Book List

<h2 style="text-align: center;">အခန်း ၄၁၉</h2> <h2 style="text-align: center;">နတ်ဘုရားမြှုပ်နှံရာ ချောက်နက်ကြီး</h2> <h2 style="text-align: center;">*</h2> <p> </p> <p> </p> <p> </p> <p> </p> <p>ညဉ့်သည် မှောင်မိုက်နေပြီး လရောင်မှာ ဝေဝါးနေကာ ကြယ်တာရာများမှာမူ ကောင်းကင်ယံ၌ ထွန်းလင်းနေကြ၏။</p> <p>ခေါင်းဆောင် ၉ ဦးသည် ထာဝရနယ်မြေ စမ်းသပ်မှုတွင် ပါဝင်မည့် တပည့်များကို စုစည်းကာ မှာကြားစရာရှိသည်များကို စတင် ပြောဆိုနေကြတော့သည်။</p> <p>ဆေးဝါးအုပ်စုတွင် ထန်ယွင်၊ မုမုန့်ဂျီ၊ လုအိုဖန်နှင့် ဆုန့်ဟုန် တို့ ဦးဆောင်သော တပည့်စုစုပေါင်း ၃၃၀ဦးတို့သည် ရှန်စုပင်း၏ ရှေ့တွင် ရိုသေသေ ရပ်နေကြ၏။</p> <p>“အခု ဒီခေါင်းဆောင်က မင်းတို့ကို တစ်ချို့အချက်တွေ ပြောပြမယ်” <br /> ရှန်စုပင်းက ဆိုလိုက်သည်။ <br /> “ပြီးရင် ထာဝရနယ်မြေရဲ့ အခြေအနေတွေကို ငါ ရှင်းပြမယ်”</p> <p>ရှန်စုပင်း၏ အကြည့်များက ထန်ယွင်ထံသို့ ကျရောက်သွားပြီး ပြတ်သားစွာ ပြောလိုက်၏။ </p> <p>“ထာဝရနယ်မြေထဲကို ဝင်ပြီးသွားတာနဲ့ ထန်ယွင်ရဲ့ အမိန့်ဟာ ဒီခေါင်းဆောင်ရဲ့ အမိန့်ပဲ... ဘယ်သူမဆို အမိန့်ကို ဖီဆန်ရင်တော့ ကရုဏာမထားဘဲ သတ်ပစ်မယ်”</p> <p>“တပည့်များ နားလည်ပါပြီ” </p> <p>မုမုန့်ဂျီ၊ လုအိုဖန်၊ ဆုန့်ဟုန် နှင့် အခြားသော တပည့် ၃၂၆ ဦးလုံးက တစ်ပြိုင်နက် ပြန်လည် ဖြေကြားလိုက်ကြသည်။</p> <p>သူတို့စိတ်ထဲတွင် ထန်ယွင်က ခေါင်းဆောင် ဖြစ်လာမည်မှာ ပြောနေစရာပင် မလိုတော့ပေ။</p> <p>“အင်း” </p> <p>ရှန်စုပင်းက ကျေနပ်စွာ ခေါင်းညိတ်လိုက်ပြီးနောက် ဆက်ပြော၏။ </p> <p>“ထာဝရနယ်မြေဆိုတာ ငါတို့ဂိုဏ်းရဲ့ နတ်ဘုရားကျဆုံးခြင်း ချောက်နက်လိုပဲ ကျယ်ပြောတယ်... အထဲမှာ စမ်းသပ်ရမယ့် ဧရိယာဟာ မိုင်ပေါင်း ၁၀ သန်းလောက်အထိ ကျယ်ဝန်းတယ်”</p> <p>“အဲ့ဒီ မိုင်ပေါင်း ၁၀ သန်းလောက်ရှိတဲ့ စမ်းသပ်မှု ဧရိယာရဲ့ အလယ်ဗဟိုဟာ ကျယ်ပြောလှတဲ့ ထာဝရနယ်မြေရဲ့ အဓိက အစိတ်အပိုင်းလို့ ဆိုကြတယ်”</p> <p>“စမ်းသပ်မှု ဧရိယာရဲ့ အပြင်ဘက်မှာတော့ ကာကွယ်ရေး အစီအရင်ကြီး တစ်ခု ရှိတယ်... အဲ့ဒါက စမ်းသပ်မှုမှာ ပါဝင်တဲ့ တပည့်တွေကို အပြင်ဘက်က အစွမ်းထက် မိစ္ဆာသားရဲတွေရဲ့ ရန်ကနေ ကာကွယ်ပေးထားတာပဲ... အဲ့ဒီ အစီအရင်ရဲ့ အပြင်ဘက်ကို မထွက်သရွေ့တော့ မင်းတို့ ဘေးကင်းပါလိမ့်မယ်”</p> <p>ထိုစကားကို ကြားရသည့်အခါ တပည့်အားလုံးက နားလည်ကြောင်း ခေါင်းညိတ်ပြကြ၏။</p> <p>ရုတ်တရက် ရှန်စုပင်း၏ အမူအရာမှာ လေးနက်သွားပြီး </p> <p>“နောက်ထပ် ဒီခေါင်းဆောင် ပြောမယ့် စကားလုံးတိုင်းဟာ မင်းတို့ရဲ့ အသက်နဲ့ သက်ဆိုင်တယ်... သေချာ မှတ်သားထားကြ”</p> <p>“တပည့်များ အမိန့်အတိုင်းပါ ခေါင်းဆောင်၊ မိန့်ကြားတော်မူပါ” </p> <p>တပည့်များက ရိုရိုသေသေ လျှောက်တင်လိုက်ကြသည်။</p> <p>ရှန်စုပင်း၏ မျက်နှာတွင် ဇဝေဇဝါ ဖြစ်နေဟန်ဖြင့်... </p> <p>“အခု ဒီခေါင်းဆောင်က ဘာကြောင့် ထာဝရနယ်မြေ စမ်းသပ်မှုဟာ ဝိညာဉ်သန္ဓေအဆင့် တပည့်တွေအတွက်ပဲ ဖြစ်နေရတာလဲဆိုတာကို ရှင်းပြမယ်”</p> <p>“ပြီးတော့ ဒီစမ်းသပ်မှုရဲ့ ရည်ရွယ်ချက်က ဘာလဲဆိုတာကိုလည်း ငါ ပြောပြမယ်”</p> <p>“ပထမအချက်... ဒီ မိုင်ပေါင်း ၁၀ သန်း ကျယ်ဝန်းတဲ့ အလယ်ဗဟို ဧရိယာထဲမှာ အလယ်ဗဟိုကို ဖြတ်ကျော် တည်ရှိနေတဲ့ ချောက်နက်ကြီး တစ်ခု ရှိတယ်”</p> <p>“အဲ့ဒီ ချောက်နက်ကြီးက မိုင်ပေါင်း ဘယ်နှသောင်းလောက်အထိ ရှည်လဲ... ဘယ်လောက်အထိ နက်လဲဆိုတာ ဘယ်သူမှ မသိကြဘူး... ပြီးတော့ အဲ့ဒီ ချောက်နက်ကြီးက ဘယ်မှာ ဆုံးပြီး ဘယ်ကို ဦးတည်နေလဲဆိုတာလည်း မသိကြဘူး”</p> <p>“ထာဝရနယ်မြေဆိုတာ ရှေးဟောင်းခေတ်က နတ်ဘုရားတွေရဲ့ ဒုတိယအကြိမ်မြောက် တိုက်ပွဲ ဖြစ်ပွားခဲ့တဲ့ နေရာဖြစ်လို့ အဲ့ဒီ လျှို့ဝှက်ဆန်းပြားတဲ့ ချောက်နက်ကြီးကို - နတ်ဘုရားမြှုပ်နှံရာ ချောက်နက်ကြီးလို့ အမည်ပေးထားတာပဲ”</p> <p>“ဒုတိယအချက်... မိုင်ပေါင်း ၁၀ သန်း ပတ်လည်ရှိတဲ့ စမ်းသပ်မှု ဧရိယာထဲမှာတော့ ဒီ နတ်ဘုရားမြှုပ်နှံရာ ချောက်နက်ကြီး ကလွဲရင် ကျန်တဲ့ နေရာတွေမှာ အစွမ်းအထက်ဆုံး မိစ္ဆာသားရဲတွေဟာ ဒုတိယအဆင့် ကမ္ဘာပျက်ကာလမှာပဲ ရှိကြတယ်”</p> <p>“အဲ့ဒီ ဒုတိယအဆင့်မှာရှိတဲ့ မိစ္ဆာဘုရင် အချို့ကလွဲရင် ကျန်တဲ့ မိစ္ဆာတွေက မင်းတို့ကို ခြိမ်းခြောက်နိုင်မှာ မဟုတ်ဘူး”</p> <p>“တတိယအချက်... ဒါကတော့ မင်းတို့ သေချာ မှတ်ထားရမယ့် အချက်ပဲ... အဲ့ဒါကတော့ နတ်ဘုရားမြှုပ်နှံရာ ချောက်နက်ကြီးဟာ မင်းတို့ စမ်းသပ်မှု လုပ်ရမယ့် နေရာဖြစ်သလို ကြီးမားတဲ့ ကံကောင်းမှုတွေကို ရရှိနိုင်တဲ့ နေရာလည်း ဖြစ်တယ်”</p> <p>“နတ်ဘုရားကျဆုံးခြင်း ချောက်နက်မှာ စမ်းသပ်တုန်းကတော့ ငါတို့ဂိုဏ်းက မင်းတို့ ကျင့်ကြံဖို့အတွက် မုန်ညင်းစေ့ အချိန် ဟင်းလင်းပြင် မျှော်စင်ကို ထားပေးခဲ့ပေမဲ့ ထာဝရနယ်မြေထဲမှာတော့ ဘာဆုလာဘ်မှ မရှိဘူး”</p> <p>ထန်ယွင်နှင့် အခြားသူများမှာ ထိုစကားကို ကြားရသည့်အခါ နတ်ဘုရားမြှုပ်နှံရာ ချောက်နက်ကြီးအတွင်း၌ ရှားပါးသော ရတနာများစွာ ရှိနေလိမ့်မည်ဖြစ်ကြောင်း စဉ်းစားနေစရာပင် မလိုဘဲ သိလိုက်ကြသည်။</p> <p>တစ်ချိန်တည်းမှာပင် ရှန်စုပင်း နောက်ထပ် ပြောမည့်စကားမှာ အရေးကြီးဆုံး ဖြစ်လိမ့်မည်ဟုလည်း သူတို့ သိထားကြ၏။</p> <p>ရှန်စုပင်း၏ အမူအရာမှာ ပို၍ပင် လေးနက်သွားပြီး မျက်လုံးများမှာလည်း ဇဝေဇဝါ ဖြစ်လာသည်။ </p> <p>“ထာဝရနယ်မြေ စမ်းသပ်မှုဟာ ဝိညာဉ်သန္ဓေအဆင့် တပည့်တွေအတွက်ပဲ ဖြစ်နေရတဲ့ အကြောင်းရင်းကတော့ နတ်ဘုရားမြှုပ်နှံရာ ချောက်နက်ကြီးအတွင်းမှာ ဖော်ပြလို့မရနိုင်တဲ့ ဖျက်ဆီးခြင်း စွမ်းအားတွေ ပြည့်နှက်နေလို့ပဲ”</p> <p>“ကျင့်ကြံသူရဲ့ အဆင့် မြင့်မားလေလေ အဲ့ဒီ ဖျက်ဆီးခြင်း စွမ်းအားက ပိုပြီးတော့ ကြမ်းတမ်းလာလေလေပဲ... အဲ့ဒီ မမြင်ရတဲ့ စွမ်းအားဟာ လူတွေရဲ့ ဝိညာဉ်ကို ဖျက်ဆီးပစ်နိုင်သလို၊ သူတို့ရဲ့ ခန္ဓာကိုယ်ကိုလည်း ပြာအဖြစ် ပြောင်းလဲသွားစေနိုင်တယ်”</p> <p>“လွန်ခဲ့တဲ့ အချိန်အတော်ကြာတုန်းက ထာဝရနတ်ဘုရားဂိုဏ်းရဲ့ ဂိုဏ်းချုပ် အဆက်ဆက်နဲ့ အစွမ်းထက်လှတဲ့ ပညာရှင်ကြီးတွေ အားလုံး အထဲကို ဝင်ခဲ့ဖူးတယ်.. ဒါပေမဲ့ အဲ့ဒီ ဖျက်ဆီးခြင်း စွမ်းအားအောက်မှာပဲ အကျအဆုံးတွေ များပြားခဲ့ပြီး နောက်ဆုံးမှာတော့ မိုင်ပေါင်း ထောင်ဂဏန်းတောင် မရောက်ခင်မှာပဲ ထွက်ပြေးခဲ့ကြရတာ”</p> <p>“နောက်ဆုံးမှာတော့ ထာဝရနတ်ဘုရားဂိုဏ်းဟာ ဝိညာဉ်သန္ဓေအဆင့် တပည့်တွေကို စမ်းသပ်ပြီး ဝင်ခိုင်းခဲ့တယ်... ဒါပေမဲ့ ဝိညာဉ်သန္ဓေအဆင့် တပည့်တွေဟာ အဲ့ဒီစွမ်းအားရဲ့ တိုက်စားမှုကို မခံရသလောက် ဖြစ်ပေမဲ့ သူတို့ရဲ့ ခွန်အားက အားနည်းလွန်းတော့ အထဲကို မရောက်ခင်မှာတင် မိစ္ဆာသားရဲတွေရဲ့ အစားခံလိုက်ရတာပေါ့”</p> <p>“ဒါကြောင့် ထာဝရနတ်ဘုရားဂိုဏ်းဟာ ဝိညာဉ်သန့်စင်ခြင်းအဆင့် တပည့်တွေကို ထပ်ပြီး ဝင်ခိုင်းခဲ့ပြန်တယ်... ဆယ်စုနှစ်ပေါင်းများစွာ စမ်းသပ်ပြီးတဲ့နောက်မှာတော့ ဝိညာဉ်သန့်စင်ခြင်းအဆင့် ၃ အထက်က တပည့်တွေဟာ အဲ့ဒီ ဖျက်ဆီးခြင်း စွမ်းအားအောက်မှာ မိုင်ပေါင်း ထောင်ဂဏန်းလောက်ပဲ ရောက်ပြီး သေဆုံးကုန်ကြတယ်ဆိုတာ သိလိုက်ရတယ်”</p> <p>“နောက်ဆုံးမှာတော့ အကြိမ်ပေါင်းများစွာ စမ်းသပ်ပြီးတဲ့အခါမှာ ဝိညာဉ်သန္ဓေအဆင့် ၈ ကနေ ဝိညာဉ်သန့်စင်ခြင်းအဆင့် ၂ အထိ ရှိတဲ့ ကျင့်ကြံသူတွေဟာ နတ်ဘုရားမြှုပ်နှံရာ ချောက်နက်ကြီးထဲကို ဝင်ဖို့ အသင့်တော်ဆုံးပဲလို့ သတ်မှတ်လိုက်ကြတာပေါ့”</p> <p>“နတ်ဘုရားမြှုပ်နှံရာ ချောက်နက်ကြီးဟာ အရမ်းကို လျှို့ဝှက်ဆန်းပြားပြီး ထာဝရနယ်မြေရဲ့ ဗဟိုချက်လည်း ဖြစ်နေမှတော့ နတ်ဘုရားတွေ ကျဆုံးသွားပြီးတဲ့နောက်မှာ အထဲမှာ ရတနာတွေ ရှိနေမှာကတော့ သေချာနေတာပဲ”</p> <p>“ဒါကြောင့် ဂိုဏ်း ၂ ဂိုဏ်းနဲ့ နန်းတော် ၁ ခုက အတွင်းစည်း တပည့်တွေအတွက် စမ်းသပ်မှု ကိစ္စ ထွက်ပေါ်လာတာပဲ”</p> <p>လူတိုင်း စိတ်ဝင်တစား နားထောင်နေကြ၏။ ထိုစဉ် ထန်ယွင်က မေးမြန်းလိုက်သည်။ </p> <p>“ခေါင်းဆောင်... အထဲမှာ ရတနာတွေ ရှိနိုင်တယ်ဆိုရင် ထာဝရနတ်ဘုရားဂိုဏ်းက ဘာလို့ ဝိညာဉ်နတ်ဘုရားနန်းတော်နဲ့ ကျုပ်တို့ဂိုဏ်းကို အဲ့ဒီ အကျိုးအမြတ်တွေကို ခွဲဝေခံစားဖို့ သဘောတူခဲ့တာလဲ ခင်ဗျာ”</p> <p>ထိုစကားကို ကြားရသည့်အခါ ရှန်စုပင်းက ကောင်းကင်ယံကို ငေးကြည့်လိုက်ပြီး သူမ၏ အမူအရာမှာ အားကျမှုများဖြင့် ပြည့်နှက်သွားသည်။ </p> <p>“ဒါတွေအားလုံးဟာ လွန်ခဲ့တဲ့ နှစ်ပေါင်း ၅၀,၀၀၀ ဆီကို ပြန်သွားရလိမ့်မယ်... အဲ့ဒီအချိန်က ထာဝရနတ်ဘုရားဂိုဏ်း တည်ထောင်တာ နှစ်ပေါင်း ၃၀,၀၀၀ တောင် မပြည့်သေးဘူး”</p> <p>“အဲ့ဒီအချိန်မှာ ငါတို့ရဲ့ ဘိုးဘေး ပေါ်ထွက်လာခဲ့တယ်... သူက ဟောင်ဖူလျှို့ဝှက်နယ်မြေကို အရင်ဆုံး ရှာတွေ့ခဲ့ပြီးတော့ နတ်ဘုရားကျဆုံးခြင်း ချောက်နက်ရဲ့ အပေါက်ကို တွေ့ပြီးတဲ့နောက်မှာ ဝိညာဉ်နတ်ဘုရားနန်းတော်နဲ့ ထာဝရနတ်ဘုရားဂိုဏ်းဆီကို သွားခဲ့တယ်”</p> <p>“သူ တစ်ယောက်တည်းကပဲ ထာဝရနတ်ဘုရားဂိုဏ်းရဲ့ ဘိုးဘေးနဲ့ ဝိညာဉ်နတ်ဘုရားနန်းတော်ရဲ့ ဘိုးဘေး နှစ်ယောက်လုံးကို တစ်ပြိုင်နက် စိန်ခေါ်ပြီး အနိုင်ယူခဲ့တာပဲ”</p> <p>“အဲ့ဒီ ဘိုးဘေး နှစ်ယောက်ဟာ ကျုပ်တို့ ဘိုးဘေးက နတ်ဘုရားစစ်မြေပြင်နဲ့ ထာဝရနယ်မြေကို တစ်ဦးတည်း သိမ်းပိုက်မှာကို အရမ်း ကြောက်သွားကြတယ်... ဒါကြောင့် သူတို့ နှစ်ယောက်က တိုင်ပင်ပြီးတော့ ဂိုဏ်း ၂ ဂိုဏ်းနဲ့ နန်းတော် ၁ ခုကြားမှာ ပညာ ၄ မျိုး ပြိုင်ပွဲကတစ်ဆင့် ထာဝရနယ်မြေထဲ ဝင်ရောက်ခွင့်ကို မျှမျှတတ ယှဉ်ပြိုင်ဖို့အတွက် အဆိုပြုခဲ့ကြတာပေါ့”</p> <p>“ဒါကြောင့် လွန်ခဲ့တဲ့ နှစ်ပေါင်း ၅၀,၀၀၀ ကစပြီး ငါတို့ဂိုဏ်းက တပည့်တွေဟာ ထာဝရနယ်မြေထဲကို ဝင်ရောက်ပြီး နတ်ဘုရားမြှုပ်နှံရာ ချောက်နက်ကြီးထဲမှာ စမ်းသပ်မှုတွေ လုပ်ခဲ့ကြတာပဲ”</p> <p>ထိုသို့ ပြောဆိုရင်း ရှန်စုပင်း၏ လှပသော မျက်လုံးများတွင် ဖုံးကွယ်မထားသော ဝမ်းနည်းမှုများ ပေါ်လာသည်။ </p> <p>“ဒါပေမဲ့ ရှေးဟောင်းဂိုဏ်းကြီး ၃ ဂိုဏ်းက တပည့်တွေဟာ နတ်ဘုရားမြှုပ်နှံရာ ချောက်နက်ကြီးထဲကို ဝင်ရောက်တဲ့အခါ ငါတို့ဂိုဏ်းက တပည့်တွေရဲ့ သွေးနဲ့ အသက်ပေါင်းများစွာကို စတေးခဲ့ရပြီးပြီ”</p> <p>“ဒါပေမဲ့ အဲ့ဒီလို ဖြစ်လေလေ ရှေးဟောင်းဂိုဏ်းကြီး ၃ ဂိုဏ်းဟာ ပိုပြီးတော့ မကျေမနပ် ဖြစ်လေလေပဲ... ချောက်နက်ကြီးထဲမှာ ရတနာတွေ သေချာပေါက် ရှိတယ်ဆိုတာကိုလည်း ပိုပြီးတော့ ယုံကြည်လာကြတယ်”</p> <p>“အဲ့ဒီလို ယုံကြည်ရတဲ့ အကြောင်းရင်း ၂ ခု ရှိတယ်”</p> <p>“ပထမတစ်ခုကတော့ ထာဝရနတ်ဘုရားဂိုဏ်းဟာ ထာဝရနယ်မြေ တစ်ခုလုံးကို ရှာဖွေခဲ့ပေမဲ့၊ နတ်ဘုရားတွေ တိုက်ခိုက်ခဲ့တဲ့ အကြွင်းအကျန်တွေကလွဲရင် နတ်ဘုရားတွေရဲ့ လက်နက်တွေကို ဘယ်နေရာမှာမှ ရှာမတွေ့ခဲ့လို့ပဲ”</p> <p>“ဒုတိယအချက်ကတော့ အရေးကြီးဆုံး အကြောင်းရင်းပဲ”</p> <p>ရှန်စုပင်းက တစ်စုံတစ်ခုကို သတိရသွားပုံရပြီး လှောင်ပြောင်သံဖြင့် ဆက်ပြောလိုက်၏။ </p> <p>“ပြီးခဲ့တဲ့တစ်ခါ ငါတို့ ထာဝရနတ်ဘုရားဂိုဏ်းမှာ ပညာ ၄ မျိုး ပြိုင်ပွဲ သွားတုန်းက ထာဝရနတ်ဘုရားဂိုဏ်းရဲ့ တံခါးဝမှာ အခိုးခံလိုက်ရတဲ့ ‘ထာဝရနတ်ဘုရားဓား’ ဆိုတာ... လွန်ခဲ့တဲ့ နှစ်ပေါင်း ၈၀,၀၀၀ က ထာဝရနတ်ဘုရားဂိုဏ်းရဲ့ ဘိုးဘေးက နတ်ဘုရားမြှုပ်နှံရာ ချောက်နက်ကြီးထဲမှာ ရှာတွေ့ခဲ့တဲ့ ပစ္စည်းပဲ”</p> <p>ထိုစကားကို ကြားရသည့်အခါ ထန်ယွင်၏ နှလုံးသားမှာ ရုတ်တရက် တုန်လှုပ်သွားရသည်။ ၎င်းနောက် သူ့ရင်ထဲ၌ အလွန် စိတ်လှုပ်ရှားသွားရ၏။ ‘ဟော်ဝူ’ကို ထာဝရနတ်ဘုရားဂိုဏ်းရဲ့ ဘိုးဘေးက နတ်ဘုရားမြှုပ်နှံရာ ချောက်နက်ကြီးထဲမှာ ရှာတွေ့ခဲ့တာဆိုရင်... ကျန်နေတဲ့ ငါ့ရဲ့ တခြား ဟုန်မန်နတ်ဘုရားဓားတွေလည်း အဲ့ဒီ ချောက်နက်ကြီးထဲမှာ ရှိနေနိုင်တာပေါ့’</p> <p>ထန်ယွင်က စိတ်လှုပ်ရှားမှုများကို ထိန်းချုပ်ကာ ဦးညွှတ်လျက် မေးလိုက်၏။ </p> <p>“ခေါင်းဆောင်... အဲ့ဒီအချိန်တုန်းက ထာဝရနတ်ဘုရားဂိုဏ်းရဲ့ ဘိုးဘေးက နတ်ဘုရားမြှုပ်နှံရာ ချောက်နက်ကြီးထဲမှာ တခြားသော နတ်ဘုရားဓားတွေနဲ့ တခြားသော နတ်ဘုရား ပစ္စည်းတွေကိုရော ရှာတွေ့ခဲ့သေးတယ်လို့ သိရပါသလား ခင်ဗျာ”</p> <p>အခန်း ၄၁၉ ပြီး</p> <p> </p>


Save