Book List

<h2 style="text-align: center;">အခန်း ၄၁၈</h2> <h2 style="text-align: center;">ဆုလာဘ်များ ချီးမြှင့်ခြင်း</h2> <h2 style="text-align: center;">*</h2> <p> </p> <p> </p> <p> </p> <p> </p> <p><br /> ခေတ္တမျှ ကြာပြီးနောက် ထန်ယွင်က ဓားပျံကို စီးနင်းကာ ကျယ်ပြောလှသော တိမ်ပင်လယ်ကြီးအတွင်းမှ ဖန်လုံတောင်ထိပ်သို့ ပြန်လည်ရောက်ရှိလာ၏။</p> <p>မုမုန့်ဂျီ၊ ကျုံးဝူစစ်ယောင်နှင့် ရွှယ်ဇီယန်တို့သည် ထန်ယွင်၏ ဘေးသို့ ဖြည်းညှင်းစွာ လျှောက်လာကြပြီး ဤရက်ပိုင်းအတွင်း သူ ဘယ်သွားနေသနည်းဟု မေးမြန်းကြသည်။ ထန်ယွင်က တောင်ထိပ်တွင် စောင့်ကြည့်နေသူများပြားသဖြင့် နောက်မှ ပြောပြမည်ဟု ဆိုလိုက်၏။</p> <p>မိန်းကလေး ၃ ဦးလုံးက နားလည်ကြောင်း ပြောဆိုကြပြီးနောက် လွန်ခဲ့သော နာရီဝက်ခန့်ကပင် တောင်စဉ် ၉ခု ပြိုင်ပွဲကြီး ပြီးဆုံးသွားခဲ့ပြီ ဖြစ်ကြောင်း ထန်ယွင် သိလိုက်ရသည်။</p> <p>“တိတ်ကြစမ်း”</p> <p>ကျောက်စိမ်းအဆောက်အဦပေါ်တွင် ရှန်စုပင်းက လူတိုင်းကို တိတ်ဆိတ်ရန် အချက်ပြပြီးနောက် ထရပ်လိုက်၏။ သူမ၏ နှုတ်ခမ်းလွှာများ လှုပ်ရှားသွားကာ သာယာသော အသံ ထွက်ပေါ်လာတော့သည်။</p> <p>“တောင်စဉ် ၉ခု ပြိုင်ပွဲကြီးရဲ့ စည်းမျဉ်းတွေအရ အနိုင်ရတဲ့သူဟာ ထာဝရနယ်မြေ စမ်းသပ်မှုအတွင်း ဝင်ရောက်ခွင့်ရမယ့် အခြေခံ လူဦးရေ ၅၀ အပြင် နောက်ထပ် နေရာ ၂၀၀ ကို သူ့ရဲ့ အဖွဲ့အတွက် ထပ်တိုး ရရှိမှာ ဖြစ်ပါတယ်”</p> <p>“အဆင့် ၂ ရရှိတဲ့သူကတော့ သူ့အဖွဲ့အတွက် နောက်ထပ် နေရာ ၁၀၀ ထပ်တိုး ရရှိပါမယ်”</p> <p>“အဆင့် ၃ ကတော့ နောက်ထပ် နေရာ ၈၀၊ အဆင့် ၄ ကတော့ နောက်ထပ် နေရာ ၆၀ အသီးသီး ရရှိကြမှာ ဖြစ်ပါတယ်”</p> <p>“အဆင့် ၅ ရရှိတဲ့ အဖွဲ့ကတော့ နေရာ ၅၀၊ အဆင့် ၆ ကတော့ နေရာ ၃၀ ရရှိပါမယ်”</p> <p>“အဆင့် ၇ ကတော့ နေရာ ၂၀ နဲ့ အဆင့် ၈ ကတော့ နေရာ ၁၀ အသီးသီး ခွဲဝေ ရရှိကြမှာ ဖြစ်ပါတယ်”</p> <p>“ဆေးဝါးအုပ်စုက ထန်ယွင်ဟာ အဆင့် ၁ ရရှိပြီး မုမုန့်ဂျီက အဆင့် ၃ ရရှိခဲ့တဲ့အတွက် ဆေးဝါးအုပ်စုက စုစုပေါင်း ၃၃၀ နေရာ ရရှိတယ်လို့ ဒီခေါင်းဆောင် ကြေညာပါတယ်”</p> <p>“ရွှယ်ဇီယန်က အဆင့် ၂ ရရှိခဲ့တဲ့အတွက် ဝိညာဉ်ငါးပါးအုပ်စုက ၁၅၀ နေရာ ရရှိပါတယ်”</p> <p>“ခယ်ရှင်းယီက အဆင့် ၄ ရရှိခဲ့တဲ့အတွက် သန့်စင်သောဝိညာဉ်အုပ်စုက ၁၁၀ နေရာ ရရှိပါတယ်”</p> <p>“ဟောင်ဖူထင်ဖုန်းက အဆင့် ၅ ရရှိခဲ့တဲ့အတွက် လက်နက်အစီအရင်အုပ်စုက ၁၀၀ နေရာ ရရှိပါတယ်”</p> <p>“ရှောင်ချင်းရွှမ်းက အဆင့် ၆၊ ရှန်ကွန်းပင်းပင်းက အဆင့် ၇ နဲ့ ကျွင်းပုဖျင်က အဆင့် ၈ အသီးသီး ရရှိခဲ့ကြတဲ့အတွက် ရှေးဟောင်းဝိညာဉ်အုပ်စုက စုစုပေါင်း ၁၁၀ နေရာ ရရှိသွားပါပြီ”</p> <p>“လေနှင့်မိုးကြိုးအုပ်စု၊ အစီအရင်အုပ်စု၊ သားရဲဝိညာဉ်အုပ်စုနဲ့ လက်နက်အုပ်စုတို့ကတော့ ထိပ်တန်း ၈ နေရာထဲ ဝင်နိုင်သူ မရှိတဲ့အတွက် အဖွဲ့တစ်ခုချင်းစီမှာ အခြေခံ နေရာ ၅၀ စီပဲ ရှိပါမယ်”</p> <p>ရှန်စုပင်းက ခေတ္တမျှ ရပ်နားလိုက်ပြီးနောက် ဆက်ပြော၏။ </p> <p>“အခု ထာဝရနယ်မြေ စမ်းသပ်မှုမှာ ပါဝင်မယ့် အုပ်စု ၉ ခုလုံးက တပည့်တွေ နံပါတ် ၁ ချန်လုံစင်မြင့်ပေါ်ကို တက်ခဲ့ကြပါ”</p> <p>ထို့နောက် အုပ်စု ၉ ခုမှ တပည့်ပေါင်း ၁,၀၀၀ ခန့်သည် နံပါတ် ၁ ချန်လုံစင်မြင့်ပေါ်သို့ တစ်ဦးပြီးတစ်ဦး ခုန်တက်လိုက်ကြတော့သည်။</p> <p>ချန်လုံစာရင်း၏ ထိပ်တန်း ၈ ဦးမှာ တပည့်များ၏ ရှေ့ဆုံးတွင် ရပ်နေကြ၏။</p> <p>ရှန်စုပင်းက အလွတ် ကျောက်စိမ်းပြားတစ်ခုကို ထုတ်ယူလိုက်ပြီး ချန်လုံစာရင်း၏ ထိပ်တန်း ၈ ဦးမှအပ ကျန်တပည့် ၉၉၂ ဦးကို မည်သို့သော အလယ်အလတ်အဆင့် ရတနာများနှင့် လက်နက်များကို လိုချင်သနည်းဟု တစ်ဦးချင်းစီ မေးမြန်းတော့သည်။</p> <p>နာရီဝက်ခန့် စာရင်းပြုစုပြီးနောက် ရှန်စုပင်းက အချက်အလက်များကို အပြီးသတ်လိုက်၏။</p> <p>တပည့် ၉၉၂ ဦးအနက် အချို့က ခုခံရေး ရတနာများ၊ အချို့က တိုက်ခိုက်ရေး ရတနာများ၊ အချို့က တိုက်စစ်နှင့် ခံစစ် နှစ်မျိုးလုံး ပါဝင်သော ရတနာများနှင့်၊ အချို့ကမူ ထွက်ပြေးလွတ်မြောက်ရေး ရတနာများကို အသီးသီး လိုချင်ကြသည်။</p> <p>တပည့် အများစုအတွက်မူ သူတို့ ရွေးချယ်သော ဆုလာဘ်များမှာ ဓား၊ လှံ၊ တုတ်၊ လှံရှည် အစရှိသော သူတို့၏ ဝိညာဉ်သန္ဓေ ဓာတ်များနှင့် ကိုက်ညီသည့် ပုံမှန်လက်နက်များသာ ဖြစ်ကြသည်။</p> <p>ကျောက်စိမ်းအဆောက်အဦပေါ်တွင် ရှန်စုပင်းက ကျောက်စိမ်းပြားကို လက်နှစ်ဖက်ဖြင့် ကိုင်ဆောင်ကာ အထက်ရှိ ထန်ထိုင်ကျုံးရွှမ်ထံသို့ ကမ်းပေးလိုက်၏။</p> <p>ထန်ထိုင်ကျုံးရွှမ်က ကျောက်စိမ်းပြားကို လက်ခံရရှိပြီးနောက် ထရပ်လိုက်ကာ ချန်လုံစာရင်း၏ ထိပ်တန်း ၈ ဦးကို ကျေနပ်စွာ ကြည့်ကာ မေးလိုက်သည်။ </p> <p>“ချန်လုံစာရင်းရဲ့ နံပါတ် ၁ ဖြစ်တဲ့ ထန်ယွင်ကိုတော့ ထိပ်တန်း ရတနာတစ်ခု ဆုချပါ့မယ်... ပြောစမ်း... မင်း ဘယ်လို လက်နက်မျိုး လိုချင်လဲ”</p> <p>ထန်ယွင်က စင်အောက်ရှိ ကျုံးဝူစစ်ယောင်ကို တစ်ချက် ကြည့်ပြီးနောက် ဦးညွှတ်ကာ လျှောက်တင်လိုက်၏။ </p> <p>“ဂိုဏ်းချုပ်ကို တင်ပြပါတယ်... တပည့်အနေနဲ့ ဟင်းလင်းပြင်ဓာတ် ပါဝင်တဲ့ အမျိုးသမီးသုံး ထိပ်တန်း ရတနာ ဓားပျံတစ်လက်ကို လိုချင်ပါတယ် ခင်ဗျာ”</p> <p>မုမုန့်ဂျီနှင့် ရွှယ်ဇီယန်တို့မှာ ချက်ချင်းပင် သတိပြုမိလိုက်ကြသည်။ ထန်ယွင်က သူ ရရှိမည့် ဆုလာဘ်ကို ကျုံးဝူစစ်ယောင်အတွက် တောင်းဆိုပေးနေခြင်း မဟုတ်ပါလော။</p> <p>တောင်ထိပ်ပေါ်တွင် ဝတ်စုံဖြူကို ဝတ်ဆင်ထားသော ကျုံးဝူစစ်ယောင်မှာ နှုတ်ခမ်းလေးကို တင်းတင်းစေ့ထားမိပြီး ရင်ထဲ ကြည်နူးမှုများဖြင့် ပြည့်နှက်နေတော့သည်။</p> <p>‘ဒီကောင်လေးကတော့ တကယ်ကို စွဲလမ်းတတ်တာပဲ’ </p> <p>ထန်ထိုင်ကျုံးရွှမ်က စိတ်ထဲမှ တိတ်တဆိတ် ရေရွတ်လိုက်ပြီးနောက် ထပ်မံ မေးလိုက်၏။ </p> <p>“ဇီယန်... မင်းကော ဘာလိုချင်လဲ”</p> <p>ရွှယ်ဇီယန်က ရုတ်တရက် တွန့်ဆုတ်နေပြီး စကားပြောရန် တွေဝေနေဟန် ပြလိုက်၏။</p> <p>“ဒီဂိုဏ်းချုပ်ကတော့ မင်းကို ပေါ့ပေါ့ပါးပါး နေတတ်တဲ့ မိန်းကလေးတစ်ယောက်လို့ပဲ မြင်ပါတယ်... ဟဲဟဲ... ဘာပြောချင်လို့လဲ၊ မင်းရဲ့ ခဲအို မျက်နှာကို ထောက်ပြီး ဂိုဏ်းချုပ် သဘောတူပေးပါ့မယ်” </p> <p>ထန်ထိုင်ကျုံးရွှမ်၏ ဤစကားမှာ အနက်အဓိပ္ပာယ် များစွာ ပါဝင်နေ၏။</p> <p>ထန်ယွင်ကို သတ်ချင်နေသော လူတိုင်းအား ဂိုဏ်းချုပ်ကိုယ်တိုင် ထန်ယွင်ကို အလွန်အမင်း သဘောကျနေကြောင်း သတိပေးလိုက်ခြင်းပင်။</p> <p>ထို့ထက် ပို၍ နက်နဲသော အဓိပ္ပာယ်မှာ ထန်ယွင်ကို သတ်ချင်သူများအနေဖြင့် ဂိုဏ်းချုပ်ကိုပါ ထည့်သွင်း စဉ်းစားရမည်ဟု ဆိုလိုခြင်း ဖြစ်၏။</p> <p>ထိုစကားကို ကြားရသည့်အခါ လူတိုင်းက ထန်ယွင်ကို မထိန်းချုပ်နိုင်ဘဲ လှည့်ကြည့်လိုက်ကြရာ သူတို့၏ မျက်လုံးများထဲတွင် တုန်လှုပ်မှုများကို မြင်တွေ့နိုင်ပေသည်။ ဂိုဏ်းချုပ်က ထန်ယွင်ကို ၅ ရက်ကျော်ကြာ ခေါ်ဆောင်သွားပြီးနောက် သူတို့ကြား ဘာတွေ ဖြစ်ပျက်ခဲ့သနည်းဟု လူတိုင်း တွေးတောနေကြတော့သည်။</p> <p>ထို့အပြင် ဂိုဏ်းချုပ်က တပည့်တစ်ယောက်အပေါ် ဤမျှလောက် တန်ဖိုးထားကြောင်း လူသိရှင်ကြား ပြောဆိုခဲ့ခြင်းမှာလည်း ပထမဆုံးအကြိမ်ပင် ဖြစ်၏။</p> <p>ရွှယ်ဇီယန်ကမူ ထိုကိစ္စများကို ဂရုမစိုက်ဘဲ ပြုံးလျက် ပြောလိုက်သည်။ </p> <p>“ဂိုဏ်းချုပ်ကို တင်ပြပါတယ်... တပည့်ရဲ့ ကျင့်စဉ်ကို ထုတ်ဖော်ဖို့အတွက် အဆင့်တူညီတဲ့ ဓားပျံ ၅ လက် လိုအပ်ပါတယ်ရှင့်”</p> <p>“တပည့်ကို ရွှေ၊ သစ်သား၊ ရေ၊ မီး၊ မြေ ဓာတ်တွေ ပါဝင်တဲ့ ဓားပျံ ၅ လက်ကို ဆုချပေးနိုင်မလား ဟင်”</p> <p>ထိုစကားကို ကြားရသည့်အခါ ထန်ယွင်ပင် အရှက်သည်းသွားရသည်။ ဒါက ခြင်္သေ့ကြီး ပါးစပ်ဟလိုက်သလိုမျိုး အများကြီး တောင်းလိုက်ခြင်း မဟုတ်ပါလော။</p> <p>မုမုန့်ဂျီကလည်း ရွှယ်ဇီယန်ကို မသိသလိုမျိုး ခေါင်းလွှဲထားလိုက်တော့သည်။</p> <p>တောင်ထိပ်ပေါ်ရှိ အုပ်စု၉ ခုမှ တပည့်များမှာလည်း ဆွံ့အနေကြ၏။</p> <p>ကျောက်စိမ်းအဆောက်အဦပေါ်ရှိ ထန်ထိုင်ကျုံးတယ်မှာလည်း ရွှယ်ဇီယန်ကို ကြည့်ကာ ခေတ္တမျှ ကြောင်သွားရသည်။</p> <p>“ဇီယန်... ရိုင်းစိုင်းတာတွေ မလုပ်နဲ့စမ်း” </p> <p>ထန်ထိုင်ကျုံးရွှမ်၏ အမူအရာကို မြင်လိုက်သည့်အခါ ဝိညာဉ်ငါးပါးပိုင်ရှင်က အလျင်အမြန် ကြိမ်းမောင်းလိုက်၏။</p> <p>ထန်ထိုင်ကျုံးရွှမ်က လက်မြှောက်၍ ဝိညာဉ်ငါးပါးပိုင်ရှင်ကို တားမြစ်လိုက်သည်။ ထို့နောက် ရွှယ်ဇီယန်ကို ငုံ့ကြည့်ကာ ပြုံး၍ ပြောလိုက်၏။ </p> <p>“ပွင့်ပွင့်လင်းလင်း ရှိတာပဲ... ဒီဂိုဏ်းချုပ် သဘောကျတယ်... ကောင်းပြီလေ၊ မင်း တောင်းတဲ့အတိုင်းပဲ ဖြစ်စေရမယ်၊ မင်းကို ထိပ်တန်း ရတနာ ဓားပျံ ၅ လက် ဆုချမယ်”</p> <p>“တကယ်လား” </p> <p>ရွှယ်ဇီယန်က ပြုံးရွှင်သွားပြီး ချက်ချင်းပင် ဦးညွှတ်လိုက်တော့သည်။</p> <p> “ကျေးဇူးတင်ပါတယ် ဂိုဏ်းချုပ်... ဂိုဏ်းချုပ် သက်တော်ရာကျော် ရှည်ပါစေ”</p> <p>“ကောင်းပြီ... ထတော့”</p> <p>ထန်ထိုင်ကျုံးရွှမ်က ရွှယ်ဇီယန်ကို ထခိုင်းပြီးနောက် မုမုန့်ဂျီကို လှည့်ကြည့်ကာ မေးလိုက်၏။ </p> <p>“မင်းကရော ဘာ ဝိညာဉ်သန္ဓေမျိုးလဲ” </p> <p>“ဂိုဏ်းချုပ်ကို တင်ပြပါတယ်... တပည့်မှာ သားရဲဝိညာဉ်နဲ့ သေခြင်းတရား ဝိညာဉ်သန္ဓေ ရှိပါတယ်ရှင်” </p> <p>မုမုန့်ဂျီက ဦးညွှတ်ကာ အမှန်အတိုင်း လျှောက်တင်လိုက်သည်။</p> <p>“အင်း... ဂိုဏ်းချုပ်က မင်းကို သားရဲဓာတ်နဲ့ သေခြင်းတရားဓာတ် ပါဝင်တဲ့ ထိပ်တန်း ရတနာ ဓားပျံတစ်လက် ဆုချမယ်... ထပါ” </p> <p>ထန်ထိုင်ကျုံးရွှမ်က ပေါ့ပေါ့ပါးပါးပင် ပြောလိုက်၏။</p> <p>သို့သော် ဤသည်မှာ ထန်ယွင်၏ မျက်နှာကို ထောက်ထားခြင်း ဖြစ်ကြောင်း လူတိုင်း သိကြပေသည်။</p> <p>“တပည့်... ဂိုဏ်းချုပ်ကို ကျေးဇူးတင်ပါတယ်” </p> <p>မုမုန့်ဂျီ ဝမ်းသာအားရ ပြန်ထလိုက်၏။</p> <p>၎င်းနောက် ထန်ထိုင်ကျုံးရွှမ်က ချန်လုံစာရင်း၏ အဆင့် ၄ မှ အဆင့် ၈ အထိ ရှိသော အစွမ်းထက်သူများကို ထိပ်တန်း ရတနာတစ်ခုစီ ရွေးချယ်စေခဲ့သည်။</p> <p>ထန်ထိုင်ကျုံးရွှမ်က ထန်ယွင် အပါအဝင် တပည့်ပေါင်း ၁,၀၀၀ ကို ငုံ့ကြည့်ကာ အေးအေးဆေးဆေး ပြောလိုက်၏။ </p> <p>“မင်းတို့ ဒီမှာ ခဏ စောင့်ကြဦး... ဒီဂိုဏ်းချုပ် လက်နက်တွေ သွားယူလိုက်ဦးမယ်”</p> <p>စကားဆုံးသည်နှင့် ထန်ထိုင်ကျုံးရွှမ်က ဟင်းလင်းပြင်ထဲသို့ သူ့လက်နှစ်ဖက်ဖြင့် ညင်သာစွာ ဝှေ့ယမ်းလိုက်ရာ ရုတ်တရက် ကောင်းကင်ကြီးမှာ အတင်းအဓမ္မ ဆွဲဖြဲခံလိုက်ရသကဲ့သို့ ဖြစ်သွားပြီး မှောင်မိုက်လှသော ဟင်းလင်းပြင် အက်ကြောင်းကြီးတစ်ခု ပေါ်လာတော့သည်။</p> <p>နောက်ထပ် အခိုက်အတန့်၌ ထန်ထိုင်ကျုံးရွှမ်မှာ ထိုအက်ကြောင်းအတွင်းသို့ လှမ်းဝင်သွားပြီး ပျောက်ကွယ်သွားတော့၏။</p> <p>ချက်ချင်းပင် ဟင်းလင်းပြင် အက်ကြောင်း ပြန်လည် တည်ငြိမ်သွားသည်။</p> <p>ခုနက မြင်ကွင်းမှာ ဟင်းလင်းပြင်ကို ဆွဲဖြဲလိုက်ခြင်းပင်။</p> <p>...</p> <p>၆ နာရီခန့် ကြာပြီးနောက် ညရောက်လာလေပြီ။ ကျောက်စိမ်းအဆောက်အဦ၏ အထက် ကောင်းကင်ယံတွင် အနက်ရောင် ဟင်းလင်းပြင် အက်ကြောင်းကြီးတစ်ခု ရုတ်တရက် ပေါ်လာပြန်သည်။ ချက်ချင်းပင် ထန်ထိုင်ကျုံးရွှမ်မှာ အက်ကြောင်းအတွင်းမှ ထွက်ပေါ်လာ၏။</p> <p>“ဝှစ်... ဝှစ်... ဝှစ်...”</p> <p>“မင်းတို့ရဲ့ ဆုလာဘ်တွေကို အသီးသီး လက်ခံကြစမ်း”</p> <p>ထန်ထိုင်ကျုံးရွှမ်၏ ကျယ်လောင်သော အသံနှင့်အတူ သူ၏ ချန်ခွန်းလက်စွပ်မှာ အရှိန်အဟုန်ဖြင့် လျှပ်ခနဲ လျှပ်ခနဲ ဖြစ်သွား၏။ ထို့နောက် ရတနာ အမျိုးမျိုးမှာ အလင်းတန်းများအလား နံပါတ် ၁ ချန်လုံစင်မြင့်ပေါ်ရှိ အုပ်စု ၉ ခုမှ တပည့်ပေါင်း ၁,၀၀၀ ၏ လက်ထဲသို့ အသီးသီး ရောက်ရှိသွားတော့သည်။</p> <p>တပည့်အားလုံးမှာ သူတို့၏ လက်နက်များကို မြဲမြံစွာ ဆုပ်ကိုင်ထားကြပြီး စိတ်လှုပ်ရှားမှုများကို ဖော်ပြရန်ပင် စကားလုံး ရှာမရ ဖြစ်နေကြတော့၏။</p> <p>တောင်ထိပ်ပေါ်ရှိ တပည့်ပေါင်း ၆၀၀,၀၀၀ ကျော်မှာ ချန်လုံစင်မြင့်ပေါ်ရှိ တပည့်များ၏ လက်ထဲမှ အလယ်အလတ်အဆင့်၊ အဆင့်မြင့်နှင့် ထိပ်တန်း ရတနာများကို ကြည့်ကာ အားလုံး အားကျနေကြတော့သည်။</p> <p>ထန်ထိုင်ကျုံးရွှမ်က တပည့် ၁,၀၀၀ ကို ငုံ့ကြည့်ကာ ပြောလိုက်၏။ </p> <p>“ဒီည အနားယူကြဦး... မနက်ဖြန် မွန်းတည့်ချိန်ကျရင် ထာဝရနတ်ဘုရားဂိုဏ်းကို စတင် ထွက်ခွာပြီး ထာဝရနယ်မြေ စမ်းသပ်မှုမှာ ပါဝင်ကြရမယ်”</p> <p>“တပည့်များ အမိန့်အတိုင်း ဆောင်ရွက်ပါ့မယ်” </p> <p>ထန်ယွင်နှင့် ကျန် တပည့်ပေါင်း ၁,၀၀၀ ကျော်မှာ တစ်ပြိုင်နက် ဖြေလိုက်သဖြင့် တောင်ထိပ်တစ်ခုလုံး တုန်ခါသွားတော့လေသည်။</p> <p>အခန်း ၄၁၈ ပြီး</p> <p> </p>


Save