Book List

<h2 style="text-align: center;">အခန်း (၁၆၁၁)</h2> <h2 style="text-align: center;">အနိုင်ရသူနှင့် ရှုံးနိမ့်သူ</h2> <h2 style="text-align: center;">*</h2> <p> </p> <p> </p> <p> </p> <p> </p> <p>အမုန်းတရားမဲ့ကောင်းကင်ဘုံ။</p> <p>သိုးလွိနန်းတော်။</p> <p>ဤနေရာသို့ တစ်ခေါက်မှ မရောက်ဖူးကြသော်လည်း နတ်ဒေဝါတို့၏ ခမ်းနားထည်ဝါသော အငွေ့အသက်ကို အာရုံခံမိသည်နှင့် “သိုးလွိနန်းတော်” ဖြစ်ကြောင်း လူတိုင်းသိလိုက်ကြသည်။</p> <p>သိုးလွိနန်းတော်နှင့်အတူ လူတစ်ယောက်၏အမည်သည်လည်း သူတို့စိတ်ထဲ ပဲ့တင်ထပ် ထွက်ပေါ်လာသည်။</p> <p>ထိုက်စန့်လောင်ကျွင်း...။</p> <p>‌ကျောက်စိမ်းတံခါးနှင့် အဖြူရောင်ကြာပန်းတို့က နတ်ဘုရားသုတ်သင်အစီအရင်ထဲမှ ချင်းဖိန်ဓားကို လုယူနိုင်ခြင်း မရှိခဲ့ကြပေ။</p> <p>ထို့ပြင် နတ်ဘုရားသုတ်သင်အစီအရင် ထွက်ခွာသွားသည်ကိုလည်း သူတို့ မတားဆီးနိုင်ခဲ့ကြပေ။</p> <p>အစီအရင်က အမုန်းတရားမဲ့ကောင်းကင်ဘုံသို့ ရောက်ရှိသွားချိန်မှာတော့ သူတို့က ရန်ကျောက်ကဲတို့နောက်သို့ လိုက်ပါသွားခြင်းမရှိခဲ့ကြပေ။</p> <p>ကျောက်စိမ်းတံခါးနှင့် အဖြူရောင်ကြာပန်းတို့က အမုန်းတရားမဲ့ကောင်းကင်ဘုံအပြင်ဘက်တွင်သာ ဝဲပျံနေခဲ့ကြသည်။</p> <p>နတ်ဘုရားသုတ်သင်အစီအရင် တဖြည်းဖြည်းပြိုကွဲသွားပြီး ရွှေရောင်မြူခိုးတိမ်တိုက်များအဖြစ် လွင့်ပြယ်သွားသည်ကို သူတို့ စောင့်ကြည့်နေခဲ့ကြသည်။</p> <p>အစီအရင်ပျက်ပြယ်သွားသည်နှင့် နတ်ဘုရားသုတ်သင်ဓား(၄)လက်က အောက်ဘက်သို့ကျဆင်းသွားပြီး သဲလွန်စမကျန် ပျောက်ကွယ်သွားသည်။</p> <p>ရိုးရှင်းသည့်အသွင်ရှိသော သိုးလွိနန်းတော်တံခါးမကြီး ပွင့်ဟလာသည်။</p> <p>ရွှမ်တုကိုယ်တော်၏ ဦးဆောင်မှုဖြင့် ရန်ကျောက်ကဲတို့အားလုံး နန်းတော်ထဲသို့ အတူတကွ ဝင်ရောက်သွားကြသည်။</p> <p>ယခု အတိုင်းအဆမဲ့ကောင်းကင်ဘုံအရှင်နှင့် ဘုရားလောင်းတို့က လူတစ်ယောက်ကိုသာ အာရုံစိုက်နေခဲ့ကြသည်။</p> <p>သိုးလွိနန်းတော်ထဲတွင် တာအိုဝတ်စုံဝတ်ဆင်ထားသည့် အဘိုးအိုတစ်ယောက်က ကြီးမားသော ဆေးပြင်းဖိုကြီးနံဘေးတွင် မှေးစက်လျှက်ရှိသည်။</p> <p>ပြင်ပလောကတွင် မည်သည့်အရာများဖြစ်ပျက်နေပါစေ သူ့အတွက်တော့ အရေးမပါသည့်အလားပင်။</p> <p>နတ်ဘုရားသုတ်သင်အစီအရင်က အမုန်းတရားမဲ့ကောင်းကင်ဘုံသို့ ဝင်ရောက်သွားကြောင်း တွေ့မြင်သည်နှင့် ရှေးဟောင်းခေါင်းလောင်းကြီးနှင့် အစိမ်းရောင်ကြာပန်းတို့က လမ်းကြောင်းပြောင်းလိုက်ပြီး မိမိတို့နယ်မြေများသို့ ပြန်လည်ထွက်ခွာသွားသည်။</p> <p>အဖြူရောင်ကြာပန်းသည်လည်း ကျောက်စိမ်းတံခါးနှင့် ဆက်လက်မတိုက်ခိုက်တော့ဘဲ အဖြူရောင်ကြာပန်းသုခဘုံသို့ ထွက်ခွာသွားသည်။</p> <p>ခဏမျှတိတ်ဆိတ်သွားပြီးနောက် ကျောက်စိမ်းတံခါးကလည်း "လူသားအမြုတေကျောက်တုံးအပိုင်းအစ" အတွက် အဖြူရောင်ကြာပန်းနှင့် ဆက်လက်တိုက်ခိုက်ခြင်းမပြုရန် ဆုံးဖြတ်လိုက်သည်။</p> <p>ကျောက်စိမ်းတံခါးကြီးသည်လည်း အမတခုံရုံးသို့ ပြန်လည်ဆုတ်ခွာသွားလေသည်။</p> <p>ထိုသို့ဖြင့် နောက်ဆုံးမှာတော့ တုန်လှုပ်ခြောက်ခြားဖွယ် တိုက်ပွဲကြီး အဆုံးသတ်သွားခဲ့သည်။</p> <p>ဗလာနယ် အစွန်အဖျားမှာတော့ တာအိုသခင် 'လုယာ'၊ မငြိမ်းသောမီးအိမ်ရှေးဟောင်းတာအိုဗုဒ္ဓ ၊ တိမ်မြူမိုင်တစ်သောင်းမဟာဂဠုန်နှင့် ကျန်ရှိသူအားလုံး ရင်ထဲလေးလံစွာ ခံစားနေကြရသည်။</p> <p>ယနေ့တိုက်ပွဲ၏ ရိုက်ခတ်မှုက အနာဂတ်အချိန်တစ်ခုအထိ အရေးပါသော လွှမ်းမိုးမှုများ ရှိနေပေလိမ့်မည်။</p> <p>အနောက်ဘက်သူတော်စင်ဘုံနှင့် နတ်မိစ္ဆာမျိုးနွယ်တို့အတွက်တော့ တိုက်ပွဲရလဒ်က မျှော်လင့်ထားသလို ဖြစ်မလာခဲ့ပေ။  အဖြူရောင်ကြာပန်းသုခဘုံနှင့် အမတခုံရုံးဆိုလျှင်တော့ ပို၍ပင် အခြေအနေဆိုးရွားသေးသည်။</p> <p>“ငါတို့အားလုံး ဝိုင်းတိုက်တာတောင် သူတို့က လွတ်သွားကြတယ်”</p> <p>တိမ်မြူမိုင်တစ်သောင်းမဟာဂဠုန်က အံတင်းတင်းကြိတ်ရင်း မကျေမနပ်ဖြင့် ရေရွတ်လိုက်သည်။</p> <p>"ဝိညာဉ်ခြောက်ဖြာအလံရှည်... အဲ့ဒီ ဝိညာဉ်ခြောက်ဖြာအလံရှည်ကြောင့်ပဲ..."</p> <p>ရွှေအတောင်မဟာဂဠုန်မှာ ရန်သူများကိုဒေါသထွက်နေသည့်တိုင် ဘာမှမတတ်နိုင်တော့ပေ။</p> <p>ဤကိစ္စတွင် လောင်ကျွင်း ပါဝင်ခြင်း ရှိ မရှိ ဆိုသည်က တစ်ပိုင်းဖြစ်သော်လည်း သူတို့အနေဖြင့် အမုန်းတရားမဲ့ကောင်းကင်ဘုံကိုတော့ သွားရောက်တိုက်ခိုက်ဝံ့ခြင်း မရှိကြပေ။</p> <p>လောင်ကျွင်း၏ တန်ခိုးစွမ်းအားကြီးမားမှုကို ဘေးဖယ်ထားလျှင်တောင်မှ အခြားသော တာအိုအဓိပတိများ စုပေါင်းတိုက်ခိုက်သဖြင့် လောကကိုကျော်လွန်သွားပြီဖြစ်သော လမ်းမှန်တာအိုဝါဒ၏ စန်းချင်း (၃) ပါး ဆရာဘိုးဘိုးများ ပြန်လည်နိုးထလာစေရန် လှုံ့ဆော်သလို ဖြစ်သွားနိုင်သည်။</p> <p>ထို့ပြင် ဝိညာဉ်ခြောက်ဖြာအလံရှည်ကို နားရွက်ရှည်တင်ကွမ်းနတ်ဘုရားနှင့် ယွင်ရှောင်းနတ်သမီးကဲ့သို့ ကောင်းကင်နတ်ဘုရားများအသုံးပြုခြင်းနှင့် တာအိုအဆင့် တန်ခိုးစွမ်းအားရှင်များအသုံးပြုခြင်းက လုံးဝကွဲပြားသည့် ရလဒ်များကို ဖြစ်ပေါ်စေနိုင်သည်။</p> <p>တာအိုအဓိပတိများအကြားတွင်လည်း စည်းလုံးညီညွတ်မှု မရှိကြပေ။</p> <p>ဆန့်ကျင်ဘက်အနေဖြင့် တစ်ဦးနှင့်တစ်ဦး ရန်လိုမုန်းတီးမှုများသည်ပင် ပြည့်နှက်နေကြသည်။</p> <p>တိုက်ပွဲဖြစ်ပွားပြီး တစ်ဖက်က အထိနာသွားပါက အခြားအင်အားစုများဝင်ရောက်လာပြီး ကြားထဲမှအမြတ်ထုတ်သွားပေမည်။</p> <p>သို့ဖြစ်ရာ နတ်ဘုရားသုတ်သင်အစီအရင်ကို ရယူနိုင်ခြင်းမရှိမှတော့ အမုန်းတရားမဲ့ကောင်းကင်ဘုံအထိ လိုက်လံတိုက်ခိုက်ရန် မည်သူမှ မစဉ်းစားကြပေ။</p> <p>ထို့ပြင် ဝိညာဉ်ခြောက်ဖြာအလံရှည် ပေါ်ပေါက်လာခြင်းနှင့် ၎င်းပေါ်တွင် ရေးထိုးထားသော အမည်သုံးခုကြောင့် သံသယများစွာလည်း ရှိနေခဲ့ကြသည်။</p> <p>တာအိုသခင် 'လုယာ' က ခေါင်းခါယမ်းလျှက် သက်ပြင်းချရင်း...</p> <p>"နောက်ဆုံးတော့ ငါတို့ ကြိုးစားသမျှ အလကားဖြစ်သွားတာပဲ ၊ လမ်းမှန်တာအိုဝါဒ ပြန်လည်ဦးမော့လာဖို့က ရှောင်လွှဲလို့မရတဲ့ ကိစ္စဖြစ်သွားပြီ... ၊ ငါတို့ရဲ့ ကံကြမ္မာက ကျောက်စာပေါ်မှာ ရေးထားသလို အစောကြီးကတည်းက သတ်မှတ်ပြီးသားထင်ပါရဲ့..."</p> <p>သူ့စကားသံတွင် ဒေါသအရိပ်အယောင်များ မတွေ့မြင်ရပေ။</p> <p>သူ့အတွက်တော့ နတ်ဘုရားသုတ်သင်အစီအရင်က မြစ်ဝါကိုးကွေ့အစီအရင်ကို ချေမှုန်းလိုက်ပြီး တာအိုဝါဒ ကျင့်ကြံသူများက စစ်မြေပြင်တစ်ခုလုံးကို လွှမ်းမိုးသွားကတည်းက ဤတိုက်ပွဲ၏ အနိုင်အရှုံးကို သိရှိပြီးသား ဖြစ်သည်။</p> <p>ဤတိုက်ပွဲတွင် ရန်သူမှန်သမျှကို ချေမှုန်းနိုင်စွမ်းရှိသည့် မဟာမာရူယိမှလွဲပြီး အခြားသော နတ်မိစ္ဆာမျိုးနွယ်များနှင့် လမ်းမှန်မဟာယာနတာအိုဗုဒ္ဓဘာသာ ကျင့်ကြံသူများက တစ်ဖက်နှင့်တစ်ဖက် ထိပ်တိုက်ရင်ဆိုင်ခြင်း မပြုလုပ်ခဲ့ကြပေ။</p> <p>နတ်ဘုရားသုတ်သင်အစီအရင်ကို အရယူနိုင်ရန်အတွက် နှစ်ဖက်စလုံးက တာအိုဝါဒကျင့်ကြံသူများ၏ခံစစ်ကို ထိုးဖောက်ထွက်ရန်သာ အစွမ်းကုန်ကြိုးစားခဲ့ကြပြီး မိမိတို့၏ မဟာမိတ်များကို နောက်ကွယ်မှ နှောက်ယှက်ခြင်းမျိုး မရှိခဲ့ကြပေ။</p> <p>သို့သော် လမ်းမှန်တာအိုဝါဒက ထိုအင်အားကြီးအုပ်စုနှစ်ခုလုံး၏ထိုးစစ်ကို ခံနိုင်ရည်ရှိစွာ တောင့်ခံခဲ့ကြသည်။</p> <p>နတ်ဘုရားအဆုံးသတ်ဓားကို အောင်မြင်စွာသန့်စင်နိုင်သည်အထိ အချိန်ဆွဲနိုင်ခဲ့ပြီး နတ်ဘုရားသုတ်သင်အစီအရင်ကို အပြီးသတ် တည်ဆောက်နိုင်ခဲ့ကြ၏။</p> <p>အကယ်၍ အချိန်သာ အနည်းငယ် ထပ်ကြာသွားခဲ့လျှင် အနိုင်အရှုံးရလဒ်က မရေမရာ ဖြစ်နေဦးမည်သာပင်။</p> <p>အဘယ်ကြောင့်ဆိုသော် ရန်ကျောက်ကဲတို့အုပ်စု ပေါင်းစပ်ဖန်တီးထားသည့် "ချီထျန်းမဟာသူတော်စင်" ၏ စွမ်းအားမှာ အချိန်အကန့်အသတ် ရှိနေသောကြောင့်ပင်။</p> <p>ထိုအချိန်အပိုင်းအခြား ကုန်ဆုံးသွားသည်နှင့် တိုက်ပွဲအခြေအနေက ပြောင်းလဲသွားနိုင်သည်။</p> <p>သို့သော် ယခုတော့ “အကယ်၍” ဆိုသည့်စကားကို အသုံးပြု၍ မရနိုင်တော့ပေ။</p> <p>အဆုံးသတ်တွင် လမ်းမှန်တာအိုဝါဒကသာ ပိုင်ပိုင်နိုင်နိုင် အောင်ပပွဲခံသွားခဲ့ပြီး အခြားအင်အားစုများကတော့ တစ်ပူပေါ်နှစ်ပူဆင့်လျှက် ဆုံးရှုံးမှုများသာ ခံစားခဲ့ကြရသည်။</p> <p>တာအိုသခင်’လုယာ’ ဆိုလျှင် ဒဏ်ရာအပြင်းအထန်ရရှိသည့်အပြင် သူ၏ နတ်ဘုရားသတ်ဖြတ်ဓားပျံကိုပါ ဆုံးရှုံးလိုက်ရသည်။</p> <p>သူ၏ဘူးသီးခြောက်မှာလည်း ကျောက်စိမ်းကျိုင်းတံဖြင့် ချိတ်ပိတ်ခံလိုက်ရပြီး ကြယ်စင်မြစ်ထဲနစ်မြုပ်သွားကာ နတ်ဘုရားသုတ်သင်အစီအရင်ထဲတွင် အစအနပင်မကျန် ပျောက်ကွယ်သွားရသည်။</p> <p>ရှေးဟောင်းဗျပ်စောင်းတစ်လက်ဖြစ်သော ‘ဖုရှီဗျပ်စောင်း’ မှာ တာအိုသခင်’လုယာ’ က တာအိုအဓိပတိများ၏အန္တရယ်မှကာကွယ်ရန် သိမ်းဆည်းထားသည့် ဝှက်ဖဲတစ်ခုဖြစ်သည်။</p> <p>ထိုပစ္စည်းကို လမ်းမှန်တာအိုဝါဒဘက်နှင့် အလဲအလှယ်ပြုလုပ်ခဲ့သဖြင့် အခြားသောအကျိုးအမြတ်အချို့ ရရှိခဲ့သည်။</p> <p>လမ်းမှန်တာအိုဝါဒက အတိုင်းအဆမဲ့ကောင်းကင်ဘုံအရှင်နှင့် အော်မီတော်ဖော်တာအိုဗုဒ္ဓတို့ကို ဟန့်တားရာတွင် ထိုဗျပ်စောင်းကို အသုံးပြုခြင်းမှာလည်း သူ၏ အစီအစဉ်အတိုင်းပင် ဖြစ်ခဲ့၏။</p> <p>သို့သော် အဆုံးသတ်မှာတော့ ကံဆိုးစွာဖြင့် သူ ကြံစည်ထားသည့်အတိုင်း ဖြစ်မလာခဲ့ပေ။</p> <p>ထို့ပြင် ခေတ်တစ်ခေတ်တွင် တစ်ကြိမ်သာအသုံးပြုနိုင်သော မြားခုနစ်စင်းကျိန်စာမှာလည်း အလကားဖြစ်သွားခဲ့သည်။</p> <p>ဤတိုက်ပွဲတွင် တာအိုသခင်’လုယာ’ ၏ ဆုံးရှုံးမှု မည်မျှကြီးမားလိုက်ပါသနည်း။</p> <p>ထို့မျှမကသေးဘဲ အဝါရောင်လေမုန်တိုင်းနတ်မိစ္ဆာနှင့် တိမ်မြူမှောင်မိုက်နတ်ဘုရား တို့မှာလည်း တိုက်ပွဲတွင် ကျဆုံးသွားခဲ့ကြရပြီး ကျန်ရှိသူများမှာလည်း မသေရုံတမယ် ဒဏ်ရာများရရှိထားကြသည်။</p> <p>တာအိုသခင်’လုယာ’ က သက်ပြင်းချရင်း...</p> <p>“နောက်ထပ် ဘာတွေဆက်ဖြစ်မလဲ စောင့်ကြည့်ကြတာပေါ့ ၊ ကံမကောင်းတာက နောက်ထပ် ကစားသမားတစ်ယောက် စစ်တုရင်ခုံပေါ်ကို ရောက်လာတာပဲ”</p> <p>ထို့နောက် သူက တိမ်မြူမိုင်တစ်သောင်းမဟာဂဠုန်နှင့် အခြားသော မဟာနတ်မိစ္ဆာများကို ခေါ်ဆောင်ကာ ထွက်ခွာသွားလေသည်။</p> <p>မဟာယာနတာအိုဗုဒ္ဓဘာသာကိုယ်တော်များကလည်း ဆက်လက်တိုက်ခိုက်ရန် ဆန္ဒမရှိကြတော့ပေ။</p> <p>ယနေ့ဖြစ်ရပ် ရိုက်ခတ်မှုက အနာဂတ်အတွက် များစွာသောအပြောင်းအလဲများ ဖြစ်ပေါ်စေနိုင်သည်။</p> <p>ထို့ကြောင့် သူတို့အနေဖြင့် မိမိတို့၏ အစီအစဉ်များကို အမြန်ဆုံး ပြန်လည်စိစစ်ပြီး မဟာဗျူဟာများကို ပြန်လည်ပြင်ဆင်ရန် လိုအပ်သည်။</p> <p>မငြိမ်းသောမီးအိမ်ရှေးဟောင်းတာအိုဗုဒ္ဓက မဟာမာရူယိအား လက်အုပ်ချီလျှက် ဦးညွှတ်လိုက်ပြီး...</p> <p>"ကိုယ်တော်တို့ဘက်က ကူညီပေးတာ ကျေးဇူးတင်ပါတယ်"</p> <p>သူက ဆက်ပြောလိုက်သည်။</p> <p>“ကံမကောင်းတာက နတ်ဘုရားသုတ်သင်အစီအရင်က မြန်ဆန်လွန်းသွာတာပဲ ၊ အဲဒီလိုသာမဟုတ်ရင် ကိုယ်တော်တို့ဘက်က သေချာပေါက် အောင်ပွဲခံနိုင်မှာပါ”</p> <p>မဟာမာရူယိက...</p> <p>“ချီထျန်းမဟာသူတော်စင်က တကယ့်ကို နာမည်ဂုဏ်သတင်းနဲ့ ထိုက်တန်ပါတယ်”</p> <p>သူက ဆက်ပြောလိုက်သည်။</p> <p>“တကယ်လို့ သူ့မှာ ဖျက်ဆီးလို့မရတဲ့ နတ်မိစ္ဆာရုပ်ခန္ဓာသာ မရှိဘူးဆိုရင်... သူနဲ့ငါရဲ့ တိုက်ပွဲက သရေကျသွားနိုင်တယ်”</p> <p>ထို့နောက် မဟာမာရူယိက ခေါင်းတစ်ချက်ခါယမ်းလိုက်ပြီး တာအိုဗုဒ္ဓရောင်ခြည်အလင်းတန်းအဖြစ်ပြောင်းလဲကာ နေရာမှ ထွက်ခွာသွားလေသည်။</p> <p>မငြိမ်းသောမီးအိမ်ရှေးဟောင်းတာအိုဗုဒ္ဓမှာမူ တိုက်တိုင်းအောင်တာအိုဗုဒ္ဓကို တိတ်ဆိတ်စွာလှမ်းကြည့်လိုက်ပြီး မည်သည့်စကားမှ မဆိုခဲ့ပေ။</p> <p>ကြာပန်းစိမ်းရတနာအလံ၏ ကာကွယ်ပေးမှုအောက်တွင်ရှိနေသည့်တိုင် အနောက်ဘက်သူတော်စင်ဘုံသည်လည်း အတော်လေး အထိနာခဲ့သည်။</p> <p>ဂုဏ်ရောင်ထည်ဝါတာအိုဗုဒ္ဓ နှင့် စန္ဒကူးတာအိုဗုဒ္ဓ နှစ်ပါးစလုံးကို ဆုံးရှုံးလိုက်ရသည် မဟုတ်ပါလား။</p> <p>မငြိမ်းသောမီးအိမ်ရှေးဟောင်းတာအိုဗုဒ္ဓသည်လည်း ပင်လယ်ငြိမ်သက်ပုလဲ (၆)လုံးကို ဆုံးရှုံးခဲ့ရသည်။ ယနေ့မှစပြီး သူ၏ ကောင်ကင်ဘုံ(၂၄)ထပ်က ဘယ်တော့မှ ပြန်လည်ပြည့်စုံလာတော့မည် မဟုတ်ပေ။</p> <p>ထို့ပြင် သူစဉ်းစားရမည့် အချက်တစ်ချက်ရှိသည်။</p> <p>သူတို့ လမ်းမှန်မဟာယာနတာအိုဗုဒ္ဓဘာသာနှင့်နှိုင်းယှဉ်လျှင် နတ်မိစ္ဆာမျိုးနွယ်များ၏ထိခိုက်မှုက ပိုမိုကြီးမားခဲ့သည်။ သို့သော် အဖြူရောင်ကြာပန်းသုခဘုံကတော့ ဆုံးရှုံးမှုမရှိသလောက်ပင် ဖြစ်၏။</p> <p>ထို့ပြင် ဘုရားလောင်းက အတိုင်းအဆမဲ့ကောင်းကင်ဘုံအရှင်လက်မှ လွတ်မြောက်သွားခဲ့ပြီး လူသားအမြုတေကျောက်တုံးအပိုင်းအစကိုပါ သန့်စင်နိုင်ခဲ့သည်။</p> <p>အနောက်ဘက်သူတော်စင်ဘုံနှင့် မဟာမိတ်ဖွဲ့ထားသည့် အမတခုံရုံးကတော့ သူတို့လက်ထဲပိုင်ဆိုင်ထားသည့် နတ်ဘုရားအဆုံးသတ်ဓားကိုပါ ဆုံးရှုံးသွားပြီး လမ်းမှန်တာအိုဝါဒက နတ်ဘုရားသုတ်သင်ဓား (၄)လက်လုံးကို စုစည်းရရှိသွားသည်။</p> <p>ထို့ပြင် အမတခုံရုံးမှ ကောင်းကင်နတ်ဘုရားအရေအတွက်က အဖြူရောင်ကြာပန်းသုခဘုံထက် နည်းပါးနေသည့်ကြားမှ ယခု ဗုံခရာကောင်းကင်ဘုံအရှင်ပါ ထပ်မံကျဆုံးသွားခဲ့ပြန်သည်။</p> <p>ဤသည်မှာ အနာပေါ် တုတ်ကျသကဲ့သို့ အခြေအနေကို ပိုမိုဆိုးရွားသွားစေသည်။</p> <p>ဤကိစ္စဖြစ်ပြီးနောက် အတိုင်းအဆမဲ့ကောင်းကင်ဘုံအနေဖြင့် အချိန်တိုင်း သတိထားနေရပေတော့မည်.</p> <p>လမ်းမှန်တာအိုဝါဒ၏ လက်ထဲတွင် နတ်ဘုရားသုတ်သင်အစီအရင် ရှိနေသရွေ့ အဖြူရောင်ကြာပန်းသုခဘုံနှင့် အမတခုံရုံးအတွက် ကြီးမားသော ခြိမ်းခြောက်မှုကြီး ဖြစ်နေပေလိမ့်မည်။</p> <p>အထူးသဖြင့် လွန်ခဲ့သော ရာစုနှစ်များစွာကတည်းက လမ်းမှန်တာအိုဝါဒနှင့် အငြိုးအတေးကြီးမားခဲ့‌သော အမတခုံရုံးအတွက် ပို၍ပင်ဆိုးရွားပေသည်။</p> <p>အကယ်၍ အမတခုံရုံးနှင့် အနောက်ဘက်သူတော်စင်ဘုံကို အုပ်စုတစ်ခု၊ အဖြူရောင်ကြာပန်းသုခဘုံနှင့် နတ်မိစ္ဆာမျိုးနွယ်ကို အုပ်စုတစ်ခုဟု သတ်မှတ်မည်ဆိုလျှင် ယနေ့တိုက်ပွဲကြောင့် မည်သည့်ဘက်က ပိုမိုထိခိုက်သည်လဲ တပ်အပ်မပြောနိုင်ပေ။</p> <p>တစ်ခုတည်းသော သေချာသည့်အရာကတော့ “လမ်းမှန်တာအိုဝါဒ” က အကြီးမားဆုံး အောင်နိုင်သူ ဖြစ်သွားခဲ့ခြင်းပင်။</p> <p>မငြိမ်းသောမီးအိမ်ရှေးဟောင်းတာအိုဗုဒ္ဓက မျက်လုံးများကိုမှေးမှိတ်ရင်း သက်ပြင်းတိုးတိတ်ချလိုက်သည်။</p> <p>“ငါတို့တွေ နတ်ဘုရားသုတ်သင်အစီအရင်ကို ရယူဖို့ကြိုးစားခဲ့တယ် ၊ အခု ရှုံးသွားပြီဆိုတော့ အပြောင်းအလဲတွေအများကြီး ဖြစ်ပေါ်လာတော့မှာပဲ”</p> <p> </p>


Save