Book List

<h2 style="text-align: center;">အခန်း (၁၁၄)</h2> <h2 style="text-align: center;">တောရိုင်းနယ်မြေအတွင်း အမဲလိုက်ခြင်း</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p><br /> လုချန်က စကားစလိုက်သည်။</p> <p> </p> <p style="text-align:justify">"ဒါနဲ့ ဘိုးဘေးကြီး... ကျွန်တော် ဒီနေ့ မက်ချာ စက်ရုပ်စစ်သည်တော်တစ်စီးကို မောင်းကြည့်ခဲ့တယ်... ဒီလက်နက်က ဖွံ့ဖြိုးတိုးတက်ဖို့ အလားအလာ အများကြီးရှိတာကို တွေ့ခဲ့ရတယ်... အထူးသဖြင့် ပါရမီမနိုးထသေးတဲ့ သာမန်လူတွေကိုပါ တိုက်ပွဲဝင်နိုင်အောင် ကူညီပေးနိုင်လိမ့်မယ်"</p> <p style="text-align:justify">"မနက်ဖြန်ကျရင် အဲဒီစက်ရုပ်ရဲ့ တိုက်ခိုက်ရေး စွမ်းဆောင်ရည်ကို စမ်းသပ်ဖို့ တောရိုင်းနယ်မြေထဲ မောင်းသွားမလို့ပဲ"</p> <p style="text-align:justify">လုဟုန်တောက်က ထိုစကားကို ကြားသောအခါ အမှန်ပင် အံ့အားသင့်သွားရသည်။</p> <p style="text-align:justify">"မင်းက အဲဒီစက်တွေအပေါ် စိတ်ဝင်စားနေတာလား... စက်ပစ္စည်းတွေက ဘယ်လောက်ပဲ ကောင်းကောင်း ပြင်ပအားတွေပဲဆိုတာ မင်း သိထားသင့်တယ်... ဘယ်ပြင်ပအားမှ မင်းရဲ့ ကိုယ်ပိုင်လက်သီးလောက် အားမကိုးရဘူး"</p> <p style="text-align:justify">"ဒါပေမဲ့ မင်းပြောတာ တစ်ခုတော့ မှန်ပါတယ်... အကယ်၍ ငါတို့သာ မက်ချာတွေ သုံးတဲ့အခါ ခံစားရတဲ့ စိတ်ပိုင်းဆိုင်ရာ ဖိအားတွေကို ကျော်လွှားနိုင်ပြီး အများပြည်သူတွေပါ သုံးနိုင်အောင် လုပ်ပေးနိုင်မယ်ဆိုရင် ဒါဟာ လူသားတွေအတွက် အရည်အသွေးပိုင်းဆိုင်ရာ အလှည့်အပြောင်းကြီး တစ်ခုပဲ"</p> <p style="text-align:justify">"ကံမကောင်းတာက အဲဒါကို မောင်းဖို့ စိတ်စွမ်းအား အများကြီး လိုအပ်နေတာပဲ... အခုလောလောဆယ်တော့ နေ့စဉ်ဘဝ လှုပ်ရှားမှုတွေအတွက် အဆင်ပြေသေးပေမဲ့ တိုက်ပွဲဝင်ဖို့ကျတော့ လူအများစုအတွက် အားနည်းချက်တွေ ရှိနေသေးတယ်"</p> <p style="text-align:justify">လုချန်က ခေါင်းကို အနည်းငယ် စောင်းကာ ပြောလိုက်သည်။</p> <p style="text-align:justify">"ကျွန်တော် သိပါတယ်... ဒါပေမဲ့ ကျွန်တော် စမ်းသပ်ကြည့်ချင်သေးတယ်... ပြီးတော့... အကြံသစ်တချို့ကိုလည်း စမ်းကြည့်ချင်လို့ပါ"</p> <p style="text-align:justify">လုဟုန်တောက်က ထိုစကားကို ကြားသောအခါ စူးစမ်းလိုစိတ်ဖြင့် လှမ်းကြည့်လိုက်သည်။ သူ၏ မြေးတော်လေးကို သေချာစွာ စစ်ဆေးကြည့်မိသည်။ သူ့မျက်လုံးများက ကျဉ်းမြောင်းသွားသည်။ ဤကလေးက ယခုတစ်ကြိမ်တွင် မည်သို့သော ဆန်းသစ်သည့် အကြံဉာဏ်များ ရှိနေပြန်သနည်း။ သူက မက်ချာကို ထိရောက်စွာ တိုက်ခိုက်နိုင်အောင် မောင်းနှင်နိုင်မည်ဟု ယုံကြည်နေခြင်းလား။</p> <p style="text-align:justify">လုချန်က ဘာမှ ထပ်မပြောဘဲ တိတ်ဆိတ်နေခဲ့သည်။ သူက အခန်းထောင့်ရှိ ကော်ဖီဖျော်စက်ဆီသို့ အကြည့်လွှဲလိုက်သည်။ တခဏအကြာတွင် သူ၏ စိတ်စွမ်းအားများ ပျံ့နှံ့သွားသည်။ လက်တစ်ဖက်ကို ဆန့်ထုတ်လိုက်သကဲ့သို့ပင်။</p> <p style="text-align:justify">ကော်ဖီဖျော်စက်က အလိုလို ပွင့်သွားသည်။ ကော်ဖီတစ်ခွက် အပြည့် ထည့်လိုက်သည်။ ဖြူစင်သော ကြွေခွက်ကလေးက လေထဲတွင် တည်ငြိမ်စွာ ပျံဝဲလာပြီးနောက် သူ့လက်ထဲသို့ ကျရောက်လာသည်။ သူက တည်ငြိမ်စွာပင် တစ်ငုံ သောက်လိုက်သည်။ လုဟုန်တောက်က ရုတ်တရက် ထရပ်လိုက်မိသည်။ သူ့မျက်လုံးများမှာ ပြူးကျယ်သွားရသည်။</p> <p style="text-align:justify">"မင်း... မင်း ဝိညာဉ်သခင်ပါရမီ နိုးထနေတာလား... ငါတို့ကို ဘာလို့ အသိမပေးခဲ့တာလဲ"</p> <p style="text-align:justify">လုချန်က နှာတစ်ချက်မှုတ်ကာ ပြောလိုက်သည်။</p> <p style="text-align:justify">"ကျွန်တော့်အသက်ကို အမြဲတမ်း စိုးရိမ်ထိတ်လန့်နေရမှာ ကြောက်လို့ပေါ့"</p> <p style="text-align:justify">ထိုစကားကို ကြားသောအခါ လုဟုန်တောက်၏ မျက်နှာထားမှာ အနည်းငယ် အနေရခက်သွားသည်။ လုချန် ပထမဆုံး ပါရမီနိုးထစဉ်က သူတို့မိသားစု ပြန်မရောက်သေးပေ။ သူက လုယွမ်တို့ဆီ သွားခဲ့သည်မှာလည်း သူ့မြေးက လုချန်အမည်ရှိသော ထူးကဲသည့် ပါရမီရှင်လေးကို မွေးဖွားခဲ့သည်ဟု ကြားသိရသောကြောင့် ဖြစ်သည်။ ထို့ကြောင့် သူက လုချန်ကို ဆုံးမရန် အခွင့်အရေး မရှိသည်မှာ သေချာသည်။</p> <p style="text-align:justify">လုဟုန်တောက်က အနေရခက်စွာဖြင့် ချောင်းတစ်ချက် ဟန့်လိုက်သည်။</p> <p style="text-align:justify">"ဘာပဲဖြစ်ဖြစ်ပါ... မင်း လုပ်ချင်တာ လုပ်နိုင်ပါတယ်... လုမိသားစုရဲ့ အရင်းအမြစ်အားလုံးက မင်းအတွက် ဖွင့်ပေးထားပြီးသား... ဒါပေမဲ့ မနက်ဖြန်ကျရင် မင်းရဲ့ အဘိုးတစ်ယောက်ယောက်ကိုတော့ အဖော်ခေါ်သွားရမယ်။ တောရိုင်းနယ်မြေထဲမှာ အဆင့်-B သားရဲတွေ ရှိနေတာ... ပြင်ပလောကနဲ့ ပတ်သက်လာရင် ငါတို့ ဘယ်တော့မှ ပေါ့ဆလို့ မရဘူး"</p> <p style="text-align:justify">လုချန်က တိတ်ဆိတ်စွာ ခေါင်းညိတ်လိုက်သည်။ ထို့နောက် လှည့်ထွက်သွားခဲ့သည်။ တံခါးပိတ်သွားသောအခါ လုဟုန်တောက်၏ မျက်လုံးများတွင် ဂုဏ်ယူဝင့်ကြွသော အရိပ်အယောင်များ ရုတ်တရက် ပေါ်ထွက်လာသည်။ ဤဘုရင်ခံ သားရဲလေးက တကယ်ပင် လုမိသားစု၏ သွေးသား ဖြစ်နေခဲ့သည်။ အကယ်၍ လုမိသားစု၏ ဘိုးဘေးများသာ ကောင်းကင်ဘုံကနေ သိနိုင်မည်ဆိုလျှင် မြေကြီးထဲကနေတောင် ထရယ်ကြလိမ့်မည်မှာ သေချာသည်။ လုဟုန်တောက်၏ အပြုံးမှာ ပို၍ ပို၍ ကျယ်ပြန့်လာတော့သည်။</p> <p style="text-align:justify">လုချန် မိမိအခန်းသို့ ပြန်ရောက်သောအခါ လေ့ကျင့်ရေးခန်းမသို့ တန်းတန်းမတ်မတ် သွားလိုက်သည်။ သတ္တုစပ်ဖြင့် ပြုလုပ်ထားသော ဓားရှည်တစ်လက်ကို ကောက်ကိုင်ကာ အရပ်ဆယ်မျက်နှာ သုတ်သင်ခြင်း ဓားသိုင်းကို စတင်လေ့ကျင့်တော့သည်။ ခုနစ်နာရီ ကြာသွားသော်လည်း သူ မရပ်တန့်ခဲ့ပေ။ System၏ သတိပေးသံ ထွက်ပေါ်လာချိန်အထိပင်။</p> <p style="text-align:justify">“အရပ်ဆယ်မျက်နှာ သုတ်သင်ခြင်း ဓားသိုင်း သတ္တမအဆင့်သို့ ဖောက်ထွက် အောင်မြင်သည်”</p> <p style="text-align:justify">နောက်ဆုံးတွင် သူက ဓားသိုင်းကို သတ္တမအဆင့်အထိ ကျင့်ကြံနိုင်ခဲ့ပြီ ဖြစ်သည်။ ၎င်းမှာ ခွန်အားကို ၂၁ဆ မြှင့်တင်ပေးသည်။ သူ၏ ကောင်းကင်ခွဲ နတ်ဓားရည်ရွယ်ချက် နှင့် ပေါင်းစပ်လိုက်ပါက သူ၏ အမြင့်ဆုံး တိုက်ခိုက်ရေးစွမ်းရည်မှာ ၂၃၁ ဆအထိ မြင့်တက်သွားမည် ဖြစ်သည်။</p> <p style="text-align:justify">ဤအချိန်တွင် ဒုတိယမြောက်နေ့သို့ ရောက်ရှိနေပြီ ဖြစ်သည်။ နံနက်ခင်း၏ နေရောင်ခြည်က ကြည်လင်သော မှန်ပြတင်းပေါက်မှတစ်ဆင့် ကြမ်းပြင်ပေါ်သို့ ဖြာကျနေသည်။ လုချန်က Systemကို ဖွင့်ကာ Sign-in လုပ်လိုက်သည်။</p> <p style="text-align:justify">အမည် - လုချန်<br /> ခွန်အား - ၃၀၁,၂၂၀,၂၀၀<br /> စိတ်စွမ်းအား - ၃၀၁,၂၂၀,၂၀၀<br /> ဝိညာဉ်စွမ်းရည် - နားလည်သဘောပေါက်နိုင်စွမ်း အမြင့်ဆုံးအဆင့်</p> <p style="text-align:justify">အခြေခံခွန်အားမှာ ၂၄၀ သန်းတန်သို့ ရောက်ရှိနေပြီ ဖြစ်သည်။ သီအိုရီအရ အမြင့်ဆုံး တိုက်ခိုက်ရေးစွမ်းရည်မှာ တန်ချိန် ၅၅.၅ ဘီလီယံအထိ ရှိနိုင်ချေရှိသည်။ ၎င်းမှာ နက္ခတ္တဗေဒဆိုင်ရာ ကိန်းဂဏန်းကြီးတစ်ခု ဖြစ်သော်လည်း ဥက္ကဋ္ဌ၏ ခွန်အားနှင့် နှိုင်းယှဉ်လျှင်မူ လိုအပ်နေသေးသည်။ အကယ်၍ ရှောင်ဝမ်လုံ၏ အခြေခံခွန်အားမှာ ၁.၂ ဘီလီယံတန် ဝန်းကျင်တွင် ရှိနေလျှင် ထိုဥက္ကဋ္ဌ၏ အခြေခံမှာ အနည်းဆုံး သန်း ၂၀၀ ကျော် သို့မဟုတ် ထိုထက်မက ပိုများနေနိုင်သည်။ လုချန်က မည်သူ့ကိုမျှ အထင်မသေးပေ။ ထို့ပြင် အခြားတစ်ဖက်မှာ လူသားမျိုးနွယ်၏ ပထမဆုံးသော ပုဂ္ဂိုလ်ကြီး မဟုတ်ပါလား။</p> <p style="text-align:justify">ယနေ့တွင်မူ သူက လော့နျန်ဝေနှင့်အတူ စက်ရုပ်ကြီးကို မောင်းကာ တောရိုင်းနယ်မြေထဲသို့ အမဲလိုက်ထွက်မည် ဖြစ်သည်။</p> <p style="text-align:justify">မိသားစုနှင့်အတူ နံနက်စာ စားပြီးနောက် လုကျန့်မုန်းက သူတို့အတွက် အစောင့်အရှောက်အဖြစ် လိုက်ပါပေးရန် မိမိကိုယ်တိုင် ကမ်းလှမ်းလာခဲ့သည်။ လုချန်တို့၏ လုပ်ဆောင်ချက်များကို အရေးမကြီးလျှင် ဝင်ရောက်စွက်ဖက်မည်မဟုတ်ဟု သူ ကတိပေးထားသော်လည်း ၎င်းမှာ သူ့လုံခြုံရေးအတွက် ဖြစ်ကြောင်း လုချန် သိသည်။ လုကျန့်မုန်းမှာ အဆင့်B တတိယအလွှာ စစ်သည်တော်ဖြစ်ပြီး အခြေခံခွန်အား သန်း ၁၃၀ ခန့် ရှိသည်။ ၎င်းမှာ သာမန် အဆင့်B တတိယအလွှာ စစ်သည်တော်ထက် နှစ်ဆကျော် ပိုများသည်။ သို့သော်လည်း သူက လုချန်နှင့် မနှိုင်းယှဉ်နိုင်သေးပေ။ ရာနှင့်ချီ၍ ဆပွားထားသော လုချန်၏ တကယ့် တိုက်ခိုက်ရေးစွမ်းအားမှာ နက္ခတ္တဗေဒ အဆင့်သို့ ရောက်နေပြီ ဖြစ်သည်။ မည်သို့ပင်ဆိုစေ လုချန်က အဘိုးဖြစ်သူ၏ ကူညီမှုကို အလွန် ကျေးဇူးတင်မိသည်။</p> <p style="text-align:justify">နံနက်စာ စားပြီးနောက် လုချန်က လော့နျန်ဝေ၏ အိမ်သို့ သွားခဲ့သည်။ ယနေ့တွင် သူမက ကိုယ်ကျပ် တိုက်ခိုက်ရေး ဝတ်စုံကို ဝတ်ဆင်ထားရာ သူမ၏ ပြည့်စုံသော ခန္ဓာကိုယ်အလှကို ပေါ်လွင်စေသည်။ ၎င်းမှာ ဖက်ရှင်ကျပြီး လှပသလို ရဲရင့်ပြတ်သားသည့် အသွင်အပြင်ကိုလည်း ပေးစွမ်းနေသည်။ သူက သူမကို အချိန်အတော်ကြာ တိတ်ဆိတ်စွာ ငေးကြည့်နေမိသည်။ လော့နျန်ဝေ၏ ပါးပြင်လေးများမှာ အနည်းငယ် နီမြန်းသွားသည်။ သူမက သူ့ကို မျက်စောင်းလေး ထိုးပြီး ပြောလိုက်သည်။</p> <p style="text-align:justify">"ဘာကြည့်နေတာလဲ"</p> <p style="text-align:justify">"နင့်ကို ကြည့်နေတာပေါ့"</p> <p style="text-align:justify">သူက အမြဲတမ်းလိုပင် ပွင့်လင်းပြတ်သားလွန်းလှသည်။ ၎င်းကို ငြင်းဆန်ရန် ခက်ခဲလှပေသည်။ လော့နျန်ဝေက နှာတစ်ချက် မှုတ်လိုက်ပြီး မျက်နှာလွှဲသွားတော့သည်။ ထို့နောက် သူတို့က မဟာမိတ် သုတေသန ဌာနချုပ်သို့ ရောက်ရှိလာကြသည်။ လုချန်က ကြိုတင် အသိပေးထားပြီး ဖြစ်သဖြင့် သိပ္ပံပညာရှင်များမှာ ထိုနေရာတွင် စုရုံးကာ စောင့်ဆိုင်းနေကြသည်။</p> <p style="text-align:justify">သူက မဆိုင်းမတွဘဲ လော့နျန်ဝေကို ဖက်လိုက်ပြီး မနေ့ကကဲ့သို့ပင် လေထဲသို့ ပျံတက်သွားလိုက်သည်။ မက်ချာကြီးမှာ တဝုန်းဝုန်း မြည်ဟည်းလာပြီး တံခါးပွင့်လာသည်။ လုချန်က မောင်းနှင်ခန်းထဲ ဝင်ထိုင်လိုက်သည်နှင့် အားလုံး အဆင်သင့် ဖြစ်သွားသည်။ စက်ရုပ်ကြီး၏ ဧရာမ ခန္ဓာကိုယ်ကြီးမှာ ဆန့်ထွက်လာသည်။ မနေ့က စမ်းသပ်မှုမှာ ဓာတ်ခွဲခန်းထဲတွင်သာ ဖြစ်သော်လည်း ယနေ့တွင်မူ တကယ့် ကမ္ဘာအစစ်ထဲသို့ သူ ယူဆောင်သွားချင်သည်။ ဧရာမ မက်ချာ စက်ရုပ်ကြီးမှာ လမ်းမပေါ်သို့ စတင် ခြေလှမ်းလိုက်သောအခါ အနီးနားရှိ ကလေးငယ်များမှာ ဝမ်းသာအားရ အော်ဟစ်လိုက်ကြသည်။</p> <p style="text-align:justify">"မေမေ ကြည့်ဦး... Transformerကြီး သား အဲဒါ ဝယ်ချင်တယ်"</p> <p style="text-align:justify">မိခင်ဖြစ်သူက ခပ်ပြုံးပြုံးဖြင့် ပြောလိုက်သည်။</p> <p style="text-align:justify">"ဒါဆို သားက မြန်မြန် ကြီးအောင်လုပ်လေ... ဒါမှ ဒီ တကယ့် စက်ရုပ်ကို မောင်းနိုင်မှာ"</p> <p style="text-align:justify">ကောင်လေးမှာ မျက်လုံးလေးများ ပြူးကာ အံ့သြသွားပြီး အလေးအနက် ခေါင်းညိတ်ပြလိုက်သည်။</p> <p style="text-align:justify">"ဟုတ်ကဲ့"</p> <p style="text-align:justify">မက်ချာ စက်ရုပ်ကြီး ဖြတ်သန်းသွားရာ နေရာတိုင်းတွင် လူအုပ်ကြီးက ဝိုင်းဝန်းကြည့်ရှုကြသည်။ ဒရုန်းတစ်စင်းမှာ ခေါင်းပေါ်တွင် ပျံဝဲနေပြီး ဤမြင်ကွင်းကို တစ်မြို့လုံးသို့ တိုက်ရိုက်ထုတ်လွှင့်ပြသနေသည်။ ၎င်းမှာ လူအများအား သုတေသနလုပ်ငန်းများအပေါ် စိတ်ဝင်စားမှု တိုးပွားလာစေရန် သုတေသန ဌာနချုပ်မှ ကြံဆထားသော နည်းလမ်းပင် ဖြစ်သည်။ ထိုမှတစ်ဆင့် သာမန် စစ်သည်တော်များကိုပါ သုတေသန လုပ်ငန်းများတွင် ပါဝင်လာရန် ဆွဲဆောင်နိုင်လိမ့်မည် ဖြစ်သည်။</p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save