Book List

<h2 style="text-align: center;">အခန်း ၂</h2> <h2 style="text-align: center;">သရုပ်ဖော် စနစ်</h2> <h2 style="text-align: center;">*</h2> <p> </p> <p><br /> နေ့လည်စာ စားပြီးနောက် ချင်ဟန်နှင့် ချင်ကျင်းတို့ ခဏတာ စကားစမြည် ပြောဖြစ်ကြပြီး ကိုယ့်အခန်းကိုယ် ပြန်လာခဲ့ကြသည်။</p> <p>အခန်းထဲ ရောက်သည်နှင့် ချင်ဟန်က ခဏတာ စဉ်းစားပြီးနောက် အဝတ်အစား လဲလှယ်ကာ ကုတင်ပေါ် လှဲချလိုက်၏။</p> <p>"သရုပ်ဖော် စနစ်ကို စတင်လိုပါသလား..."</p> <p>သူ့မျက်စိရှေ့တွင် ရင်းနှီးနေသော စာလုံးများနှင့် ဂဏန်းများ ထပ်မံ ထွက်ပေါ်လာပြန်သည်။</p> <p>ထိုစာသားများကို ကြည့်ရင်း ချင်ဟန် တစ်ယောက် ထူးဆန်းသော စိုးရိမ်ပူပန်မှု တစ်ခုကို ခံစားလိုက်ရသည်။</p> <p>သူ အသက်ပြင်းပြင်း တစ်ချက် ရှူသွင်းလိုက်ပြီးနောက် လက်ခံလိုက်၏။</p> <p>"စတင်မယ်..."</p> <p>ထိုသို့ ရွေးချယ်လိုက်သည်နှင့် သူ့ ရမှတ်များ လျင်မြန်စွာ လျော့ကျသွားပြီး သုည ဖြစ်သွားသည်ကို သတိပြုမိလိုက်သည်။</p> <p>ရက် ၂၀ တိုင်တိုင် စုဆောင်းထားခဲ့သော ရမှတ်များမှာ တိုက်ရိုက် သုညသို့ ပြန်လည် ရောက်ရှိသွားခဲ့လေပြီ။</p> <p>ထိုနောက်တွင်တော့ သူ့ရှေ့ရှိ မျက်နှာပြင်မှာ စတင် ပြောင်းလဲလာတော့သည်။</p> <p>"ကျေးဇူးပြု၍ သင့်ဇာတ်ကောင်ကို ရွေးချယ်ပါ..."</p> <p>စာကြောင်း တစ်ကြောင်းက မျက်စိရှေ့တွင် ထွက်ပေါ်လာ၏။</p> <p>ချင်ဟန်က မျက်နှာပြင်ကို ကြည့်လိုက်ရာ ယခုအခါ ရွေးချယ်စရာ များစွာ ပေါ်လာသည်ကို တွေ့လိုက်ရသည်။ ထိုအရာများက သူ့မျက်စိရှေ့တွင် လွင့်မျောနေပြီး သူ့ ဆုံးဖြတ်ချက်ကို စောင့်ဆိုင်းနေကြသည်။</p> <p>ဇာတ်လမ်း စတင်တော့မည် ဖြစ်သည်။ သင်သည် ရင်းနှီးကျွမ်းဝင်မှု မရှိသော လောကတစ်ခုဆီ စေလွှတ်ခံရမည် ဖြစ်ပြီး စိမ်းသက်နေသော မိသားစု တစ်ခု၏ အစိတ်အပိုင်း ဖြစ်လာလိမ့်မည်...</p> <p>မှော်ဆရာ မိသားစု</p> <p>သင်သည် မှော်ဆရာ မိသားစု တစ်ခုတွင် မွေးဖွားလာမည်။ သင့်မိဘ နှစ်ပါးစလုံးမှာ မှော်ဆရာများ ဖြစ်ကြသည် သို့မဟုတ် တစ်ဦးမှာ မှော်ဆရာ ဖြစ်သည်။</p> <p>သင်သည် မှော်ဆရာ မိသားစု တစ်ခုတွင် မွေးဖွားလာပြီး ကောင်းမွန်သော အရင်းအမြစ်များ ပိုင်ဆိုင်ထားသည်။ သာမန် သေမျိုးများနှင့် နှိုင်းယှဉ်လျှင် သင့်အစပျိုးမှုမှာ သူတို့၏ အမြင့်ဆုံး အလားအလာထက်ပင် သာလွန်နေမည် ဖြစ်သည်။</p> <p>သင့်ခန္ဓာကိုယ်ထဲတွင် မြင့်မြတ်သော သွေးများ စီးဆင်းနေပြီး လူအများစုထက် သာလွန်သော အားသာချက်များကို ပေးစွမ်းမည် ဖြစ်၏။ ရုပ်ပိုင်းဆိုင်ရာ ဖြစ်စေ၊ စိတ်ပိုင်းဆိုင်ရာ ဖြစ်စေ သင်သည် သာမန်လူများထက် သဘာဝအလျောက် ပိုသန်မာနေလိမ့်မည်။</p> <p>လဲလှယ်ရန် လိုအပ်သော ရမှတ် - ၃,၀၀၀ မှ သုံးသန်းအထိ။</p> <p>မှူးမတ် မိသားစု</p> <p>သင်သည် မှူးမတ် မိသားစု တစ်ခုတွင် မွေးဖွားလာမည်။ သင့်မိဘ နှစ်ပါးစလုံးမှာ မှူးမတ်များ ဖြစ်ကြသည် သို့မဟုတ် အနည်းဆုံး တစ်ဦးမှာ မှူးမတ် ဖြစ်သည်။</p> <p>သင်သည် မှူးမတ် မိသားစု တစ်ခုတွင် မွေးဖွားလာပြီး ကောင်းမွန်သော အရင်းအမြစ်များ ပိုင်ဆိုင်ထားသည်။ သာမန် သေမျိုးများနှင့် နှိုင်းယှဉ်လျှင် သင့်အစပျိုးမှုမှာ သူတို့၏ အမြင့်ဆုံး အလားအလာထက်ပင် သာလွန်နေမည်။</p> <p>သင့်ခန္ဓာကိုယ်ထဲတွင် မြင့်မြတ်သော သွေးများ စီးဆင်းနေပြီး လူအများစုထက် သာလွန်သော အားသာချက်များကို ပေးစွမ်းမည် ဖြစ်သည်။ ရုပ်ပိုင်းဆိုင်ရာ ဖြစ်စေ၊ စိတ်ပိုင်းဆိုင်ရာ ဖြစ်စေ သင်သည် သာမန်လူများထက် သဘာဝအလျောက် ပိုသန်မာနေလိမ့်မည်။</p> <p>လဲလှယ်ရန် လိုအပ်သော ရမှတ် - ၁,၀၀၀ မှ သုံးသိန်းအထိ။</p> <p>သာမန် မိသားစု</p> <p>သင်သည် သာမန် မိသားစု တစ်ခုတွင် မွေးဖွားလာမည်။ သင့်မိဘ နှစ်ပါးစလုံးမှာ သာမန်လူများ ဖြစ်ကြသည်။</p> <p>မှူးမတ် မိသားစုများနှင့် နှိုင်းယှဉ်လျှင် သင့်မိသားစု အခြေအနေမှာ သာမန်သာ။ သင့်မိသားစုက အခြားသူများနှင့် ယှဉ်လျှင် အနည်းငယ် ပိုဆင်းရဲနိုင်သလို ပိုလည်း ချမ်းသာနိုင်သည်၊ သို့သော် သာမန် အဆင့်တွင်သာ ရှိနေဦးမည် ဖြစ်သည်။</p> <p>သင်နှင့် ပတ်သက်သမျှ အရာအားလုံးက ရိုးရှင်းပြီး ထူးခြားမှု ရှိမည် မဟုတ်ချေ။</p> <p>လဲလှယ်ရန် လိုအပ်သော ရမှတ် - ၀ မှ ၁,၀၀၀ အထိ။</p> <p>နတ်သူငယ် မိသားစု</p> <p>သင်သည် နတ်သူငယ် မိသားစု တစ်ခုတွင် မွေးဖွားလာပြီး နတ်သူငယ် တစ်ကောင် ဖြစ်လာလိမ့်မည်။</p> <p>...</p> <p>အချက်အလက်များက ချင်ဟန်၏ မျက်စိရှေ့တွင် ထွက်ပေါ်လာပြီး သူတစ်ယောက်တည်းသာ မြင်တွေ့နိုင်လေသည်။ စာကြောင်းရေ ထောင်ချီ၍ပင် ရှိနေလောက်၏။</p> <p>ဤစာကြောင်း ထောင်ပေါင်းများစွာတွင် ရွေးချယ်စရာ မျိုးစုံ ပါဝင်နေသည်။ မွန်မြတ်သော မှော်ဆရာများ ရှိသကဲ့သို့ အောက်တန်းကျသော ဂေါ်ဘလင်များလည်း ပါဝင်သည်။</p> <p>စိတ်ကူးကြည့်၍ ရနိုင်သမျှ အရာအားလုံး အကျုံးဝင်နေ၏။</p> <p>"ငါ့ရဲ့ ကိုယ်ပိုင် အထောက်အထားကို ရွေးချယ်ခွင့် ရတာပဲ..."</p> <p>ချင်ဟန်က ရွေးချယ်စရာများကို အလေးအနက်ထား၍ ဖတ်ရှုနေလိုက်သည်။</p> <p>သူ ကြည့်နေသော အထောက်အထားများထဲမှ အများစုမှာ ရမှတ် အနည်းငယ်သာ လိုအပ်သည်။ ဥပမာအားဖြင့် ဂေါ်ဘလင်များ သို့မဟုတ် သာမန် မိသားစုများဆိုလျှင် ရွေးချယ်ရန် ရမှတ်ပင် မလိုအပ်ချေ။</p> <p>သို့သော် မှော်ဆရာ မိသားစု ကဲ့သို့သော အချို့ ရွေးချယ်စရာများမှာမူ မယုံကြည်နိုင်လောက်အောင် မြင့်မားသော ရမှတ်များ လိုအပ်နေသည်။ အနိမ့်ဆုံး ရွေးချယ်မှုကပင် နက္ခတ္တဗေဒ အရေအတွက်လောက် ရှိသော ရမှတ်များ လိုအပ်နေလေပြီ။</p> <p>ဤရွေးချယ်စရာများကို ကြည့်ရင်း ချင်ဟန်က ၎င်းတို့၏ အသုံးဝင်ပုံကို အကြမ်းဖျင်း နားလည်လာသည်။</p> <p>သူ ရွေးချယ်လိုက်သော အထောက်အထားမှာ သရုပ်ဖော် စနစ်ထဲ ရောက်သွားပြီးနောက် သူ ခံယူရမည့် ကိုယ်ပိုင် အထောက်အထားပင်။</p> <p>ရွေးချယ်စရာ တစ်ခုချင်းစီ အတွင်းရှိ လိုအပ်သော ရမှတ်များ ကွာခြားချက်ကတော့ ထိုရွေးချယ်မှု၏ အရည်အသွေးကို ဆုံးဖြတ်ပေးမည် ဖြစ်သည်။</p> <p>မည်သို့ပင်ဖြစ်စေ တူညီသော မိသားစု အမျိုးအစား သို့မဟုတ် လူမှုအဆင့်အတန်း ရှိသူများကြားတွင်ပင် ကြီးမားသော ကွာခြားချက်များ ရှိနိုင်သည် မဟုတ်ပါလား။</p> <p>ဒေါ်လာ တစ်သန်း တန်ဖိုးရှိသော ပိုင်ဆိုင်မှု ရှိသည့် မိသားစုနှင့် ဒေါ်လာ သန်းရာချီ တန်ဖိုးရှိသော ပိုင်ဆိုင်မှု ရှိသည့် မိသားစု နှစ်ခုစလုံးကို သူဌေးများဟု ခေါ်ဆိုနိုင်သော်လည်း သူတို့ချင်း တူညီနိုင်မည်လော။</p> <p>ထိုနည်းတူပင် လူတွေကြား ကွာခြားချက်က လူနှင့် ခွေးကြားက ကွာခြားချက်ထက်တောင် ပိုကြီးမားလေ့ ရှိသည်။</p> <p>ဤသည်မှာ ရွေးချယ်စရာများကြားရှိ ကွာခြားချက်ပင် ဖြစ်တော့သည်။</p> <p>ချင်ဟန်၏ ခန့်မှန်းချက် အရဆိုလျှင် ရွေးချယ်စရာ တစ်ခုကို ရွေးချယ်ပြီးနောက် ရမှတ် မည်မျှ သုံးစွဲမည်ကို ထပ်မံ ရွေးချယ်ရမည် ဖြစ်သည်။</p> <p>ရမှတ်များများ သုံးလေလေ ကိုယ်ပိုင် အထောက်အထားက ပိုကောင်းလေလေ ဖြစ်ပေလိမ့်မည်။</p> <p>ထိုသို့ အလုပ်လုပ်ပုံ ရ၏။</p> <p>သို့သော် ယခုအချိန်တွင်မူ ချင်ဟန်တွင် ရွေးချယ်စရာ သိပ်မရှိချေ။</p> <p>သူ့ထံတွင် ရမှတ် တစ်မှတ်မျှပင် မရှိတော့သဖြင့် ဘာမှ သိပ်လုပ်၍ မရတော့ပေ။</p> <p>လောလောဆယ် သူ ရွေးချယ်နိုင်သည်မှာ ရမှတ် မလိုသော ကိုယ်ပိုင် အထောက်အထားများသာ။</p> <p>ထို့ကြောင့် ရွေးချယ်စရာများကို အကြမ်းဖျင်း ကြည့်ရှုလိုက်ပြီး သာမန် မိသားစု ရွေးချယ်မှုကိုသာ အာရုံစိုက်လိုက်တော့သည်။</p> <p>"အတည်ပြုမယ်..."</p> <p>ရွေးချယ်ပြီးသည်နှင့် ရွေးချယ်စရာများ အားလုံး ပျောက်ကွယ်သွားပြီး စာကြောင်း တစ်ကြောင်း ထွက်ပေါ်လာ၏။</p> <p>"သင် ပေါင်းထည့်လိုသော ပါရမီများကို ကျေးဇူးပြု၍ ရွေးချယ်ပါ..."</p> <p>ထိုနောက်တွင်တော့ နောက်ထပ် ရွေးချယ်စရာများ ချင်ဟန် မျက်စိရှေ့ ထပ်မံ ထွက်ပေါ်လာပြန်သည်။</p> <p>မှော်ဆရာ ပါရမီ</p> <p>သင့်တွင် မှော်ဆရာ တစ်ယောက် ဖြစ်လာရန် ပါရမီ ရှိသည်။ ဆိုလိုသည်မှာ မှော်ဆရာ ဖြစ်လာရန် အရည်အချင်း ရှိနေခြင်း ဖြစ်သည်။</p> <p>လဲလှယ်ရန် လိုအပ်သော ရမှတ် - ၁,၀၀၀ မှ ၁၀၀,၀၀၀ အထိ။</p> <p>သူရဲကောင်း ပါရမီ</p> <p>သင့်တွင် သူရဲကောင်း တစ်ယောက် ဖြစ်လာရန် ပါရမီ ရှိသည်။ ဤအရာက သင့်တွင် သက်စောင့်စွမ်းအင် ရှိ၊ မရှိ ဆုံးဖြတ်ပေးမည် ဖြစ်ပြီး သူရဲကောင်း တစ်ယောက် ဖြစ်လာရန် အရည်အချင်း ပေးစွမ်းမည် ဖြစ်သည်။</p> <p>လဲလှယ်ရန် လိုအပ်သော ရမှတ် - ၁၀၀ မှ ၁၀,၀၀၀ အထိ။</p> <p>မှတ်ဉာဏ် ပါရမီ</p> <p>သင့်တွင် သာမန်လူများထက် သာလွန်သော ထူးကဲသည့် မှတ်ဉာဏ် ရှိသည်။</p> <p>လဲလှယ်ရန် လိုအပ်သော ရမှတ် - ၁၀ မှ ၁,၀၀၀ အထိ။</p> <p>ခန္ဓာကိုယ် ပါရမီ</p> <p>သင့်တွင် ထူးကဲသော ခန္ဓာကိုယ် ဖွဲ့စည်းပုံ ရှိသည်။ သင့်ခန္ဓာကိုယ်မှာ ငယ်စဉ်ကတည်းက သန်မာနေမည် ဖြစ်ပြီး သာမန်လူများထက် သာလွန်နေလိမ့်မည်။</p> <p>လဲလှယ်ရန် လိုအပ်သော ရမှတ် - ၁၀ မှ ၁၀၀ အထိ။</p> <p>...</p> <p>ထိုးထွင်း နားလည်နိုင်စွမ်း ပါရမီ</p> <p>သင့်တွင် ထူးကဲသော နားလည်နိုင်စွမ်း များ ရှိသည်။ သင်သည် ငယ်စဉ်ကတည်းက လေ့လာ သင်ယူရာတွင် ကျွမ်းကျင်လိမ့်မည် ဖြစ်ပြီး အရာဝတ္ထု အမျိုးမျိုး အပေါ် ကြီးမားသော နားလည်နိုင်စွမ်း များ ရှိနေလိမ့်မည်။</p> <p>လဲလှယ်ရန် လိုအပ်သော ရမှတ် - ၁၀ မှ ၁၀,၀၀၀ အထိ။</p> <p>...</p> <p>ရွေးချယ်စရာ မျိုးစုံက ချင်ဟန် မျက်စိရှေ့တွင် နောက်တစ်ကြိမ် ထွက်ပေါ်လာလေပြီ။</p> <p>"အားလုံးက တော်တော်လေး ကောင်းပုံရတယ်... နှမြောစရာပဲ..."</p> <p>ချင်ဟန်က ဈေးနှုန်းများကို ကြည့်ရင်း နှုတ်ခမ်းထောင့်များ တွန့်ကွေးသွား၏။</p> <p>သူက ဤရွေးချယ်စရာများကို ကျော်သွားရန် တုံ့ဆိုင်းမနေတော့ချေ။</p> <p>ထိုနောက်တွင်တော့ ရွေးချယ်စရာများ ပျောက်ကွယ်သွားပြီး ရွေးချယ်မှု အသစ်တစ်ခု ထွက်ပေါ်လာသည်။</p> <p>"သင်၏ စတင်ချိန်ကို ကျေးဇူးပြု၍ ရွေးချယ်ပါ..."</p> <p>ဤတစ်ကြိမ် ရွေးချယ်ရမည်မှာ အချိန်ပင်။</p> <p>ပုံသေ သတ်မှတ်ထားသော အသက်မှာ အသက် ၂၀ အရွယ် ဖြစ်ပုံရသည်။</p> <p>ချင်ဟန်က ရွေးချယ်မှုကို ကြည့်လိုက်၏။</p> <p>သူက အချိန်ကို ထိန်းချုပ်နိုင်ပုံ ပေါ်သည်။ စောလေလေ ရမှတ် ပိုလိုလေလေပင်။</p> <p>အသက် ၂၀ မှ စတင်ကာ နောက်ပြန်ဆုတ်မည့် နှစ်တစ်နှစ်စီ အတွက် ရမှတ် ဆယ်မှတ် လိုအပ်သည်။</p> <p>"ဒီလိုဆို ငါက မွေးကင်းစ ကလေး ဘဝကနေ စချင်ရင် ရမှတ် ၂၀၀ ရင်းနှီးမြှုပ်နှံဖို့ လိုတာပေါ့..."</p> <p>ချင်ဟန်က စိတ်ထဲတွင် တွေးတောရင်း ဤကောက်ချက်ချလိုက်မိသည်။</p> <p>...</p> <p>သို့သော် လက်ရှိ အခြေအနေအရ သိပ်စဉ်းစားနေစရာ မလိုသဖြင့် စတင်မည့် အသက်ကို ၂၀ အရွယ်သာ ရွေးချယ်လိုက်တော့သည်။</p> <p>မည်သို့ပင်ဖြစ်စေ ယခုအချိန်တွင် သူ့ထံ၌ ဘာမှ မရှိသည် မဟုတ်ပါလား။</p> <p>အသက်ကို ရွေးချယ်ပြီးနောက် မျက်နှာပြင် ပျောက်ကွယ်သွားသည်။</p> <p>ရွှေရောင် အလင်းတန်းများ မျက်စိရှေ့တွင် ထွက်ပေါ်လာပြီး သူ့အမြင်အာရုံကို လွှမ်းခြုံသွား၏။</p> <p>ချင်ဟန်က ခေါင်းမော့၍ အရှေ့သို့ ကြည့်လိုက်သည်။ သူ့ရှေ့တွင် ရွှေရောင် တံခါးတစ်ချပ် ပွင့်လာပြီး သူ့ကို စုပ်ယူသွားသကဲ့သို့ ခံစားလိုက်ရသည်။</p> <p>...</p> <p>အမှောင်ထု၊ ရှုပ်ထွေးမှုများ။</p> <p>အပေါ်ဘက်ဆီမှ မှုန်ဝါးဝါး ခံစားချက် တစ်ခု ထွက်ပေါ်လာသည်။</p> <p>ချင်ဟန် နိုးလာပြီး တဖြည်းဖြည်း အသိစိတ် ပြန်ဝင်လာ၏။</p> <p>သူ အပြည့်အဝ သတိရလာချိန်တွင်တော့ သူရောက်နေသည့် နေရာက ပြောင်းလဲသွားကြောင်း တွေ့လိုက်ရသည်။</p> <p>သူ့ရှေ့တွင် မှိုင်းညို့နေသော တောအုပ်တစ်ခု ရှိနေသည်။ သူ့ပတ်လည်တွင် သစ်ပင်ကြီးများ ရှိနေပြီး အချိန်ကြာမြင့်စွာ တည်ရှိနေခဲ့ပုံ ပေါ်သည်။</p> <p>သူ့လက်ထဲတွင် လေးတစ်လက် ကိုင်ထားပြီး အဝေးသို့ ချိန်ရွယ်နေသကဲ့သို့ပင်။</p> <p>"ဒါက..."</p> <p>သူ့လက်ထဲရှိ လေးကို ကြည့်ရင်း အံ့အားသင့်သွားမိသည်။</p> <p>လွန်ခဲ့သော အခိုက်အတန့်က သူက နွေးထွေးသော အခန်းထဲတွင် ရှိနေခဲ့ခြင်း မဟုတ်ပါလား။ မျက်တောင် တစ်ခတ် အတွင်းမှာပင် သူစိမ်းပြင်ပြင် ဖြစ်နေသော တောအုပ်တစ်ခုထဲ ရောက်လာခဲ့လေပြီ။</p> <p>ထိုနောက်တွင်တော့ များပြားလှသော မှတ်ဉာဏ်များက သူ့ခေါင်းထဲ စတင် ထွက်ပေါ်လာတော့သည်။</p> <p>ဆော်လို၊ အသက် ၂၀၊ ဆာလို ဒေသရှိ သာမန် မုဆိုးတစ်ယောက်။</p> <p>ချင်ဟန် အတွက်တော့ ဤမှတ်ဉာဏ်များနှင့် သူ့ကိုယ်ပိုင် မှတ်ဉာဏ်များ ကြားတွင် အတားအဆီး တစ်ခု ရှိနေသော်လည်း အနည်းငယ် မှုန်ဝါးနေ၏။</p> <p>"ဒါက သရုပ်ဖော် စနစ်ရဲ့ ပုံစံလား..."</p> <p>ချင်ဟန် ခေါင်းကို ကိုင်ထားရင်း အချိန်အတော်ကြာမှသာ ပြန်လည် သတိဝင်လာခဲ့သည်။</p> <p>လက်ရှိ ကိုယ်ပိုင် အထောက်အထားနှင့် အသားကျသွားပြီးနောက် ပတ်ဝန်းကျင်ကို ဝေ့ဝဲကြည့်လိုက်၏။</p> <p>သူ့ရှေ့တွင် ရမှတ် မျက်နှာပြင် ရှိနေဆဲပင်။ ယခုအခါ စာလုံး အနည်းငယ် ထပ်တိုးလာပြီး သူက သရုပ်ဖော် စနစ်ထဲ ရောက်နေကြောင်း ဖော်ပြနေသည်။</p> <p>လောလောဆယ် သူက သရုပ်ဖော် စနစ် အတွင်း၌ ရှိနေခြင်း ဖြစ်သည်။</p> <p>သို့သော် သူ ဆန္ဒရှိသရွေ့ အချိန်မရွေး သရုပ်ဖော် စနစ်ထဲမှ ထွက်ခွာပြီး သူ့ကိုယ်ပိုင် လောကဆီသို့ ပြန်သွားနိုင်စွမ်း ရှိ၏။</p> <p>တစ်ချိန်တည်းမှာပင် သရုပ်ဖော် စနစ်ထဲတွင် အချိန် မည်မျှပင် ကုန်လွန်သွားပါစေ လက်တွေ့ လောကတွင်တော့ အခိုက်အတန့်လေး တစ်ခုသာ ကုန်ဆုံးသွားမည် ဖြစ်သည်။</p> <p>ဤအရာများကို နားလည်သွားပြီးနောက် ချင်ဟန်မှာ ပိုစိတ်သက်သာရာ ရသွားပြီး ယုံကြည်မှုလည်း ပိုရှိလာခဲ့သည်။</p> <p>သူ အကြောက်ဆုံး အရာမှာ အပြင်လောကသို့ ပြန်ရောက်သွားချိန်တွင် သူ့ခန္ဓာကိုယ်ကြီး ငတ်မွတ်ပြီး သေဆုံးနေမည်ကို တွေ့ရမှာကိုပင်။</p> <p>ဤကဲ့သို့သော အရာမျိုး ဖြစ်လာမည် မဟုတ်သဖြင့် သူ ကြောက်စရာ ဘာမှ မရှိတော့ချေ။</p> <p>ချင်ဟန်က ထိုနေရာတွင် ရပ်ရင်း တိတ်ဆိတ်စွာ တွေးတောနေလိုက်သည်။</p> <p>သူက မုဆိုးတစ်ယောက် ဖြစ်ပြီး သူရောက်နေသည့် ဒေသကို ဆာလိုဟု ခေါ်သည်။</p> <p>သူက ဤနေရာ၌ မုဆိုး မိသားစု တစ်ခုတွင် မွေးဖွားလာခဲ့ခြင်း ဖြစ်သည်။ ဖခင်ဖြစ်သူမှာ ထူးချွန်သော မုဆိုးတစ်ယောက် ဖြစ်ခဲ့သော်လည်း ယခုအခါ အသက်ကြီးလာပြီ ဖြစ်၍ ခွန်အား သိပ်မရှိတော့ချေ။</p> <p>ဆော်လိုသည်လည်း ထူးချွန်သော မုဆိုးတစ်ယောက်ပင်။ သူက အသက် သိပ်မကြီးသေးသော်လည်း သူ့ခေတ်သူ့အခါတွင် အတော်လေး နာမည်ကြီးသူ ဖြစ်သည်။</p> <p>သူ့ ကိုယ်ပိုင် အထောက်အထားကို အတည်ပြုပြီးနောက် ချင်ဟန်က ဤနေရာမှ ထွက်ခွာလာခဲ့သည်။ သူက မှတ်ဉာဏ်များထဲရှိ လမ်းအတိုင်း လိုက်ကာ အိမ်သို့ ပြန်လာခဲ့၏။</p> <p>မှတ်ဉာဏ်များထဲတွင် ရှိနေသည့်အတိုင်း ဘဝကို စတင် ဖြတ်သန်းတော့သည်။</p> <p>အတိတ်က ဆော်လို သကဲ့သို့ပင် သူက ဤဒေသတွင် နေထိုင်လေသည်။ သူ လုပ်ဆောင်သည့် အရာများနှင့် ဆော်လို လုပ်ဆောင်မည့် အရာများကြားတွင် သိပ်ပြီး ကွာခြားချက် မရှိချေ။</p> <p>အဓိက ကွာခြားချက်မှာ အတိတ်က ဆော်လိုနှင့် နှိုင်းယှဉ်လျှင် ပတ်ဝန်းကျင်တွင် လူသူကင်းမဲ့နေချိန်၌ ထူးဆန်းသော လှုပ်ရှားမှု အချို့ကို လုပ်ဆောင်ကာ ခန္ဓာကိုယ်ကို အဆက်မပြတ် လေ့ကျင့်နေခြင်းပင်။</p> <p>ဤထူးဆန်းသော လှုပ်ရှားမှုများကို ချင်ဟန်၏ လောကတွင် နာမည် တစ်ခု ပေးထားပြီး ၎င်းကို အခြေခံ ခန္ဓာကိုယ် ကျင့်စဉ်ဟူ၍ ခေါ်ဆိုကြလေသည်။</p> <p> </p> <p> </p> <p> </p> <p style="text-align: center;">***</p>


Save