Book List

<h2 style="text-align: center;">အခန်း (၁၆၀၅)</h2> <h2 style="text-align: center;">ချီထျန်းမဟာသူတော်စင်</h2> <h2 style="text-align: center;">*</h2> <p> </p> <p> </p> <p> </p> <p>တောင်ပိုင်းချန်စန်းဧကရာဇ် ပျောက်ကွယ်သွားသော်လည်း တိမ်မြူမှောင်မိုက်နတ်ဘုရားမှာ စိတ်အေးသွားခြင်း မရှိပေ။  အဘယ်ကြောင့်ဆိုသော် ရောင်စဉ်ငါးမျိုးအလင်းတန်းများက သူ့ထံသို့ ဦးတည်ဝင်‌ရောက်လာသောကြောင့် ဖြစ်သည်။</p> <p>တိမ်မြူမှောင်မိုက်နတ်ဘုရားက ထိတ်လန့်တကြားဖြင့် သူ၏တူကို အလျှင်အမြန် လွှဲယမ်းပစ်ပေါက်လိုက်သည်။</p> <p>တူလက်နက်ဖြတ်သန်းသွားရာ ဗလာနယ်တစ်ခုလုံး စုတ်ပြဲသွားပြီး ကြယ်တာရာများပင် ကြေမွပျက်ဆီးသွားရသည်။</p> <p>တူလက်ထဲတွင်ပါဝင်သောစွမ်းအားက အလွန်ပြင်းထန်လှသဖြင့် တောင်ပိုင်းချန်စန်းဧကရာဇ်သည်ပင် အတော်လေးသတိထားခဲ့ရသည်။</p> <p>ဤတူလက်နက်က တိမ်မြူမှောင်မိုက်နတ်ဘုရား၏ အဖိုးတန်ရတနာဖြစ်သော “မူလပရမ်းပတာတူ” ပင် ဖြစ်သည်။</p> <p>ဤတူ၏ကျော်ကြားမှုက သာမန်မျှသာဖြစ်သော်လည်း ၎င်း၏စွမ်းအားကတော့ ကွမ်းချန်ထျန်းကျွင်း၏ နာမည်ကျော် စက်ဝန်းသံသရာကောင်းကင်စည်းတံဆိပ်နှင့် ကောင်းစွာယှဉ်ပြိုင်နိုင်သည်။</p> <p>သို့သော် မဟာမာရူယိ၏ ရောင်စဉ်ငါးမျိုး နတ်ဘုရားအလင်းတန်းများ ဖြာထွက်လာသည်နှင့် မူလပရမ်းပတာတူမှာလည်း ဖမ်းဆီးထိန်းချုပ်ခြင်း ခံလိုက်ရသည်။</p> <p>“တာအိုရောင်းရင်း... အရင်တုန်းက ကျုပ်တို့နှစ်ယောက်လုံး တာအိုဆရာ’ကျူးထီ’ ကြောင့် အတော်လေး ဒုက္ခရောက်ခဲ့ဖူးကြတယ် ၊ ဒါကိုထောက်ထားပြီး ဒီတစ်ကြိမ် ကျုပ်ကိုလွှတ်ပေးစေချင်ပါတယ်”</p> <p>တိမ်မြူမှောင်မိုက်နတ်ဘုရားက ကူရာကယ်ရာမဲ့စွာဖြင့် တောင်းဆိုလိုက်သည်။</p> <p>မဟာမာရူယိက ခေါင်းညိတ်လိုက်ရင်း...</p> <p>“ဘေးဖယ်လိုက်... ဒါဆိုရင် ငါ ဘာမှမလုပ်ဘူး”</p> <p>တိမ်မြူမှောင်မိုက်နတ်ဘုရား အလျင်အမြန်ပင် နောက်ဆုတ်ပေးလိုက်သည်။</p> <p>ထိုအချိန်မှာပင် ခုန်ရွှမ်းမှာ သူ့ထံသို့ ဦးတည်ကာ ပြေးလာနေသော အခြားတစ်ယောက်ကို တွေ့မြင်လိုက်ရသည်။</p> <p>ထိုသူမှာ မျောက်မင်း၏လိုက်လံတိုက်ခိုက်မှုကြောင့် ဆုတ်ခွာနေရသည် တာအိုဆရာ’လုယာ’ ပင်ဖြစ်သည်။</p> <p>နှစ်ပေါင်းများစွာ ဒဏ်ဖြစ်နေခဲ့သည့် ဒဏ်ရာဟောင်းများက ပွင့်ထွက်နေပြီး သူ၏ဝီညာဉ်မီးလျှံအမြုတေမှာလည်း သွေးမြူများသဖွယ် ပတ်ဝန်းကျင်အနှံ့ လွင့်စင်ထွက်လျှက်ရှိသည်။</p> <p>ထိုအချိန်မှာပင် ရွှေရောင်တိမ်တိုက်များက လှိုင်းထလျှက် မျောက်မင်းသည်လည်း မဟာမာရူယိရှေ့သို့ ရောက်ရှိလာသည်။</p> <p>တာအိုဆရာ’လုယာ’ မှာ မဟာမာရူယိနှင့် နတ်ဘုရားသုတ်သင်အစီအရင်ကြား ပိတ်မိနေတော့သည်။</p> <p>မျောက်မင်းကိုတွေ့သည်နှင့် မဟာမာရူယိ၏ တည်ငြိမ်‌သောမျက်နှာ အနည်းငယ် ပြောင်းလဲသွားသည်။</p> <p>သူက နှမျောတသဟန်ဖြင့်...</p> <p>“နှမျောစရာကောင်းလိုက်တာ... သူ့ရဲ့ ကျင့်ကြံခြင်းတွေအားလုံး တစ်ညတည်းနဲ့ အကုန်ပျောက်ဆုံးသွားခဲ့ရပြီ ၊ အခုလိုမျိုး ရွှေခန္ဓာတွေ ပြန်ပေါင်းစည်းထားတယ်ဆိုရင်တောင် မင်းက ရွှံ့ရုပ်လေးတစ်ရုပ်ထက် မပိုပါဘူး”</p> <p>မျောက်မင်းက...</p> <p>“ကျုပ်လည်း နှမျောမိတာ အမှန်ပဲ ၊ ဒါပေမဲ့ ချီထျန်းမဟာသူတော်စင်ကတော့ လွတ်မြောက်သွားပြီဆိုပြီး ဝမ်းသာနေခဲ့တာပါ”</p> <p>သူက ဆက်ပြောလိုက်သည်။</p> <p>“ကျုပ်က ရွှံ့ရုပ် ဟုတ်မဟုတ်ဆိုတာကိုတော့ တိုက်ခိုက်ပြီးမှ ဆုံးဖြတ်ကြတာပေါ့”</p> <p>ပြောပြီးသည်နှင့် မျောက်မင်းက ရူယိရွှေတုတ်ကို ကိုင်မြှောက်ကာ မဟာမာရူယိ၏ ဦးခေါင်းတည့်တည့်သို့ ပြင်းထန်စွာ ရိုက်ချလိုက်သည်။</p> <p>မဟာမာရူယိက ရောင်စဉ်ငါးမျိုး အလင်းတန်းများကို ချက်ချင်းထုတ်ဖော်လိုက်ရာ ၊ အလင်းရောင်များအောက်တွင် မျောက်မင်း၏ခန္ဓာကိုယ်က သေးငယ်သွားပြီး ဖမ်းဆီးချုပ်နှောင်ခံရလုမတတ် ဖြစ်သွားသည်။</p> <p>သို့သော် မျောက်မင်း၏ခြေဖဝါးအောက်တွင် ရွှေရောင်တိမ်တိုက်များထွက်ပေါ်လာပြီး တစ်ပတ်ကျွမ်းပစ်ကာ ရောင်စဉ်ငါးမျိုးအလင်းတန်းများ၏လွှမ်းမိုးမှုမှ လျှင်မြန်စွာ ခုန်ထွက်လွတ်မြောက်သွားသည်။</p> <p>သို့ပေသိ မျောက်မင်းက နောက်ဆုတ်သွားခြင်းမရှိဘဲ မဟာမာရူယိရှိရာသို့ ပြန်လည်ဝင်ရောက်သွားသည်။</p> <p>မဟာမာရူယိက တည်ငြိမ်နေဆဲပင်။</p> <p>သူ၏ ရောင်စဉ်ငါးမျိုးအလင်းတန်းများက ပြန်လည်တောက်ပလာလေရာ မျောက်မင်းမှာ နတ်ဘုရားအလင်းတန်းများ၏ ဖမ်းဆီးချုပ်နှောင်ခြင်းကို ခံလိုက်ရပြန်သည်။</p> <p>သူက လက်ထဲရှိ ရူယိရွှေတုတ်ဖြင့် အလင်းရောင်များဖုံးလွှမ်းနေသော ဗလာနယ်အောက်ခြေသို့ အားကုန်လွှဲရိုက်ချလိုက်ရင်း...</p> <p>“ကြီးမားစမ်း... ကြီးမားစမ်း... ကြီးမားစမ်း...”</p> <p>ဒေါသတကြီး အော်ဟစ်သံနှင့်အတူ မျောက်မင်း၏ခန္ဓာကိုယ်နှင့် ရူယိရွှေတုတ်တို့မှာ ပေါက်ကွဲလုမတတ် ကြီမားလာကြသည်။</p> <p>ထို့နောက် ရူယိရွှေတုတ်က ရောင်စဉ်ငါးမျိုးအလင်းတန်းများမှ အစိမ်းရောင်အလင်းတန်းရှိရာသို့ တည့်တည့်မတ်မတ် ရိုက်ချလိုက်၏။</p> <p>ရက်စက်ကြမ်းတမ်းလှသော နတ်ဘုရားဖိနှိပ်သံတုတ်၏စွမ်းအားကြောင့် အစိမ်းရောင်အလင်းတန်းများ အနည်းငယ် မှေးမှိန်သွားရသည်။</p> <p>မျောက်မင်းက ဤသည်ကို အခွင့်ကောင်းယူပြီး ရောင်စဉ်ငါးမျိုး အလင်းတန်းများကြားမှ ခုန်ထွက်သွားပြန်သည်။</p> <p>သို့သော် သူက ဆုတ်ခွာရန် စိတ်မကူးသေးပေ။</p> <p>ရူယိရွှေတုတ်ကို ကိုင်မြှောက်ပြီး မဟာမာရူယိကို နောက်တစ်ကြိမ် တိုက်ခိုက်လိုက်ပြန်သည်။</p> <p>သူတို့နှစ်ယောက်ကြား အကွာအဝေးက အလွန်တရာ နီးကပ်သွားခဲ့သည်။</p> <p>ရူယိရွှေတုတ် ကျရောက်လာသည့်တိုင် မဟာမာရူယိက နေရာမှပင် မလှုပ်မယှက် မတ်တတ်ရပ်နေဆဲပင်။</p> <p>ထို့နောက် တတိယအကြိမ်မြောက် ရောင်စဉ်ငါးမျိုးအလင်းတန်းများက အရှိန်အဟုန်ဖြင့် ကျဆင်းလာပြီး မျောက်မင်းကို ဝါးမျိုသွားပြန်သည်။</p> <p>ကျယ်လောင်သည့် ကြုံးဝါးသံတစ်ချက်နှင့်အတူ ရွှေရောင်အလင်းတန်းများတုန်ခါသွားပြီး မျောက်မင်း၏ခန္ဓာကိုယ်က မရေမတွက်နိုင်သော ကိုယ်ပွားပေါင်းများစွာ ကွဲထွက်သွားသည်။</p> <p>ရောင်စဉ်ငါးမျိုးအလင်းတန်းများက ထိုကိုယ်ပွားများကို ဝိုင်းရံလိုက်ပြီး တစ်ယောက်ပြီးတစ်ယောက် လိုက်လံဖမ်းဆီးနေသည်။</p> <p>သို့သော် မျောက်မင်း၏ ကိုယ်ပွားများက များပြားလွန်းသဖြင့် အချို့သော တိုက်ကွက်မျးက လွဲချော်သွားလေရာ မျောက်တစ်ကောင်က ခန္ဓာကိုယ်ကို ကျုံ့လိုက်ပြီး အလင်းတန်းထောင်ချောက်အတွင်းမှ ခုန်ထွက်လွတ်မြောက်သွားပြန်၏။</p> <p>ထိုမျောက် လွတ်မြောက်သွားသည်နှင့်တပြိုင်နက် သူ၏ခန္ဓာကိုယ်က ပြန်လည်ကြီးမားလာပြီး မဟာမာရူယိ၏ ဦးခေါင်းကို သံတုတ်ဖြင့် ရိုက်ချလိုက်ပြန်သည်။</p> <p>အကွာအဝေးက အလွန်နီးကပ်သည်ဖြစ်ရာ မဟာမာရူယိမှာ မည်သို့မှမတတ်နိုင်ဘဲ နောက်သို့ဆုတ်လိုက်ရသည်။ သို့တိုင် ရူယိရွှေတုတ်၏ အရှိန်အဟုန်က မြန်ဆန်လွန်းသဖြင့် မဟာမာရူယိမှာ အချိန်မီ မရှောင်တိမ်းနိုင်ခဲ့ပေ။</p> <p>သူက ခန္ဓာကိုယ်အား ဘေးသို့စောင်းလိုက်ပြီး ရိုက်ချက်ကို ပခုံးဖြင့် ခံယူလိုက်ရသည်။</p> <p>ထိုခဏမှာပင် သူ၏ ကြည်လင်တောက်ပသော‌ ရွှေခန္ဓာမှာလည်း အက်ကွဲသွားရလေသည်။</p> <p>သို့သော် မဟာမာရူယိက နောက်ဆုတ်သွားခြင်း မရှိပေ။</p> <p>ရောင်စဉ်ငါးမျိုး အလင်းတန်းများက တဖန်ပြန်လည်တောက်ပလာပြီး နောက်ဆုံး မျောက်မင်းကို ဖမ်းဆီးချုပ်နှောင်လိုက်နိုင်သည်။</p> <p>အလင်းတန်းများကြားတွင် ပိတ်မိသွားသည့်တိုင် မျောက်မင်းက အရှုံးပေးလိုခြင်း မရှိပေ။</p> <p>သူက လက်ထဲမှ ရူယိရွှေတုတ်ကို အဆက်မပြတ်လှည့်ပတ်ပြီး သံတုတ်အစွန်းမှ ရွှေရောင်အလင်းစက်ဝန်းများကို ထုတ်ဖော်ကာ ရောင်စဉ်ငါးမျိုးအလင်းတန်းများကို တွန်းထုတ်ရန် ကြိုးစားနေသည်။</p> <p>သို့ပေသိ ခုန်ရွှမ်း၏ ရောင်စဉ်ငါးမျိုး နတ်ဘုရားအလင်းတန်းများက ပိုမိုသိပ်သည်းလာပြီး အဆုံးမရှိ ပြန့်ကားလာသည်။</p> <p>မျောက်မင်းမှာ ဝဲဂယက်တစ်ခုအတွင်း နစ်မြုပ်သွားသည့်ပမာ ခံစားရပြီး နတ်ဘုရားအလင်းတန်းများ၏ဖိအားက ပိုမိုပြင်းထန်လာလေရာ တဖြည်းဖြည်း အားအင်များ ကုန်ခမ်းလာရသည်။</p> <p>ဧရာမမျောက်ကြီးက အချုပ်အနှောင်မှလွတ်မြောက်ရန် ရုန်းကန်ကြိုးစားနေချိန် မဟာမာရူယိ၏ရုပ်သွင်က ပြောင်းလဲသွားခဲ့သည်။</p> <p>ဦးခေါင်း (၂၄)ခုနှင့် လက်(၈)ဖက်ရှိသော တာအိုဗုဒ္ဓခန္ဓာအစား ဦးခေါင်းတစ်လုံး လက်(၄)ဖက်ရှိသော ဓမ္မခန္ဓာက အစားထိုးဝင်ရောက်လာသည်။</p> <p>ပြောင်းလဲသွားသည့် ရုပ်ခန္ဓာအသစ်က ဖြူဖွေးနူးညံ့သော ဝတ်ရုံကိုခြုံလွှမ်းထားပြီး ဦးခေါင်းထက်တွင် သရဖူတစ်ခု ဆောင်းထားသည်။</p> <p>လည်ဆွဲ ၊ နားတောင်းနှင့် လက်မောင်းတွင် လက်ပတ်တို့ဝတ်ဆင်ထားပြီး အလွန်ပင်တင့်တယ်လှပကာ ရွှေရောင် ဥဒေါင်းမင်းကိုလည်း စီးနင်းထားသည်။</p> <p>သူက အဖြူရောင်နှင့် အစိမ်းရောင်ရောယှက်နေသည့် ကြာပန်းထက်တွင် တင်ပျဉ်ခွေထိုင်နေသည်။</p> <p>ညာဘက်ရှိ လက်တစ်ဖက်တွင် ကြာပန်းတစ်ပွင့် ကိုင်ဆောင်ထားပြီး ဘယ်ဘက်ရှိလက်တစ်ဖက်တွင်တော့ အခက်အလက်များပါဝင်သော ဥဒေါင်းမြီးကို ကိုင်ဆောင်ထားသည်။</p> <p>ရောင်စဉ်ငါးမျိုးအလင်းတန်းများကလည်း အဆက်မပြတ်လည်ပတ်နေသည်ဖြစ်ရာ အချိန်အတန်ကြာမှာတော့ မျောက်မင်း၏ပုံရိပ် ပျောက်ကွယ်လုနီးပါး ဖြစ်သွားရသည်။</p> <p>ထိုမြင်ကွင်းကိုတွေ့လိုက်သည်နှင့် တာအိုဝါဒကျင့်ကြံသူများ မျှော်လင့်ချက်မဲ့ကာ စိတ်ပျက်လက်ပျက် ဖြစ်သွားကြသည်။</p> <p>သမိုင်းတစ်လျှောက်တွင် တာအိုအဆင့်အောက် ကျင့်ကြံသူများတွင် မည်သူကများ မဟာမာရူယိကို ဤအခြေအနေထိရောက်အောင် ဖိအားပေးနိုင်ခဲ့ဖူးပါသနည်း။</p> <p>သို့သော် ထိုဥဒေါင်းက အမှန်တကယ်ပင် အစွမ်းထက်လွန်းလှသည်။</p> <p>ကျောက်စိမ်းကောင်းကင်ဘုံအရှင်၏ သတင်းအစအနက ပျောက်ခြင်းမလှ ပျောက်ကွယ်နေပြီး ချီထျန်းမဟာသူတော်စင် အစစ်သည်လည်း သူ၏ကျင့်ကြံခြင်းများကို စွန့်လွှတ်သွားခဲ့ပြီ ဖြစ်သည်။</p> <p>သို့ဖြစ်ရာ ကျန်ရှိသော ကောင်းကင်နတ်ဘုရားအဆင့် ကျင့်ကြံသူများတွင် ခုန်ရွှမ်းကို မည်သူက ယှဉ်ပြိုင်နိုင်ပါမည်နည်း။</p> <p>“သူက မဟာယာနဗုဒ္ဓဘာသာရဲ့ ရွှေခန္ဓာကို ကျင့်ကြံအောင်မြင်ထားတဲ့အပြင်... သူ့ရဲ့ ရောင်စဉ်ငါးမျိုး နတ်ဘုရားအလင်းတန်းကလည်း အရင်ထက်ပိုပြီး စွမ်းအားကြီးလာတယ်”</p> <p>လုယာ ရေရွတ်လိုက်သည်။</p> <p>သူက မျောက်မင်းလက်ချက်ကြောင့် ပြင်းထန်စွာ ဒဏ်ရာရရှိထားသဖြင့် တိုက်ပွဲအတွင်း ဝင်မပါနိုင်သေးသည့်တိုင် အကဲဖြတ်နိုင်စွမ်းကတော့ မှေးမှိန်မသွားခဲ့ပေ။</p> <p>ယန်ကျန်းသည်လည်း အတွေးနက်လျှက် ရှိသည်။</p> <p>အစပိုင်းတွင် သူက မဟာမာရူယိကို ကိုယ်တိုင်ရင်ဆိုင်ပြီး ချီထျန်းသူတော်စင်ကိုတော့ ကျန်ပြိုင်ဘက်များကိုကိုင်တွယ်ရန် စီစဉ်ထားခဲ့သည်။</p> <p>သို့သော် အဓိကပြဿနာမှာ မျောက်မင်းက စွမ်းအားကြီးသည်မှန်သော်လည်း တိုက်တိုင်းအောင်တာအိုဗုဒ္ဓနှင့် အခြားသူများကို ကာကွယ်ပေးထားသည့် 'ကြာပန်းစိမ်းရတနာအလံ' ကို ထိုးဖောက်နိုင်ခြင်း မရှိပေ။</p> <p>ထို့ကြောင့် တိုက်တိုင်းအောင်တာအိုဗုဒ္ဓနှင့် မဟာဉာဏ်အလင်းဗောဓိသတ္တတို့ကို ဟန့်တားနိုင်ရန် ယန်ကျန်းကိုယ်တိုင် ဝင်ရောက်တိုက်ခိုက်ခဲ့ရသည်။</p> <p>ကံဆိုးသည်မှာ မဟာမာရူယိက အလွန်ပင် စွမ်းအားပြင်းထန်လှပြီး သူ၏ ရောင်စဉ်ငါးမျိုး နတ်ဘုရားအလင်းတန်းများက မျောက်မင်းကိုပင် နှိမ်နင်းနိုင်ခဲ့ခြင်း ဖြစ်၏။</p> <p>သို့သော် ယန်ကျန်း၏စိတ်အာရုံက နတ်ဘုရားသုတ်သင်အစီအရင်ထံသို့ ရောက်ရှိသွားသည်။</p> <p>အစီအရင်ထဲတွင် မျောက်မင်း နှိမ်နင်းခံလိုက်ရသည့်တိုင် တည်ငြိမ်နေဆဲဖြစ်သော ရန်ကျောက်ကဲ၏ မျက်နှာအမူအရာကို သတိထားလိုက်မိသည်။</p> <p>မဟာမာရူယိသည်လည်း ငယ်ရွယ်သည့် ထိုက်ရွှီးမူလနတ်ဘုရားလေး၏ ထူးခြားသော တုံ့ပြန်မှုကို သတိပြုမိသွားသည်။</p> <p>ရန်ကျောက်ကဲက ခပ်ပါးပါး တစ်ချက်ပြုံးလိုက်သည်။</p> <p>ထိုခဏမှာပင် မဟာမာရူယိ မျက်နှာပျက်သွား၏။</p> <p>သူ၏ခန္ဓာကိုယ်မှထွက်ပေါ်နေသော ရောင်စဉ်ငါးမျိုး အလင်းတန်းများက ပြင်းထန်စွာ တုန်ခါလာသည်။</p> <p>အလင်းတန်းများက အဆက်မပြတ်လည်ပတ်နေဆဲ ဖြစ်သည့်တိုင် ထိုအလင်းတန်းများထဲမှ မြင်တွေ့ရခဲသော ပုံရိပ်တစ်ခု ထွက်ပေါ်လာသည်။</p> <p>ထိုပုံရိပ်က အခြားမဟုတ်ပေ။</p> <p>ရောင်စဉ်ငါးမျိုး အလင်းတန်းများဖြင့် ဖမ်းဆီးချုပ်နှောင်ခြင်းခံထားရသော ဧရာမမျောက်ကြီးပင် ဖြစ်၏။</p> <p>မျောက်မင်း၏လက်တစ်ဖက်တွင် ရူယိရွှေတုတ်ကို ကိုင်ထားပြီး ကျန်လက်တစ်ဖက်မှာတော့ ဝိညာဉ်ကျောက်တုံးတစ်တုံးကို ကျစ်ကျစ်ပါအောင် ဆုပ်ကိုင်ထားသည်။</p> <p>သူက ကောင်းကင်ယံသို့ မော့ကြည့်ပြီး ကြုံးဝါးသံတစ်ချက်ပြုလုပ်ကာ ထိုဝိညာဉ်ကျောက်တုံးကို ပါးစပ်ထဲသို့ ပစ်ထည့်ကာ တစ်ချက်တည်း မျိုချလိုက်သည်။</p> <p>ထိုခဏမှာပင် ရွှေရောင်အလင်းတန်းများ ပေါက်ကွဲထွက်လာပြီး ကောင်းကင်ထက်သို့ ထိုးထက်သွားကာ ရောင်စဉ်ငါးမျိုး အလင်းတန်းများကိုသာမက စကြာဝဠာတစ်ခုလုံးကိုပါ ဖောက်ထွက်သွားတော့၏။</p> <p>ခမ်းနားထည်ဝါပြီး ရက်စက်ကြမ်းတမ်းသော ၊ အနိုင်မခံ အရှုံးမပေးလိုသော စွမ်းအားလှိုင်းလုံးများက အဆက်မပြတ် တုန်ခါလျှက် ရှိ၏။</p> <p>ထိုစွမ်းအားကြောင့် ကြယ်စင်မြစ်ကြီးပင် တုန်လှုပ်သွားရသည်။</p> <p>မဟာယာနဗုဒ္ဓဘာသာကိုယ်တော်များ ချက်ချင်းပင် မျက်နှာပျက်သွားကြသည်။</p> <p>ထိုစွမ်းအား၏ဖိအားကြောင့် မဟာမာရူယိ စီးနင်းထားသည့် ဥဒေါင်းမင်းသည်ပင် ခါးညွှတ်လျှက် ခေါင်းငုံ့သွားရလေသည်။</p> <p>မဟာမာရူယိ ဒေါသချောင်းချောင်းထွက်သွားပြီး ရောင်စဉ်ငါးမျိုးအလင်းတန်းများကို အလျှင်အမြန်စုစည်းကာ မျောက်မင်းထံသို့ ပစ်ခတ်ထိုးစိုက်ချရန် ကြိုးစားလိုက်သည်။</p> <p>သို့သော် လက်ရှိတွင် ဧရာမမျောက်မင်းမှာ ကောင်းကင်ကိုထောက်မထားသည့် တိုင်လုံးကြီးပမာ ခိုင်ခံ့လွန်းပြီး ရောင်စဉ်ငါးမျိုးအလင်းတန်းများအလယ် မတုန်လှုပ်ဘဲ မတ်တတ်ရပ်လျှက် ရှိသည်။</p> <p>ခုန်ရွှမ်းက ပတ်ဝန်းကျင်တစ်ခုလုံးအား နတ်ဘုရားအလင်းတန်း ပင်လယ်ကြီးအဖြစ် ပြောင်းလဲပစ်လိုက်သည်။ သူသာ အလိုရှိပါက ကြယ်စင်မြစ်တစ်ခုလုံးကိုပင် ဝါးမျိုပြီး အလင်းပင်လယ်ကြီးအတွင်းသို့ နှစ်မြှုပ်ပစ်လိုက်နိုင်သည်။</p> <p>သို့သော် ထိုနတ်ဘုရားအလင်းပင်လယ်ကြီးက ဧရာမမျောက်မင်း ရွှေရောင်ပုံရိပ်ကြီးကိုတော့ လုံးဝ ထိခိုက်နိုင်ခြင်း မရှိပေ။</p> <p>သူက သံတုတ်ကို ကိုင်မြှောက်ပြီး ပင်လယ်ကို နှစ်ခြမ်းခွဲနိုင်သည့်စွမ်းအားဖြင့် ရိုက်ချလိုက်ရာ နတ်ဘုရားအလင်းပင်လယ်ကြီးတွင် အက်ကွဲကြောင်းကြီးတစ်ခု ဖြစ်ပေါ်သွားသည်။</p> <p> </p>


Save