Book List

<h2 style="text-align: center;">အခန်း (၁၈၆)</h2> <h2 style="text-align: center;">ခြိုးခြံချွေတာသော ဂိုဏ်း</h2> <h2 style="text-align: center;">*</h2> <p> </p> <p> </p> <p>ယန်ချင်းသည် အကဲဖြတ်မှုများ အချိန်မီပြီးစီးစေရန် သူ၏ အစီအစဉ်များကို ရေးဆွဲနေစဉ်၊ ထိုအဖွဲ့အစည်းများထံသို့ တစ်ခုချင်းစီ သွားရောက်မည့်အစား နေရာတစ်ခုတည်းမှနေ၍ အကဲဖြတ်မှုအချို့ကို ပြုလုပ်ရန် ဆုံးဖြတ်လိုက်သည်။</p> <p>အဆင့်မရှိသော အဖွဲ့အစည်းများ၏အရေအတွက်နှင့် တစ်ခုနှင့်တစ်ခု နီးကပ်မှုအပေါ် မူတည်၍ ထိုနေရာများကို ရွေးချယ်ခဲ့ခြင်း ဖြစ်သည်။</p> <p> နွေဦးလွင်ပြင်တိုင်းပြည်သည် ထိုစုရပ်နေရာများထဲမှ တစ်ခုအပါအဝင် ဖြစ်လာခဲ့သည်။</p> <p>နွေဦးလွင်ပြင်တိုင်းပြည်တွင် အတန်အသင့်ကောင်းမွန်သော ဂုဏ်သတင်းရှိပြီး ဝိညာဉ်ကျင့်ကြံခြင်းဂိုဏ်း၏ လက်အောက်ခံအဖြစ်လည်း သတ်မှတ်နိုင်သည်။</p> <p>ထိုအချက်များက ယန်ချင်းကို တိုင်းပြည်အား သူ၏ စုရပ်နေရာများထဲမှ တစ်ခုအဖြစ် ရွေးချယ်စေခဲ့ခြင်း ဖြစ်သည်။</p> <p>တိုင်းပြည်တည်ရှိနေသော နေရာမှာ ဝိညာဉ်ကျင့်ကြံခြင်းဂိုဏ်း၏ ပိုင်နက်အတွင်းတွင် ရှိသည်။</p> <p>ဝိညာဉ်ကျင့်ကြံခြင်းဂိုဏ်းသည် အဆင့် ၃ ဂိုဏ်း တစ်ခုဖြစ်ပြီး ထိပ်တန်းအဆင့်များထဲမှ တစ်ခုလည်း ဖြစ်သည်။</p> <p>အဖွဲ့အစည်းက သူတို့ကို အဆင့် ၂ ဂိုဏ်း ဖြစ်နေလောက်ပြီဟု သံသယရှိသော်လည်း၊ သူတို့က အကဲဖြတ်မှုကိုလျှောက်ထားရန်အတွက် ဂရုမစိုက်ကြခြင်းသာ ဖြစ်သည်။</p> <p>ထိုသို့ ကောက်ချက်ချရသည့် အခြေခံအကြောင်းရင်းမှာ၊ ယခုနှစ်များတစ်လျှောက် ၎င်းတို့တွင် ထူးချွန်သော ပါရမီရှင်အချို့ ရှိခဲ့ပြီး အဖွဲ့အစည်း၏ ခန့်မှန်းချက်များအရ နယ်မြေအဆင့်သို့ ရောက်ရှိနေနိုင်ခြေ အလွန်များသောကြောင့် ဖြစ်သည်။</p> <p>ထိုဂိုဏ်းကို ခြိုးခြံချွေတာသော ဂိုဏ်းတစ်ခုဟု သတ်မှတ်နိုင်သည်။ ဂိုဏ်းသားများသည်လည်း ဂိုဏ်းပိုင်နက်မှ ထွက်ခွာလေ့ သိပ်မရှိကြပေ။</p> <p>သူတို့သည် အမြဲတမ်း အချိန်ကြာမြင့်စွာ တံခါးပိတ်ကျင့်ကြံလေ့ ရှိကြသည်။</p> <p>အမည်နှင့် လိုက်ဖက်စွာပင်၊ ၎င်းသည် ဝိညာဉ်ကို ကျင့်ကြံခြင်းအပေါ် အဓိကကျင့်ကြံသော ဂိုဏ်းတစ်ခုဖြစ်သဖြင့် သူတို့ကိုယ်သူတို့ တိုးတက်ရန်အတွက် အဆက်မပြတ် တိုက်ပွဲများ မလိုအပ်ပေ။</p> <p>သူတို့တွင် အထူးကျင့်စဉ်တစ်ခုနှင့် ဝိညာဉ်ကျင့်ကြံရာတွင် အထောက်အကူ ပြုမည့် တွဲဖက်ရတနာတစ်ခု ရှိကြသည်။</p> <p> ဝိညာဉ်ကျင့်ကြံခြင်းကို နက်နဲသောကျင့်ကြံခြင်း ပုံစံတစ်ခုဟု သတ်မှတ်နိုင်ပြီး၊ အဖွဲ့အစည်း တစ်ခုနှင့်တစ်ခု၊ လူတစ်ဦးနှင့်တစ်ဦး မတူညီဘဲ တမူထူးခြားကြသည်။</p> <p> ဝိညာဉ်ကျင့်ကြံခြင်းဂိုဏ်း၏ နည်းလမ်းမှာ အချိန်ကြာမြင့်စွာ ကျင့်ကြံခြင်းဖြစ်သည်။</p> <p>ထို့ကြောင့် သူတို့သည် ပြင်ပလောကနှင့် ဆက်ဆံလေ့ သိပ်မရှိဘဲ အမြဲတမ်းဂိုဏ်းထဲတွင်သာ နေလေ့ရှိကြသည်။</p> <p>သူတို့ တံခါးဖွင့်သည့် တစ်ခုတည်းသောအချိန်မှာ တပည့်သစ်များ စုဆောင်းချိန်တွင်သာ ဖြစ်သည်။</p> <p> အဖွဲ့အစည်း၏ နောက်ဆုံးအကဲဖြတ်မှု မှတ်တမ်းများအရ၊ ထိုဂိုဏ်းတွင် ဂိုဏ်းသား ၃,၀၀၀ ခန့်သာ ရှိသဖြင့် အဆင့် ၃ ဂိုဏ်း တစ်ခုအတွက်ဆိုလျှင် သူတို့၏ အရေအတွက်မှာ သနားစရာကောင်းလောက်အောင်ပင် နည်းပါးလွန်းလှသည်။</p> <p>အင်အားကြီးဂိုဏ်းများနှင့် အဖွဲ့အစည်းများနှင့် ယှဉ်လျှင် သူတို့၏ ဝင်ခွင့်သတ်မှတ်ချက်များမှာ သိပ်မမြင့်မားသော်လည်း၊ သူတို့သည် အလွန်အမင်း ဂရုတစိုက်ရွေးချယ်လေ့ ရှိသည်။</p> <p>၎င်းမှာ အဓိကအားဖြင့် သူတို့၏ ကျင့်စဉ်နှင့် ပဲ့တင်ထပ်နိုင်သောပါရမီ သို့မဟုတ် အထူးခန္ဓာကိုယ်ဖွဲ့စည်းပုံရှိသူများအတွက်သာ ဖြစ်သည်။</p> <p>၎င်းတို့သည် ကျင့်ကြံခြင်းပါရမီထက် ကျင့်စဉ်ကသာ ဝင်ခွင့် ရမရ ဆုံးဖြတ်ပေးသည့် ထူးဆန်းသော ဝင်ခွင့်သတ်မှတ်ချက်ရှိသည့် ဂိုဏ်းအနည်းငယ်ထဲမှ တစ်ခု ဖြစ်သည်။</p> <p>အဖွဲ့ဝင်သစ်များ စုဆောင်းသည့် အချိန်မှလွဲ၍ ဂိုဏ်းတံခါးများကို ပြင်ပလူများအတွက် အမြဲတမ်း ပိတ်ထားလေ့ရှိပြီး၊ အခြား မည်သည့်အရာကိုမျှ ဝင်ရောက် စွက်ဖက်လေ့ မရှိကြပေ။</p> <p> တံတိုင်းအကာရံမရှိသည့် သူတို့၏ ပိုင်နယ်နယ်မြေများအတွင်း ဖြစ်ပွားသောကိစ္စရပ်များ၌ပင် ဝင်ရောက်စွက်ဖက်ခဲလှသည်။</p> <p>ပိုင်နက်နယ်မြေအရ ပြောရလျှင် သူတို့၏ လက်အောက်ရှိ မြေနေရာမှာ တက်သစ်စ အဆင့် ၂ အဖွဲ့အစည်း အချို့နှင့်ပင် ယှဉ်နိုင်လောက်အောင် ကျယ်ဝန်းသည်။</p> <p> သို့သော် သူတို့၏ ဂရုမစိုက်တတ်သော  စိတ်နေစိတ်ထားများကြောင့် ထိုအရာများအပေါ် သိပ်ပြီး အာရုံမစိုက်ကြပေ။</p> <p>ထိုစိတ်နေစိတ်ထားကြောင့်ပင် သူတို့၏ ပိုင်နက်အတွင်းတွင် ကျင့်ကြံခြင်းအဖွဲ့အစည်းအရေအတွက် အများဆုံးရှိနေခြင်း ဖြစ်သည်။</p> <p>ဂိုဏ်းပိုင်နက်ကို မကျူးကျော်သရွေ့ သူတို့က ဂရုမစိုက်သဖြင့်၊ သူတို့၏ ပိုင်နက်အတွင်း အခြေချရန် သတ်မှတ်ချက်များမှာ လုံးဝမရှိသလောက်ပင် ဖြစ်သည်။</p> <p>တခြားအဖွဲ့အစည်းများကဲ့ အခွန်ပဏ္ဏာ ဆက်သရန် မတောင်းဆိုကြပေ။</p> <p>ဥပမာအားဖြင့် မေပယ်နီအင်ပါယာ၏ နယ်နိမိတ်များ အတွင်းတွင်၊ တော်ဝင်မိသားစုနှင့် ပတ်သက်မှု မရှိသော အဖွဲ့အစည်းအားလုံးသည် ၎င်းတို့၏ တိုင်းပြည်အတွင်း အခြေချလုပ်ကိုင်ရန်အတွက် အခွန်ပဏ္ဏာ သို့မဟုတ် အခွန်တစ်ခုခုကို ပေးဆောင်ရသည်။</p> <p>ထိုကောက်ခံမှုများသည် ထိုအဖွဲ့အစည်းများ အဆင့်သတ်မှတ်ခံရသည့် အချိန်မှစ၍ အသက်ဝင်လာပြီး၊ အဆင့်မရှိတော့သည့် အချိန်တွင် ပျက်ပြယ်သွားသည်။</p> <p>ဥပမာအားဖြင့် မုရုံမျိုးနွယ်စုနှင့် ဓားမြစ်ဂိုဏ်းတို့လိုမျိုးပင်။</p> <p>ပထမတစ်ခုက ရာထူးတိုးသွားသဖြင့် မေပယ်နီအင်ပါယာ၏ တော်ဝင်မိသားစုထံသို့ နှစ်စဉ် အခွန်အခများ စတင်ပေးဆောင်ရမည် ဖြစ်ပြီး၊ ဒုတိယတစ်ခုကမူ ၎င်း၏အဆင့်အတန်းကို ဆုံးရှုံးသွားသဖြင့် ပေးဆောင်ခြင်းမှ ကင်းလွတ်ခွင့် ရရှိမည် ဖြစ်သည်။</p> <p>ထိုအလေ့အထကို ကမ္ဘာတစ်ဝန်းလုံးတွင် မြင်တွေ့ရသည်။</p> <p>အဖွဲ့အစည်းကလည်း တက်သစ်စအဖွဲ့အစည်းများကို သူတို့ ရှိနေသော နယ်မြေ၏အရှင်သခင်များက ဖိနှိပ်ခြင်း မပြုလုပ်နိုင်ရန် သေချာစေသည့်အတွက် ၎င်းကို တိတ်တဆိတ် သဘောတူထားသည်။</p> <p>သူတို့သာ ဝင်ရောက်စွက်ဖက်ပြီး ထိုအဖွဲ့အစည်းများကို အခွန်အခကောက်ခံခြင်းမှ တားမြစ်လိုက်မည်ဆိုလျှင်၊ ၎င်းတို့နှင့် ပတ်သက်မှု မရှိသော မည်သည့်အဖွဲ့အစည်းကိုမဆို သူတို့၏ ပိုင်နက်အတွင်း အခြေချခြင်းမှ တားဆီးခြင်း သို့မဟုတ် ဖိနှိပ်ခြင်းများ ပြုလုပ်လာနိုင်ခြေ အလွန်များသည်။</p> <p>ထို့ကြောင့် အုပ်ချုပ်သူအဖွဲ့အစည်းများက သူတို့၏ ပိုင်နက်အတွင်း အခြေချရန်အတွက် အဆင့်နိမ့်အဖွဲ့အစည်းများထံမှ အလွန်အမင်းများပြားသော အခွန်များ ကောက်ခံလျှင်တောင် အဖွဲ့အစည်းက ဝင်ရောက်စွက်ဖက်ခဲလှသည်။</p> <p>၎င်းမှာ ထိုနေရာ၏ အုပ်ချုပ်သူများ အနေဖြင့် သူတို့၏ အခွင့်အရေးနှင့် လွတ်လပ်ခွင့် ဖြစ်သည်။</p> <p>လူသတ်မှု၊ ပြန်ပေးဆွဲမှု၊ ဓားပြတိုက်မှု အစရှိသည့် ဆိုးရွားသော ကိစ္စရပ်များ ဖြစ်လာမှသာ အဖွဲ့အစည်းက ဝင်ရောက် စွက်ဖက်မည် ဖြစ်သည်။</p> <p>ထို့ကြောင့်ပင် ဝိညာဉ်စောင့်ထိန်းခြင်း ဂိုဏ်း၏ ပိုင်နက်အတွင်း အဖွဲ့အစည်းသစ်များ ပေါက်ကွဲထွက်မတတ် တိုးတက်လာခြင်း ဖြစ်သည်။</p> <p>သူတို့သည် တစ်ပြားတစ်ချပ်မျှ မတောင်းဆိုသလို အသိပေး အကြောင်းကြားရန်လည်း မလိုပေ။</p> <p>အခြေချစရာနေရာတစ်ခု တွေ့လျှင် လွတ်လပ်စွာ အသုံးပြုနိုင်သည်။ မည်သို့ပင်ဆိုစေကာမူ သူတို့ကလည်း အသုံးပြုခြင်း မရှိပ။</p> <p>ထိုစိတ်နေစိတ်ထားမှာ သူတို့၏ ပိုင်နက်အတွင်း ဧကရာဇ်အဆင့် ဆေးပင်အချို့ကို တွေ့ရှိခဲ့ချိန်တွင်တောင် မည်သည့်စိတ်ဝင်စားမှုမျှ မပြသခဲ့သည့် အတိုင်းအတာအထိပင် ဖြစ်သည်။</p> <p> ထိုဆေးပင်ကို တွေ့ရှိခဲ့သော ဂိုဏ်းက သူတို့ထံ သွားရောက်ဆက်သသည့်အခါ၊ ဆေးပင်နှင့်အတူ နှင်ထုတ်ခံလိုက်ရပြီး ဝေးဝေးနေရန်နှင့် သူတို့နှင့်လာမပတ်သက်ရန် သတိပေးခြင်းခံခဲ့ရသည်။</p> <p>ထိုဂိုဏ်းချုပ်မှာ နားမလည်နိုင် ဖြစ်သွားပြီး အနည်းငယ် စိတ်လှုပ်ရှားကာ ကြောက်လန့်သွားခဲ့သည်။</p> <p> အဘယ်ကြောင့်ဆိုသော် သူ့ကိုနှင်ထုတ်လိုက်ချိန်တွင် ညင်သာသော နည်းလမ်းဖြင့် နှင်ထုတ်ခဲ့ခြင်း မဟုတ်သောကြောင့်ပင်။</p> <p>သေချာသည်မှာ၊ သူက ဧကရာဇ်အဆင့်ဆေးပင်နှင့်အတူ ပြန်လာကြောင်းကို စိတ်ဝင်စားသူအချို့ သိသွားချိန်တွင် ထိုဂိုဏ်းချုပ်မှာ တိုက်ခိုက်လုယက်ခြင်းခံခဲ့ရသည်။</p> <p>သို့သော် လုယက်ခံရချိန်တွင် သူနှင့် သူ့ကို လုယက်နေသူများ အားလုံးတွင် တူညီသောအမူအရာတစ်ခု ရှိနေခဲ့သည်။</p> <p>၎င်းမှာ ရိုင်းစိုင်းသော ရည်မှန်းချက်နှင့် စိတ်လှုပ်ရှားမှုတို့ပင် ဖြစ်သည်။ ဝိညာဉ်ကျင့်ကြံခြင်းဂိုဏ်း၏ စိတ်နေစိတ်ထားအရ၊ မည်သည့် အဆင့်ရှိသော အရာကိုမဆို ရှာတွေ့ပါက သူတို့ သိမ်းထားပိုင်ခွင့် ရှိသည်။</p> <p>ထိုအမှန်တရားက ဝိညာဉ်ကျင့်ကြံခြင်းဂိုဏ်း၏ ပိုင်နက်အတွင်း အလှည့်အပြောင်း တစ်ခုဖြစ်လာခဲ့သည်။</p> <p>အောက်ခြေဘဝမှနေ၍ တက်လှမ်းလိုသော ရည်မှန်းချက် ရှိသူများသည် သူတို့ကို ကြီးမြတ်သူများ အဖြစ်သို့ ခုန်တက်သွားစေနိုင်မည့် ကံကောင်းသောအဆင့်တက်ခြင်း တစ်ခုကို မျှော်လင့်ကာ ထိုပိုင်နက်အတွင်းသို့  ဝင်ရောက်လာကြသည်။</p> <p> ထို့အပြင် ပိုင်နက်မှာ နာမည်ခံအားဖြင့် အဆင့် ၃ အဖွဲ့အစည်း၏ လက်အောက်တွင် ရှိနေသဖြင့်၊ ရည်မှန်းချက်များဖြင့် ပြည့်နှက်နေသော ရှုပ်ထွေးသည့် ပတ်ဝန်းကျင်ထဲသို့ အခြား အဆင့် ၃ အဖွဲ့အစည်းများ ဝင်ရောက်လာခြင်းမှ အခြေခံအားဖြင့် ဟန့်တားပေးထားသည်။</p> <p>ထို့ကြောင့်ပင် ယန်ချင်း၏ အကဲဖြတ်ရန် သင့်လျော်သောအဖွဲ့အစည်းများ စာရင်း၏ ရှစ်ပုံတစ်ပုံခန့်မှာ ထိုပိုင်နက်အတွင်းတွင် ရှိနေခြင်း ဖြစ်သည်။</p> <p>နွေဦးလွင်ပြင်တိုင်းပြည်သည် ပတ်ဝန်းကျင်ရှိ အဖွဲ့အစည်းများနှင့် ဆက်ဆံရေး ကောင်းမွန်ပြီး၊ အခြားသူများ မသိသော အကြောင်းရင်းများကြောင့် ဝိညာဉ်ကျင့်ကြံခြင်းဂိုဏ်းနှင့် အမှန်တကယ်အဆက်အသွယ် ရှိသည့် အဖွဲ့အစည်းအနည်းငယ်ထဲမှ တစ်ခု ဖြစ်သည်။</p> <p>အဆက်အသွယ် ရှိရသည့် အကြောင်းရင်း မည်သို့ပင် ရှိစေကာမူ၊ ဝိညာဉ်ကျင့်ကြံခြင်းဂိုဏ်းနှင့် အဆက်အသွယ် ရှိသည်ဟူသော အသိတစ်ခုတည်းကပင် အဆင့်အတန်းအရ သူတို့သည် အခြားသူများထက် သာလွန်နေပြီး ထိုဒေသတွင် လွှမ်းမိုးနေသော ပြင်းထန်သည့် ယှဉ်ပြိုင်မှုများတွင် ပါဝင်ပတ်သက်ရခဲလှသည်။</p> <p>၎င်းက နွေဦးလွင်ပြင်တိုင်းပြည်ကို စုပေါင်းအကဲဖြတ်မှု ပြုလုပ်ရန် အလုံခြုံဆုံး ကြားခံနယ်မြေတစ်ခု ဖြစ်လာစေခဲ့သည်။</p> <p>အကဲဖြတ်မှုခံယူရမည့် အဖွဲ့အစည်းအားလုံးသည် အခြားနေရာများနှင့် ယှဉ်လျှင် နွေဦးလွင်ပြင်တိုင်းပြည်အတွင်း ပြုလုပ်ရခြင်းကို ပိုမိုဘေးကင်းသည်ဟု ခံစားရမည် ဖြစ်သည်။</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save