Book List

<h2 style="text-align: center;">အခန်း (၆၁၃)</h2> <h2 style="text-align: center;">အင်မော်တယ်ဂူဗိမာန်၊ အင်မော်တယ်ရုပ်ကြွင်းကို ရှာဖွေတွေ့ရှိခြင်းနှင့်</h2> <h2 style="text-align: center;">'အလင်းမျက်လုံးခုနစ်လုံးလျှို့ဝှက်ကျမ်း'ကို ရရှိခြင်း(၁)။</h2> <h2 style="text-align: center;"> *          </h2> <p> </p> <p>ရှေးဟောင်းလိပ်လျှို့ဝှက်ကျင့်စဉ်…။</p> <p>ထိုအခိုက်အတန့်တွင် ကျိုးစွေ့သည် အတွေးတစ်ချက်ဖြင့် ကျင့်စဉ်ပညာရပ်ကို ချက်ချင်း ထုတ်ဖော်လိုက်၏။</p> <p>သူ၏ခန္ဓာကိုယ်ကို ဗဟိုပြု၍ နှစ်ထပ် လိပ်အကာအရံအလွှာတစ်ခုက ချက်ချင်း ဖြစ်ပေါ်လာသည်။ ၎င်းအပေါ်တွင် လိပ်ခွံအရေးအကြောင်းများကဲ့သို့ အစိပ်စိပ်ရှိလှသော ရှေးဟောင်းလိပ် ရုန်းသင်္ကေတများ ပေါ်ပေါက်နေ၏။</p> <p>ဘန်း…။</p> <p>နောက်တစ်စက္ကန့်တွင် သွေးရောင်သစ်ကိုင်းများက ထိုရှေးဟောင်းလိပ် အကာအကွယ်အလွှာပေါ်သို့ တစ်ဝုန်းဝုန်း ရိုက်ခတ်လာပြီး နတ်ဘုရားအသွင်ပြောင်းအဆင့် ကျင့်ကြံသူတစ်ဦး၏ တိုက်ခိုက်မှုကဲ့သို့ပင် ကြောက်မက်ဖွယ် ဖျက်ဆီးအားကို ဖြစ်ပေါ်စေကာ သူ၏ရှေးဟောင်းလိပ် အကာအကွယ်အလွှာကို ဖန်သားပြင်အလား အစိတ်စိတ်အမြွှာမြွှာ ကြေမွသွားစေတော့သည်။</p> <p>သို့သော်ငြား ဤခုခံရေးကျင့်စဉ်ကို အားကိုး၍ သွေးနတ်ဆိုးသစ်ပင်၏ တိုက်ခိုက်မှုကို ခုခံတားဆီးနိုင်ခဲ့၏။</p> <p>'ရှေးဟောင်းလျှို့ဝှက်လိပ်ကျင့်စဉ်ရဲ့ ဒုတိယအဆင့် ခုခံမှုက အားနည်းနေသေးတာပဲ...’</p> <p>'နတ်ဘုရားအသွင်ပြောင်းအဆင့် နတ်ဆိုးရဲ့ တိုက်ခိုက်မှုကို ရင်ဆိုင်တဲ့အခါမှာတော့ တကယ်ကို လက်မှိုင်ချရတာပဲ...’</p> <p>'ရှေးဟောင်းလိပ် အကာအကွယ်အလွှာ သုံးထပ်လောက်အဖြစ် စုစည်းနိုင်မှ နတ်ဘုရားအသွင်ပြောင်းအဆင့် တိုက်ခိုက်မှုကို အလွယ်တကူ ခုခံနိုင်လိမ့်မယ်...’</p> <p>ကျိုးစွေ့ မျက်မှောင်ကြုတ်၍ စဉ်းစားလိုက်သည်။</p> <p>နောက်တစ်ဆင့်အနေဖြင့် သူသည် ရှေးဟောင်းလိပ်လျှို့ဝှက်ကျင့်စဉ်ကို အပြင်းအထန် ကျင့်ကြံရမည်ဟု ခံစားလိုက်ရ၏။</p> <p>အကြောင်းမူကား ဤကဲ့သို့သော အသက်ကယ်ကျင့်စဉ်မျိုးကို ပိုမိုကျင့်ကြံထားမှသာ စိတ်ချရမည် မဟုတ်ပါလော။</p> <p>"ဝိညာဉ်သန္ဓေသားအဆင့် လူသားကျင့်ကြံသူ...”</p> <p>"ငါက မင်းတို့ကို ပြဿနာမရှာတာတောင် မင်းကများ ငါ့ဆီလာပြီး ပြဿနာရှာရဲတယ်ပေါ့လေ...”</p> <p>"မင်း တကယ့်ကို သတ္တိကောင်းနေတာပဲ...”</p> <p>သွေးနတ်ဆိုးသစ်ပင်ဆီမှ အလွန်အမင်း ဒေါသထွက်နေသည့်အသံ ထွက်ပေါ်လာပြီး စကားသံထဲတွင် သတ်ဖြတ်လိုသော အငွေ့အသက်များ ပြည့်နှက်နေလေ၏။</p> <p>၎င်းသည် ကျိုးစွေ့၏ကိုယ်ပေါ်မှ ခြိမ်းခြောက်မှုကို ချက်ချင်းပင် အာရုံခံမိလိုက်သည်။</p> <p>မျက်မှောက်ရှိ လူသား၏ကျင့်ကြံမှုမှာ ဝိညာဉ်သန္ဓေသားအဆင့်မျှသာ ရှိသော်လည်း၊ ထိုမျှလောက် ထူပြောလှသော သွေးနှင့်ချီအရှိန်အဝါ၊ သန်မာလှသော ခန္ဓာကိုယ်တို့မှာ နတ်ဘုရားအသွင်ပြောင်းအဆင့်ရှိသည့် ရုပ်ခန္ဓာကျင့်ကြံသူတစ်ဦးပင် ဖြစ်ပေသည်။</p> <p>၎င်းမှာ မိမိကို အတိုင်းအတာတစ်ခုအထိ ခြိမ်းခြောက်နိုင်သော ခွန်အားရှိနေပြီ ဖြစ်၏။</p> <p>မိမိကို သတ်ဖြတ်နိုင်စွမ်း မရှိသော်ငြား အထင်သေး၍ မရချေ။</p> <p>“ထူးဆန်းတယ်… နတ်ဘုရားအသွင်ပြောင်းအဆင့် နတ်ဆိုးတစ်ကောင် ဖြစ်နေတာတောင် ဒီကျွန်းကနေ မထွက်ဘဲ နေနေပါလား...”</p> <p>“ဒီကျွန်းမှာ မင်းထွက်မသွားချင်လောက်တဲ့ လျှို့ဝှက်ချက်တစ်ခုခုများ ရှိနေလို့လား...”</p> <p>ကျိုးစွေ့သည် ရှေ့ရှိ သွေးနတ်ဆိုးသစ်ပင်ကို ကြည့်လိုက်၏။</p> <p>အမှန်အတိုင်းဆိုရလျှင် သွေးနတ်ဆိုးသစ်ပင်သည် ချိပ်ပိတ်ခံထားရခြင်းမှ လွတ်မြောက်လာပြီးနောက် ချက်ချင်းပင် သတ်ဖြတ်မှုများ ပြုလုပ်ကာ ဤပင်လယ်ပြင်ကို မွှေနှောက်ဖျက်ဆီးလိမ့်မည်ဟု သူ ထင်ထားခဲ့သည်။</p> <p>သို့သော် လွန်ခဲ့သော နှစ်ပေါင်းနှစ်ရာကျော်အတွင်း သွေးနတ်ဆိုးသစ်ပင်၏ သတင်းကို တစ်ခါမျှ မကြားခဲ့ရချေ။</p> <p>သွေးနတ်ဆိုးသစ်ပင်သည် အင်မော်တယ်ရှားကျွန်းတွင်သာ အမြဲတစေ ခိုအောင်းနေပြီး ဘယ်သောအခါမှ ထွက်ခွာမသွားခဲ့သည့်အလားပင်။</p> <p>ဤအချက်မှာ အလွန်ပင် ထူးဆန်းလှ၏။</p> <p>သာမန်နတ်ဆိုးများဆိုလျှင် တစ်နေရာတည်းတွင် ငြိမ်ဝပ်နေမည် မဟုတ်ဘဲ လူသားနယ်မြေများသို့ သွားရောက်ကာ သွေးစုပ်သတ်ဖြတ်မှုများ ပြုလုပ်ပြီး မိမိတို့၏ ခွန်အားကို မြှင့်တင်ကြမည်မှာ အသေအချာပင်။</p> <p>ထို့ကြောင့် အင်မော်တယ်ရှားကျွန်းတွင် သွေးနတ်ဆိုးသစ်ပင် မထွက်ခွာနိုင်လောက်စေမည့် ထူးခြားသော အရာတစ်ခုခု ရှိနေရမည်ဟု သူ ယူဆလိုက်မိသည်။</p> <p>"မင်းရဲ့ ခွေးအသက်ကို ချန်ထားပေးမလို့ စိတ်ကူးမိပါသေးတယ်… ဒါပေမဲ့ အခုတော့ မင်း သေရမှာ သေချာသွားပြီ...”</p> <p>သို့သော် ဤစကားများက သွေးနတ်ဆိုးသစ်ပင်၏ သတ်ဖြတ်လိုစိတ်ကို နှိုးဆွလိုက်သလို ဖြစ်သွားပြီး၊ မိမိ၏လျှို့ဝှက်ချက်အား သိသွားမည်ကို ကြောက်ရွံ့နေသည့်အလား မျက်မြင်သက်သေကို ချက်ချင်း သုတ်သင်ရန် ပြင်ဆင်တော့၏။</p> <p>သွေးနတ်ဆိုးနယ်ပယ်…။</p> <p>ခဏချင်းတွင်ပင် မမြင်နိုင်သော သွေးရောင်နယ်ပယ်တစ်ခုသည် ပတ်ဝန်းကျင်ပင်လယ်ပြင် မိုင်သောင်းနှင့်ချီသော ဧရိယာအထိ ချက်ချင်းဆိုသလို ပြန့်နှံ့သွားလေသည်။</p> <p>ကျိုးစွေ့သည်လည်း ထိုသွေးရောင်နယ်ပယ်အတွင်းသို့ ချက်ချင်း ကျရောက်သွားတော့၏။</p> <p>မမြင်ရသော နယ်ပယ်စွမ်းအားများက ဖိနှိပ်လာရာ ကျိုးစွေ့၏ ကိုယ်ပေါ်တွင် တောင်တန်းကြီးများကို ထမ်းထားရသကဲ့သို့ပင် လေးလံလှသည်။</p> <p>ဝုန်း...။</p> <p>ထို့နောက် အဆုံးအစမရှိသော သွေးရောင်မြူခိုးများက လှိုင်းလုံးကြီးများအလား တိုးဝင်လာပြီး သွေးနတ်ဆိုးများအဖြစ် သက်ရှိအသွင်ပြောင်းကာ ကျိုးစွေ့ထံသို့ ပြေးဝင်လာကြတော့သည်။</p> <p>ပဉ္စမအဆင့် အဆိပ်ပြင်း - သွေးမြူကျိန်စာအဆိပ်။</p> <p>ဤသည်မှာ သွေးနတ်ဆိုးသစ်ပင်ထံမှ ထွက်ပေါ်လာသော အထူးသီးသန့် ပဉ္စမအဆင့် အဆိပ်မြူများဖြစ်ပြီး ရန်သူသည် အနံ့အနည်းငယ်မျှ ရှူမိလိုက်ရုံနှင့် ခန္ဓာကိုယ်အတွင်းရှိ ကိုယ်တွင်းအင်္ဂါများကို ချက်ချင်း တိုက်ခိုက်နိုင်စွမ်း ရှိပေသည်။</p> <p>ထိုသွေးရောင်အဆိပ်မြူများမှာ ကပ်ပါးကောင်များကဲ့သို့ ရန်သူ၏အသွေးအသားနှင့် ဝိညာဉ်ကို ရူးသွပ်စွာ ဝါးမြိုပစ်တတ်သည်။</p> <p>နတ်ဘုရားအသွင်ပြောင်းအဆင့် ကျင့်ကြံသူတစ်ဦးဖြစ်လျှင်ပင် တဒင်္ဂအတွင်း ဝါးမြိုခံရပြီး ၎င်းတို့၏အစာ ဖြစ်သွားရပေမည်။</p> <p>ဤအဆိပ်မြူ၏စွမ်းအားကြောင့် ရန်သူများ၏ ဝိုင်းရံတိုက်ခိုက်မှုကို ခံရလျှင်ပင် ၎င်းကို မည်သူမျှ ဘာမျှ မတတ်နိုင်ချေ။</p> <p>“ဝါးမြိုစမ်း...”</p> <p>နှမြောစရာကောင်းသည်မှာ သွေးနတ်ဆိုးသစ်ပင်၏ ဤနည်းလမ်းများမှာ ကျိုးစွေ့အတွက် အသုံးမဝင်လှချေ။ အဘယ်ကြောင့်ဆိုသော် သူသည် လောကရှိ အဆိပ်အမျိုးမျိုးကို ကြောက်ရွံ့ခြင်း မရှိသောကြောင့်ပင်။</p> <p>ရွှစ်…။</p> <p>နောက်တစ်စက္ကန့်တွင် 'ရွှေအလင်းအဆိပ်တစ်ထောင်ကူ'သည် ချက်ချင်း ပျံထွက်လာလေ၏။ စတုတ္ထအဆင့် အထွတ်အထိပ်သို့ တိုးတက်သွားသော 'ရွှေအလင်းအဆိပ်တစ်ထောင်ကူ'၏ ကျောပေါ်တွင် ရွှေရောင်အတောင်ပံတစ်စုံ ပေါက်နေပြီး ၎င်းကို အသာအယာခတ်လိုက်ရုံနှင့် လေဆင်နှာမောင်းကဲ့သို့ ပြင်းထန်လှသည်။</p> <p>ဝုန်း...။</p> <p>၎င်းသည် ပါးစပ်ကို အတင်းဟ၍ ရှောင်တိမ်းခြင်းမရှိဘဲ ဝေလငါးကြီးက ရေကို ဝါးမြိုသည့်အလား ပတ်ဝန်းကျင်ရှိ သွေးရောင်အဆိပ်မြူများကို စတင်ဝါးမြိုတော့သည်။</p> <p>ဤသို့ဖြင့် ကျိုးစွေ့၏ခန္ဓာကိုယ် ပတ်ပတ်လည်ကို အဆိပ်မြူများ ကင်းစင်သော နေရာလွတ်တစ်ခု ဖြစ်သွားစေသည်။</p> <p>သူ၏ခန္ဓာကိုယ်အနီးအနား မီတာအနည်းငယ်အတွင်းရှိ သွေးရောင်အဆိပ်မြူမှန်သမျှကို 'ရွှေအလင်းအဆိပ်တစ်ထောင်ကူ'က အကုန်အစင် ဝါးမြိုပစ်ကာ မိမိ၏အစာအဖြစ် ပြောင်းလဲလိုက်လေသည်။</p> <p>ဝုန်း...။</p> <p>'ရွှေအလင်းအဆိပ်တစ်ထောင်ကူ'မှာ အလွန်ပင် စိတ်လှုပ်ရှားနေ၏။ အဘယ်ကြောင့်ဆိုသော် ၎င်းအတွက် ဤအဆိပ်မြူများမှာ အလွန်ကောင်းမွန်သော အာဟာရများ ဖြစ်သောကြောင့်ပင်။</p> <p>ပဉ္စမအဆင့် အဆိပ်ပြင်းများထဲတွင်ပင် 'သွေးမြူကျိန်စာအဆိပ်'မှာ တကယ့်ကို ပြင်းထန်လှသော အဆိပ်မျိုး ဖြစ်၏။</p> <p>သာမန်နတ်ဘုရားအသွင်ပြောင်းအဆင့် အရှင်သခင်များပင် ၎င်းနှင့် ထိတွေ့မိပါက သေကြေပျက်စီးခြင်း သို့မဟုတ် ဒဏ်ရာအပြင်းအထန် ရရှိခြင်းမျိုး ဖြစ်တတ်သည်။</p> <p>ထို့အပြင် ယင်းသည် မသေမျိုးခန္ဓာကိုယ်ကိုပင် နှိမ်နင်းနိုင်စွမ်း ရှိပေသည်။</p> <p>ထို့ကြောင့်ပင် 'ရွှေအလင်းအဆိပ်တစ်ထောင်ကူ'၏ ခွန်အားမှာ အဆက်မပြတ် တိုးတက်လာပြီး ခန္ဓာကိုယ်မျက်နှာပြင်တွင်လည်း အဆိပ်ပေါင်းစုံ ရုန်းသင်္ကေတများ ပေါ်ပေါက်လာကာ ရွှေရောင်အလင်းတန်းများ ဖြာထွက်လာတော့၏။</p> <p>ကြီးမားသော ရွှေရောင်အလင်းလုံးကြီး တစ်ခုအသွင် ဖြစ်ပေါ်နေသည့်အလားပင်။</p> <p>"သေစမ်း… ချီးတဲ့မှ...”</p> <p>ဤသည်ကို မြင်လိုက်ရသောအခါ သွေးနတ်ဆိုးသစ်ပင်၏မျက်နှာမှာ အလွန်ပင် ဆိုးရွားသွားတော့၏။ မိမိ၏အစွမ်းထက်လှသော နည်းလမ်းများမှာ တစ်နေ့တွင် လုံးဝအသုံးမဝင်ဘဲ ရန်သူကို ဘာမျှမတတ်နိုင် ဖြစ်ရမည်ဟု ၎င်း ဘယ်တုန်းကမှ တွေးမထားခဲ့မိချေ။</p> <p>ထိုမျှမက ရန်သူအတွက် အာဟာရဖြစ်စေသော အရာပင် ဖြစ်သွားခဲ့ရသေးသည်။</p> <p>ယခု ဤအကောင်စုတ်မှာ မိမိထံမှ ထွက်လာသော အဆိပ်ပြင်းများကို အသုံးချကာ ထိုထူးဆန်းသောသတ္တဝါကို ကြီးထွားလာအောင် ပြုလုပ်နေခြင်းပင် မဟုတ်ပါလော။</p> <p>ဤကဲ့သို့သောကိစ္စ ဖြစ်ပွားနေသည်ကို ၎င်း မည်သို့မျှ သည်းမခံနိုင်တော့။</p> <p>ဤသည်မှာ တကယ့်ကို အဓိပ္ပါယ်မရှိချေ။</p> <p>ဝုန်း...။</p> <p>ဤအခိုက်အတန့်တွင် သွေးနတ်ဆိုးသစ်ပင်သည် အတွေးတစ်ချက်လှုပ်ရှားလိုက်ပြီး အဆုံးအစမရှိသော သွေးရောင်မြူခိုးများကို ချက်ချင်း ပြန်လည်ရုပ်သိမ်းလိုက်၏။ ဤသို့ဆက်လုပ်နေလျှင် ရန်သူကို ခွန်အားပေးသလိုသာ ဖြစ်နေမည်ဖြစ်ပြီး၊ ရန်သူကို မည်သို့မျှ ထိခိုက်အောင် မလုပ်နိုင်မှန်း သိရှိသွားသောကြောင့်ပင်။</p> <p>"မင်းရဲ့ အစွမ်းက ဒီလောက်ပဲလား… တကယ်ကို အားနည်းလွန်းတာပဲ...”</p> <p>"ငါကတော့ မင်းကို အကြီးမားဆုံး ရန်သူတော်ကြီးလို့ အထင်ကြီးထားမိတာ… ဒီလောက်ပဲ ရှိမယ်လို့ မထင်ထားဘူး… ငါ့ကို အရမ်းစိတ်ပျက်စေတာပဲ...”</p> <p>ကျိုးစွေ့က ခေါင်းယမ်းကာ သက်ပြင်းတစ်ချက် ချလိုက်လေသည်။</p> <p>သွေးနတ်ဆိုးသစ်ပင်၏ အမျိုးမျိုးသောနည်းလမ်းများမှာ အံ့သြဖွယ်ကောင်းပြီး သာမန်နတ်ဘုရားအသွင်ပြောင်းအဆင့် အစောပိုင်းကျင့်ကြံသူများကို ရင်ဆိုင်ရာတွင် အခက်အခဲမရှိနိုင်သော်လည်း သူ့ကို ရင်ဆိုင်ရန်အတွက်မူ များစွာ လိုအပ်နေဆဲ ဖြစ်၏။</p> <p>ဖြစ်နိုင်သည်မှာ သွေးနတ်ဆိုးသစ်ပင်က အားနည်းနေခြင်း မဟုတ်ဘဲ သူ၏ခွန်အားမှာ အဆမတန် အားကောင်းနေခြင်းကြောင့်ပင် ဖြစ်ပေမည်။</p> <p>နှစ်ပေါင်းများစွာ ကြိုးစားလာပြီးနောက် သူသည် ဤကမ္ဘာလောကတွင် အင်အားအကြီးဆုံး ကျင့်ကြံသူများထဲမှ တစ်ဦးဖြစ်လာခဲ့ပြီ မဟုတ်ပါလော။</p> <p>အတိတ်ကာလက ကောင်းကင်နှင့် မြေကြီးကို တုန်လှုပ်စေခဲ့သော နတ်ဘုရားအသွင်ပြောင်းအဆင့် သွေးနတ်ဆိုးသစ်ပင်လျှင် သူ၏မျက်စိထဲတွင်မူ ပြောပလောက်သောအရာ မဟုတ်တော့ချေ။</p> <p>ထိုစဉ်က သွေးနတ်ဆိုးသစ်ပင်မှာ မည်မျှပင် ကြောက်မက်ဖွယ်ကောင်းခဲ့သနည်း။ နတ်ဆိုးအရှိန်အဝါများမှာ ကောင်းကင်ကိုပင် ဖုံးလွှမ်းနေကာ ၎င်း၏ကိုယ်မှ ထွက်ပေါ်လာသော သွေးရောင်နတ်ဆိုးချီများမှာ ဒေသတစ်ခုလုံးကို ဖျက်ဆီးပစ်ရန် လုံလောက်ခဲ့ပြီး သက်ရှိများစွာကို ခုခံနိုင်စွမ်းမရှိဘဲ သေဆုံးစေခဲ့သည်။</p> <p>သူ့ကိုပင် ထွက်ပြေးရစေခဲ့သည် မဟုတ်ပါလော။ ၎င်းမှာ လုံးဝကို အနိုင်ကျင့်တိုက်ခိုက်ခြင်းပင် ဖြစ်၏။</p> <p>နှမြောစရာကောင်းသည်မှာ ယနေ့အချိန်တွင်မူ မူလက မိစ္ဆာနတ်ဘုရားသဖွယ် ရှိခဲ့သော သွေးနတ်ဆိုးသစ်ပင်မှာ ဤမျှသာ ဖြစ်နေခြင်းပင်။</p> <p>"ဘာ..."</p> <p>ဤစကားကို ကြားသောအခါ သွေးနတ်ဆိုးသစ်ပင်မှာ အံ့သြဒေါသထွက်သွားပြီး တကယ်ပင် စိတ်ဆိုးသွားတော့၏။ ဤလူသားကျင့်ကြံသူမှာ အလွန်ပင် ထောင်လွှားလွန်းလှသည်။ အစောပိုင်းက နည်းလမ်းများမှာ ၎င်း၏စွမ်းရည်တစ်ဝက်ပင် မရှိသေး။ ၎င်းကို ဤမျှအထိ အထင်သေးရဲသည်လော။</p> <p>"မိုးကြိုးနယ်ပယ်...”</p> <p>သို့သော် ကျိုးစွေ့သည် သွေးနတ်ဆိုးသစ်ပင်နှင့် စကားအရှည်ကြီး မပြောလိုတော့ချေ။ သူ၏ကိုယ်ဟန်က ဖြတ်ခနဲ လှုပ်ရှားသွားပြီး အင်မော်တယ်ရှားကျွန်းအတွင်းသို့ တိုက်ရိုက် ဝင်ရောက်သွားသည်။ သွေးနတ်ဆိုးသစ်ပင်၏ အတွင်းစည်း အကာအကွယ်အလွှာထဲသို့ပင် မိမိဘာသာ ဝင်ရောက်သွားပြီး သွေးနတ်ဆိုးသစ်ပင်အနီးသို့ ရောက်ရှိသွားလေ၏။</p> <p>သူသည် 'မိုးကြိုးကပ်ဘေးကူ'၏ စွမ်းအားကို ချက်ချင်း ထုတ်ဖော်လိုက်တော့သည်။</p> <p>***</p> <p> </p>


Save