Book List

<h2 style="text-align: center;">အခန်း ၄၁၅</h2> <h2 style="text-align: center;">အံ့အားသင့်ဖွယ်ရာ ၄ ခု</h2> <h2 style="text-align: center;">*</h2> <p> </p> <p> </p> <p> </p> <p> </p> <p>လေလံစင်မြင့်ထက်တွင် ရွှေချုန်း၏ မျှော်လင့်တကြီး စောင့်ကြည့်နေမှုအောက်၌ ထန်ယွင်က အသံတိုးတိုးဖြင့် ပြောလိုက်၏။</p> <p>“အခုကြည့်ရတာတော့ ဂိုဏ်းချုပ်ရွှေဟာ အလယ်အလတ်အဆင့် ယာဇွန်ဆေးလုံး အမျိုးမျိုးကို ဖော်စပ်နိုင်နေပြီဆိုတာ သိသာပါတယ်... ကျုပ် ခန့်မှန်းတာ မမှားဘူးဆိုရင် ခင်ဗျားရဲ့ ဘိုးဘေးတွေ ချန်ထားခဲ့တဲ့ ဆေးနည်းထဲမှာ ‘နှစ်တစ်ထောင် မိစ္ဆာနှလုံးသားမြက်’ ဆိုတဲ့ ဆေးမြက်တစ်မျိုး ပါဝင်နေတယ်... ဟုတ်တယ်မလား”</p> <p>“ဟုတ်ပါတယ်... ဟုတ်ပါတယ် စီနီယာ... စီနီယာက တကယ်ကို အစွမ်းထက်တာပဲ၊ ဆေးလုံးကို ကြည့်ရုံနဲ့ ကျွန်တော်မျိုးရဲ့ ဆေးနည်းကိုတောင် သိနေပြီပဲ” </p> <p>ရွှေချုန်းက စိတ်လှုပ်ရှားစွာဖြင့် ရုတ်တရက် ဦးညွှတ်လိုက်ပြီး... “လမ်းညွှန်ပေးပါဦး စီနီယာ”</p> <p>ထန်ယွင်က ဆက်ပြောလိုက်၏။</p> <p>“မိစ္ဆာနှလုံးသားမြက်ဟာ ဓာတ်ကြီး ၅ ပါးမှာ မီးဓာတ်ဖြစ်ပြီး အဲ့ဒီမီးဟာ ယင်ဓာတ် ပါဝင်တယ်၊ အဲ့ဒီဆေးမြက်ကို အဓိကထားပြီး တခြားသော ဆေးမြက် ၆၈ မျိုးနဲ့ ပေါင်းစပ်ပြီး ထိပ်တန်းအဆင့် ‘ဖျက်ဆီးခြင်း မိစ္ဆာဆေးလုံး’ ကို ဖော်စပ်ဖို့ဆိုတာ မဖြစ်နိုင်တာတော့ မဟုတ်ပါဘူး... ဒါပေမဲ့ ခက်ခဲမှုက ၃ ဆလောက် ပိုများသွားလိမ့်မယ်”</p> <p>“တကယ်လို့ ခင်ဗျားက နှစ် ၁,၀၀၀ ကြာ မိစ္ဆာနှလုံးသားမြက် နေရာမှာ နှစ် ၁,၃၀၀ ကြာ ‘မိစ္ဆာသတ်ပန်း’ ကို အစားထိုးလိုက်မယ်ဆိုရင်တော့ ခင်ဗျားရဲ့ ဆေးပညာ ကျွမ်းကျင်မှုနဲ့ဆို ထိပ်တန်းအဆင့် ဆေးလုံးကို ဖော်စပ်ဖို့ ပြဿနာ မရှိတော့ဘူးလို့ ကျုပ် ယုံကြည်တယ်”</p> <p>ရွှေချုန်း၏ အိုမင်းသော ခန္ဓာကိုယ်ကြီးမှာ တုန်ယင်သွားပြီး ဦးညွှတ်ရာမှ ပြန်မထသေးဘဲ မေးလိုက်၏။</p> <p>“စီနီယာ... ကျွန်တော်မျိုးမှာ နားမလည်တာလေး တစ်ခု ရှိနေလို့ပါ... လမ်းညွှန်ပေးပါဦး”</p> <p>“ပြောပါ”</p> <p>“စီနီယာ... မိစ္ဆာသတ်ပန်းဟာ ဓာတ်ကြီး ၅ ပါးမှာ မီးဓာတ် ဖြစ်ပေမဲ့ သူ့ရဲ့ မီးကတော့ ယန်ဓာတ် ဖြစ်နေပါတယ်... အဲ့ဒါက မိစ္ဆာနှလုံးသားမြက်ရဲ့ ယင်မီးနဲ့ လုံးဝ ဆန့်ကျင်ဘက် ဖြစ်နေတာလေ... အဲ့ဒါကို အောင်မြင်အောင် ဖော်စပ်နိုင်ပါ့မလား ခင်ဗျာ” <br /> ရွှေချုန်းက ရိုသေသေ မေးမြန်းလိုက်သည်။</p> <p>ထန်ယွင်က အသာအယာ ပြုံးလိုက်၏။</p> <p>“ဂိုဏ်းချုပ်ရွှေ... ခင်ဗျား ပြောတာ မှန်ပါတယ်... မိစ္ဆာသတ်ပန်းဟာ တကယ်တော့ ယန်မီး ဖြစ်နေတာပါ၊ ဒါပေမဲ့ မမေ့ပါနဲ့... ခင်ဗျားရဲ့ ဆေးနည်းထဲမှာ အဆင့် ၉ ရှိတဲ့ ‘ယင်ယန်နတ်မြက်’ ပါဝင်နေတယ် မဟုတ်လား... အဲ့ဒီ ဆေးမြက်နဲ့ ဓာတ်ညှိလိုက်ရင် မိစ္ဆာသတ်ပန်းကို ဘာလို့ သုံးလို့ မရရမှာလဲ”</p> <p>ရွှေချုန်းက သူ့နဖူးကို ဘုန်းခနဲ ရိုက်လိုက်ပြီးနောက် ချက်ချင်းပင် အော်ဟစ်လိုက်တော့သည်။</p> <p>“စီနီယာရဲ့ လမ်းညွှန်မှုအတွက် ကျေးဇူးတင်ပါတယ် ခင်ဗျာ... ကျွန်တော်မျိုး တကယ်ကို ကျေးဇူးတင်ပါတယ်... နောင်တစ်ချိန်မှာ စီနီယာ ခိုင်းစရာရှိရင် ကျွန်တော်မျိုး အစွမ်းကုန် ဆောင်ရွက်ပေးပါ့မယ်”</p> <p>“ရပါတယ်” </p> <p>ထန်ယွင်က ပြုံးလျက် ပြောလိုက်၏။</p> <p>“ကဲ... တခြား မေးစရာ မရှိတော့ရင်တော့ ဂိုဏ်းချုပ်ရွှေ ပြန်ထိုင်နိုင်ပါပြီ”</p> <p>“ဟုတ်ကဲ့ပါ... ကျွန်တော်မျိုး အမိန့်အတိုင်း ဆောင်ရွက်ပါ့မယ်”</p> <p>ရွှေချုန်းက အသံလုံအတားအဆီးကို ဖယ်ရှားလိုက်ပြီးနောက် ဂိုဏ်းချုပ်များကို လှည့်ကြည့်ကာ လက်အုပ်ချီလျက် ပြောလိုက်သည်။</p> <p>“အားလုံးပဲ... သံတမန်ထန်ဟာ တကယ့်ကို ဆေးပညာရှင်ကြီး တစ်ဦးပါပဲ... ဒီနေ့ ကျုပ် ဟောင်ဖူနတ်ဘုရားဂိုဏ်းကို လာခဲ့တာဟာ အကြီးမားဆုံးသော အကျိုးကျေးဇူးတွေကို ရရှိလိုက်တာပါပဲ”</p> <p>ရွှေချုန်းက ရယ်မောလျက် လေလံစင်မြင့်ပေါ်မှ ဆင်းသက်ကာ သူ့နေရာတွင် ပြန်ထိုင်လိုက်သည်။ သူ၏ စိတ်ထဲတွင်မူ ထန်ယွင်အပေါ် အကြွင်းမဲ့ လေးစားမှုများဖြင့် ပြည့်နှက်နေတော့၏။</p> <p>ဤအခိုက်အတန့်တွင် ခန်းမတစ်ခုလုံးရှိ ဂိုဏ်းချုပ်ပေါင်း ထောင်နှင့်ချီ၏ ထန်ယွင်ကို ကြည့်သော အကြည့်များမှာ ပြောင်းလဲသွားကြပြီ ဖြစ်သည်။ ရွှေချုန်းကဲ့သို့ ပုဂ္ဂိုလ်ကပင် ထန်ယွင်ကို ‘စီနီယာ’ ဟု ခေါ်ဆိုနေမှတော့ ထန်ယွင်သည် တကယ့်ကို အစွမ်းအစ ဖုံးကွယ်ထားတဲ့ ပညာရှင်ကြီး တစ်ဦးလားဟု သူတို့အားလုံး တွေးတောမိကြတော့သည်။</p> <p>သူက ဝိညာဉ်သန္ဓေအဆင့် ၉ မှာပဲ ကျင့်ကြံမှုကို နှိမ်ထားတာလား။</p> <p>မဟုတ်လျှင် ဝိညာဉ်သန္ဓေအဆင့် တပည့်တစ်ယောက်က ဘယ်လိုလုပ် ရွှေချုန်းထက် ပိုပြီး ဆေးပညာ ကျွမ်းကျင်နေပါမည်နည်း။</p> <p>ရွှေချုန်းဆိုသည်မှာ ကောင်းကင်ပြစ်ဒဏ် တောင်တန်းများ၏ အလယ်ပိုင်းတွင် အလွန်ကျော်ကြားလှသော ယွီဟွာဆေးဝါးဂိုဏ်း၏ ဂိုဏ်းချုပ်ဖြစ်သလို အဆင့်မြင့် ဆေးပညာရှင် တစ်ဦးလည်း မဟုတ်ပါလော။</p> <p>“ဝုန်း”</p> <p>ထန်ထိုင်ကျုံးတယ်က အသံလုံအတားအဆီးကို အသုံးပြုပြီး မျှော်လင့်တကြီး မေးလိုက်၏။</p> <p>“ထန်ယွင်... ဘယ်လို အခြေအနေလဲ၊ မင်းက သူတော်စင်အဆင့် မဟာဆေးပညာရှင်ကြီး တစ်ဦး မဟုတ်ဘူးလား”</p> <p>ထန်ယွင်က လှည့်ကြည့်ကာ လေးစားစွာ ပြောလိုက်သည်။</p> <p>“ဂိုဏ်းချုပ်ကို တင်ပြပါတယ်... အဲ့ဒီနေ့က ထာဝရနတ်ဘုရားဂိုဏ်းမှာတုန်းက တပည့် ဂိုဏ်းချုပ်ကို လိမ်ညာခဲ့မိပါတယ်... အမှန်တော့ တပည့်ဟာ ဆရာ့ဆီကနေ စစ်မှန်တဲ့ အမွေအနှစ်ကို ရရှိထားတာမို့လို့ အခု တပည့်ဟာ ထိပ်တန်းအဆင့် ဆေးပညာရှင် တစ်ဦး ဖြစ်နေပါပြီ”</p> <p>“အဲ့ဒီနေ့က တပည့် အမှန်အတိုင်း မပြောခဲ့တာကတော့ တပည့်ရဲ့ ဆေးပညာ ကျွမ်းကျင်မှုကို ရန်သူတွေ သိသွားရင် တပည့်အတွက် အန္တရာယ် ရှိလာမှာ စိုးရိမ်လို့ပါ... ဒါကြောင့် တပည့်ဟာ သူတော်စင်အဆင့် မဟာဆေးပညာရှင်ကြီး တစ်ဦးပါလို့ပဲ ပြောခဲ့တာပါ”</p> <p>ထိုစကားကို ကြားရသည့်အခါ ထန်ထိုင်ကျုံးတယ်က ရုတ်တရက် ထရပ်လိုက်ပြီး ထန်ယွင်၏ ပခုံးကို လက်နှစ်ဖက်ဖြင့် ဆုပ်ကိုင်လျက် တုန်ယင်သော အသံဖြင့် မေးလိုက်၏။</p> <p>“မင်း... မင်း ဘာပြောလိုက်တယ်... ထိပ်တန်းအဆင့် ဆေးပညာရှင် ဟုတ်လား”</p> <p>“ဟုတ်ပါတယ်” </p> <p>ထန်ယွင်က အလေးအနက် ခေါင်းညိတ်ပြလိုက်သည်။</p> <p>“ဟားဟားဟား”</p> <p>ထန်ထိုင်ကျုံးတယ်က ကျယ်လောင်စွာ ရယ်မောလိုက်တော့သည်။ သူ့ရင်ထဲတွင် တုန်လှုပ်မှုများ ပြည့်နှက်သွား၏။</p> <p>‘ထန်ယွင်... ဒီကောင်လေးက ဒီလောက် ငယ်ငယ်လေးနဲ့ ထိပ်တန်းအဆင့် ဆေးပညာရှင် တစ်ဦး ဖြစ်နေတာလား’</p> <p>‘ငါကတော့ ရတနာတစ်ပါးကို ရှာတွေ့ခဲ့ပြီပဲ... ဟားဟားဟား... ဒီလောက် ဆေးပညာ ပါရမီ ပါတဲ့သူမျိုးကို တစ်ခုလုံးသော ကောင်းကင်ပြစ်ဒဏ် တိုက်ကြီးမှာတောင် ဒုတိယတစ်ယောက် ရှာတွေ့ဖို့ မလွယ်ဘူး’</p> <p>‘ငါ့ရဲ့ အနာဂတ် သမက်လောင်းလေး... သမက်ကောင်းလေးပဲ’</p> <p>ထိုသို့ တွေးမိသည်နှင့် ထန်ထိုင်ကျုံးတယ်က ထန်ယွင်၏ ပခုံးကို အဓိပ္ပာယ်ပါပါ ပုတ်လိုက်ပြီး -</p> <p>“ထန်ယွင်... နောင်တစ်ချိန်မှာ မင်းအတွက် နေရာကောင်းတစ်ခု ရှိစေရမယ်၊ ကြိုးစားစမ်းပါ”</p> <p>“ဟုတ်ကဲ့ပါ ဂိုဏ်းချုပ်” </p> <p>ထန်ယွင်က လေးစားစွာ ပြောလိုက်သည်။</p> <p>“ဂိုဏ်းချုပ်... တပည့်ရဲ့ ဆေးပညာ ကျွမ်းကျင်မှုအကြောင်းကို ဘယ်သူ့ကိုမှ မပြောပါနဲ့ဦး... တပည့် တခြားသူတွေရဲ့ ပစ်မှတ်ထားခြင်းကို ခံရမှာ စိုးလို့ပါ”</p> <p>“စိတ်မပူပါနဲ့... ဒီဂိုဏ်းချုပ်က ဘယ်သူ့ကိုမှ မပြောပါဘူး” </p> <p>ထန်ထိုင်ကျုံးတယ်က ရယ်မောလျက် အသံလုံအတားအဆီးကို ဖယ်ရှားလိုက်ပြီးနောက် သူ့ထိုင်ခုံတွင် ပြန်ထိုင်ကာ ပြောလိုက်၏။ </p> <p>“ထန်ယွင်... မင်း ဆက်ပြီးတော့ ဆောင်ရွက်နိုင်ပါပြီ”</p> <p>“ဟုတ်ကဲ့ပါ ဂိုဏ်းချုပ်”</p> <p>ထန်ယွင်က အမိန့်ကို ခံယူပြီးနောက် ဂိုဏ်းချုပ်များကို လှည့်ကြည့်လိုက်သည်။ ထိုစဉ် ထိုင်ခုံများပေါ်မှ ထွားကျိုင်းသော လူတစ်ဦး ထရပ်လိုက်ပြီး ထန်ယွင်ကို အနည်းငယ် ဦးညွှတ်ကာ ပြောလိုက်၏။</p> <p>“စီနီယာ... ကျွန်တော်မျိုးက လုံယွန်းဂိုဏ်းရဲ့ ဂိုဏ်းချုပ် လုံအောက်ထျန်း ပါ၊ စီနီယာက ဆေးပညာမှာ ဒီလောက် တော်နေမှတော့ လက်နက်ဖော်စပ်ခြင်း ပညာမှာရော ဗဟုသုတ ရှိပါသလား ခင်ဗျာ”</p> <p>“တကယ်လို့ မရှိဘူးဆိုရင်လည်း စီနီယာတို့ ဂိုဏ်းက အဆင့်မြင့် လက်နက်ပညာရှင်ကြီး တစ်ဦးလောက်ကို ခေါ်ပြီး ကျွန်တော်မျိုးကို လမ်းညွှန်ပေးဖို့ တောင်းဆိုချင်ပါတယ်”</p> <p>ထန်ထိုင်ကျုံးတယ်က ထိုစကားကို ကြားသည့်အခါ သူ့ဘေးရှိ ထန်ထိုင်ချန်ယွမ်ကို လက်နက်အဖွဲ့ ခေါင်းဆောင်အား ခေါ် ခိုင်းဖို့ ပြင်လိုက်စဉ်မှာပင် သူ ဆွံ့အသွားရပြန်သည်။</p> <p>မြင်လိုက်ရသည်မှာ ထန်ယွင်က ခွန်းတုံ့ပြန်လိုက်ခြင်းပင်။</p> <p>“လုံဂိုဏ်းချုပ်... ခင်ဗျား အရင်ဆုံး မေးခွန်းကို မေးကြည့်ပါဦး... တကယ်လို့ ဒီသံတမန်က မဖြေနိုင်ဘူးဆိုရင်လည်း ခင်ဗျားအတွက် လူတစ်ယောက် ရှာပေးဖို့ မနှောင်းသေးပါဘူး”</p> <p>‘ဟင်... ထန်ယွင်က လက်နက်ဖော်စပ်ခြင်း ပညာကိုပါ သိနေတာလား’ </p> <p>ထန်ထိုင်ကျုံးတယ်မှာ ထပ်ခါတလဲလဲ အံ့ဩနေရတော့သည်။</p> <p>“ဟုတ်ကဲ့ပါ စီနီယာ”</p> <p>လုံအောက်ထျန်းက လေလံစင်မြင့်ပေါ်သို့ ခုန်တက်လိုက်ပြီး ပါးစပ်ကို ဖွင့်လိုက်ရာ ရဲရဲနီနေသော အလင်းတန်းတစ်ခု သူ့ပါးစပ်မှ ထွက်ပေါ်လာပြီး မီးလျှံများ တောက်လောင်နေသော ‘ဖန်ထျန်းဟွာ လှံရှည်’ တစ်ခုအဖြစ် ပြောင်းလဲကာ ထန်ယွင်၏ ရှေ့တွင် ဆိုင်းငံ့နေတော့သည်။</p> <p>“စီနီယာ... ကျွန်တော်မျိုးဟာ ‘ဖန်ထျန်းဟွာ လှံရှည်’ အချို့ကို တစ်ခုပြီးတစ်ခု ဖော်စပ်ခဲ့ပေမဲ့ အဲ့ဒါတွေက အမြဲတမ်း အလယ်အလတ်အဆင့် ယာဇွန်လက်နက်တွေထဲမှာ အညံ့စားတွေပဲ ဖြစ်နေလို့ပါ”</p> <p>လုံအောက်ထျန်းက ဦးညွှတ်ကာ ပြောလိုက်၏။</p> <p>“အဲ့ဒါကြောင့် စီနီယာအနေနဲ့ ကျွန်တော်မျိုးကို လမ်းညွှန်ပေးပါဦး ခင်ဗျာ”</p> <p>ထန်ယွင်က သူ့ညာဘက်လက်ကို ဖြည်းညှင်းစွာ ဆန့်ထုတ်လိုက်ပြီး လှံရှည်ကို ကိုင်ဆောင်ကာ သေချာစွာ ကြည့်လိုက်သည်။ သူက လှံကို အလေးချိန် တွက်ဆကြည့်ပြီးနောက် ပြောလိုက်၏။</p> <p>“ဒီဖန်ထျန်းဟွာ လှံရှည်ဟာ အလေးချိန် ၁၈၀,၀၀၀ ကီလိုဂရမ် ရှိတယ်... ကျုပ် မမှားဘူးဆိုရင်တော့ ဒါကို ‘နှစ်တစ်သောင်းကြာ နက်နဲသော မီးလျှံသံ’ နဲ့ ဖော်စပ်ထားတာ ဖြစ်ရမယ်”</p> <p>“ဟုတ်ပါတယ်... ဟုတ်ပါတယ် ခင်ဗျာ” </p> <p>လုံအောက်ထျန်းက အလျင်အမြန် ခေါင်းညိတ်လျက် ပြန်ဖြေလိုက်သည်။</p> <p>ထန်ယွင် ထပ်မံ ပြောလိုက်၏။</p> <p>“ဒီလှံရှည်ကို ကြည့်ခြင်းအားဖြင့် ခင်ဗျားရဲ့ လက်နက်ဖော်စပ်ခြင်း နည်းပညာက ကျွမ်းကျင်မှု မရှိသေးဘူးဆိုပေမဲ့ မဆိုးဘူးလို့တော့ ပြောလို့ ရပါတယ်”</p> <p>“ခင်ဗျား ခုနက ပြောသလို လှံတံ အချို့ဟာ အမြဲတမ်း အလယ်အလတ်အဆင့် လက်နက်တွေထဲမှာ အညံ့စားတွေပဲ ဖြစ်နေရတာကတော့... ပြဿနာ တစ်ခုတည်းကြောင့်ပဲ ဖြစ်လိမ့်မယ်”</p> <p>“စီနီယာ... အဲ့ဒါက ဘာပြဿနာများလဲ ခင်ဗျာ” </p> <p>လုံအောက်ထျန်းက စိတ်လှုပ်ရှားစွာဖြင့် လက်ဝါးချင်း ပွတ်ရင်း မေးလိုက်သည်။</p> <p>“လုံဂိုဏ်းချုပ်... ခင်ဗျားရဲ့ မွေးရာပါ အစစ်အမှန်မီးလျှံ ကို ထုတ်ပြစမ်းပါဦး” </p> <p>ထန်ယွင်က တစ်စုံတစ်ခုကို တွေးတောရင်း ပြောလိုက်၏။</p> <p>“ဟုတ်ကဲ့ပါ”</p> <p>လုံအောက်ထျန်းက ပါးစပ်ကို ဖွင့်လိုက်ရာ ရဲရဲနီနေသော မီးလျှံတစ်ခု ပါးစပ်မှ ထွက်ပေါ်လာပြီး ထန်ယွင်၏ ရှေ့တွင် ဖြည်းညှင်းစွာ တောက်လောင်နေတော့သည်။</p> <p>“စီနီယာ... သတိထားပါ၊ အပူရှိန်က အရမ်း မြင့်ပါတယ်” </p> <p>လုံအောက်ထျန်းက ထန်ယွင်သည် လက်ညှိုးကို ဆန့်ထုတ်ကာ သူ့မီးလျှံကို ထိရန် ကြိုးစားနေသည်ကို မြင်သည့်အခါ အလျင်အမြန် သတိပေးလိုက်၏။</p> <p>“ကိစ္စမရှိပါဘူး”</p> <p>ထန်ယွင်၏ ညာဘက်လက်ဖဝါးတွင် ဟုန်မန်မီးလျှံ ရှိနေသဖြင့် သူသည် မည်သည့် မီးလျှံကိုမျှ ကြောက်စရာ မလိုပေ။</p> <p>ဂိုဏ်းချုပ်များ၏ တုန်လှုပ်နေသော အကြည့်အောက်တွင် ထန်ယွင်က လက်ညှိုးကို မီးလျှံအတွင်းသို့ ထည့်လိုက်ပြီး ခေတ္တမျှ ခံစားကြည့်လိုက်သည်။ ၎င်းနောက် သူ့လက်ညှိုးကို ပြန်ထုတ်လိုက်ပြီး ဘယ်ဘက်လက်ထဲရှိ လှံရှည်ကို လုံအောက်ထျန်းထံသို့ လွှင့်ပစ်ပေးလိုက်၏။</p> <p>“စီနီယာ... တစ်စုံတစ်ခုသော ပြဿနာကို မြင်ပါသလား ခင်ဗျာ” </p> <p>လုံအောက်ထျန်းက ရိုရိုသေသေ ပြုံးလျက် မေးလိုက်သည်။</p> <p>ထန်ယွင်က တည်ငြိမ်စွာပင် ပြောလိုက်၏။</p> <p>“ခင်ဗျားရဲ့ မွေးရာပါ မီးလျှံထဲမှာ ခင်ဗျား ပေါင်းစပ်ထားတဲ့ မီးဓာတ်ဟာ ရေခဲဓာတ်ထက် ၃ ဆလောက် ပိုများနေတယ်”</p> <p>“လုံဂိုဏ်းချုပ်... ခင်ဗျားအနေနဲ့ အဲ့ဒီလို မီးလျှံမျိုးနဲ့ အလယ်အလတ်အဆင့် လက်နက်ကို အညံ့စားအနေနဲ့ ဖော်စပ်နိုင်တာကတောင် တကယ်ကို အံ့ဩဖို့ ကောင်းနေပါပြီ”</p> <p>“အာ...” </p> <p>လုံအောက်ထျန်းမှာ ကြောင်အမ်းအမ်း ဖြစ်သွားပြီးနောက် -</p> <p>“သံတမန်ထန် ပြောတာက... ကျွန်တော်မျိုးရဲ့ မွေးရာပါ မီးလျှံမှာ ပြဿနာ ရှိနေတယ်လို့ ဆိုလိုတာလား ခင်ဗျာ”</p> <p>အခန်း ၄၁၅ ပြီး</p> <p> </p>


Save