Book List

<h2 style="text-align: center;">အခန်း ၄၈၉</h2> <h2 style="text-align: center;">ဝူမျိုးနွယ်စု၏ ညှိနှိုင်းမှု</h2> <h2 style="text-align: center;">*</h2> <p>မိစ္ဆာမျိုးနွယ်စု၏ မြင့်မြတ်သောမြို့တော်အတွင်းရှိ လူတိုင်းမှာ မှင်သက်အံ့ဩသွားကြ‌ေလသည်။</p> <p>နျိုဝါမယ်တော်ကြီးသည် မည်သို့သောလူမျိုးဖြစ်သည်ကို လူတိုင်းသိထားပေသည်။</p> <p>သူမသည် မိစ္ဆာမျိုးနွယ်စု၏ ခေါင်းဆောင်ဖြစ်သည်။ ဟုန့်မုန် လောက၏ အသန်မာဆုံး ပုဂ္ဂိုလ်များထဲမှ တစ်ဦးလည်း ဖြစ်သည်။ သူမ၏ ကျင့်စဉ်အဆင့်မှာ တာအိုဘိုးဘေး အထွတ်အထိပ်အဆင့်သို့ ရောက်ရှိနေပြီး ခေါင်းဆောင်ကြီး ပန့်ကူး၏ ကောင်းကင်ဘုံဖွင့် စကြဝဠာအဆင့်သို့ ရောက်ရှိရန် ခြေလှမ်းဝက်သာ လိုတော့သည့် တည်ရှိမှုမျိုးဖြစ်သည်။</p> <p> </p> <p>နျိုဝါသည် အမျိုးသားတစ်ဦးအား ဆွေးနွေးရန်ဖိတ်ကြားလေ့ရှိသူမဟုတ်ပေ။ ယခုမူ နျိုဝါသည် လူမျိုးနွယ်မှ လုရီဖျင်ကို ဝါနန်းတော်သို့ တာအိုတရားလမ်းစဉ်များ ဆွေးနွေးရန် ဖိတ်ခေါ်လိုက်ခြင်းဖြစ်သည်။</p> <p> </p> <p>ယနေ့အထိ မည်သည့်အမျိုးသားမျှ နျိုဝါ၏ ဝါနန်းတော်အတွင်းသို့ ခြေတစ်လှမ်းပင် ခြေမချဖူးသေးပေ။ ထိပ်သီးမိစ္ဆာစွမ်းအားရှင် လျိုချွမ်း ပင်လျှင် ပုံမှန်အားဖြင့် နန်းတော်တံခါးဝတွင် ရပ်စောင့်ကာ အမိန့်ကို နာခံရခြင်းဖြစ်သည်။</p> <p> </p> <p>လုရီဖျင် ကိုယ်တိုင်သည်လည်း အံ့အားသင့်သွားမိသည်။ နျိုဝါသည် သူ့အား တာအိုတရားလမ်းစဉ်များ ဆွေးနွေးရန် ဖိတ်ကြားလိမ့်မည်ဟု မမျှော်လင့်ထားမိပေ။ သို့သော် နျိုဝါမှ သူ့အား ဖိတ်ကြားခြင်းမှာ စိတ်ဝင်စားမှုကြောင့် မဟုတ်ဘဲ သူသည် နှစ်ပေါင်းသုံးထောင်ကြာ တရားထိုင်ကာ ကံကောင်းခြင်း တာအိုခန္ဓာကို ကျင့်ကြံအောင်မြင်ထားသောကြောင့်သာ တာအိုလမ်းစဉ်ချင်း ဖလှယ်လိုခြင်း ဖြစ်ကြောင်း နားလည်လိုက်သည်။</p> <p> </p> <p>"နျိုဝါမယ်တော်ကြီးက ဖိတ်ခေါ်မှတော့ ကျွန်တော် ရီဖင်အနေနဲ့ ငြင်းဆန်မဝံ့ပါ့ဘူး" လုရီဖျင်လည်း ခေတ္တမျှ စဉ်းစားပြီးနောက် ပြန်လည်ဖြေကြားလိုက်သည်။ ထို့နောက် သူ၏ မိဘများဖြစ်သော လုရိီဝမ် နှင့် ကော့ချိုးယွဲ့ တို့ကို "အဖေနဲ့ အမေ စံအိမ်မှာပဲ‌ေစာင့်‌ေနပါ၊ ကျွန်တော် ဝါနန်းတော်ကို သွားလိုက်ဦးမယ်" ဟု နှုတ်ဆက်ကာ ကောင်းကင်သို့ ပျံတက်သွားတော့သည်။</p> <p> </p> <p>လျိုချွမ်းသည် ဝါနန်းတော်သို့ ဦးတည်သွားနေသော လုရီဖျင်အား မနာလိုခြင်း၊ အားကျခြင်းနှင့် ကြောက်ရွံ့ခြင်းတို့ ရောပြွမ်းနေသည့် မျက်နှာဖြင့် ကြည့်ကာကျန်ရစ်‌ေနခဲ့သည်။</p> <p> </p> <p>မကြာမီ လုရီဖျင်သည် ဝါနန်းတော်သို့ ရောက်ရှိလာခဲ့‌ေလသည်။ မြင့်မြတ်သော မြို့တော်အပြင်ဘက် တောင်ပေါ်တွင် တည်ရှိသော ဝါနန်းတော်သည် ခန့်ညားထည်ဝါပြီး အုတ်တစ်ချပ်၊ အရာဝတ္ထုတစ်ခုစီတိုင်း၌ မြင့်မြတ်သော တာအိုတရားလမ်းစဉ်များ ကိန်းအောင်းနေသည်ကို ခံစားမိ‌ေစသည်။ နန်းတော်သို့ ရောက်ရှိချိန်တွင် နျိုဝါ၏ အစေခံမလေးတစ်ဦးမှ ရပ်စောင့်ကာ ကြိုဆိုနေပြီး အတွင်းဆောင်သို့ လမ်းပြခေါ်ဆောင်သွား‌ေလသည်။</p> <p> </p> <p>အတွင်းဆောင်သို့ ရောက်သောအခါ ကျက်သရေရှိပြီး မြင့်မြတ်သော အမျိုးသမီးနှစ်ဦးကို တွေ့လိုက်ရသည်။ တစ်ဦးမှာ ဖီးနစ်ဝတ်စုံကို ဆင်မြန်းထားပြီး ကျန်တစ်ဦးမှာ အနီရောင်ဝတ်စုံကို ဝတ်ဆင်ထား‌ေလသည်။ တစ်ဦးမှာ ကမ္ဘာလောကကို အုပ်စိုးသည့် မိခင်တစ်ဦးကဲ့သို့ ခန့်ညားပြီး ကျန်တစ်ဦးမှာ ရင်သပ်ရှုမောဖွယ် အလှမျိုးဖြင့် တင့်တယ်ပေသည်။</p> <p> </p> <p>ဖီးနစ်ဝတ်စုံနှင့် အမျိုးသမီးမှာ နျိုဝါဖြစ်ကြောင်း လုရီဖျင် သေချာပေါက် သိလိုက်ရသည်။ သို့သော် အခြားတစ်ဦးမှာ မည်သူဖြစ်သည်ကို မသိရ‌ေပ။ သူမတို့ နှစ်ဦးမှာ ညီအစ်မရင်းချာများကဲ့သို့ ရင်းနှီးစွာ ရပ်နေကြ‌ေလသည်။</p> <p> </p> <p>နျိုဝါသည် လုရီဖျင်ကို မြင်သောအခါ ခေါင်းညိတ်ပြလိုက်ပြီး  "မိတ်ဆွေ လု၊ မိတ်ဆက်ပေးပါရစေ၊ ဒါကတော့ ကျွန်မရဲ့ ညီမတော် လော့စုန်လင်းပါ"</p> <p> </p> <p>စုန်လင်းလူသားမျိုးနွယ်စု၏ ထိပ်သီး အစွမ်းထက်ဆုံး ပုဂ္ဂိုလ်နှင့် နံပါတ်တစ် လက်နက်ပန်းပဲဆရဖြစ်သည်။ စုန်လင်းသည်လည်း ယခုနေရာတွင် ရှိနေလိမ့်မည်ဟု လုရီဖျင် မထင်မှတ်ထားပေ။</p> <p> </p> <p>ထို့နောက် ၎င်းတို့ သုံးဦးသည် တာအိုတရားလမ်းစဉ်များကို ဆွေးနွေးခဲ့ကြသည်။ အချိန်တော်တော်များများတွင် နျိုဝါ နှင့် လုရီဖျင်တို့သာ စကားပြောကြားပြီး စုန်လင်းသည် ဘေးမှ နားထောင်ကာ တစ်ခါတစ်ရံမှ ဝင်ရောက်မှတ်ချက်ပေးခဲ့သည်။ စုန်လင်းသည် လူသားတို့တွင် အသန်မာဆုံး အမျိုးသမီး ဖြစ်သော်လည်း တာအိုဘိုးဘေး၏ အထွတ်အထိပ်အဆင့်သို့မူ မရောက်သေးပေ။</p> <p> </p> <p>သူတို့ ဆွေးနွေးနေစဉ်အတွင်း မိစ္ဆာမြို့တော်တစ်ခုလုံးမှာ လုရီဖျင်အကြောင်းဖြင့် ဆူညံနေတော့သည်။ အင်အားစုများစွာသည် လုမျိုးနွယ် ကုန်သွယ်ရေးအဖွဲ့ကို စုံစမ်းစစ်ဆေးလာကြသည်။ မကြာမီတွင် ဝူမျိုးနွယ်စု၏ မြင့်မြတ်သောနယ်မြေမှ ဝူပါ့ထျန်း နှင့် အခြားသူများလည်း လုရီဖျင်၏ သတင်းကို ရရှိသွားကြသည်။</p> <p> </p> <p>"ဘာ... မိစ္ဆာမျိုးနွယ်က လျိုချွမ်းတောင် ဒီလုရိီဖျင်ကို မယှဉ်နိုင်ဘူး ဟုတ်လား" ဝူပါ့ထျန်း၏ မျက်နှာမှာ သတင်းကြားရသည်နှင့် ပျက်ယွင်းသွားတော့သည်။</p> <p> </p> <p>"ဟုတ်ပါတယ်၊ လျိုချွမ်းက လုရီဖျင်ရဲ့ တိုက်ကွက် တစ်ကွက်ကိုတောင် မခံနိုင်ခဲ့ပါဘူး" ဟု ဝူမျိုးနွယ်စု၏ ၁၂ ခုမြောက် ခန်းမဆောင်သခင် ဝူရှန်းက တင်ပြလိုက်ရာ ခန်းမအတွင်းရှိ ဝူမျိုးနွယ် ဘိုးဘေးများအားလုံး တုန်လှုပ်ချောက်ချားသွားကြလေတော့သည်။</p> <p> </p> <p>တာအိုဘိုးဘေးတို့၏ ကျင့်စဉ်စွမ်းအား ၁၈ ဘီလီယံ ခန့်ရှိသော လျိုချွမ်းသည်ပင် လုရီဖျင်၏  တိုက်ခိုက်မှုကို မယှဉ်နိုင်ခဲ့ပေ။ ထိုသို့ဆိုလျှင် လုရိီဖျင်၏ တိုက်ခိုက်ရေးစွမ်းရည်မှာ ၎င်းတို့၏ ဝူဘိုးဘေး ၊ နျိုဝါဘိုးဘေးတို့ဖြင့် တန်းတူဟုပင် ဆိုရနိုင်သည်။</p> <p> </p> <p>ဝူဘိုးဘေးသည် ထိုသတင်းကို ကြားလိုက်ရသောအခါ မျက်မှောင်ကြုတ်သွားပြီး အသံနက်ဖြင့် မေးမြန်းလိုက်သည်။ "အခုကော ဘယ်လိုဖြစ်သွားပြီလဲ"</p> <p> </p> <p>"အခုတော့ နျိုဝါမယ်တော်ကြီးက မိစ္ဆာမျိုးနွယ်နဲ့ လုရီဖျင်တို့ကြားက ပဋိပက္ခ‌ေတွ ရပ်တန့်သွားအောင် ဆွေးနွေးနေပါတယ် ပြီးတော့ နျိုဝါမယ်တော်ကြီးက လုရီဖျင်ကို တာအိုတရား ဆွေးနွေးဖို့ ဝါနန်းတော်ထဲကိုပါ ဖိတ်ခေါ်သွားခဲ့ပါတယ်" ဟု ဝူရှန်းက တုံ့ဆိုင်းတုံ့ဆိုင်းဖြင့် ပြောလိုက်သည်။</p> <p> </p> <p>ဝူမျိုးနွယ်နှင့် လူမျိုးနွယ်တို့သည် ကြီးမားသော ပဋိပက္ခများရှိနေပြီး အမြဲတမ်း စစ်မက်ဖြစ်ပွားနေကြသော်လည်း ဝူဘိုးဘေးသည် နျိုဝါမယ်‌ေတာ်ကြီးအား  သဘောကျနေသည်ကို လူတိုင်းသိကြ‌ေပသည်။ သူသည် ဟုန့်မုန်လောကအား တစ်စည်းတစ်လုံးတည်းဖြစ်အောင် လုပ်ဆောင်ပြီးပါက နျိုဝါမယ်‌ေတာ်ကြီးကို လက်ထပ်ယူမည်ဟုပင် ကတိပြုထားခဲ့သူ ဖြစ်သည်။</p> <p> </p> <p>သို့သော်လည်း နျိုဝါမယ်‌ေတာ်ကြီးသည် ဝူဘိုးဘေးအပေါ် အမြဲတ‌ေစ အေးစက်စက်သာ ဆက်ဆံခဲ့သည်။ ယခုမူ သူမသည် လုရီဖျင်ကို ဝါနန်းတော်သို့ ဖိတ်ခေါ်ကာ တာအိုတရားလမ်းစဉ်များ ဆွေးနွေးနေခဲ့သည်။</p> <p>ဝူရှန်း၏ စကားအဆုံးတွင် ဝူဘိုးဘေး၏ မျက်လုံးများမှာ အေးစက်ကာ အရောင်များ တောက်လာတော့သည်။</p> <p> </p> <p>ဝူပါ့ထျန်းက သတိကြီးစွာဖြင့်  "အဖေ... ဝူကန်း တခြားသူတွေက အဲဒီ လု ဆိုတဲ့ လူရဲ့ လက်ထဲမှာ ရှိနေတာပါ။ အခု သူတို့အားလုံးကို ပြန်လွှတ်ပေးဖို့  လူလွှတ်ပြီး ညှိနှိုင်းခိုင်းလိုက်ရမလား"ဟု မေးလိုက်သည်။</p> <p> </p> <p>အစောပိုင်းကမူ ဝူပါ့ထျန်းတို့၏ အကြံအစည်မှာ လုရီဖျင်ကို ရှာတွေ့သည်နှင့် သတ်ပစ်ရန် ဖြစ်သော်လည်း ယခုမူ ထိုစကားကို မပြောဝံ့ကြတော့ပေ။ ဝူဘိုးဘေး ကိုယ်တိုင်ပင်လျှင် ထိုလူအား သတ်နိုင်ပါ့မလားဟု သံသယဝင်စရာ ဖြစ်နေခဲ့သည်။</p> <p> </p> <p>ဝူဘိုးဘေးသည် လေးနက်စွာဖြင့် "ဝူကန်းက သူ့လက်ထဲမှာဆိုတော့ သူ့ကိုယ်တိုင် ပြန်လွှတ်ပေ‌းအောင်လုပ်ရမှာပေါ့ "ဟု ပြောလိုက်သည်။"အခုချက်ချင်း မိစ္ဆာမြို့တော်ကို လူလွှတ်ပြီး ညှိနှိုင်းခိုင်းလိုက်"</p> <p> </p> <p>ဝူရှန်းလည်း စဉ်းစားဟန်ဖြင့် "တကယ်လို့ အဲဒီလူက သဘောမတူဘူးဆိုရင်ကော"ဟုမေးလိုက်သည်။</p> <p> </p> <p>ဝူဘိုးဘေး၏ မျက်နှာမှာ ပြောင်းလဲသွားပြီး  "တကယ်လို့ သူက ပြန်မပေးဘူးဆိုရင်လည်း... အေးဆေးဆွေးနွေးမယ့်ကိစ္စကိုဖျက်လိုက်တာပေါ့၊သူ့ကို ငါတို့ မသတ်နိုင်ရင်တောင် သူ့ရဲ့ မိဘတွေကိုတော့ သတ်နိုင်တာပဲ၊ သူ့ဘက်က အေးဆေးသဘောမတူရင် လုမျိုးနွယ် ကုန်သွယ်ရေးအဖွဲ့ကို ဖျက်ဆီးပစ်မယ်လို့ သတိပေးလိုက်"ဟု ပြောလိုက်လေသည်။</p> <p> </p> <p>ဝူရှန်းလည်း ရိုသေစွာဖြင့် အမိန့်ကို နာခံလိုက်သည်။</p> <p>လုရီဖျင်သည် နျိုဝါ၊ စုန့်လင်းတို့နှင့်အတူ ဝါနန်းတော်တွင် ဆယ်ရက်ကျော်ကြာ တာအိုတရားများ ဆွေးနွေးပြီးနောက်၊ လက်နက်သွန်းလုပ်ခြင်းပြိုင်ပွဲ မစတင်မီ သူ၏ နေအိမ်သို့ ပြန်လာခဲ့‌ေလသည်။</p> <p>လုရီဝမ် နှင့် ကော့ချိုးယွဲ့ တို့မှာ သူတို့၏ သားဖြစ်သူ ဘေးကင်းစွာ ပြန်လာသည်ကို မြင်သောအခါမှသာ ရင်ထဲရှိ အပူများ ငြိမ်းအေးသွားကြတော့သည်။</p> <p> </p> <p>"ရီဖျင်... နိုင်ဝါမယ်တော်ကြီးက သားကို ဘာတွေပြောလိုက်လဲ" လုရီဝမ်သည် ဝမ်းသာအားရဖြင့် ရင်ခုန်စိတ်လှုပ်ရှားနေမိသည်။</p> <p>ကော့ချိုးယွဲ့သည်လည်း သူမ၏သားကို ငေးကြည့်နေမိသည်။</p> <p> </p> <p>လုရီဖျင်ကလည်း ပြုံးလိုက်ပြီး "ထွေထွေထူးထူး မဟုတ်ပါဘူး၊ သာမန် တာအိုတရား‌ေတွ ဆွေးနွေးရုံပါပဲ။ ဒါနဲ့ စုန်လင်းသခင်မလည်း ဝါနန်းတော်ထဲမှာ ရှိနေတယ်"ဟုပြောလိုက်သည်။</p> <p> </p> <p>လုရီဝမ် နှင့် ကော့ချိုးယွဲ့တို့မှာ အံ့ဩသွားကြပြီး  "သခင်မကြီး စုန်လင်းလား…"</p> <p>စုန်လင်းသည် ဟုန့်မုန်းလောကရှိ လူသားမျိုးနွယ်စုတွင် ထိပ်သီး အစွမ်းထက်ဆုံး ပုဂ္ဂိုလ်ဖြစ်ကာ ထိပ်သီး လက်နက်ပန်းပဲဆရာသခင်လည်း ဖြစ်သည်။</p> <p> </p> <p>ဟုန့်မုန်လောကရှိ လူသားများ၏ စိတ်နှလုံးထဲတွင် သူမ၏ အဆင့်အတန်းမှာ နျိုဝါမယ်‌ေတာ်ကြီး နှင့် မခြားနားပေ။</p> <p> </p> <p>လုရိဖျင်ကလည်း ခေါင်းညိတ်ပြလိုက်သည်။</p> <p>ထိုစဉ် အစေခံမလေး ကော့ချိုးယွဲ့သည် အထဲသို့ အပြေးအလွှား ဝင်လာခဲ့ပြီး အပြင်တွင် ဝူမျိုးနွယ်စုမှ တမန်တော်များမှ လုရီဖျင်အား တွေ့ဆုံရန် တောင်းဆိုနေကြောင်း သတင်းပို့လာခဲ့သည်။</p> <p> </p> <p>လုရီဖျင်သည် ဝူမျိုးနွယ်တမန်တော်များ၏ ရည်ရွယ်ချက်ကို ခန့်မှန်းမိလိုက်ပြီး "သူတို့ကို အထဲဝင်ခိုင်းလိုက်" ဟု ပြောလိုက်သည်။</p> <p> </p> <p>မကြာမီ အစေခံမလေးသည် ဝူမျိုးနွယ်တမန်တော် နှစ်ဦးကို ခေါ်ဆောင်လာခဲ့သည်။ ထိုတမန်တော် နှစ်ဦးမှာ အားနည်းသူများ မဟုတ်ဘဲ ယခင်က လုကော်လင်းနှင့် အဆင့်အတန်း တန်းတူ ရှိကြသူများဖြစ်သည်။</p> <p> </p> <p>သူတို့သည် လုရီဖျင်၏ ရှေ့သို့ ရောက်သောအခါ မောက်မာရဲခြင်း မရှိဘဲ လက်အုပ်ချီကာ "သခင်ကြီးလု…" ဟု ခေါ်ဝေါ်ကာနှုတ်ဆက်လိုက်သည်။ ထို့နောက် သူတို့၏ လာရင်းရည်ရွယ်ချက်ကို ရှင်းပြကာ ဝူကန်းနှင့် အခြားသူများကို ပြန်လွှတ်ပေးရန် တောင်းဆိုခဲ့ကြသည်။</p> <p> </p> <p>လုရီဝမ်နှင့် ကော့ချိုးယွဲ့တို့မှာ ဝူမျိုးနွယ်တမန်များ၏ ရည်ရွယ်ချက်ကို ခန့်မှန်းမိထားသော်လည်း ယခုအခါ လုရီဖျင်သည် ဝူမျိုးနွယ်စုမှ တာအိုဘိုးဘေး ၆ ဦးနှင့် မြင့်မြတ်သောဘုရင် ၈ ဦးကို ဖမ်းဆီးထားကြောင်း ကြားလိုက်ရသည့်အခါ အလွန်အံ့ဩသွားကြသည်။</p> <p> </p> <p>"ဝူမျိုးနွယ်က လူတွေကို ပြန်လွှတ်ပေးဖို့က အဆင်ပြေပါတယ်" ဟု လုရီဖျင်က အေးဆေးစွာ ပြောလိုက်သည်။ "ဒါပေမဲ့ တစ်ခုခုနဲ့တော့ လဲလှယ်ရမယ်။ တာအိုဘိုးဘေး တစ်ယောက်ကို ဘီလီယံ ၁၀၀၊ မြင့်မြတ်တဲ့ဘုရင် တစ်ယောက်ကို ဘီလီယံ ၁၀ တန်ဖိုးရှိတဲ့ ပစ္စည်းတွေနဲ့ လဲရမယ်"</p> <p> </p> <p>ဝူမျိုးနွယ်တမန် နှစ်ဦးမှာ ထိုစကားကို ကြားသောအခါ မျက်နှာပျက်သွားကြသည်။</p> <p>"သခင်ကြီးလု နောက်နေတာများလား…" ဟု ဝူမျိုးနွယ်တမန်က အတင်းအကျပ် ပြုံးကာ ပြောလိုက်ရသည်။</p> <p> </p> <p>လုရီဖျင်က "မင်းတို့ ဝူမျိုးနွယ်တွေက ငါ့ကို အရင် ဝိုင်းတိုက်ခိုက်လို့ ငါက သူတို့ကို ဖမ်းထားတာလေ။ အခု မင်းတို့က ဒီကိုလာပြီး စကားတစ်ခွန်းတည်းနဲ့ ပြန်လွှတ်ပေးဖို့ ပြောနေတာ... ဖြစ်နိုင်တယ်လို့ ထင်နေလား" ဟု ပြန်ပြောလိုက်သည်။</p> <p> </p> <p>အခြားတမန်တစ်ဦးကလည်း လေးနက်သော အမူအရာဖြင့် "ကျွန်‌ေတာ်တို့ရဲ့ သခင်ကြီး ဝူဘိုးဘေးက မှာလိုက်ပါတယ်။ တကယ်လို့ သခင်ကြီးလုက ကျွန်တော်တို့ လူတွေကိုပြန်မလွှတ်ပေးဘူးဆိုရင်... လုမျိုးနွယ်တည်ထောင်ထားတဲ့ လုကုန်သွယ်ရေးအသင်းကို ဖျက်ဆီးပစ်ရပါလိမ့်မယ်၊ ပြီးတော့ လုသခင်ကြီးရဲ့ မိဘနှစ်ပါးလုံခြုံရေးကိုလည်း အာမမခံနိုင်ဘူးလို့ ပြောလိုက်ပါတယ်"ဟု သတိပေးဟန်ဖြင့် ပြောလိုက်သည်။</p> <p> </p> <p>ထိုစကားကို ကြားလိုက်ရသောအခါ လုရီဝမ်နှင့် ကော့ချိုးယွဲ့တို့၏ မျက်နှာများမှာ ဖြူလျော်သွားတော့သည်။</p> <p>လုရီဖျင်၏ မျက်လုံးများမှာ အေးစက်သော အလင်းတန်းများ ထွက်ပေါ်လာပြီး  "အဲဒီလိုဆိုရင်တော့... မင်းတို့လည်း ပြန်သွားစရာ မလိုတော့ဘူး ထင်တယ်"ဟု ပြန်လည်သတိပေးလိုက်သည်။</p> <p> </p> <p>***</p> <p> </p>


Save