Book List

<h2 style="text-align: center;">အခန်း (၁၀၉)</h2> <h2 style="text-align: center;">အဆင့်A</h2> <h2 style="text-align: center;">*</h2> <p> </p> <p> </p> <p> </p> <p> </p> <p style="text-align:justify">ဤSystemက ဝတ္ထုများထဲမှ ကိုယ်ပိုင်အသိဉာဏ်ရှိသော Systemများနှင့် မတူပေ။ ၎င်းတို့က များသောအားဖြင့် သတင်းအချက်အလက်များကို ကြိုတင်၍ ထုတ်မပေးတတ်ကြချေ။ ဤSystem၏ လုပ်ဆောင်ပုံမှာ ကောင်းမွန်စွာ ပရိုဂရမ်သွင်းထားသော ကုဒ်များနှင့် ပို၍ တူညီနေသည်။ သတ်မှတ်ထားသော အချက်တစ်ချက်ကို ထိတွေ့မိမှသာ တုံ့ပြန်မှု ပေးတတ်ခြင်း ဖြစ်သည်။</p> <p style="text-align:justify">၎င်းကို မည်သူက ဖန်တီးခဲ့သည်ကို လုချန် မသိသကဲ့သို့ ထိုသူတို့သည်ပင် ၎င်းက ဘာလဲဆိုသည်ကို သိကြမည် မဟုတ်ပေ။ ဇာတ်သိမ်းမပျောက်ဘဲ ကျန်ရှိနေသည့် Systemဝတ္ထု အများစုတွင်မူ Systemဆိုသည်မှာ အထက်နက်သန်သော ပုဂ္ဂိုလ်တစ်ဦးဦးက ဖန်တီးထားခြင်းသာ ဖြစ်တတ်သည်။</p> <p style="text-align:justify">ထိုပုဂ္ဂိုလ်က အဆိပ်ပြင်းသော မြွေတစ်ကောင်ကဲ့သို့ အဆုံးမရှိသော အမြင့်တစ်နေရာမှနေ၍ ဇာတ်လိုက်အား ငုံ့ကြည့်နေတတ်သည်။ ဇာတ်လိုက်က အခက်အခဲများစွာကို ကျော်ဖြတ်ပြီးနောက် အရာအားလုံးကို ပိုင်ဆိုင်လိုက်ရချိန်တွင်မှ ထိုဖန်တီးရှင်က အပြုံးတစ်ခုနှင့် ပေါ်ထွက်လာတတ်သည်။ ထို့နောက် ဇာတ်လိုက်ထံမှ အရာအားလုံးကို ပြန်လည် သိမ်းပိုက်ရန် ကြိုးစားတော့သည်။ ထိုအခါ ဇာတ်လိုက်နှင့် စနစ်ဖန်တီးရှင်တို့အကြား ရက်စက်ကြမ်းကြုတ်လှသော နောက်ဆုံးတိုက်ပွဲကြီး ဖြစ်ပွားရတော့သည်။</p> <p style="text-align:justify">သူလည်း ထိုသို့ပင် ဖြစ်နေမလား။ သူသည်လည်း အခြားတစ်ယောက်၏ ကြိုးဆွဲရာ ကရသည့် ရုပ်သေးရုပ်တစ်ရုပ် ဖြစ်နေမလား။ လုချန်၏ ပါးစပ်များ ခြောက်ကပ်လာသည်။ ချွေးစက်တစ်ခုက ပါးပြင်ပေါ်မှတစ်ဆင့် အောက်သို့ လိမ့်ဆင်းသွား၏။ သူက ပထမဆုံးအကြိမ်အဖြစ် ကြောက်ရွံ့မှုကို ခံစားလိုက်ရသည်။</p> <p style="text-align:justify">“မဟုတ်ဘူး... မဟုတ်နိုင်ဘူး... ဒါက မဖြစ်နိုင်တာ...”</p> <p style="text-align:justify">သူက လက်နှစ်ဖက်ကို ဒူးပေါ်တွင် တင်းတင်းဆုပ်ထားမိသည်။ အသက်ရှူရသည်မှာ ခက်ခဲလာသလိုပင်။</p> <p style="text-align:justify">“တကယ်ပဲ မဖြစ်နိုင်တာလား...”</p> <p style="text-align:justify">သူက စိတ်ကို အတင်းအကျပ် ပြန်လည်စုစည်းရန် ကြိုးစားသော်လည်း ထိုအတွေးမှာ ဦးနှောက်ထဲတွင် အမြစ်တွယ်နေပြီဖြစ်ရာ မည်သို့မျှ ဖျောက်ပစ်၍ မရတော့ပေ။ အကယ်၍ တစ်စုံတစ်ယောက်က အဆုံးမဲ့ ဟင်းလင်းပြင်ထဲမှနေ၍ သူ့ကို တကယ်ပင် ငုံ့ကြည့်နေခဲ့သည်ဆိုပါက ထိုသူက ဘာကို မြင်ချင်နေတာလဲ။ ဘာတွေ ကြံစည်နေတာလဲ။</p> <p style="text-align:justify">Systemသာ မရှိခဲ့လျှင်ပင် သူ့တွင် နားလည်သဘောပေါက်နိုင်စွမ်း အမြင့်ဆုံးအဆင့် ရှိနေသေးသည်။ ၎င်းမှာ သူကိုယ်တိုင် နိုးထခဲ့သော ဝိညာဉ်စွမ်းရည် ဖြစ်သည်။ သူ ကြီးထွားလာသည်နှင့်အမျှ ၎င်းကိုလည်း ဆက်လက် မြှင့်တင်သွားနိုင်သည်။ သို့သော် သူက Systemကို တကယ်ပဲ စွန့်လွှတ်နိုင်ပါ့မလား။ သူ၏ အတွေးများကို သိနေသကဲ့သို့ပင် System၏ အသံက စိတ်ထဲတွင် ထပ်မံ မြည်ဟည်းလာပြန်သည်။</p> <p style="text-align:justify">“သင်စိုးရိမ်စရာ မလိုပါ။ ဤSystemတွင် အခြားသော ဇာစ်မြစ် မရှိပါ။ ၎င်းသည် သင်၏ မူလအစအရပ်မှ မွေးဖွားလာခြင်း ဖြစ်ပါသည်။”</p> <p style="text-align:justify">လုချန်၏ မျက်နှာထားမှာ တောင့်တင်းသွားသည်။</p> <p style="text-align:justify">“ငါ့ရဲ့... မူလအစအရပ်...”</p> <p style="text-align:justify">“ဒါဆို ဒါကို ဘယ်သူက ဖန်တီးခဲ့တာလဲ... အခု ဘာတွေ ဖြစ်ပျက်နေတာလဲ...”</p> <p style="text-align:justify">စိတ်နှလုံး၏ နက်ရှိုင်းသော နေရာတွင်မူ လုချန်က System၏ စကားကို ယုံကြည်သွားခဲ့ပြီ ဖြစ်သည်။ စိတ်ထဲတွင် မြှုပ်နှံထားသော ထိုမေးခွန်းများက လိမ်ညာလိမ့်မည် မဟုတ်ပေ။ သို့သော် ပဟေဠိက ပို၍သာ နက်နဲလာခဲ့သည်။</p> <p style="text-align:justify">“ကောင်းပြီလေ...”</p> <p style="text-align:justify">သူက သက်ပြင်းရှည်ကြီးတစ်ချက်ကို မှုတ်ထုတ်လိုက်သည်။ မျက်တောင်များက အနည်းငယ် တုန်ယင်နေသည်။ မိမိကိုယ်ကိုယ် လုံလောက်အောင် အစွမ်းထက်လာသည့်အခါ အဖြေက အလိုလို ပေါ်ထွက်လာလိမ့်မည်။</p> <p style="text-align:justify">“ငါက မြင့်မြတ်တဲ့ အရှင်သခင်တစ်ယောက်ရဲ့ လက်ထဲက ရုပ်သေးရုပ် ဖြစ်နေရင်တောင်... ဘာဖြစ်လဲ”</p> <p style="text-align:justify">လုချန်၏ မျက်လုံးများက အေးစက်စွာ ကျဉ်းမြောင်းသွားသည်။ အကယ်၍ ထိုသူက တကယ်ပင် ရောက်လာခဲ့မည်ဆိုပါက သူသည်လည်း ဝတ္ထုထဲက ဇာတ်လိုက်များကဲ့သို့ပင် ထိုအရှင်သခင်ကို အမှုန့်ဖြစ်အောင် ချေမှုန်းပစ်မည်။</p> <p style="text-align:justify">“မင်းကိုယ်မင်း ပြန်မချီနိုင်သလိုမျိုး အဲဒီအရာကိုလည်း မင်း မချေမှုန်းနိုင်ဘူး”</p> <p style="text-align:justify">နောက်ထပ် မက်ဆေ့ခ်ျတစ်ခုက စိတ်ထဲသို့ တိုးဝင်လာပြန်သည်။ လုချန်၏ နှုတ်ခမ်းများ တုန်ယင်သွားသည်။ သူက အလွန်အမင်း အံ့အားသင့်သွားရသဖြင့် နောက်သို့ပင် လန်ကျသွားမတတ် ဖြစ်သွားရသည်။</p> <p style="text-align:justify">"မင်း... ငါ..."</p> <p style="text-align:justify">“ဒီကောင်က တော်တော်လေးကို နှုတ်သီးကောင်းလျှာရှည်တာပဲ...”</p> <p style="text-align:justify">သူက နဖူးကို လက်ဝါးဖြင့် ခပ်ပြင်းပြင်း ရိုက်လိုက်မိသည်။ သူက ရယ်ရခက်၊ ငိုရခက် ဖြစ်နေသော လေသံဖြင့် ပြောလိုက်သည်။</p> <p style="text-align:justify">"ငါ ကျိန်ပြောရဲတယ်... တစ်နေ့နေ့ကျရင် မင်းကို ငါ ပြန်ပြင်ပြီး ထာဝရ ပါးစပ်ပိတ်ထားစေရမယ်"</p> <p style="text-align:justify">တိတ်ဆိတ်သွားပြန်သည်။ Systemက တစ်ခါမှ မရှိခဲ့ဖူးသကဲ့သို့ပင်။ လုချန်က မျက်နှာကို ပွတ်သပ်လိုက်သည်။ သူက အနည်းငယ်တော့ ထိတ်လန့်သွားခဲ့ရသည်။</p> <p style="text-align:justify">"တောက်... ခွေးမသားပဲ..."</p> <p style="text-align:justify">သူက စိတ်ကို ဖြည်းဖြည်းချင်း ပြန်အေးအောင် လုပ်လိုက်သည်။ အသက်ကို ပြင်းပြင်းတစ်ချက် ရှူလိုက်သည်။ လက်ရှိ ပြဿနာကို အရင်ဆုံး ဖြေရှင်းရန် သူ ဆုံးဖြတ်လိုက်သည်။ သူ၏ ခွန်အားက သာမန် သက်ရှိဂြိုဟ်တစ်လုံး၏ အလေးချိန်သို့ မရောက်မီ သူက အဆင့်A စစ်သည်တော် ဖြစ်နေရမည်။ သူက လက်ရှိ အခြေခံခွန်အားကို ချက်ချင်း စစ်ဆေးလိုက်သည်။</p> <p style="text-align:justify">“၃၀၁,၂၁၆ တန်...”</p> <p style="text-align:justify">သက်ရှိဂြိုဟ်တစ်လုံး၏ အခြေခံအလေးချိန်မှာ ၁ ၏ အဆ ၂၂ ထပ်တန်ဖြစ်သည်။ သူက သင်္ချာနည်းအရ တွက်ချက်ကြည့်လိုက်သည်။ ၅၃ ရက်ခန့်အတွင်း ထိုအဆင့်သို့ သူ ရောက်ရှိသွားလိမ့်မည်။ သို့သော် ထိုကာလအတွင်း သူက အသေးစား အဆင့်များကို ဆက်တိုက် ဖောက်ထွက်နေမည်ဖြစ်ရာ စွမ်းအားများကလည်း ထပ်ဆင့် ပေါင်းစပ်သွားလိမ့်မည်။ ထိုအခါ စွမ်းအားများမှာ အနည်းဆုံး ငါးဆခန့် တိုးလာမည်ဖြစ်ပြီး အဆင့်B သို့ ဖောက်ထွက်သည့်အခါတွင်မူ ဆပွားကိန်းမှာ ပို၍ပင် ကြီးမားလာဦးမည်။ ထိုအချက်များက အချိန်ကို ပို၍ မြန်ဆန်သွားစေလိမ့်မည်။</p> <p style="text-align:justify">“မဟုတ်သေးဘူး... ဒီလိုဆိုရင်...”</p> <p style="text-align:justify">သူ့မှာ အချိန် သိပ်မရှိတော့ပေ။ လုချန်၏ ရင်ဘတ်ထဲမှ နှလုံးခုန်သံမှာ ဗုံတီးနေသကဲ့သို့ အဆက်မပြတ် မြည်ဟည်းနေတော့သည်။ ဤSystemကို သူက လက်ဆောင်မွန်ဟု ထင်မှတ်ခဲ့သော်လည်း ယခုမူ ၎င်းက သေမိန့်တစ်ခု ဖြစ်နေခဲ့သည်။ သူက အဆင့်B ၏ အထွတ်အထိပ်သို့ အမြန်ဆုံး ရောက်အောင် ကျင့်ကြံရမည်။ ထို့နောက် အဆင့်A သို့ ဖောက်ထွက်နိုင်မည့် နည်းလမ်းကို ရှာဖွေရမည်။ သို့သော် ဤဂြိုဟ်ပေါ်တွင် ထိုသို့ဖောက်ထွက်နည်းကို သိသူ ရှိပါ့မလား။</p> <p style="text-align:justify">လုချန် သိသလောက်ဆိုလျှင် ဤကမ္ဘာပေါ်တွင် အစွမ်းအထက်ဆုံးသူမှာ အဆင့်B ဒသမအလွှာ အထွတ်အထိပ်တွင်သာ ရှိနေသေးသည်။ ထို့ကြောင့် သူက ဒုတိယဥက္ကဋ္ဌနှင့် စကားပြောကြည့်ရန် လိုအပ်ပေလိမ့်မည်။ လုချန်က အံတင်းတင်းကြိတ်လိုက်သည်။ ဖြစ်နိုင်လျှင် ထိုဥက္ကဋ္ဌဆိုသူနှင့်ပါ တွေ့ရမည်။ ကပ်ဘေးကြီး ဖြစ်ပွားပြီးနောက်တွင် ကမ္ဘာပေါ်၌ ရှေးဟောင်း အပျက်အစီးများနှင့် လျှို့ဝှက်နယ်မြေများ၊ စမ်းသပ်မှု မျှော်စင်များ ပေါ်ထွက်လာခဲ့ရာ ၎င်းတို့က အဆင့်A သို့ ဖောက်ထွက်နည်းကို သိထားကြပေလိမ့်မည်။</p> <p style="text-align:justify">လုချန်က အသက်ကို ဖြည်းဖြည်းချင်း ရှူသွင်းလိုက်သည်။ စိတ်ထဲမှ ကြောက်ရွံ့မှုများကို အတင်းအကျပ် မောင်းထုတ်ပစ်လိုက်သည်။ စိတ်ကို ပြန်လည် တည်ငြိမ်အောင် ထားရမည်။ အလျင်စလို လုပ်၍ မဖြစ်ပေ။ တစ်လှမ်းချင်းစီ သွားရမည်။</p> <p style="text-align:justify">ထို့နောက် သူက မူလအစ ထာဝရဇာစ်မြစ် ကျင့်စဉ်ကို စတင် လည်ပတ်လိုက်တော့သည်။ ချက်ချင်းပင် ပတ်ဝန်းကျင်ရှိ အတိုင်းအဆမဲ့သော စွမ်းအင်များက ကျိုးပေါက်သွားသော ဆည်တစ်ခုကဲ့သို့ သူ၏ ခန္ဓာကိုယ်ထဲသို့ တိုးဝင်လာကြတော့သည်။ ယခုအခါ သူက အဆင့်D တတိယအလွှာ စစ်သည်တော် တစ်ဦး ဖြစ်သည်။ စတုတ္ထအဆင့်သို့ ရောက်ရန် လေးနာရီခန့် ကြာလိမ့်မည်ဟု သူ ခန့်မှန်းထားသည်။ အချိန်များက ရေစီးသကဲ့သို့ ကုန်ဆုံးသွားသည်။</p> <p style="text-align:justify">လေးနာရီ ကြာပြီးနောက် “ဘုန်း...”</p> <p style="text-align:justify">လုချန်၏ ကျင့်ကြံမှု အဆင့်က ဖောက်ထွက်သွားခဲ့သည်။ အဆင့်-D စတုတ္ထအလွှာ စစ်သည်တော် တစ်ဦးအဖြစ် အောင်မြင်စွာ ရောက်ရှိသွားခဲ့ပြီ ဖြစ်သည်။ သူက မရပ်တန့်ခဲ့ပေ။</p> <p style="text-align:justify">ကိုးနာရီ ကြာပြီးနောက် “ဘန်း...”</p> <p style="text-align:justify">အဆင့်D ပဉ္စမအလွှာ စစ်သည်တော်။</p> <p style="text-align:justify">၁၃ နာရီ ဆက်တိုက် သူက တင်ပလ္လင်ခွေ ထိုင်လျက် မလှုပ်မယှက် ရှိနေခဲ့သည်။ သူက မနားခဲ့ပေ။ သို့သော် သူက ပင်ပန်းသည်ဟု လုံးဝ မခံစားရပေ။ လွန်ခဲ့သော နာရီအနည်းငယ်ကပင် သူက ထပ်မံ၍ Sign-in လုပ်ခဲ့ရာ အခြေခံခွန်အားမှာ နောက်ထပ် တစ်ဆ တိုးလာခဲ့ပြန်သည်။ ၎င်းက သူ့ကို ပို၍ တက်ကြွလာစေခဲ့သည်။</p> <p style="text-align:justify">ငါးနာရီ ကြာပြီးနောက် “ဘုန်း...”</p> <p style="text-align:justify">အဆင့်D သတ္တမအလွှာသို့ ရောက်ရှိသွားသည်။</p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save