Book List

<h2 style="text-align:center">အခန်း (၁၆၁၃)</h2> <h2 style="text-align:center">စစ်ပွဲအကျိုးအမြတ်</h2> <h2 style="text-align:center">*</h2> <p> </p> <p> </p> <p> </p> <p> </p> <p>ကမ္ဘာလောက ဖြစ်ပေါ်မလာခင် ကနဦးဟင်းလင်းပြင်ကာလ တိုက်ပွဲများနှင့် ဖန်ဆင်းခြင်းစတင်သည့် ကမ္ဘာဦကာလတိုက်ပွဲများက ယခုခေတ်တိုက်ပွဲများထက် များစွာပိုမိုပြင်းထန် ရက်စက်သည်။</p> <p>ထိုစဉ်က ကနဦးကောင်းကင်မှ ရှေးဦးသက်ရှိများနှင့် ထိပ်တန်းတန်ခိုးစွမ်းအားရှင်များ သေကြေပျက်ဆီးခဲ့ရုံသာမက တာအိုအဓိပတိကြီးများသည်ပင် ကျဆုံးခဲ့ကြရသည်။</p> <p>ထိုသို့ သေမြင်းအရိပ်လွှမ်းမိုးသည့် အချိန်ကာလတစ်လျှောက်လုံး စန်းချင်း(၃)ပါး ဆရာဘိုးဘိုးများ၏ တည်ရှိမှုနှင့် ဂုဏ်သတင်းမှာ အလွန်ပင် ထင်ရှားကျော်ကြားခဲ့၏။</p> <p>ရှေးခေတ်ကာလတွင် မငြိမ်းသောမီးအိမ်ရှေးဟောင်းတာအိုဗုဒ္ဓ၊ တာအိုသခင်'လုယာ' နှင့် အခြားသော ထိပ်တန်းတန်ခိုးစွမ်းအားရှင်များ တစ်ယောက်ပြီးတစ်ယောက် တာအိုဝါဒသို့ ဝင်ရောက်လာကြပြီး လမ်းမှန်တာအိုဝါဒ အထွတ်ထိပ်အဆင့်သို့ ရောက်ရှိခဲ့သည်။</p> <p>နတ်ဘုရားများအပ်နှင်းခြင်းစစ်ပွဲကြောင့် တာအိုဝါဒအတွင်း ပဋိပက္ခများဖြစ်ပွားခဲ့သည့်တိုင် မိုးကောင်းကင်ခုံရုံး ၊ ကောင်းကင်ဘုံနန်းတော်ကို တည်ထောင်နိုင်ခဲ့ပြီး တာအိုဝါဒ၏အရှိန်အဝါက ကောင်းမွန်နေဆဲ ဖြစ်သည်။</p> <p>သို့သော် စန်းချင်း(၃)ပါး ဆရာဘိုးဘိုးများက ရှေးခေတ်ကာလ အဆုံးသတ်တွင် အတူတကွ လောကကိုကျော်လွန်သွားခဲ့သည်။</p> <p>ဆရာဘိုးဘိုးများ လောကကို‌ကျော်လွန်သွားခြင်းက ရှေးခေတ်ကာလနှင့် အလယ်ခေတ်ကြား တာအိုဝါဒ ဆုတ်ယုတ်ကျဆင်းခြင်း၏ အစပြုကာလပင် ဖြစ်သည်။</p> <p>အလယ်ခေတ်အစမှသည် မဟာကပ်ဘေးကြီးအချိန်အထိ တာအိုဝါဒ အထွတ်ထိပ်အခြေအနေမှ တဖြည်းဖြည်းယိုယွင်းလာခဲ့သည်။</p> <p>လက်ရှိအချိန်မှာတော့ တာအိုဝါဒ ပြန်လည်ဦးမော့လာမည်လား ၊ ဆက်လက်ဆုတ်ယုတ်သွားမည်လားဆိုသည်က ရန်ကျောက်ကဲတို့ မျိုးဆက်သစ်များအပေါ်တွင်သာ မူတည်သည်။</p> <p>ယနေ့ နတ်ဘုရားသုတ်သင်အစီအရင်ကို အောင်မြင်စွာ သိမ်းပိုက်နိုင်ခဲ့ခြင်းက တာအိုဝါဒ တိုးတက်ရေးအတွက် လမ်းစဖွင့်လိုက်ခြင်းသာပင်။</p> <p>ရှေ့ဆက်ရမည့်လမ်းတွင် မြင်တွေ့ရသည့်အလင်းရောင်က သေးငယ်သော မီးပွားလေးမျှသာမဟုတ်ဘဲ မီးရှူးတန်ဆောင်ကြီးတစ်ခု ဖြစ်နေပေသည်။</p> <p>သို့ပေသိ ထိုအလင်းရောင်က ဆက်လက်တောက်ပနေမည်လား သို့မဟုတ် ခဏမျှလင်းလက်ပြီး ပြန်လည်ငြိမ်သက်သွားမည်လားဆိုသည်ကတော့ အနာဂတ်တွင်သာ မူတည်ပေမည်။</p> <p>မည်သို့ပင်ဖြစ်စေ ယနေ့တိုက်ပွဲ အနိုင်ရလိုက်ခြင်းက သမိုင်းဝင်သည့် ထူးခြားချက်ပင် ဖြစ်၏။</p> <p>ယွင်ရှောင်းနတ်သမီးက ရွှမ်တုကိုယ်တော်လက်ထဲမှ ကြိုးများအားလုံး ပြတ်တောက်နေသော ဖုရှီဗျပ်စောင်းကို တစ်ချက်လှမ်းကြည့်လိုက်သည်။</p> <p>သူမက...</p> <p>"ဖန်ဆင်းခြင်းကောင်းကင်နတ်ဆိုးနဲ့ ဖုရှီဧကရာဇ်တို့လို အင်အားကြီးတဲ့သူတွေတောင် သေဆုံးခဲ့ရတာဆိုတော့ ငါတို့လည်း ကိုယ့်အောင်မြင်မှုအပေါ်မှာ သိပ်ပြီး မာန်တက်မနေသင့်ဘူး"</p> <p>ထိုစကားကိုကြားတော့ ရန်ကျောက်ကဲ သက်ပြင်းချလိုက်သည်။</p> <p>ယွင်ရှောင်းနတ်သမီးပြောသည့် တာအိုအဓိပတိနှစ်ယောက်လုံး ရှေးခေတ် ကမ္ဘာဦးကာလကတည်းက ကျဆုံးသွားကြခြင်း ဖြစ်သည်။</p> <p>ကနဦးကောင်းကင်ကာလကတည်းက နတ်ဆိုးများက အခြားသောအင်အားစုများ၏ ဆန့်ကျင်ဘက်တွင် ရပ်တည်ခဲ့ကြသည်။</p> <p>သူတို့အား တာအိုဝါဒမှ စန်းချင်း(၃)ပါး ၊ ရှေးခေတ်ဧကရာဇ်(၃)ပါးနှင့် အနောက်ဘက်မဟာယာနဗုဒ္ဓဘာသာဂိုဏ်းမျ အကြီးအကဲနှစ်ယောက်တို့၏ ဖိနှိပ်ခြင်းကို ခံခဲ့ရသည်။</p> <p>နောက်ပိုင်းတွင် ဖုရှီဧကရာဇ်က လူအများ၏ ရန်သူဖြစ်လာခဲ့ပြန်သည်။</p> <p>အချိန်ကြာလသည်နှင့်အမျှ ဖုရှီဧကရာဇ်၏ ကနဦးကောင်းကင်နက္ခတ်ပညာမှာ ပျောက်ကွယ်လုနီးပါးဖြစ်နေသည့်တိုင် ၎င်း၏‌ကျော်ကြားမှုက ယနေ့တိုင် ကျန်ရှိနေဆဲ ဖြစ်သည်။</p> <p>နက္ခတ်ပညာတွင် အစွမ်းထက်လွန်းသဖြင့် တာအိုအဓိပတိတစ်ပါးဖြစ်သော ဖုရှီဧကရာဇ်မှာ လူအများ၏ကြောက်ရွံ့ခြင်းကိုခံရရန် ကံပါလာခဲ့ပုံရသည်။</p> <p>သူက အခြားသော တာအိုအဓိပတိများ၏ အနာဂတ်ကို အပြည့်အဝ သိမြင်နိုင်ခြင်းမရှိသည့်တိုင် အရိပ်အမြွက်မျှ သိမြင်ရုံဖြင့်ပင် ထိုသူများ၏ ရန်ငြိုးထားခြင်းကိုခံရရန် လုံလောက်နေပေပြီ။</p> <p>တာအိုအဓိပတိများဆိုသည်က သူ့ထက်သူ လူစွမ်းကောင်းဖြစ်ရန် အချင်းချင်း ပြိုင်ဆိုင်နေကြရသည် မဟုတ်ပါလား။</p> <p>ထို့ကြောင့် နက္ခတ်ပညာတွင် ကျွမ်းကျင်လွန်းသော ဖုရှီဧကရာဇ်က အခြားတာအိုအဓိပတိများ၏မျက်လုံးထဲတွင် ဖယ်ရှားရမည့်ရန်သူအဖြစ် သတ်မှတ်ခံခဲ့ရသည်။</p> <p>ဒဏ္ဍာရီများအရဆိုလျှင် နွီဝါးဧကရီနှင့် အော်မီတော်ဖော်တာအိုဗုဒ္ဓမှလွဲပြီး အရှေ့ဧကရာဇ်’ထိုက်ယိ’ အပါအဝင် တာအိုအဓိပတိအားလုံးက ဖုရှီဧကရာဇ်ကို ဝိုင်းဝန်းတိုက်ခိုက်ခဲ့ကြသည်ဟု ဆိုသည်။</p> <p>ဖုရှီဧကရာဇ်က လောက၏ အတိတ်နှင့်အနာဂတ်ကို တွက်ချက်နိုင်သလို အခြား‌သော တာအိုအဓိပတိများသည်လည်း ထိုပညာရပ်ကို တတ်မြောက်ကြသည်။</p> <p>သူတို့က ဖုရှီဧကရာဇ်ကို မမီသည့်တိုင် ကွာဟချက် ကြီးမားလွန်းသည်တော့မဟုတ်ပေ။</p> <p>အားလုံး၏ ဝိုင်းဝန်းတိုက်ခိုက်မှုအောက်တွင် နောက်ဆုံးတော့ ဖုရှီဧကရာဇ် ကျဆုံးခဲ့ရသည်။</p> <p>ထိုဖြစ်ရပ်ကြောင့်ပင် ဖုရှီဗျပ်စောင်းသည်လည်း ပျက်ဆီးယိုယွင်းသွားခဲ့ပြီး ထိုဗျပ်စောင်းကို အရှေ့ဧကရာဇ်'ထိုက်ယိ' က သိမ်းဆည်းထားခဲ့သည်။</p> <p>နောက်ပိုင်း ထိုဗျပ်စောင်းက တာအိုသခင်'လုယာ' ထံသို့ ရောက်ရှိသွားကာ ထိုမှတစ်ဆင့် ယန်ကျန်းထံသို့ ရောက်ရှိလာသည်။</p> <p>နောက်ဆုံး ယနေ့တိုက်ပွဲတွင် ထိုဗျပ်စောင်းကိုအသုံးပြုပြီး အော်မီတော်ဖော်တာအိုဗုဒ္ဓ ဆင်းသက်မလာစေရန် တားဆီးထားနိုင်ခဲ့၏။</p> <p>ရန်ကျောက်ကဲက သက်ပြင်းချရင်း...</p> <p>“ဒီ ဖုရှီဗျပ်စောင်းကို ကျွန်တော်တို့ဆီ လဲလှယ်ပေးလိုက်တုန်းက တာအိုသခင်’လုယာ’ က ဘယ်လိုစိတ်ကူးရှိခဲ့လဲတော့ မသိဘူး ၊ ဒါပေမဲ့ ဒီရတနာက ဒီနေ့တိုက်ပွဲမှာတော့ အစားထိုးလို့မရတဲ့ အခန်းကဏ္ဍကနေ ပါဝင်ပေးခဲ့တာပဲ"</p> <p>ဝိညာဉ်ခြောက်ဖြာအလံရှည်က တာအိုအဓိပတိ(၃)ပါးကို တပြိုင်တည်းဟန့်တားနိုင်သော်လည်း တစ်ပါးတည်းကို (၃)ကြိမ်တိုင်တိုင် ဟန့်တားနိုင်စွမ်း မရှိပေ။</p> <p>ဖုရှီဗျပ်စောင်း၏ ကျန်ရှိနေသော စောင်းကြိုး(၄)မျှင်က တာအိုအဓိပတိ(၄)ပါး တပြိုင်တည်းဆင်းသက်လာသည်ကို မတားဆီးနိုင်သော်လည်း အော်မီတော်ဖော်တာအိုဗုဒ္ဓ တစ်ပါးတည်းကို ကိုင်တွယ်ရာတွင် (၄)ကြိမ်တိုင်တိုင် ထိရောက်မှု ရှိစေခဲ့သည်။</p> <p>တာအိုအဓိပတိများ စစ်မြေပြင်သို့ ဆင်းသက်မလာစေရန် ဤရတနာနှစ်ခုက တားဆီးပေးနိုင်ခဲ့သဖြင့် လမ်းမှန်တာအိုဝါဒက နတ်ဘုရားအဆုံးသတ်ဓားကို သိမ်းပိုက်နိုင်ခဲ့ပြီး အထိအခိုက်မရှိ ပြန်လည် ဆုတ်ခွာလာနိုင်ခဲ့ခြင်း ဖြစ်သည်။</p> <p>ယခု ဖုရှီဗျပ်စောင်းမှ စောင်းကြိုးအားလုံး ပြတ်တောက်သွားပြီဖြစ်ရာ အံ့ဖွယ်စွမ်းအားများ ဆုံးရှုံးသွားပြီး အသုံးမဝင်သည့် ဗျပ်စောင်းအစုတ်တစ်လက်သာ ဖြစ်သွားခဲ့ပေပြီ။</p> <p>သို့သော် ရန်ကျောက်ကဲတို့အုပ်စုကတော့ ဖုရှီဗျပ်စောင်းကို ဦးညွှတ်ဂါရဝပြုလိုက်ကြပြီး...</p> <p>“နောက်ကျရင် ဒီရတနာကို သိုးလွိနန်းတော်မှာပဲ သိမ်းဆည်းထားပြီး သူနဲ့ထိုက်တန်နတဲ့ ငြိမ်းချမ်းမှုမျိုး ရရှိစေချင်ပါတယ်”</p> <p>ဖုရှီဧကရာဇ်ကို နှိမ်နင်းရာတွင် တာအိုဝါဒမှ စန်းချင်း(၃)ပါး ဆရာဘိုးဘိုးများ ပါဝင်ခဲ့ကြသည်။</p> <p>ယခု ဖုရှီဗျပ်စောင်းက တာအိုဝါဒ ရှေ့ဆက်နိုင်ရန် အရေးပါသည့်ကဏ္ဍမှ ပါဝင်ခဲ့ကြောင်း တွေးမိသည့်အခါ ရန်ကျောက်ကဲတို့ရင်ထဲ ခံစားချက်များ ရှုပ်ထွေးသွားရသည်။</p> <p>ခဏကြာတော့ ယန်ကျန်းက စကားဆိုလာသည်။</p> <p>"ဖုရှီဗျပ်စောင်းအပြင် ဝိညာဉ်ခြောက်ဖြာအလံရှည်ပေါ်မှာ နာမည်ရေးထိုးဖို့ တာအိုအဆင့် အဓိပတိတစ်ပါးရဲ့ အကူအညီလိုအပ်တယ် ၊ ဒီအလုပ်ကို လောင်ကျွင်းကလွဲပြီး တခြားသူ လုပ်ပေးနိုင်မှာ မဟုတ်ဘူး”</p> <p>စကားဆုံးသွားသည်နှင့် သူက ရန်ကျောက်ကဲကို လှမ်းကြည့်လိုက်၏။</p> <p>ယန်ကျန်း ဆိုလိုသည့်အဓိပ္ပါယ်ကို နားလည်သဖြင့် ရန်ကျောက်ကဲ မချိပြုံးပြုံးလိုက်သည်။</p> <p>“ချီထျန်းမဟာသူတော်စင်က မဟာမာရူယိကို ခုခံပေးနိုင်ခဲ့ပေမယ့် နောက်ဆက်တွဲပြဿနာတွေ အများကြီး ကျန်နေသေးတယ် ၊ အချိန်အတော်ကြာတဲ့အထိ ချီထျန်းမဟာသူတော်စင် ပြန်ထွက်ပေါ်လာနိုင်မှာ မဟုတ်သေးဘူး ၊ ပြောရရင် ရာစုနှစ်ပေါင်းများစွာတောင် ကြာသွားနိုင်တယ်”</p> <p>သူက ဆက်ပြောလိုက်သည်။</p> <p>“ချီထျန်းမဟာသူတော်စင်ရဲ့ ရုပ်ခန္ဓာ အစစ်အမှန်ကို အသုံးချနိုင်မယ်ဆိုရင်တောင် မြေကြီးအမြုတေကျောက်တုံးနဲ့တော့ အချိန်အတော်ကြာအောင် ပေါင်းစပ်နိုင်မှာ မဟုတ်သေးဘူး”</p> <p>ထိုစကားကြားတော့ အားလုံး သက်ပြင်းချလိုက်မိသည်။</p> <p>ရန်ကျောက်ကဲက လက်နှစ်ဖက် ဖြန့်ကားရင်း...</p> <p>"တာအိုသခင်'လုယာ' ရဲ့ မြားခုနစ်စင်းကျိန်စာလိုမျိုး တစ်ခေတ်မှာ တစ်ခါပဲ သုံးလို့ရတာမျိုးမဟုတ်ပေမယ့် လောလောဆယ်တော့ အဲဒါကို မျှော်လင့်ချက်ထားလို့ မရသေးဘူး ၊ ကံကောင်းတာက ကျွန်တော်တို့ဆီမှာ နတ်ဘုရားသုတ်သင်အစီအရင် ရှိနေတာပဲ”</p> <p>“ပြီးတော့ ရန်သူတွေ အကြီးအကျယ် အထိနာသွားတဲ့အချိန် စစ်ပွဲကရလိုက်တဲ့ အကျိုးအမြတ်တွေလည်း အများကြီးရှိတယ်လေ”</p> <p>ရန်ကျောက်ကဲက တောင်ပိုင်းချန်စန်းဧကရာဇ်ကို လှမ်းကြည့်လိုက်သည်။</p> <p>“တာအိုရောင်းရင်း’ကောင်း’ ... မင်းအတွက် အတော်လေး ခက်ခဲခဲ့မှာပဲ”</p> <p>ထိုစကားကြားတော့ တောင်ပိုင်းချန်စန်းဧကရာဇ်က ခပ်ပါးပါး ပြုံးလိုက်သည်။ သူက အင်္ကျီလက်ကို တစ်ချက်ခါလိုက်ရာ အတွင်းမှ ကောင်းဟန် ခုန်ထွက်လာသည်။</p> <p>ကောင်းဟန်၏လက်ထဲမှာတော့ ခရမ်းရောင်၊ အဖြူရောင်နဲ့ ရွှေရောင် အလင်းတန်းများ ဝန်းရံနေသည့် ဘူးသီးခြောက်တစ်လုံး ကိုင်ထားသည်။</p> <p>ဤသည်က တာအိုသခင်'လုယာ' ရဲ့ နတ်ဘုရားသတ်ဖြတ်ဓားပျံပင် ဖြစ်သည်။ ဓားပျံထည့်ထားသည့် ဘူးသီးခြောက်ကို ကျောက်စိမ်းကျိုင်းတံဖြင့် ချိတ်ပိတ်ထားခြင်း ဖြစ်၏။</p> <p>ရန်ကျောက်ကဲ၏ အဓိပ္ပါယ်ပါပါ ပြုံးနေသည့်မျက်နှာကိုကြည့်ပြီး ကောင်းဟန်က ပွင့်ပွင့်လင်းလင်းပင် စကားဆိုလိုက်သည်။</p> <p>“ငါလည်း အသက်နဲ့ရင်းခဲ့ရတာပါကွာ... သိတယ်မလား... အဲဒီနေရာမှာ ထိပ်တန်းတန်ခိုးစွမ်းအားရှင်တွေ အများကြီး ရှိနေတာလေ ၊ ကံကောင်းလို့ အောင်မြင်သွားတာ ၊ လူငယ်ကောင်းကင်ဘုံအရှင်က ငါ့အပေါ် ကရုဏာထားတာ ကျေးဇူးတင်ရမှာပါပဲ”</p> <p>ကြယ်စင်မြစ်အတွင်း တိုက်ပွဲများပြင်းထန်နေချိန် တိုက်ပွဲဝင်နေသူများက အခြားကိစ္စများကို အာရုံမစိုက်နိုင်ကြပေ။</p> <p>ထိုအချိန် ကောင်းဟန်က ကြယ်စင်မြစ်ထဲသို့ တိတ်တဆိတ်ဝင်လာခဲ့ပြီး စစ်မြေပြင်နှင့် ခပ်လှမ်းလှမ်းတွင် နေရာယူထားခဲ့သည်။</p> <p>သူက ပုန်းအောင်းရင်း နတ်ဘုရားသတ်ဖြတ်ဓားပျံက ကျောက်စိမ်းကျိုင်းတံဖြင့် ချိတ်ပိတ်ခံရကာ လှိုင်းထနေသည့် ကြယ်စင်မြစ်ထဲ ပြုတ်ကျသွားသည်ကို စောင့်ကြည့်နေခဲ့သည်။</p> <p>နတ်ဘုရားသုတ်သင်အစီအရင်က မြစ်ဝါကိုးကွေ့အစီအရင်ကို ချေမှုန်းလိုက်သည်နှင့် ကောင်းဟန်က အခွင့်အရေးကို အမိအရဖမ်းဆုတ်ပြီး ထိုဘူးသီးခြောက်ကို ရယူလိုက်ခြင်းပင် ဖြစ်၏။</p> <p>သို့သော် ကြယ်စင်မြစ်တစ်ခုလုံး နတ်ဘုရားသုတ်သင်အစီအရင်၏ ဆွဲငင်ခြင်းကိုခံရသည့်အခါ ကောင်းဟန်သည်လည်း အစီအရင်ထဲသို့ ပါသွားခဲ့သည်။</p> <p>ကံကောင်းသည်မှာ တောင်ပိုင်းချန်စန်းဧကရာဇ်က သူ့ကိုကာကွယ်ပေးခဲ့သဖြင့် အမုန်းတရားမဲ့ကောင်းကင်ဘုံသို့ အတူရောက်ရှိလာနိုင်ခဲ့သည်။</p> <p>ရန်ကျောက်ကဲက...</p> <p>"အန္တရာယ်များလေ အကျိုးအမြတ်များလေဆိုတာ ဒါမျိုးပေါ့... မင်း ဘယ်လောက်ကြိုးစားခဲ့ရတယ်ဆိုတာ ငါ နားလည်ပါတယ်”</p> <p>ရန်ကျောက်ကဲက တောင်ပိုင်းချန်စန်းဧကရာဇ်နှင့် ကောင်းဟန်ကို တစ်လှည့်စီကြည့်လိုက်သည်။</p> <p>တောင်ပိုင်းချန်စန်းဧကရာဇ်ကိုကြည့်နေသည့် မြောက်ပိုင်းကြယ်စင်ဧကရာဇ်ကတော့ တည်ငြိမ်နေဆဲဖြစ်သည့်တိုင် သက်ပြင်းတစ်ချက်ချလိုက်သည်။</p> <p>တောင်ပိုင်းချန်စန်းဧကရာဇ်က ဘူးသီးခြောက်ကိုချိတ်ပိတ်ထားသည့် အလင်းတန်းများကို ဖယ်ရှားလိုက်သည့်အခါ အလင်းတန်းများက ရောင်စဉ်(၃)မျိုး တောက်ပနေသည့် ကျောက်စိမ်းကျိုင်းတံအဖြစ် ပြန်လည်ပြောင်းလဲသွားသည်။</p> <p>တောင်ပိုင်းချန်စန်းဧကရာဇ်က...</p> <p>“ဒီရတနာပစ္စည်းက ကျုပ်အတွက် အရမ်းအရေးကြီးတဲ့ အဓိပ္ပါယ်တစ်ခု ရှိနေလို့ပါ ၊ ကျေးဇူးပြုပြီး နားလည်ပေးကြပါ ၊ ဒီပစ္စည်းကို ကျုပ် ယူသွားချင်ပါတယ်”</p> <p>သူက ဆက်ပြောလိုက်သည်။</p> <p>“ဒီပစ္စည်းကလွဲလို့ စစ်ပွဲကရလာတဲ့ တခြားရတနာပစ္စည်းတွေကို တစ်ခုမှ ကျုပ် မယူပါဘူး”</p> <p>စကားဆုံးသွားသည်နှင့် သူ့ရှေ့တွင် ငါးရောင်ခြယ် အလင်းတန်းများ ထွက်ပေါ်လာသည်။ အလင်းတန်းများ ပျောက်ကွယ်သွားသည်နှင့် အတွင်းမှ ပုလဲတစ်လုံး ထွက်ပေါ်လာသည်။</p> <p>ထိုပုလဲက ဗလာနယ်ကြီးတစ်ခုလုံးကို ထမ်းပိုးထားသည့်ပမာ အလွန်လေးလံပုံရသည်။</p> <p>ထိုပုလဲက အခြားမဟုတ် ၊ ပင်လယ်ငြိမ်သက်ပုလဲပင် ဖြစ်သည်။</p>


Save