Book List

<h2 style="text-align: center;">အခန်း (၆၅)</h2> <h2 style="text-align: center;">ဆုလာဘ်</h2> <h2 style="text-align: center;">*</h2> <p> </p> <p>သူသည် ထိုင်ချလိုက်ပြီး မကြာမီမှာပင် ချန်လော့၏ စိတ်ထဲတွင် သိုင်းကွက်တစ်ခုနှင့် ပတ်သက်သည့် အချက်အလက်များ ထွက်ပေါ်လာခဲ့သည်။</p> <p>"ယင်ယန်လက်ညှိုး" - အခြေခံတည်ဆောက်ခြင်းအဆင့် သိုင်းကွက်၊ ကျွမ်းကျင်အဆင့်အထိ ကျင့်ကြံနိုင်မှသာ စမ်းသပ်မှုကို အောင်မြင်ရန် အရည်အချင်း ပြည့်မီမည်။ အချိန်ကန့်သတ်ချက် : သုံးရက်။</p> <p>သူ့စိတ်ထဲတွင် ပေါ်လာသော အချက်အလက်များကို မြင်ပြီး ချန်လော့သည် ပြုံးလိုက်သည်။</p> <p>"ကျွမ်းကျင်အဆင့်ကို ရောက်ဖို့ သုံးရက်တောင် လိုသေးတယ် ဟုတ်လား... အဲဒါက ငါ ချန်လော့ကို စော်ကားတာ မဟုတ်ဘူးလား..."</p> <p>ထိုသို့ပြောပြီးနောက် ချန်လော့သည် စနစ်ကို တိုက်ရိုက်ဖွင့်၍ အဆ ၁၀၀ တိုးပွားခြင်းကို အသက်သွင်းလိုက်၏။</p> <p>"အဆ ၁၀၀ တိုးပွားခြင်းကို အသက်သွင်းရန် ဝိညာဉ်ကျောက်တုံး ၁၀၀ ကုန်ကျပါမည်"</p> <p>ထို့နောက် ချန်လော့သည် သူ့ စိတ်ထဲရှိ "ယင်ယန်လက်ညှိုး" ကို စတင် နားလည်သဘောပေါက်ရန် ကြိုးစားလိုက်သည်။</p> <p>ဤသည်က အဖြူရောင် မြအိုင် စမ်းသပ်မှု သုံးခုအနက် ပထမဆုံးဖြစ်သော "ပါရမီ" ပင် ဖြစ်၏။</p> <p>အမည်နှင့် လိုက်ဖက်စွာပင် သင့်၏ ပါရမီပေါ်တွင် မူတည်သည်။ သုံးရက်အတွင်း သင့်အဆင့်နှင့် ဆင်တူသော သိုင်းကွက်တစ်ခုကို ကျွမ်းကျင်အဆင့်အထိ ကျင့်ကြံနိုင်ပါက ပါရမီ ရှိသည်ဟု သတ်မှတ်ခံရမည် ဖြစ်သည်။</p> <p>အကယ်၍ ဤအရာကိုမျှ မလုပ်နိုင်ပါက ပထမဆုံး အဆင့်မှာပင် ကျရှုံးမည် ဖြစ်သည်။</p> <p>ကျန်ရှိနေသော စမ်းသပ်မှု နှစ်ခုမှာ "နှလုံးသားကို မေးခွန်းထုတ်ခြင်း" နှင့် "မိမိကိုယ်ကိုယ် စမ်းသပ်မှု" တို့ ဖြစ်ကြသည်။</p> <p>"နှလုံးသားကို မေးခွန်းထုတ်ခြင်း" တွင် အိပ်မက်နှင့်တူသော အခြေအနေတစ်ခုသို့ ဝင်ရောက်ရပြီး သင့်လျော်သော ရွေးချယ်မှုများ ပြုလုပ်ရမည် ဖြစ်ကာ ၊ ဘိုးဘေးကြီး၏ နတ်ဝိညာဉ် အကြွင်းအကျန်က သင့်၏ အဖြေမှာ သင့်လျော်မှု ရှိ၊ မရှိကို ဆုံးဖြတ်ချက်ချမည် ဖြစ်သည်။</p> <p>ပုံရိပ်ယောင်ထဲတွင် မည်သည့်အရာများ ပါဝင်ပြီး၊ မည်သို့ ရွေးချယ်ရမည် ဆိုသည်မှာ လူတစ်ဦးနှင့်တစ်ဦး မတူညီကြပေ။ စံသတ်မှတ်ထားသော အဖြေဟူ၍ မရှိဘဲ ကံကြမ္မာအပေါ်တွင်သာ မူတည်သည်။</p> <p>“မိမိကိုယ်ကိုယ် စမ်းသပ်မှု” ဆိုသည်မှာ အဖြူရောင် မြအိုင်မှ မြူခိုးဖြူများကို အသုံးပြု၍ မိမိနှင့် တစ်ထပ်တည်းတူသော ပုံတူတစ်ဦး ဖန်တီးကာ မိမိကိုယ်ကိုယ် ပြန်လည် တိုက်ခိုက်ရမည် ဖြစ်သည်။</p> <p> </p> <p> </p> <p> </p> <p>ထိုပုံတူကို အနိုင်ယူနိုင်သမျှ ကာလပတ်လုံး သင်သည် အောင်မြင်မှုကို ရရှိမည် ဖြစ်သည်။</p> <p> </p> <p> </p> <p> </p> <p>ထို့နောက်တွင် အခြားစမ်းသပ်မှုများသည် မည်သို့မည်ပုံ ရှိလာမည်ကို ချန်လော့လည်း မသိသကဲ့သို့ အခြားသူများလည်း မသိကြချေ။</p> <p> </p> <p> </p> <p> </p> <p>အဘယ်ကြောင့်ဆိုသော် နှစ်များတစ်လျှောက်လုံးတွင် ပါရမီရှိသော ကျင့်ကြံသူများပင်လျှင် တတိယမြောက် တာအိုစမ်းသပ်မှုကို အောင်မြင်စွာ မဖြတ်ကျော်နိုင်ခဲ့ကြသောကြောင့် ဖြစ်သည်။</p> <p> </p> <p> </p> <p> </p> <p>ချန်လော့သည် ကြာပလ္လင်ပေါ်တွင် တင်ပျဉ်ခွေ ထိုင်၍ ကျင့်ကြံနေပြီး ၊ ကမ်းစပ်ရှိ ကျောက်မန်မှလွဲ၍ မည်သူထံမှ အာရုံစိုက်ခံရခြင်း မရှိသလောက်ပင် ။</p> <p> </p> <p>လူအများစုက ချန်လော့အပေါ် တွင် အထင်မကြီးကြသော်လည်း ၊ သို့သော် ကျောက်မန်မှာ ကွာခြားသည်။ သူမသည် အခြားမည်သူ့ထက်မဆို ချန်လော့ကို ပို၍ အထင်ကြီး၏။</p> <p> </p> <p> </p> <p> </p> <p>မည်သို့ပင်ဆိုစေကာမူ သူမသည် ချန်လော့၏ ဘေးတွင် တစ်လျှောက်လုံး ရှိနေခဲ့ပြီး ချန်လော့၏ အင်အားကို အခြားမည်သူ့ထက်မဆို ပို၍ ကောင်းစွာ သိရှိထားသည်။</p> <p> </p> <p> </p> <p> </p> <p>ရွှေမြုတေအဆင့် တစ်ဝက်ရှိသော သားရဲကို သတ်ဖြတ်ခြင်း၊ အဆိပ်ပုလဲကို လုယူရန် အဆိပ်မြူစိမ့်မြေ အတွင်းသို့ တစ်ယောက်တည်း ဝင်ရောက်ခြင်းစသည့် လုပ်ရပ်များမှာ သာမန်လူများ လုပ်နိုင်စွမ်းထက် ကျော်လွန်နေသော စွမ်းဆောင်ရည်များပင် ဖြစ်သည်။</p> <p> </p> <p>“၅၀ တည်းလား... မင်းက အတွင်းဂိုဏ်းသား တစ်ယောက် ဖြစ်ပြီးတော့ ဝိညာဉ်ကျောက်တုံး ၅၀ ပဲ ထုတ်လာတာလား... ဘယ်လိုလုပ် ဒီလောက်တောင် မျက်နှာပြောင်တိုက်နိုင်ရတာလဲ...”</p> <p> </p> <p> </p> <p>“ငါက ဝိညာဉ်ကျောက်တုံး ၁၀၀... ဂိုဏ်းတူအစ်ကို ယန်ချင်းလင် ပထမ အဆင့်နှစ်ဆင့်ကို အောင်မြင်မယ်လို့ လောင်းကြေးထပ်တယ်...”</p> <p> </p> <p>“ပြဿနာမရှိဘူး... ဒါပေမဲ့ ဂိုဏ်းတူအစ်ကိုယန်က တတိယအဆင့်ကို အောင်မြင်မယ်လို့ လောင်းကြေး ထပ်စေချင်တယ်... အဲဒီမှာက အလေး ပိုများတယ်...”</p> <p> </p> <p>“မင်း ငါ့ကို အရူးလို့ ထင်နေတာလား... အလေးက များပေမယ့် ရှုံးဖို့ အလားအလာက ပိုများသေးတယ်...”  </p> <p> </p> <p>… </p> <p> </p> <p>ကျောက်မန်သည် အသံလားရာဘက်သို့ လိုက်ကြည့်လိုက်ရာ တပည့်အချို့က ဝိညာဉ်ကျောက်တုံးများကို ကိုင်ဆောင်၍ အရောင်းအဝယ် တစ်ခုခု လုပ်နေကြသည်ကို မြင်လိုက်ရသည်။</p> <p> </p> <p>“ရှင်တို့တွေ ဘာလုပ်နေကြတာလဲ...”</p> <p>ကျောက်မန်၏ အသံကို ကြားသည်နှင့် ၊ လူတိုင်း လှည့်ကြည့်လာကြပြီး ကျောက်မန်သည် သူတို့ကို ရပ်ကြည့်နေသည်ကို တွေ့လိုက်ရသည်။</p> <p> </p> <p>သို့သော် ထိုအုပ်စုသည် မည်သည့်အရာကိုမျှ ဖုံးကွယ်မထားကြပေ။ သူတို့ထဲမှ ဆေးတောင်ထွတ် အင်္ကျီကို ဝတ်ဆင်ထားသော အတွင်းဂိုဏ်းသား တစ်ဦးက တည့်တည့် လျှောက်လာ၏။</p> <p>ထိုတပည့်ကို ကျောက်မန် သိသည်။ သူသည် ဆေးတောင်ထွတ် အကြီးအကဲ၏ မြေးဖြစ်သူ ကျန်းယွမ်ပင် ဖြစ်သည်။</p> <p> </p> <p>“ဂိုဏ်းတူအစ်မကျောက်... အလောင်းအစား နည်းနည်းလုပ်ပြီး ကံစမ်းကြည့်မလား...”</p> <p> </p> <p>ဤသည်ကို ကြားသောအခါ အခြားသူများ၏ ဆိုလိုရင်းကို ကျောက်မန် ချက်ချင်း နားလည်သွားသည်။</p> <p> </p> <p>သူမသည် ၎င်းတို့နှင့် ပုံမှန်အားဖြင့် အဆက်အသွယ် မရှိသော်လည်း တစ်ချို့တစ်လေကို သိရှိထားသည်။</p> <p> </p> <p>သို့သော် သူမ၏ သိုလှောင်အိတ်ကို စမ်းကြည့်ပြီးနောက် သူမ၏ မျက်နှာပေါ်တွင် ရှက်ရွံ့သည့် အမူအရာတစ်ခု  ဖြစ်ပေါ်လာသည်။</p> <p> </p> <p>သူမသည် ဤတစ်ကြိမ်တွင် ဝိညာဉ်ကျောက်တုံးများကို များများစားစား မယူလာခဲ့ဘဲ စုစုပေါင်း ဝိညာဉ်ကျောက်တုံး ၂၀ ခန့်သာ ရှိ၏။</p> <p> </p> <p>“ဂိုဏ်းတူအစ်မ... ဘယ်လိုပဲဖြစ်ဖြစ် ဒါက ကံစမ်းမဲလေးပဲလေ... အပျော်သဘောလေး ဘာလို့ မစမ်းကြည့်ရမှာလဲ...”</p> <p> </p> <p>ခြင်တစ်ကောင်လောက် သေးငယ်ရင်တောင် အသားဖြစ်သည်ဟူသော မူဝါဒကို ကိုင်စွဲထားသည့် ကျန်းယွမ်က ပြောလိုက်သည်။</p> <p> </p> <p> </p> <p>ခဏတာ စဉ်းစားပြီးနောက် ကျောက်မန်က ခေါင်းညိတ်လိုက်သည်။</p> <p> “အဲဒါဆို အလေးတွေကို ပြပါဦး...”  </p> <p> </p> <p>ထိုစကားကို ကြားသည်နှင့် ကျန်းယွမ်သည် သူ့လက်ထဲက အလေးဇယားကို လျင်မြန်စွာ ဖြန့်ပြလိုက်သည်။</p> <p> </p> <p>၎င်းမှာ လူတိုင်း၏ အလေးများနှင့် အလောင်းအစားများကို မှတ်တမ်းတင်ထားသော မှော်လက်နက် တစ်ခုဖြစ်သည်။</p> <p> </p> <p>အမြင့်ဆုံး အလောင်းအစားမှာ ယန်ချင်းလင်ပင် ဖြစ်သည်။</p> <p> </p> <p>လူအများစုက သူသည် ဒုတိယအဆင့်ကို အောင်မြင်သွားလိမ့်မည်ဟုသာ လောင်းကြေးထပ်ထားကြသည်။အောင်မြင်ပါက၊ ဝိညာဉ်ကျောက်တုံး ၁၀၀၀ ကျော်အထိ ရရှိနိုင်သော်လည်း  အလျော်အစားမှာမူ အနည်းဆုံးဖြစ်သည်။ ၁၀၀ လောင်းလျှင် ၂ တုံး၊ ၃ တုံးခန့်သာ ပြန်ရမည့် အခြေအနေမျိုးပင်။</p> <p>ဒုတိယ ဈေးအမြင့်ဆုံးမှာ ပထမအဆင့်ကို အောင်မြင်ရန် လောင်းကြေးထပ်ခြင်းဖြစ်ပြီး ဝိညာဉ်ကျောက်တုံး ၈၀၀ ခန့် ကုန်ကျပေမည်။</p> <p>​ထို့အပြင် ယန်ချင်းလင်အား တတိယအဆင့်သို့ တိုက်ရိုက်အောင်မြင်သွားစေရန် လောင်းကြေးထပ်သူများလည်း ရှိရာ ၊ ယင်းအတွက် ကုန်ကျငွေမှာ ဝိညာဉ်ကျောက်တုံး ၃၀၀ ကျော်အထိ ရှိလေသည်။</p> <p>"ဂိုဏ်းတူအစ်မကျောက်... ကျွန်တော် ရှင်းပြမယ်... အပေါ်မှာ စာရင်းသွင်းထားတဲ့ လူတစ်ယောက်ချင်းစီအတွက် လောင်းလို့ ရပေမယ့် တစ်ယောက်ကို တစ်ကြိမ်ပဲ ရမယ်..."</p> <p>"ယန်ချင်းလင်ကို ဥပမာပေးရရင်... သူ ပထမအဆင့် အောင်မြင်မယ်လို့ အစ်မ လောင်းထားတယ်ဆိုပါစို့... သူ ပထမအဆင့် အောင်မြင်ရုံနဲ့ အစ်မ နိုင်တာ မဟုတ်ဘူး... သူ ဒုတိယအဆင့်ကို အောင်မြင်လားဆိုတာ ကြည့်ရဦးမယ်..."</p> <p>"သူ ဒုတိယ စမ်းသပ်မှုကို မအောင်မြင်ဘူးဆိုရင် အစ်မ လောင်းတာ မှန်သွားပြီ... အကယ်၍ သူ အောင်မြင်သွားတယ်ဆိုရင်တော့ အစ်မ ရှုံးပြီပေါ့..."</p> <p>"အကယ်၍ အစ်မက တတိယအဆင့်ကို အောင်မြင်မယ်လို့ လောင်းထားပေမယ့် ဂိုဏ်းတူအစ်ကိုယန်က ဒုတိယအဆင့်ကို အောင်မြင်ပြီး တတိယအဆင့်ကို ကျသွားမယ်ဆိုရင်လည်း အစ်မ ရှုံးမှာပဲ..."</p> <p>ကျန်းယွမ်က ကျောက်မန်ကို သေချာစွာ ရှင်းပြလိုက်၏။</p> <p>ကျောက်မန်သည် ခေါင်းညိတ်လိုက်ပြီး သူမ၏ အကြည့်များက တစ်ခုခုကို ရှာဖွေနေသည့်အလား အထက်သို့ အဆက်မပြတ် ကြည့်နေသည်။</p> <p>မကြာမီ သူမ၏ အကြည့်များက ချန်လော့၏ အမည်ပေါ်သို့ ကျရောက်သွား၏။</p> <p>"ချန်လော့... ပထမအဆင့် အောင်မြင်မည်၊ အလေး : ၁ မှ ၁.၁၅..."</p> <p>"ဒုတိယအဆင့် အောင်မြင်မည်၊  အလေး ၁ မှ ၁.၃..."</p> <p>"တတိယအဆင့် အောင်မြင်မည်၊ အလေး ၁ မှ ၅..."</p> <p>"အခွင့်အရေး ရရှိမည်၊ အလေး ၁ မှ ၁၀၀..."</p> <p>ဤ ၁ မှ ၁၀၀ အချိုးအစားကို မြင်ပြီး ကျောက်မန်မှာ အတော်လေး အံ့အားသင့်သွားရ၏။</p> <p>"ဒီ ၁ မှ ၁၀၀ က မှန်ရဲ့လား..."</p> <p>ကျန်းယွမ်သည် တစ်ခဏမျှ ရပ်တန့်သွားပြီး ကျောက်မန် ညွှန်ပြနေသော နေရာကို ကြည့်လိုက်သည်။ ၎င်းမှာ ချန်လော့ အခွင့်အရေး ရရှိနိုင်မည့် လောင်းကြေးအချိုးအစား ဖြစ်သည်။</p> <p>ဤသည်ကို မြင်သောအခါ ကျန်းယွမ် က ချက်ချင်း ပြုံးလိုက်သည်။</p> <p>"ဒါက လှည့်ကွက်လေး တစ်ခုပါပဲ... အလေးက များပုံရပေမယ့် အခြေခံအားဖြင့် ဘယ်သူမှ ဝယ်မှာ မဟုတ်ဘူး..."</p> <p>"ဂိုဏ်းတူအစ်မ... တခြားလူတွေကို ကြည့်လိုက်ပါဦး... သူတို့က အခြေခံအားဖြင့် အလေးတွေ အတူတူပဲ... ၁ မှ ၉၀၊ ၁ မှ ၈၀၊ ၁ မှ ၁၂၀ ပေါ့..."</p> <p>"စမ်းသပ်လေ့ကျင့်ရေးကွင်း စတင်ခဲ့တဲ့ နှစ်ထောင်ပေါင်းများစွာ အတွင်းမှာ တစ်ယောက်မှ အဖြူရောင် မြအိုင်ရဲ့ တတိယအဆင့်ကိုတောင် မအောင်မြင်ခဲ့ကြဘူး... အခွင့်အရေး ရဖို့ဆိုတာ ဝေလာဝေးပေါ့..."</p> <p>"ဒါကြောင့် ဒီအလေးတွေက အပျော်သဘောသက်သက်ပဲ... ဘာလို့လဲဆိုတော့ တကယ်တမ်း ဘယ်သူမှ အခွင့်အရေးကို မရနိုင်လို့လေ..."</p> <p>ထိုသို့လုပ်ခြင်းက ပိုက်ဆံရှာရန် သူ၏ ရည်မှန်းချက်နှင့် ဆန့်ကျင်နေသော်လည်း ကျန်းယွမ်က ရှင်းပြလိုက်၏။</p> <p>သို့သော် သူ့ရှေ့က လူသည် တိုက်ရိုက်တပည့် တစ်ဦးဖြစ်ပြီး လောကတွင် ရှားပါးသော အဆိပ်တစ်သောင်းခန္ဓာကို ပိုင်ဆိုင်သူများထဲမှ တစ်ဦး ဖြစ်သည်။ ဤလူနှင့် မိတ်ဆွေဖွဲ့သင့်ကြောင်း သူ၏ အလိုအလျောက် သိစိတ်က ပြောပြနေ၏။</p> <p>ကျန်းယွမ်၏ ရှင်းပြချက်ကို နားထောင်ပြီးနောက် ကျောက်မန်က သူမ၏ သိုလှောင်အိတ်ထဲရှိ ဝိညာဉ်ကျောက်တုံး ၂၀ ကျော်ကို စမ်းကြည့်လိုက်ပြီး တစ်ခဏမျှ စဉ်းစားကာ ပြုံးလိုက်သည်။</p> <p>"ထားလိုက်ပါတော့... သူ့အတွက် ကံစမ်းမဲ တစ်ခုအနေနဲ့ပဲ သဘောထားလိုက်ပါ့မယ်..."</p> <p>သူမသည် ပြောပြောဆိုဆိုနှင့် ဝိညာဉ်ကျောက်တုံး ၂၀ ကို ထုတ်ယူ၍ ကျန်းယွမ်ထံသို့ ကမ်းပေးလိုက်၏။</p> <p>ကျန်းယွမ်က ဝိညာဉ်ကျောက်တုံးများကို ကြည့်ပြီး ချက်ချင်းပင် တောက်ပစွာ ပြုံးလိုက်သည်။</p> <p>"ဂိုဏ်းတူအစ်မ... ဘာဝယ်ချင်လဲ..."</p> <p>"အို... ငါ က ချန်လော့ အခွင့်အရေး ရဖို့ ဝယ်မယ်..."</p> <p>ထိုစကားကို ကြားသည်နှင့် ထိုနေရာရှိ လူတိုင်း အံ့အားသင့်သွားကြ၏။</p> <p>နောက်တစ်စက္ကန့်တွင် လူတိုင်းက ကျယ်လောင်စွာ ရယ်မောလိုက်ကြသည်။</p> <p>"ချန်လော့က အခွင့်အရေး ရသွားတယ်တဲ့လား... ဂိုဏ်းတူအစ်မကျောက်က ချန်လော့ဆီကနေ ကြီးပွားဖို့ ကြိုးစားနေတာ သိသာတယ်..."</p> <p>"အဲဒါက အဓိပ္ပာယ်ရှိပါတယ်... ဘာပဲဖြစ်ဖြစ် ကံကြမ္မာက ရဲရင့်သူတွေကို မျက်နှာသာပေးတာပဲလေ..."</p> <p>ကျောက်မန်သည် လူတိုင်း၏ စကားများကို နားထောင်နေသော်လည်း ဒေါသထွက်ခြင်း မရှိပေ။ သူမသည် ပြုံးရုံသာ ပြုံးလိုက်ပြီး ဆက်ပြောလိုက်၏။</p> <p>"ဘယ်လိုပဲဖြစ်ဖြစ် ဝိညာဉ်ကျောက်တုံး ၂၀ တည်းပါ... ငါ နိုင်မယ်လို့ တကယ် မမျှော်လင့်ထားပါဘူး... အပျော်သဘောသက်သက်ပါ..."</p> <p>ထိုစကားကို ကြားသည်နှင့် ကျန်းယွမ်က ပြဿနာမရှိဟု ခံစားရသဖြင့် သဘောတူသည့် အနေဖြင့် ခေါင်းညိတ်လိုက်သည်။</p> <p>ကျောက်မန်နှင့် ချန်လော့တို့သည် ဆက်ဆံရေးကောင်းမွန်ပုံရသဖြင့် ၊ သူငယ်ချင်းဖြစ်သူသည် "ချန်ပီယံ" ဖြစ်မည်ဟု လောင်းကြေးထပ်ခြင်းမှာ ပုံမှန်ပင် ဖြစ်သည်။</p> <p>ထို့အပြင် ကျောက်မန်၏ အပြုအမူက ပိုက်ဆံကို အလကားပေးနေခြင်းသာ ဖြစ်သည်။ သူသည် ပြောသင့်သည်များကို အကုန်ပြောပြီးပြီ ဖြစ်၏။</p> <p>တစ်ဖက်လူသည် ဤရွေးချယ်မှုကို ပြုလုပ်ရန်  စိတ်ပိုင်းဖြတ်ထားပြီး ဖြစ်သဖြင့် ၊ သူ့ကို အပြစ်တင်၍ မရနိုင်တော့ချေ။ သို့သော် သူ မသိခဲ့သည်မှာ ထိုတစ်ချက် ခေါင်းညိတ်လိုက်ခြင်းကြောင့် သူသည် အရာအားလုံး ဆုံးရှုံးရလုနီးပါး ဖြစ်သွားခဲ့သည်ကိုပင်။</p> <p> </p> <p style="text-align: center;"> </p> <p style="text-align: center;">***</p>


Save