Book List

<h2 style="text-align: center;">အခန်း ၄၁၇</h2> <h2 style="text-align: center;">အကြီးမားဆုံးသော ဆုလာဘ်</h2> <h2 style="text-align: center;">*</h2> <p> </p> <p> </p> <p> </p> <p> </p> <p>ထန်ယွင်သည် ထန်ထိုင်ကျုံးတယ်၏ အပြောအဆိုနှင့် အမူအရာကို ကြည့်ခြင်းအားဖြင့် မိမိအား တကယ်ပင် ဆုလာဘ်ပေးလိုခြင်းဖြစ်ကြောင်း၊ မိမိ၏ မာန်မာနကို စမ်းသပ်နေခြင်းမဟုတ်ကြောင်း သိလိုက်ရသဖြင့် အားနာမနေတော့ပေ။</p> <p>“ဂိုဏ်းချုပ်... တပည့်အနေနဲ့ မီးဓာတ်နဲ့ ရေခဲဓာတ်ပါတဲ့ မီးလျှံတွေကို လိုချင်ပါတယ်... များများရလေ ပိုကောင်းလေပါပဲ ခင်ဗျာ”</p> <p> ထန်ယွင်က လေးစားစွာ ပြောလိုက်၏။</p> <p>“မင်းက မီးလျှံတွေကိုပဲ ထပ်လိုချင်တာလား” </p> <p>ထန်ထိုင်ကျုံးတယ်သည် လွန်ခဲ့သောတစ်ခါက ထန်ယွင် ထာဝရနယ်မြေသို့ မသွားမီတွင်လည်း မီးလျှံများကို တောင်းဆိုခဲ့သည်ကို သတိရသွားသည်။</p> <p>ထန်ထိုင်ကျုံးတယ်က ပြုံးလျက်... <br /> “ထန်ယွင်... မင်း ကျင့်စဉ်တွေ ဒါမှမဟုတ် ရတနာတွေ ဘာမှ မလိုဘူးလား... မီးလျှံပဲ လိုတာ သေချာရဲ့လား”</p> <p>“တပည့် သေချာပါတယ် ခင်ဗျာ” </p> <p>ထန်ယွင် ခေါင်းညိတ်ပြလိုက်သည်။ </p> <p>“သေချာတာကတော့ မီးလျှံရဲ့ အဆင့် မြင့်လေလေ ပိုကောင်းလေပါပဲ”</p> <p>“အင်း...” </p> <p>ထန်ထိုင်ကျုံးတယ်က ခေတ္တမျှ စဉ်းစားပြီးနောက် ပြောလိုက်၏။ </p> <p>“ကောင်းပြီ... ခဏနေရင် မင်း ဂိုဏ်းချုပ်ရဲ့ အမိန့်ကို ယူသွားလိုက် ဟောင်ဖူဈေးကတစ်ဆင့် နတ်ဘုရားဂိုဏ်းမှာရှိတဲ့ ဟောင်ဖူရုံးချုပ်ကို သွားပါ... အဲ့ဒီက တာဝန်ခံ ထန်ထိုင်ကျုံးတယ်ကို ရှာပြီးတော့ မင်း စိတ်ကြိုက် ရွေးချယ်နိုင်ဖို့ ရှိသမျှ မီးလျှံတွေ အကုန်ထုတ်ခိုင်းလိုက်မယ်”</p> <p>(ဘာသာပြန်သူ၏ အမှာစာ- မူရင်းစာအုပ်အရှေ့ပိုင်းတွင် ဟောင်ဖူနတ်ဘုရားဂိုဏ်း ဂိုဏ်းချုပ်နှင့် ဟောင်ဖူလေလံရုံ၏ ခေါင်းဆောင်လေလံမှူးတို့ အမည်တူညီနေသဖြင့် တစ်ယောက်ထဲထင်နေမည်စိုး၍ နောက်ပိုင်းအခန်းများ၌ ဂိုဏ်းချုပ်၏ အမည်ကို ထန်ထိုင်ကျုံးရွှမ်ဟု အနည်းငယ်လွှဲ၍ သုံးသွားပါမည်။)</p> <p>ထန်ယွင်က ချက်ချင်းပင် ပြန်လည် ဖြေကြားလိုက်သည်။ </p> <p>“ကျေးဇူးတင်ပါတယ် ဂိုဏ်းချုပ်”</p> <p>ထန်ထိုင်ကျုံးရွှမ်က ပါရမီရှင် ထန်ယွင်ကို ကြည့်ကာ သူ၏ ချစ်လှစွာသော သမီးကို သတိရမိပြီး ပြောလိုက်၏။ </p> <p>“မီးလျှံလေးတွေ ပေးတာကတော့ သေးငယ်တဲ့ ဆုလာဘ်တစ်ခုပါပဲ... မင်း ထာဝရနယ်မြေက စမ်းသပ်မှု ပြီးလို့ ပြန်လာတဲ့အခါကျရင်တော့ ဒီဂိုဏ်းချုပ်မှာ မင်းအတွက် အကြီးမားဆုံးသော ဆုလာဘ်တစ်ခု ရှိပါသေးတယ်”</p> <p>“အကြီးမားဆုံးသော ဆုလာဘ် ဟုတ်လား” </p> <p>ထန်ယွင်မှာ များစွာ စိတ်လှုပ်ရှားသွားရသည်။ </p> <p>“ဂိုဏ်းချုပ်ရဲ့ ကရုဏာကို ကျေးဇူးတင်ပါတယ် ခင်ဗျာ”</p> <p>၎င်းနောက် ထန်ထိုင်ကျုံးရွှမ်က ဝိညာဉ်လှေကို စီးနင်းကာ ဟောင်ဖူလျှို့ဝှက်နယ်မြေ၏ တံခါးကို ဖွင့်လိုက်သည်။ လျှို့ဝှက်နယ်မြေအတွင်းသို့ ဝင်ရောက်ပြီးနောက် သူသည် ထန်ယွင်နှင့် ထန်ထိုင်ချန်ယွမ်တို့ကို ဟောင်ဖူနေမင်းနန်းတော်သို့ ခေါ်ဆောင်သွားခဲ့၏။</p> <p>ထန်ထိုင်ကျုံးရွှမ်က ထျန်းဖူဈေး တည်ဆောက်ရေးနှင့် ပတ်သက်၍ ထန်ထိုင်ချန်ယွမ်အား မှာကြားစရာများ ရှိနေသဖြင့် ထန်ယွင်ကိုမူ ဟောင်ဖူရုံးချုပ်သို့ သွားရောက်ကာ မီးလျှံများ ယူရန်နှင့် ဖန်လုံတောင်ထိပ်သို့ အမြန်ဆုံး ပြန်လာရန် ပြောလိုက်သည်။</p> <p>ထို့ကြောင့် ထန်ယွင်သည် တယ်လီပို့အစီအရင်အတွင်းသို့ ဝင်ရောက်လိုက်၏။ သူက အစီအရင်ကို ချက်ချင်း မလှုံ့ဆော်သေးဘဲ လိပ်အသက်ရှူ ရေခဲပဝါကို အလျင်အမြန် ဝတ်ဆင်လိုက်ပြီးမှ အစီအရင်ကို စတင်လိုက်တော့သည်။</p> <p>ထန်ယွင်သည် မူလက ထာဝရနယ်မြေသို့ မသွားမီ ထန်ထိုင်ကျုံးတယ်ထံ သွားရောက်ကာ သူ၏မီးလျှံကိစ္စကို မေးမြန်းရန် ပြင်ဆင်ထားခြင်း ဖြစ်၏။ အခုတော့ သူသည် ရှန်စုပင်း၏ ဆရာအမည်ခံဖြင့် မီးလျှံကို အရင်ယူပြီးမှ သူ၏ အစစ်အမှန် ကိုယ်ပိုင်အဆင့်အတန်းဖြင့် မီးလျှံထပ်တောင်းရန် ထန်ထိုင်ကျုံးတယ်ထံ သွားရမည် ဖြစ်သည်...။</p> <p>နတ်ဘုရားဂိုဏ်းဈေးသည် မြင့်မားသော တောင်တန်းများကြားတွင် တည်ဆောက်ထားခြင်း ဖြစ်ပြီး အတွင်းစည်း ဈေးထက် ၃ ဆခန့် ပိုမို ကြီးမားလှပေသည်။</p> <p>ဟောင်ဖူရုံးချုပ်၏ လေလံခန်းမကြီးမှာ ပေ တစ်ထောင်ခန့် မြင့်မားပြီး အထပ်ပေါင်း ၁၈ထပ် ရှိရာ အလွန်ပင် ခမ်းနားထည်ဝါလှ၏။</p> <p>ပြီးခဲ့သည့်တစ်ခါက ထန်ယွင်သည် ရှန်စုပင်းကို ကယ်တင်ရန်အတွက် သူမ၏ ဆရာအမည်ခံဖြင့် နတ်ဘုရားဂိုဏ်းဆေးဝါးအုပ်စုသို့ သွားရောက်ရန် ဟောင်ဖူရုံးချုပ်၏ တယ်လီပို့အစီအရင်ကို အသုံးပြုခဲ့ဖူးသည်။ ထို့ကြောင့် သူသည် ဟောင်ဖူရုံးချုပ်၏ တည်ဆောက်ပုံကို ကောင်းစွာ သိရှိနေခြင်းပင်။</p> <p>ယခုအခါ ဟောင်ဖူရုံးချုပ် ပထမထပ် ခန်းမကြီး၏ ဘယ်ဘက်ခြမ်းရှိ တယ်လီပို့အစီအရင် ခန်းမအတွင်းမှ ထန်ယွင် လမ်းလျှောက်ထွက်လာသည့်အခါ လုပ်ငန်းခွင်အပြုံးကို ဆင်မြန်းထားသော ချောမောလှပသည့် အမျိုးသမီး တပည့်တစ်ဦးက လာရောက် ကြိုဆိုလိုက်သည်။ </p> <p>“မင်္ဂလာပါ ဧည့်သည်တော်... လေလံပွဲကိုတော့ လကုန်မှ ကျင်းပမှာပါ...”</p> <p>အမျိုးသမီး၏ စကားမဆုံးမီမှာပင် ထန်ယွင်၏ ပါးစပ်မှ အဘိုးအိုတစ်ဦး၏ အသံ ထွက်ပေါ်လာသည်။ </p> <p>“ငါက အဘိုးကြီး ကျုံးတယ်ကို လာရှာတာ သူ ရှိလား”</p> <p>ထိုအမျိုးသမီးသည် ထန်ယွင်က ထန်ထိုင်ကျုံးတယ်ကို လာရှာခြင်းဖြစ်ကြောင်း ကြားလိုက်ရသည့်အခါ ထန်ယွင်ကို ပို၍ ရိုရိုသေသေ ဆက်ဆံလိုက်၏။ </p> <p>“ဟုတ်ကဲ့... ဧည့်သည်တော်ရဲ့ အမည်ကို သိပါရစေရှင့်... ပြီးတော့ အကြီးအကဲကျုံးနဲ့ ချိန်းထားတာ ရှိပါသလား”</p> <p>“ငါက ကျုံးတယ်နဲ့ ရင်းနှီးပြီးသားပါ.. ချိန်းနေစရာ မလိုဘူး” </p> <p>ထန်ယွင်က အဘိုးအိုတစ်ဦးအလား ခန့်ညားစွာ ပြောလိုက်၏။ </p> <p>“မင်း လမ်းပဲ ပြလိုက်စမ်းပါ”</p> <p>“ဟုတ်ကဲ့ပါ... ကျွန်မ နောက်ကို လိုက်ခဲ့ပါ”</p> <p>အမျိုးသမီး၏ လမ်းပြမှုဖြင့် ထန်ယွင်သည် ၁၈ထပ်မြောက်ရှိ လက်ရာမြောက်လှသော အခန်းတစ်ခု၏ ရှေ့သို့ ရောက်ရှိလာခဲ့သည်။</p> <p>“ဒေါက်... ဒေါက်... ဒေါက်”</p> <p>အမျိုးသမီးတပည့်က တံခါးကို ဖြည်းညှင်းစွာ ခေါက်လိုက်၏။ </p> <p>“အကြီးအကဲကျုံး... စီနီယာတစ်ယောက်က အကြီးအကဲကို တွေ့ချင်လို့ ရောက်နေပါတယ်”</p> <p>“ဝှစ်”</p> <p>ထန်ထိုင်ကျုံးတယ်က တံခါးကို ဖွင့်လိုက်ပြီးနောက် ခေတ္တမျှ ဆွံ့အသွားရသော်လည်း မကြာမီပင် ထန်ယွင်ကို ဦးညွှတ်ကာ ပြုံး၍ ပြောလိုက်သည်။ </p> <p>“စီနီယာ... ကြွပါ ခင်ဗျာ”</p> <p>ထန်ထိုင်ကျုံးတယ်က ထန်ယွင်အား အခန်းအတွင်းသို့ ဖိတ်ခေါ်ကာ နေရာပေးလိုက်သည်။ သူက ထန်ယွင်ကို ဝိညာဉ်ဝိုင်တစ်ခွက် ငှဲ့ပေးရင်း ပြုံးလျက် ပြောလိုက်၏။ </p> <p>“စီနီယာ... ကျုပ်တို့ လမ်းခွဲခဲ့တာ အခုဆိုရင် ၁ နှစ်ကျော်သွားပြီနော်... စီနီယာကတော့ တကယ့်ကို အလုပ်များတဲ့သူပဲ”</p> <p>“ဟားဟားဟား” </p> <p>ထန်ယွင်က ရယ်မောလျက် ပြောလိုက်သည်။ </p> <p>“မဟုတ်ပါဘူး... ကျုပ် တပည့်ဆီကနေ ခင်ဗျား ဒီကို ရာထူးတက်သွားတယ်ဆိုတာ ကြားလို့ လာရှာတာပါ”</p> <p>“အော်... ပြီးတော့ ပြီးခဲ့တဲ့တစ်ခါက ရှန်စုပင်းကို ကျုပ်ဆီ ပေးခိုင်းလိုက်တဲ့ အအေးဓာတ်ပါတဲ့ အဆင့်လွန် မီးလျှံ ၃မျိုးဖြစ်တဲ့ ‘ဝူပင်းထဲ့ယန်’ ကိုလည်း ကျုပ် လက်ခံရရှိပြီးပါပြီ”</p> <p>ထိုစကားကို ကြားရသည့်အခါ ထန်ထိုင်ကျုံးတယ်က သူ့လက်ချောင်းကြားရှိ ချန်ခွန်းလက်စွပ်ကို လှုံ့ဆော်လိုက်ရာ ၁ပေခန့် မြင့်မားသော လိမ္မော်နီရောင် မီးလျှံတစ်ခု ထန်ယွင်၏ ရှေ့တွင် ပေါ်လာတော့သည်။ ထိုမီးလျှံကို အပူရှိန် အပြင်သို့ မထွက်နိုင်စေရန် တားမြစ်ချက်တစ်ခုဖြင့် ဖုံးအုပ်ထား၏။</p> <p>ချက်ချင်းပင် နောက်ထပ် ၂ပေခန့် မြင့်မားသော အပြာနုရောင် မီးလျှံတစ်ခု ချန်ခွန်းလက်စွပ်ထဲမှ ထွက်ပေါ်လာပြီး ထန်ယွင်၏ ရှေ့တွင် ကခုန်နေတော့သည်။</p> <p>ထန်ယွင်က လိမ္မော်နီရောင် မီးလျှံကို ကြည့်ကာ အလွန်ပင် ဝမ်းသာသွားရ၏။ </p> <p>“ရေခဲဓာတ်ပါတဲ့ အဆင့်နိမ့် ယာဇွန်အဆင့် မီးလျှံဖြစ်တဲ့ ‘အစွန်းရောက် ယင်နက်မီး’ပဲ... မဆိုးဘူး”</p> <p>၎င်းနောက် ထန်ယွင်က အပြာနုရောင် မီးလျှံကို ကြည့်ကာ ပို၍ပင် ပျော်ရွှင်သွားရသည်။ </p> <p>“မီးဓာတ်ပါတဲ့ အဆင့်လတ် ယာဇွန်အဆင့် မီးလျှံမျိုးစေ့ ဖြစ်တဲ့ ‘ချင်းလင် အစစ်အမှန်မီးလျှံ’ပါလား”</p> <p>“ခင်ဗျားကတော့ တကယ်ကို စွမ်းဆောင်နိုင်တာပဲ... ချင်းလင်အစစ်အမှန်မီးလျှံဆိုတာ ရှားပါးတဲ့ ကမ္ဘာဦး အရာတစ်ခုပဲလေ... ခင်ဗျား ဒါကို ရအောင် ယူနိုင်လိမ့်မယ်လို့ ကျုပ် မထင်ထားခဲ့ဘူး”</p> <p>ထန်ထိုင်ကျုံးတယ်က ပြုံး၍ ပြောလိုက်၏။ </p> <p>“စီနီယာ ခိုင်းတဲ့ကိစ္စဆိုရင်တော့ ကျွန်တော်မျိုးက အစွမ်းကုန် ဆောင်ရွက်ပေးရမှာပေါ့ ခင်ဗျာ”</p> <p>၎င်းနောက် ထန်ယွင်နှင့် ထန်ထိုင်ကျုံးတယ်တို့ ရယ်ရယ်မောမော စကားပြောဆိုကြပြီး နာရီဝက်ခန့်အကြာတွင် ထန်ယွင် ပြန်ရန် ပြင်လိုက်သည်။</p> <p>မထွက်ခွာမီ ထန်ထိုင်ကျုံးတယ်က ထန်ယွင်ကို တစ်ခု ပြောပြလိုက်၏။ ဟောင်ဖူရုံးချုပ်မှ လူများသည် လျှို့ဝှက်နယ်မြေတစ်ခုအတွင်း၌ အဆင့်မြင့် ရေခဲဓာတ်ပါသော ယာဇွန်အဆင့် မီးလျှံတစ်ခု ဖြစ်သည့် ‘နိဗ္ဗာန် မြင့်မြတ်သော မီးလျှံ’ ကို တွေ့ရှိထားကြောင်းပင်။</p> <p>သို့သော် ထိုအဆင့်မြင့် ယာဇွန်အဆင့် မီးလျှံမျိုးစေ့မှာ အသိဉာဏ် ရှိနေသဖြင့် ဖမ်းဆီးရန် အချိန်အနည်းငယ် ယူရမည် ဖြစ်သည်။ ထို့ကြောင့် ထန်ထိုင်ကျုံးတယ်က ထိုမီးလျှံကို ဖမ်းမိသည့်အခါ ရှန်စုပင်းထံသို့ ကိုယ်တိုင် လာပို့ပေးမည်ဖြစ်ကြောင်း၊ ထိုအခါကျမှ ထန်ယွင်အနေဖြင့် သွားရောက် ယူဆောင်ရန် ပြောလိုက်၏။</p> <p>ထန်ယွင်နှင့် ထန်ထိုင်ကျုံးတယ်တို့ အရောင်းအဝယ် လုပ်စဉ်က ထန်ထိုင်ကျုံးတယ် မည်မျှပင် အဆင့်မြင့်သော မီးလျှံများ ထုတ်ပေးစေကာမူ ထန်ယွင်ကလည်း တန်ဖိုးတူညီသော ဆေးနည်းများဖြင့် ပြန်လည် လဲလှယ်ပေးမည်ဟု ပြောထားခဲ့သည်။ ထို့ကြောင့် ထန်ယွင်က ‘နိဗ္ဗာန်မြင့်မြတ်သောမီးလျှံ’ ကို ရရှိသည့်အခါတွင် ဆေးနည်းကို သေချာပေါက် ပေးပို့မည်ဟု ကတိပေးလိုက်၏။</p> <p>နောက်ပိုင်း၌ ထန်ယွင်က ချစ်လှစွာသော တပည့် ရှန်စုပင်းထံသို့ သွားရောက် လည်ပတ်ဦးမည်ဟု ပြောလိုက်သည်။ ထန်ထိုင်ကျုံးတယ်က ထန်ယွင်အား အတွင်းစည်း ဟောင်ဖူဈေးသို့ သွားနိုင်သော တယ်လီပို့အစီအရင် ရှိရာ ပထမထပ်သို့ လိုက်ပို့ပေးခဲ့၏။</p> <p>ထန်ယွင်က ထန်ထိုင်ကျုံးတယ် အပေါ်ထပ်သို့ ပြန်တက်သွားသည်အထိ အစီအရင်ခန်းအတွင်း၌ စောင့်နေလိုက်ပြီး ခေတ္တမျှ ကြာသည့်အခါ လိပ်အသက်ရှူ ရေခဲပဝါကို အလျင်အမြန် ချွတ်လိုက်ပြီးနောက် အစီအရင်အတွင်းမှ လမ်းလျှောက် ထွက်လာခဲ့သည်။</p> <p>ထန်ယွင်ကို လာရောက် ကြိုဆိုသူမှာ အစောက အမျိုးသမီး တပည့်ပင် ဖြစ်၏။ ထန်ယွင်က သူမကို သူသည် ဂိုဏ်းချုပ်၏ အမိန့်အရ ရောက်ရှိလာခြင်းဖြစ်ကြောင်း ပြောလိုက်ပြီး ထန်ထိုင်ကျုံးတယ်ကို ရှာဖွေခိုင်းသည့်အခါ ထိုအမျိုးသမီးက ထန်ယွင်အား ၁၈ထပ်မြောက်ရှိ အခန်းသို့ ပြန်လည် ခေါ်ဆောင်သွားတော့သည်။</p> <p>ထန်ယွင်က သူ လာရခြင်း အကြောင်းရင်းကို ရှင်းပြလိုက်သည့်အခါ ထန်ထိုင်ကျုံးတယ်မှာ ထန်ယွင်ကို ချီးကျူးမဆုံး ဖြစ်နေတော့သည်။ ဂိုဏ်းချုပ်က သူ့ရှေ့တွင် ထန်ယွင်၏ ကောင်းသတင်းများကို မကြာခဏ ပြောလေ့ရှိကြောင်းလည်း ဆို၏။</p> <p>ထိုစကားကို ကြားရသည့်အခါ ထန်ယွင်မှာလည်း အနည်းငယ် ဝမ်းသာပီတိ ဖြစ်သွားရသည်။</p> <p>၎င်းနောက် ထန်ထိုင်ကျုံးတယ်က ဦးစွာပထမ မီးဓာတ်ပါသော ထိပ်တန်း ရတနာအဆင့် မီးလျှံတစ်ခု ဖြစ်သည့် ‘ကျီယန် နတ်မီးလျှံ’နှင့်၊ ရေခဲဓာတ်ပါသော ထိပ်တန်း ရတနာအဆင့် မီးလျှံတစ်ခု ဖြစ်သည့် ‘နတ်ရေခဲ အစစ်အမှန်မီးလျှံ’ တို့ကို ထုတ်ယူကာ ထန်ယွင်ကို ပေးလိုက်၏။</p> <p>ထိုမီးလျှံ ၂မျိုးမှာ ထန်ယွင် ထာဝရနတ်ဘုရားဂိုဏ်းတွင် ထူးထူးချွန်ချွန် စွမ်းဆောင်နိုင်ခဲ့သဖြင့် ဂိုဏ်းချုပ်က ဆုချခြင်း ဖြစ်ကြောင်း ပြောကြားခဲ့သည်။</p> <p>ထို့နောက် ထန်ထိုင်ကျုံးတယ်က သူ့လက်ထဲ၌ ကျန်ရှိနေသော မီးလျှံများမှာ သာမန် နတ်ဘုရားအဆင့်မီးလျှံ များသာ ဖြစ်နေသဖြင့် အားနာကြောင်း ထန်ယွင်ကို ပြောလိုက်၏။</p> <p>သူက ထန်ယွင်ကို ရွေးချယ်မှု ၂ခု ပေးလိုက်သည်။ ဆုလာဘ်ကို နောက်မှ ယူမလား သို့မဟုတ် လက်ရှိ ရှိနေသော နတ်ဘုရားအဆင့်မီးလျှံအချို့ကိုပဲ ယူမလား ဟူ၍ပင်။</p> <p>ထန်ယွင်က လက်ရှိ သူ၏ ဟုန်မန်မီးလျှံနှင့် ဟုန်မန်ရေခဲမီးလျှံတို့ အဆင့်တက်ဖို့ရာဆိုလျှင် နတ်ဘုရားအဆင့်မီးလျှံများမှာ အသုံးမဝင်တော့ကြောင်း တွေးမိလိုက်သည်။ ထို့ကြောင့် သူက နောင်တွင် မီးလျှံအဆင့်မြင့်မြင့်များ ရရှိမှသာ ဆုလာဘ်ကို ယူမည်ဖြစ်ကြောင်း ပြောလိုက်၏။</p> <p>ထန်ယွင်က သူ ရရှိခဲ့သော မီးလျှံ ၂မျိုးကို ယူဆောင်လျက် ကျေနပ်စွာဖြင့် ထွက်ခွာလာခဲ့သည်။ တယ်လီပို့အစီအရင် မှတစ်ဆင့် အတွင်းစည်း ဟောင်ဖူဈေးသို့ ပြန်လာခဲ့ပြီးနောက် ဓားပျံကို စီးနင်းကာ ပေ ၈၀၀ ကွာဝေးသော ဖန်လုံတောင်ထိပ်ဆီသို့ ပျံသန်း ထွက်ခွာလာခဲ့တော့လေသည်။</p> <p>အခန်း ၄၁၇ ပြီး</p> <p> </p>


Save