Book List

<h2 style="text-align: center;">အခန်း  ၃</h2> <h2 style="text-align: center;">အချိန်ကာလ</h2> <h2 style="text-align: center;">*</h2> <p> </p> <p> </p> <p><br /> အချိန်များ တဖြည်းဖြည်း ကုန်လွန်လာပြီး ချင်ဟန် သတိမထားမိခင်မှာပင် ငါးနှစ်တာ အချိန်ကာလ ကုန်ဆုံးသွားခဲ့လေပြီ။</p> <p>ထိုငါးနှစ် အတွင်း ချင်ဟန်၏ ဂုဏ်သတင်းက ဒေသတွင်း၌ ပို၍ ပို၍ ကြီးမားလာခဲ့ပြီး မကြာမီမှာပင် လူအများ သိရှိလာကြတော့သည်။</p> <p>သူက ဤဒေသတွင် အကျော်ကြားဆုံး မုဆိုးတစ်ယောက် ဖြစ်ပြီး ကြီးမားသော ကျွမ်းကျင်မှုများ ပိုင်ဆိုင်ထားကြောင်း လူအများစု သိထားကြသည်။</p> <p>သေချာသည်က ဤသည်မှာ ခန္ဓာကိုယ် ကျင့်စဉ်ကြောင့် ဖြစ်ပေါ်လာရခြင်းပင်။</p> <p>လက်တွေ့ လောကတွင် ခန္ဓာကိုယ် ကျင့်စဉ်က အခြေခံ သိုင်းပညာ တစ်ခုသာ ဖြစ်သော်လည်း ၎င်းမှာ စစ်မှန်သော ခန္ဓာကိုယ် ကျင့်စဉ် တစ်ခု ဖြစ်သည်။</p> <p>ယခင်က လေ့ကျင့်မှု များများစားစား မလုပ်ခဲ့ဖူးသူများ အတွက် ဤကဲ့သို့သော ခန္ဓာကိုယ် ကျင့်စဉ်မျိုးက ကြီးမားသော အကျိုးသက်ရောက်မှု ရှိလှသည်။</p> <p>လွန်ခဲ့သော ငါးနှစ် အတွင်း ချင်ဟန် တစ်ယောက် ထူးချွန်သော မုဆိုး တစ်ယောက် ဖြစ်လာခဲ့ရခြင်းမှာ ခန္ဓာကိုယ် ကျင့်စဉ်ကြောင့်သာ။</p> <p>ငါးနှစ်တာ ကာလအတွင်း သူက ခန္ဓာကိုယ် ကျင့်စဉ်၏ ထက်ဝက်ကျော်ကိုသာ သီသီလေး ပြီးမြောက်ခဲ့သည်။ သို့တိုင် လက်တွေ့ လောက၏ စံနှုန်းများ အရဆိုလျှင် ဤသည်မှာ အတော်လေး အထင်ကြီးစရာ ကောင်းလှ၏။</p> <p>အနည်းဆုံးတော့ ချင်ဟန်၏ အတန်းထဲတွင် သူက သေချာပေါက် နံပါတ်တစ် ဖြစ်နေပေလိမ့်မည်။</p> <p>သေချာသည်က ဤအရာမှာ အချိန်ကြာနှင့်အမျှ တစိုက်မတ်မတ် လုပ်ဆောင်ခဲ့သည့် အကျိုးကျေးဇူးများသာ ဖြစ်ပြီး သူ့အလိုလို အံ့ဩဖွယ်ရာ ဖြစ်လာခြင်းမျိုးတော့ မဟုတ်ပေ။</p> <p>မည်သို့ပင်ဖြစ်စေ သူ့အတွေ့အကြုံများနှင့် တွဲဖက်၍ ငါးနှစ် အချိန်ပေးခဲ့ရသည် ဖြစ်ရာ ဤအဆင့်သို့ မရောက်လျှင်သာ ထူးဆန်းနေပေလိမ့်မည်။</p> <p>သို့တိုင် ခန္ဓာကိုယ် ကျင့်စဉ်ကို အပြည့်အဝ တတ်မြောက်ရန်မူ များစွာ လိုအပ်နေသေး၏။</p> <p>အကယ်၍ သူသာ အပြည့်အဝ တတ်မြောက်ချင်ပါက အနည်းဆုံး နောက်ထပ် သုံးလေးနှစ်ခန့် အချိန်ယူရဦးမည်ဟု ချင်ဟန် ခံစားမိသည်။</p> <p>"အသက် ၁၈ နှစ် မပြည့်ခင် ခန္ဓာကိုယ် ကျင့်စဉ်ကို အပြည့်အဝ တတ်မြောက်သွားတဲ့ ဘီလူးကောင်တွေက ဘယ်လိုများ လုပ်ခဲ့ကြတာလဲ မသိဘူး..."</p> <p>သူ့ တိုးတက်မှုကို အတည်ပြုပြီးနောက် ချင်ဟန် အတော်လေး ဆွံ့အသွားမိသည်။</p> <p>လူများကြား ကွာခြားချက်က တစ်ခါတရံ ခွေးနှင့်လူကြား ကွာခြားချက်ထက်ပင် ပိုကြီးမားနေသည် ဆိုသည်ကား သူ ယခုမှ အတည်ပြုနိုင်တော့သည်။</p> <p>အချိန်ကို တွက်ချက်ကြည့်ပြီးနောက် ဤနှစ်မှာ သူ သရုပ်ဖော် စနစ်ထဲ ရောက်နေသည့် ငါးနှစ်မြောက် ဖြစ်သည်။</p> <p>ဤနှစ်တွင် မူလက အေးချမ်းနေခဲ့သော တောင်ပေါ်ရွာလေးမှာ အပြောင်းအလဲ အချို့ စတင် ဖြစ်ပေါ်လာခဲ့၏။</p> <p>"မင်းက ဒီမှာ နာမည် အကြီးဆုံး မုဆိုးလား..."</p> <p>အရပ်ရှည်ရှည် လူငယ် တစ်ယောက်က ချင်ဟန် ရှေ့တွင် ရပ်ကာ လှမ်းကြည့်လာသည်။ သူ့အကြည့်များကို ထောက်ရှုလျှင် ချင်ဟန်ကို အကဲခတ်နေပုံ ပေါ်သည်။</p> <p>"မင်္ဂလာပါ သခင်လေး..."</p> <p>ချင်ဟန်၏ အမူအရာက အလွန် တည်ငြိမ်နေ၏။ ထိုလူငယ်၏ ဝတ်စားဆင်ယင်မှုကို ကြည့်ပြီးနောက် သူ့ မျက်နှာပေါ်တွင် ရိုသေသော အမူအရာများ ထွက်ပေါ်လာကာ... "ကျွန်တော် ဘာများ ကူညီပေးရမလဲ..."</p> <p>ဤလူငယ်က အရည်အသွေး ကောင်းမွန်သော အနီရောင် ဝတ်ရုံ ဝတ်ဆင်ထားပြီး သူ့ခါးတွင် အလှဆင်ထားသည့် ဓားတိုတစ်လက်ကို ချိတ်ဆွဲထားသည်။</p> <p>ဤဒေသတွင် မှူးမတ်များသာ အနီရောင် ဝတ်ဆင်ခွင့် ရှိပြီး ထိုအလှဆင် ဓားတိုမှာလည်း သာမန် မိသားစုများ ပိုင်ဆိုင်နိုင်သည့် အရာမျိုး မဟုတ်ပေ။</p> <p>ဤလူငယ်က ချမ်းသာပြီး အဆင့်အတန်း မြင့်မားသူ ဖြစ်ကြောင်း ထင်ရှားနေသည်။ မှူးမတ် တစ်ဦး ဖြစ်ရန် အလွန် သေချာသလောက်ပင်။</p> <p>"ငါနဲ့ ငါ့လူတွေက ဒီတောင်ပေါ်မှာ သမင်ဖြူ တစ်ကောင် ဖမ်းချင်လို့..."</p> <p>လူငယ်က ချင်ဟန်၏ လိမ္မာပါးနပ်မှုနှင့် ရိုသေကျိုးနွံမှု အပေါ် အတော်လေး သဘောကျသွားပုံ ရပြီး...</p> <p>"ဆုကြေး အနေနဲ့ မင်းကို ငွေ အများကြီး ပေးမယ်..."</p> <p>ထိုစကား ကြားလျှင် ချင်ဟန်၏ မျက်လုံးများ တောက်ပလာတော့သည်။</p> <p>"သခင်လေးကို ကူညီခွင့် ရတာ ကျွန်တော့် အတွက် ဂုဏ်ယူစရာပါ..."</p> <p>ထိုလူငယ်ကို ရိုသေသော အကြည့်ဖြင့် ကြည့်ရင်း ညင်သာစွာ ပြောလိုက်၏။</p> <p>ထိုနောက်တွင်တော့ သူက လူငယ်နှင့် သူ့အစောင့် နှစ်ယောက်ကို တောင်ပေါ်သို့ ဦးဆောင် ခေါ်သွားတော့သည်။</p> <p>လမ်းလျှောက်နေစဉ် ချင်ဟန်က ထိုလူငယ်အား လုပ်ကြံရန် ဖြစ်နိုင်ချေ ရှိ၊ မရှိ စဉ်းစားနေမိသည်။</p> <p>အစောပိုင်းက သူက ထိုလူငယ်နှင့် စကားစမြည် ပြောခဲ့ပြီး လူငယ်မှာ သူ့အပေါ် သိပ်ပြီး သတိထားနေပုံ မပေါ်သောကြောင့် အချက်အလက် အချို့ကို ရရှိခဲ့သည်။</p> <p>ထိုလူငယ်၏ နာမည်မှာ ဆော်ရန်ဒို ဖြစ်ပြီး ဤဒေသရှိ သူရဲကောင်း တစ်ဦး၏ သားပင်။</p> <p>သူ ဤနေရာသို့ လာရခြင်း အကြောင်းရင်းမှာ မိခင်ဖြစ်သူ၏ မွေးနေ့ အတွက် အထူး လက်ဆောင် တစ်ခု ရှာဖွေလိုသောကြောင့် ဖြစ်သည်။</p> <p>သူရဲကောင်း တစ်ဦး၏ သား ဖြစ်သောကြောင့် သူရဲကောင်း ကျင့်စဉ် နည်းလမ်း အချို့ကို သိရှိထားရန် အလွန် ဖြစ်နိုင်ချေ များပြီး မသိလျှင်တောင် အနည်းဆုံး အခြေခံ သိုင်းပညာ အချို့ကိုတော့ သိထားပေလိမ့်မည်။</p> <p>လမ်းတစ်လျှောက်တွင် ချင်ဟန်က သူ့ကို စမ်းသပ်ကြည့်ပြီး ဖြစ်သည်။</p> <p>ဆော်ရန်ဒို၏ ဖခင်မှာ သူရဲကောင်း တစ်ဦး ဖြစ်သော်လည်း သူ့ခွန်အားမှာ သိပ်ပြီး ကြီးမားလှသည် မဟုတ်ချေ။ လမ်းလျှောက်လာသည်မှာ အချိန်တိုလေးသာ ရှိသေးသော်လည်း သူက အနည်းငယ် မောဟိုက်နေလေပြီ။ အခြေအနေများကို ကြည့်ရသလောက် ထိုသူမှာ သိပ်ပြီး သန်မာပုံ မပေါ်ပေ။</p> <p>ဆော်ရန်ဒို၏ ခန္ဓာကိုယ် ဖွဲ့စည်းပုံကို ကြည့်ရလျှင် သူရဲကောင်း လေ့ကျင့်မှု များများစားစား ရထားပုံ မပေါ်သလို နက်နဲသော သူရဲကောင်း အသက်ရှူ ကျင့်စဉ်များကိုလည်း သိထားပုံ မရချေ။</p> <p>အကယ်၍ သူတို့သာ တိုက်ခိုက်ကြမည် ဆိုလျှင် ချင်ဟန် အနေဖြင့် သူ့ကို လျင်မြန်စွာ အနိုင်ယူနိုင်မည်ဟု ယုံကြည်မှု ရှိသည်။</p> <p>ဒါပေမဲ့...</p> <p>ချင်ဟန်က ဆော်ရန်ဒို ဘေးရှိ လူများကို ကြည့်ကာ ထိုအတွေးကို လက်လျှော့လိုက်သည်။</p> <p>ဆော်ရန်ဒို၏ ခွန်အားက သာမန်သာ ဖြစ်သော်လည်း သူ့အစောင့် နှစ်ယောက်မှာ လုံးဝ သာမန် မဟုတ်ပေ။</p> <p>သူ တစ်ယောက်တည်းနှင့် ထိုသူများ အားလုံးကို ဖြေရှင်းနိုင်မည် မဟုတ်လောက်ချေ။</p> <p>စဉ်းစားကြည့်ပြီးနောက် ချင်ဟန်က သူတို့ကို မတိုက်ခိုက်ရန် ဆုံးဖြတ်လိုက်၏။</p> <p>သူတို့ လမ်းလျှောက်နေစဉ် သူက ရိုသေသော အမူအရာကို ထိန်းသိမ်းထားပြီး ဤတောအုပ်ထဲတွင် ဖြစ်ပျက်ခဲ့သော အကြောင်းအရာများ ပြောပြရာ တစ်ခါတစ်ရံ ဆော်ရန်ဒိုအား ကျယ်လောင်စွာ ရယ်မောစေခဲ့သည်။ အခြေအနေ အရဆိုလျှင် သူက ချင်ဟန် အပေါ် အတော်လေး သဘောကျနေပုံ ပေါ်သည်။</p> <p>သမင်ဖြူနှင့် ပတ်သက်၍မူ ချင်ဟန်က လျင်မြန်စွာ ရှာဖွေ တွေ့ရှိခဲ့သည်။</p> <p>ဤနေရာတွင် ငါးနှစ်တိုင်တိုင် နေထိုင်ခဲ့ပြီးနောက် ဤတောအုပ်က သူ့အိမ်လို ဖြစ်နေလေပြီ။ အရာအားလုံး မည်သည့် နေရာတွင် ရှိကြောင်း အတိအကျ သိထားသည်။</p> <p>ရက်အနည်းငယ် အတွင်းမှာပင် ဆော်ရန်ဒို တစ်ယောက် သူ လိုချင်သော အရာကို ရလာခဲ့၏။</p> <p>မထွက်ခွာမီ ဆော်ရန်ဒိုက သူ့ ကတိအတိုင်း ရွှေဒင်္ဂါး အိတ်တစ်အိတ်ကို ချင်ဟန်ရှေ့သို့ ပစ်ပေးလာသည်။</p> <p>သို့သော် ချင်ဟန်က ခေါင်းခါယမ်း၍ ငြင်းပယ်လိုက်သည်။</p> <p>"ဘာလို့ ငြင်းတာလဲ..." ဆော်ရန်ဒိုက နားမလည်နိုင်စွာဖြင့်… "မလောက်ဘူးလို့ ထင်နေတာလား..."</p> <p>"မဟုတ်ပါဘူး သခင်လေး... သခင်လေး ပေးတာ အရမ်း များနေလို့ပါ..."</p> <p>ချင်ဟန်က အသက်ပြင်းပြင်း တစ်ချက် ရှူသွင်းပြီး...</p> <p>"သခင်လေး ဆော်ရန်ဒို... သခင်လေးက ကျွန်တော် တွေ့ဖူးသမျှထဲမှာ အမွန်မြတ်ဆုံးနဲ့ အလေးစားရဆုံး လူတစ်ယောက်ပါ... သခင်လေးကို သိကျွမ်းခွင့် ရတာက ကျွန်တော့် အတွက် ဂုဏ်ယူစရာပါ... ကျွန်တော့် ဝန်ဆောင်မှု အတွက် ဆုကြေးကို ဘယ်လိုလုပ် ယူရဲပါ့မလဲ..."</p> <p>ဆော်ရန်ဒို တစ်ယောက် သူ့ကို အံ့အားသင့်စွာ စိုက်ကြည့်နေမိသည်။</p> <p>လူတစ်ယောက် မျက်နှာ ဘယ်လောက် ထူထူ သည်လောက်ဆိုရင်တော့ ရှက်သွားလောက်သည်။</p> <p>ပုံမှန်အားဖြင့် သူက သူရဲကောင်း တစ်ဦး၏ သားတစ်ယောက်သာ ဖြစ်ပြီး သူ့အဆင့်အတန်းက သာမန် လူတစ်ယောက်ထက် ပိုမြင့်မားသည့်တိုင်အောင် သိပ်ပြီး မြင့်မားလှသည်တော့ မဟုတ်ချေ။ ဤကဲ့သို့ အမွှမ်းတင် ခံရခြင်းမျိုး တစ်ခါမှ မကြုံဖူးခဲ့ပေ။</p> <p>ထို့အပြင် သူ့ကို ဤကဲ့သို့ အမွှမ်းတင် နေသူမှာ သာမန် လူတစ်ယောက် မဟုတ်ဘဲ အလွန် ကျွမ်းကျင်ပြီး အစွမ်းထက်သော မုဆိုးတစ်ယောက် ဖြစ်နေသည် မဟုတ်ပါလား။</p> <p>"မင်း... မင်း အရမ်း ချဲ့ကား နေပါပြီ..."</p> <p>သူ့မျက်နှာ ရဲတက်သွားပြီး မည်သို့ ပြန်ပြောရမည်ကို စဉ်းစားနေစဉ်မှာပင် ချင်ဟန်က အရင် စကားဆိုလာသည်။</p> <p>"သခင်လေးသာ စိတ်မရှိဘူးဆိုရင်... သခင်လေးရဲ့ အသစ္စာရှိဆုံး နောက်လိုက် တစ်ယောက်၊ သခင်လေး လက်ထဲက ဓားတစ်လက် ဖြစ်ဖို့ ကျွန်တော် ဆန္ဒရှိပါတယ်..."</p> <p>ချင်ဟန်က ဒူးတစ်ဖက် ထောက်လိုက်ပြီး ရိုးသားစွာဖြင့်...</p> <p>"သခင်လေးလို မွန်မြတ်တဲ့ လူတစ်ယောက်က ကျွန်တော့် ဘဝ တစ်သက်တာ အတွက် စံပြပါပဲ... ကျေးဇူးပြုပြီး သခင်လေးကို အလုပ်အကျွေး ပြုခွင့်ပေးပါ... သခင်လေးရဲ့ အတားအဆီး တွေ အားလုံးကို ရှင်းလင်းပေးပါရစေ..."</p> <p>"ဒါက..." ဆော်ရန်ဒို ခဏတာ ကြောင်အမ်းသွားပြီးနောက် အံ့ဩတကြီးဖြင့်...</p> <p>"မင်းက ငါ့နောက်ကို လိုက်ချင်တာလား..."</p> <p>ဤလောကတွင် လူတစ်ယောက်နောက် လိုက်ပြီး သစ္စာစောင့်သိခြင်း ဆိုသည်မှာ ပေါ့ပေါ့တန်တန် ပြော၍ရသော ကိစ္စမျိုး မဟုတ်ချေ။</p> <p>တစ်စုံတစ်ယောက် အနေဖြင့် အခြားသူ တစ်ဦးအား သစ္စာခံရန် ရွေးချယ်လိုက်သည်နှင့် သူတို့က တစ်သက်လုံး သစ္စာဖောက်၍ မရတော့ပေ။ အကယ်၍ ဖောက်ဖျက်ခဲ့ပါက လူတိုင်း၏ ကျဉ်ခြင်းကို ခံရပေလိမ့်မည်။</p> <p>သေချာသည်က တစ်စုံတစ်ယောက်နောက် လိုက်ပြီး သစ္စာစောင့်သိခြင်း ဆိုသည်မှာ မှူးမတ်များ ဖန်တီးထားသော စည်းမျဉ်း တစ်ခုသာ။ ချင်ဟန် ကဲ့သို့သော သာမန် လူတစ်ယောက် အတွက်ဆိုလျှင် ပုံမှန်အားဖြင့် မှူးမတ် တစ်ဦးနောက် လိုက်ရန် အခွင့်အရေးပင် မရှိချေ။</p> <p>သို့သော် လက်ရှိ အခြေအနေများက ယခင်ကနှင့် မတူတော့ပေ။ စစ်ပွဲ၏ ကစဉ့်ကလျား အခြေအနေများ အတွင်း ဓားဆွဲထုတ်နိုင်သော မည်သည့် စစ်သည်တော် မဆို ကြိုဆိုခြင်း ခံရမည် ဖြစ်သည်။</p> <p>ထို့အပြင် ဆော်ရန်ဒို မှာ အစစ်အမှန် မှူးမတ် တစ်ဦး မဟုတ်ချေ။</p> <p>သူက သူရဲကောင်း တစ်ဦး၏ သားသာ ဖြစ်သည်။</p> <p>ထို့ကြောင့် ချင်ဟန် ယခုလို ရုတ်တရက် သစ္စာခံလာခြင်းမှာ အလွန် ဆွဲဆောင်မှု ရှိလှသည်။</p> <p>သူက ချင်ဟန်၏ တောင့်တင်းပြီး အရပ်ရှည်သော ခန္ဓာကိုယ်ကို ကြည့်လိုက်ပြီး သားရဲများနှင့် တိုက်ခိုက်စဉ်က ရဲရင့်သော တိုက်ခိုက်မှု ပုံစံကို ပြန်လည် စဉ်းစားမိကာ ခေါင်းညိတ် လိုက်မိတော့သည်။</p> <p>ထိုသို့ဖြင့် ချင်ဟန် တစ်ယောက် ဆော်ရန်ဒို၏ နောက်လိုက် တစ်ယောက် ဖြစ်လာခဲ့လေပြီ။</p> <p>ဆော်ရန်ဒိုနောက် လိုက်ရန် ရွေးချယ်ပြီးနောက် ချင်ဟန်က သူ့မြို့လေးမှ ထွက်ခွာလာပြီး ဆော်ရန်ဒို ဖခင်၏ ပိုင်နက်ဆီသို့ ဦးတည် လာခဲ့သည်။</p> <p>ဤကိစ္စနှင့် ပတ်သက်၍ သူ့တွင် တုံ့ဆိုင်းနေစရာ ဘာအကြောင်းမှ မရှိချေ။</p> <p>ဆော်လို၏ မိခင်က ဖျားနာမှုကြောင့် ကွယ်လွန်သွားခဲ့သည်မှာ ကြာပြီ ဖြစ်ပြီး ဖခင်ဖြစ်သူမှာလည်း လွန်ခဲ့သော နှစ်နှစ်ခန့်က တုပ်ကွေးရောဂါဖြင့် ကွယ်လွန်သွားခဲ့သည်။</p> <p>သူက တစ်ကောင်ကြွက် ဖြစ်ပြီး ဤနေရာတွင် သူ့ကို ချည်နှောင်ထားမည့် အရာ ဘာတစ်ခုမှ မရှိချေ။</p> <p>ဆော်ရန်ဒို၏ ဖခင်ကလည်း ချင်ဟန်ကို ကြိုဆိုခဲ့သည်။</p> <p>လတ်တလောတွင် စစ်သည် အင်အား ရှားပါးနေပြီး ချင်ဟန် ကဲ့သို့သော ရဲရင့်သည့် စစ်သည်များ ဆိုသည်မှာ မည်မျှပင် များပြားနေပါစေ လုံလောက်သည်ဟူ၍ မရှိပေ။</p> <p>အထူးသဖြင့် ချင်ဟန်၏ စွမ်းဆောင်ရည်များကို မြင်တွေ့ပြီးနောက်တွင် ပို၍ပင် သဘောကျသွားတော့သည်။ သူ့ ကိုယ်ရံတော်များထက် မညံ့ကြောင်း မြင်တွေ့ရသောအခါ အလွန် ဝမ်းသာသွားခဲ့၏။</p> <p>သူရဲကောင်း တစ်ဦး၏ ပိုင်နက် ဆိုသည်မှာ အလကား ရလာခြင်း မဟုတ်ချေ။ သူတို့၏ ပိုင်နက်ကို ကာကွယ်ရန်နှင့် စစ်ပွဲဝင်သည့် အခါတိုင်း သူတို့အမိန့်အား နာခံရန် အစောင့်များနှင့် နောက်လိုက်များ မွေးမြူထားဖို့ လိုအပ်သည်။</p> <p>စစ်သည်တော်များကို မွေးမြူရန် ခက်ခဲသောကြောင့် ချင်ဟန် ကဲ့သို့သော ရဲရင့်သည့် စစ်သည်များ များများ ရှိလေလေ ပိုကောင်းလေလေပင်။</p> <p>ထိုသို့ဖြင့် ချင်ဟန် တစ်ယောက် ဆော်ရန်ဒို ဖခင်၏ ပိုင်နက်ထဲသို့ ဝင်ရောက်လာခဲ့တော့သည်။</p> <p>အချိန်များ တဖြည်းဖြည်း ကုန်လွန်လာပြီး မကြာမီမှာပင် နောက်ထပ် ငါးနှစ်တာ အချိန်ကာလ ကုန်ဆုံးသွားခဲ့လေပြီ။</p> <p>တစ်ညတွင် ဆော်ရန်ဒိုက ချင်ဟန်ကို သူ့အခန်းထဲသို့ ခေါ်လိုက်သည်။</p> <p>"ဆော်လို... ငါ့ညီ..."</p> <p>လွန်ခဲ့သော ငါးနှစ်ကနှင့် နှိုင်းယှဉ်လျှင် ဆော်ရန်ဒိုမှာ ငယ်ရွယ်ပုံ ရနေသေးသော်လည်း ပိုရင့်ကျက်လာပုံ ပေါ်သည်။</p> <p>လွန်ခဲ့သော နှစ်အနည်းငယ် အတွင်း ချင်ဟန်က ဆော်ရန်ဒို ဖခင်ထံတွင် ကောင်းမွန်စွာ အလုပ်အကျွေး ပြုခဲ့သော်လည်း ဆော်ရန်ဒိုနှင့်လည်း အဆက်အသွယ် မပြတ်ခဲ့ချေ။ သူတို့ နှစ်ယောက်မှာ အစကတည်းက ကောင်းမွန်သော ဆက်ဆံရေးကို ထိန်းသိမ်းထားနိုင်ခဲ့သည်။</p> <p>ယနေ့ကဲ့သို့ပင် သူတို့က ညဉ့်နက်ချိန်များတွင် မကြာခဏ တွေ့ဆုံ၍ စကားစမြည် ပြောလေ့ ရှိကြသည်။</p> <p>သို့သော် ဤတစ်ကြိမ်မှာတော့ ယခင်ကနှင့် မတူချေ။</p> <p>ကျယ်ဝန်းသော အခန်းထဲတွင် ဆော်ရန်ဒို တစ်ယောက်တည်း ထိုင်နေပြီး သူ့ အမူအရာ လှုပ်ခတ်သွားကာ...</p> <p>"ငါ မင်းကို ယုံကြည်လို့ ရမလား..."</p> <p>"သေချာပေါက် ရပါတယ် သခင်လေး..."</p> <p>ချင်ဟန် တုံ့ဆိုင်းမနေဘဲ ပြန်ဖြေလိုက်ပြီး ဒူးတစ်ဖက် ထောက်ကာ ပြတ်သားစွာဖြင့်...</p> <p>"အမိန့်တစ်ခွန်း ပေးလိုက်ရုံနဲ့... သခင်လေး အတွက် ကျွန်တော် ဘာမဆို လုပ်ပေးနိုင်ပါတယ်..."</p> <p>ချင်ဟန် တုံ့ဆိုင်းခြင်း မရှိသည်ကို မြင်လျှင် ဆော်ရန်ဒို စိတ်ထဲ သက်ပြင်း တစ်ချက် ချလိုက်မိပြီး ခဏတာ ရပ်တန့်ကာ...</p> <p>"ငါ မင်းရဲ့ အကူအညီ လိုအပ်တဲ့ ကိစ္စတစ်ခု ရှိတယ်..."</p> <p>"ငါ့အဖေက သိပ်ကြာကြာ ခံနိုင်တော့မှာ မဟုတ်ဘူး..."</p> <p>ခဏတာ ရပ်တန့်ပြီးနောက် သူ ဆက်ပြောလိုက်၏။</p> <p>"ဗျာ..."</p> <p>ချင်ဟန် ရပ်တန့်သွားပြီး အတော်လေး အံ့အားသင့်သွားသည်။</p> <p>ဆော်ရန်ဒို၏ ဖခင်၊ သူရဲကောင်း စီစီလီမှာ အစစ်အမှန် သူရဲကောင်း တစ်ဦးပင်။</p> <p>ဤလောက၏ စံနှုန်းများ အရ သူရဲကောင်း စီစီလီမှာ သူ ရဲကောင်း တစ်ဦး အဖြစ် ကောင်းမွန်သော လေ့ကျင့်မှုများ ရရှိထားပြီး ထိုအရာနှင့် လိုက်ဖက်သော ပါရမီများလည်း ရှိကာ သက်စောင့်စွမ်းအင်ကိုပါ နိုးထနိုင်ခဲ့သူ ဖြစ်သည်။</p> <p>ချင်ဟန် တစ်ယောက် သူရဲကောင်း စီစီလီကို မကြာသေးမီကမှ မြင်တွေ့ခဲ့ရသေးသည်။ သူက စစ်ပွဲမှ ပြန်လည် ရောက်ရှိလာပြီး အလွန်တရာမှ ခွန်အားကြီးမားပုံ ရနေခဲ့သည် မဟုတ်ပါလား။</p> <p>သူ သေတော့မည့် ပုံစံ လုံးဝ မပေါက်ချေ။</p> <p>ဆော်ရန်ဒိုက ချင်ဟန်၏ ရှုပ်ထွေးနေမှုကို ရိပ်မိပုံ ရပြီး ဆက်ပြောလာသည်။</p> <p>"သက်စောင့်စွမ်းအင်ကို အသုံးပြုတာက ခန္ဓာကိုယ်ထဲမှာ ပြဿနာများစွာ ဖြစ်ပေါ်စေပြီး သက်တမ်းကိုတောင် လျော့ကျစေနိုင်တယ်..."</p> <p>"ငါ့အဖေ... သူက..."</p> <p>စကားရပ်သွားပြီး နောက်တစ်ကြိမ် သက်ပြင်းချကာ ဆက်မပြောတော့ပေ။</p> <p>ဆော်ရန်ဒို ပြောချင်သည့် အဓိပ္ပာယ်ကို ချင်ဟန် နားလည်လိုက်သည်။</p> <p>သူ့ စုံစမ်းမှုများ အရ ဤနေရာရှိ သူရဲကောင်းများက သက်စောင့်စွမ်းအင်ဟု ခေါ်သော အရာကို အသုံးပြုကြသည်။</p> <p>သက်စောင့်စွမ်းအင်က သူရဲကောင်းများကို မယုံကြည်နိုင်လောက်အောင် အစွမ်းထက်စေသော်လည်း တစ်ချိန်တည်းမှာပင် သူတို့ ခန္ဓာကိုယ်အား ထိခိုက်စေပြီး သက်တမ်း လျော့ကျစေနိုင်သည်။</p> <p>ဆော်ရန်ဒို၏ ဖခင်၊ သူရဲကောင်း စီစီလီလည်း ထိုသို့ ဖြစ်သွားခဲ့ခြင်း ဖြစ်ပေလိမ့်မည်။</p> <p>"ငါ သိထားသလောက် ဆိုရင်... ငါ့အဖေက နောက်ထပ် နှစ်နှစ်ပဲ အချိန်ကျန်တော့တယ်..." ဆော်ရန်ဒို သက်ပြင်းချလိုက်ပြီး သူ့ အမူအရာမှာ မှိုင်းညို့သွားကာ...</p> <p>"ပြီးရင် ချာလီက ဒီပိုင်နက်ကို လွှဲယူပြီး အုပ်ချုပ်သူ အသစ် ဖြစ်လာလိမ့်မယ်..."</p> <p>ဆော်ရန်ဒို၏ ရည်ရွယ်ချက်ကို ချင်ဟန် ချက်ချင်း သဘောပေါက်သွားတော့သည်။</p> <p> </p> <p> </p> <p> </p> <p style="text-align: center;">***</p>


Save