Book List

<h2 style="text-align: center;">အခန်း (၆၁၇)</h2> <h2 style="text-align: center;">အင်မော်တယ်ဂူဗိမာန်၊ အင်မော်တယ်ရုပ်ကြွင်းကို ရှာဖွေတွေ့ရှိခြင်းနှင့်</h2> <h2 style="text-align: center;">'အလင်းမျက်လုံးခုနစ်လုံးလျှို့ဝှက်ကျမ်း'ကို ရရှိခြင်း(၅)။</h2> <h2 style="text-align: center;">*</h2> <p>ဤနေရာသို့ ရောက်ရှိလာသည့် ခဏ၌ပင် ကျိုးစွေ့သည် ဤနေရာတစ်ခုလုံးတွင် ကြီးမားလှသော အင်မော်တယ်အနှစ်သာရများ ပြည့်နှက်နေသည်ကို သတိပြုမိလိုက်၏။</p> <p>ပုံမှန်အားဖြင့် ပဉ္စမအဆင့် ဝိညာဉ်ကြောမှသာ ထုတ်ယူနိုင်သော အင်မော်တယ်အနှစ်သာရများမှာ ဤနေရာ၌ နေရာအနှံ့ ရှိနေလေသည်။ ဤသည်မှာ အမှန်တကယ်ပင် မယုံကြည်နိုင်စရာ ကောင်းလှသည်။</p> <p>ဝုန်း...။</p> <p>ကျိုးစွေ့အနေဖြင့် ပတ်ဝန်းကျင်ကို သေချာစွာ မစစ်ဆေးရသေးမီမှာပင် အလင်းလုံးတစ်ခုသည် လျှပ်စီးလက်သကဲ့သို့ မြန်ဆန်စွာဖြင့် သူ၏သိစိတ်ပင်လယ် နက်ရှိုင်းရာသို့ စီးဝင်သွား၏။ ထိုခဏ၌ပင် သူ၏ဝိညာဉ်အတွင်းသို့ ကြီးမားလှသော သတင်းအချက်အလက်များ စီးဝင်လာသည်ကို သူခံစားလိုက်ရ‌သည်။</p> <p>ဝိုးတဝါးဖြင့် ကျိုးစွေ့သည် ထိုတာအိုဝတ်ရုံဖြူနှင့် အဖိုးအိုမှာ အသက်ပြန်ရှင်လာသကဲ့သို့ ခံစားလိုက်ရသည်။ ထို့နောက် ဟိန်းထွက်နေသော အသံကြီးတစ်သံက ထွက်ပေါ်လာလေသည်။</p> <p>"ငါ့အမည်က ‘ချန်ချွမ်းတာအိုအရှင်’ လို့ ခေါ်တယ်... အင်မော်တယ်လောကရဲ့ 'ချင်းယွမ်ဂိုဏ်း' က အင်မော်တယ်တစ်ပါးပဲ..."</p> <p>"ကြီးမားတဲ့ ဘေးဒုက္ခတစ်ခုနဲ့ ကြုံခဲ့ရတာကြောင့် အင်မော်တယ်လောကကနေ လူသားလောကကို မတတ်သာဘဲ ခိုးဝင်ခဲ့ရတယ်..."</p> <p>"နှမြောစရာကောင်းတာက ဒဏ်ရာအရမ်းပြင်းထန်လွန်းလို့ ငါ့ရဲ့ကံကြမ္မာကို ပြောင်းလဲနိုင်စွမ်းမရှိတော့ဘူး..."</p> <p>"'ချင်းယွမ်ဂိုဏ်း' ရဲ့ အမွေအနှစ်တွေ ပျောက်ကွယ်မသွားအောင် ချန်ထားရစ်ခဲ့တယ်..."</p> <p>"နောင်လာနောင်သားတွေအနေနဲ့ ငါ့ရဲ့ 'ချင်းယွမ်ဂိုဏ်း' ကျင့်စဉ်တွေကို ဆက်ခံပြီး အင်မော်တယ်လောကကို တက်လှမ်းနိုင်ဖို့နဲ့ 'ချင်းယွမ်ဂိုဏ်း' ရဲ့ အမွေအနှစ်တွေကို ပြန်ယူသွားပေးနိုင်ဖို့ မျှော်လင့်တယ်..."</p> <p>မကြာမီမှာပင် ကျိုးစွေ့သည် ထိုသတင်းအချက်အလက်များကို အကုန်အစင် နားလည်သွားပြီး ဘာဖြစ်ခဲ့သည်ကို ချက်ချင်း သိရှိသွားသည်။ မျက်စိရှေ့ရှိ တာအိုဝတ်ရုံဖြူဖြင့် အဖိုးအိုမှာ ချန်ချွမ်းတာအိုအရှင် ပင် ဖြစ်ပေသည်။ကွယ်လွန်သွားပြီးဖြစ်သော ချန်ချွမ်းတာအိုအရှင်ပင် ဖြစ်သည်။</p> <p>သူသည် လွန်ခဲ့သော နှစ်ပေါင်းသန်းချီက ကျင့်ကြံခြင်းလောကသို့ ရုတ်တရက် ရောက်ရှိလာခဲ့သည့် အထက်ဘုံမှ အင်မော်တယ်တစ်ပါး ဖြစ်၏။ ဘေးဒုက္ခတစ်ခုနှင့် ကြုံခဲ့ရသောကြောင့် ကျင့်ကြံခြင်းလောကသို့ ပုန်းရှောင်ရန် လာခဲ့ခြင်းဖြစ်သော်လည်း ဒဏ်ရာက ပြင်းထန်လွန်းလှသဖြင့် အင်မော်တယ်တစ်ပါး ဖြစ်သော်ငြားလည်းဖြစ်သော်ငြား ကွယ်လွန်သွားခဲ့ရရှာသည်။</p> <p>သို့သော် သူသည် ဤလောကတွင် မိမိ၏အမွေအနှစ်များကို ချန်ရစ်ခဲ့ပြီး တပည့်များစွာကိုလည်း လက်ခံသင်ကြားပေးခဲ့၏။ ဤချန်ချွမ်းတာအိုအရှင်သည် ဤလောကရှိ လူသားမျိုးနွယ်စုများအတွက် ကျင့်ကြံခြင်းလမ်းစဉ်ကို ဖွင့်လှစ်ပေးခဲ့ပြီး ကျင့်ကြံခြင်းယဉ်ကျေးမှုကို ပျိုးထောင်ပေးခဲ့သူဟု ဆိုနိုင်ပေသည်။ အကယ်၍ ချန်ချွမ်းတာအိုအရှင်သာ ဤလောကသို့ ဆင်းသက်မလာခဲ့ပါက ဤကမ္ဘာမှာ သာမန်ကမ္ဘာတစ်ခုအဖြစ်သာ ကျန်ရှိနေမည် ဖြစ်၏။</p> <p>"'ကျူးရှန်းဓားသိုင်း'၊ 'စိမ်းလန်းဧကရာဇ်ထာဝရသက်ရှည်ကျင့်စဉ်'၊ 'အလင်းမျက်လုံးခုနစ်လုံးလျှို့ဝှက်ကျမ်း'..."</p> <p>"ဒါတွေက ချန်ချွမ်းတာအိုအရှင် ချန်ထားခဲ့တဲ့ အမွေအနှစ်ကျင့်စဉ်တွေလား..."</p> <p>ကျိုးစွေ့သည် မျက်လုံးများကို မှေးစင်းလိုက်ရင်း အံ့အားသင့်သွားမိ၏။ သူ၏အတွင်းစိတ်မှာလည်း များစွာ တုန်လှုပ်နေလေသည်။ ယခင်ကပင်ယခင်ကတည်းက သူသည် ဤကျင့်စဉ်သုံးမျိုးမှာ အလွန်ထူးခြားပြီး ကျင့်ကြံခြင်းလောကမှ ဖန်တီးနိုင်သော ကျင့်စဉ်များ မဟုတ်ကြောင်း သတိထားမိခဲ့သည်။</p> <p>သတိထားမိခဲ့၏။ ယခုကြည့်ရသည်မှာ အမှန်ပင် အင်မော်တယ်လောကမှ ကျင့်စဉ်များ ဖြစ်နေချေပြီ။ ထို့ကြောင့်လည်း လေ့ကျင့်ရန် အလွန်ခက်ခဲလှပြီး အောင်မြင်သူမှာ အလွန်ပင် ရှားပါးနေခြင်း ဖြစ်၏။</p> <p>ဟိုးယခင်က ချန်ချွမ်းတာအိုအရှင်သည် သင့်တော်သော တပည့်များကို ရှာဖွေရန်အတွက် ကျင့်စဉ်အချို့ကို ဖြန့်ဝေခဲ့သော်လည်း သူ၏စိတ်ကြိုက်ဖြစ်သူ တစ်ဦးမျှ မရှိခဲ့ပေ။</p> <p>အဘယ်ကြောင့်ဆိုသော် သူလိုချင်သော တပည့်မှာ အင်မော်တယ်လောကသို့ တက်လှမ်းနိုင်သူမျိုး ဖြစ်သောကြောင့်ပင်။ အကယ်၍ ဝိညာဉ်လောကသို့သာ တက်လှမ်းနိုင်မည်ဆိုပါက အရည်အချင်း မပြည့်မီသေးဟု သူက ယူဆထားသည်။</p> <p>ထိုကျင့်စဉ်များထဲတွင် ချန်ချွမ်းတာအိုအရှင် အလေးအနက် အထားဆုံးသောကျင့်စဉ်မှာ 'အလင်းမျက်လုံးခုနစ်လုံးလျှို့ဝှက်ကျမ်း'ပင် ဖြစ်ပေသည်။ အကယ်၍ တစ်ဦးတစ်ယောက်သည် ဤကျင့်စဉ်ကို အောင်မြင်အောင် လေ့ကျင့်နိုင်ပါက သူသည် ဧကန်မုချ ကမ္ဘာကျော်ပါရမီရှင်တစ်ဦး ဖြစ်လာပေလိမ့်မည်။</p> <p>လမ်းခုလတ်တွင် မသေဆုံးခဲ့ပါက အနာဂတ်၌ အင်မော်တယ်လောကသို့ တက်လှမ်းနိုင်ရန် အခွင့်အရေးရှိပေသည်။ အဘယ်ကြောင့်ဆိုသော် 'အလင်းမျက်လုံးခုနစ်လုံးလျှို့ဝှက်ကျမ်း'သည် ကျင့်ကြံသူများအတွက် များစွာ အထောက်အကူပြုသောကြောင့်ပင်။</p> <p>သာမန်လူတစ်ယောက်ဖြစ်လျှင်ပင်၊ နှလုံးသားမျက်လုံး ခုနစ်လုံးကို စုစည်းနိုင်ပြီး 'အလင်းမျက်လုံးခုနစ်လုံးဝိညာဉ်နှလုံးသား'ကို ပိုင်ဆိုင်နိုင်ပါက မုချပါရမီရှင် ဖြစ်လာမည်သာ ဖြစ်၏။ ဝက်တစ်ကောင်ပင် ဖြစ်နေပါစေ၊ဝက်တစ်ကောင် ဖြစ်နေလျှင်ပင် အင်မော်တယ် ဖြစ်နိုင်ပေသည်။</p> <p>ထို့ကြောင့်လည်း ဤအင်မော်တယ်နယ်မြေသည် ကျိုးစွေ့၏ကိုယ်ပေါ်မှ 'အလင်းမျက်လုံးခုနစ်လုံးလျှို့ဝှက်ကျမ်း' ကျင့်ကြံထားသည့် အမှတ်အသားများကို အာရုံခံမိပြီး နှလုံးသားမျက်လုံး သုံးလုံးအထိ စုစည်းထားသည်ကို တွေ့ရှိသွားသောကြောင့် ကျိုးစွေ့ကို အင်မော်တယ်အမွေအနှစ် ဆက်ခံသူအဖြစ် သတ်မှတ်ကာ ဤနေရာသို့ ဖိတ်ခေါ်ခဲ့ခြင်း ဖြစ်၏။ ဤသည်မှာ ချန်ချွမ်းတာအိုအရှင် အိပ်မက်မက်ခဲ့ရသော တပည့်မျိုးပင် ဖြစ်လေသည်။</p> <p>"ဒါကြောင့်လည်း 'စိမ်းလန်းဧကရာဇ်သက်ရှည်ကျင့်စဉ်'က လေ့ကျင့်ရတာ ခက်နေတာကိုး..."</p> <p>"တကယ်တော့ အင်မော်တယ်လောကမှာ လေ့ကျင့်မှ ရမှာကိုး... လူသားလောကမှာဆိုရင်တော့ အောင်မြင်ဖို့ ခက်မှာပဲ... 'ကျူးရှန်းဓားသိုင်း' နဲ့ 'အလင်းမျက်လုံးခုနစ်လုံးလျှို့ဝှက်ကျမ်း' ကလည်း အတူတူပဲပေါ့..."</p> <p>ကျိုးစွေ့သည် သူ၏မေးစေ့ကို ပွတ်သပ်ရင်း တွေးနေမိ၏။ အကယ်၍ သူ့တွင် 'စာအုပ်ကူ'သာ မရှိပါက 'ကျူးရှန်းဓားသိုင်း'နှင့် 'အလင်းမျက်လုံးခုနစ်လုံးလျှို့ဝှက်ကျမ်း'ကို အောင်မြင်အောင် ကျင့်ကြံနိုင်မည် မဟုတ်ပေ။</p> <p>'စိမ်းလန်းဧကရာဇ်သက်ရှည်ကျင့်စဉ်'ကိုမူ သူစိတ်မဝင်စားပေ။ အဘယ်ကြောင့်ဆိုသော် သူ့တွင် အဓိကကျင့်စဉ်ဖြစ်သော 'ကူနတ်ဘုရားကျင့်စဉ်' ရှိနေပြီးဖြစ်ရာ အခြားကျင့်စဉ်တစ်ခုသို့ ပြောင်းလဲရန် မလိုအပ်သောကြောင့် ဖြစ်၏။</p> <p>သို့သော် သူ၏ ဇနီးသုံးဦးအတွက်မူ 'စိမ်းလန်းဧကရာဇ်သက်ရှည်ကျင့်စဉ်'၏ အပြည့်အစုံကို ရရှိနိုင်ပေပြီ။ ယခင်က ကျင့်စဉ်အပိုင်းအစမှာ နတ်ဘုရားအသွင်ပြောင်းအဆင့်အထိသာ လေ့ကျင့်နိုင်ခြင်း ဖြစ်၏။ဖြစ်သည်။</p> <p>"'စိမ်းလန်းဧကရာဇ်သက်ရှည်ကျင့်စဉ်'ရဲ့ ခက်ခဲတဲ့အချက်ကတော့ ကိုယ်ပိုင်ဝိညာဉ်အပင်ကို ရွှေ့ပြောင်းလို့မရတာပဲ... ဒါပေမဲ့ 'ချင်းယွမ်ဂိုဏ်း'က ဒါကို ဖြေရှင်းနိုင်မယ့် နည်းလမ်းကို ရှာတွေ့ထားပြီးသားပဲ... အဲဒါကတော့ ဟင်းလင်းပြင် အင်မော်တယ်ရတနာတစ်ခု ရှာဖို့ပဲ..."</p> <p>"အခု ငါရောက်နေတဲ့နေရာက လျှို့ဝှက်နယ်မြေမဟုတ်ဘဲ အင်မော်တယ်ရတနာ 'ရှန်းဟိုင်ပုလဲ'ရဲ့ အတွင်းကမ္ဘာပဲ ဖြစ်ရမယ်..."</p> <p>ယခင်က ချန်ချွမ်းတာအိုအရှင်သည် မိမိ၏ ကိုယ်ပိုင်ဝိညာဉ်အပင်ကို 'ရှန်းဟိုင်ပုလဲ'အတွင်းသို့ ရွှေ့ပြောင်းစိုက်ပျိုးထားပြီး ကိုယ်နှင့်မကွာ သယ်ဆောင်သွားသောကြောင့် ကျင့်စဉ်၏ အားနည်းချက်များကို ကျော်လွှားနိုင်ခဲ့ခြင်း ဖြစ်၏။</p> <p>"နေဦး... ချန်ချွမ်းတာအိုအရှင်ရဲ့ ကိုယ်ပိုင်ဝိညာဉ်အပင်က ထာဝရစိမ်းလန်းနွယ်ပင် ဖြစ်နေတာလား... အဲဒီ ထာဝရစိမ်းလန်းနွယ်ပင်ကို သူက အင်မော်တယ်လောကကနေ ယူလာတာလား... အဲဒီ ထိုက်ရီရွှေစင်ကလည်း အတူတူပဲပေါ့..."</p> <p>ကျိုးစွေ့ ချက်ချင်းပင် အမှန်တရားကို သိမြင်သွား၏။ အင်မော်တယ်လောကမှ ဝိညာဉ်အပင်များ အဘယ်ကြောင့် ဤလောကတွင် ရှိနေရသလဲဆိုသည့်အချက်မှာ ချန်ချွမ်းတာအိုအရှင်ကြောင့်ပင် ဖြစ်‌သည်။ ဤအထက်‌ဘုံမှ အင်မော်တယ်ဆင်းသက်လာမှုကြောင့်သာ ကျင့်ကြံခြင်းလောကတွင် တောက်ပသော ကျင့်ကြံခြင်းခေတ်ကြီး ထွန်းကားလာခဲ့ခြင်း ဖြစ်သည်။</p> <p>သူဖြန့်ဝေခဲ့သော ကျင့်စဉ်များကြောင့်လည်း 'သားရဲထိန်းဂိုဏ်း'၊ 'ကုရုံဂိုဏ်း'နှင့် 'မိစ္ဆာသတ်ဂိုဏ်း' ကဲ့သို့သော နတ်ဘုရားအသွင်ပြောင်းအဆင့်ရှိ ဂိုဏ်းကြီးများ ပေါ်ထွန်းလာခဲ့ခြင်း ဖြစ်ပေသည်။ အမှန်စင်စစ် ဤအင်မော်တယ်သည် ကျင့်ကြံခြင်းလောက၏ မူလဇာစ်မြစ်နှင့် ကျင့်ကြံသူအားလုံး၏ ဘိုးဘေးပင် ဖြစ်၏။</p> <p>"မဖြစ်နိုင်တာ... တကယ်ကြီးလား... ရှေးဟောင်းမိစ္ဆာသားရဲလောက၊ ကျင့်ကြံခြင်းလောကနဲ့ ရှေးဟောင်းနတ်ဆိုးလောက သုံးလောကပေါင်းစည်းမယ့်ကိစ္စက ဒီချန်ချွမ်းတာအိုအရှင်ရဲ့ လက်ချက်ကြီးလား..."</p> <p>ကျိုးစွေ့သည် သူရရှိထားသော အသိပညာများကို ဆက်လက်ရှာဖွေရင်း သုံးလောကပေါင်းစည်းခြင်း၏ လျှို့ဝှက်ချက်ကြီးကို သိရှိလိုက်ရ၏။</p> <p>လွန်ခဲ့သော နှစ်ပေါင်းသန်းချီက ချန်ချွမ်းတာအိုအရှင်သည် သင့်တော်သောတပည့်ကို ရှာမတွေ့သဖြင့် အလွန်ပင် စိတ်ပူပန်ခဲ့ရ၏။ ကျင့်ကြံခြင်းလောကတွင် အင်မော်တယ်မျိုးစေ့များ မပေါ်ထွန်းနိုင်ခြင်းမှာ ဤလောက၏ အဆင့်အတန်းက နိမ့်ကျလွန်းသောကြောင့်ဟု သူ ယူဆခဲ့သည်။</p> <p>ထို့ကြောင့်သာ ဤလောကသည် ပါရမီရှင်များကို မွေးထုတ်မပေးနိုင်ခြင်း ဖြစ်၏။ ကျင့်ကြံခြင်းလောက၏ စွမ်းအားကို မြှင့်တင်ရန်အတွက် သူသည် ကြီးမားသော တန်ခိုးစွမ်းအားကို အသုံးပြု၍ ဟင်းလင်းပြင်အနက်ပိုင်းထဲမှ ရှေးဟောင်းမိစ္ဆာသားရဲလောကနှင့် ရှေးဟောင်းနတ်ဆိုးလောကတို့ကို ဆွဲခေါ်ကာ သုံးလောကကို အတင်းအကြပ် ပေါင်းစည်းရန် ကြိုးပမ်းခဲ့သည်။</p> <p>ပေါင်းစည်းမှု အောင်မြင်သွားပါက ဤကျင့်ကြံခြင်းလောကသည် လူသား၊ နတ်ဆိုး၊ မိစ္ဆာသားရဲ သုံးလောက၏ စွမ်းအားများကို ပေါင်းစပ်ထားသော ဟင်းလင်းပြင်အတွင်းရှိ အင်အားကြီးမားသည့် ကမ္ဘာတစ်ခု ဖြစ်လာပေလိမ့်မည်။</p> <p>အချိန်ကြာလာသည်နှင့်အမျှ ကျင့်ကြံခြင်းလောကမှာလည်း တဖြည်းဖြည်း ကြီးထွားလာပြီး ဝိညာဉ်လောကနှင့်ပင် ယှဉ်နိုင်သော ကမ္ဘာကြီးအဖြစ်သို့ ရောက်ရှိသွားမည် ဖြစ်၏။ ထိုအခါ ဤလောကရှိ သက်ရှိများသည် ဝိညာဉ်လောကသို့ တက်လှမ်းရန် မလိုတော့ဘဲ ဤနေရာ၌ ကျင့်ကြံရုံဖြင့် အင်မော်တယ်လောကသို့ တက်လှမ်းနိုင်သည့်အဆင့်ထိ ရောက်ရှိနိုင်မည် ဖြစ်သည်။</p> <p>အကယ်၍ အောင်မြင်ခဲ့ပါက ကျင့်ကြံခြင်းလောကသည် ထိပ်တန်းပါရမီရှင်များကို စဉ်ဆက်မပြတ် မွေးထုတ်ပေးနိုင်မည်ဖြစ်ပြီး 'ချင်းယွမ်ဂိုဏ်း'၏ အမွေအနှစ်များကို အင်မော်တယ်လောကသို့ ပြန်လည်ယူဆောင်သွားနိုင်မည် ဖြစ်၏။</p> <p>သို့သော် ကံဆိုးစွာဖြင့် သူသည် မိမိ၏ဒဏ်ရာကို လျှော့တွက်မိခဲ့သည်။ ဤစီမံကိန်းကို အပြည့်အဝ မဖော်ဆောင်နိုင်မီမှာပင် သူသည် ကွယ်လွန်သွားခဲ့ရပြီး ဤအရာမှာ ကျင့်ကြံခြင်းလောကနှင့် လူသားမျိုးနွယ်စုများအတွက် ဘေးဒုက္ခတစ်ခု ဖြစ်လာခဲ့ရလေသည်။</p> <p>"တကယ်လို့ ချန်ချွမ်းတာအိုအရှင်ရဲ့ စီမံကိန်းသာ အောင်မြင်ခဲ့ရင် ကျင့်ကြံခြင်းလောကက တကယ်ကို ဝိညာဉ်လောကနဲ့ ယှဉ်နိုင်မှာပဲ..."</p> <p>"အဲဒီလိုသာဆိုရင် ကျင့်ကြံခြင်းလောကက ဝိညာဉ်လောကပဲပေါ့... ဘာလို့ ဝိညာဉ်လောကကို တက်လှမ်းနေဖို့ လိုဦးမှာလဲ... နှမြောစရာကောင်းတာက ချန်ချွမ်းတာအိုအရှင်ရဲ့ စီမံကိန်း ပျက်စီးသွားတာပဲ..."</p> <p>"နေဦး... မဟုတ်သေးဘူး... ကျရှုံးသွားတာတော့ မဟုတ်သေးဘူးနဲ့ တူတယ်..."</p> <p>ထိုအခိုက်အတန့်တွင် ကျိုးစွေ့သည် ချန်ချွမ်းတာအိုအရှင် ချန်ထားခဲ့သော သတင်းစကားတစ်ခုကို သတိပြုမိလိုက်၏။</p> <p>ချန်ချွမ်းတာအိုအရှင်သည် အရန်စီမံကိန်းတစ်ခုကို ကြိုတင်ပြင်ဆင်ထားခဲ့ပုံရသည်။ သူသေဆုံးသွားခဲ့လျှင်ပင် အနာဂတ်တွင် သုံးလောကပေါင်းစည်းနိုင်ရန်အတွက် သူ၏ နောက်ဆုံးနည်းလမ်းများကို ချန်ထားခဲ့ခြင်း ဖြစ်ချေတော့သည်။</p> <p>***</p> <p> </p>


Save