏စစ်သင်္ဘောအတွင်းတွင် ရုတ်တရက် လေပြင်းများ တိုက်ခတ်လာ၏။</p> <p>ထို့နောက်  မိစ္ဆာတစ်သောင်းနယ်မြေမှ ဦးချိုလေးချောင်းပါသော ထူးဆန်းသည့်လူတစ်ဦး သင်္ဘောအတွင်း၌ပေါ်လာသည်။</p> <p> </p> <p>"ဘယ်လောက်တောင် အရသာရှိတဲ့ ကမ္ဘာလဲ။ ငါ့ဘိုးဘေးတွေရဲ့ သွေးနံ့ကို ခံစားနေရတယ်"</p> <p>ထိုလူထူးဆန်းက ကုံရှင်ဂြိုဟ်အား တက်မက်စွာကြည့်ရင်း မှတ်ချက်ချ၏ ။</p> <p> </p> <p>ထိုလူမှာ မိစ္ဆာမျိုးနွယ်စုမှဖြစ်ပြီး အလွန်အစွမ်းထက်သူလည်း ဖြစ်သည်။</p> <p> </p> <p>"ကုံရှင်းမှာ ဘာဖဲချပ်တွေပဲ ရှိရှိ၊ ငါတို့ မိစ္ဆာနယ်မြေရဲ့ လက်အောက်ကို ရောက်လာရမယ်။ ငါတို့ ဘိုးဘေးတွေရဲ့ သွေးကိုရရင် ငါတို့နယ်မြေက ပြန်ပြီး ကြီးကျယ်လာမှာ အသေအချာပဲ"</p> <p>ဂျိုလေးချောင်းရှိသူက အံကြိတ်လျှက်</p> <p>ကြုံးဝါးလိုက်သည်။</p> <p>............</p> <p>တစ်ချိန်တည်းမှာပင် ထျန်းယွဲ့မြို့၌</p> <p>ကျိယွမ်သည် ကျူးယန်၏ လက်ကို ဆွဲပြီး အိမ်သို့ ပြန်ရောက်လာ၏။</p> <p> </p> <p>အိမ်တံခါးပွင့်သွားသောအခါ စက်ရုပ် ဇီရိုးဝမ်းက တာဝန်ကျေစွာနှုတ်ဆက်သည်။</p> <p> </p> <p> "အိမ်မှပြန်လည်ကြိုဆိုပါတယ် သခင်နဲ့ သခင်မ"</p> <p>ကျူးယန်သည် အိမ်ထဲသို့ ကြည့်လိုက်သောအခါ "မင်္ဂလာ" စာလုံးများဖြင့် အလှဆင်ထားသည်ကို တွေ့ရသဖြင့် အလွန်စိတ်လှုပ်ရှားသွား၏။</p> <p> </p> <p>"သခင်၊ ကျွန်မ ပြက္ခဒိန်ကို စစ်ဆေးကြည့်ပြီးပြီ။ မနက်ဖြန်က မင်္ဂလာဆောင်ဖို့ အလွန်ကောင်းတဲ့ နေ့ရက်ပါပဲ"</p> <p> </p> <p>စက်ရုပ်၏ စကားကိုကြားသောအခါ ကျူးယန်၏ မျက်နှာလေးမှာ နီရဲသွားတော့သည်။</p> <p>ကျိယွမ်က သူမအား စပ်ဖြီးဖြီးကြီး လှည့်ကြည့်၏။</p> <p> </p> <p>"ဘာကြည့်တာလဲ ...နင်နော် .."</p> <p> </p> <p> </p> <p style="text-align: center;">***</p>


Save