Book List

<h2 style="text-align: center;">အခန်း (၁၈၅)</h2> <h2 style="text-align: center;">နွေဦးလွင်ပြင်တိုင်းပြည်မှ စိတ်ဝင်စားဖွယ်ရာ ဆေးစိုက်ခင်း (၂)</h2> <h2 style="text-align: center;">*</h2> <p> </p> <p>“တာအိုရဲ့ စည်းချက်လား...”</p> <p>မျက်လုံးများ လင်းလက်သွားရင်း ယန်ချင်းက အံ့သြတကြီး တီးတိုးရေရွတ်လိုက်သည်။</p> <p>“သူက တကယ်ပဲ ဒီတိုင်းပြည်က လူတစ်ယောက်လား...”</p> <p>မေးစေ့ကို ပွတ်သပ်ရင်း ယန်ချင်းက ပို၍တွေးတောလေလေ ပို၍နားမလည်နိုင်ဖြစ်လာလေလေ ဖြစ်နေသည်။</p> <p>နွေဦးလွင်ပြင်တိုင်းပြည်သည် ဝိညာဉ်ဆေးပင်များ စိုက်ပျိုးရာတွင် နာမည်ကြီးသော အဆင့် ၄ တိုင်းပြည်တစ်ခု ဖြစ်သည်။</p> <p>တိုင်းပြည်၏ ကောင်းမွန်လှသော ရာသီဥတုနှင့် ဆေးပင်စိုက်ပျိုးရေး အတတ်ပညာများ၏ ရှည်လျားသော အမွေအနှစ်များပေါင်းစပ်မှုကြောင့်၊ ၎င်းတို့သည် အမျိုးအစားစုံလင်လှသော ဝိညာဉ်ဆေးပင်များကို ထုတ်လုပ်ရာတွင် အခြေခံခိုင်မာခဲ့သည်။</p> <p>သူတို့သည် အတွေ့ရအများဆုံး ဝိညာဉ်ဆေးပင် အမျိုးအစားများကို ထုတ်လုပ်ကြသော်လည်း၊ ၎င်းတို့၏ အရေအတွက်နှင့် အရည်အသွေးမှာ တခြားအဆင့် ၄ ထုတ်လုပ်သူ အများစုထက် တစ်ပန်းသာနေသည်။</p> <p>သူတို့တွင် အစီအရင်များနှင့် ပတ်သက်၍ ကျွမ်းကျင်မှုအချို့ ရှိကြောင်း ယန်ချင်းအနေဖြင့် ဖတ်ဖူးခဲ့သော်လည်း၊ ယခု သူ၏ မျက်စိရှေ့ရှိ အဖြူရောင်သစ်ပင်နှင့် စိုက်ခင်းတွင် မြင်တွေ့နေရသည့် အတိုင်းအတာလောက်အထိတော့ မဟုတ်ပေ။</p> <p>အစီအရင်များနှင့် ပတ်သက်၍ သူတို့၏ ကျွမ်းကျင်မှုမှာ အများအားဖြင့် အထောက်အကူပြု အစီအရင်များတွင်သာ ဖြစ်သည်။</p> <p>သူတို့၏ စိုက်ခင်းအများစုတွင် ထိုကဲ့သို့သော အစီအရင်အမျိုးအစားများ ရှိပြီး၊ ၎င်းတို့၏ အဓိကလုပ်ဆောင်ချက်မှာ ထိုအစီအရင်များ ချထားသော နေရာရှိ ဇီဝပတ်ဝန်းကျင်ကို ပိုမိုကောင်းမွန်စေရန် ဖြစ်သည်။</p> <p>ဝိညာဉ်ဆေးပင်များသည် အကောင်းဆုံးကြီးထွားလာစေရန် သီးခြားအခြေအနေများ လိုအပ်ပြီး၊ ၎င်းတို့ကို အမျိုးအစား စုံလင်စွာ အတူတကွစိုက်ပျိုးလိုပါက အထူးအစီအရင်များ လိုအပ်ကာ ချီစွမ်းအင် ပေါများနေရုံမျှဖြင့် မလုံလောက်ပေ။</p> <p>ထိုအခြေအနေများကပင် နွေဦးလွင်ပြင်တိုင်းပြည်ကို ဝိညာဉ်ဆေးပင်များ အောင်မြင်စွာ ကြီးထွားလာစေရန် ကူညီပေးမည့် အစီအရင်များကို သုတေသနပြုလုပ်ရန် တွန်းအားပေးခဲ့ခြင်း ဖြစ်သည်။</p> <p>သို့သော် သူ၏ရှေ့ရှိ အစီအရင်များမှာမူ တစ်မူထူးခြားနေသည်။</p> <p>ထိုအထဲတွင် အထောက်အကူပြုအစီအရင်အချို့ ရောနှောပါဝင်နေသော်လည်း၊ နေရာတစ်ခုလုံးရှိ အစီအရင်များ အားလုံးကြားရှိ ပဲ့တင်ထပ်မှုနှင့် အစီအရင်များနှင့် ရတနာတို့ ကြားရှိ  အပြန်အလှန်အကျိုးပြု ဆက်ဆံရေးမှာ မည်သည့်အစီအရင်သခင်မဆို လုပ်ဆောင်နိုင်သည့် အရာမျိုး မဟုတ်ပေ။</p> <p>အထူးသဖြင့် ထိုအစီအရင်သခင်သည် လက်နက်သန့်စင်ခြင်းတွင်လည်း ထပ်တူညီမျှသော ကျွမ်းကျင်မှု ရှိနိုင်သည်ဟု ထည့်သွင်း စဉ်းစားလိုက်မည် ဆိုလျှင်ပေါ့။</p> <p>ထို့အပြင် အစီအရင်များ၊ ရတနာနှင့် သစ်ပင်တို့ ကြားရှိ အပြန်အလှန် ဆက်သွယ်မှုက နူးညံ့သိမ်မွေ့သော တာအိုစည်းချက်တစ်ခုကိုပင် ဖန်တီးပေးထားသည်။</p> <p>၎င်းမှာ အစပျိုး အဆင့်တွင်သာ ရှိသေးသော်လည်း၊ ဤအရာက စစ်မှန်သော အပြာရောင်အဆင့်အစီအရင် တစ်ခု၏ သတ်မှတ်အင်္ဂါရပ်ပင် ဖြစ်သည်။</p> <p>အစီအရင်တစ်ခုသည် ၎င်း၏ ပတ်ဝန်းကျင်ရှိ လောကဥပဒေသများကို ဆွဲယူကာ ၎င်းတို့နှင့် ပေါင်းစပ်သွားနိုင်သည့် အတိုင်းအတာအထိ ရောက်ရှိမှသာ အပြာရောင်အဆင့်အစီအရင် အဖြစ် သတ်မှတ်နိုင်သည်။</p> <p>ဥပမာအားဖြင့် ထင်ယောင်ထင်မှားအစီအရင် တစ်ခုသည် ၎င်းဖန်တီးနေသော ထင်ယောင်ထင်မှားမှုနှင့် ပြီးပြည့်စုံစွာ ပေါင်းစပ်သွားပြီး၊ ထိုထင်ယောင်ထင်မှားမှုကို အထောက်အပံ့ ဖြစ်စေရန် လောကကြီး၏ စွမ်းအင်များကို အသုံးပြုကာ အစစ်အမှန်တစ်ခု  ဖြစ်လာသည်အထိပင် ဖြစ်သည်။</p> <p>ရိုးရိုးရှင်းရှင်း ပြောရလျှင် အပြာရောင်အဆင့်အစီအရင် ဆိုသည်မှာ လောကကြီး၏ အသိအမှတ်ပြုမှုကို ရရှိကာ ၎င်း၏ အထောက်အပံ့ကို ရယူနိုင်သည့် အတိုင်းအတာအထိ ရောက်ရှိနေသော အစီအရင်ပင် ဖြစ်သည်။</p> <p>သူ၏ ရှေ့ရှိ အစီအရင်မှာ ထိုအဆင့်သို့ တဖြည်းဖြည်း ချဉ်းကပ်နေလေပြီ။ ၎င်းတွင် မတူညီသော အစိတ်အပိုင်းများ ပါဝင်နေသဖြင့် နောက်ဆုံးရလဒ်က မည်သို့ ရှိမည်ကို ယန်ချင်း သေချာ မသိပေ။</p> <p>ထိုအစိတ်အပိုင်းများမှာ အဖြူရောင်သစ်ပင် ဖြစ်သော မေပယ်လသစ်ပင်နှင့် ထိုနေရာတွင် တပ်ဆင်ထားသော အစီအရင်များနှင့် သန္ဓေတည်စဝိညာဉ်ပါရှိသော ရတနာတို့ ဖြစ်ကြသည်။</p> <p>“ယင်နဲ့ ယန်ညီမျှမှု ရှိတဲ့ ကောင်းချီးပေးခံရတဲ့ ကျင့်ကြံရေး နယ်မြေတစ်ခုကို ဖန်တီးချင်တာ ဖြစ်နိုင်တယ်...” ယန်ချင်းက တွေးလိုက်သည်။</p> <p>မေပယ်လသစ်ပင်တွင် နူးညံ့သော ယင်သဘာဝ ရှိပြီး၊ ထိုရတနာတွင် အဓိက ယန်အစိတ်အပိုင်း ပါဝင်နေသည်ကို အာရုံခံမိသည်။</p> <p>ထို့ကြောင့် အစီအရင်မှာ ထိုနှစ်ခုကြားရှိ ဆက်သွယ်ရေး လမ်းကြောင်းတစ်ခု ဖြစ်နိုင်ပြီး၊ ၎င်း၏ တာဝန်မှာ နူးညံ့သိမ်မွေ့သော မျှခြေတစ်ခုကို ဖန်တီးထိန်းသိမ်းရန် ဖြစ်ပေမည်။</p> <p>သို့သော် မကြာမီမှာပင် ယန်ချင်းက ထပ်မံစူးစမ်းလေ့လာမှုကို လက်လျှော့ရန်သာ ဆုံးဖြတ်လိုက်သည်။</p> <p>အုပ်စုသုံးစု၏ စုပေါင်းကြိုးစားမှုပဲ ဖြစ်ဖြစ်၊ တစ်ယောက်တည်း လုပ်တာပဲ ဖြစ်ဖြစ်... ဒီ အစီအစဉ် တစ်ခုလုံးနဲ့ ပတ်သက်ပြီး သူတို့ရဲ့ နောက်ဆုံး ပန်းတိုင်က ဘာလဲ...</p> <p>သူခန့်မှန်းထားသလို ကောင်းချီးပေးခံရတဲ့ ကျင့်ကြံရေးနယ်မြေတစ်ခု ဖန်တီးချင်တာ သက်သက်ပဲလား၊ ဒါမှမဟုတ် အဲဒီထက် ပိုနက်နဲတဲ့ အရာတစ်ခုခု ရှိနေတာလား...</p> <p>ပိုတွေးလေလေ၊ ကျင့်ကြံရေး နယ်မြေ ဖန်တီးတာထက် ပိုကြီးမားတဲ့ ပန်းတိုင် တစ်ခုခု ရှိနိုင်တယ်လို့ သူ ပိုခံစားလာရလေလေ ဖြစ်သည်။</p> <p>ပထမတစ်ချက် ကြည့်လိုက်ရုံဖြင့် တာအိုစည်းချက်ကို သတိမထားမိခဲ့ဘဲ၊ ဖွဲ့စည်းပုံကို သေချလေ့လာကြည့်မှသာ ရှာဖွေတွေ့ရှိခဲ့သလိုမျိုး အစစ်အမှန် ပန်းတိုင်က ဖုံးကွယ်နေတာလည်း ဖြစ်နိုင်ပေသည်။</p> <p>ယန်ချင်းက ထိုအတွေးများနှင့် နစ်မြောနေစဉ်၊ စိုက်ခင်း၏ ရည်ရွယ်ချက်နှင့် ပတ်သက်၍ နောက်ထပ် အတွေးတစ်ခု ထွက်ပေါ်လာခဲ့သည်။</p> <p>၎င်းမှာ ဝိညာဉ်နှစ်ခုလုံးကို ပြုစုပျိုးထောင်ခြင်းပင် ဖြစ်သည်။</p> <p>စိုက်ခင်းထဲရှိ မေပယ်လသစ်ပင်မှာ ကောင်းကင်အဆင့်၏ အထွတ်အထိပ်သို့ ရောက်ရှိနေပြီ ဖြစ်သည်။</p> <p>အထွတ်အထိပ်သို့ ရောက်ရှိနေသော မေပယ်လသစ်ပင်များသည် နန်းတော်အဆင့် ကျင့်ကြံသူတစ်ဦးနှင့် ညီမျှသော ဧကရာဇ်အဆင့်၏ ထိပ်ဆုံးအထိ ရောက်ရှိနိုင်သည်။</p> <p>အပင်များသည် ဝိညာဉ်အသိဉာဏ် ဖွံ့ဖြိုးလာလေ့ မရှိသော်လည်း၊ အကယ်၍ဖွံ့ဖြိုးလာခဲ့ပါက အများစုမှာ ရွေ့လျား၍ မရဘဲ သူတို့ အမြစ်တွယ်ရာ နေရာတွင်သာ ကျောက်ချနေထိုင်ရသည်မှလွဲ၍ ကျင့်ကြံသူများနှင့် ကွဲပြားမှု မရှိပေ။</p> <p>ထိုအချက်မှလွဲ၍ သူတို့နှင့် ဝိညာဉ်သားရဲများ၊ လူသားကျင့်ကြံသူများကြားတွင် ကွာခြားချက် မရှိပေ။</p> <p>အလိုအလျောက် တုံ့ပြန်မှု တစ်ခုသက်သက် မဟုတ်ဘဲ သူတို့သည် ကိုယ်တိုင် ဆက်သွယ်နိုင်ပြီး ကျင့်ကြံနိုင်ကြသည်။</p> <p>အရေးပါမှုအတိုင်းအတာအရ ပြောရလျှင်၊ ဝိညာဉ်နိုးထလာသော သစ်ပင်တစ်ပင်နှင့် မနိုးထသေးသော သစ်ပင်တစ်ပင် ကြားတွင် ကြီးမားသော ကွာခြားချက် ရှိသည်။</p> <p>ဝိညာဉ်အသိဉာဏ်ရှိသော သစ်ပင်တစ်ပင်သည် ပြင်ပ နှိုးဆွမှုများအပေါ် အလိုအလျောက် တုံ့ပြန်မှု ဖြစ်မည့်အစား၊ ၎င်း၏ စွမ်းရည်များကို မည်သည့် ကဏ္ဍတွင် မြှင့်တင်ရမည်၊ မည်သည့်ကဏ္ဍတွင် လျှော့ချရမည်ကို ကိုယ်တိုင် ဆုံးဖြတ်နိုင်သည်။</p> <p>ထို့ကြောင့်ပင် သူသည် မြူနွံတောဒေသကို  တကူးတကသွားရောက် ကူညီပေးရလောက်အောင် အထင်ကြီးခဲ့ခြင်း ဖြစ်သည်။</p> <p> မထင်မှတ်ထားသည်များသာ မဖြစ်လာခဲ့လျှင် မြူနွယ်ပင်၏ အကူအညီဖြင့် သူတို့သည် အဆင့် ၃ ဂိုဏ်း တစ်ခုအဖြစ်သို့ တိုးတက်လာနိုင်သည်။</p> <p>အဘယ်ကြောင့်ဆိုသော် ထိုသစ်ပင်မှာ အသိဉာဏ် ရှိနေပြီဖြစ်ပြီး ဂိုဏ်းအတွက် ၎င်း၏ မည်သည့်စွမ်းရည်များက အကျိုးပြုမည်ကို သိရှိနေသောကြောင့်ပင်။</p> <p>“ရတနာရဲ့ သန္ဓေတည်စဝိညာဉ်ကို ဓာတ်ကူပစ္စည်း တစ်ခုအနေနဲ့ သုံးပြီး မေပယ်လသစ်ပင်ရဲ့ ဆင့်ကဲပြောင်းလဲမှုကို နှိုးဆွပေးဖို့ ကြိုးစားနေတာလည်း ဖြစ်နိုင်တယ်...”</p> <p>“ဒါပေမဲ့ ဒါတွေ အားလုံးက ခန့်မှန်းချက် သက်သက်ပဲ ရှိသေးပြီး ဒီကိစ္စနဲ့ ပတ်သက်လို့  ငါ့ရဲ့ဗဟုသုတကလည်း နည်းသေးတယ်...”</p> <p>“ ပြန်ရောက်ရင် ဌာနမှူးစုန့်နဲ့ တိုင်ပင်ကြည့်ရမယ်... ရလာတဲ့ ရလဒ်တွေနဲ့ ငါ့နေရာကို အဆင့်မြှင့်တင်မှုတွေ လုပ်လို့ ရကောင်း ရနိုင်တယ်...”</p> <p>သက်ပြင်းချရင်း ယန်ချင်းက နောက်သို့ တွန့်ဆုတ်စွာ ပြန်ကြည့်လိုက်ပြီးနောက်၊ နောက်ဆုံးတွင် သူ၏ အကြည့်များကို ရှေ့သို့ အာရုံစိုက်လိုက်သည်။</p> <p>နွေဦးလွင်ပြင်တိုင်းပြည်၏ အတွင်းပိုင်းသို့ ဝင်ရောက်လာလေလေ၊ စိုက်ခင်းများ၏ အရွယ်အစားနှင့် အရေအတွက်မှာ လျော့နည်းလာလေလေ ဖြစ်သည်။ သိပ်မကြာမီမှာပင် မြို့တော်ကြီးကို သူတို့ လှမ်းမြင်လိုက်ရလေပြီ။</p> <p>သူ၏ အကဲဖြတ်မှုများ အားလုံးကို ပြီးစီးရန် လိုအပ်သော အချိန်ကို လျှော့ချနိုင်ရန်အတွက်၊ မြို့တော်ကို သူ၏ စုပေါင်းအကဲဖြတ်ရေးနေရာများထဲမှ တစ်ခုအဖြစ် သူ ရွေးချယ်ထားခဲ့ခြင်း ဖြစ်သည်။</p> <p>ထိုနေရာတွင် အဖွဲ့အစည်းပေါင်း ၂၀၀ ခန့်ကို အတူတကွ အကဲဖြတ်မည် ဖြစ်သည်။</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save