Book List

<h2 style="text-align: center;">အခန်း ၄၁၃</h2> <h2 style="text-align: center;">ကြီးကျယ်ခမ်းနားသော စီမံကိန်းကြီး</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>ထန်ထိုင်ကျုံးတယ်က ဂိုဏ်းချုပ်များကို ဈေးနှုန်းသတ်မှတ်ခိုင်းသည့် ထန်ယွင်၏ လုပ်ရပ်ကို အလွန်ပင် သဘောကျနေတော့သည်။</p> <p>အဆုံးသတ်တွင် ဂိုဏ်းချုပ်ပေါင်း ထောင်ချီက တစ်နာရီကြာ အပြန်အလှန် ဆွေးနွေးကြပြီးနောက် ထန်ယွင်ထံသို့ ဈေးနှုန်းတစ်ခု တင်ပြလာကြရာ ထိုဈေးနှုန်းက ထန်ယွင်နှင့် ထန်ထိုင်ကျုံးတယ်တို့ကိုပင် ဆွံ့အသွားစေခဲ့သည်။</p> <p>၅ ဆ ။</p> <p>မှန်ပါသည်။ အသစ်တက်လာသော ဤဂိုဏ်းချုပ်များသည် အစွမ်းထက်လိုသော ဆန္ဒဖြင့် ပုံမှန်ဈေးထက် ၅ဆ ပေးရန် အဆင်သင့်ဖြစ်နေကြပြီး  ဟောင်ဖူနတ်ဘုရားဂိုဏ်း အနေဖြင့် ရေရှည်ထောက်ပံ့ပေးနိုင်ရန်သာ မျှော်လင့်နေကြခြင်း ဖြစ်၏။</p> <p>ထန်ယွင်က ဤအချက်ကို ကြည့်ခြင်းအားဖြင့် ထိုဂိုဏ်းချုပ်များမှာ ချမ်းသာရုံ  သာမက အလွန်အမင်း ကြွယ်ဝနေကြကြောင်း သိလိုက်ရသည်။</p> <p>ထန်ယွင်က ထန်ထိုင်ကျုံးတယ်ကို အကူအညီတောင်းသလို ကြည့်လိုက်၏။</p> <p>ထန်ထိုင်ကျုံးတယ်၏ အဖြေမှာ စကားလုံး ၄ လုံးတည်းသာ ဖြစ်သည်။ </p> <p>“မင်း သဘောအတိုင်းသာ လုပ်ပါ”</p> <p>ဂိုဏ်းချုပ်များက ထိုမြင်ကွင်းကို မြင်တွေ့သည့်အခါ -</p> <p>“သံတမန်ထန်... တကယ်လို့ ခင်ဗျားက ဒီဈေးနှုန်းကို နည်းတယ်လို့ ထင်ရင် ကျုပ်တို့ ဈေးကွက်ပေါက်ဈေးရဲ့ ၆ ဆအထိ ပေးနိုင်ပါတယ်”</p> <p>“ဟုတ်ပါတယ်... ၆ ဆဆိုတာ ပြဿနာ မရှိပါဘူး”</p> <p>“...”</p> <p>ဂိုဏ်းချုပ်များက ဝိုင်းဝန်း ပြောဆိုလာကြတော့သည်။</p> <p>‘ဘယ်လောက်တောင် ချမ်းသာကြတာလဲ’ </p> <p>ထန်ယွင်က စိတ်ထဲမှ သက်ပြင်းချလိုက်ပြီး ဘာပြောရမှန်းမသိဘဲ ခေါင်းခါလိုက်မိ၏။</p> <p>သို့သော် ဂိုဏ်းချုပ်များ၏ အမြင်တွင်မူ ထန်ယွင်က ဈေးနှုန်းကို မကျေနပ်သဖြင့် ခေါင်းခါသည်ဟု ထင်မှတ်သွားကြသည်။</p> <p>သူတို့ ထပ်မံ ပြောဆိုရန် ပြင်လိုက်စဉ်မှာပင် ထန်ယွင်၏ နောက်ထပ်စကားများက ဂိုဏ်းချုပ်အားလုံးကို အလွန်ပင် စိတ်လှုပ်ရှားသွားစေခဲ့ပြီး ထန်ယွင်အပေါ် ကြည်ညိုလေးစားမှုများ တိုးပွားသွားစေတော့သည်။</p> <p>“အားလုံးပဲ... ကျုပ် အစောက ပြောခဲ့သလိုပါပဲ... ကျုပ်တို့ဂိုဏ်းရဲ့ ရည်ရွယ်ချက်က ခင်ဗျားတို့ အားလုံးကို အကျိုးပြုဖို့ပါ... ပြီးတော့ ကျင့်ကြံခြင်း အရင်းအမြစ်တွေကို ထောက်ပံ့ပေးဖို့ပဲ ဖြစ်ပါတယ်” </p> <p>ထန်ယွင်က အနည်းငယ် မကျေနပ်ဟန်ဖြင့် ပြောလိုက်၏။ </p> <p>“အထင်မလွဲကြပါနဲ့... ကျုပ်တို့ဂိုဏ်းက ပစ္စည်းတွေကို ရောင်းစားနေတာ မဟုတ်ပါဘူး”</p> <p>“တကယ်လို့ ကျုပ်တို့က ရောင်းစားမှာဆိုရင်တော့ ခင်ဗျားတို့ ဘယ်လောက်ပဲ ပိုက်ဆံပေးပေး ကျုပ်တို့ဂိုဏ်းက ရောင်းမှာ မဟုတ်ပါဘူး”</p> <p>“ကဲ... ၅ ဆတို့ ၆ ဆတို့ ပြောမနေပါနဲ့တော့... ဈေးကွက်ပေါက်ဈေးရဲ့ ၂ ဆပဲ ပေးကြပါ”</p> <p>ဈေးနှုန်းက ၂ ဆပဲဟု ကြားလိုက်ရသည့်အခါ ဂိုဏ်းချုပ်များစွာမှာ ဝမ်းသာလွန်းသဖြင့် မူးလဲမတတ် ဖြစ်သွားကြရ၏။</p> <p>သူတို့ စိတ်ထဲမှလည်း ‘ဟောင်ဖူနတ်ဘုရားဂိုဏ်းက ကျုပ်တို့ကို တကယ်ပဲ ငွေညှစ်ဖို့ မရည်ရွယ်ပါလား’ ဟု တွေးတောမိကြတော့သည်။</p> <p>ထန်ထိုင်ကျုံးတယ်က ထန်ယွင်ကို ကျေနပ်စွာ ခေါင်းညိတ်ပြလိုက်၏။ ထန်ယွင်၏ ရည်ရွယ်ချက်ကို သူ ကောင်းစွာ နားလည်လိုက်သည်။</p> <p>မည်သို့ဖြစ်စေ လူတစ်ယောက်ကို တစ်လုတ်တည်းနှင့် ဝအောင် ကျွေး၍ မရနိုင်ပါလော။ အကယ်၍ ဈေးနှုန်းကို ၅ဆ သို့မဟုတ် ၆ဆဖြင့် ရောင်းချမည်ဆိုပါက အချိန်ကြာလာသည် နှင့်အမျှ ဂိုဏ်းအသီးသီးတွင် မကျေနပ်မှုများ ဖြစ်ပေါ်လာနိုင်ပြီး ဤကဲ့သို့သော အကျိုးတူ ပူးပေါင်းဆောင်ရွက်မှုမှာ ရေရှည်တည်တံ့မည် မဟုတ်ပေ။</p> <p>တရားမျှတသော ဈေးနှုန်း၏ ၂ဆဖြင့်သာ ရောင်းချမည်ဆိုပါက ဤအကျိုးရှိမည့် အခြေအနေမှာ အချိန်အတော်ကြာ တည်တံ့နေမည်မှာ သေချာလှ၏။</p> <p>ဂိုဏ်းချုပ်များ ကျေနပ်သွားသည့်အခါ ထန်ယွင်က ထပ်မံ ပြောလိုက်သည်။ </p> <p>“အားလုံးပဲ... ကျုပ်တို့ဂိုဏ်းမှာ ခင်ဗျားတို့ကို ထောက်ပံ့ပေးလို့ မရနိုင်တဲ့ လက်နက်တစ်ခုပဲ ရှိပါတယ်... အဲ့ဒီလက်နက်ကတော့ ‘မုန်ညင်းစေ့ အချိန် ဟင်းလင်းပြင် မျှော်စင်’ ပဲ ဖြစ်ပါတယ်”</p> <p>“ခင်ဗျားတို့အားလုံး သိကြတဲ့အတိုင်း မုန်ညင်းစေ့ အချိန် ဟင်းလင်းပြင် မျှော်စင်ဆိုတာ ရတနာအဆင့် ဖြစ်ပေမဲ့ လက်နက်ပညာရှင် တစ်ယောက်က ဒါကို ဖော်စပ်ဖို့ဆိုရင် ၁၀ နှစ်ကနေ နှစ်ပေါင်း ဒါဇင်နဲ့ချီပြီး အချိန်ယူရတာပါ အဲ့ဒါကြောင့် ကျုပ်တို့ဂိုဏ်းက ဒါကို မထောက်ပံ့ပေးနိုင်တာပါ”</p> <p>ထိုစကားကို ကြားရသည့်အခါ ဂိုဏ်းချုပ်များက ထန်ယွင်ကို မျှော်လင့်ချက်အပြည့်ဖြင့် ကြည့်လိုက်ကြပြီး တစ်ယောက်က အကြံပြုလာ၏။ </p> <p>“ဒါဆိုရင် ကျုပ်တို့ကို ငှားလို့ရော ရမလား”</p> <p>“ဟုတ်ပါတယ်... ငှားရင်လည်း ရတာပဲလေ... ကျုပ်တို့ အများကြီး မလိုချင်ပါဘူး... ဂိုဏ်းတစ်ခုကို တစ်လုံးစီလောက် ငှားပေးရင် ရပါပြီ”</p> <p>“...”</p> <p>ဂိုဏ်းချုပ်များမှာ မျှော်လင့်တကြီးဖြင့် အာခေါင်များပင် ခြောက်ကပ်လာကြတော့သည်။ မျှော်စင်အတွင်းရှိ ကျင့်ကြံချိန်နှင့် အပြင်ဘက်ရှိ အချိန်မှာ ကွာခြားချက် ကြီးမားလှကြောင်း သူတို့ ကောင်းစွာ သိထားကြသည် မဟုတ်ပါလော။</p> <p>အကယ်၍ ဂိုဏ်းအတွက် မျှော်စင်တစ်ခု ငှားရမ်းနိုင်မည်ဆိုပါက ၎င်းမှာ ဂိုဏ်းတစ်ခုချင်းစီက အလေးပေး လေ့ကျင့်ပေးနေသော တပည့်များအတွက် အလွန်ကောင်းမွန်သော သတင်းဖြစ်ပေလိမ့်မည်။</p> <p>“ဒါကတော့...” </p> <p>ထန်ယွင်က အခက်တွေ့နေဟန်ဖြင့် မျက်မှောင်ကြုတ်လိုက်၏။ </p> <p>“ကျုပ်တို့ဂိုဏ်းမှာ မုန်ညင်းစေ့ အချိန် ဟင်းလင်းပြင် မျှော်စင်တွေ ရှိတာတော့ မှန်ပါတယ်... ဒါပေမဲ့ ကျုပ်တို့ဂိုဏ်းသားတွေအတွက်တောင် အလုံအလောက် မရှိသေးပါဘူး”</p> <p>“ဒီသံတမန်အနေနဲ့ ငှားရမ်းပေးဖို့ သဘောတူပါတယ်... ဒါပေမဲ့ နောက်ထပ် ၁၀ နှစ်လောက်တော့ အချိန်ယူရပါလိမ့်မယ်... အဲ့ဒီအချိန်ကျမှ ကျုပ်တို့ဂိုဏ်းချုပ်က မျှော်စင်အသစ်တချို့ ဖော်စပ်ပြီးသွားတဲ့အခါ ခင်ဗျားတို့ကို ငှားပေးပါ့မယ်”</p> <p>ထိုစကားကြောင့် ဂိုဏ်းချုပ်များမှာ ဝမ်းသာသွားကြပြန်သည်။</p> <p>ထန်ယွင်က အရွှန်းဖောက်လိုက်၏။ </p> <p>“အားလုံးပဲ... မုန်ညင်းစေ့ အချိန် ဟင်းလင်းပြင် မျှော်စင်ဆိုတာ ကျုပ်ရဲ့ ဟောင်ဖူနတ်ဘုရားဂိုဏ်းသားတွေ ခွန်အားတွေ အလျင်အမြန် တိုးတက်စေတဲ့ အစွမ်းထက် ရတနာတစ်ခု ဖြစ်လို့ ခင်ဗျားတို့ကို ငှားတဲ့အခါကျရင်တော့ ကျုပ် ခင်ဗျားတို့ဆီကနေ ဝိညာဉ်ကျောက်တုံးတွေ အများကြီး ငွေညှစ်ရမှာနော်”</p> <p>“ဟားဟားဟား... သံတမန်ထန်ကတော့ ပွင့်ပွင့်လင်းလင်း ရှိလှချည်လား... ကိစ္စမရှိပါဘူး... အဲ့ဒီအချိန်ကျရင် ခင်ဗျား ငွေညှစ်ချင်သလောက်သာ ညှစ်ပါ... ကျုပ်တို့က အညှစ်ခံဖို့ အသင့်ပါပဲ”</p> <p>“...”</p> <p>ခန်းမကြီးတစ်ခုလုံးမှာ ဂိုဏ်းချုပ်များ၏ ရယ်မောသံများဖြင့် ပြည့်နှက်သွားတော့သည်။</p> <p>ဂိုဏ်းချုပ်များမှာ လက်ရှိ ဆွေးနွေးမှု ရလဒ်များအပေါ် အလွန်ပင် ကျေနပ်နေကြပြီ ဖြစ်၏။</p> <p>ဂိုဏ်းချုပ်များကို ပို၍ စိတ်လှုပ်ရှားသွားစေမည့် ကိစ္စက ထပ်မံ ပေါ်ပေါက်လာပြန်သည်။</p> <p>ထန်ယွင်က ဆက်ပြောလိုက်၏။ </p> <p>“အားလုံးပဲ... ကျုပ် အစောက ပြောခဲ့တဲ့ အဆိုပြုချက်တွေ အားလုံးဟာ ဂိုဏ်းကတပည့်တွေ အားလုံးရဲ့ အကျိုးကျေးဇူးအတွက်ပါ”</p> <p>“အခုတော့ ကျုပ်မှာ ခင်ဗျားတို့အတွက် ပိုပြီး ကောင်းမွန်တဲ့ သတင်းတစ်ခု ရှိပါသေးတယ်”</p> <p>“ကျုပ်တို့ဂိုဏ်းဟာ ကောင်းကင်ပြစ်ဒဏ် တောင်တန်းတွေရဲ့ တံခါးဝမှာ အကြီးဆုံးသော ဈေးကြီးတစ်ခုကို တည်ဆောက်ဖို့ ဆုံးဖြတ်လိုက်ပါပြီ... အဲ့ဒီဈေးရဲ့ နာမည်ကိုတော့ ‘ထျန်းဖူဈေး’ လို့ အမည်ပေးထားပါတယ်”</p> <p>“ထျန်းဖူဈေးကို ၁၀ နှစ်အတွင်း အပြီးသတ် တည်ဆောက်ဖို့ ခန့်မှန်းထားပါတယ်... အဲ့ဒီအချိန်ကျရင် ဈေးအတွင်းမှာ ကျင့်ကြံခြင်း အရင်းအမြစ် အမျိုးမျိုးကို ရောင်းချတဲ့ ဆိုင်တွေ ဖွင့်လှစ်သွားမှာ ဖြစ်သလို အကြီးဆုံးသော လေလံခန်းမကြီးလည်း ရှိမှာပါ”</p> <p>“လေလံတင်မယ့် ပစ္စည်းတွေထဲမှာ ဝိညာဉ်သန့်စင်ခြင်းအဆင့်နဲ့ ဝိညာဉ်သန္ဓေအဆင့် ကျင့်ကြံသူတွေအတွက် လိုအပ်တဲ့ ကျင့်ကြံခြင်း အရင်းအမြစ် အမျိုးမျိုး ပါဝင်မှာ ဖြစ်ပါတယ်”</p> <p>ထိုစကားများကို ကြားရသည့်အခါ ဂိုဏ်းချုပ်များမှာ စိတ်လှုပ်ရှားလွန်းသဖြင့် တစ်ကိုယ်လုံး တုန်ယင်နေကြတော့သည်။</p> <p>စဉ်းစားကြည့်လျှင် ဝိညာဉ်သန့်စင်ခြင်းအဆင့်ရှိသူ အနည်းငယ်မှအပ သူတို့အားလုံးမှာ ဝိညာဉ်သန္ဓေအဆင့်ရှိ အစွမ်းထက်သူများ ဖြစ်ကြသည် မဟုတ်ပါလော။</p> <p>မိမိတို့၏ ကျင့်ကြံခြင်းအတွက် သင့်တော်သော အရင်းအမြစ် အမျိုးမျိုးကို ရှာဖွေရန် ဦးနှောက်ခြောက်အောင် ကြိုးစားခဲ့ကြသော်လည်း စိတ်တိုင်းကျသော အရာများကို တစ်ခါမျှ ရှာမတွေ့ခဲ့ကြပေ။</p> <p>သို့သော် ယခုအခါ ဟောင်ဖူနတ်ဘုရားဂိုဏ်းက တည်ဆောက်မည့် ထျန်းဖူဈေးတွင် သူတို့၏ ကျင့်ကြံခြင်းအတွက် လိုအပ်သော အရင်းအမြစ်များကို လေလံတင်ပေးမည်ဆိုမှတော့ ဘယ်လိုလုပ် စိတ်မလှုပ်ရှားဘဲ နေနိုင်ပါမည်နည်း။</p> <p>ဘယ်လိုမှ မနေနိုင်တော့ပေ။</p> <p>ချက်ချင်းပင် လူတိုင်းက ထန်ယွင်ကို မေးမြန်းကြတော့သည်။ ထိုဈေးကို အခုထက် ပိုပြီး မြန်မြန် အပြီးသတ်နိုင်မလား ဟူ၍ပင်။</p> <p>ထန်ယွင် သက်ပြင်းချလိုက်၏။ </p> <p>“ဒါက ကြီးမားတဲ့ စီမံကိန်းကြီး တစ်ခုပါ... လူအင်အားနဲ့ ပစ္စည်းအင်အား အများကြီး သုံးရမှာပါ”</p> <p>ထို့ကြောင့် ဂိုဏ်းချုပ်များက သူတို့ဂိုဏ်းအသီးသီးမှ အကြီးအကဲများနှင့် တပည့်များအား ထျန်းဖူဈေး တည်ဆောက်ရေးတွင် ပါဝင်ရန်အတွက် စေလွှတ်ပေးမည်ဖြစ်ကြောင်း၊ ဤကြီးကျယ်ခမ်းနားသော စီမံကိန်းကြီးကို သူတို့ကိုယ်တိုင် ပါဝင် တည်ဆောက်ပေးမည်ဖြစ်ကြောင်း အဆိုပြုလာကြတော့သည်။</p> <p>ဤသည်မှာ ထန်ယွင် အလိုရှိနေသော အချက်ပင် ဖြစ်သဖြင့် ကိစ္စမှာ အတည်ဖြစ်သွားတော့သည်။ နောက်ထပ် ၂ လအကြာ၌ ဂိုဏ်းချုပ်များက လူအင်အားများ ခေါ်ဆောင်လာပြီး သစ်ခုတ်ကာ မြို့တည်ရန်အတွက် အတူတကွ ပူးပေါင်းဆောင်ရွက်ကြတော့မည် ဖြစ်၏။</p> <p>၎င်းနောက် ထန်ယွင်၏ အကြံပြုချက် မပါဘဲ ဂိုဏ်းချုပ်တစ်ဦးက မေးမြန်းလာပြန်သည်။ ထျန်းဖူဈေး တည်ဆောက်ပြီးသွားသည့်အခါ ဟောင်ဖူနတ်ဘုရားဂိုဏ်းကပဲ အုပ်ချုပ်ပေးနိုင်မလား ဟူ၍ပင်။</p> <p>မြို့ပြစီမံကိန်းတွေကို မျှမျှတတနဲ့ အဂတိကင်းကင်း ရေးဆွဲပေးပြီး ဂိုဏ်းအသီးသီးက တပည့်တွေ ဘေးကင်းလုံခြုံစွာ ကုန်သွယ်နိုင်အောင် လုပ်ပေးနိုင်မလား။</p> <p>ပြီးတော့ သူတို့ဂိုဏ်းတွေကိုလည်း ဈေးအတွင်းမှာ ဆိုင်ခန်းတွေ ငှားရမ်းခွင့် ပေးနိုင်မလား။</p> <p>အစရှိသည့် မေးခွန်းပေါင်းများစွာကို ထန်ယွင်က အားလုံး သဘောတူကြောင်း ပြန်လည် ဖြေကြားလိုက်သည်။ ပြဿနာ မရှိပေ။</p> <p>ဤအခိုက်အတန့်တွင် ခန်းမကြီးအတွင်း၌ ပျော်ရွှင်မှုများဖြင့် ပြည့်နှက်နေပုံရပေသည်။</p> <p>သို့သော်လည်း ဤရယ်မောသံများ၏ နောက်ကွယ်တွင် ဂိုဏ်းချုပ်ပေါင်း ထောင်နှင့်ချီသောသူတို့အနက် အချို့မှာ အခြားသော ဂိုဏ်းချုပ်များကို သတ်ဖြတ်လိုသော အကြည့်များဖြင့် စိုက်ကြည့်နေကြ၏။</p> <p>လူရှိလျှင် တိုက်ပွဲဆိုတာ ရှိစမြဲပင်။ ကောင်းကင်ပြစ်ဒဏ် တောင်တန်းများတွင် ရှိသည့် ဂိုဏ်းပေါင်း ထောင်နှင့်ချီ ကြားမှာရော မရှိနိုင်ဘူးလား။ သူတို့ကြား၌လည်း မဟာမိတ်များ ရှိကြသလို တစ်နှစ်ပတ်လုံး တိုက်ခိုက်နေကြရသည့် ရန်သူဂိုဏ်းတွေလည်း ရှိနေကြသည် မဟုတ်ပါလော။</p> <p>ထိုအချိန်တွင် အနီးနားရှိ ဂိုဏ်းတစ်ခု၏ အနိုင်ကျင့်ခြင်းကို ခံနေရသော တတိယတန်းစား ဂိုဏ်းချုပ်တစ်ဦး ထရပ်လိုက်ပြီး ထန်ယွင်ကို လက်အုပ်ချီကာ ပြောလိုက်၏။ </p> <p>“သံတမန်ထန်... ကျုပ်နာမည်က လျိုပိုင်ချွမ်း ပါ... ကျုပ်ရဲ့ ဝိညာဉ်ဂိုဏ်းက သေးငယ်ပေမဲ့ တပည့်ပေါင်း ထောင်နဲ့ချီ ရှိပါတယ်... ကျုပ်တို့ဂိုဏ်းအနေနဲ့ ခင်ဗျားတို့ဂိုဏ်းရဲ့ အကာအကွယ်ကို ရနိုင်မလားဟင်”</p> <p>ချက်ချင်းပင် ဂိုဏ်းချုပ်အားလုံး တိတ်ဆိတ်သွားကြပြီး လူတိုင်းမှာ ကိုယ်စီ အတွေးများဖြင့် ငြိမ်သက်နေကြတော့သည်။</p> <p>ဂိုဏ်းချုပ်အားလုံးက စိတ်ထဲမှ လျိုပိုင်ချွမ်းကို ဆဲဆိုနေကြ၏။ ဘာမဟုတ်တဲ့ ကိစ္စကို ဘာလို့ လာပြောနေတာလဲ။ မင်းမှာ ဂုဏ်သိက္ခာဆိုတာ မရှိတော့ဘူးလား။ တခြားသူရဲ့ အကာအကွယ်ကို တက်ကြွစွာ တောင်းခံနေရတယ်လို့။ တခြားသူရဲ့ လက်အောက်ခံ ဂိုဏ်းဖြစ်ချင်နေတာလား။</p> <p>တစ်ဆက်တည်း ဂိုဏ်းချုပ်များက ဟောင်ဖူနတ်ဘုရားဂိုဏ်းတွင် သူတို့၏ဂိုဏ်းများကို သိမ်းပိုက်လိုသော ရည်ရွယ်ချက် ရှိ၊ မရှိကိုပါ အကဲခတ်လိုကြသည်။</p> <p>ထို့ကြောင့် နောက်ထပ် ဂိုဏ်းချုပ် ၃ ဦး ထရပ်လိုက်ပြီး သူတို့ဂိုဏ်းမှ ပါရမီရှင် တပည့်များကို ဟောင်ဖူနတ်ဘုရားဂိုဏ်းသို့ စေလွှတ်ကာ ပညာသင်ကြားခွင့် ပေးနိုင်မလားဟု ထန်ယွင်ကို မေးမြန်းလိုက်ကြ၏။</p> <p>ထန်ထိုင်ကျုံးတယ်၏ မျက်လုံးများမှာ တောက်ပသွားပြီး ဝမ်းသာပီတိ ဖြစ်နေစဉ်မှာပင် ထန်ယွင်က ခေါင်းခါပြလိုက်ပြီး ချက်ချင်းပင် ငြင်းပယ်လိုက်တော့သည်။ </p> <p>“အားလုံးပဲ... ကျုပ်ရဲ့ ဟောင်ဖူနတ်ဘုရားဂိုဏ်းမှာ မလုပ်ဆောင်မယ့် အချက် ၃ ချက် ရှိပါတယ်”</p> <p>“၁။ တခြားဂိုဏ်းတွေရဲ့ ပြည်တွင်းရေးကို ဝင်မစွက်ဖက်ပါဘူး”<br /> “၂။ တခြားဂိုဏ်းတွေဆီကနေ တပည့်တွေ စုဆောင်းတာမျိုး မလုပ်ပါဘူး”<br /> “၃။ တခြားဂိုဏ်းတွေကြားက ပဋိပက္ခတွေမှာ ပါဝင်ပတ်သက်တာမျိုး မလုပ်ပါဘူး”</p> <p>အခန်း ၄၁၃ ပြီး</p> <p> </p>


Save