Book List

<h2 style="text-align: center;">အခန်း (၇၀)</h2> <h2 style="text-align: center;">မိမိကိုယ်ကိုယ် ထိုးဖောက်ဝင်ရောက်ခြင်း</h2> <h2 style="text-align: center;">*</h2> <p> </p> <p>မိနစ်အနည်းငယ် အကြာတွင် ချန်လော့သည် သူ့ရှေ့က မြူခိုးလူသားကို ရှုပ်ထွေးသော အကြည့်များဖြင့် ကြည့်လိုက်၏။</p> <p>မြူခိုးလူသားက သူ၏ အရာအားလုံးကို ပုံတူကူးထားသဖြင့် ချန်လော့ အနေဖြင့် မြူခိုးလူသားကို ရင်ဆိုင်ရာတွင် မည်သည့် ဖိအားကိုမျှ မခံစားရချေ။</p> <p>သို့သော် မြူခိုးလူသားကလည်း သူ့ကို ရင်ဆိုင်ရာတွင် မည်သည့် ဖိအားကိုမျှ မခံစားရပေ။</p> <p>သူသည် ဤမြူခိုးလူသားနှင့် တိုက်ခိုက်နေသည်မှာ မိနစ်အနည်းငယ် ကြာပြီဖြစ်ပြီး သူ၏ ဝိညာဉ်စွမ်းအင်များမှာ ခန်းခြောက်နေပြီ ဖြစ်၏။</p> <p>သူသည် ဆေးလုံး သောက်ပြီးနောက် ပြန်လည် နာလန်ထူရန် စတင်သည်နှင့် တစ်ပြိုင်နက် မြူခိုးလူသားကလည်း ထိုအတိုင်း လိုက်လုပ်မည် ဖြစ်သည်။</p> <p>အကယ်၍ ဤသို့ အချိန်ဖြုန်းနေပါက ချန်လော့အနေဖြင့် သူ မရှုံးနိုင်ကြောင်း အာမခံနိုင်လျှင်တောင် ၊ မြူခိုးလူသားကိုတော့ သေချာပေါက် အနိုင်ယူနိုင်မည် မဟုတ်ပေ။ အကောင်းဆုံး အနေအထားမှာ သရေကျရုံသာ ရှိမည်။</p> <p>လွန်ခဲ့သော နှစ်ပေါင်းတစ်ထောင်အတွင်း မည်သူမဆို မြူခိုးလူသားနှင့် ရင်ဆိုင်ရာ၌ သရေကျနိုင်သည်ဟူသော အချက်ကို ချန်လော့ တစ်ခါမျှ မယုံကြည်ခဲ့ပေ။</p> <p>​အဖြူရောင်မြအိုင်အတွင်းရှိ အခွင့်အရေးကို ရယူနိုင်ခြင်းမရှိခဲ့သည်မှာ မြူခိုးလူသားကို အနိုင်ယူခြင်းမှတစ်ပါး အခြားရွေးချယ်စရာမရှိကြောင်း သက်သေပြနေခြင်းပင်။ ဤစမ်းသပ်မှုတွင် သရေကျခြင်းသည် ရှုံးနိမ့်ခြင်းဟုသာ မှတ်ယူရပေလိမ့်မည်။</p> <p>ဤသည်ကို တွေးမိသောအခါ ချန်လော့သည် ကူကယ်ရာမဲ့စွာ သက်ပြင်းချလိုက်၏။</p> <p>"မြူခိုးလူသားကို အနိုင်ယူမှပဲ ငါ မိမိကိုယ်ကိုယ် စမ်းသပ်မှုကို အောင်မြင်နိုင်မယ် ထင်တယ်..."</p> <p>"ဒါပေမဲ့ သူတို့က တူညီတဲ့ နည်းလမ်းကို သုံးကြတော့ တစ်ယောက်က နောက်တစ်ယောက်ရဲ့ ဗျူဟာကို ချိုးဖျက်လို့ မရဘူး..."</p> <p>"ဒီလိုမှမဟုတ်ရင်..."</p> <p>ချန်လော့သည် သူ၏ မျက်နှာချင်းဆိုင်ရှိ မြူခိုးလူသားကို ကြည့်၍ တိတ်ဆိတ်နေလိုက်၏။</p> <p>ဤတာအို စမ်းသပ်မှုကို "မိမိကိုယ်ကိုယ်" ဟု ခေါ်ဆိုပြီး သင် ပိုင်ဆိုင်ထားသော အရာအားလုံးကို ပုံတူကူးထားသည်။</p> <p>သင် တိုက်ခိုက်နေရသူမှာ သင်ကိုယ်တိုင် ဖြစ်ပြီး သင့်ကိုယ်သင် အနိုင်ယူလိုပါက နည်းလမ်း တစ်ခုတည်းသာ ရှိ၏။  မိမိကိုယ်ကိုယ် ထိုးဖောက်ဝင်ရောက်ခြင်းပင် ဖြစ်သည်။</p> <p>တကယ်တမ်းတွင် ချန်လော့သည် မြူခိုးလူသားနှင့် တိုက်ပွဲ စတင်ပြီး မကြာမီမှာပင် ဤအရာကို ခန့်မှန်းမိပြီး ဖြစ်၏။</p> <p>သို့သော် ချန်လော့သည် အလျင်မလိုခဲ့ချေ။</p> <p>အဘယ်ကြောင့်ဆိုသော် သူသည် တစ်ဖက်ရှိ ယန်ချင်းလင် မြင်သွားမည်ကို စိုးရိမ်သောကြောင့် ဖြစ်သည်။</p> <p>အကယ်၍ ထိုသကောင့်သားသည် သူ့ထက် အရင် အောင်မြင်သွားခဲ့ပါက၊ သူ့အတွက် ကြီးမားသော ဆုံးရှုံးမှုကြီး ဖြစ်သွားပေလိမ့်မည်။</p> <p>ယခု ယန်ချင်းလင်သည် ပြိုင်ပွဲမှ ထွက်သွားပြီ ဖြစ်သဖြင့် ဤအခွင့်အရေးအတွက် မြူခိုးလူသားနှင့် တိုက်ခိုက်နေသူမှာ သူ တစ်ဦးတည်းသာ ကျန်ရှိတော့သည်။ ထို့ကြောင့် ဖုံးကွယ်ထားရန် မလိုအပ်တော့ချေ။</p> <p>ချန်လော့သည် အေးစက်သော အပြုံးတစ်ခုဖြင့် မြူခိုးလူသားကို မော့ကြည့်လိုက်၏။</p> <p>"မင်းက ငါ့ရဲ့ အရာအားလုံးကို ပုံတူကူးထားပေမယ့် နောက်ဆုံးတော့ မင်းက အသက်မရှိတဲ့ အရာဝတ္ထု တစ်ခုပါပဲ..."</p> <p>"ငါ ဘယ်လို တိုက်ခိုက်သလဲ၊ ငါ ဘယ်လို ပြုမူသလဲ၊ ငါ ဘာစွမ်းရည်တွေ သုံးသလဲ၊ ပြီးတော့ ငါ့ဆီမှာ ဘာမှော်လက်နက်တွေ ရှိသလဲဆိုတာ မင်း သိလား..."</p> <p>"ဒါပေမဲ့ မင်း ပုံတူကူးလို့ မရတဲ့ အရာတစ်ခုကတော့ ငါ့ကိုယ်ငါ ထိုးဖောက်ဝင်ရောက်နိုင်တဲ့ စွမ်းရည်ပဲ..."</p> <p>(ပြီးတော့ စနစ်လေ...) ချန်လော့၏ အတွင်းစိတ်က အော်ဟစ်လိုက်၏။</p> <p>ထိုသို့ပြောပြီးနောက် ချန်လော့သည် အချိန်မဖြုန်းတော့ဘဲ အဆ ၁၀၀ တိုးပွားခြင်းကို ချက်ချင်း အသက်သွင်းလိုက်သည်။</p> <p>"အဆ ၁၀၀ တိုးပွားခြင်းကို အသက်သွင်းရန် ဝိညာဉ်ကျောက်တုံး ၁၀၀ ကုန်ကျပါမည်"</p> <p>ထို့နောက် လူတိုင်း၏ မျက်စိရှေ့တွင် ချန်လော့သည် သူ၏ လက်ထဲရှိ ဓားရှည်ကို ရုတ်တရက် သိမ်းဆည်းလိုက်၏။</p> <p>အဖြူရောင် မြအိုင် အပြင်ဘက်တွင် ဤမြင်ကွင်းကို မြင်လိုက်ရသူတိုင်း အံ့အားသင့်သွားကြသည်။</p> <p>"ချန်လော့ ဘာလုပ်နေတာလဲ... သူ ဘာလို့ ဓားကို သိမ်းလိုက်တာလဲ..."</p> <p>"ပြိုင်ဘက်ကို အနိုင်ယူနိုင်ဖို့ အခွင့်အရေး မရှိဘူးလို့ ခံစားရလို့ အရှုံးပေးဖို့ ပြင်ဆင်နေတာများလား..."</p> <p>"အရှုံးပေးတယ် ဟုတ်လား... အဲဒါက စောက်ရမ်း အောက်တန်းကျတာပဲ... ဂိုဏ်းတူအစ်ကိုယန်က ရှုံးသွားနိုင်ပေမယ့် အနည်းဆုံးတော့ သူက မြူခိုးလူသားနဲ့ အပြည့်အဝ တိုက်ခိုက်ခဲ့သေးတယ်... သူက ဘယ်လိုလုပ် အရှုံးပေးနိုင်ရတာလဲ..."</p> <p>"တိုက်ရိုက်တပည့် တစ်ယောက်အနေနဲ့ သူ့ရဲ့ အပြုအမူကို ရှက်မိပါတယ်..."</p> <p>ဤသည်က မကြာသေးမီက ရှုံးနိမ့်ပြီးနောက် သူ၏ ဂုဏ်သတင်း အချို့ကို ပြန်လည် ဆယ်ယူနိုင်မည်ဟု တွေးကာ ယန်ချင်းလင်က ချက်ချင်း ဝင်ပြောလိုက်သည်။</p> <p>သို့သော် ဘေးတွင် ရပ်နေသော ကျောက်မန်သည် အမှားအယွင်း ရှိသည်ဟု မထင်ပေ။</p> <p>"ဘယ်လိုပဲဖြစ်ဖြစ်  ရှုံးဖို့ သေချာနေပြီဆိုလည်း စောစောစီးစီး လက်လျှော့လိုက်တာ ပိုကောင်းတာပေါ့..."</p> <p>"စမ်းသပ်လေ့ကျင့်ရေးကွင်း အတွင်းက တခြားနေရာတွေမှာ အခွင့်အရေးတွေ ရှာဖို့ မင်းတို့ရဲ့ ခွန်အားတွေကို ချန်ထားဦး”</p> <p>"ဒီနေရာမှာ အချိန်ဖြုန်းနေတာထက် ပိုကောင်းတယ်..."</p> <p>ကျောက်မန် သည် ထိုသို့ပြောလိုက်ပြီး ၊  ချန်လော့သည် အရှုံးပေးရန် ရည်ရွယ်မထားကြောင်းကို သူမ ယုံကြည်ထားပုံရသည်။</p> <p>ယန်ချင်းလင် အပါအဝင် မည်သူမျှ စကားမပြောကြပေ။ မည်သို့ပင်ဆိုစေကာမူ ကျောက်မန်ကလည်း တိုက်ရိုက်တပည့် တစ်ဦးဖြစ်ပြီး သူမ၏ အဆင့်အတန်းက ယန်ချင်းလင်ထက် များစွာ မြင့်မား၏။သူမသည် အဆိပ်တစ်သောင်းခန္ဓာကို ပိုင်ဆိုင်ထားသူ ဖြစ်သည်။</p> <p>အကယ်၍ ချန်လော့သာ သူတို့၏ အနီးတွင် ရှိနေပါက ယန်ချင်းလင်မှလွဲ၍ မည်သူမျှ ချန်လော့ကို နောက်ထပ် စကားတစ်ခွန်းမျှ ပြောဝံ့မည် မဟုတ်ပေ။</p> <p>မည်သို့ပင်ဆိုစေကာမူ တိုက်ရိုက်တပည့် ဆိုသည်မှာ အဆင့်အတန်းအရ သူတို့နှင့် အလွန် ကွာခြားလှ၏။</p> <p>သူတို့သည် နောက်ကွယ်တွင် ကျိန်ဆဲနိုင်သော်လည်း တိုက်ရိုက် ရင်ဆိုင်ရန်မူ မဝံ့ရဲကြချေ။</p> <p>"မဟုတ်ဘူး... သူ အရှုံးမပေးသေးဘူး..."</p> <p>တစ်စုံတစ်ယောက်က အော်ဟစ်လိုက်ရာ လူတိုင်းက ချက်ချင်းပင် ချန်လော့ရှိရာ ဘက်သို့ ကြည့်လိုက်ကြ၏။</p> <p>ချန်လော့၏ လက်ထဲတွင် သတ်ဖြတ်ခြင်း ဝင်္ကပါများ၊ ချုပ်နှောင်ရေး ဝင်္ကပါများ၊ စွမ်းအားမြှင့် ဝင်္ကပါများ... ဝင်္ကပါများ တစ်ခုပြီးတစ်ခု ထွက်ပေါ်လာသည်။</p> <p>ချန်လော့သည် ဝင်္ကပါများကို အလွန် လျင်မြန်စွာ ဖွဲ့စည်းနေပြီး တစ်စက္ကန့်လျှင် ဝင်္ကပါအသစ် တစ်ခုနီးပါး ရှိ၏။</p> <p>သို့သော် ဝင်္ကပါ ဖွဲ့စည်းပြီးသည်နှင့် တစ်ပြိုင်နက် တစ်ဖက်ရှိ မြူခိုးလူသားက ချက်ချင်း ဖျက်ဆီးပစ်လိုက်သည်။</p> <p>သူသည်  ဝင်္ကပါ စွမ်းရည်များကို အသုံးပြုရန် အချိန်ပင် မရလိုက်ဘဲ အားလုံး ပျောက်ကွယ်သွားကြ၏။</p> <p>တစ်ချိန်တည်းမှာပင် ချန်လော့၏ စိတ်ထဲတွင် စနစ်၏ အသိပေးချက်များ အဆက်မပြတ် မြည်တမ်းလာသည်။</p> <p>"သင်သည် သတ်ဖြတ်ခြင်း ဝင်္ကပါ တစ်ခုကို ရေးဆွဲခဲ့ပြီး အဆတစ်ရာ တိုးပွားခြင်းအပြီးတွင် သတ်ဖြတ်ခြင်း ဝင်္ကပါ တစ်ရာကို ရေးဆွဲခဲ့သည်"</p> <p>"သင်၏ ဝင်္ကပါဆရာ စွမ်းရည်မှာ အလွန် မြင့်မားလာပါသည်"</p> <p>"သင်သဘ် အခြား ဝင်္ကပါဆရာ တစ်ဦး ဝင်္ကပါ ဖျက်ဆီးနေသည်ကို မြင်တွေ့ခဲ့ရပြီး အဆတစ်ရာ တိုးပွားခြင်းအပြီးတွင် ဝင်္ကပါ တစ်ရာ ဖျက်ဆီးသည်ကို မြင်တွေ့ခဲ့ရသည်"</p> <p>"သင်သည် ဝင်္ကပါနှင့် ပတ်သက်သည့် ထိုးထွင်းသိမြင်မှု များစွာကို ရရှိခဲ့သည်"</p> <p>…</p> <p>သူ၏ စိတ်ထဲရှိ အသံများက အဆက်မပြတ် ထွက်ပေါ်လာပြီး ချန်လော့သည် သူ၏ ဝင်္ကပါ စွမ်းရည်များမှာ အဆက်မပြတ် တိုးတက်နေသည်ကို ခံစားခဲ့ရသည်။</p> <p>သူသည် မူလက ပထမအဆင့် ဝင်္ကပါ အထွတ်အထိပ်တွင် ရှိပြီး ဒုတိယအဆင့် ကနဦးအဆင့်သို့ ရောက်ရန် ခြေတစ်လှမ်းသာ လိုတော့၏။</p> <p>အရင်က ထိုးဖောက်မဝင်ရောက်နိုင်ခဲ့ရခြင်းမှာ သူ၏ ကျင့်ကြံမှုအဆင့်သည် အခြေခံတည်ဆောက်ခြင်းအဆင့်သို့ မရောက်သေးလို့သာလျှင် ဖြစ်သည်။ အခြေခံတည်ဆောက်ခြင်းအဆင့်သို့ ရောက်ရှိပြီးနောက်တွင်လည်း သူသည် တခြားကိစ္စများနှင့် အလုပ်များနေသဖြင့် အချိန်မရခဲ့ပေ။</p> <p>လောချင်းယွီသည် စမ်းသပ်လေ့ကျင့်ရေးကွင်းသို့ မရောက်မီကတည်းက ဒုတိယအဆင့် ဝင်္ကပါဆရာနှင့် ပတ်သက်သည့် အချက်အလက်များကို ချန်လော့ထံသို့ လွှဲပြောင်းပေးထားပြီး ဖြစ်၏။</p> <p>ချန်လော့သည်  ကြည့်ရှုပြီးသွားပြီ ဖြစ်သော်လည်း ထိုအချိန်က သူသည် ဒုတိယအဆင့် ဝင်္ကပါဆရာအဖြစ် ထိုးဖောက်မဝင်ရောက်ဘဲ သိုင်းကွက်များကို အရင် ကျင့်ကြံရန် ရွေးချယ်ခဲ့သည်။</p> <p>ယခုအခါ ၎င်းက ကောင်းမွန်သော အခွင့်အရေး တစ်ခု ဖြစ်သည်မှာ သိသာထင်ရှားလှ၏။</p> <p>"ဒါပေမဲ့ ဒုတိယအဆင့် ဝင်္ကပါဆရာအဖြစ် ထိုးဖောက်ဝင်ရောက်ဖို့ အချိန်ဘယ်လောက် ကြာမလဲဆိုတာ ကိုယ့်ကိုယ်ကိုယ်တောင် မသေချာဘူး..."</p> <p>ချန်လော့ စကားပြောနေစဉ် သူ၏ မျက်နှာပေါ်တွင် ကူကယ်ရာမဲ့သော အပြုံးတစ်ခု ဖြစ်ပေါ်လာ၏။</p> <p>ထိုးဖောက်ဝင်ရောက်ခြင်း ဆိုသည်မှာ အတော်လေး နက်နဲသော အယူအဆ တစ်ခု ဖြစ်သည်။ ပထမအဆင့် အထွတ်အထိပ်နှင့် ဒုတိယအဆင့် ကနဦးအဆင့်ကြားတွင် ခြေတစ်လှမ်းသာ ကွာဟသော်လည်း…</p> <p>ထိုခြေတစ်လှမ်းကို လှမ်းရန် အချိန်မည်မျှ ကြာမည်ကို ပြောရန် ခက်ခဲ၏။</p> <p>အချို့လူများက မည်သည့် အတားအဆီးမျှ မရှိဘဲ ဖြတ်ကျော်သွားကြသည်။</p> <p>သို့သော် အချို့လူများက နှစ်နှစ် သို့မဟုတ် သုံးနှစ် လိုအပ်၏။</p> <p>အချို့လူများမှာမူ သူတို့၏ ဘဝတစ်လျှောက်လုံး ဤကွာဟချက်ကို မဖြတ်ကျော်နိုင်ကြပေ။</p> <p>"စနစ်ကို ထည့်မတွက်ဘူးဆိုရင် ငါ့ရဲ့ ကိုယ်ပိုင် ပါရမီအရဆို ဆယ်နှစ်လောက် ကြာလိမ့်မယ်..."</p> <p>ချန်လော့က ခါးသီးစွာ ပြုံးလိုက်သည်။ သူ၏ စကားများတွင် မိမိကိုယ်ကိုယ် နှိမ့်ချသည့် အရိပ်အယောင် အနည်းငယ် ပါဝင်နေသော်လည်း ဤသည်မှာ အမှန်တရားလည်း ဖြစ်၏။</p> <p>သူ၏ ပါရမီသည် အမှန်တကယ်ပင် အားနည်းလှသည်။ ထိုသို့မဟုတ်ပါက ကောင်းကင်တာအို အခြေခံတည်ဆောက်ခြင်းကို အောင်မြင်စွာ တည်ဆောက်နိုင်ရန် အကြိမ် ၂၀၁ ကြိမ်တိုင်တိုင် ကြိုးစားခဲ့ရမည် မဟုတ်ချေ။</p> <p>သို့သော် ယခု စနစ် ရှိနေပြီဖြစ်သဖြင့် အခြေအနေက ကွာခြားသွားပြီ ဖြစ်၏။</p> <p>ဝင်္ကပါများ ဒါဇင်ပေါင်းများစွာကို ဆက်တိုက် တည်ဆောက်ပြီးနောက် ချန်လော့သည် အနည်းငယ် ပင်ပန်းလာသည်ကို ခံစားလိုက်ရသည်။</p> <p>ထို့ကြောင့် သူသည် ရိုးရှင်းစွာပင် ရပ်တန့်လိုက်၏။</p> <p>ဤအချိန်တွင် မြူခိုးလူသားက တစ်ခုခုကို အာရုံခံမိသွားပုံရပြီး ချန်လော့အပေါ်သို့ ဝင်္ကပါများ ဆက်တိုက် စတင် ရေးဆွဲတော့သည်။</p> <p>အခန်းကဏ္ဍများ ပြောင်းလဲသွားပြီး ဤတစ်ကြိမ်တွင် ချန်လော့က ဝင်္ကပါများကို ဖျက်ဆီးရမည့်သူ ဖြစ်လာသည်။</p> <p>"သင်သည် အခြား ဝင်္ကပါဆရာ တစ်ဦး ဝင်္ကပါ ရေးဆွဲနေသည်ကို မြင်တွေ့ခဲ့ရပြီး အဆတစ်ရာ တိုးပွားခြင်းအပြီးတွင် ၎င်းက ဝင်္ကပါ တစ်ရာ ရေးဆွဲသည်ကို မြင်တွေ့ခဲ့ရသည်"</p> <p>"သင်သည် ဝင်္ကပါနှင့် ပတ်သက်သည့် ထိုးထွင်းသိမြင်မှု များစွာကို ရရှိခဲ့သည်"</p> <p>"သင်သည် သတ်ဖြတ်ခြင်း ဝင်္ကပါ တစ်ခုကို ဖျက်ဆီးခဲ့ပြီး အဆတစ်ရာ တိုးပွားခြင်းအပြီးတွင် သတ်ဖြတ်ခြင်း ဝင်္ကပါ တစ်ရာကို ဖျက်ဆီးခဲ့သည်"</p> <p>"သင်၏ ဝင်္ကပါဆရာ စွမ်းရည်များ အလွန် မြင့်မားလာပါသည်"</p> <p>…</p> <p>စနစ်၏ အသံက ချန်လော့၏ စိတ်ထဲတွင် ဆက်လက် ပဲ့တင်ထပ်နေ၏။</p> <p>ချန်လော့ကိုယ်တိုင်ကလည်း  ဒုတိယအဆင့် ဝင်္ကပါဆရာ ဖြစ်လာရန် ပိုမို နီးကပ်လာပြီဖြစ်ကြောင်း ရေးတေးတေး ခံစားလိုက်ရသည်။</p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save