Book List

<h2 style="text-align: center;">အခန်း (၅၆)</h2> <h2 style="text-align: center;">နင်းဖန်က နောင်လာနောက်သားတွေအတွက် ဆေးညွှန်းတစ်ခုကို ချန်ရစ်ခဲ့တယ်၊</h2> <h2 style="text-align: center;">သူ့ရဲ့ နာမည်က မူလအစ ကမ္ဘာဦး ဆေးရည်</h2> <h2 style="text-align: center;">*</h2> <p> </p> <p> </p> <p> </p> <p>"ရုပ်ခန္ဓာကိုယ် ကို တစ်ရာ့နှစ်ဆယ်ရာခိုင်နှုန်း မြှင့်တင်ပေးတာလား... ။ အဲ့ဒါက ဘယ်လိုလုပ် ဖြစ်နိုင် မှာလဲ...။"</p> <p> </p> <p>အကြီးအကဲများမှာ သိသိသာသာ တုန်လှုပ်သွားကြလေ၏...။ သူ</p> <p> </p> <p>တို့ တစ်ဦးစီတိုင်းသည် ရုပ်ခန္ဓာကိုယ်သန့်စင်ခြင်း အဆင့်မှ တက်လှမ်းလာခဲ့ကြသူများဖြစ်ရာ ထို နေရာတွင် စစ်မှန်သော အခြေခံအုတ်မြစ် များ တည်ဆောက်ရန် မည်မျှ ခက်ခဲကြောင်းကို ကောင်း ကောင်း သိထားကြပေသည်။</p> <p> </p> <p>စွန်းချီယွမ် ၏ တစ်ကိုယ်လုံး တုန်ယင်နေခဲ့သည်။ သူ၏ ကိုယ်ပိုင် ရွှေနဂါး ဆေးလုံး အဆင့်ကိုးဆင့် သည် ခုနစ်ဆယ်ရာခိုင်နှုန်း အကျိုးသက်ရောက်မှုကိုသာ ပေးစွမ်းနိုင်သော်လည်း ၎င်းကို ထိပ်တန်း ဆေးညွှန်းတစ်ခုအဖြစ် ချီးကျူးခံခဲ့ရ၏။​</p> <p> </p> <p>သူသည် ၎င်းကို ဂုဏ်ယူခဲ့ပြီး ဤဆေးဖက်ဝင် အပင်များ လောကတွင် သူ့ကို မည်သူကမျှ မယှဉ်နိုင်ဟု ယုံကြည်ထားခဲ့လေသည်။</p> <p> </p> <p>ယနေ့တွင် နင်းဖန်၏ အမည်မသိ ဆေးညွှန်း ပေါ်ထွက်လာပြီး သူ၏ တစ်သက်တာလုံး ကြိုးပမ်းအား ထုတ်မှုကို ချေမှုန်းပစ်လိုက်သည်မဟုတ်ပါတကား။</p> <p> </p> <p>၎င်းသည် ရွှေနဂါး ဆေးလုံး အဆင့်ကိုးဆင့် ထက် ငါးဆယ်ရာခိုင်နှုန်း တိတိ သာလွန်သွားခဲ့လေ၏။</p> <p> </p> <p>၎င်းသည် အံ့မခန်း တစ်ရာ့နှစ်ဆယ်ရာခိုင်နှုန်း တိုးတက်မှုသို့ ရောက်ရှိသွားခဲ့လေသည်။</p> <p> </p> <p>၎င်းသည် အထောက်အကူပြု ရုပ်ခန္ဓာကိုယ် သန့်စင်ခြင်း နည်းလမ်းများကို ဖန်တီးကတည်းက လူသား မျိုးနွယ် ပညာရှိများ တင်ခဲ့သော အမြင့်ဆုံး စံချိန်ကို ချိုးဖျက်ပစ်လိုက်သည်ပင်။ လုံးဝကို စိတ်ကူး၍ ပင်မရနိုင်ချေ။</p> <p> </p> <p>"ကောင်းတယ်...၊ အရမ်းကောင်းတယ်...။ နင်းဖန်က ငါတို့ဂိုဏ်းရဲ့ ချီလင်သားတော် ဖြစ်ဖို့ တကယ်ကို ထိုက်တန်ပါတယ်...။"</p> <p> </p> <p>"တစ်ရာ့နှစ်ဆယ်ရာခိုင်နှုန်း မြှင့်တင်မှု…၊ သူ့ရဲ့ အသားတွေ နှစ်ဆ ဖြစ်သွားတယ်...။ ရုပ်ခန္ဓာကိုယ် သန့်စင်ခြင်း စတုတ္ထအလွှာမှာ သူက ဂျင် နှစ်သိန်းသုံးသောင်းရှိတဲ့ အင်အားကို ကိုင်စွဲထားတယ်...။"</p> <p> </p> <p>"ဒီလောက် နက်ရှိုင်းတဲ့ အခြေခံအုတ်မြစ် တွေနဲ့ဆိုရင် သူ့ရဲ့ အနာဂတ်က အကန့်အသတ်မရှိတော့ ဘူး...။"</p> <p> </p> <p>ဂိုဏ်းချုပ် ဖေ့ချင်းယွီ၏ မျက်လုံးများသည် ဝမ်းသာမှုများဖြင့် တောက်ပနေခဲ့ပြီး နင်းဖန်ကို သူ ကြည့်လေလေ ပို၍ သဘောကျလေလေ ဖြစ်နေ၏။</p> <p> </p> <p>အခြားအကြီးအကဲများ အားလုံးမှာလည်း အပြုံးများ ပေါ်နေကြလေသည်။</p> <p> </p> <p>နင်းဖန်၏ ကျင့်ကြံခြင်း ခရီးစဉ်သည် ကြည့်ရှုရသည်မှာ ရိုးရှင်းစွာပင် ပျော်ရွှင်စရာ ဖြစ်နေ၏။</p> <p> </p> <p>သူ၏ အမြန်နှုန်းက ကြီးမားရုံသာမက အလွှာငယ် တိုင်းကို အစွန်းရောက်သည်အထိ ပွတ်တိုက်ထား ခဲ့လေသည်။</p> <p> </p> <p>သူသည် ရုပ်ခန္ဓာကိုယ်သန့်စင်ခြင်း စတုတ္ထအလွှာ တွင်သာ ရှိသေးသော်လည်း သူတို့ရှေ့တွင် ပြိုင်ဘက် ကင်း ပါရမီရှင်တစ်ဦး ပေါ်ထွက်လာနေပြီဖြစ်ကြောင်း အားလုံးက ခပ်ရေးရေး မြင်တွေ့နိုင်နေပြီ ဖြစ် ၏။</p> <p> </p> <p>မည်သို့ပင်ဆိုစေ သူ၏ အခြေခံအုတ်မြစ် မှာ အလွန် ခိုင်မာလွန်းလှပေသည်။</p> <p> </p> <p>သိုင်းပညာ ကျင့်ကြံခြင်းသည် မျှော်စင်တစ်ခု တည်ဆောက်ခြင်းနှင့် တူကြောင်း သင် သိထားရပေမည်။ အခြေခံအုတ်မြစ် ပိုမို ခိုင်မာလေလေ ထိပ်ဆုံးက ပိုမို မြင့်မားစွာ ရောက်ရှိနိုင်လေလေ ဖြစ်၏။</p> <p> </p> <p>အကယ်၍ သူ ဤအရှိန်အဟုန်ကို ဆက်လက် ထိန်းသိမ်းထားနိုင်ပါက အမြင့်ဆုံး အခြေခံအုတ်မြစ် ကို ဖန်တီးခြင်းသည် အမှန်တကယ်ပင် ဖြစ်နိုင်ပေသည်။</p> <p> </p> <p>တစ်ရာ့နှစ်ဆယ်ရာခိုင်နှုန်း အာနိသင်၊ လက်တစ်ဖက်တည်းဖြင့် ဂျင် နှစ်သိန်းသုံးသောင်း...။</p> <p> </p> <p>သူတော်စင် ဇူယွင်ကျယ် ၏ စိတ်မှာ ပွက်လောရိုက်နေပြီး သူ၏ မျက်နှာမှာ ဖြူရော်နေကာ သူ၏ လက်ချောင်းများသည် လက်ဖဝါးထဲသို့ နက်ရှိုင်းစွာ နစ်ဝင်နေသော်လည်း နာကျင်မှုကို မခံစားရချေ။</p> <p> </p> <p>ရလဒ်မှာ သူ့အတွက် လက်ခံရန် အလွန် တောက်ပလွန်းနေခဲ့သည်။</p> <p> </p> <p>နင်းဖန်သည် ကျမ်းစာဆောင်၏ နဝမထပ် ပါရမီ၊ အံ့မခန်း နားလည်နိုင်စွမ်း ကို ပိုင်ဆိုင်ထားပြီး ပြိုင်ဘက်ကင်း အကန့်အသတ်မဲ့ တာအိုကျမ်းစာ ကို ကျင့်ကြံနေပြီ ဖြစ်၏။</p> <p> </p> <p>ဤအားသာချက်များ အားလုံးမှာ လွှမ်းမိုးနိုင်လွန်းနေပြီပင် ဖြစ်လေသည်။</p> <p> </p> <p>ယခု သူ၏ ရုပ်ခန္ဓာကိုယ် သန့်စင်ခြင်း နည်းလမ်းကပင် အခြားသူများ အားလုံးကို ကျော်လွန်သွားခဲ့ပြီ ဖြစ်၏။</p> <p> </p> <p>သူသည် ခိုင်မာပြီးသား ခန္ဓာကိုယ်ကို နှစ်ဆ ဖြစ်စေသော နတ်ဘုရား ဆေးညွှန်းတစ်ခုကို ဖန်တီးခဲ့ပြီး သေမျိုးခန္ဓာကိုယ် မျှသာရှိသော ခန္ဓာကိုယ်ကို ဘုရင် ခန္ဓာကိုယ် သို့မဟုတ် အရှင်သခင် ခန္ဓာကိုယ် ထက် သာလွန်သွားစေခဲ့သည်ပင်။</p> <p> </p> <p>ထိုကဲ့သို့သော တောက်ပမှုသည် အခြားသော ပါရမီရှင်များ အားလုံးကို မှေးမှိန်သွားစေခဲ့၏။</p> <p> </p> <p>"စီနီယာအစ်ကိုနင်းက အရမ်း အားကောင်းလွန်းတယ်...။"</p> <p> </p> <p>"ငါတို့ရဲ့ ထိုက်ရီအစစ်အမှန်ဂိုဏ်း က တပည့်ခေါင်းဆောင် နင်း လို ပါရမီရှင် တစ်ယောက် ရတာ ကံကောင်းတာပဲ...။"</p> <p> </p> <p>" တစ်ရာ့နှစ်ဆယ်ရာခိုင်နှုန်း တိုးတက်မှု….။အဲဒါက ရုပ်ခန္ဓာကိုယ် သန့်စင်ခြင်း ဆေးညွှန်းတွေအတွက် မျက်နှာဖုံး အသစ်တစ်ခုကို သတ်မှတ်လိုက်တာပဲ...။"</p> <p> </p> <p>"လူတွေကြားက ကွာဟချက်က လူနဲ့ ခွေးကြားက ကွာဟချက်ထက် ပိုကျယ်ပြန့်နိုင်တာပဲ...။ ငါလည်း စတုတ္ထအလွှာမှာပဲ ရှိတာ ဒါပေမယ့် ငါ့ရဲ့ လက်တစ်ဖက်တည်း အင်အားက ဂျင် သုံးသောင်းတောင် မပြည့်ဘူး...။"</p> <p> </p> <p>"ဟုတ်တယ်...။ နင်းဖန်က ရယ်စရာကောင်းလောက်အောင် အားကောင်းတာ...။"</p> <p> </p> <p>"သူ ရုပ်ခန္ဓာကိုယ်သန့်စင်ခြင်း ပြီးပြည့်စုံတဲ့ အခြေအနေမှာ သူ့ရဲ့ အသားကို ဘယ်အဆင့်အထိ သန့်စင် မလဲ ဆိုတာကို ကြည့်ဖို့ ငါ မစောင့်နိုင်တော့ဘူး...။"</p> <p> </p> <p>"ဖြစ်နိုင်တာက သူ တကယ်ပဲ အမြင့်ဆုံး အခြေခံအုတ်မြစ် ကို ဖန်တီးပြီး လက်သီးတစ်ချက်တည်းနဲ့ ဂျင် (၁,၆၀၀,၀၀၀) ကို ကျော်လွန်သွားနိုင်တယ်...။"</p> <p> </p> <p>အပြင်စည်းရော အတွင်းစည်းကပါ တပည့်များ အားလုံး အံ့သြတုန်လှုပ်စွာဖြင့် အော်ဟစ်လိုက်ကြ၏။</p> <p> </p> <p>အထူးသဖြင့် အပြင်စည်းတွင် ဖြစ်လေသည်။</p> <p> </p> <p>အများအပြားမှာ နင်းဖန်၏ နယ်မြေနှင့် နီးကပ်သော ရုပ်ခန္ဓာကိုယ်သန့်စင်ခြင်း အဆင့်တွင် ရှိနေကြရာ ခြားနားချက်မှာ အလွန် သိသာလှ၏။</p> <p> </p> <p>ခြောက်ဆ သို့မဟုတ် ခုနစ်ဆ ကွာဟချက်ကို သေးငယ်သည်ဟု ယူဆကြသည်....။ ဆယ်ဆ ကွာဟ ချက်များမှာ သာမန် ဖြစ်လေ၏။</p> <p> </p> <p>သာမန်လူများနှင့် ထိပ်တန်း ပါရမီရှင် တစ်ဦးကြားရှိ ကြီးမားလှသော ကွာဟချက်အတွက် သက်ပြင်း မချဘဲ မနေနိုင်ကြချေ။</p> <p> </p> <p>အောက်ဘက် ဆေးဖက်ဝင်အပင်တစ်ရာတောင်ထိပ်တွင်။</p> <p> </p> <p>ထိုက်ရီအကြွင်းအကျန်နယ်မြေ တစ်ခုလုံး စိတ်လှုပ်ရှားမှုများဖြင့် ဆူပွက်နေစဉ်၊ ​ေနင်းဖန်သည် သိုင်းပညာ လေ့ကျင့်ရေးကွင်းတွင် စမ်းသပ်မှု ပြီးဆုံးသွားပြီး အလွန် တက်ကြွစွာဖြင့် ပင်မခန်းမသို့ ပြန်လာကာ ရေချိုးလိုလေသည်။</p> <p> </p> <p>ထို့နောက် သိုလှောင်ရုံထဲတွင် အသစ်စက်စက် အစစ်အမှန်တပည့် ဝတ်ရုံတစ်ထည်ကို ရှာတွေ့ပြီး ဝတ်ဆင်လိုက်၏။</p> <p> </p> <p>"ဘယ်လောက်တောင် ခန့်မှန်းလို့ မရနိုင်လိုက်သလဲ...။ ဒီနေ့ ငါ အစစ်အမှန်တပည့် ဝတ်ရုံကို တကယ် ဝတ်နေရပြီ...။"</p> <p> </p> <p>သူသည် မှန်ရှေ့တွင် သူ၏ အဝတ်အစားများကို ပြင်ဆင်ရင်း ကိုယ့်ကိုယ်ကိုယ် လှောင်ပြောင်သော အပြုံးတစ်ခု ပြုံးလိုက်လေ၏။</p> <p> </p> <p>ဂိုဏ်းသို့ ဝင်ရောက်ပြီး ခြောက်လတာကာလအတွင်း သူသည် အစမ်းခန့်တပည့် တစ်ယောက်၏ မီးခိုးရောင် ဝတ်စုံကိုသာ ဝတ်ဆင်ခဲ့ရပြီး အစေခံတစ်ယောက်နှင့် တူနေခဲ့လေသည်။</p> <p> </p> <p>သူ အပြင်ထွက်ပြီး အပြင်စည်းတပည့် များ၏ တရားဝင် ဝတ်စုံများကို မြင်တွေ့ရတိုင်း သူ၏ အတွင်း စိတ်တွင် မနာလိုမှုများ ဖြစ်ပေါ်လာတတ်လေ၏။</p> <p> </p> <p>ဒီလို အဝတ်အစားမျိုး သူ ဘယ်တော့များ ဝတ်နိုင်မလဲလို့ သူ အကြိမ်ကြိမ် တွေးခဲ့ဖူးလေသည်။</p> <p> </p> <p>ယခု သူသည် အစစ်အမှန်တပည့် ဝတ်ရုံသို့ တိုက်ရိုက် ခုန်ပျံကျော်လွှားသွားခဲ့ပြီ ဖြစ်၏။</p> <p> </p> <p>"မဆိုးပါဘူး... ဒီပုံစံက ငါနဲ့ တကယ် လိုက်ဖက်တာပဲ...။"</p> <p> </p> <p>မှန်ထဲတွင် သူ့ကိုယ်သူ သဘောကျရင်း သူသည် အနည်းငယ် မာနဝင်နေခဲ့၏。</p> <p> </p> <p>သူသည် အရပ်ရှည်ပြီး ရုပ်ရည် မဆိုးလှချေ...၊ ကူးပြောင်းခြင်း မတိုင်မီက သူ့ကို လမ်းလျှောက်နေသော အဝတ်ချိတ်တစ်ခုအဖြစ် မကြာခဏ ချီးကျူးခံခဲ့ရသည်။</p> <p> </p> <p>ယခု ကာကွယ်ရေးကိုလည်း ပေးစွမ်းနိုင်သော ခမ်းနားပြီး မြင့်မြတ်သည့် ဝတ်ရုံကို ဝတ်ဆင်ထားသဖြင့် သူ၏ အရှိန်အဝါမှာ ချက်ချင်း မြင့်တက်သွားခဲ့လေ၏။</p> <p> </p> <p>ထိုနေရာတွင် ရပ်နေစဉ် အကယ်၍ တစ်စုံတစ်ဦးသည် သူ၏ ရုပ်ခန္ဓာကိုယ်သန့်စင်ခြင်း ကျင့်ကြံမှုကို လျစ်လျူရှုလိုက်ပါက သူသည် ထင်ရှားသော ပါရမီရှင်တစ်ဦးနှင့် အမှန်တကယ် တူညီပေသည်။</p> <p> </p> <p>"ကောင်းတယ်..."</p> <p> </p> <p>အဝတ်အစား ဝတ်ပြီးသည်နှင့် သူသည် လက်နှစ်ဖက်ကို နောက်ပစ်ကာ လေးနက်သော ကိစ္စရပ် များဆီသို့ လှည့်လိုက်၏။</p> <p> </p> <p>ဆေးရေချိုး ရုပ်ခန္ဓာကိုယ် သန့်စင်ခြင်း နည်းလမ်း သည် အံ့ဖွယ် အကျိုးသက်ရောက်မှုများ ရှိသော် လည်း အနှစ်နှစ်သန်း သက်တမ်းရှိ ပုံသဏ္ဌာန်မဲ့ အမြစ် သည် တစ်ခုတည်းသာ ရှိသဖြင့် ဆေးညွှန်းကို ဘယ်သောအခါမျှ ပြန်လည် ထုတ်လုပ်နိုင်မည် မဟုတ်ချေ။</p> <p> </p> <p>တစ်နည်းအားဖြင့် ဆေးရေချိုးဖြင့် တိုးတက်ရန် ဤတစ်ခုတည်းသော အခွင့်အရေးမှာ ပျောက်ကွယ် သွားပြီ ဖြစ်လေ၏။</p> <p> </p> <p>သို့သော် မမျှော်လင့်ထားသော ကောင်းချီးတစ်ခု ရှိခဲ့သည်။ ထို မူလ ခရမ်းရောင် ချီ တစ်မျှင်သည် လွှမ်းမိုးနိုင်စွမ်းရှိပြီး သူ ၎င်းကို အပြည့်အဝ မသန့်စင်ရသေးချေ။</p> <p> </p> <p>သူ၏ ခန္ဓာကိုယ်အတွင်း အကြွင်းအကျန်များ ကျန်ရှိနေသေး၏။</p> <p> </p> <p>အနာဂတ် ကျင့်ကြံစဉ်အတွင်း သူသည် ဤချီကို အသုံးပြု၍ သူ၏ သွေးကြောများကို ဆက်လက် နွေးထွေးစေနိုင်ပြီး ရုပ်ခန္ဓာကိုယ် သန့်စင်ခြင်း အကျိုးသက်ရောက်မှုများကို ရရှိနေဆဲ ဖြစ်မည်ပင်။</p> <p> </p> <p>ထို့အပြင် ဤဆေးဥယျာဉ်အတွင်း၌ ကောင်းကင်နဲ့မြေကြီး ရတနာ များ နှင့် ဝိညာဉ်အပင်များ အများ အပြား ရှိပေသည်။</p> <p> </p> <p>တောက်ပသော ဆေး နှလုံးသားဖြင့် အပင်တိုင်း၏ အကျိုးသက်ရောက်မှုနှင့် သက်တမ်းကို တစ်ချက် ကြည့်ရုံဖြင့် သူ သိမြင်နိုင်ပေ၏။</p> <p> </p> <p>ထို့ကြောင့် သူ၏ စိတ်ထဲတွင် အစီအစဉ်တစ်ခု ရှိပြီးသား ဖြစ်လေသည်။</p> <p> </p> <p>ရုပ်ခန္ဓာကိုယ်သန့်စင်ခြင်း စတုတ္ထအလွှာ တွင် လေ့ကျင့်ရန်အတွက် သူသည် ဥယျာဉ်၏ ရတနာများကို သားရဲတစ်သောင်း တောင်ထိပ်၏ ထမင်းစားဆောင်မှ အဆင့်မြင့် နတ်ဆိုးသားရဲ အသားများနှင့် တွဲဖက်ကာ ဟင်းလျာများ ပြုလုပ်နိုင်ပေသည်။</p> <p> </p> <p>ထို့နောက် သူ၏ ကိုယ်ပိုင် သွေးနှင့်ချီ ကြီးထွားမှုကို လှုံ့ဆော်ရန် ခရမ်းရောင် ပါရမီ အသားကို အပြည့် အဝ အသုံးချခြင်း အပေါ် အားကိုးနိုင်ပေ၏။</p> <p> </p> <p>၎င်းက သူ့ကို စတုတ္ထအလွှာတစ်လျှောက် ချောမွေ့စွာ ဖြတ်သန်းသွားစေမည် ဖြစ်သည်။</p> <p> </p> <p>သဘာဝကျစွာပင် အကျိုးသက်ရောက်မှုမှာ ဆေးသန့်စင်သော သွေးကြောများ နွေးထွေးစေခြင်း ထက် နိမ့်ကျပေလိမ့်မည်။</p> <p> </p> <p>မည်သို့ပင်ဆိုစေ အသားကို တစ်ရာ့နှစ်ဆယ် ရာခိုင်နှုန်းအထိ မြှင့်တင်ပေးခြင်းမှာ ရိုးရှင်းစွာပင် အံ့မခန်း ဖြစ်၏။</p> <p> </p> <p>နင်းဖန်ပင်လျှင် ၎င်းကို ပြန်လည် ဖန်တီးရန် ယုံကြည်မှု မရှိချေ။</p> <p> </p> <p>"ဒါက ငါ ပထမဆုံး ဖန်တီးဖူးတဲ့ ဆေးညွှန်းဖြစ်လို့ ဒါကို ရေးပြီး နောင်လာနောက်သားတွေအတွက် ချန်ထားရစ်ခဲ့တာ အကောင်းဆုံးပဲ…။"</p> <p> </p> <p>သူ၏ နောက်ထပ် ကျင့်ကြံခြင်း အဆင့်များကို သတ်မှတ်ပြီးနောက် စားပွဲပေါ်ရှိ စာရေးကိရိယာများကို သူ ကြည့်လိုက်ပြီး စိတ်လှုပ်ရှားသွားခဲ့လေ၏။</p> <p> </p> <p>သူ ရှေ့သို့ လှမ်းကာ စုတ်တံကို စိမ်ပြီး လေကဲ့သို့အဟုန်ဖြင့် ရေးသားလိုက်လေသည်။</p> <p> </p> <p>ထိုက်ရီအစစ်အမှန်ဂိုဏ်း မှ နင်းဖန်သည် ယနေ့ ရုပ်ခန္ဓာကိုယ် သန့်စင်ခြင်း ဆေးရေချိုး ဆေးညွှန်းတစ်ခု ကို ရေးစပ်ခဲ့လေသည်။</p> <p> </p> <p>[အဓိက ပါဝင်ပစ္စည်းများ - အနှစ်တစ်ထောင် သက်တမ်းရှိ လီဟွော့ ကြက်သွေးရောင် သစ်သီး သုံးလုံး၊ အနှစ်တစ်သောင်း သက်တမ်းရှိ ရွှမ်မင် စစ်မှန်သော ရေ ကိုးစက်...။</p> <p> </p> <p>အရန် ပါဝင်ပစ္စည်းများ- အနှစ်ငါးသိန်း သက်တမ်းရှိ မြေကြီး သွေးကြော ခရမ်းရောင် လင်းကျီးမှို တစ်ပွင့်၊ အနှစ်တစ်သိန်း သက်တမ်းရှိ မိုးပြာရောင် နဂါး သစ်သား အူတိုင် အစအန နှစ်ကျပ်သား၊ တစ်နှစ် သက်တမ်းရှိ ကျားဖြူ ထက်မြက်သော ရွှေရောင် သဲ ငါးမူး...။</p> <p> </p> <p>ဓာတ်ကူပစ္စည်း- ယခုလေးတင် ကျွတ်ထားသော ရွှေရောင် အတောင်ပံများရှိသော ကောင်းကင် ပိုးကောင် အရေခွံ တစ်စုံ...။</p> <p> </p> <p>အစီအစဉ်အတိုင်း ထည့်ပါ၊ မြေကြီးမီး ဖြင့် သန့်စင်ပါ... ပြီးသောအခါ အဆင့်ကိုးဆင့်ဖြင့် အသားများ ကို သွန်းလုပ်ရန် တစ်ကိုယ်လုံးကို ရေချိုးပါ၊ တောင်များနှင့် မြစ်များကို ဖောက်ထွင်းနိုင်သော စွမ်းအား၊  အခြေခံအုတ်မြစ်။ ကိုးဆယ် ရာခိုင်နှုန်း တိုးတက်မှု...။</p> <p> </p> <p>အကယ်၍ သင်သည် အနှစ်နှစ်သန်း သက်တမ်းရှိ ပုံသဏ္ဌာန်မဲ့ အမြစ် တစ်ခုကို ရရှိပါက ဖုံးကွယ်ထား သော ဆေးညွှန်းတစ်ခု ပွင့်လာမည်။</p> <p> </p> <p>နေထွက်ချိန်၊ အရှေ့အရပ်မှ ခရမ်းရောင် ချီ များ ရောက်လာသောအခါ ထိုအမြစ်ကို ဓာတ်ကူပစ္စည်း အဖြစ် ပြောင်းလဲပြီး မူလအစ ကမ္ဘာဦး ခရမ်းရောင် ချီ တစ်မျှင်ကို ဆွဲငင်ပါ...။</p> <p> </p> <p>၎င်းကို ပေါင်းထည့်ခြင်းက ဖန်ဆင်းခြင်းကို လုယူပြီး အာနိသင်ကို တစ်ရာ့နှစ်ဆယ် ရာခိုင်နှုန်း အထိ မြှင့်တင်ပေးကာ သေမျိုးခန္ဓာကိုယ် ကို ရှေးဟောင်း ကျန်ရစ်သူ မျိုးစိတ် များနှင့် ယှဉ်နိုင်စေသည်...။</p> <p> </p> <p>ဤဆေးညွှန်းကို ထိုက်ချူ တာအိုပြောင်းလဲခြင်း ဆေးရည် ဟု အမည်ပေးထားပြီး တာအို လမ်းကြောင်း ပေါ်တွင် သိမြင်နားလည်ခဲ့သည်...။ ကံပါသော နောင်လာနောက်သားများအတွက် ငါ ချန်ရစ်ခဲ့သည်...။</p> <p> </p> <p>လူသားမျိုးနွယ် တာအို လမ်းကြောင်း ကြီးပွားတိုးတက်ပြီး ပါရမီရှင်များ ပေါများကြပါစေ...။</p> <p> </p> <p>စစ်မှန်သော နက်နဲခြင်း ခေတ်၊ မူလအစ ကမ္ဘာဦး သက္ကရာဇ် (၉၇,၀၀၀) ခုနှစ်…။</p> <p> </p> <p>ဆေးဖက်ဝင်အပင်တစ်ရာတောင်ထိပ် ဥယျာဉ်တွင် နင်းဖန် ရေးသားခဲ့သည်...။]</p> <p> </p> <p> </p> <p style="text-align: center;">***</p>


Save