Book List

<h2 style="text-align: center;">အခန်း (၁၉၀)</h2> <h2 style="text-align: center;">ရှေးဟောင်းမျိုးနွယ်စုများ၏ သွေးမျိုးဆက်များ (၁)</h2> <h2 style="text-align: center;">*</h2> <p> </p> <p>နှုတ်ဆက်စကားများ ပြောဆိုပြီးနောက် ယန်ချင်းက မေးလိုက်သည်။</p> <p>“ဒါဆို ခင်ဗျားတို့ နှစ်ယောက်ထဲက ဘယ်သူအကဲဖြတ်မှု ခံယူမှာလဲ...”</p> <p>အမြွှာအဘိုးအိုနှစ်ဦးကို ကြည့်နေစဉ် သူ၏ မျက်လုံးများက စိတ်ဝင်တစား လင်းလက်နေသည်။</p> <p>ဖုန်းကျောင်းနှင့် ဖုန်းလဲ့နှစ်ဦးလုံး အစပိုင်းတွင် အနည်းငယ် တွန့်ဆုတ်နေပြီး၊ စက္ကန့်အနည်းငယ် ကြာပြီးမှသာ သူတို့ကိုယ်သူတို့ စိတ်ကို တင်းကာ ပြန်လည် ဖြေကြားလိုက်ကြသည်။</p> <p>“တရားသူကြီးယန်ချင်း... ကျွန်တော်တို့ နှစ်ယောက်လုံးကို အကဲဖြတ်ပေးနိုင်ဖို့ မျှော်လင့်ပါတယ်... ဒါပေမဲ့ ခွင့်မပြုဘူး ဆိုရင်တော့ ကျွန်တော်တစ်ယောက်တည်းပဲ အကဲဖြတ်မှုခံယူပါ့မယ်...”</p> <p>ဂိုဏ်းချုပ်ဖြစ်သူ ငွေရောင်မျက်လုံးနှင့် အစ်ကိုဖုန်းကျောင်က ပြန်ဖြေလိုက်သည်။</p> <p>အပြင်ပန်းတွင် တည်ငြိမ်နေဟန် ပြသရန် ကြိုးစားနေသော်လည်း၊ အတွင်းစိတ်ထဲတွင်မူ အလွန်အမင်းစိုးရိမ်နေခဲ့သည်။</p> <p> တင်းကျပ်စွာ ဆုပ်ကိုင်ထားသော လက်များနှင့် နဖူးပေါ်တွင် ပေါ်လာသော ချွေးသီးချွေးပေါက်လေးများက ထိုအချက်ကို ဖော်ပြနေလေသည်။</p> <p>ယန်ချင်းက တည်ငြိမ်စွာ ပြန်ဖြေလိုက်သည်။</p> <p>“အင်း... ခင်ဗျားတို့ နှစ်ယောက်စလုံး အကဲဖြတ်မှုခံယူတာက စည်းမျဉ်းတွေနဲ့ မဆန့်ကျင်ပါဘူး...”</p> <p>ထိုစကားက ညီအစ်ကိုနှစ်ဦးလုံးကို စိတ်သက်သာရာ ရသွားစေသည်။</p> <p>ညီအစ်ကိုနှစ်ဦးကို ယန်ချင်းပထမဆုံး စိတ်ဝင်စားသွားရသည့် အကြောင်းရင်းမှာ သူတို့ နှစ်ဦးလုံးတွင် တူညီသော ကျင့်ကြံခြင်းအဆင့်များ ရှိနေသောကြောင့် ဖြစ်သည်။</p> <p>သူတို့ နှစ်ဦးလုံးသည် အခြေတည်ပထမအဆင့်၏ အထွတ်အထိပ်တွင် ရှိနေကြသည်။</p> <p>သူတို့ ထုတ်လွှတ်နေသော ချီအတက်အကျများမှာ တစ်ဦးနှင့်တစ်ဦး အလွန်အမင်းတူညီလွန်းနေသဖြင့်၊ တစ်ဦးက အခြားတစ်ဦး၏ ကိုယ်ပွားကျင့်စဉ် တစ်ခုဟုပင် ထင်မှတ်မှားသွားနိုင်လောက်သည်။</p> <p> တစ်ခုတည်းသော ကွာခြားချက်မှာ သူတို့၏ မျက်လုံးအရောင်များသာ ဖြစ်သည်။</p> <p>“တစ်ချိန်တည်းမှာ အတူတူအဆင့်တက်နိုင်အောင် သူတို့ ဘယ်လိုကျင့်စဉ်မျိုးကို ကျင့်ကြံနေကြတာလဲ... ဒါမှမဟုတ် သူတို့ရဲ့ သွေးမျိုးဆက်နဲ့ တစ်ခုခုပတ်သက်နေတာလား...”</p> <p>ယန်ချင်း၏ စိတ်ထဲမှ တွေးတောနေမိသည်။</p> <p>ဖုန်းယွီအတွက်မူ၊ သူ၏ ကျင့်ကြံခြင်းအဆင့်မှာ ခန္ဓာကိုယ်သန့်စင်ခြင်းအဆင့်၏ ကြေးဝါအဆင့်တွင်သာ ရှိသေးသည်။</p> <p> အပြင်ပန်းအားဖြင့် သူ့ထံတွင် ထူးခြားထင်ရှားနေသော အရာတစ်ခုမျှ ယန်ချင်းမတွေ့ရပေ။</p> <p>…</p> <p>ယန်ချင်းက သူတို့ နှစ်ဦးလုံး အကဲဖြတ်မှုခံယူရန် သဘောတူလိုက်သဖြင့်၊ ကျိုးပဲ့တောင်ထွတ်ဂိုဏ်း၏ ဂိုဏ်းချုပ်ဖုန်းကျောင်းက ပထမဆုံး ရှေ့သို့ ထွက်လာခဲ့သည်။</p> <p>ယန်ချင်း စောစောက အကြံပြုထားသည့် အတိုင်းပင် သူ၏ ချီစွမ်းအင်ကို အခြေတည်သလင်းကျောက်ထဲသို့ ထည့်သွင်းလိုက်သည်။</p> <p>သူ၏ ချီစွမ်းအင်က သလင်းကျောက်နှင့် ထိတွေ့သွားသည်နှင့် တစ်ပြိုင်နက်၊ သလင်းကျောက်၏ အဖြူရောင်က စတင်ချာချာလည်လာလေသည်။</p> <p>ထိုသို့ လည်ပတ်သွားခြင်းကပင် သူသည် အခြေတည်အဆင့် ကျင့်ကြံသူတစ်ဦး ဖြစ်ကြောင်း သက်သေပြနေပြီ ဖြစ်သည်။</p> <p> သိရန် ကျန်နေသေးသည်မှာ သူတို့၏မဏ္ဍိုင်အဆင့် သာဖြစ်သည်။</p> <p>မုရုံမျိုးနွယ်စုတွင် ဖြစ်ခဲ့သကဲ့သို့ပင်၊ အခြေတည်သလင်းကျောက်၏ အရောင်မှာ လည်ပတ်မှု တစ်ခုစီတိုင်းနှင့်အတူ စတင်ပြောင်းလဲလာသည်။</p> <p> အဖြူရောင်မှနေ၍ မတူညီသော အနီရောင်များဆီသို့၊ ထိုမှတစ်ဆင့် လိမ္မော်ရောင်ဆီသို့ ပြောင်းလဲသွားသည်။</p> <p> လိမ္မော်ရောင်သို့ ပြောင်းလဲသွားပြီးနောက်တွင် လည်ပတ်မှုက နှေးကွေးသွားလေသည်။</p> <p>အနီရောင်တုန်းကကဲ့သို့ပင် အရောင်များမှာ ပိုမိုရင့်လာသည်။ လိမ္မော်ရောင်အနုမှနေ၍ အရောင်ပိုမို ရင့်လာလေသည်။</p> <p> လည်ပတ်မှု ရပ်တန့်သွားချိန်တွင်၊ နေဝင်ဆည်းဆာအချိန်က နေမင်းကြီး၏ လိမ္မော်ရောင်နှင့် ဆင်တူနေလေပြီ။</p> <p>သို့သော် ၎င်းမှာ လိမ္မော်ရောင်သီးသန့် မဟုတ်ဘဲ အပြာရောင်အစက်အပြောက် အနည်းငယ်ရောနှောပါဝင်နေလေသည်။</p> <p>ယန်ချင်း မျက်ခုံးပင့်သွားမိသည်။ သူ၏ ဘေးတွင် ထိုင်နေသော မင်းသားမှာလည်း တူညီသောတုံ့ပြန်မှုမျိုး ရှိနေပြီး၊ သူ မြင်တွေ့လိုက်ရသည်မှာ အစစ်အမှန် ဟုတ်မဟုတ် သေချာစေရန် သလင်းကျောက်ကို အနီးကပ်ကြည့်ရှုရန် ရှေ့သို့ ကိုင်းညွတ်သွားလေသည်။</p> <p>ယန်ချင်းကို ဒေါသထွက်စေမည်ကို မကြောက်လျှင်၊ သလင်းကျောက်ကို အနီးကပ်စစ်ဆေးရန် သူဆွဲယူလိုက်မိမည်မှာ သေချာသည်။</p> <p>ကျိုးပဲ့တောင်ထွတ်ဂိုဏ်း၏ ဂိုဏ်းချုပ်နှင့် သလင်းကျောက်ကြားတွင် သူ၏ အကြည့်များ  လူးလာခေါက်တုံ့ ဖြစ်နေစဉ် သူ၏ မျက်လုံးများထဲ၌ အံ့သြတုန်လှုပ်မှုနှင့် ရှုပ်ထွေးနေသော အမူအရာများ ပေါ်လာလေသည်။</p> <p>တံခါးဝတွင် စောင့်ကြပ်နေသော ပုကျဲ့မှာလည်း ရလဒ်ကို မြင်လိုက်ရချိန်တွင် သူ၏ မျက်နှာပေါ်၌ မျက်မှောင်ကြုတ်မှုအနည်းငယ် ပေါ်လာခဲ့သည်။</p> <p>အခြေတည်သလင်းကျောက်သည် ထိပ်တန်းကောင်းကင်အဆင့် ရတနာတစ်ခု ဖြစ်သော်လည်း၊ သူတို့ တိုင်းပြည်တွင် ၎င်းတို့ကို အနည်းငယ် ပိုင်ဆိုင်ထားပြီး တိုင်းပြည်အတွင်းရှိ ပါရမီရှင်များကို ရှာဖွေရာတွင် အသုံးပြုလေ့ ရှိကြသည်။</p> <p> ထို့ကြောင့်ပင် ထိုကဲ့သို့သော အရောင်ရှိနေခြင်းက မည်သည့်အရာကို ကိုယ်စားပြုကြောင်း သူသိနေခြင်း ဖြစ်သည်။</p> <p>ဖုန်းကျောင်တွင် အပြာရောင်အဆင့်မဏ္ဍိုင်တစ်ခု  ဖြစ်လာမည့် လက္ခဏာများကို ပြသနေသော အဆင့်မြင့် လိမ္မော်ရောင်အဆင့် မဏ္ဍိုင်တစ်ခု ရှိနေသည်။</p> <p>သူတို့ တိုင်းပြည်အတွင်း ထိုကဲ့သို့သော အဆင့်ရှိသည့် မဏ္ဍိုင်များသည် တော်ဝင်မိသားစု၏ အထူးအာရုံစိုက်မှုကို ခံရလောက်အောင် တန်ဖိုးရှိလှသည်။</p> <p> ထိုကဲ့သို့သော အရည်အချင်းရှိသူတစ်ဦးကို စုဆောင်းနိုင်ရန်အတွက် တိုင်းပြည်အနေဖြင့် ကုန်ကျစရိတ်ကို ပမာမထားဘဲ ကြိုးပမ်းမည်မှာ သေချာသည်။</p> <p>သူ အခြေတည်အဆင့်တွင် ရှိစဉ်ကလည်း သူ့ထံတွင် ထိပ်တန်းလိမ္မော်ရောင်အဆင့် မဏ္ဍိုင်တစ်ခု ရှိခဲ့သည်။</p> <p>သို့သော် သူ၏မဏ္ဍိုင်များတွင် အပြာရောင်အစက်အပြောက်များ မပါဝင်ခဲ့သဖြင့် ဖုန်းကျောင်းနှင့် ယှဉ်လျှင်တော့ သူ၏အဆင့်က အနည်းငယ် နိမ့်ကျနေဆဲ ဖြစ်သည်။</p> <p>လုံလောက်သော ကျင့်ကြံခြင်းအရင်းအမြစ်များနှင့် အချိန်သာ ရရှိမည်ဆိုလျှင်၊ ဖုန်းကျောင်းသည် အနည်းဆုံး သူ့၏အဆင့်အထိ ရောက်ရှိလာမည်ဖြစ်ပြီး၊ သူ့ကို ကျော်လွန်သွားနိုင်ခြေမှာလည်း မနည်းလှပေ။</p> <p>“သူတို့ အနောက်မှာ ကျောထောက်နောက်ခံ တစ်ခုခုများ ရှိနေမလားပဲ...”</p> <p>တပ်မှူးပုကျဲ့က စိတ်ထဲမှ တွေးတောလိုက်သည်။</p> <p>မင်းသားနှင့် တပ်မှူးပုကျဲ့တို့၏ တုံ့ပြန်မှုကို ယန်ချင်း သတိပြုမိလိုက်သည်။ သူတို့၏ ထိုတုံ့ပြန်မှုများကြောင့်ပင် အကဲဖြတ်ရန် နေရာရွေးချယ်ရာတွင် သူ သတိထားခဲ့ရခြင်း ဖြစ်သည်။</p> <p>နွေဦးလွင်ပြင်တိုင်းပြည်သည် အခြားသူများနှင့် ဆက်ဆံရေးကောင်းမွန်သည့် ဂုဏ်သတင်း ရှိပြီး၊ အခြားအဖွဲ့အစည်းများအပေါ် အာဏာရှင်ဆန်ဆန် အနိုင်ကျင့်တတ်သည့် ဂုဏ်သတင်းဆိုးမျိုး မရှိပေ။</p> <p>ဤအဖွဲ့အစည်းများအနေဖြင့် သူတို့၏ ပါရမီများကြောင့် ပစ်မှတ်ထားခံရနိုင်ခြေမှာ ဝိညာဉ်ကျင့်ကြံခြင်းဂိုဏ်း၏ ပိုင်နက်အတွင်းရှိ အခြားမည်သည့်နေရာများထက်မဆို နွေဦးလွင်ပြင်တိုင်းပြည် အတွင်း၌ ပိုမိုနည်းပါးလိမ့်မည် ဖြစ်သည်။</p> <p>ပြီးတော့ သူတို့တစ်ခုခု ဖြစ်သွားခဲ့လျှင်ပင်၊ သံသယရှိခံရမည့် စာရင်းမှာ နည်းပါးလှသည်။</p> <p>ဘုရင်၏ စိတ်နေစိတ်ထားအရ၊ ရလဒ်များမည်သို့ပင် ရှိစေကာမူ မကောင်းသည့်လုပ်ရပ်တစ်ခုခုကို လုပ်ဆောင်လာနိုင်ခြေ အလွန်နည်းပါးသည်။</p> <p>ထိုသို့ လုပ်ဆောင်ခြင်းက အဖွဲ့အစည်း၏ အမြင်မကြည်မှုကို ခံရမည် ဖြစ်သောကြောင့်ပင်။</p> <p>အချိတ်အဆက် ဆက်ဆံရေးများကို အရာအားလုံးထက် တန်ဖိုးထားတတ်သော သူတစ်ယောက် အနေဖြင့်၊ ထိုအရာများကို အန္တရာယ်ဖြစ်စေမည့် လုပ်ရပ်မျိုးကို ကျူးလွန်လိမ့်မည် မဟုတ်ပေ။</p> <p>ဤပါရမီရှင်များအကြောင်းကို တိုင်းပြည်မှ တိုက်ရိုက်သိရှိခွင့် ရသွားခြင်းကို ယန်ချင်းက အကဲဖြတ်မှုများ စီစဉ်ရာတွင် ကူညီပေးခဲ့သည့်အတွက် သူတို့အပေါ် ကျေးဇူးဆပ်လိုက်ခြင်းဟု သတ်မှတ်နိုင်ပေသည်။</p> <p>….</p> <p>“နောက်ထပ်မြင်တွေ့ရမယ့် အရာမှန်သမျှ ဒီနေရာမှာပဲ ကျန်ခဲ့ရမယ်... စကားတစ်ခွန်းမှ ဒီနေရာကနေ အပြင်ကို မထွက်သွားစေနဲ့...”</p> <p>ယန်ချင်း၏အသံက မင်းသားနှင့် တပ်မှူးပုကျဲ့တို့ နှစ်ဦးလုံး၏ စိတ်ထဲတွင် ပဲ့တင်ထပ်သွားသည်။</p> <p>သူတို့၏ စိတ်ထဲတွင် ယန်ချင်း၏အသံ ပေါ်လာသည်ကို ကြားလိုက်ရချိန်တွင် သူတို့ နှစ်ဦးလုံး အံ့သြတကြီးမော့ကြည့်လိုက်ကြသည်။</p> <p>သူတို့၏ တုန်လှုပ်မှုက တစ်စုံတစ်ယောက် အနေဖြင့် အခြားတစ်ယောက်၏ စိတ်ထဲသို့ မိမိ၏အတွေးများကို လွယ်ကူစွာ တိုက်ရိုက်ပေးပို့နိုင်ခြင်း ဆိုသည်မှာ မည်သည့်အဓိပ္ပာယ် ဖြစ်ကြောင်း သူတို့ သိနေသည်ကို ထင်ရှားစွာ ဖော်ပြနေသည်။</p> <p> ဤသည်မှာ နန်းတော်အဆင့်နှင့် အထက်ကျွမ်းကျင်သူများသာ အသုံးပြုနိုင်သော နည်းလမ်း တစ်ခု ဖြစ်သည်။</p> <p>နန်းတော်အဆင့်အောက်ရှိ ကျွမ်းကျင်သူများတွင်လည်း ထိုအရာနှင့် ဆင်တူသော အရာကို ရရှိနိုင်သည့် နည်းလမ်းများ ရှိကြပြီး၊ ၎င်းမှာ အသံမဲ့ဆက်သွယ်ရေးကျင့်စဉ်များဟု အများစု ခေါ်ဆိုကြသော ကျင့်စဉ်များကို အသုံးပြုခြင်း ဖြစ်သည်။</p> <p> ၎င်းမှာ လူစည်ကားသော နေရာတစ်ခုတွင် တစ်ဦးနှင့်တစ်ဦး လျှို့ဝှက်စွာ သတင်းစကားပေးပို့သည့် နည်းလမ်းတစ်ခု ဖြစ်ပြီး ဆက်သွယ်ရေးအဆောင်များ ကဲ့သို့ပင် အလုပ်လုပ်လေသည်။</p> <p>သို့သော် ယန်ချင်းလုပ်ဆောင်နေသည့် အရာနှင့် မည်မျှပင် ဆင်တူနေပါစေ၊ အခြေခံအားဖြင့် အလွန်ကွာခြားလှသည်။</p> <p>ယန်ချင်းက သူ၏ အတွေးများကို သူတို့၏ စိတ်ဝိညာဥ်ပင်လယ်ထဲသို့ တိုက်ရိုက်ပေးပို့ခဲ့ခြင်း ဖြစ်ပြီး၊ အသံမဲ့ဆက်သွယ်ရေး ဆိုသည်မှာ အခြေခံအားဖြင့် ပါးစပ်နှင့် နားတို့ ပါဝင်သည့် သီးသန့် စကားဝိုင်း တစ်ခုသာ ဖြစ်သည်။</p> <p>သူတို့ နှစ်ဦးလုံး လေးနက်စွာ ခေါင်းညိတ်လိုက်ကြစဉ် ယန်ချင်းကို ကြည့်သည့်အကြည့်များမှာ ပြောင်းလဲသွားခဲ့သည်။</p> <p> ယန်ချင်းတစ်ယောက် နန်းတော်အဆင့် ကျွမ်းကျင်သူတစ်ဦး ဖြစ်နေခြင်းက သူတို့ကို အံ့အားသင့်သွားစေသည်။</p> <p>အကြောင်းမှာ အဖွဲ့အစည်းမှ အဆင့် ၅ အကဲဖြတ်မှုများနှင့် ရာထူးတိုးမြှင့်မှုများကို ပြုလုပ်သူများ အားလုံးမှာ အမြုတေဖွဲ့စည်းခြင်းအဆင့်တွင်သာ ရှိကြသောကြောင့် ဖြစ်သည်။</p> <p>နန်းတော်အဆင့် ကျွမ်းကျင်သူတစ်ဦးက အကဲဖြတ်မှု လာရောက် ပြုလုပ်သည်ကို သူတို့ တစ်ခါမှ မကြားဖူးခဲ့ပေ။</p> <p>“ခမည်းတော်ရော သိပါ့မလား...”</p> <p>ယန်ချင်း၏ ဘေးတွင် ထိုင်နေရသည်မှာ ပို၍ပင် ကျဥ်းကြုတ်လာသလို ခံစားရရင်း မင်းသားကျားဝမ်ယန်က စိတ်ထဲမှ တွေးလိုက်သည်။</p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save