Book List

<h2 style="text-align: center;">အခန်း ၄၈၅</h2> <h2 style="text-align: center;">ထျန်းသီကုန်သည်ကြီးများအသင်း၏ တားမြစ်ချက်</h2> <h2 style="text-align: center;">*</h2> <p>"စိတ်မပူပါနဲ့ အဖေ၊ကျွန်တော် အခြေနေကို နားလည်ပါတယ်" ဟု လုရီဖျင်က ပြောလိုက်သည်။</p> <p> </p> <p>သို့သော်လည်း လုရီဖျင်သည် ထျန်းသီကုန်သည်ကြီးများအသင်းမှ  စတင်မတိုက်ခိုက်ခဲ့လျှင် သူ့ကိုယ်သူထိန်းထားနိုင်သည်ဟု ကတိပေး‌လိုက်‌ေလသည်။  ထျန်းတီကုန်သည်ကြီးများအသင်းဘက်မှ စတင် တိုက်ခိုက်ခဲ့ပါက လုရီဖျင်သည်လည်း အာမခံနိုင်မည်မဟုတ်ပေ။ လုရီဖျင်သည် တိုက်ခိုက်ရသည်ကို မနှစ်သက်သော်လည်း ပြဿနာကို ဘယ်သောအခါမှ ကြောက်ရွံ့သူမဟုတ်ပေ။</p> <p> </p> <p>ကော့ချိုးယွဲ့က "ဒီတစ်ကြိမ်မှာ နျိုဝါမယ်‌ေတာ်ကြီးက လော့စုန်လင်းကို ဒိုင်လူကြီးအဖြစ် ဖိတ်ကြားထားတယ်လို့ ကြားတယ်၊ အဲဒါ တကယ်လားတော့ မသိဘူး" ဟု ပြောလိုက်သည်။ နျိုဝါ နှင့် စုန်လင်းအကြောင်းကို ပြောဆိုရာတွင် ကော့ချိုးယွဲ့၏ မျက်နှာ၌ ကြည်ညိုလေးစားမှုနှင့် ကြောက်ရွံ့ရိုသေမှုများ အထင်အသား ပေါ်လွင်နေခဲ့သည်။</p> <p> </p> <p>နျိုဝါ သည် နတ်ဆိုးမျိုးနွယ်စု၏ နံပါတ်တစ် အင်အားကြီးပုဂ္ဂိုလ်ဖြစ်ပြီး ဟုန်မုန့်လောက၏ အသန်မာဆုံး အမျိုးသားကြီးများနှင့် ရင်ဘောင်တန်းနိုင်သူ တစ်ဦးဖြစ်သည်။</p> <p>စုန်လင်း မှာမူ လူသားမျိုးနွယ်၏ နံပါတ်တစ် အင်အားကြီးပုဂ္ဂိုလ်ဖြစ်သလို လူသားမျိုးနွယ်၏ နံပါတ်တစ် လက်နက်ပန်းပဲဆရာလည်း ဖြစ်သည်။ နျိုဝါကဲ့သို့ပင် သူမသည် ဟုန်မုန့်လောက၏ အလှပဆုံး အမျိုးသမီး ၅ ဦးတွင် တစ်ဦးအပါအဝင် ဖြစ်သည်။</p> <p> </p> <p>ထိုအမျိုးသမီးနှစ်ဦးသည် ဟုန်မုန့်လောကရှိ အမျိုးသားများ၏ အလေးစားရဆုံးအမျိုးသမီးများသာမက အမျိုးသမီးအားလုံး၏ အားကျအတုယူရသည့် စံပြအမျိုးသမီးများလည်း ဖြစ်ကြသည်။</p> <p> </p> <p>လုရီဝမ်က "အဲ့သတင်းက အမှန်ဖြစ်ဖို့များတယ်၊ အင်အားကြီးမိသားစုတွေက လူ‌ေတွအားလံုး ဒီလက်နက်သွန်းလုပ်ခြင်းပြိုင်ပွဲကို စာရင်းပေးထားကြတာလဲ တကယ်တော့ စုန်လင်းသခင်မကို တွေ့ချင်ရုံလို့ဖြစ်မယ်၊ စုန်လင်းသခင်မက လူမြင်ကွင်းကို ထွက်လာတာရှားတယ်၊ ပုံမှန်အခြေနေတွေမှာ တာအိုဘိုးဘေးတွေတောင် သူမကို တွေ့ခွင့်မရကြဘူး" ဟု ဆိုလိုက်သည်။</p> <p> </p> <p>ထို့နောက် သူက ဆက်၍ "အဓိကကတော့ စုန်လင်းသခင်မက အခုထိ အိမ်ထောင်မပြုရသေးတာပဲ" ဟု ပြောလိုက်သည်။</p> <p> </p> <p>လောကတွင် အလှပဆုံးအမျိုးသမီးဖြစ်ပြီး အင်အားလည်း အလွန်ကြီးမားသူဖြစ်သည်။</p> <p>ထို့ပြင် ဟုန့်မုန်လောက၏ ထိပ်တန်း လက်နက်ပန်းပဲဆရာတစ်ဦးပင် ဖြစ်သည်။</p> <p>ထို့ကြောင့် စုန်လင်းသည် ဟုန့်မုန်လောကရှိ အမျိုးသားအားလုံး၏ အိပ်မက်ထဲမှ အမျိုးသမီးပင်ဖြစ်သည်။</p> <p> </p> <p>လုရီဝမ်သည် ထိုသို့ပြောရင်း ခေါင်းလှည့်ကာ လုရီဖျင်ကို စနောက်လိုက်သည် "ဖျင်အာ... မင်းလည်း ဒီနှစ်တွေထဲမှာ အိမ်ထောင်မပြုရသေးဘူး မဟုတ်လား"</p> <p> </p> <p>လုရီဖျင် ခဏတာ ကြောင်အမ်းသွားပြီးနောက် ခေါင်းခါယမ်းကာ ပြုံးလိုက်သည် "ဟုတ်တယ်၊ မပြုရသေးပါဘူး…" သူသည် အောက်လောက ရှိ လော့ရွှေ ကိုပင် တစ်ချက်တေွးမိသွားခဲ့သည်။</p> <p> </p> <p>လုရီဝမ်ကလည်း ပြုံးလျက် "ဒါဆို မင်းမှာ အခွင့်အရေးရှိသေးတာပေါ့" ဟု ဆိုလိုက်သည်။ "စုန်လင်းသခင်မက ပြောဖူးတယ်၊  ဘယ်အမျိုးသားမဆို လက်နက်သွန်းလုပ်ခြင်းအတတ်မှာ သူမကို အနိုင်ယူနိုင်ပြီး လူပျိုတစ်ဦးဖြစ်မယ်ဆိုရင် သူမက အဲ့လူနဲ့ လက်ထပ်မယ်တဲ့။ ငါမှတ်မိသလောက်ဆိုရင် မင်းက ဆေးပညာ၊ လက်နက်သွန်းလုပ်ခြင်းနဲ့ စီရင်ထုံးတွေကို လေ့လာရတာ အရမ်းဝါသနာပါတာပဲမလား၊ ဒီနှစ်တွေထဲမှာ မင်းရဲ့ လက်နက်သွန်းလုပ်ခြင်းအတတ်ကရော ဘယ်လိုအခြေအနေရှိလဲ"</p> <p> </p> <p>ကော့ချိုးယွဲ့ကလည်း ရယ်မောကာ "စုန်လင်းသခင်မက ဟုန့်မုန်လောကရဲ့ နံပါတ်တစ် လက်နက်သွန်းလုပ်သူပဲ၊ ဘယ်သူက သူမကို အနိုင်မှာလဲ၊ ဖျင်အာရဲ့ အစွမ်းက မဆိုးဘူးဆိုပေမဲ့ စုန်လင်းသခင်မကိုတော့ ဘယ်လိုလုပ် အနိုင်ယူနိုင်မှာလဲ" ဟု ပြောလိုက်သည်။</p> <p> </p> <p>လုရီဝမ်ကလည်း "ကိုယ်ကလည်း အပျော်သဘောအနေနဲ့ပြောတာပါ”  ဟု ပြုံး၍စ‌ေနာက်လိုက်သည်။ သူသည်လည်း လုရီဖျင်အနေဖြင့် စုန်လင်းကို အနိုင်ယူနိုင်လိမ့်မည်ဟု မမျှော်လင့်ထားပေ။</p> <p> </p> <p>ထိုချိန် လုရီဝမ်မှ ထပ်လောင်းပြောကြားခဲ့သည်။ "စုန်လင်းသခင်မ သတ်မှတ်ထားတဲ့ စည်းကမ်းတွေက အရမ်းမြင့်မားလွန်းတယ်။ ဒီဟုန့်မုန်လောကမှာ ဘယ်သူကများ သူမထက် သာအောင် သွန်းလုပ်နိုင်မှာလဲ"</p> <p> </p> <p>ကော့ချိုးယွဲ့က ပြုံးလျက် "သခင်မ စုန်လင်းမှာ ရွေးစရာ လူပျိုတွေ အရမ်းများလွန်းလို့များ ဟုန့်မုန်လောကက အမျိုးသားတွေ လက်လျှော့သွားအောင် ဒီစည်းကမ်း‌ေတွကို တမင်တကာ သတ်မှတ်ထားတာများလား" ဟု ပြောလိုက်သည်။</p> <p> </p> <p>အာကာသသင်္ဘောယာဉ်သည် ခရီးစဉ်အတိုင်း ဆက်လက်မောင်းနှင်လာခဲ့သည်။</p> <p>တစ်လကြာပြီးနောက်တွင်...</p> <p>နတ်ဆိုးမျိုးနွယ်စု၏ မြင့်မြတ်သောမြေကို လှမ်းမြင်နေရပြီဖြစ်သည်။</p> <p> </p> <p>နတ်ဆိုးမျိုးနွယ်စု၏ မြင့်မြတ်သောမြေနှင့် နီးကပ်လာလေ အရပ်ရပ်မှ အင်အားကြီးပုဂ္ဂိုလ်များကို ပိုမိုတွေ့ရှိလာရလေလေဖြစ်သည်။ ၎င်းတို့အားလုံးမှာ ပြိုင်ပွဲဝင်ရန် စာရင်းပေးထားသူများ ဖြစ်ကြသည်။ လက်နက်သွန်းလုပ်ခြင်းပြိုင်ပွဲ၏ စည်းကမ်းချက်အရ သူတော်စင်ဧကရာဇ်ဘုရင် အဆင့်နှင့် အထက် အင်အားကြီးသူတိုင်း ပါဝင်ယှဉ်ပြိုင်နိုင်‌ေပသည်။</p> <p> </p> <p>နတ်ဆိုးမျိုးနွယ်စု၏ မြင့်မြတ်သောမြေသို့ ရောက်ရှိလာသောအခါ အာကာသသင်္ဘောများမှာ အဝင်အထွက် မပြတ်တော့ချေ။ အချို့မှာ မြင့်မြတ်သောလက်နက်အဆင့် အာကာသသင်္ဘောများဖြစ်ပြီး အချို့မှာ အဆင့် အာကာသသင်္ဘောများ ဖြစ်ကြသည်။ လုမိသားစု၏ အာကာသသင်္ဘောမှာ ချင်းမြို့တော်တွင်မူ အတော်သင့် ကောင်းမွန်သည်ဟု ဆိုနိုင်သော်လည်း ယခုနေရာသို့ ရောက်ရှိလာသောအခါတွင်မူ အနည်းငယ် သေးငယ်‌ေနခဲ့‌ေလသည်။</p> <p> </p> <p>"ဟိုရှေ့က အပြာရောင်သင်္ဘော‌ေပါ်က လန်ဖုန်းကုန်သည်ကြီးများအသင်းရဲ့ ဥက္ကဋ္ဌပဲ" ဟု ရှေ့ကသင်္ဘောကို ကြည့်ပြီး လုရီဝမ်က ပြောလိုက်သည်။</p> <p> </p> <p>ငွေရောင်ဝတ်စုံဝတ် အဖိုးအိုတစ်ဦးနှင့် လန်ဖုန်းကုန်သည်ကြီးများအသင်းမှ အင်အားကြီးသူတစ်စုမှာ သင်္ဘောဦးတွင် ရပ်နေခဲ့ကြသည်။</p> <p> </p> <p>လန်ဖုန်းကုန်သည်ကြီးများအသင်းနှင့် လုမိသားစုကုန်သည်အသင်းတို့မှာ အစဉ်အမြဲ ရင်းနှီးသော ဆက်ဆံရေးရှိခဲ့ကြသည်။</p> <p>သို့သော်လည်း လုရီဝမ်သည် သူ၏သင်္ဘောကို မောင်းနှင်သွားပြီး နှုတ်ဆက်ရန် ပြင်လိုက်ချိန်တွင် လန်ဖုန်းကုန်သည်ကြီးများအသင်း၏ သင်္ဘောမှာ အရှိန်မြှင့်ကာ ရှောင်ထွက်သွားလေသည်။</p> <p> </p> <p>လုရီဝမ်မှာလည်း အံ့အားသင့်သွားရသည်။</p> <p>ထို့နောက်တွင်လည်း လုရီဝမ်သည် အသိအကျွမ်းအချို့နှင့် ထပ်မံတွေ့ဆုံခဲ့သော်လည်း ခြွင်းချက်မရှိဘဲ ထိုသူများအားလုံးသည် လုရီဝမ်နှင့် တွေ့သည့်အချိန် ထိတ်လန့်တကြားဖြစ်ကာ အနားမကပ်ဘဲ ရှောင်ဖယ်သွားကြသည်။</p> <p> </p> <p>လုရီဝမ်လည်း အခြေနေကိုရိပ်မိကာ မျက်မှောင်ကြုတ်သွားမိသည်။</p> <p>"ဒါ… ထျန်းသီကုန်သည်ကြီးများအသင်း  ကြောင့်လား" ဟု ကော့ချိုးယွဲ့က ခန့်မှန်းလိုက်သည်။</p> <p> </p> <p>လုရီဝမ်က တည်ငြိမ်စွာဖြင့် "အဲဒါကြောင့်ပဲ ဖြစ်မယ်" ဟု ဆိုလိုက်သည်။</p> <p> </p> <p>လုမိသားစုကုန်သည်အသင်းတွင် ထျန်းတီကုန်သည်ကြီးများအသင်းမှလွဲ၍ အခြားရန်သူ မရှိပေ။ လန်ဖုန်းကုန်သည်ကြီးများအသင်းနှင့် အခြားအသင်းများသည် ထျန်းသီကုန်သည်ကြီးများအသင်း၏ သတိပေးခြင်းကို ခံထားရသည်မှာ သေချာသလောက်ရှိသည်။ ထိုသို့မဟုတ်ပါက လုမိသားစုအား ကြောက်လန့်တကြား ရှောင်ဖယ်နေကြမည် မဟုတ်ပေ။</p> <p> </p> <p>မူလက လုရီဝမ်သည် လုရီဖျင်အတွက် ဂုဏ်ပြုပွဲတစ်ခု ကျင်းပပေးရန် ရည်ရွယ်ခဲ့သော်လည်း သူနှင့် ကော့ချိုးယွဲ့တို့သည် ကျင့်ကြံခြင်းအတွက် တာအိုအသီးနှံကို စားသုံးခဲ့ရခြင်းနှင့် လက်နက်သွန်းလုပ်ခြင်းပြိုင်ပွဲ နီးကပ်လာခြင်းတို့ကြောင့် ထိုပွဲကို မကျင်းပဖြစ်ခဲ့ပေ။ ပြိုင်ပွဲပြီးသည့်နောက် ပြန်လုပ်ရန် စီစဉ်ထား‌ေပသည်။</p> <p> </p> <p>သို့သော် ယခုအခါ လုမိသားစုနှင့် ခင်မင်ခဲ့သော ကုန်သည်အသင်းများကပင် ရှောင်ဖယ်နေကြသဖြင့် ထိုဂုဏ်ပြုပွဲသို့ ဖိတိကြားရန် ခဲယဉ်းသွားပြီဖြစ်သည်။</p> <p>အခြားကုန်သည်အသင်းများ ရှောင်ဖယ်နေကြသဖြင့် လုရီဝမ်နှင့် ကော့ချိုးယွဲ့တို့မှာ စိတ်အနှောင့်အယှက် အနည်းငယ် ဖြစ်သွားရသည်။</p> <p> </p> <p>နတ်ဆိုးမျိုးနွယ်စု၏ မြင့်မြတ်သောမြို့တော်သို့ ရောက်ရှိသောအခါ ၎င်းတို့သည် သင်္ဘောကို သိမ်းဆည်းပြီး မြို့ထဲသို့ ခြေကျင်သာဝင်ရောက်ခဲ့ကြသည်။</p> <p>မြို့တော်သည် ဟုန့်မုန်လောကတွင် အကြီးဆုံးနှင့် အစည်ကားဆုံး မြို့ကြီးများအနက် တစ်ခုဖြစ်သည်။ လမ်းဘေးဝဲယာရှိ အဆောက်အဦးများမှာလည်း ခန့်ညားထည်ဝါလှသည်။ မြို့တော်တစ်ခုလုံးသည် ခမ်းနားမှု၊ ထည်ဝါမှုနှင့် မြင့်မြတ်မှုတို့ လွှမ်းမိုးနေပြီး ချင်းချန်မြို့တော်နှင့် နှိုင်းယှဉ်၍ပင် မရနိုင်ချေ။</p> <p> </p> <p>လုရီဝမ်နှင့် ကော့ချိုးယွဲ့တို့သည်လည်း ယခုမြို့တော်သို့ ပထမဆုံးအကြိမ် ရောက်ဖူးခြင်းဖြစ်‌သဖြင့် မြို့၏ဟန်ပန်ကို မြင်ရသောအခါ အလွန်အံ့ဩသင့်သွားကြသည်။ လြရီဖျင်သည်လည်း မိဘနှစ်ပါးနှင့်အတူ လူအုပ်ထဲတွင် လိုက်လျောညီညွတ်စွာ လမ်းလျှောက်လိုက်ပါလာခဲ့သည်။</p> <p> </p> <p>စီဖန်းစားသောက်ဆိုင် ရှေ့သို့ ရောက်သောအခါ လုရီဝမ်သည် ခြေလှမ်းရပ်လိုက်ပြီး လုရီဖျင်ကို ကြည့်ကာ "ဖျင်အာ... အဖေတို့ စီဖန်းစားသောက်ဆိုင်ထဲဝင်ပြီး ဝိုင်လေး ဘာလေး သောက်ကြမလား" ဟု မေးလိုက်သည်။</p> <p> </p> <p>စီဖန်းစားသောက်ဆိုင်၏ ဝိုင်မှာ ဟုန့်မုန်လောကတွင် အလွန်နာမည်ကြီးပြီး ချင်းချန်မြို့တွင် ဆိုင်ခွဲမရှိသဖြင့် ယနေ့ကဲ့သို့ အခွင့်အရေးမျိုးမှာ ရှားပါးလှသည်။</p> <p> </p> <p>"ကောင်းတာပေါ့…" ဟု လုရီဖျင်ကလည်း ပြုံးလျက် ပြန်‌ေဖြလိုက်သည်။</p> <p> </p> <p>ကော့ချိုးယွဲ့ကလည်း ရယ်မောကာ "ရှင်တို့ သားအဖနှစ်ယောက်စလုံးကတော့ ဝိုင်ဆိုတာနဲ့ တစ်သံတည်းထွက်ကြတာဘဲနော်…" ဟု ဆိုလိုက်သည်။</p> <p> </p> <p>လုရီဝမ်ကလည်း ပြုံးလိုက်ပြီး  "မင်းကလည်း ... ကိုယ်တို့ကိ ခရီးပန်းလာလို့ ဆေးတစ်ခွက်သောက်တဲ့သဘောပါ " ဟု ပြန်ပြောလိုက်လေသည်။</p> <p> </p> <p>လုရီဖျင်နှင့် လုရီဝမ်တို့ နှစ်ဦးစလုံးလည်း ပြုံးလိုက်ကြပြီး ကော့ချိုးယွဲ့၏ နောက်ကွယ်မှ အစေခံမိန်းကလေးသည်လည်း ပါးစပ်ကလေးပိတ်ကာ ရယ်မောနေ‌ေလသည်။</p> <p>စီဖန်းစားသောက်ဆိုင်အတွင်း၌ လူများဖြင့် ပြည့်နှက်လုနီးပါး ဖြစ်နေသော်လည်း နောက်ဆုံးတွင် နေရာလွတ်တစ်ခုကို ရှာတွေ့ပြီး ထိုင်လိုက်ကြသည်။ လုရီဖျင်တို့သည် စီဖန်းစားသောက်ဆိုင်၏ အကောင်းဆုံးဝိုင် နှစ်အိုးနှင့်အတူ အရသာရှိလှသည့် ဟင်းလျာများကို မှာယူလိုက်ကြသည်။</p> <p> </p> <p>လုရီဖျင်တို့မိသားစု ပျော်ရွှင်စွာ စားသောက်နေကြစဉ်မှာပင် လန်ဖုန်း ကုန်သည်ကြီးများအသင်း၏ ဥက္ကဋ္ဌနှင့် အဖွဲ့သားများ ဆိုင်ထဲသို့ ဝင်လာကြသည်ကို မြင်‌ေတွ့လိုက်ရသည်။</p> <p> </p> <p>လန်ဖုန်းအဖွဲ့သားများသည်လည်း ထိုင်ခုံရှာနေကြခြင်းဖြစ်သည်။ ဥက္ကဋ္ဌ လန်ရှင်းမင် သည် ဆိုင်ထဲသို့ဝင်လာရင်း လုရီဝမ်တို့ကို မြင်လိုက်ရသောအခါ အနည်းငယ် အံ့အားသင့်သွားပြီး ခဏတာ တွေဝေနေမိသည်။ ထို့နောက် သူသည် လုရီဝမ်တို့ရှိရာသို့ လျှောက်လာခဲ့သည်။</p> <p> </p> <p>"ညီအစ်ကို လု ...ကျွန်တော်ပြောရမှာတော့ အားနာပါတယ်… အဲ့ဒါက …." လန်ရှင်းမင် ရောက်လာသောအခါ လုရီဝမ်ကို နှုတ်ဆက်ရင်း ပြုံးပြလိုက်သော်လည်း ထိုအပြုံးမှာ အတော်လေးကို အားနာဟန်ပါနေခဲ့သည်။</p> <p> </p> <p>"ဥက္ကဋ္ဌ ကျွန်တော့်ကို အမှန်တိုင်းပြောပေးပါ ဒါက ထျန်သီးကုန်သည်ကြီးများအသင်းကြောင့်လား" လုရီဝမ်က တိုက်ရိုက်ပင် မေးမြန်းလိုက်သည်။</p> <p> </p> <p>လန်ရှင်းမင်က ခေတ္တစဉ်းစားပြီးနောက် "ညီအစ်ကို လုကို အမှန်အတိုင်းပဲပြောလိုက်ပါ့မယ်၊ ထျန်းသီကုန်သည်ကြီးများအသင်းက အဓိကကုန်သည်အသင်းတွေကို သတိပေးထားတယ်။ အကယ်၍ လုမိသားစုကုန်သည်အသင်းနဲ့ ထပ်ပြီး ဆက်သွယ်နေမယ်ဆိုရင် ကျွန်တော်တို့ကို ညှာတာ‌ေနမှာမဟုတ်ဘူးလို့ ပြောထားတယ်" ဟု ဆိုလိုက်သည်။</p> <p> </p> <p>လုရီဝမ်၏ မျက်နှာ ပျက်ယွင်းသွားရသည်။</p> <p>ထို့နောက် လန်ရှင်းမင်က ဆက်၍ "ညီအစ်ကို လု... ကျွန်‌ေတာ်အကြံ‌ေပးတာကို နားထောင်စမ်းပါ။ ဒီလက်နက်သွန်းလုပ်ခြင်းပြိုင်ပွဲမှာ မပါဝင်သင့်ဘူး။ ထျန်းသီကုန်သည်ကြီးများအသင်းရဲ့ လုဖုန်းက သခင်ကြီး လုကော်လင်းရဲ့ သားဖြစ်သူ လုကျိီနဲ့ ရင်းနှီးတယ်လို့ ကျွန်တော်ကြားထားတယ်"ဟု ပြောလိုက်သည်။</p> <p> </p> <p>"သခင်ကြီး လုကော်လင်းလား…" လုရီဝမ်နှင့် ကော့ချိုးယွဲ့တို့ နှစ်ဦးစလုံး မျက်နှာများ ဖြူဖျော့သွားကြသည်။</p> <p> </p> <p>လုကော်လင်းသည် နျိုဝါမယ်‌ေတာ်ကြီ  လက်အောက်မှ စစ်သူကြီးတစ်ဦးဖြစ်ပြီး၊ ထိပ်တန်း တာအိုဘိုးဘေးတစ်ဦးအဖြစ် အလွန်ကျော်ကြားသူဖြစ်သည်။ လုဖုန်းသည် လုကော်လင်း၏သားနှင့် ရင်းနှီးနေလိမ့်မည်ဟု သူတို့ မထင်မှတ်ထားခဲ့ပေ။</p> <p> </p> <p>လန်ရှင်းမင်က ဆက်၍ "လွန်ခဲ့တဲ့ ရက်အနည်းငယ်ကတည်းက ထျန်းသီကုန်သည်ကြီးများအသင်းက လူတွေ နတ်ဆိုးမျိုးနွယ်စုရဲ့ မြင့်မြတ်တဲ့မြို့တော်ကို ရောက်နေကြပြီ။ အခု လုဖုန်းက လုကျီရဲ့ စံအိမ်မှာ နေထိုင်နေတာ" ဟု ပြောလိုက်သည်။</p> <p> </p> <p>"ပြီးတော့၊ ကျွန်တော် ကြားထားတာက..." လန်ရှင်းမင်သည် တွေဝေသွားပြီး ဆက်မပြောဘဲ ရပ်လိုက်သည်။</p> <p>***</p> <p> </p>


Save