Book List

<h2 style="text-align: center;">အခန်း ၁၅</h2> <h2 style="text-align: center;">အဖြူထည် မိန်းကလေး</h2> <h2 style="text-align: center;">*</h2> <p> </p> <p> </p> <p> </p> <p><br /> "ဒီလိုကိုး"</p> <p>လမ်းလျှောက်ရင်း လျူရီ ပြောသည်များကို နားထောင်ကာ ချင်ဟန် အတော်လေး အံ့အားသင့်သွားသည်။</p> <p>လျူရီက သူ့ကို လာရှာခြင်းမှာ ပြောစရာ တစ်ခုခု ရှိနေ၍ဟုသာ သူ ထင်မှတ်ထားခဲ့ခြင်းပင်။</p> <p>ဤသို့ ဖြစ်လာလိမ့်မည်ဟု လုံးဝ ထင်မထားခဲ့ချေ။ ထိုအကြောင်းကြောင့် သူ ဆွံ့အသွားရပြီး တချိန်လုံး စဉ်းစားနေခဲ့ရသော သူ့ ဦးနှောက်စွမ်းအင်များ အလဟဿ ဖြစ်သွားသလို ခံစားလိုက်ရသည်။</p> <p>ဤကမ္ဘာတွင် သိုင်းပညာများ ရှိနေသော်ငြား အစိုးရက ထိန်းချုပ်ထားသော စည်းကမ်းတကျရှိသည့် သာမန်ကမ္ဘာတစ်ခုသာ ဖြစ်သည်။ သရုပ်ဖော်ကမ္ဘာထဲက ကိစ္စရပ်မျိုး ဤနေရာတွင် ဖြစ်လာရန် အလားအလာ သိပ်မရှိလှပေ။</p> <p>သို့သော် သေချာ ပြန်စဉ်းစားကြည့်လျှင် ထိုသည်က ကောင်းမွန်သော ကိစ္စတစ်ခုပင်။</p> <p>ချင်ဟန်၏ မျက်နှာထားမှာ နွေးထွေးသွားပြီး စကားဆိုလာ၏။</p> <p>"ငါက အသေးအဖွဲလေး ကူညီပေးခဲ့တာပါ… ပြောပြနေစရာတောင် မလိုပါဘူး… ဘယ်သူပဲဖြစ်ဖြစ် သူတို့ဆီမှာသာ ခွန်အားရှိမယ်ဆိုရင် ဝင်ကူညီကြမှာချည်းပါပဲ"</p> <p>အန္တရာယ် ကြုံတွေ့ခဲ့ရသူမှာ သူ့ အစ်မအရင်း ဖြစ်ကြောင်းကိုတော့ ထည့်မပြောရန် သူ ဆုံးဖြတ်လိုက်သည်။</p> <p>လျူရီ၏ မျက်နှာပေါ်တွင် လေးစားမှု အရိပ်အယောင်များ ပေါ်လာပြီး တုံ့ပြန်လာသည်။ </p> <p>"အတန်းဖော်ချင်က တကယ်ကို သာမန်လူ မဟုတ်ဘူးပဲ… ဒီလိုမှတော့ မိစ္ဆာနှိမ်နင်းရေး ဗျူရိုကို အဲ့ဒီကိစ္စနဲ့ ပတ်သက်ပြီး ဘယ်လို ရှင်းပြပေးရမလဲ"</p> <p>ချင်ဟန် ခဏတာ တွေဝေသွားပြီး မည်သို့ ဖြေရမည်ကို မသိဖြစ်သွား၏။</p> <p>ပြောစရာပင် မလိုဘဲ အကယ်၍ သူသာ ဤကိစ္စကို ဝန်ခံလိုက်ပါက အကျိုးအမြတ်များစွာ ရရှိနိုင်ပြီး အစိုးရလူများ၏ အထူး ပျိုးထောင်ခြင်းကိုပင် ခံရနိုင်ချေ ရှိသည်။ သို့သော် နောင်တစ်ချိန်တွင် အနီးကပ် စောင့်ကြည့်ခံရနိုင်ပြီး သူ့ လွတ်လပ်ခွင့်နှင့် ပတ်သက်၍ ပြဿနာတချို့ ရှိလာနိုင်သည်။</p> <p>ထို့အပြင် အစိုးရက သူ့အား အချိန်မှန် စစ်ဆေးမှုများ သေချာပေါက် ပြုလုပ်လာမည် ဖြစ်ပြီး ထိုစစ်ဆေးမှုများမှာလည်း အသေးစိတ်ကျလှပေမည်။ ချင်ဟန်မှာ သရုပ်ဖော်ကမ္ဘာမှတဆင့် အလွန် လျင်မြန်စွာ ခွန်အားကြီးမားလာနိုင်သူ ဖြစ်ရာ အချိန်တန်လျှင် ပြဿနာတချို့ သေချာပေါက် ရှိလာနိုင်၏။</p> <p>ဒါ့အပြင်…</p> <p>သူ လျူရီကို ကြည့်၍ ပြုံးကာ ပြောလိုက်သည်။</p> <p>"မလိုပါဘူး… ငါက လုပ်သင့်လုပ်ထိုက်တာကို လုပ်ခဲ့တာမို့လို့ အပိုဆုလာဘ်တွေ မလိုအပ်ပါဘူး… ဒီဂုဏ်ကျက်သရေကို တခြားတစ်ယောက်ယောက် ယူလိုက်လို့ ရပါတယ်"</p> <p>ထိုစကား ကြားလျှင် လျူရီက ဘာမှဆက်မပြောတော့ဘဲ ချင်ဟန်အား ပို၍ပင် လေးစားသလို ကြည့်လာတော့သည်။</p> <p>မိစ္ဆာနှိမ်နင်းရေး ဗျူရိုမှ ဆုလာဘ်များမှာ အထင်သေး၍ရသည့် အရာများ မဟုတ်ချေ။ မိစ္ဆာနှိမ်နင်းရေး ဗျူရိုက သူ့ကိုသာ မျက်စိကျသွားပါက ကြီးကျယ်သော အကျိုးအမြတ်များ ရရှိနိုင်သည်။</p> <p>ဤအရာအားလုံးကို ဂရုမစိုက်သည့်အလား ချင်ဟန် တစ်ယောက် ပြတ်ပြတ်သားသား ငြင်းပယ်လိုက်နိုင်ခြင်းမှာ တကယ်ကို လေးစားထိုက်သည်။</p> <p>သို့တိုင် သူမက အိတ်ထဲမှ ကတ်တစ်ကတ်ကို တွေဝေခြင်းမရှိ ထုတ်ယူလိုက်ပြီး ကမ်းပေးလာ၏။ </p> <p>"တချို့အရာတွေကို နင် လက်မခံဘဲ ငြင်းဆန်ပိုင်ခွင့် ရှိပေမဲ့ တချို့အရာတွေကိုတော့ လက်ခံပေးဖို့ မျှော်လင့်ပါတယ်" သူမက ချင်ဟန်၏ လက်ထဲသို့ ကတ်ကို ထည့်ပေးရင်း လေးနက်စွာ ဆက်ပြောလိုက်သည်။</p> <p>"ဒါက မိစ္ဆာကို သတ်ဖြတ်ခဲ့သူအတွက် မိစ္ဆာနှိမ်နင်းရေး ဗျူရိုက ပေးတဲ့ ဆုငွေပဲ… ဒေါ်လာ ငါးသောင်းပါ… နင် လက်ခံပေးဖို့ မျှော်လင့်တယ်… သိပ်မများဘူး ဆိုပေမဲ့ နင်နဲ့ ထိုက်တန်တဲ့ အရာပါ… ကျေးဇူးပြုပြီး မငြင်းပါနဲ့"</p> <p>ဒေါ်လာ ငါးသောင်းက… သိပ်မများဘူး ဟုတ်လား။</p> <p>ချင်ဟန် မှင်တက်သွားပြီး ဘာပြောရမှန်းပင် မသိတော့ချေ။</p> <p>သူ့ အတိတ် အတွေ့အကြုံများအရ လျူရီမှာ သာမန် မဟုတ်မှန်း ခန့်မှန်းနိုင်သော်လည်း ဤမျှအထိ လက်ဖွာလိမ့်မည်ဟု လုံးဝ ထင်မှတ်မထားခဲ့ပေ။</p> <p>ဤကမ္ဘာနှင့် သူ့ ယခင်ကမ္ဘာရှိ ငွေကြေးတန်ဖိုးမှာ အတူတူလောက် ဖြစ်ပြီး ချင်ဟန်တို့ မိသားစု၏ ဘဏ္ဍာရေး အခြေအနေမှာလည်း သိပ်မကောင်းလှပေ။ သူ့မိသားစု တစ်ခုလုံး၏ စုဆောင်းငွေ ပမာဏကပင် ဤမျှလောက်သာ ရှိပေလိမ့်မည်။</p> <p>သို့သော် လျူရီအတွက်တော့ ဤသည်မှာ သေးငယ်သော ပမာဏတစ်ခုသာ ဖြစ်နေ၏။</p> <p>သူ တိတ်တဆိတ် သက်ပြင်းချမိသော်လည်း သေချာ ပြန်စဉ်းစားကြည့်ချိန်တွင် ဤသည်မှာ အတော်လေး ပုံမှန်ဖြစ်နေကြောင်း တွေ့လိုက်ရသည်။</p> <p>ထိုနေ့က ပေါ်လာသော မိစ္ဆာမှာ ယခုမှ အသွင်ပြောင်းထားခြင်း ဖြစ်သော်ငြား ခန္ဓာကိုယ် သန့်စင်ခြင်း အဆင့် ပြီးမြောက်ထားသော အလွန် အစွမ်းထက်သည့် သိုင်းပညာရှင် တစ်ယောက်နှင့် နှိုင်းယှဉ်နိုင်စွမ်း ရှိသည်။ အကယ်၍ ထိုကဲ့သို့ သက်ရှိမျိုးသာ လူစည်ကားသော နေရာသို့ ဝင်ရောက်ပြီး သောင်းကျန်းခဲ့ပါက ဖြစ်ပေါ်လာနိုင်မည့် ပျက်စီးဆုံးရှုံးမှုနှင့် အန္တရာယ်များမှာ အလွန် ကြီးမားပေလိမ့်မည်။</p> <p>၎င်းက မည်သည့် ပျက်စီးမှုမျှ မလုပ်ဆောင်နိုင်ခင် ချင်ဟန်က ရှင်းလင်းပေးခဲ့ခြင်း ဖြစ်ရာ ဒေါ်လာ ငါးသောင်းဆိုသည်မှာ တကယ်ကို မများလွန်းပေ။</p> <p>သူ့စိတ်ထဲ အတွေးပေါင်းများစွာ ဖြတ်ပြေးသွားပြီး ခဏတာ တိတ်ဆိတ်နေပြီးနောက် လျူရီ၏ လေးစားမှု အပြည့်ပါသော မျက်နှာထားကို ကြည့်ကာ ကတ်ကို လက်ခံလိုက်သည်။</p> <p>သူက ပြုံးရင်း စကားစလိုက်၏။</p> <p>"ငါ ဒီပိုက်ဆံကို လက်ခံရတာ သိပ်အဓိပ္ပာယ် မရှိလှဘူး… ဒီငွေနဲ့ လဲလှယ်လို့ရမယ့် တခြား တစ်ခုခုများ ရှိမလား"</p> <p>"နင် ဘာလိုချင်လို့လဲ" လျူရီ အတော်လေး သိချင်သွားသည်။</p> <p>"ခန္ဓာကိုယ် သန့်စင်ခြင်း အဆင့်ပြီးရင် ကျင့်ကြံရမယ့် သိုင်းကျမ်းတွေ" ချင်ဟန်က သေချာ စဉ်းစားပြီးနောက် လေးနက်စွာ တုံ့ပြန်လိုက်သည်။</p> <p>"နင့်မှာ ခန္ဓာကိုယ် သန့်စင်ပြီးရင် ကျင့်ရမယ့် သိုင်းကျမ်းတွေ မရှိဘူးလား" လျူရီ အံ့အားသင့်သွားပြီး မေးလာ၏။ "နင့်ဆရာက နင့်ကို မသင်ပေးဘူးလား"</p> <p>"ငါ့မှာ ဆရာ မရှိဘူး" ချင်ဟန် ခေါင်းခါယမ်းလိုက်ပြီး သူ့ မျက်နှာပေါ်တွင် အထီးကျန်ဆန်ကာ ဝမ်းနည်းနေသည့် အရိပ်အယောင်များ ပေါ်လာသည်။</p> <p>ချင်ဟန်ကို ကြည့်ရင်း လျူရီ ကိုယ့်ကိုယ်ကိုယ် ပြန်တွေးမနေဘဲ မနေနိုင်တော့ချေ။ အရင်းအမြစ်များ မရှိ၊ ဆရာ မရှိသော ဆင်းရဲသည့် မိသားစုမှ ရှားပါး ပါရမီရှင် တစ်ယောက်၏ ပုံရိပ်က သူမ စိတ်ထဲ ပေါ်လာတော့သည်။</p> <p>သူမ သက်ပြင်းချမိပြီး သနားကြင်နာသော မျက်နှာထားဖြင့် ပြန်ပြောလိုက်သည်။</p> <p>"ငါ့ဆီမှာလည်း ခန္ဓာကိုယ် သန့်စင်ပြီးရင် ကျင့်ရမယ့် သိုင်းကျမ်းတွေ မရှိဘူး…"</p> <p>ထိုစကား ကြားလျှင် ချင်ဟန် အနည်းငယ် စိတ်ပျက်သွားသော်လည်း အပြင်ပန်းတွင်မူ တည်ငြိမ်နေဆဲပင်။ သူ တစ်ခုခု ပြောရန် ပြင်လိုက်စဉ်မှာပင် လျူရီက ဆက်ပြောလာ၏။</p> <p>"ဒါပေမဲ့ အဲ့ဒါတွေက ရဖို့ သိပ်မခက်ပါဘူး… နင် လိုချင်ရင် ငါ ရှာပေးမယ်လေ"</p> <p>ထိုအခါ ချင်ဟန် တစ်ယောက် ဘာပြောရမှန်းပင် မသိဖြစ်သွားတော့သည်။</p> <p>ရဖို့ မခက်ဘူး ဟုတ်လား။ သူမက ဒီတိုင်းကြီး ရှာပေးမယ်တဲ့လား။</p> <p>သူ တိတ်တဆိတ် သက်ပြင်းချလိုက်မိပြီး လျူရီ အပေါ်ထားရှိသော သူ့ အကဲဖြတ်မှုမှာ ပိုမြင့်တက်လာခဲ့လေပြီ။ ကြည့်ရသည်မှာ လျူရီက သာမန်လူ မဟုတ်သလို သူမ၏ မိသားစုမှာလည်း အတော်လေး ထူးခြားလှပေမည်။ သာမန်လူများ ရရှိရန် ခက်ခဲသော အရာများကို သူမက အလွယ်တကူ ရယူနိုင်စွမ်း ရှိနေသည် မဟုတ်ပါလား။ သူမက ရွှေဥ ဥသော ငန်းတစ်ကောင်ပင်။</p> <p>ထိုအထိ တွေးမိသွားချိန်တွင် သူ့ မျက်နှာပေါ်၌ ကျေးဇူးတင်စိတ်နှင့် စိတ်လှုပ်ရှားမှု အရိပ်အယောင်များ ပေါ်ထွက်လာသည်။ သူ့အမူအရာကို မြင်လျှင် လျူရီ စိတ်ထဲ အနည်းငယ် နာကျင်သွားရပြီး သက်ပြင်းမချဘဲ မနေနိုင်တော့ချေ။</p> <p>ခဏအကြာတွင် လျူရီနှင့် ချင်ဟန်တို့ နှစ်ယောက် လမ်းခွဲခဲ့ကြသည်။ လမ်းကြားထဲမှ ထွက်လာသော ချင်ဟန်၏ ကိုယ်နေဟန်ထားမှာ မားမားမတ်မတ် ရှိနေလေပြီ။</p> <p>သူ့ အရပ်မှာ မြင့်မားဖြောင့်စင်းသည်။ အတော်လေး ချောမောသော ရုပ်ရည်နှင့် အသားဖြူဖြူလည်း ရှိ၏။ လမ်းကြားထဲမှ သူ ထွက်လာချိန်တွင် သိုင်းပညာ လေ့ကျင့်ထားမှုကြောင့် ဖြစ်ပေါ်လာသော သူ့ထံမှ တစ်မူထူးခြားသည့် ဟန်ပန်အမူအရာများ ပေါင်းစပ်သွားရာ လူအများအပြား၏ အာရုံစိုက်မှုကို ဆွဲဆောင်နိုင်ခဲ့တော့သည်။</p> <p>သူ့ မျက်နှာထားက တည်ငြိမ်နေသော်ငြား ရင်ထဲတွင်မူ အတော်လေး ပျော်ရွှင်နေမိ၏။</p> <p>သေချာပေါက် ပျော်ရွှင်ရမည်သာ။ ဤနေရာသို့ မလာခင်က သူ့ထံတွင် ဘာတစ်ခုမှ ရှိမနေခဲ့ပေ။</p> <p>လျူရီနှင့် တွေ့ဆုံပြီးနောက်တွင်တော့ ဒေါ်လာ ငါးသောင်း ရခဲ့ရုံသာမက သိုင်းကျမ်းများ ရှာဖွေပေးမည် ဟူသော လျူရီ၏ ကတိကိုပါ ရရှိခဲ့သည် မဟုတ်ပါလား။</p> <p>လျူရီက ရက်အနည်းငယ် အတွင်း သူ့အတွက် တစ်အုပ် ရှာပေးမည်ဟု ပြောခဲ့သည်။</p> <p>အလဲအလှယ် အနေဖြင့် ပေးရန် ကြိုးစားခဲ့သော ကတ်ကိုတော့ သူမက လက်မခံခဲ့ချေ။ ထိုအစား အကယ်၍ အခက်အခဲ တစ်ခုခု ကြုံလာပါက သူမထံ လာရှာနိုင်ကြောင်းပင် ပြောခဲ့သေး၏။</p> <p>သိသာထင်ရှားစွာပင် ချင်ဟန်နှင့် စကားပြောဆိုနေစဉ် အတွင်း သူမဘာသာ ကွက်လပ်ပေါင်းများစွာကို ဖြည့်စွက် တွေးတောခဲ့ပုံရသည်။ သူမ ထွက်ခွာသွားချိန်၌ပင် ချင်ဟန်အား ဆင်းရဲနွမ်းပါးသည့် မိဘမဲ့ ကလေးတစ်ယောက်ကို ကြည့်သကဲ့သို့ အလွန်တရာ သနားကြင်နာသော မျက်လုံးများဖြင့် ကြည့်သွားခဲ့သေးသည်။</p> <p>ချင်ဟန်ကလည်း ဤအထင်လွဲမှုကို ဝင်ရောက် ပြင်ဆင်မပေးခဲ့ပေ။</p> <p>မည်သို့ပင်ဆိုစေ တိတိကျကျ ပြောရလျှင် သူ့မိသားစုမှာ သိပ်ပြည့်စုံသူများ မဟုတ်ချေ။ အတန်းထဲရှိ လူအများစုနှင့် ယှဉ်လျှင်ပင် အနည်းငယ် ဆင်းရဲသည့်ဘက် ပါနေသေး၏။</p> <p>လျူရီ သူမဘာသာ ဖြည့်စွက်တွေးတောခဲ့သည်များမှာလည်း လမ်းကြောင်း အများကြီး လွဲချော်နေသည်ဟု မဆိုသာပေ။</p> <p> </p> <p> </p> <p> </p> <p style="text-align: center;">***</p>


Save