Book List

<h2 style="text-align:center">အခန်း (၁၆၀၄)</h2> <h2 style="text-align:center">မဟာမာရူယိ</h2> <h2 style="text-align:center">*</h2> <h2 style="text-align:center"> </h2> <p> </p> <p> </p> <p> </p> <p>စန္ဒကူးတာအိုဗုဒ္ဓက သူ၏ပြိုင်ဘက်မှာ တောင်ပိုင်းချန်စန်းဧကရာဇ် မဟုတ်တော့ဘဲ မြောက်ပိုင်းကြယ်စင်ဧကရာဇ် ဖြစ်သွားသည့်တိုင် ကြာပန်းစကားစွမ်းအားကို ဆက်လက်အသုံးပြုနေဆဲပင်။</p> <p>တောင်ပိုင်းချန်စန်းဧကရာဇ်၏ လွှမ်းမိုးနိုင်စွမ်းမြင့်မားသော မိုးကြိုးစွမ်းအားများ ပျောက်ကွယ်သွားခဲ့ပြီး သတ်ဖြတ်လိုသည့်အငွေ့အသက်များ ပြည့်နက်နေသော မြောက်ပိုင်းကြယ်စင်ဧကရာဇ်၏ အကြင်နာတရားကင်းမဲ့သော တိုက်ကွက်များက အစားထိုးဝင်ရောက်လာသည်။</p> <p>ရှေးယခင်ကာလများကတည်းက စုပြုံနေခဲ့သော သတ်ဖြတ်လိုသည့်အငွေ့အသက်များက ဤနေရာတွင် စုဝေးလာခဲ့ပြီး တာအိုဗုဒ္ဓနယ်မြေ သုခဘုံ၏တည်ငြိမ်မှုကိုပင် ပျက်ပြားသွားစေသည်။</p> <p>စန္ဒကူးတာအိုဗုဒ္ဓက တည်ငြိမ်မှုကို ဆက်ထိန်းထားပြီး မြောက်ပိုင်းကြယ်စင်ဧကရာဇ်နှင့် ရင်ဆိုင်တိုက်ခိုက်နေသည်။</p> <p>သို့သော် သူ၏ဦးခေါင်းထက်မှ ရွှေရောင်မီးအိမ်နှင့် သရီရဓာတ်တော်မှာ မျောက်မင်း၏လက်ချက်ဖြင့် လွင့်စင်သွားသည်ဖြစ်ရာ စန္ဒကူးတာအိုဗုဒ္ဓမှာ တိုက်ပွဲအတွင်း အတော်လေး ရုန်းကန်နေရသည်။</p> <p>စန္ဒကူးတာအိုဗုဒ္ဓက ခေါင်းတစ်ချက်ခါယမ်းရင်း မချိပြုံးပြုံးလိုက်သည်။</p> <p>“အိုး... ကံတရားက အဆုံးသတ်ဖို့ တောင်းဆိုနေပြီပဲ”</p> <p>မြောက်ပိုင်းကြယ်စင်ဧကရာဇ်က ခံစားချက်ကင်းမဲ့စွာဖြင့်ပင် နောက်ထပ်တိုက်ကွက်တစ်ခု ထပ်မံဖော်ထုတ်လိုက်သည်။</p> <p>ကြယ်စင်အလင်းတန်း(၆)ခု တပြိုင်တည်းစုစည်းသွားပြီး ကောင်းကင်စစ်သည်တော်များနှင့် စစ်သူကြီးများစွာထွက်ပေါ်လာကာ စန္ဒကူးတာအိုဗုဒ္ဓထံသို့ အလုံးအရင်းနှင့် ဝင်ရောက်သွားကြသည်။</p> <p>သို့သော် ထိုစစ်သည်တော်များနှင့် စစ်သူကြီးများ ထွက်ပေါ်လာခြင်းက အရေးမပါသည့်ပမာ စန္ဒကူးတာအိုဗုဒ္ဓ၏မျက်နှာက တည်ငြိမ်နေဆဲပင်။</p> <p>သူက...</p> <p>“မြောက်ပိုင်းကြယ်စင်ဧကရာဇ်... ဘာလို့ ဒီလိုရှုပ်ထွေးတဲ့ကိစ္စထဲမှာ ဝင်ပါနေရတာလဲ”</p> <p>စန္ဒကူးတာအိုဗုဒ္ဓက ဆက်ပြောလိုက်သည်။</p> <p>“နှစ်ပေါင်းများစွာအတွင်းမှာ မင်းက အမှားအမှန်ကိုထည့်မတွက်ဘဲ ကိုယ်ပိုင်လမ်းစဉ်ကိုပဲ ရွေးချယ်ခဲ့တာ မဟုတ်လား ၊ အခုလို အရေးကြီးတဲ့အချိန်ကျမှ ဘာလို့ ဒီလိုအမှားမျိုး လုပ်ရတာလဲ”</p> <p>မြောက်ပိုင်းကြယ်စင်ဧကရာဇ်က အေးဆေးသည့်လေသံဖြင့်...</p> <p>“ဟုတ်တယ်... အခုက အရေးကြီးတဲ့အချိန်ပဲလေ ၊ ဒီကိစ္စက တာအိုဝါဒရဲ့အခြေအနေနဲ့ တိုက်ရိုက်ပတ်သက်နေတာဆိုတော့ ငါလာရမှာပေါ့ ၊ မင်းတို့စောင့်ကြည့်တာကို ရှောင်နေရလို့သာမဟုတ်ရင် ငါ ဒီထက်တောင် စောစောရောက်လာမှ ၊ တော်သေးတယ်... ငါရောက်လာတာ သိပ်တော့ နောက်မကျသေးဘူး”</p> <p>စန္ဒကူးတာအိုဗုဒ္ဓ၏မျက်နှာထက် ကရုဏာရိပ်များထင်ဟပ်လာပြီး...</p> <p>“တာအိုရောင်းရင်း... မင်းသာ ဒီကိုရောက်မလာရင် တာအိုဝါဒအနာဂတ် ရှင်သန်ကြီးထွားဖို့ မျိုးစေ့တစ်ခု ကျန်နေဦးမှာပါ ၊ အခု မင်းကိုယ်တိုင်ပါဝင်လာပြီဆိုတော့ တာအိုဝါဒ လုံးဝ အမြစ်ပြတ်တောက်သွားနိုင်တယ်”</p> <p>သူက ဆက်ပြောလိုက်သည်။</p> <p>“မင်းရောက်လာတာ နောက်မကျတဲ့အပြင် စောတောင် စောလွန်းနေပါသေးတယ်”</p> <p>မြောက်ပိုင်းကြယ်စင်ဧကရာဇ်က စန္ဒကူးတာအိုဗုဒ္ဓ၏စကားလုံးများနောက်ကွယ်မှ လျှို့ဝှက်ချက်ကို အာရုံခံလိုက်မိသည်။</p> <p>သူက မျက်မှောင်ကျုံ့လိုက်ပြီး ရန်သူ၏မျက်နှာကို စူးစိုက်ကြည့်လိုက်သည်။</p> <p>စန္ဒကူးတာအိုဗုဒ္ဓက နေရောင်ခြည်အလင်းတန်းနောက်သို့ လိုက်ပါသွားသည့် ရွှေရောင်တိမ်တိုက်ရှိရာသို့ လှမ်းကြည့်လိုက်သည်။</p> <p>တာအိုသခင်’လုယာ’ ၏ ပခုံးထက်မှ မီးလျှံများပန်းထွက်နေသည်ကို သူ တွေ့လိုက်ရသည်။ မျောက်မင်း၏ ရူယိရွှေတုတ် ရိုက်ချက်ကြောင့် လုယာ၏ အသားစိုင်များပင် ပျက်ဆီးကုန်သယောင် ထင်မှတ်ရ၏။</p> <p>သို့သော် စန္ဒကူးတာအိုဗုဒ္ဓက ထိတ်လန့်သွားခြင်း မရှိပေ။</p> <p>သူက သက်ပြင်းတစ်ချက်ချလိုက်ပြီး...</p> <p>“အတိတ်က ဘုန်းတန်ခိုးကြီးမားမှုတွေက ကံကြမ္မာအဆုံးအဖြတ်မှာ ပျောက်ကွယ်သွားဖို့အတွက် စောင့်နေကြရတဲ့ အရာတွေပါပဲ”</p> <p>မြောက်ပိုင်းကြယ်စင်ဧကရာဇ် မျက်မှောင်ကျုံ့လိုက်သည်။</p> <p>သို့သော် သူ မတွေးတောနိုင်သေးခင်မှာပင် စန္ဒကူးတာအိုဗုဒ္ဓနှင့် အခြားသောဗုဒ္ဓများက မငြိမ်းသောမီးအိမ်ရှေးဟောင်းတာအိုဗုဒ္ဓ၏ ဦးဆောင်မှုနှင့်အတူ ‌ဗုဒ္ဓကျမ်းစာများ ရွတ်ဆိုလိုက်ကြသည်။</p> <p>“သူ ရောက်လာပြီ...”</p> <p>ရုတ်ချည်းပင် ကြယ်စင်မြစ် နှစ်ခြမ်းကွဲသွားကာ အားကောင်းလွန်းသော စွမ်းအားရောင်ဝါတစ်ခု ဆင်းသက်လာသည်။  ထိုစွမ်းအားရောင်ဝါ နီးကပ်လာသည်နှင့် ရောင်စဉ်ငါးသွယ် တာအိုဗုဒ္ဓအလင်းတန်းများ ထွက်ပေါ်လာ၏။</p> <p>ကြည်လင်နေသော တာအိုဗုဒ္ဓရောင်ခြည်အလင်းတန်းများ၏ အနီရောင်အလင်းတန်းထဲတွင် မီးလျှံများ တောက်လောင်နေသည်ကို တွေ့မြင်ရသည်။</p> <p>အစိမ်းရောင်အလင်းတန်းကတော့ သဘဝတရားကို ဆောင်ကြဉ်းထားကာ အဝါရောင်အလင်းတန်းထဲမှာတော့ မြေဆီမြေနှစ်များကို တွေ့မြင်ရသည်။</p> <p>ရွှေရောင်အလင်းတန်းကတော့ သတ္တုလက်နက်များကိုပြသထားပြီး အပြာရောင်အလင်းတန်းအတွင်းမှာတော့ စီးဆင်းနေသည့်စမ်းချောင်းများကို တွေ့မြင်ရသည်။</p> <p>ဤနိမိတ်ငါးပါးက တစ်ခုနှင့်တစ်ခု ခွဲခြားမရဘဲ အဆုံးမရှိ လည်ပတ်နေလေသည်။</p> <p>ထို ရောင်စဉ်ငါးမျိုး နတ်ဘုရားအလင်းတန်းများအလယ်တွင် ဦးခေါင်း(၂၄)လုံး ၊ လက်(၁၈)ဖက်ရှိသော တာအိုဗုဒ္ဓတစ်ပါး၏ပုံရိပ် ရှိနေသည်။</p> <p>သူ၏လက်များထဲတွင် စိပ်ပုတီး ၊ ထီးဖြူ ၊ ရေကရား ၊ ခရူသင်း ၊ ဝရဇိန်လက်နက် ၊ ရတနာပန်းခြင်း ၊ ရွှေခေါင်းလောင်း ၊ ရွှေလေးလက်နက် ၊ ငွေလှံ ၊ အလံရှည် ၊ ကြာပန်း ၊ စည်းတံဆိပ် ၊ သပိတ် ၊ သန်လျက် ၊ သရီရဓာတ်တော်နှင့် ကျမ်းစာအုပ်များကို ကိုင်ဆောင်ထားသည်။</p> <p>စစ်မြေပြင်တွင် ရှိနေသူတိုင်း ရောက်ရှိလာသူကို သိရှိကြသည်။</p> <p>မဟာမာရူယိ ‘ခုန်ရွှမ်း’ ...။</p> <p>တန်ခိုးစွမ်းအားအရာကို တိုင်းတာမည်ဆိုပါက ခုန်ရွှမ်းက အနောက်ဘက်သူတော်စင်ဘုံ၏ အရှင်သခင်ဖြစ်သော အော်မီတော်ဖော်တာအိုဗုဒ္ဓပြီးလျှင် ဒုတိယမြောက် စွမ်းအားအကြီးဆုံးသူ ဖြစ်သည်။</p> <p>ရှေးခေတ်ကာလတွင် ခုန်ရွှမ်းက မငြိမ်းသောမီးအိမ်ရှေး‌ဟောင်းတာအိုဗုဒ္ဓနှင့် တာအိုသခင်’လုယာ’ တို့ကို အပြတ်အသတ် အနိုင်ရခဲ့ဖူးသည်။</p> <p>ထိုစဉ်က သူတို့နှစ်ယောက်လုံး ခုန်ရွှမ်းကို ထိပ်တိုက်ရင်ဆိုင်ရန်ပင် မဝံ့ရဲဘဲ ရောင်စဉ်ငါးမျိုး နတ်ဘုရားအလင်းတန်းများထဲမှလွတ်မြောက်အောင် မနည်းပင် ထွက်ပြေးခဲ့ကြရသည်။</p> <p>ရှေးခေတ် နတ်ဘုရားများအပ်နှင်းခြင်းကာလတွင် ခုန်ရွှမ်းက စန့်ချင်ကျိုးဂိုဏ်းကို ကူညီခဲ့ပြီး တာအိုအဆင့်အောက်ရှိ ပြိုင်ဘက်အားလုံးနီးပါးကို လွှမ်းမိုးထားနိုင်ခဲ့သည်။</p> <p>သို့သော် တာအိုဆရာ’ကျူးထီ’ ကိုယ်တိုင် ပါဝင်လှုပ်ရှားလာမှသာ ခုန်ရွှမ်း ရှုံးနိမ့်ခဲ့ပြီး မဟာမာရူယိအဖြစ် ပြန်လည်ဝင်စားကာ တာအိုဝါဒသို့ ဝင်ရောက်ခဲ့ခြင်း ဖြစ်သည်။</p> <p>နောက်ပိုင်းခေတ်ကာလများမှာတော့ မဟာမာရူယိ ထွက်ပေါ်လာခြင်း မရှိတော့ပေ။</p> <p>ယခု ခေတ်သစ်ကာလသို့ ကူးပြောင်းလာပြီးနောက်တွင်လည်း တစ်ချိန်လုံး တံခါးပိတ်ကျင့်ကြံနေခဲ့သည်။</p> <p>လွန်ခဲ့သော ရာစုနှစ်တစ်ခုခန့်ကမှ ခမ်းနားထည်ဝါသည့် စွမ်းအားရောင်ဝါနှင့်အတူ မဟာမာရူယိ ပြန်လည်ထွက်ပေါ်လာခဲ့ခြင်း ဖြစ်သည်။</p> <p>ထိုတိုက်ပွဲတွင် အမတခုံရုံးဘက်မှ မဟာမာရူယိတစ်‌ယောက်တည်း တိုက်ခိုက်ခဲ့သည့်တိုင် နတ်မိစ္ဆာမျိုးနွယ် မဟာသူတော်စင်များနှင့် သူတော်စင်ငယ်များကို အသာစီးရယူနိုင်ခဲ့သည်။</p> <p>တိမ်မြူမိုင်တစ်သောင်းမဟာဂဠုန်ကဲ့သို့ မဟာနတ်မိစ္ဆာအနည်းငယ်သာ လွတ်မြောက်သွားခဲ့ပြီး ကျန်ရှိသူတိုင်းကို မဟာမာရူယိက ဖမ်းဆီးနိုင်ခဲ့သည်။</p> <p>တာအိုအဓိပတိများ တစ်‌ယောက်ကိုတစ်ယောက် ထိန်းချုပ်ထားသဖြင့် လှုပ်ရှားမရဖြစ်နေချိန်တွင် မဟာမာရူယိ တစ်ယောက်တည်းက အမတခုံရုံး၏ အားနည်းနေသော အခြေအနေကို ပြောင်းပြန်လှန်ပစ်ခဲ့သည်။</p> <p>ဆယ်စုနှစ်(၂)ခုကျော်ကြာအောင် အဖြူရောင်ကြာပန်းသုခဘုံမှ သိမ်းပိုက်ထားသည့် အမတခုံရုံး၏ နယ်မြေ(၈၀၀)ကိုလည်း ပြန်လည်ရယူပေးခဲ့သည်။</p> <p>မဟာမာရူယိ တစ်ယောက်တည်းဖြင့် စစ်ပွဲအဆုံးသတ်ကို လုံးဝ ပြောင်းလဲသွားစေခဲ့သည်။</p> <p>သို့သော် ထိုအချိန်မှစပြီး မဟာမာရူယိ ပြန်လည်တိတ်ဆိတ်သွားခဲ့ပြန်သည်။</p> <p>နောက်ပိုင်း ပြင်ပကျင့်ကြံသူနှစ်ဖွဲ့ လူသားအမြတေကျောက်တုံးအပိုင်းအစအတွက် စစ်ပွဲဖြစ်ပွားခဲ့ရာ အနောက်ဘက်သူတော်စင်ဘုံနှင့် နတ်မိစ္ဆာမျိုးနွယ်မှ ကျွမ်းကျင်သူများလည်း တိုက်ပွဲတွင် ပါဝင်လာကြသည်။</p> <p>ထိုတိုက်ပွဲက နှစ်ပေါင်း(၁၀၀)ခန့် ကြာမြင့်ခဲ့သည့်တိုင် မဟာမာရူယိ ထွက်ပေါ်မလာခဲ့ပေ။</p> <p>ယနေ့မှသာ နောက်တစ်ကြိမ် ပြန်လည်ထွက်ပေါ်လာခြင်း ဖြစ်သည်။</p> <p>သူ၏ခန္ဓာကိုယ်ပတ်လည်တွင် တောက်ပနေသော ရောင်စဉ်ငါးမျိုးအလင်းတန်းများကို တွေ့မြင်လိုက်ရုံဖြင့် တာအိုသခင်’လုယာ’ ၊ တိမ်မြူမိုင်တစ်သောင်းမဟာဂဠုန်နှင့် အခြားသူများ၏စိတ်ထဲ ကြီးမားသောဖိအားတစ်ခု ခံစားလိုက်ရပြီး အတိတ်က ထိတ်လန့်ဖွယ်ရာ အမှတ်ရစရာများသည်လည်း ပြန်လည်ထွက်ပေါ်လာခဲ့သည်။</p> <p>နတ်မိစ္ဆာအုပ်စု ထွက်ပေါ်လာပြီးနောက် စွမ်းအားကြီးမားသော’ယန်ကျန်း’ က တစ်ယောက်တည်း ရင်ဆိုင်ခဲ့သည်။</p> <p>တာအိုသခင်’လုယာ’ က သူ၏မြားဖြင့် ဓားစွမ်းအားကိုအသုံးပြုပြီး စစ်မြေပြင်အနေအထားကို ပြောင်းလဲလိုက်ပြီးနောက် မြောက်ပိုင်းကြယ်စင်ဧကရာဇ်ရောက်ရှိလာကာ ကျောက်စိမ်းကျိုင်းတံဖြင့် နတ်ဘုရားသတ်ဖြတ်ဓားပျံကို ရိုက်ထုတ်လိုက်သည်။</p> <p>ထို့ကြောင့် မဟာသူတော်စင်၏ ရွှေခန္ဓာ(၃)ခု ပေါင်းစည်းနိုင်ခဲ့ပြီး တိုက်ပွဲအခြေအနေအား နောက်တစ်ကြိမ် ပြောင်းပြန်လှန်နိုင်ခဲ့သည်။</p> <p>လမ်းမှန်တာအိုဝါဒနှင့် နတ်မိစ္ဆာမျိုးနွယ်များ အပြင်းအထန် တိုက်ခိုက်နေကြချိန် သုခဘုံမှ မဟာယာနဗုဒ္ဓဘာသာကျွမ်းကျင်သူများက တည်ငြိမ်စွာ ရှိနေကြသည်။</p> <p>သူတို့တွင် အော်မီတော်ဖော်တာအိုဗုဒ္ဓ ကြွမြန်းလာမည်ဆိုသောအချက်အပြင် နောက်ထပ် အားကိုးစရာတစ်ခု ရှိနေသေးသည်။</p> <p>ထိုသူက “မဟာမာရူယိ” ပင် ဖြစ်၏။</p> <p>မဟာမာရူယိ ပေါ်လာသည်နှင့် မငြိမ်းသောမီးအိမ်ရှေးဟောင်းတာအိုဗုဒ္ဓက စကားဆိုလိုက်သည်။</p> <p>“မင်း လာရောက်ကူညီပေးတာ ကျေးဇူးတင်ပါတယ်”</p> <p>စန္ဒကူးတာအိုဗုဒ္ဓ၊ မဟာဉာဏ်အလင်းဗောဓိသတ္တနှင့် အခြားသော မဟာယာနဗုဒ္ဓဘာသာကိုယ်တော်များကလည်း ကျေးဇူးတင်စကားဆိုလိုက်ကြသည်။</p> <p>“ကျေးဇူးတင်ပါတယ်... မဟာမာရူယိ”</p> <p>မဟာမာရူယိက သူတို့ကို ခေါင်းတစ်ချက်သာညိတ်ပြပြီး မည်သည့်စကားမှ မဆိုပေ။</p> <p>သူက တိုက်ပွဲအတွင်းရောက်ရှိလာသည်နှင့် မည်သူ့ကိုမှ တိုက်ရိုက်ပစ်မှတ်ထားခြင်းမရှိဘဲ ဗလာနယ်ကို ဖြတ်ကျော်ကာ  ‘နတ်ဘုရားသုတ်သင်အစီအရင်’ ဆီသို့ တရွေ့ရွေ့ တိုးကပ်သွားသည်။</p> <p>သူ ဖြတ်သန်းသွားရာနေရာတိုင်းတွင် ရောင်စဉ်ငါးမျိုး နတ်ဘုရားအလင်းတန်းများက တဟုန်ထိုးတိုက်စားသွားသည်။</p> <p>စန္ဒကူးတာအိုဗုဒ္ဓနှင့် မြောက်ပိုင်းကြယ်စင်ဧကရာဇ်တို့ ရှိရာသို့ ဖြတ်သန်းသွားချိန်မှာလည်း ထိုရောင်စဉ်ငါးသွယ် အလင်းတန်းများက သူတို့ထက်သို့ ဖြာလင်းကျသွားသည်။</p> <p>မြောက်ပိုင်းကြယ်စင်ဧကရာဇ်မှာ စန္ဒကူးတာအိုဗုဒ္ဓကို အရေးမစိုက်နိုင်တော့ဘဲ မဟာမာရူယိ၏ ရောင်စဉ်ငါးမျိုးကိုသာ အားကုန်သုံး ခုခံလိုက်ရသည်။</p> <p>မဟာမာရူယိက ရောင်စဉ်ငါးသွယ် နတ်ဘုရားအလင်းတန်းများ ဖြန့်ကျက်လိုက်သည်နှင့် မြောက်ပိုင်းကြယ်စင်ဧကရာဇ် ဖန်ဆင်းထားသည့် ကောင်းကင်စစ်သည်တော်များနှင့် စစ်သူကြီးများအားလုံး ထိုအလင်းတန်းများကြားတွင် ပိတ်မိသွားကြသည်။</p> <p>ထို့နောက် အလင်းတန်းများက စစ်မြေပြင်တစ်ခွင် လှည့်လည်သွားသည်နှင့် မြောက်ပိုင်းကြယ်စင်ဧကရာဇ်သည်လည်း နေရာမှာပင်‌ ပျောက်ကွယ်သွားလေသည်။</p> <p>မဟာမာရူယိက ရှေ့ဆက်ထွက်ခွာသွားပြီး ရောင်စဉ်ငါးမျိုး အလင်းတန်းများကလည်း ဆက်တိုက်ဖြာကျနေသည်။</p> <p>ယန်ကျန်း မျက်မှောင်ကျုံ့လိုက်ပြီး အသက်ဓာတ်စွမ်းအား ထုတ်လွှတ်မှုကို ရပ်တန့်လိုက်သည်။</p> <p>သူ ဖန်တီးထားသော ကြီးမားလှသည့် တာအိုဗုဒ္ဓပုံရိပ်ကြီးမှာ မဟာမာရူယိ၏ ရောင်စဉ်ငါးမျိုး အလင်းတန်းများအောက် နစ်မြုပ်သွားတော့သည်။</p> <p>တာအိုဗုဒ္ဓပုံရိပ်ကြီး၏ တာအိုဗုဒ္ဓနယ်မြေ ပျောက်ကွယ်သွားသည့်အတွက် တိုက်တိုင်းအောင်တာအိုဗုဒ္ဓ၊ မဟာဉာဏ်အလင်းဗောဓိသတ္တနှင့် အခြားသူများ လွတ်မြောက်သွားကြသည်။</p> <p>မဟာမာရူယိက ရှေ့ဆက်လျှောက်လှမ်းလာရင်း ဦးခေါင်းနှစ်လုံးကျေကာ ဒဏ်ရာအပြင်းအထန်ရထားသည့် ခေါင်းကိုးလုံးပိုးကောင်အနားသို့ ရောက်ရှိလာသည်။</p> <p>ခေါင်းကိုးလုံးပိုးကောင် စကားမဆိုနိုင်ခင်မှာပင် ရောင်စဉ်ငါးမျိုးအလင်းတန်းများက သူ့ခန္ဓာကိုယ်ထက်သို့ ကျရောက်သွားပြီး ခေါင်းကိုးလုံးပိုးကောင်မှာ နေရာမှာပင် ပျောက်ကွယ်သွားရသည်။</p> <p>တိမ်မြူမိုင်တစ်သောင်းမဟာဂဠုန်က မျက်နှာပျက်သွားပြီး...</p> <p>“အစ်ကို... မင်းက အနောက်ဘက်သူတော်စင်ဘုံကို နောက်တစ်ခါ ထပ်ကူညီနေပြန်ပြီလား”</p> <p>သူက ထပ်ပြောလိုက်သည်။</p> <p>“အစ်ကို... မီလဲ့ကိုယ်တော်ဆီမှာလည်း စကြာမုနိတာအိုဗုဒ္ဓရဲ့ သရီရဓာတ်တော်တစ်ခုရှိတယ်ဆိုတာ အစ်ကို မသိဘူးလား”</p> <p>မဟာမာရူယိက တည်ငြိမ်စွာပင် ခေါင်းညိတ်ပြလိုက်ပြီး...</p> <p>“ငါ သိတယ် ၊ မင်းပြန်ရောက်ရင် ငါက သူ့ဆီမှာရှိတဲ့ ဓာတ်တော်ကိုလည်း ရယူဖို့ဆန္ဒရှိတဲ့အကြောင်း ငါ့ကိုယ်စား မီလဲ့ကိုယ်တော်ကို သတင်းပါးပေးပါ”</p> <p>စကားပြောရင်းပင် သူက ရှေ့ဆက်တက်လှမ်းသွားရာ ရောင်စဉ်ငါးသွယ် နတ်ဘုရားအလင်းတန်းများက ခြင်္သေ့နတ်ဘုရားထက်သို့ကျရောက်သွားပြန်သည်။</p> <p>သူက အရှိန်မပျက် ရှေ့ဆက်သွားရင်း နတ်ဘုရားသုတ်သင်အစီအရင်ထက်သို့ပင်‌ ရောက်ရှိသွားသည်။</p> <p>တောင်ပိုင်းချန်စန်းဧကရာဇ်က တိမ်မြူမှောင်မိုက်နတ်ဘုရားကို အစီအရင်အပြင်ဘက်သို့ ကန်ထုတ်လိုက်သည်ဖြစ်ရာ ၊ ထိုနတ်ဘုရားမှာ မဟာမာရူယိနှင့် တည့်တည့်တိုးတော့သည်။</p> <p>နောက်ထပ် ရောင်စဉ်ငါးသွယ် အလင်းတန်းများ ကျဆင်လာချိန်မှာတော့ တောင်ပိုင်းချန်စန်းဧကရာဇ်က  'မူလအဓိပတိမိုးကြိုးစွမ်းအား' ပစ်လွှတ်လိုက်ရာ ဗလာနယ်တစ်ခုလုံးတုန်ခါသွားပြီး ရောင်စဉ်ငါးမျိုး အလင်းတန်းများလည်း ခဏမျှ ရပ်တန့်သွားသည်။</p> <p>ဤသည်ကိုအခွင့်ကောင်းယူပြီး တောင်ပိုင်းချန်စန်းဧကရာဇ်က ထွက်ပြေးရန် ကြိုးစားလိုက်သည်။</p> <p>သို့သော် ရောင်စဉ်ငါးသွယ် နတ်ဘုရားအလင်းတန်းများက ပြန်လည်စုစည်းသွားပြီး သူရှိရာသို့ အုပ်မိုးကျဆင်းလာလေသည်။</p> <p>တောင်ပိုင်းချန်စန်းဧကရာဇ်မှာလည်း နေရာမှာပင် ပျောက်ကွယ်သွားတော့၏။</p>


Save