Book List

<h2 style="text-align: center;">အခန်း ၄၂၂</h2> <h2 style="text-align: center;">ကြည်ညိုစွာ ဝမ်းနည်းခြင်း</h2> <h2 style="text-align: center;">*</h2> <p> </p> <p> </p> <p>...</p> <p>၃ နာရီခန့် ကြာပြီးနောက် အချိန်များ ကုန်ဆုံးကာ ညသန်းခေါင်ယံ အချိန်သို့ ချဉ်းကပ်လာခဲ့ပြီ ဖြစ်သည်။</p> <p>ညဥ့်ကား နက်ရှိုင်းလှပေသည်။ ကြယ်ရောင်မရှိသော ညတစ်ညဖြစ်ရာ ပတ်ဝန်းကျင်တစ်ခုလုံးမှာ မှင်ကဲ့သို့ပင် မည်းမှောင်နေတော့သည်။</p> <p>သို့သော် ထိုအမှောင်ထုက ထန်ယွင်နှင့် အခြားသူများ၏ အမြင်အာရုံကိုမူ မနှောင့်ယှက်နိုင်ပေ။</p> <p>ရူယန်ဝူကျိက ကျူးကော့ယွီနှင့် အခြားအကြီးအကဲများ၊ တပည့်များကို ကိုယ်တိုင် ဇိမ်ခံဧည့်ခန်းမသို့ လိုက်ပါပို့ဆောင်ပေးပြီး ခမ်းနားစွာ ဧည့်ခံကျွေးမွေးနေသည်။ ၎င်းမှာ ထာဝရနတ်ဘုရားဂိုဏ်း၏ အမြင့်ဆုံးသော ဧည့်ဝတ်ပြုမှုပင်။</p> <p>သို့သော် ဝိညာဉ်နတ်ဘုရားနန်းတော်မှ လူများနှင့် နှိုင်းယှဉ်လျှင် ဟောင်ဖူနတ်ဘုရားဂိုဏ်းမှ လူများမှာမူ အတော်ပင် သနားစရာကောင်းလှပေသည်။</p> <p>အဘယ်ကြောင့်ဆိုသော် ရူယန်ဝူကျိ၏ အမိန့်ဖြင့် အကြီးအကဲတစ်ဦးက ထန်ထိုင်ကျုံးရွှမ်၊ အုပ်စုခေါင်းဆောင် ၉ ဦးနှင့် တပည့်အားလုံးကို လွန်ခဲ့သော လအနည်းငယ်က ပညာ ၄ မျိုး ပြိုင်ပွဲတွင် ထန်ယွင်တို့ နေထိုင်ခဲ့သော နတ်ဘုရားတောင်သို့သာ သွားရောက် တည်းခိုစေခိုင်းခဲ့သောကြောင့် ဖြစ်၏။</p> <p>ထိုနတ်ဘုရားတောင်မှာ လွန်ခဲ့သော လအနည်းငယ်ကအတိုင်းပင် ပေါင်းပင်များ ထူထပ်နေပြီး ကောင်းကင်နှင့်မြေကြီး စွမ်းအားများလည်း အလွန်ပင် နည်းပါးလှပေသည်။</p> <p>အစားအသောက်နှင့် ဝိုင်တို့မှာလည်း မရှိသလောက်ပင်။</p> <p> “မနက်ဖြန် ၃ နာရီကျရင် ထာဝရအချိန်နှင့် ဟင်းလင်းပြင် နတ်ဘုရားကွင်းပြင်ကို လာခဲ့ကြ” </p> <p>ထာဝရနတ်ဘုရားဂိုဏ်းမှ အကြီးအကဲက မောက်မာစွာ ပြောဆိုပြီး ထွက်ခွာသွားတော့သည်။</p> <p>ထန်ထိုင်ကျုံးရွှမ်က မလှမ်းမကမ်းရှိ စုတ်ပြတ်နေသော အိမ်များကို ကြည့်ကာ နှုတ်ခမ်းအစုံမှာ အနည်းငယ် တွန့်ကွေးသွားပြီး စိတ်ထဲမှ လေးနက်စွာ တွေးတောနေ၏။ </p> <p>'နောင်တစ်ချိန် ကျုပ်က ထာဝရနတ်ဘုရားဂိုဏ်းကို သွေးချောင်းစီးစေတဲ့အခါကျရင် ရူယန်ဝူကျိဆိုတဲ့ အဘိုးကြီးကို ဒီမှာပဲ ချုပ်နှောင်ထားပြီး တဖြည်းဖြည်းချင်း နှိပ်စက်ပြီး သတ်ပစ်မယ်'</p> <p>ထိုသို့ ဆုံးဖြတ်ပြီးနောက် ထန်ထိုင်ကျုံးရွှမ်က အုပ်စုခေါင်းဆောင် ၉ ဦးနှင့် တပည့် ၁၀၀၀ အား တစ်ညတာ အနားယူရန် ပြောကြားလိုက်သည်။</p> <p>၎င်းနောက် ထန်ထိုင်ကျုံးရွှမ်က အုပ်စုခေါင်းဆောင် ၉ ဦးကို ခေါ်ယူကာ တစ်စုံတစ်ခုကို ဆွေးနွေးနေတော့၏။</p> <p>အုပ်စု ၉ ခုမှ တပည့်များမှာလည်း စုဝေးကာ စမ်းသပ်မှုအတွင်း ထာဝရနတ်ဘုရားဂိုဏ်းနှင့် ဝိညာဉ်နတ်ဘုရားနန်းတော်မှ တပည့်များကို မည်သို့ ကိုင်တွယ်ရမည်ဆိုသည့် ဗျူဟာများကို စတင်ဆွေးနွေးနေကြပြီ ဖြစ်သည်။</p> <p>...<br /> နာရီဝက်ခန့် ကြာပြီးနောက် ကောင်းကင်ယံမှ အေးစက်သော အသံတစ်သံ ကျဆင်းလာသည်။</p> <p> “ထန်ယွင်... ငါတို့ ပြန်ဆုံကြပြန်ပြီပေါ့”</p> <p>မကြာမီပင် လူငယ် ၇ ဦးနှင့် ပန်းအလား လှပချောမောသော အမျိုးသမီး ၃ ဦးတို့က ဆေးဝါးအုပ်စုမှ တပည့်များ၏ ရှေ့သို့ လျှောက်လှမ်းလာကြသည်။</p> <p>ခေါင်းဆောင်လာသူမှာ ရွှေရောင်ဝတ်စုံကို ဝတ်ဆင်ထားပြီး မျက်နှာမှာ ပတ္တမြားသဖွယ် အလွန်ပင် ချောမောလှပပေသည်။ ထိုသူမှာ အခြားသူမဟုတ်ဘဲ ထာဝရနတ်ဘုရားဂိုဏ်း၏ တပည့် ရူယန်ချန်ပင်။</p> <p>ယခုအခါ ရူယန်ချန်က ဆာလောင်နေသော ဝံပုလွေတစ်ကောင်အလား ရက်စက်သော အကြည့်များဖြင့် ထန်ယွင်၏ ရှေ့ ပေ ၃၀ ခန့် အကွာတွင် ရပ်နေတော့သည်။</p> <p>သူ၏ ဒဏ်ရာများကို ကုသနေစဉ် လွန်ခဲ့သော လအနည်းငယ်အတွင်း ထန်ယွင်နှင့် အဆုံးအဖြတ် တိုက်ပွဲတွင် သူ ရှုံးနိမ့်ပြီးနောက် ထန်ယွင်၏ ရက်စက်စွာ ဆက်ဆံခဲ့ပုံများကို တွေးတောမိတိုင်း ထန်ယွင်ကို သတ်ပစ်ရန် အိမ်မက် မက်နေခဲ့ခြင်း ဖြစ်၏။</p> <p>ထိုစဉ်က ထန်ယွင်သည် ရူယန်ချန်၏ ဘယ်ဘက်လက်မောင်း တစ်ခုလုံးကို ဆွဲဖြုတ်ပစ်ခဲ့ရုံ သာမက လက်တစ်ဖက်ဖြင့် ရူယန်ချန်၏ လည်ပင်းကို ညှစ်ကာ ကျန်လက်တစ်ဖက်ဖြင့် နံရိုးများကို ချိုးလျက် နှလုံးကို ဆုပ်ကိုင်ထားကာ ရူယန်ဝူကျိကို ခြိမ်းခြောက်ခဲ့ဖူးသည်။</p> <p>နောက်ဆုံးတွင် ရူယန်ဝူကျိက ဟောင်ဖူနတ်ဘုရားဂိုဏ်းမှ အတွင်းစည်းတပည့်များအား ပညာ ၄ မျိုးပြိုင်ပွဲ မှတစ်ဆင့် ထာဝရနယ်မြေသို့ ဝင်ရောက်ခွင့်ပေးမည်ဟု ကတိပေးခဲ့ရလေသည်။</p> <p>ရူယန်ချန်အတွက်မူ ၎င်းမှာ ကြီးမားသော အရှက်ရမှုတစ်ခုပင်။</p> <p>သူ့ကို ပို၍ ဒေါသထွက်စေသည်မှာ သူ မြတ်နိုးရသော အမျိုးသမီး နန်းကုန်းယွိချင်မှာ ထန်ယွင်၏ လက်ချက်ဖြင့် သေလုနီးပါး ဖြစ်ခဲ့ရခြင်းပင် ဖြစ်သည်။</p> <p>ယခုအခါ ရူယန်ချန်၏ အနောက်၌ ရပ်နေသော အမျိုးသား ၆ ဦးနှင့် အမျိုးသမီး ၃ ဦးတို့မှာ ထာဝရနတ်ဘုရားဂိုဏ်း အတွင်းစည်း တပည့်များထဲမှ အသန်မာဆုံး ၉ ဦး ဖြစ်ကြသည်။</p> <p>“ဟင်း... ဟင်း...” </p> <p>ထန်ယွင်က နှုတ်ခမ်းကို လျှာဖြင့်သပ်ကာ ရူယန်ချန်ကို တစ်ချက်ကြည့်ပြီး လှောင်ပြောင်လိုက်၏။ </p> <p>“တပည့် ရူယန် ပါလား”</p> <p>“ဟဲဟဲ... ထာဝရနတ်ဘုရားဂိုဏ်းမှာ တကယ်ပဲ ထူးချွန်တဲ့ ဆေးဆရာတွေ ရှိတာပဲ... ပြီးခဲ့တဲ့ တစ်ခါက ငါ မင်းကို ခွေးရူးတစ်ကောင်လို ရိုက်သတ်ခဲ့တာတောင် အခု ခြောက်လလောက်အတွင်းမှာ ပြန်ပြီး အသက်ရှင်လာတာပဲ”</p> <p>“ငါ နားလည်ပါတယ်... တပည့် ရူယန်က... ငါ မင်းကို လည်ပင်းညှစ်ပြီး မသတ်ခဲ့လို့ လာပြီး ကျေးဇူးတင်တာ မဟုတ်လား”</p> <p>ထိုစကားကို ကြားရသည့်အခါ ရူယန်ချန်က လက်သီးကို တင်းတင်းဆုပ်လိုက်ရာ အရိုးချင်း ရိုက်သံများပင် ထွက်ပေါ်လာပြီး အံကြိတ်ကာ ပြောလိုက်၏။ </p> <p>“ထန်ယွင်... မင်းရဲ့ ပုပ်ပွနေတဲ့ ပါးစပ်ကတော့ မပြောင်းလဲသေးဘူးပဲ... ငါ မင်းကို ပြောမယ်”</p> <p>“ထာဝရနယ်မြေထဲမှာ မင်း ဘယ်မှာပဲ ပုန်းနေပါစေ... ငါ မင်းကို မိအောင် ဖမ်းမယ်”</p> <p>“အဲ့ဒီအချိန်ကျရင် မင်းရဲ့ လျှာကို လှီးဖြတ်မယ်... မျက်လုံးတွေကို ဖောက်ထုတ်မယ်... ပြီးတော့ မင်းကို တဖြည်းဖြည်းချင်း နှိပ်စက်မယ်”</p> <p>“ပြီးတော့ နန်းကုန်းယွိချင်ကလည်း အနှေးနဲ့အမြန် ငါ့မိန်းမ ဖြစ်လာမှာပဲ... အဲ့ဒီတုန်းက မင်း သူမကို သတ်ဖို့ ကြိုးစားခဲ့တယ်လေ... အဲ့ဒီအတွက်ကြောင့် မင်းကို ငါ အလွယ်တကူ အသေမခံဘူး”</p> <p>ထန်ယွင်၏ ရင်ထဲတွင် တစ်ချက် တုန်လှုပ်သွားရသည်။ နန်းကုန်းယွိချင်က သူ့ကို သဘောတူလိုက်ပြီလား။</p> <p>ထန်ယွင် စိတ်ရှုပ်ထွေးနေစဉ်မှာပင် ရူယန်ချန် လှည့်ထွက်သွားတော့သည်။</p> <p>သူနှင့်အတူ ပါလာသော အတွင်းစည်းရှိ အသန်မာဆုံး ၉ ဦးထဲမှ လူငယ် ၆ ဦးကလည်း ထန်ယွင်ကို လက်ညှိုးထိုးပြကာ လှောင်ပြုံးဖြင့် ကြည့်ပြီး ထွက်ခွာသွားကြ၏။</p> <p>အမျိုးသမီး ၃ ဦးကလည်း ထန်ယွင်ကို အေးစက်စွာ တစ်ချက်ကြည့်ပြီး အမှောင်ထုအတွင်းသို့ ပျောက်ကွယ်သွားကြတော့သည်။</p> <p>ထန်ယွင်က သူ၏ သံသယများကို ဘေးဖယ်ထားကာ ရေရွတ်လိုက်၏။ </p> <p>“ငါ့လျှာကို လှီးဖြတ်ပြီး မျက်လုံးတွေကို ဖောက်ထုတ်မလို့လား... ဟဲဟဲ...”</p> <p>...</p> <p>နောက်တစ်နေ့ မနက် ၃ နာရီ၊ အရုဏ်တက်ချိန်။</p> <p>ထာဝရအချိန်နှင့်ဟင်းလင်းပြင် နတ်ဘုရားကွင်းပြင်သည် ထာဝရနတ်ဘုရားဂိုဏ်း အတွင်းစည်း၏ အလယ်ဗဟို အနောက်ဘက် မိုင် ၅၀၀ ခန့် အကွာရှိ မြင့်မားသော တောင်တန်းများကြားတွင် တည်ရှိသည်။</p> <p>ထိုကွင်းပြင်မှာ ပေပေါင်း ထောင်နှင့်ချီ၍ ကျယ်ဝန်းပြီး သွေးရောင်လွှမ်းနေသော ဟင်းလင်းပြင် ကြယ်တံခွန် ကျောက်တုံးများစွာ ရှိနေ၏။ ကွင်းပြင်၏ အလယ်ဗဟိုတွင် ပေ ၁၀၀ ခန့် ကျယ်ဝန်းသော စက်ဝိုင်းပုံစံ မြင့်မားသည့် စင်မြင့်တစ်ခု ရှိသည်။</p> <p>ထို့ပြင် နတ်ဘုရားကွင်းပြင်၏ အရှေ့ဘက်တွင် ပေ ၁၀၀ ခန့် မြင့်သော ကျောက်စိမ်းအဆောက်အဦ ၃ ခု တည်ရှိ၏။</p> <p>နံပါတ် ၁ ကျောက်စိမ်းအဆောက်အဦပေါ်တွင် ရူယန်ဝူကျိနှင့် ထာဝရနတ်ဘုရားဂိုဏ်းမှ အတွင်းစည်းနှင့် အတွင်းစည်းလွန် အကြီးအကဲ ရာပေါင်းများစွာ ထိုင်နေကြသည်။</p> <p>နံပါတ် ၂ ကျောက်စိမ်းအဆောက်အဦပေါ်တွင် ကျူးကော့ယွီနှင့် ဝိညာဉ်နတ်ဘုရားနန်းတော်မှ အတွင်းစည်း အကြီးအကဲ ၉ ဦး နေရာယူထားကြ၏။</p> <p>နံပါတ် ၃ ကျောက်စိမ်းအဆောက်အဦပေါ်တွင်မူ ထန်ထိုင်ကျုံးရွှမ်က တည်ငြိမ်သော အမူအရာဖြင့် ထိုင်နေသည်။ သူ့ဘေးတွင် ရှန်စုပင်းနှင့် မူရုန်ရှီရှီ အပါအဝင် အုပ်စုခေါင်းဆောင် ၉ ဦး ထိုင်နေကြသည်။</p> <p>ယခုအခါ ထာဝရအချိန်နှင့်ဟင်းလင်းပြင် နတ်ဘုရားကွင်းပြင်ရှိ စင်မြင့်အောက်တွင် နန်းကုန်းယွိချင် ခေါင်းဆောင်သော ဝိညာဉ်နတ်ဘုရားနန်းတော်မှ တပည့် ၃,၀၀၀ တို့ တိတ်ဆိတ်စွာ ရပ်နေကြသည်။<br /> ဝိညာဉ်နတ်ဘုရားနန်းတော်မှာ စုံတွဲကျင့်စဉ်ကို အသုံးပြု၍ ဂိုဏ်းကို ထိန်းချုပ်ထားခြင်း ဖြစ်ရာ ထာဝရနယ်မြေ စမ်းသပ်မှုတွင် ပါဝင်မည့် တပည့် ၃,၀၀၀ ထဲ၌ ကျင့်ကြံဖော် စုံတွဲပေါင်း ၁,၀၀၀ ခန့်အထိ ပါဝင်နေတော့သည်။</p> <p>ဝိညာဉ်နတ်ဘုရားနန်းတော် တပည့် ၃,၀၀၀၏ ညာဘက်၌ စမ်းသပ်မှုတွင် ပါဝင်မည့် ထာဝရနတ်ဘုရားဂိုဏ်းမှ အမျိုးသား၊ အမျိုးသမီး တပည့် ၂,၀၀၀ ရှိနေသည်။</p> <p>ထာဝရနတ်ဘုရားဂိုဏ်း တပည့်များ၏ ညာဘက်တွင်မူ ထန်ယွင် အပါအဝင် ဟောင်ဖူနတ်ဘုရားဂိုဏ်းမှ တပည့် ၁,၀၀၀ ရပ်နေကြ၏။</p> <p>နောက်ဆုံးတွင် ရှေးဟောင်းဂိုဏ်းကြီး ၃ ခုမှ တပည့်များအပြင် ထာဝရနတ်ဘုရားဂိုဏ်းမှ အတွင်းစည်းတပည့် ၂ သန်းကျော်တို့ပါ ရောက်ရှိလာကြသည်။</p> <p>ထိုစဉ် ရူယန်ဝူကျိက နေရာမှ ထရပ်လိုက်ကာ အသံအိုကြီးဖြင့် တစ်ကွင်းလုံးကြားအောင် အော်ပြောလိုက်တော့သည်။</p> <p>“ဒီနေ့ ပြန်လည် ရောက်ရှိလာခဲ့ပြီ... ၃ နှစ်တစ်ကြိမ် ကျင်းပမြဲဖြစ်တဲ့ ထာဝရနယ်မြေ စမ်းသပ်ပွဲနေ့မှာ ကျုပ်အနေနဲ့ ဂိုဏ်း ၂ ခုနဲ့ နန်းတော် ၁ ခုက တပည့်တွေရဲ့ စမ်းသပ်မှုကို အားရဝမ်းသာ မျှော်လင့်နေမိပါတယ်”</p> <p>“အားလုံး သိကြတဲ့အတိုင်း ထာဝရနယ်မြေထဲက နတ်ဘုရားမြှုပ်နှံရာ ချောက်နက်ဟာ ကျုပ်တို့ ထာဝရနတ်ဘုရားဂိုဏ်းရဲ့ ရတနာတိုက်ပဲ... အဲ့ဒီထဲမှာ မရေမတွက်နိုင်တဲ့ ကမ္ဘာဦး ရတနာတွေ ရှိနေပါတယ်”</p> <p>“ထာဝရနယ်မြေဟာ ရှေးဟောင်းခေတ် နတ်ဘုရားစစ်ပွဲ ဒုတိယအကြိမ် ဖြစ်ပွားခဲ့တဲ့ စစ်တလင်းဖြစ်သလို တရားမျှတမှု နတ်ဘုရားနဲ့ မိစ္ဆာနတ်ဘုရားတို့ နှစ်ဦးလုံး သေဆုံးသွားခဲ့တဲ့ နေရာလည်း ဖြစ်ပါတယ်”</p> <p>“ထာဝရနယ်မြေဟာ မြင့်မြတ်ပြီး ခန့်ညားလှပါတယ်... ကျုပ်တို့ ကောင်းကင်ပြစ်ဒဏ်နယ်မြေက လူသားတွေ ဒီနေ့လို သာယာဝပြောမှုကို ခံစားနေရတာဟာ တရားမျှတမှု နတ်ဘုရားက သူ့ရဲ့ အသက်နဲ့ရင်းပြီး လဲလှယ်ပေးခဲ့လို့ပဲ ဖြစ်ပါတယ်”</p> <p>“အခု ဂိုဏ်းချုပ်ရဲ့ အမိန့်အတိုင်း လူတိုင်း အသက် ၃ ကြိမ်ရှိုက်စာလောက် ဝမ်းနည်းခြင်း အထိမ်းအမှတ် လုပ်ပြီး နတ်ဘုရားတွေကို အမြင့်ဆုံးသော လေးစားမှု ပြသကြရအောင်”</p> <p>စကားအဆုံးတွင် ရူယန်ဝူကျိက အရင်ဆုံး ဒူးထောက်ကာ မျက်လုံးများကို မှိတ်ထားလိုက်သည်။</p> <p>ချက်ချင်းပင် ထာဝရနတ်ဘုရားဂိုဏ်းမှ အကြီးအကဲများ၊ ထန်ထိုင်ကျုံးရွှမ်၊ ရှန်စုပင်း အပါအဝင် အုပ်စုခေါင်းဆောင် ၉ ဦး၊ ကျူးကော့ယွီနှင့် ဝိညာဉ်နတ်ဘုရားနန်းတော်မှ အကြီးအကဲများအားလုံးလည်း ထရပ်ကာ ဒူးထောက်လိုက်ကြပြီး ငြိမ်သက်စွာ မျက်လုံးမှိတ်ထားကြ၏။</p> <p>ကျောက်စိမ်းအဆောက်အဦ အောက်ဘက်ရှိ ထာဝရနတ်ဘုရားဂိုဏ်းမှ တပည့် ၂ သန်းကျော်နှင့် စင်မြင့်အောက်ရှိ ဂိုဏ်း ၃ ခုမှ စမ်းသပ်မှုဝင်မည့် တပည့် ၆,၀၀၀ စလုံးလည်း တိတ်ဆိတ်စွာ ဒူးထောက်လိုက်ကြသည်။</p> <p>ထိုအခိုက်အတန့်တွင် လူတိုင်း၏ မျက်နှာပေါ်၌ ကြည်ညိုလေးစားမှုများ ထင်ဟပ်နေတော့သည်။</p> <p>သို့သော် ထန်ယွင်ကမူ ရင်ကွဲမတတ် နာကျင်မှုကို ခံစားလိုက်ရ၏။</p> <p>အကြောင်းမှာ ထာဝရနယ်မြေတွင် သေဆုံးသွားခဲ့သော ထိုတရားမျှတမှု နတ်ဘုရားဆိုသည်မှာ အတိတ်ဘဝက ထန်ယွင်၏ လက်အောက်ငယ်သားများဖြစ်သည့် ကမ္ဘာဦးဘီလူးကြီးများ ဖြစ်နေသောကြောင့်ပင်။</p> <p> </p> <p> </p> <p style="text-align: center;">အခန်း ၄၂၂ ပြီး</p> <p style="text-align: center;">***</p>


Save