Book List

<h2 style="text-align: center;">အခန်း (၁၈၄)</h2> <h2 style="text-align: center;">နွေဦးလွင်ပြင်တိုင်းပြည်မှ စိတ်ဝင်စားဖွယ်ရာ ဆေးစိုက်ခင်း (၁)</h2> <h2 style="text-align: center;">*</h2> <h2 style="text-align: center;"> </h2> <p> </p> <p>“ငါတို့ နွေဦးလွင်ပြင်တိုင်းပြည်ဘက်ကို ဆက်သွားကြမယ်…” ယန်ချင်းက အယ်လီ၏ စိတ်ထဲသို့ သွားရမည့် လမ်းကြောင်းကို ပုံဖော်ပေးပို့ရင်း ပြောလိုက်သည်။</p> <p>“သုံးနာရီတောင် ကုန်သွားပြီဆိုတာ ငါမယုံနိုင်သေးဘူး…”</p> <p>အယ်လီ၏ ကျောပေါ်တွင် ဖြန့်ခင်းထားသော မြေပုံကို စစ်ဆေးနေစဉ် ယန်ချင်း၏ မျက်မှောင်များ အနည်းငယ်ကြုတ်သွားသည်။</p> <p>“ကံကောင်းတာက နွေဦးလွင်ပြင်တိုင်းပြည်ထဲမှာတင် အကဲဖြတ်စရာ တချို့ကို ငါရှင်းပစ်နိုင်လောက်တယ်…”</p> <p>သူ၏ နေရာကွက်လပ်တဝိုက်တွင် စက်ဝိုင်းအနည်းငယ် ထပ်မံရေးဆွဲရင်း ယန်ချင်းက တီးတိုးရေရွတ်လိုက်သည်။</p> <p>“အကဲဖြတ်မှုတွေကို အချိန်မီအပြီးသတ်နိုင်ဖို့ မျှော်လင့်ရတာပဲ…”</p> <p>မြေပုံကို စက္ကန့်အနည်းငယ်ခန့် ထပ်မံကြည့်ရှုပြီးနောက်၊ ကျေနပ်သော အပြုံးတစ်ခုဖြင့် ယန်ချင်းက ၎င်းကို ခေါက်သိမ်းလိုက်သည်။</p> <p>ခရီးသွားနေစဉ်အတွင်း ဆက်သွယ်ရေး အဆောင်ကို ထုတ်ယူကာ လူအမျိုးမျိုးထံသို့ ဆက်သွယ်မှု အနည်းငယ် ပြုလုပ်ခဲ့သည်။</p> <p>ထိုဆက်သွယ်မှုများအရ သူသည် တစ်ဖက်လူများနှင့် အချိန်ဇယားများ ညှိနှိုင်းစီစဉ်နေပုံရသည်။</p> <p>ဆက်သွယ်မှုများ အားလုံးပြီးဆုံးသွားချိန်တွင်၊ သူတို့သည် သမင်တောင်တိုင်းပြည်၏ ပိုင်နက်ထဲမှ ထွက်ခွာလာခဲ့ကြပြီ ဖြစ်သည်။</p> <p>ယန်ချင်းရော အယ်လီပါ စိတ်သက်သာရာရသွားသည့် အမူအရာများ ပေါ်လာပြီး၊ အယ်လီဆိုလျှင် နွေဦးလွင်ပြင်တိုင်းပြည်သို့ သွားမည့် လမ်းကြောင်းပေါ်သို့ ပြန်မဝင်မီ ပျော်ရွှင်စွာဖြင့် လေထဲတွင် အကြိမ်အနည်းငယ် လှည့်ပတ်ပျံသန်းလိုက်သေးသည်။</p> <p>နွေဦးလွင်ပြင်တိုင်းပြည်သို့ ရောက်ရှိရန် ကျန်နေသေးသော အချိန်တိုလေးကို အသုံးပြု၍ ယန်ချင်းကမူ ကျင့်ကြံအားထုတ်နေသည်။</p> <p>ယေဘုယျအားဖြင့် သူက ပျင်းရိတတ်သော်လည်း၊ ၎င်းမှာ အလုပ်နှင့် ပတ်သက်လျှင်သာ ဖြစ်ပြီး ကျင့်ကြံခြင်းနှင့် ပတ်သက်လာလျှင်မူ အလွန်ကြိုးစားသူ ဖြစ်သည်။</p> <p>အလုပ်ခွင်မှ အတွေ့အကြုံများက၊ အင်အားကြီးမားသော နောက်ခံတစ်ခုအပြင် မိမိ၏ ကိုယ်ပိုင်စွမ်းရည်များကသာ ဘဝကို မည်မျှ သက်သောင့်သက်သာနှင့် လွတ်လပ်စွာ ဖြတ်သန်းနိုင်မည်နည်း ဆိုသည်ကို ဆုံးဖြတ်ပေးကြောင်း သူ၏ ယုံကြည်မှုကို ပိုမိုခိုင်မာစေခဲ့သည်။</p> <p>ကျိုးမောင်နှမ၏ဖခင်မှာ ဤအချက်အတွက် အကောင်းဆုံး ဥပမာတစ်ခု ဖြစ်သည်။ သူသည် ဂုဏ်သတင်း ကြီးမားသော အဆင့် ၂ မျိုးနွယ်စုတွင် မွေးဖွားလာခဲ့ပြီး လူအများ၏ လေးစားအားကျမှုကို ရရှိခဲ့သည်။</p> <p> သို့သော် ကျရှုံးသွားချိန်တွင် သူ၏ အသက်နှင့်အတူ အရာအားလုံးကို ဆုံးရှုံးသွားခဲ့ရပြီး၊ ဌာနခွဲမှ အမည်မသိလူတစ်ယောက်ကမူ သူ၏ စွမ်းဆောင်ရည်များကြောင့် အဆင့် ၂ မျိုးနွယ်စု၏ ခေါင်းဆောင်အဖြစ်သို့ တစ်ဟုန်ထိုး တက်လှမ်းသွားနိုင်ခဲ့သည်။</p> <p>ထိုကဲ့သို့သော အခြေအနေမျိုးက အဖွဲ့အစည်းတွင် မဖြစ်နိုင်သော်လည်း၊ ယန်ချင်းတွင် စဉ်းစားစရာ ကြီးမားလှသောရည်မှန်းချက်များနှင့် ပန်းတိုင်များ ရှိနေဆဲ ဖြစ်သည်။</p> <p> အထူးသဖြင့် လဲ့ဝေယွမ်၏ အထက်လူကြီးဖြစ်လာရန်ဆိုသည့် သူ၏ အိပ်မက်သစ်အတွက် ဖြစ်သည်။ ထိုအတွက် အရင်ဆုံးခွန်အား လိုအပ်ပြီး၊ ထို့နောက်မှ ရာထူးတိုးမှုများက လိုက်ပါလာမည် ဖြစ်သည်။</p> <p>လဲ့ဝေယွမ်ကို အထက်စီးမှနေ၍ အမိန့်ပေးခိုင်းစေရမည့် အတွေးကြောင့် ယန်ချင်းက ရယ်မောလိုက်သည်။</p> <p>…</p> <p>မိနစ်သုံးဆယ်အကြာတွင် ယန်ချင်းသည် သူ၏မျက်လုံးများကို ဖွင့်လိုက်ပြီး ပါးစပ်မှ အစိမ်းရောင်မြူခိုးများကို မှုတ်ထုတ်လိုက်သည်။ ကျင့်ကြံခြင်းကို ရပ်တန့်လိုက်ပြီး ပတ်ဝန်းကျင်သို့ အကြည့်ဝေ့လိုက်သည်။</p> <p>သူ၏ အောက်ဘက်တွင် အပင်အမျိုးမျိုး၏ လေထုနှင့် ၎င်းတို့၏ ပန်းရနံ့များ ရောနှောကာ ထူးခြားသော ရနံ့တစ်ခုအဖြစ် ဖန်တီးထားသည့် စိမ်းလန်းစိုပြည်နေသော မြေပြင်များကို မြင်တွေ့နေရသည်။</p> <p>အပင်အရေအတွက် မရေမတွက်နိုင်အောင် များပြားနေသည့်တိုင်အောင် ထိုရနံ့မှာ နှာခေါင်းထဲတွင် နူးညံ့သင်းပျံ့နေဆဲပင်။</p> <p>“နွေဦးလွင်ပြင်တိုင်းပြည်က ခွင့်ယူတဲ့အချိန် နားနေဖို့ ကောင်းတဲ့ နေရာလေးတစ်ခုပဲ…”</p> <p>ရှေ့မှ ပန်းချီကားတစ်ချပ်ကဲ့သို့ လှပသော မြင်ကွင်းကို အားကျစွာ ကြည့်ရင်း ယန်ချင်းက တွေးလိုက်သည်။</p> <p>နွေဦးလွင်ပြင်တိုင်းပြည်သို့ ရောက်ရှိချိန်တွင် မွန်းတည့်ချိန်သို့ ရောက်နေပြီ ဖြစ်သည်။</p> <p>နေမင်းကြီးက အမြင့်သို့ ရောက်နေပြီ ဖြစ်သော်လည်း၊ အပူဒဏ်နှင့် လိုက်ဖက်စွာ တိုက်ခတ်နေသော လေပြည်လေညင်းလေးတစ်ခု ရှိနေသည်။</p> <p>သူတို့ ဖြတ်ပျံသွားသော နေရာတိုင်းလိုလိုတွင် ရေကန်ငယ်လေး တစ်ခုနှင့် ၎င်း၏ ပတ်လည်တွင် ပေါက်ရောက်နေသော ဆေးပင်များဖြင့် ပြည့်နှက်နေသည့် လွင်ပြင်ကျယ်ကြီးများကို တွေ့ရပြီး၊ ထိုအပင်လေးများက လေပြေလေညင်းတွင် ညင်သာစွာ ယိမ်းနွဲ့နေကာ နွေးထွေးသော နေရောင်ခြည်အောက်တွင် လင်းလက်တောက်ပနေကြသည်။</p> <p>ထိုကဲ့သို့သော မြင်ကွင်းမျိုးက မည်သူ့ကိုမဆို  ငြိမ်းချမ်းမှုနှင့် အပန်းပြေမှုအခြေအနေ တစ်ခုသို့ ရောက်ရှိသွားစေနိုင်သည်။</p> <p>ယန်ချင်းက ထိုမြင်ကွင်းများကို စိတ်ဝင်တစား ငေးကြည့်နေခဲ့သည်။</p> <p>သူတို့ ဖြတ်သန်းသွားသော နေရာများရှိ အပင်အချို့မှာ တောရိုင်းအပင်များ ဖြစ်သော်လည်း၊ အချို့နေရာများတွင်မူ သီးသန့် ပြုစုပျိုးထောင်ထားသော လူလုပ် စိုက်ခင်းများအဖြစ် မြင်တွေ့ရသည်။</p> <p>ထိုအပင်များကို သေချာစွာ ဂရုစိုက်နေကြသော လယ်သမားများ ရှိနေသည်။ သို့သော် သာမန်နေရာများတွင် တွေ့ရလေ့ရှိသော လယ်သမားများနှင့် မတူဘဲ၊ ယန်ချင်း၏ ဧကရာဇ်အာရုံ အောက်သို့ ရောက်ရှိလာသော လယ်သမားအများစုမှာ ကျင့်ကြံသူများ ဖြစ်နေကြသည်။</p> <p>အများစုမှာ အခြေတည်အဆင့်တွင် ရှိကြပြီး၊ လူနည်းစု အနည်းငယ်မှာ အမြုတေဖွဲ့စည်းခြင်းအဆင့်တွင်ပင် ရှိနေကြသည်။</p> <p>စိုက်ခင်းတစ်ခုတွင်ဆိုလျှင် အစောပိုင်းအမြုတေဖွဲ့စည်းခြင်းအဆင့် ကျွမ်းကျင်သူအယောက် ၂၀ ခန့်က ဂရုစိုက်နေကြသည်ကိုပင် တွေ့ရသည်။</p> <p>ထိုလယ်သမားများ ဂရုစိုက်နေကြသော အပင်များမှာ ဝိညာဉ်ဆေးပင်များ ဖြစ်သဖြင့် ဤကဲ့သို့သော အစီအစဉ်မျိုး ရှိနေခြင်းက မျှော်လင့်ထားပြီးသား ဖြစ်သည်။</p> <p>နယ်စပ်နှင့် ပိုနီးသော လွင်ပြင်များရှိ အပင်များမှာ အများအားဖြင့် မြေကြီးအဆင့်ဆေးပင်များ ဖြစ်ကြပြီး၊ အတွင်းပိုင်းသို့ ဝင်ရောက်သွားလေလေ ၎င်းတို့၏ အရည်အသွေးက ပိုမိုကောင်းမွန်လာလေလေ ဖြစ်သည်။</p> <p>အမြုတေဖွဲ့စည်းခြင်းအဆင့် ကျွမ်းကျင်သူ ၂၀ ရှိသော နေရာတွင် အဆင့်မြင့်ကောင်းကင်အဆင့် ဆေးပင်များကို စိုက်ပျိုးထားသည်။</p> <p> စစ်ဆေးကြည့်လိုက်စဉ်အတွင်း၊ အရုဏ်ဦး အဆိပ်ပင်၊ ရေခဲရှာလကာရည်နှင့် ငွေရောင်ဇာပန်းအစရှိသည့် ဆေးပင်အချို့ကို ယန်ချင်းက မှတ်မိလိုက်သည်။</p> <p>“ဒီတိုင်းပြည်က အဲဒီသစ်ပင်ကို အရွယ်ရောက်တဲ့ အဆင့်အထိ ရောက်အောင် စိုက်ပျိုးနိုင်တယ် ဆိုရင်တော့… သူတို့ရဲ့ ဆေးပင် စိုက်ပျိုးရေး အတတ်ပညာတွေက ပိုပြီးတိုးတက်လာပြီပဲ…”</p> <p>စစ်ဆေးနေသော ဧရိယာများထဲမှ တစ်ခုရှိ ဧက ၂၀ ပတ်လည်အတွင်း၌ တစ်ပင်တည်း ပေါက်ရောက်နေသော အဖြူရောင်သစ်ပင်တစ်ပင်ထံသို့ အကြည့်ရောက်သွားချိန်တွင် ချီးကျူးသည့်အနေဖြင့် ယန်ချင်းက လေချွန်လိုက်သည်။</p> <p>၎င်း၏ ပတ်လည်တွင် ကွေ့ကောက်စီးဆင်းနေသော ရေတိမ်တိမ် အပြာရောင်မြစ်တစ်စင်းမှလွဲ၍ အနီးအနားတွင် အခြားဘာမှမရှိပေ။</p> <p>သို့သော် ယန်ချင်းမြင်တွေ့နေရသော မြင်ကွင်းနှင့် အခြားသူများ ထိုနေရာကို ဖြတ်သွားချိန်တွင် မြင်တွေ့ရမည့် မြင်ကွင်းမှာ လုံးဝ ကွဲပြားခြားနားနေပေလိမ့်မည်။</p> <p>အကြောင်းရင်းမှာ ထို ဧက ၂၀ ကျယ်ဝန်းသော စိုက်ခင်းအတွင်း တပ်ဆင်ထားသည့် အစီအရင် ဒါဇင်ပေါင်းများစွာ ကြောင့်ဖြစ်ပြီး၊ ၎င်းတို့ထဲမှ တစ်ခုမှာ ထင်ယောင်ထင်မှားနှင့် ပုံရိပ်ယောင်အစီအရင် ဖြစ်နေသောကြောင့်ပင်။</p> <p> အစီအရင်၏ ထင်ယောင်ထင်မှားအပိုင်းက ထိုနေရာကို ခြောက်သွေ့နေသော တောင်တစ်တောင်ကဲ့သို့ ထင်ရစေပြီး၊ ပုံရိပ်ယောင်အပိုင်းတွင်မူ ဝိညာဉ်ကို တိုက်ခိုက်သော လျှို့ဝှက်ကျင့်စဉ် အချို့ကို မြှုပ်နှံထားသည်။</p> <p>အချို့မှာ အနည်းငယ်ခေါင်းကိုက်ခြင်းနှင့် ခေါင်းမူးခြင်းများကို ဖြစ်ပေါ်စေနိုင်သည်။ သို့သော် တစ်စုံတစ်ယောက်က ထိုတောင်ကို စူးစမ်းရန် ဝိညာဉ်အာရုံကို အသုံးပြုမှသာ ၎င်းတို့ အသက်ဝင်လာမည့်ပုံ ရသည်။</p> <p>ထင်ယောင်ထင်မှားနှင့် ပုံရိပ်ယောင်အစီအရင်တို့အပြင် သတ်ဖြတ်ခြင်းအစီအရင်များ၊ အကာအကွယ်အစီအရင်များနှင့် အချက်ပေးအစီအရင်များလည်း ရှိနေသေးသည်။</p> <p>ထိုအရာများ အားလုံးမှာ အဖြူရောင်သစ်ပင်ကို ကာကွယ်ရန်အတွက် ရည်ရွယ်ထားခြင်း ဖြစ်သည်။</p> <p>အမြုတေဖွဲ့စည်းခြင်းအဆင့်၏ အထွတ်အထိပ်တွင် ရှိသော ကျွမ်းကျင်သူ တစ်ဦးပင်လျှင် ထိုနေရာသို့ အမှတ်မထင် ဝင်ရောက်မိပါက အလောင်းပင် ကျန်မည် မဟုတ်ဘဲ သေဆုံးသွားပေလိမ့်မည်။</p> <p>တစ်စုံတစ်ယောက် ဝင်ရောက်လာချိန်တွင် တစ်ခုနှင့်တစ်ခု အထောက်အကူ ပြုနိုင်ရန်အတွက် ထိုကာကွယ်ရေး အစီအရင်များကို သေချာစွာ စီစဉ်ထားခြင်း ဖြစ်သည်။</p> <p>အစီအရင်တစ်ခုခု ကျရှုံးသွားပါက အစားထိုး အသုံးပြုနိုင်ရန် အပိုအစီအရင်များကိုပင် ထည့်သွင်းထားသေးသည်။</p> <p>ထိုအစီအရင်များသည် အဆင့်မြင့်လိမ္မော်ရောင်အဆင့် အစီအရင်များ ဖြစ်သဖြင့်၊ သီးခြားစီဆိုလျှင်တော့ ယန်ချင်း၏ မျက်လုံးထဲတွင် အရေးမပါလှသော်လည်း၊ ၎င်းတို့ ပေါင်းစပ်သွားချိန်တွင် ထွက်ပေါ်လာသော စွမ်းအားမှာမူ တစ်မူထူးခြားလှသည်။</p> <p>အတူတကွ ပေါင်းစပ်အလုပ်လုပ်သော အစီအရင်အားလုံး၏ စုပေါင်းတိုက်ခိုက်မှုမှာ အဆင့်နိမ့်အပြာရောင်အဆင့် ကျင့်စဉ်တစ်ခု၏ စွမ်းအားနှင့်ပင် ယှဉ်နိုင်လေသည်။</p> <p>ထိုပုံစံကြမ်းကို ဖန်တီးခဲ့သော အစီအရင်သခင်၏ ပါးနပ်မှုကို ယန်ချင်း အားမကျဘဲ မနေနိုင်ခဲ့ပေ။</p> <p>အစီအရင်များအတွက် အဓိကထိန်းချုပ်ရာ နေရာအဖြစ် အသုံးပြုထားသော ဝိညာဉ် သန္ဓေတည်စပြုနေသည့် ထိပ်တန်းကောင်းကင်အဆင့် ရတနာတစ်ခုပင် ရှိနေသေးသည်။</p> <p>နှစ်ဖက်ကြားတွင် အပြန်အလှန်အကျိုးပြုသော အစီအစဉ်တစ်ခု ရှိနေပုံရသည်။ ရတနာက အစီအရင်ကို စွမ်းအင်ထောက်ပံ့ပေးပြီး၊ အစီအရင်က ရတနာအတွင်းရှိ သန္ဓေတည်စဝိညာဉ်ကို ပြန်လည်ပြုစုပျိုးထောင်ပေးလေသည်။</p> <p>ထိုအစီအစဉ်ကို စစ်ဆေးကြည့်လေလေ ယန်ချင်းတစ်ယောက် ပို၍အံ့သြလေလေ ဖြစ်သည်။</p> <p>အစီအရင်သခင်၏ ကျွမ်းကျင်မှုမှာ အနည်းဆုံးအပြာရောင်အဆင့်တွင် ရှိရမည်ဖြစ်ပြီး၊ ရတနာကို အသုံးပြုထားပုံအရ ထိုအစီအရင်သခင်သည် လက်နက် သန့်စင်ခြင်းတွင်လည်း ထပ်တူညီမျှသော ကျွမ်းကျင်မှု ရှိနေကြောင်း သိသာသည်။</p> <p>“ဒါက အပြင်လူ တစ်ယောက်လား ဒါမှမဟုတ် နွေဦးလွင်ပြင်တိုင်းပြည်ထဲက လူတစ်ယောက်လား…”</p> <p>ထိုနေရာကို ဖြတ်သန်းသွားစဉ် အယ်လီကို  အရှိန်လျှော့ခိုင်းရင်း ယန်ချင်းက တွေးတောနေမိသည်။</p> <p>သူသည် အစီအရင်များအပေါ် ရူးသွပ်သူတစ်ဦး ဖြစ်သည်။</p> <p>အဓိကအကြောင်းရင်းမှာ အိပ်ချိန်ပိုရအောင် ရထားလုံးထဲရှိ အချိန်အစီအရင်ကို ဖျက်ဆီးရန်၊ သို့မဟုတ် သူ၏လှုပ်ရှားမှုတိုင်းကို စောင့်ကြည့်မခံရစေရန်အတွက် တရားခွင်ရှိ စောင့်ကြည့်ရေးအစီအရင်များကို ကလိရန်ဟူသော ကြီးမားသည့် ရည်မှန်းချက်များ ရှိနေသေးသောကြောင့်ပင်။</p> <p> ထိုအတွေ့အကြုံများကြောင့်ပင် အောက်ဘက်ရှိ အစီအရင်များ၏ ဖွဲ့စည်းပုံမှာ မည်မျှ အနုပညာမြောက်လှကြောင်းကို သူ နားလည် တန်ဖိုးထားနိုင်ခြင်း ဖြစ်သည်။</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save