Book List

<h2 style="text-align: center;">အခန်း (၁၆၀၉)</h2> <h2 style="text-align: center;">စောင်းကြိုး(၄)ချောင်းထက်ပိုပါတယ်</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p> </p> <p>မဟာယာနတာအိုဗုဒ္ဓဘာသာကိုယ်တော်များနှင့် နတ်မိစ္ဆာများအားလုံးမှာ နတ်ဘုရားသုတ်သင်အစီအရင်ထဲတွင် မပိတ်မိစေရန် အစွမ်းကုန်ရုန်းကန်ကာ ထွက်ပြေးကြတော့သည်။</p> <p>ထို့ကြောင့် ချီထျန်းမဟာသူတော်စင် ၊ ယန်ကျန်း ၊ စောမင်ကျန့်နှင့် ဖန်းယွင်ရှန်းတို့အတွက် အတားအဆီးများလျော့နည်းသွားပြီး သူတို့၏တိုက်စစ်စွမ်းအားများ အရှိန်အဟုန် ပြင်းထန်လာသည်။</p> <p>တိုက်ပွဲအခြေအနေ ပြောင်းပြန်လှန်နိုင်ခဲ့ပြီဖြစ်ရာ လမ်းမှန်တာအိုဝါဒမှ ကောင်းကင်နတ်ဘုရားများက ထွက်ပြေးကုန်သောရန်သူများနောက်သို့ ထပ်ချပ်မကွာလိုက်လံတိုက်ခိုက်ကြသည်။</p> <p>သူတို့က ရန်သူများကို အငြိုးတကြီးဖြင့် ဖိနှိပ်တိုက်ခိုက်ကြသည်ဖြစ်ရာ မငြိမ်းသောမီးအိမ်ရှေးဟောင်းတာအိုဗုဒ္ဓနှင့် တိမ်မြူမိုင်တစ်သောင်းမဟာဂဠုန်တိုသည်ပင် ပြန်လည်ခုခံနိုင်စွမ်းမရှိဘဲ အသက်လုထွက်ပြေးကြရသည်။</p> <p>ကူရာကယ်ရာမဲ့အခြေအနေသို့ ရောက်ရှိသွားခြင်းက သူတို့အတွက် အလွန်ပင် စိတ်ပျက်စရာ ကောင်းလှသည်။</p> <p>အဆုံးသတ်မှာတော့ သူတို့၏ အဓိကဦးစားပေးမှာ နတ်ဘုရားသုတ်သင်အစီအရင်၏ ဝါးမြိုခြင်းမခံရစေရန်သာ ဖြစ်သည်။</p> <p>တိုက်တိုင်းအောင်တာအိုဗုဒ္ဓ နောက်သို့လှည့်ကြည့်လိုက်တော့ သူ မဟာယာနတာအိုဗုဒ္ဓဘာသာသို့ဝင်ရောက်စဉ်က ဆရာသခင်ဖြစ်သော စန္ဒကူးတာအိုဗုဒ္ဓမှာ ရူယိရွှေတုတ်အောက်တွင် အသက်ပျောက်သွားကြောင်း တွေ့မြင်လိုက်ရသည်။</p> <p>သူ့မျက်နှာထက် အဓိပ္ပါယ်ဖော်ရခက်သော အရိပ်အယောင်များ ဖုံးလွှမ်းသွားသည်။</p> <p>“ကံတရားပဲ... တကယ့် ကံတရားအတိုင်းပါပဲလား...”</p> <p>အမြဲတမ်း တည်ငြိမ်အေးဆေးစွာရှိတတ်သော တိုက်တိုင်းအောင်တာအိုဗုဒ္ဓ၏ မျက်ဝန်းအစုံတွင် ရှားရှားပါးပါး ဝမ်းနည်းရိပ်များ ယှက်သမ်းလာသည်။</p> <p>သူနှင့်ရင်းနှီးပြီးသား ချီထျန်းမဟာသူတော်စင်၏ပုံရိပ်ကို တွေ့မြင်လိုက်ရချိန် တိုက်တိုင်းအောင်တာအိုဗုဒ္ဓ၏စိတ်အစဉ် တုန်လှုပ်သွားရပြီး ရှုပ်ထွေးသောခံစားချက်များနှင့်အတူ အတိတ်ဟောင်းကို သတိရသွားမိသည်။</p> <p>ထိုအချိန် စကြာဝဠာအထက် ဗလာနယ်ထဲတွင် လှုပ်ခတ်မှုတစ်ခု ဖြစ်ပေါ်လာသည်။</p> <p>မငြိမ်းသောမီးအိမ်ရှေးဟောင်းတာအိုဗုဒ္ဓ၊ တာအိုသခင်'လုယာ' နှင့် အခြားသူများမှာ စိတ်ပျက်လက်ပျက်ဖြင့် ညည်းတွားလိုက်မိကြသည်။</p> <p>တာအိုအဆင့်အောက် တိုက်ပွဲတွင် သူတို့၏ခန့်မှန်းချက်မှားယွင်းမှုကြောင့် အရှုံးနှင့်ရင်ဆိုင်ရပြီ ဖြစ်၏။</p> <p>ယခု သူတို့အခြေအနေက တာအိုအဓိပတိများ၏ အကူအညီကိုရယူရန် လိုအပ်နေပေပြီ။ သို့သော် ထိုသို့ပြုလုပ်လိုက်ပါက မည်သူမှ ပြီးပြည့်စုံသည့် နတ်ဘုရားသုတ်သင်အစီအရင်ကို ရရှိနိုင်တော့မည် မဟုတ်ပေ။</p> <p>မငြိမ်းသောမီးအိမ်ရှေးဟောင်းတာအိုဗုဒ္ဓက ပျောက်ကွယ်လုနီးပါးဖြစ်နေသော ကနဦးကောင်းကင် အဋ္ဌဂံသင်္ကေတကားချပ်ကိုကြည့်ပြီး ပို၍ပင် နောင်တရသွားမိသည်။</p> <p>ဤသည်က ဖုရှီဗျပ်စောင်းမှ နောက်ဆုံးစောင်းကြိုး၏တားဆီးမှုပင်ဖြစ်ပြီး ခဏမျှ ထပ်မံစောင့်ဆိုင်းနိုင်လျှင် အော်မီတော်ဖော်တာအိုဗုဒ္ဓ ဆင်းသက်လာနိုင်တော့မည် ဖြစ်၏။</p> <p>အံ့ဩစရာအကောင်းဆုံးအချက်မှာ မဟာမာရူယိ ရှိနေသည့်တိုင် လမ်းမှန်တာအိုဝါဒကို အနိုင်မတိုက်နိုင်ခဲ့ခြင်း ဖြစ်သည်။</p> <p>မဟာလွတ်မြောက်ခြင်းကောင်းကင်နတ်ဆိုးက အရှေ့ဧကရာဇ်'ထိုက်ယိ' ကို ဟန့်တားပေးခဲ့သော်လည်း သူ၏ အကူအညီမှာ အတိုင်းအတာတစ်ခုအထိသာ ရှိခဲ့သည်။</p> <p>ထို့ထက်ပို၍ မျှော်လင့်နေခြင်းမှာ စိတ်ကူးယဉ်အိမ်မက်သက်သက်သာ ဖြစ်ပေလိမ့်မည်။</p> <p>နေရာတွင်ရှိနေသူအားလုံးက အစီအရင်ထဲမှ တံခါးတစ်ချပ်ထက်တွင် ရှိနေသော နတ်ဘုရားအဆုံးသတ်ဓားကို စူးစိုက်ကြည့်မိကြသည်။</p> <p>အစီအရင်လည်ပတ်လာသည်နှင့်အမျှ ထိုဓားမှ ကျောက်စိမ်းရောင်အလင်းတန်းများသည်လည်း တဖြည်းဖြည်း ပျောက်ကွယ်သွားသည်။</p> <p>နောက်ဆုံးမှာတော့ လမ်းမှန်တာအိုဝါဒမှလူများက နတ်ဘုရားအဆုံးသတ်ဓားထက်မှ အတိုင်းအဆမဲ့ကောင်းကင်ဘုံအရှင်၏ အမှတ်အသားများကို ဖယ်ရှားသန့်စင်နိုင်ခဲ့ပေပြီ။</p> <p>ယခုဆိုလျှင် ထိုဓားကို လမ်းမှန်တာအိုဝါဒက ပိုင်ဆိုင်သွားခဲ့ပြီ ဖြစ်၏။</p> <p>သို့သော် နတ်ဘုရားအဆုံးသတ်ဓား(၄)လုံးကို ယူဆောင်သွားရန်မှာ လွယ်ကူသည့်ကိစ္စတော့ မဟုတ်ပေ။</p> <p>နတ်ဘုရားသုတ်သင်အစီအရင် မူလအတိုင်းပြန်လည်တည်ငြိမ်သွားသည်နှင့် မဟာလွတ်မြောက်ခြင်းကောင်းကင်နတ်ဆိုးက အရှေ့ဧကရာဇ်’ထိုက်ယိ’ အား ဟန့်တားထားခြင်းကို ရပ်တန့်လိုက်ပြီး ငရဲကိုးထပ်သို့ ပြန်လည်ထွက်ခွာသွားသည်။</p> <p>ယခုမှစပြီး ဤကိစ္စက ငရဲကိုးထပ်နှင့် မသက်ဆိုင်တော့ပေ။</p> <p>မနားတမ်း တိုက်ခိုက်နေကြသော အတိုင်းအဆမဲ့ကောင်းကင်ဘုံအရှင်နှင့် ဘုရားလောင်းတို့သည်လည်း ခဏမျှ တိုက်ပွဲရပ်နားလိုက်ကြသည်။</p> <p>နတ်ဘုရားသုတ်သင်အစီအရင်တစ်ခုလုံးအား တာအိုအဓိပတိတစ်ပါးပါး သို့မဟုတ် လမ်းမှန်တာအိုဝါဒက ရရှိသွားမည်ကို သူတို့ မဖြစ်စေချင်ကြပေ။</p> <p>အထူးသဖြင့် အတိုင်းအဆမဲ့ကောင်းကင်ဘုံအရှင်နှင့် ဘုရားလောင်းတို့အတွက် ပို၍ပင် အရေးကြီးနေသည်။</p> <p>လမ်းမှန်တာအိုဝါဒက နတ်ဘုရားသုတ်သင်အစီအရင်ကို ရရှိသွားခြင်းမှာ ကိုယ့်ကိုယ်ကိုယ် ကာကွယ်ရန်အတွက် မဟုတ်ဘဲ တန်ပြန်တိုက်ခိုက်ရန်အတွက် ဖြစ်လာပေမည်။</p> <p>ဤအစီအရင်က ခံစစ်အဖြစ် အသုံးပြုရမည့်အရာ မဟုတ်ပေ။</p> <p>အမတခုံရုံးနှင့် အဖြူရောင်ကြာပန်းသုခဘုံ နှစ်ခုလုံးက မိမိတို့နယ်မြေများထက်သို့ နတ်ဘုရားသုတ်သင်အစီအရင် ကျရောက်လာမည်ကို သေလောက်အောင် ကြောက်ရွံ့ကြသည်။</p> <p>ထိုအစီအရင်က တာအိုအဓိပတိတစ်ပါးသည်ပင် ဝင်ရောက်နှောက်ယှက်၍မရသော လူသတ်အစီအရင်တစ်ခုဖြစ်နေသည် မဟုတ်လား။</p> <p>တာအိုအဓိပတိများအတွက် အစီအရင်၏ထိုးစစ်ကို ကြောက်ရွံ့မည်မဟုတ်သော်လည်း သူတို့၏ လက်အောက်ငယ်သားများနှင့် နောက်လိုက်များကတော့ ထိုသို့ မဟုတ်ပေ။</p> <p>ထို့ကြောင့် မည်သူမဆို မိမိတို့ ထိန်းချုပ်နိုင်စွမ်းထက် ကျော်လွန်နေသော တည်ရှိမှုမျိုးကို ကြောက်ရွံ့ကြသည်။</p> <p>ကြယ်စင်မြစ်က ကျယ်ပြောလှသည့် စကြာဝဠာကို ဖြတ်သန်းတည်ရှိနေသော်လည်း နတ်ဘုရားသုတ်သင်အစီအရင်က ဗလာနယ်ကို ပုံဖြတ်နိုင်စွမ်းမြင့်မားသည့်အတွက် မြစ်၏ဝေးကွာလွန်းသော အစွန်းနှစ်ဖက်သည်ပင် ထိကပ်သွားသည်အထိ အစီအရင်၏ဝါးမျိုမှုကို ခံလိုက်ရသည်။</p> <p>အစီအရင်ထဲမှ သတ်ဖြတ်လိုသည့်အငွေ့အသက်များက မိုးကောင်းကင်ထိအောင် ထိုးတက်နေပြီး တစ်လောကလုံးရှိ အရာခပ်သိမ်းကို သုတ်သင်ဖျက်ဆီးတော့မည့်အလား ထင်မှတ်ရသည်။</p> <p>သို့သော် အစီအရင်ထက်ရှိ အဆုံးမရှိသောဗလာနယ်ထဲတွင် ကျောက်စိမ်းတံခါးတစ်ချပ် ၊ ရှေးဟောင်းခေါင်းလောင်းတစ်လုံးနှင့် အဖြူရောင်ကြာပန်းတစ်ပွင့် ထွက်ပေါ်လာသည်။</p> <p>ဗျပ်စောင်းအိုကြီး၏ စောင်းကြိုးပြတ်တောက်ရာမှဖြစ်ပေါ်လာသော ကနဦးကောင်းကင် အဋ္ဌဂံသင်္ကေတကားချပ်က တာအိုအဓိပတိတစ်ပါး၏ဆင်းသက်မှုကို တစ်ကြိမ်လျှင် တစ်ပါးနှုန်းသာ တားဆီးနိုင်စွမ်းရှိသည်။</p> <p>ယခု ကျောက်စိမ်းတံခါး ၊ ရှေးဟောင်းခေါင်းလောင်းနှင့် အဖြူရောင်ကြာပန်းတို့ တပြိုင်တည်း ထွက်ပေါ်လာပေပြီ။</p> <p>နတ်ဘုရားသုတ်သင်အစီအရင်၏ပြင်ပတွင် အစိမ်းရောင်ကြာပန်းသည်လည်း ရှိနေသေးပြီး ကနဦးကောင်းကင် အဋ္ဌဂံသင်္ကေတကားချပ်က တဖြည်းဖြည်း မှေးမှိန်ပျောက်ကွယ်နေပြီဖြစ်သည်။</p> <p>နတ်ဘုရားသုတ်သင်အစီအရင်၏ သက်ရှိမှန်သမျှကိုသုတ်သင်ပြီး တာအိုတရားကိုပင် ဖြတ်တောက်ပစ်နိုင်သော ကြောက်မက်ဖွယ်ရာ ဓားချီများက အစိမ်းရောင်ကြာပန်း ၊ အဖြူရောင်ကြာပန်း ၊ ကျောက်စိမ်းတံခါးနှင့် ရှေးဟောင်းခေါင်းလောင်းတို့အပေါ် မည်သည့်ခြိမ်းခြောက်မှုမှ မပြုနိုင်ခဲ့ပေ။</p> <p>နတ်ဘုရားသုတ်သင်အစီအရင်က တာအိုအဆင့် တန်ခိုးစွမ်းအားရှင်များကို အန္တရယ်မပေးနိုင်ပေ။ ထိုအဓိပတိကြီးများအနေဖြင့် အစီအရင်ထဲသို့ မိမိအလိုရှိသည့်အတိုင်းပင် ဝင်ထွက်သွားလာနိုင်သေးသည်။</p> <p>သို့သော် တာအိုအဓိပတိ(၄)ပါး စုပေါင်းတိုက်ခိုက်ခြင်းမရှိဘဲ နတ်ဘုရားသုတ်သင်အစီအရင်ကို မည်သူမှ ဖျက်ဆီးနိုင်မည် မဟုတ်ပေ။</p> <p>ယခု မဟာလွတ်မြောက်ခြင်းကောင်းကင်နတ်ဆိုးက ငရဲကိုးထပ်သို့ပြန်သွားပြီဖြစ်သော်လည်း ဤနေရာသို့ အတိအကျပင် တာအိုအဓိပတိ(၄)ပါး ဆင်းသက်လာခဲ့သည်။</p> <p>အကယ်၍ အစီအရင်သာ ပျက်ဆီးသွားပါက လမ်းမှန်တာအိုဝါဒအနေဖြင့် နတ်ဘုရားသုတ်သင်ဓား(၄)လက်ကို ရရှိရန် ပြန်လည်တိုက်ပွဲဝင်ရပေဦးမည်။</p> <p>တာအိုအဓိပတိများအနေဖြင့် တစ်ယောက်လျှင် ဓားတစ်လက်စီရရှိသွားရန် အခွင့်အရေးရသွားပြီး မည်သူမှ ပြီးပြည့်စုံသည့် နတ်ဘုရားသုတ်သင်အစီအရင်ကို ထုတ်ဖော်နိုင်ကြမည် မဟုတ်ပေ။</p> <p>သို့သော် တာအိုဝါဒကျင့်ကြံသူများကတော့ လက်ဗလာဖြင့်သာ ဒုက္ခတောထဲ ကျန်ရစ်ခဲ့ပေမည်။</p> <p>တာအိုသခင်’လုယာ’ က ဖြည်းညင်းစွာခေါင်းခါယမ်းရင်း...</p> <p>“နောက်ဆုံးတော့လည်း... ဒီလိုအခြေအနေမျိုး ရောက်လာခဲ့ရတာပဲ”</p> <p>ထို့နောက် သူက ရန်ကျောက်ကဲ ၊ ယန်ကျန်းနှင့် အခြားသူများကို လှမ်းကြည့်ပြီး သက်ပြင်းတစ်ချက်ချလိုက်သည်။</p> <p>“ဖုရှီဗျပ်စောင်းမှာ စောင်းကြိုး(၄)ချောင်းပဲကျန်လို့ တော်သေးတယ် ၊ မဟုတ်ရင် မင်းတို့ အောင်မြင်သွားနိုင်တယ်”</p> <p>နတ်ဘုရားသုတ်သင်အစီအရင်၏ နယ်မြေချဲ့တွင်မှု ရပ်တန့်သွားပြီ ဖြစ်သည်။</p> <p>ရန်ကျောက်ကဲက အစီအရင်ထဲမှပင် တာအိုသခင်’လုယာ’ ကို လက်နှစ်ဖက်ဆုပ် ဂါရဝပြုလိုက်ရင်း...</p> <p>“တကယ်လို့ စောင်းကြိုးတွေ ဒီထက်ပိုများနေခဲ့ရင်လည်း ခင်ဗျားက ဒီလို အလဲအလှယ်လုပ်လိမ့်မယ်လို့ ကျွန်တော် မထင်ဘူး”</p> <p>ထိုစကားကြားတော့ တာအိုသခင်’လုယာ’ မထိန်းနိုင်ဘဲ အော်ဟစ်ရယ်မောလိုက်သည်။</p> <p>သို့သော် ရန်ကျောက်ကဲက ပြုံးလိုက်ရင်း...</p> <p>“ဒါပေမဲ့ ကျွန်တော်တို့ဘက်ကလည်း ပြင်ဆင်ထားတာတွေ ရှိပါတယ် ၊ ကျွန်တော်တို့ရဲ့ အားကိုးရာက ဒီစောင်းကြိုးတွေပဲရှိတာ မဟုတ်ပါဘူး”</p> <p>“ဟမ်...”</p> <p>တာအိုသခင်’လုယာ’ ရင်ထိတ်သွားသည်။</p> <p>သူ တစ်စုံတစ်ခုကို အာရုံခံမိလိုက်မိပြီး မငြိမ်းသောမီးအိမ်ရှေးဟောင်းတာအိုဗုဒ္ဓ ၊ တိမ်မြူမိုင်တစ်သောင်းမဟာဂဠုန်တို့နှင့်အတူ အဝေးတစ်နေရာ မိုးကုတ်စက်ဝိုင်းဆီသို့ လှမ်းကြည့်လိုက်မိ၏။</p> <p>ဗလာနယ်ထဲတွင် အနက်ရောင်အလံရှည်တစ်လက်ကိုင်ဆောင်ထားသော မိန်းမပျိုတစ်ယောက် ထွက်ပေါ်လာသည်။</p> <p>မိန်းမပျိုက အလွန်ပင်ကျက်သရေရှိလှပြီး လောကီရေးရာအညစ်အကြေးများနှင့် ကင်းစင်နေသည့် သူတော်စင်တစ်ပါးပမာ ဖြစ်သည်။</p> <p>နေရာတွင်ရှိနေသူတိုင်းက ဤလောကတွင် ကာလရှည်ကြာ ရှင်သန်လာခဲ့သော ထိပ်တန်းအဆင့် တန်ခိုးစွမ်းအားရှင်များဖြစ်လေရာ ထိုမိန်းမပျို မည်သူမည်ဝါဖြစ်ကြောင်း ချက်ချင်းသိလိုက်ကြ၏။</p> <p>သူမက အတိတ်တစ်ချိန်က စန့်ချင်အဆက်အနွယ်မှ ထိပ်တန်းအဆင့် တန်ခိုးစွမ်းအားရှင်တစ်ယောက်ဖြစ်သော နတ်မိမယ်ကျွန်းမှ စန်းရှောင်းဧကရီ(၃)ပါးတွင် ခေါင်းဆောင်ဖြစ်သည့် ယွင်ရှောင်းနတ်သမီးပင် ဖြစ်လေသည်။</p> <p>ရှေးခေတ် နတ်ဘုရားများအပ်နှင်းခြင်းကာလ၏ စစ်ပွဲကာလတွင် နတ်မိစမယ်ကျွန်းမှ နတ်သမီးများက မူလရွှေဖလားကို ကိုင်ဆောင်ကာ မြစ်ဝါကိုးကွေ့အစီအရင်ကို ခင်းကျင်းခဲ့ဖူးသည်။</p> <p>ထိုစဉ်အချိန်က ဧကရီ(၃)ပါးမှာ တာအိုသခင်’လုယာ’ ကို ဖိနှိပ်နိုင်ခဲ့ရုံသာမက ယွိချင်အဆက်အနွယ်တစ်ခုလုံးကိုပါ လွှမ်းမိုးထားနိုင်ခဲ့ကြသည်။</p> <p>ထိုစဉ်အချိန်က တိုက်ပွဲအတွင်း သူတို့၏စွမ်းဆောင်ရည်က စန့်ချင်အဆက်အနွယ်များထဲတွင် အတောက်ပဆုံးဟုဆိုနိုင်သည်။</p> <p>သူတို့၏တန်ခိုးစွမ်းအားက ခုန်ရွှမ်းနှင့်ပင် ရင်ပေါင်တန်းနိုင်၏။</p> <p>သို့သော် အဆုံးသတ်မှာတော့ သူတို့သည်လည်း ယွမ်စီထျန်းကျွင်းနှင့် တောက်တယ်ထျန်းကျွင်းတို့၏လက်ချက်ဖြင့် တိုက်ပွဲရှုံးနိမ့်ခဲ့ရသည်။</p> <p>ပိရှာင်းနှင့် ချုန်းရှောင်းတို့က နတ်ဘုရားများအဖြစ် အတင်းအကျပ် အပ်နှင်းခံရပြီး နောက်ပိုင်း မိုးကောင်းကင်ခုံရုံး ၊ ကောင်းကင်ဘုံနန်းတော်သို့ ဝင်ရောက်ခဲ့ကြရသည်။</p> <p>တောက်တယ်ထျန်းကျွင်းက ယွင်ရှောင်းနတ်သမီးကိုဖမ်းဆီးကာ ချီလင်ကမ်းပါးအောက်တွင် ချုပ်နှောင်ထားခဲ့သည်။</p> <p>သူမ၏ညီမများက တောင်းပန်သောကြောင့် နောက်ပိုင်း တစ်နှစ်လျှင် (၆)လ ချီလင်ကမ်းပါးတွင်နေထိုင်စေပြီး ကျန်(၆)လတွင်တော့ ညီအစ်မများနှင့်အတူ ကောင်းကင်ဘုံနန်းတော်တွင် နေထိုင်ခွင့်ပြုခဲ့သည်။</p> <p>ထိုအကြောင်းများကြောင့် သူတို့နတ်မိမယ်(၃)ဖော်၏ မြစ်ဝါကိုးကွေ့အစီအရင်က ကောင်းကင်ဘုံနန်းတော် စာကြည့်တိုက်ထဲသို့ ရောက်ရှိသွားခြင်း ဖြစ်၏။</p> <p>ရန်ကျောက်ကဲနှင့် အတိုင်းအဆမဲ့ကောင်းကင်ဘုံအရှင်တို့ မြစ်ဝါကိုးကွေ့အစီအရင်ကို ခင်းကျင်းနိုင်ခဲ့ခြင်းမှာလည်း ဤအချက်ကြောင့်ပင် ဖြစ်သည်။</p> <p>မဟာကပ်ဘေးကြီးပြီးဆုံးသည့်နောက် ကောင်းကင်ဘုံနန်းတော်နှင့် ခွန်လွန်တောင်တို့ ပျက်ဆီးသွားခဲ့ပြီး ယွင်ရှောင်းနတ်သမီးနှင့်ပတ်သက်သော အချက်အလက်များလည်း လုံးဝ ပျောက်ကွယ်သွားခဲ့သည်။</p> <p>ယခုတော့ သူမက ဤလောကအလယ် ပြန်လည်ထွက်ပေါ်လာခဲ့ပေပြီ။</p> <p>သို့သော် မငြိမ်းသောမီးအိမ်ရှေးဟောင်းတာအိုဗုဒ္ဓ ၊ တာအိုသခင်'လုယာ'နှင့် အခြားသူများမှာ ယွင်ရှောင်နတ်သမီးထက် သူမနှင့်အတူယူဆောင်လာသည့် အလံရှည်ကိုသာ စိုးရိမ်နေကြသည်။</p> <p>မဟာကပ်ဘေးကြီးကာလအတွင်းမှာပင် မူလရွှေဖလားက ပျက်ဆီးသွားခဲ့ပေပြီ။ ထိုပစ္စည်းရှိနေလျှင်ပင် တာအိုအဓိပတိတစ်ပါးကို ဟန့်တားနိုင်မည် မဟုတ်ပေ။</p> <p>သို့သော် ယွင်ရှောင်းနတ်သမီးလက်ထဲမှ အနက်ရောင်အလံရှည်ကတော့ အလွန်ထူးခြားသည်။</p> <p>ထိုအလံရှည်၏ အမြိတ်(၆)ခုက လွင့်ပျံနေပြီး မြင်ရသူတိုင်း၏ရင်ကို ထိတ်လန့်ခြောက်ခြားသွားစေသည်။</p> <p>မဟာဉာဏ်အလင်းဗောဓိသတ္တ ၊ ခေါင်းကိုးလုံးပိုးကောင် ၊ တိမ်မြူမိုင်တစ်သောင်းမဟာဂဠုန်နှင့် မငြိမ်းသောမီးအိမ်ရှေးဟောင်းတာအိုဗုဒ္ဓတို့သည်ပင် ထိုအလံရှည်ကိုမြင်သည်နှင့် မျက်နှာပျက်သွားကြသည်။</p> <p>"ဝိညာဉ်ခြောက်ဖြာအလံရှည်...”</p> <p>မဟာယာနတာအိုဗုဒ္ဓဘာသာကိုယ်တော်များနှင့် နတ်မိစ္ဆာများ တပြိုင်တည်း ရေရွတ်လိုက်ကြသည်။</p> <p>နတ်ဘုရားသုတ်သင်အစီအရင်ထဲတွင်ရှိနေသည့် ရန်ကျောက်ကဲက အေးဆေးစွာပင် ပြုံးလိုက်ပြီး...</p> <p>“အမှန်ပဲ... ကျုပ် ညာပြောခဲ့တာ မဟုတ်ဘူး ၊ ဒီပစ္စည်းက တကယ်ပဲ ကျုပ်တို့လက်ထဲမှာ ရှိနေတာပါ”</p> <p> </p>


Save