Book List

<h2 style="text-align: center;">အခန်း (၅၄)</h2> <h2 style="text-align: center;">နင်းဖန်၏ ဆေးညွှန်းသည် အင်အား ကိုးဆယ်ရာခိုင်နှုန်း တိုးစေနိုင်သလား</h2> <h2 style="text-align: center;">*</h2> <p> </p> <p> </p> <p>သူတော်စင်၏ နှလုံးသားမှာ ပွက်လောရိုက်နေခဲ့၏။</p> <p> </p> <p>အစပိုင်းတွင် သူသည် နင်းဖန်ကို အမှိုက်တစ်စအဖြစ်သာ သတ်မှတ်ခဲ့လေသည်။</p> <p> </p> <p>အကြောင်းပြချက် အချို့ကြောင့် နင်းဖန်သည် ဂိုဏ်းအတွင်း အမှတ်မထင် ကျန်ရစ်ခဲ့ခြင်းဖြစ်၏။</p> <p> </p> <p>ထိုမှတစ်ဆင့် ထိပ်တန်း အင်အားစု တစ်ခု၏ ကျင့်ကြံခြင်း အရင်းအမြစ်များကို လက်ဝါးကြီးအုပ်ရန် ကြီးမားလှသော အခွင့်အရေးကို သူ ရရှိခဲ့လေသည်။</p> <p> </p> <p>သဘာဝကျစွာပင် သာမန်လူတစ်ယောက်အတွက် ဤအခွင့်အရေးသည် တန်ဖိုးတစ်ခု ပေးရမည် ဖြစ်၏။</p> <p> </p> <p>မည်သို့ပင်ဆိုစေ ယူရန် လွယ်ကူသော်လည်း ဂိုဏ်းတစ်ခုလုံး လျှို့ဝှက်နယ်မြေ မှ ထွက်ပေါ်လာ သည်နှင့်တစ်ပြိုင်နက် သူတို့သည် အကြီးအကဲများစွာ၏ မိုးကြိုးကဲ့သို့သော ဒေါသကို ရင်ဆိုင်ရ ပေလိမ့်မည်။</p> <p> </p> <p>ထို့ကြောင့် သူတော်စင်၏ အမြင်တွင် နင်းဖန်သည် အစပိုင်းက အရေးမပါသော လူရွှင်တော် တစ် ယောက်ထက် မပိုခဲ့ချေ။</p> <p> </p> <p>ကျမ်းစာဆောင်တွင် သူ၏ မွေးရာပါ ပါရမီကို ပထမဆုံး မပြသမီအချိန်အထိပင်။</p> <p> </p> <p>ပျံသန်းနေသကဲ့သို့ ကြီးမားသော ခြေလှမ်းများဖြင့် လျှောက်လှမ်းကာ သူသည် နဝမထပ်သို့ တက် လှမ်းခဲ့ပြီး ဂိုဏ်းချုပ်က သူ့ကို တပည့်ခေါင်းဆောင် အဆင့်အတန်း ပေးရန် အဆိုပြုသည်အထိ ဖြစ်စေခဲ့၏။</p> <p> </p> <p>ထိုအချိန်က သူတော်စင်မှာ မှင်တက်သွားခဲ့ပြီး ပထမဆုံးအကြိမ်အဖြစ် သူ၏ နှလုံးသားထဲတွင် ထူထဲ သော အကျပ်အတည်း ခံစားချက်တစ်ခု ပေါ်လာခဲ့လေသည်။</p> <p> </p> <p>သို့သော် ထို့နောက် ချွမ်းကုန်းတောင်ထိပ်မှ အောက်ခြေအဆင့် အကြီးအကဲတစ်ဦး၏ သတင်းပို့ချက်က အချိုးအကွေ့တစ်ခု ဖြစ်စေခဲ့လေ၏။</p> <p> </p> <p>ကျမ်းစာဆောင်၏ ဝင်္ကပါ ချို့ယွင်းနေသည်။</p> <p> </p> <p>နင်းဖန်၏ ပါရမီမှာ အတုဖြစ်နိုင်သည်ဟု သံသယရှိရသည်။</p> <p> </p> <p>ဤရုတ်တရက် အပြောင်းအလဲကြောင့် သူတော်စင်သည် သက်ပြင်းရှည်ကြီးတစ်ခု ချနိုင်ခဲ့၏။</p> <p> </p> <p>သေမျိုးခန္ဓာကိုယ် တစ်ခုက ကျမ်းစာဆောင်၏ နဝမထပ်သို့ တက်လှမ်းသည်ဆိုသော ယုတ္တိမတန်သည့် ကိစ္စမျိုး အမှန်တကယ် မဖြစ်နိုင်ကြောင်း သူ တိတ်ဆိတ်စွာ တွေးလိုက်မိသည်။</p> <p> </p> <p>သို့သော် ထိုနောက် ချက်ချင်းပင် ယွီရူရွှမ်းသည် ကောင်းကင်ဘုံအဆင့် ကျောက်စိမ်းပြား တစ်ခုဖြင့် လူသိရှင်ကြားနှင့် ရင်းနှီးစွာ ချဉ်းကပ်လာပြီး နင်းဖန်၏ ပါရမီမှာ အစစ်အမှန်ဖြစ်ကြောင်း ပြောင်းပြန် သက်သေပြခဲ့လေ၏။</p> <p> </p> <p>သူတော်စင် သက်ပြင်းမချရသေးမီမှာပင် ဤရုတ်တရက် အချိုးအကွေ့ကြောင့် သူ နောက်တစ်ကြိမ် လည်ပင်းညှစ်ခံလိုက်ရလေသည်။</p> <p> </p> <p>ထိုအချိန်မှစ၍ နင်းဖန်နှင့် ပတ်သက်သော အဖြစ်အပျက်တိုင်းသည် သူ့ကို တမင်သက်သက် နောက် ပြောင်နေသကဲ့သို့ ထပ်ခါတလဲလဲ အပြောင်းအလဲများဖြင့် ပြည့်နှက်နေခဲ့၏။</p> <p> </p> <p>နင်းဖန်သည် ကျမ်းစာဆောင်၏ နဝမထပ်တွင် သန့်စင်ခြင်းနှင့် ပေါင်းစပ်ခြင်း နည်းစနစ် ကို လုပ်ဆောင် ခဲ့ပြီး မဟာအကြီးအကဲ၏ ဒေါသကို ဆွပေးခဲ့ခြင်းဖြစ်လေသည်။</p> <p> </p> <p>သူ သေချာပေါက် သေပြီဟု ဂိုဏ်းတစ်ခုလုံး ထင်နေချိန်မှာပင် မြေကြီးထဲမှ ရွှေကြာပန်းများ ရုတ်တရက် ထွက်ပေါ်လာပြီး ကောင်းကင်မှ ကျက်သရေရှိသော အလင်းတန်းများ ကျဆင်းလာခဲ့လေသည်။</p> <p> </p> <p>သန့်စင်ခြင်းနှင့် ပေါင်းစပ်ခြင်း နည်းစနစ် သည် အမှန်တကယ်ပင် အောင်မြင်သွားခဲ့၏။</p> <p> </p> <p>သူသည် ရည်မှန်းချက် ကြီးမားလွန်းပြီး တောင်ငါးလုံး စစ်မှန်သော ပုံစံ လက်သီးကို သူ၏ သိုင်းပညာ အဖြစ် ရွေးချယ်ခဲ့သည်။ အကြီးအကဲများက သူ့ကို တားဆီးရန် အရာအားလုံး ကြိုးစားခဲ့သော်လည်း အချည်းနှီးသာ ဖြစ်ခဲ့၏။</p> <p> </p> <p>နင်းဖန် လမ်းမှားတော့မည်ဟု တွေးကာ အားလုံး စိတ်ပျက်နေချိန်မှာပင် သူသည် ထိုကောင်းကင်ဘုံ အဆင့်မြင့် သိုင်းပညာကို အောင်မြင်မှုအသေးစားအထိ ကျင့်ကြံရန် တစ်ရက်သာ အချိန်ယူခဲ့သည်။</p> <p> </p> <p>ယခု သူသည် ဆေးဥယျာဉ် အကြီးအကဲက အဆိပ်ဆေးညွှန်းအဖြစ် သတ်မှတ်ထားသော ကိုယ်ပိုင် ဆေးသန့်စင်သော ဆေးညွှန်းတစ်ခုကို ဖန်တီးခဲ့၏။</p> <p> </p> <p>"ဒီတစ်ကြိမ်တော့ လုံးဝ သေချာပြီး နင်းဖန်က ဒီအဆိပ်ဆေးညွှန်းအောက်မှာ သေချာပေါက် သေရမယ် လို့ တွေးမိလိုက်တာ…။"</p> <p> </p> <p>"ဒါပေမယ့် ရလဒ်က ဘာလဲ…။"</p> <p> </p> <p>"ဒီကောင်က နောက်တစ်ကြိမ် ထပ်ပြီး အသက်ရှင်သွားပြန်တယ်…။"</p> <p> </p> <p>သူ ရေးထားသော ဆေးညွှန်းမှာ အဆိပ်မရှိရုံသာမက ၎င်းသည် မူလ ခရမ်းရောင် ချီ တစ်မျှင်ကိုပါ အသုံး ပြုခဲ့ပြီး ၎င်း၏ အကျိုးသက်ရောက်မှုများကို ကြီးမားစွာ တိုးပွားစေခဲ့သည်ပင် မဟုတ်ပါလား။</p> <p> </p> <p>ဤကဲ့သို့သော မြင်ကွင်းများသည် နောက်ဆုံးတွင် သူတော်စင်ကို လုံးဝ အကြံအစည်များ ကုန်ခန်းသွား စေခဲ့လေ၏။</p> <p> </p> <p>သူ၏ မျက်လုံးများမှာ ​ဗလာကျင်းနေပြီး သူ၏ ဘဝကို မေးခွန်းထုတ်နေကာ ဤနေရာမှ သူ ဘယ်ကို သွားသင့်သလဲဟု တွေးတောနေခဲ့လေတော့သည်။</p> <p> </p> <p>သူသည် တစ်သက်လုံး နင်းဖန်၏ ဖိနှိပ်မှုကို ခံရရန် ဖန်တီးခံထားရခြင်းများပင်လော။</p> <p> </p> <p>"ဂိုဏ်း၏ တပည့်ခေါင်းဆောင် အဖြစ် အမှန်တကယ် မရှိဘဲ နာမည်ခံ သူတော်စင် ဆိုတဲ့ ခေါင်းစဉ်ကိုသာ ပိုင်ဆိုင်ရတော့မှာလား…။"</p> <p> </p> <p>တစ်ခဏတာတွင် ဇူယွင်ကျယ် သည် စိတ်ဓာတ်ကျသွားပြီး ထိုနေရာတွင် ပုရွက်ဆိတ်တစ်ကောင်ကဲ့သို့ ရပ်နေခဲ့၏။</p> <p> </p> <p>သူ၏ နားထဲတွင် နင်းဖန်ကို ချီးကျူးနေသော အစစ်အမှန်တပည့်များနှင့် အတွင်းစည်းတပည့်များစွာ၏ အသံများ ပြည့်နှက်နေခဲ့သည်။</p> <p> </p> <p>ဤအသံများသည် မကြာမီ သမုဒ္ဒရာလှိုင်းတံပိုးများကဲ့သို့ ပြန့်နှံ့သွားခဲ့လေတော့၏။</p> <p> </p> <p>သတင်းသည် အပြင်စည်း ဧရိယာသို့လည်း ရောက်ရှိသွားခဲ့လေသည်။</p> <p> </p> <p>အကြီးအကဲများနှင့် အုပ်ထိန်းသူများ အပါအဝင် အပြင်စည်းတပည့် တစ်သိန်းနှစ်သောင်းမှာ၊ အဓိက စက်ဝိုင်း အတွင်း၌ မဟာအကြီးအကဲ ကျီးယန် ပြောကြားခဲ့သော အမှန်တရားများကို ကြားပြီးနောက် အားလုံး မှင်တက်ကာ အံ့အားသင့်သွားကြ၏။</p> <p> </p> <p>နင်းဖန်၏ ဆေးသန့်စင်သော ဆေးညွှန်းမှာ အမှန်တကယ်ပင် ထိုမျှ အားကောင်းနေခဲ့သည်တကား။</p> <p> </p> <p>၎င်းသည် အမျိုးမျိုးသော ဆေးဖက်ဝင် ဂုဏ်သတ္တိများကို ပြီးပြည့်စုံစွာ ဟန်ချက်ညီစေခြင်း သက်သက် မဟုတ်ချေ။</p> <p> </p> <p>သူသည် ၎င်းထဲသို့ မူလ ခရမ်းရောင် ချီ တစ်မျှင်ကိုပင် ထည့်နိုင်ခဲ့သည်။ ၎င်းမှာ ရိုးရှင်းစွာ ယုံကြည် နိုင်စရာ မရှိလှချေ။</p> <p> </p> <p>ရေတွက်မရနိုင်သော တပည့်များမှာ မှင်တက်သွားခဲ့ကြ၏။</p> <p> </p> <p>"ဘုရားရေ... ကောင်းကင်နဲ့မြေကြီးရဲ့ အရင်းအမြစ်ကို အဓိက ဆေးအဖြစ် အသုံးပြုတာ...။ နင်းဖန်က အရမ်း အံ့သြစရာကောင်းလွန်းတယ်...။"</p> <p> </p> <p>"အကြီးအကဲစွန်း လည်း အသုံးမကျဘူး...။ သူကိုယ်တိုင်လည်း နားမလည်ဘဲနဲ့ ငါတို့ကိုတောင် လမ်းလွဲ အောင် လုပ်ခဲ့သေးတယ်...။"</p> <p> </p> <p>"ဒါကို ဘယ်သူက အဆိပ်ဆေးညွှန်းလို့ ပြောတာလဲ...။ အကယ်၍ ဒါက အဆိပ်ဆေးညွှန်းဆိုရင် ငါ့ကို အရင် ဆယ်ခွက်လောက် ပေးပါ...။ ငါ့ခန္ဓာကိုယ်နဲ့ အဆိပ်ကို စမ်းသပ်ချင်သေးတယ်...။"</p> <p> </p> <p>"ဒါနဲ့ နင်းဖန်က အရင်က ဆေးဖက်ဝင် အပင် အသိပညာတွေ သင်ဖူးတာလား...။"</p> <p> </p> <p>"သေချာပေါက် မသင်ဖူးလောက်ဘူး...။ မဟုတ်ရင် သူက ဘာလို့ စာအုပ်တွေ ဖတ်နေမှာလဲ...။"</p> <p> </p> <p>"ရှူး...၊ ဆိုလိုတာက နင်းဖန်က ဆေးဖက်ဝင် အပင်တွေရဲ့ တာအို မှာ ဒီလောက် အောင်မြင်မှု အဆင့် တစ်ခုကို ရောက်ဖို့ သုံးရက်ပဲ အချိန်ယူခဲ့တယ်ပေါ့...။"</p> <p> </p> <p>"သူက ဟန်ဆောင်နေတာလို့ ငါ ထင်ခဲ့တာ...။ တကယ်ကြီး အစစ်ဖြစ်နေတာပဲလား...။"</p> <p> </p> <p>"ကြောက်စရာကောင်းတယ်...၊ ရိုးရှင်းစွာပဲ အရမ်း ကြောက်စရာကောင်းလွန်းတယ်...။"</p> <p> </p> <p>"သူက တကယ်ကို ကမ္ဘာမြေကို ဆင်းသက်လာတဲ့ ကောင်းကင်ဘုံက သက်ရှိတစ်ယောက်ပဲ၊ ဆေး ဘိုးဘေး ပြန်လည်ဝင်စားတာပဲ...။"</p> <p> </p> <p>နင်းဖန်၏ အဆင့်မြင့် လှုပ်ရှားမှုများကြောင့် တပည့် အများအပြား အံ့အားသင့်သွားကြသဖြင့် ဆူညံသံ များ အဆက်မပြတ် ပဲ့တင်ထပ်နေခဲ့လေ၏။</p> <p> </p> <p>သေမျိုးတစ်ယောက်ရဲ့ အင်အားနဲ့ မူလ ခရမ်းရောင် ချီ တစ်မျှင်ကို ခိုးယူခြင်းလား။</p> <p> </p> <p>ဤကိစ္စမှာ အလွန် ယုံကြည်နိုင်စရာ မရှိဘဲ အလွန်အမင်း ယုတ္တိမတန်လွန်းလှ၏။</p> <p> </p> <p>၎င်းက နင်းဖန်၏ ယခင် ဇဝေဇဝါဖြစ်စရာ အပြုအမူများ အားလုံးအတွက် ချက်ချင်း ယုတ္တိတန်သော ရှင်းပြချက်တစ်ခုကိုလည်း ပေးစွမ်းခဲ့လေသည်။</p> <p> </p> <p>တစ်ချိန်တည်းမှာပင် မေးခွန်းသစ်တစ်ခု ပေါ်လာခဲ့၏။</p> <p> </p> <p>ထိုအရာမှာ မူလ ခရမ်းရောင် ချီ ကို အဓိက ဆေးအဖြစ်၊ အနှစ်နှစ်သန်း သက်တမ်းရှိ ပုံသဏ္ဌာန်မဲ့ အမြစ် ကို ဆေးဓာတ်ကူပစ္စည်းအဖြစ် အသုံးပြုကာ အခြား အရန်ဆေးများ အားလုံးမှာလည်း ထိပ်တန်းအဆင့် ကောင်းကင်နဲ့မြေကြီး ရတနာ များဖြစ်သော ဤဆေးညွှန်း၏ အကျိုးသက်ရောက်မှုများမှာ မည်သို့ရှိ မည်နည်း ဟူ၍ပင်။</p> <p> </p> <p>၎င်းမှာ မည်မျှ ထိရောက်မှု ရှိမည်နည်း။</p> <p> </p> <p>အတွင်းစည်းရော အပြင်စည်းကပါ တပည့်များ အားလုံး သိချင်နေကြ၏။</p> <p> </p> <p>အကြီးအကဲများနှင့် အုပ်ထိန်းသူများပင်လျှင် ၎င်းကို ဆွေးနွေးနေခဲ့ကြလေသည်။</p> <p> </p> <p>"ဒီဆေးညွှန်းက ကောင်းကင်နဲ့မြေကြီးရဲ့ အရင်းအမြစ်ကို ဆေးအဖြစ် အသုံးပြုထားတာဆိုတော့ သူ့ရဲ့ အကျိုးသက်ရောက်မှုကို သာမန် အသိတရားနဲ့ တိုင်းတာလို့ မရဘူး...။ အဲဒါက တစ်ရာရာခိုင်နှုန်း လောက် တိုးတက်မှုကို သေချာပေါက် ရရှိမှာပဲလို့ ငါ ခန့်မှန်းတယ်...။"</p> <p> </p> <p>" တစ်ရာ ရာခိုင်နှုန်း...၊ အဲဒါ နှစ်ဆ မဟုတ်ဘူးလား...။ အဲဒါ မဖြစ်နိုင်ဘူး မဟုတ်လား...။"</p> <p> </p> <p>"ကျင့်ကြံခြင်းရဲ့ ရုပ်ခန္ဓာကိုယ်သန့်စင်ခြင်း အဆင့်မှာ တတိယ၊ ဆဋ္ဌမ နဲ့ နဝမ အလွှာတွေမှာသာ သူတို့ရဲ့ အင်အားကို နှစ်ဆ တိုးနိုင်တာလေ...။"</p> <p> </p> <p>"ရှေးခေတ်ကနေ အခုအချိန်အထိ အခြား ဘယ်ငယ်ရွယ်တဲ့ နယ်မြေမှာမဆို ပြင်ပ နည်းလမ်းတွေက တစ်ဆင့် ရုပ်ပိုင်းဆိုင်ရာ အင်အားကို နှစ်ဆ တိုးနိုင်တယ်လို့ ငါ တစ်ခါမှ မကြားဖူးဘူး...။"</p> <p> </p> <p>"ဟုတ်တယ်... တစ်ရာ ရာခိုင်နှုန်း က အရမ်းခက်တယ်...။ ကိုးဆယ်ရာခိုင်နှုန်း လို့ပဲ ပြောကြစို့ ကိုးဆယ် ရာခိုင်နှုန်း လောက်တော့ မှန်လောက်တယ်...။"</p> <p> </p> <p>"ဆေးသန့်စင်သော သွေးကြောများ နွေးထွေးစေခြင်း နည်းလမ်းကတစ်ဆင့် ကိုယ်ပိုင် စွမ်းအားကို ကိုးဆယ်ရာခိုင်နှုန်း တိုးစေတာ။ ဒါက ကမ္ဘာ တစ်ခုလုံးမှာ ပြိုင်ဘက်ကင်းပဲ...။ သတင်းသာ ပြန့်သွားရင် အင်အားကြီး အဖွဲ့အစည်း အားလုံးကို ရူးသွပ်သွားစေလောက်တယ်...။"</p> <p> </p> <p>"ရူးသွပ်သွားတော့ရော ဘာအသုံးဝင်မှာလဲ...။ ဒီဆေးညွှန်းထဲက ဓာတ်ကူပစ္စည်းက ပုံသဏ္ဌာန်မဲ့ အမြစ် လေ...။ ဒီဝိညာဉ်အပင်က မျိုးတုံးသွားပြီ ၊ တစ်နည်းအားဖြင့် ငါတို့ရှေ့က ဒီဆေးရည်က ကောင်းကင်နဲ့ မြေကြီးမှာ နောက်ဆုံး အိုးပဲ...။"</p> <p> </p> <p>"ဟင်း...၊ နင်းဖန်ရဲ့ ပါရမီနဲ့ဆိုရင် သူသာ လိုချင်ရင် တူညီတဲ့ အဆင့်ရှိတဲ့ နောက်ထပ် ဆေးညွှန်းတစ်ခု ရေးဖို့က ခက်ခဲမှာ မဟုတ်ဘူးလို့ ငါ ခံစားရတယ်...။"</p> <p> </p> <p>လူအုပ်ကြီးက အလွတ်သဘော စကားပြောဆိုနေခဲ့ကြလေ၏။</p> <p> </p> <p>သူတို့၏ စကားများတွင် ထပ်ခါတလဲလဲ ခန့်မှန်းနေကြပြီး နင်းဖန်၏ ဆေးဟင်းချို၏ အာနိသင်မှာ ကိုးဆယ်​ရာခိုင်နှုန်း ခန့် ရှိသင့်သည်ဟု အများသဘောတူ ယူဆခဲ့ကြလေသည်။</p> <p> </p> <p>ဤသည်မှာ အလွန် မြင့်မားသော မျှော်လင့်ချက်တစ်ခု ဖြစ်၏။</p> <p> </p> <p>ကိုးသည် အစွန်းရောက် ကိန်းဂဏန်းဖြစ်ပြီး ရုပ်ခန္ဓာကိုယ်သန့်စင်ခြင်း အဆင့်ရှိ အလွှာငယ်များကြား တိုးတက်မှု၏ အကန့်အသတ်ကိုလည်း ကိုယ်စားပြုပေသည်။</p> <p> </p> <p>တစ်ရာရာခိုင်နှုန်း နှင့် ပတ်သက်၍မူ ရှေးခေတ်မှ ယနေ့တိုင်အောင် ၎င်းကို အောင်မြင်သူ တစ်ဦး တစ်ယောက်မျှ မတွေ့ခဲ့ရဖူးချေ။</p> <p> </p> <p>နင်းဖန်ပင်လျှင် ပထမ နယ်မြေနှစ်ခုတွင် ၎င်းကို အောင်မြင်ခဲ့ခြင်း မရှိချေ။</p> <p> </p> <p>သူ ရုပ်ခန္ဓာကိုယ်သန့်စင်ခြင်း နယ်မြေ သို့ ပထမဆုံး ဝင်ရောက်စဉ်က သူ၏ လက်တစ်ဖက်တည်း အင်အားမှာ ဂျင် တစ်သောင်းရှစ်ထောင်သာ ဖြစ်၏။</p> <p> </p> <p>နောက်ပိုင်းတွင် အစာချေဖျက်ခြင်း ရုပ်ခန္ဓာကိုယ် သန့်စင်ခြင်း နည်းလမ်းကို ကျင့်ကြံခြင်းနှင့် ယွင်မုန့် ငါးကြင်း ကို အာဟာရအဖြစ် အသုံးပြုခြင်းမှတစ်ဆင့် သူသည် ၎င်းကို ဂျင် နှစ်သောင်းခြောက်ထောင် အထိ သန့်စင်နိုင်ခဲ့သည်ပင်။</p> <p> </p> <p>နှစ်ဆဖြစ်ရန် ဝေးကွာနေသေး၏။</p> <p> </p> <p>ထို့နောက် သူ၏ နယ်မြေ ချိုးဖောက်ဝင်ရောက်မှုမှ ယူဆောင်လာသော အင်အားမြှင့်တင်ရေး အကျိုး သက်ရောက်မှုကို အားကိုးကာ သူ၏ လက်မောင်း အင်အားကို ဂျင် သုံးသောင်းသုံးထောင်အထိ တိုးမြှင့်ခဲ့လေသည်။</p> <p> </p> <p>ဤအချိန်တွင် အကယ်၍ သူသည် သူ၏ ကိုယ်ပိုင် အင်အားကို အားကိုးကာ သူ၏ ရုပ်ပိုင်းဆိုင်ရာ အင်အားကို နှစ်ဆ တိုးလိုပါက သူသည် အနည်းဆုံး ဂျင် ခြောက်သောင်းခြောက်ထောင် စံနှုန်းသို့ ရောက်ရှိရမည် ဖြစ်၏။</p> <p> </p> <p>သဘာဝကျစွာပင် နင်းဖန် ၎င်းကို မလုပ်နိုင်ခဲ့ချေ...။ သူသည် လိဖုန်း တောင်ကြားတွင် အချိန်အ တော်ကြာ တိုက်ခိုက်ခဲ့ပြီး ဂျင် ငါးသောင်းလေးထောင်တွင် ရပ်တန့်သွားခဲ့လေသည်။</p> <p> </p> <p>အဆုံးတွင် သူသည် နှစ်ဆတိုးသည့် မြှင့်တင်မှုကို ရရှိရန် ရုပ်ခန္ဓာကိုယ်သန့်စင်ခြင်း တတိယအလွှာ ၏ အထူး အကျိုးသက်ရောက်မှုကို အားကိုးခဲ့ရ၏။</p> <p> </p> <p>ထို့ကြောင့် အလွှာငယ် ချိုးဖောက်ဝင်ရောက်မှုကို မအားကိုးဘဲ ရုပ်ပိုင်းဆိုင်ရာ အင်အား နှစ်ဆတိုးမှုကို ကြိုတင်၍ ရရှိလိုခြင်းမှာ လုံးဝ မဖြစ်နိုင်ချေ။</p> <p> </p> <p>ပထမ နှစ်ကြိမ်တွင် နင်းဖန် မလုပ်နိုင်ခဲ့ချေ။</p> <p> </p> <p>ဤတတိယအကြိမ်အတွက်လည်း သူ အောင်မြင်နိုင်မည်ဟု အားလုံးက သဘာဝကျစွာ မထင်ခဲ့ကြချေ။</p> <p> </p> <p> </p> <p style="text-align: center;">***</p>


Save