Book List

<h2 style="text-align:center">အခန်း (၁၆၁၅)</h2> <h2 style="text-align:center">မဟာနတ်မိစ္ဆာတစ်ပါးရဲ့ရုပ်အလောင်းက ရတနာပစ္စည်းပဲ</h2> <h2 style="text-align:center">*</h2> <p> </p> <p> </p> <p> </p> <p> </p> <p> </p> <p> </p> <p>ကြယ်စင်မြစ်တိုက်ပွဲတွင် မငြိမ်းသောမီးအိမ်တာအိုဆရာက ပင်လယ်ငြိမ်သက်ပုလဲ (၆)လုံး ဆုံးရှုံးခဲ့ရသည်။</p> <p>ဖန်းယွင်ရှန်းက ပုလဲတစ်လုံး ရယူနိုင်ခဲ့ပြီး ရန်ကျောက်ကဲကလည်း တောင်ပိုင်းချန်စန်းဧကရာဇ်ထံမှ နောက်ထပ်ပုလဲတစ်လုံး ရရှိခဲ့သည်။</p> <p>ထို့ကြောင့် သူတို့နှစ်ယောက်လက်ထဲတွင် ပုလဲနှစ်လုံး ရှိနေပေပြီ။</p> <p>ပင်လယ်ငြိမ်သက်ပုလဲများသာမက ကြယ်စင်မြစ်ထဲတွင် ပြန့်ကျဲနေသော အခြားရတနာများသည်လည်း နတ်ဘုရားသုတ်သင်အစီအရင်ထဲ ဝင်ရောက်လာခဲ့သည်။</p> <p>အစီအရင်၏အဖျက်စွမ်းအားက ကြောက်မက်ဖွယ်ကောင်းလှသည်ဖြစ်ရာ ဓားအလင်းတန်းများနှင့် ထိတွေ့ရုံဖြင့် ထိုရတနာပစ္စည်းများ အစိတ်စိတ်အမွှာမွှာ အက်ကွဲသွားနိုင်သည်။</p> <p>သို့သော် ရန်ကျောက်ကဲက အစီအရင်အပြောင်းအလဲများကို အသေးစိတ်ထိန်းချုပ်ပြီး သက်မဲ့ရတနာပစ္စည်းများ ပျက်ဆီးမသွားစေရန် ထိန်းသိမ်းထားခဲ့သည်။</p> <p>ကောင်းဟန် ယူသွားသည့် နတ်ဘုရားသတ်ဖြတ်ဓားပျံနှင့် ကျောက်စိမ်းကျိုင်းတံတို့မှလွဲ၍ နတ်ဘုရားသုတ်သင်အစီအရင်အတွင်းသို့ ဝင်ရောက်လာသည့် အခြားသော ရတနာပစ္စည်းများအားလုံး ရန်ကျောက်ကဲလက်ထဲ ရောက်ရှိလာသည်။</p> <p>မြစ်ဝါကိုးကွေ့အစီအရင်ကို ထိန်းချုပ်ခဲ့သည့် အမတခုံရုံးမှ ပြင်ပတာအိုကျင့်ကြံသူ 'ဗုံခရာကောင်းကင်ဘုံအရှင်' ကတော့ နတ်ဘုရားသုတ်သင်အစီအရင်ကို ခုခံနိုင်စွမ်းပင်မရှိဘဲ အသက်ပျောက်သွားခဲ့သည်။</p> <p>သူ၏ခန္ဓာကိုယ်က ဓားချီများကြောင့် သဲလွန်စမကျန် ပျောက်ကွယ်သွားခဲ့သ်ောလည်း သူ၏ပိုင်ဆိုင်ပစ္စည်းများကိုတော့ ထိန်းသိမ်းထားနိုင်ခဲ့သည်။</p> <p>အခြားပစ္စည်းများက သိပ်အရေးမပါလှသော်လည်း “ကောင်းကင်တက်လှမ်းဗုံ” ဆိုသည့် အမတမှော်ဝင်ပစ္စည်းတစ်ခုကတော့ သိသိသာသာ ထူးခြားမှုရှိသည်။</p> <p>ပြင်ပတာအိုကျင့်ကြံသူတစ်ယောက်အတွက် မူလကောင်းကင်ကပ်ဘေးကို ရင်ဆိုင်ကျော်ဖြတ်ရာတွင် အားနည်းချက်များစွာ ရှိနိုင်သော်လည်း ရတနာပစ္စည်းများကို သန့်စင်ရာတွင်တော့ အခက်အခဲ မရှိလှပေ။</p> <p>ဗုံခရာကောင်းကင်ဘုံအရှင်က ပြင်ပတာအိုကျင့်ကြံသူတစ်ယောက်ဖြစ်သည့်တိုင် အမတမှော်ဝင်ပစ္စည်းတစ်ခုကိုတော့ သန့်စင်နိုင်စွမ်းရှိသူဖြစ်သည်။</p> <p>သို့သော် ကံဆိုးစွာပင် သူက ထိုပစ္စည်း၏အစွမ်းကို ထုတ်ဖော်အသုံးပြုရန်ပင် မတတ်နိုင်ခဲ့ပေ။</p> <p>ရန်ကျောက်ကဲက ကောင်းကင်တက်လှမ်းဗုံကိုကြည့်ရင်း ကျေနပ်စွာ ခေါင်းညိတ်လိုက်သည်။</p> <p>"အင်း... ဒီဗုံကတော့ မဆိုးဘူးပဲ"</p> <p>ရှေးခေတ်အချိန်ကတည်းက တည်ရှိခဲ့သော ထိပ်တန်းရတနာများနှင့် အမတမှော်ဝင်ပစ္စည်းအများစုမှာ ကမ္ဘာဦးအစ ရှေးခေတ်ကာလကတည်းက မြစ်ဖျားခံလာသော ကြွယ်ဝသည့်သမိုင်းကြောင်းများ ရှိကြသည်။</p> <p>မဟာကပ်ဘေးကြီးနောက်ပိုင်းမှာတော့ ကောင်းကင်နတ်ဘုရားအဆင့် အမတမှော်ဝင်ပစ္စည်းအသစ်များ ထွက်ပေါ်လာခြင်းမှာ အလွန်ပင် ရှားပါးသွားခဲ့သည်။</p> <p>လွန်ခဲ့သော နှစ်ပေါင်း(၁၀၀)ကျော်ကတည်းက ကောင်းကင်နတ်ဘုရားအဆင့်သို့ တက်လှမ်းနိုင်ခဲ့သည့် စောမင်ကျန့်သည်ပင် ယခုအချိန်ထိ လက်ဗလာဖြင့်သာ ရှိနေသေးသည်။</p> <p>သူက မည်သည့် မှော်ဝင်ပစ္စည်းမှအသုံးမပြုဘဲ အစွမ်းနိုင်သည်ဆိုသော်ငြား လုံးဝမလိုအပ်ဟုတော့ မဆိုလိုပေ။</p> <p>ဤသို့ဖြစ်ရခြင်း၏ အဓိကအကြောင်းရင်းမှာ ကျင့်ကြံခြင်းရင်းမြစ်များ ရှားပါးလွန်းသောကြောင့် ဖြစ်သည်။</p> <p>ခေတ်အဆက်ဆက်တွင် ထူးချွန်ထက်မြက်သူများစွာ ပေါ်ထွက်ခဲ့သော်လည်း ရတနာအစစ်အမှန်ဆိုသည်မှာ ကံတရားအထောက်အပံ့ အလွန်ကောင်းမှသာ ရရှိနိုင်သည့်အရာ ဖြစ်သည်။</p> <p>ထိုသို့သော ရတနာပစ္စည်းတစ်ခု ထွက်ပေါ်လာခြင်းမှာပင် ကြီးမားသော အံ့သြဖွယ်ရာတစ်ခု ဖြစ်နေပေပြီ။</p> <p>သို့ပေသိ မိုးကြိုးက တစ်နေရာတည်းကို နှစ်ကြိမ်ပစ်ရိုးထုံးစံမရှိသလို ထိုသို့သောရတနာပစ္စည်းများ ထပ်မံထွက်‌ပေါ်လာရန်မှာလည်း အလွန်ခက်ခဲလှသည်။</p> <p>တစ်ဖက်မှကြည့်လျှင်လည်း ဤအခြေအနေက ကောင်းမွန်သည်ဟု ရန်ကျောက်ကဲ ယူဆမိသည်။</p> <p>အဘယ်ကြောင့်ဆိုသော် ပြင်ပတာအိုကျင့်ကြံသူများထဲမှ ကောင်းကင်နတ်ဘုရားတစ်ပါး ထွက်ပေါ်လာရန် ခက်ခဲသည်ဆိုသော်လည်း လမ်းမှန်တာအိုဝါဒထက်စာလျှင် ပို၍လွယ်ကူနေပေသည်။</p> <p>မှော်ဝင်ပစ္စည်း၏ အရည်အသွေးနှင့် အသုံးပြုသူ၏စွမ်းအား မပြောင်းလဲဘဲ လုံလောက်သော ရင်းမြစ်များသာ ရရှိမည်ဆိုပါက ပြင်ပတာအို ကျွမ်းကျင်သူများအနေဖြင့် ရတနာပစ္စည်းများနှင့် အမတမှော်ဝင်ပစ္စည်းများကို အသုံးပြုပြီး လမ်းမှန်တာအိုဝါဒ စန်းချင်း(၃)ပါးအဆက်အနွယ်ကြားမှ ကျင့်ကြံခြင်းကွာဟချက်ကို အစားထိုး ဖြည့်ဆည်းသွားနိုင်ပေမည်။</p> <p>သို့သော် ထိုသို့သာ အမှန်တကယ် ဖြစ်လာခဲ့လျှင် အနောက်ဘက်သူတော်စင်ဘုံနှင့် နတ်မိစ္ဆာမျိုးနွယ်တို့ကလည်း လက်ပိုက်ကြည့်နေကြမည် မဟုတ်ပေ။</p> <p>ဗုံခရာကောင်းကင်ဘုံအရှင်၏ 'ကောင်းကင်တက်လှမ်းဗုံ' မှာ မဟာကပ်ဘေးကြီးနောက်ပိုင်း ထွက်ပေါ်လာသော အနည်းငယ်မျှသော ကောင်းကင်နတ်ဘုရားအဆင့် အမတမှော်ဝင်ပစ္စည်းများထဲမှ တစ်ခုဖြစ်သည်။</p> <p>ယခု ထိုဗုံမှာ သူ၏လက်ဝယ်သို့ ရောက်ရှိလာပြီဖြစ်ရာ ရန်ကျောက်ကဲမှာ အလွန်ပင် ကျေနပ်နေတော့သည်။</p> <p>ထို့ပြင် သူ့ကို ပိုပြီးဝမ်သာစေသော အခြားရတနာပစ္စည်းတစ်ခုလည်း ရှိနေသည်။</p> <p>၎င်းမှာ တိမ်မြူမှောင်မိုက်နတ်ဘုရား၏ 'မူလပရမ်းပတာတူ' ပင် ဖြစ်၏။</p> <p>ဤရတနာပစ္စည်းက အလွန်ထူးခြားပြီး ကွမ်းချန်ထျန်းကျွင်း၏ 'စက်ဝန်းသံသရာကောင်းကင်စည်းတံဆိပ်' နှင့်ပင် ယှဉ်နိုင်စွမ်းရှိသည်။</p> <p>ရှေးခေတ် နတ်ဘုရားများအပ်နှင်းခြင်းကာလ စစ်ပွဲတွင် ကွမ်းချန်ထျန်းကျွင်း၊ ချိကျင်းကျီနှင့် အခြားသော ယွိချင်အဆက်အနွယ် တန်ခိုးစွမ်းအားရှင်များက ဤရတနာပစ္စည်းအောက်တွင် အလူးအလဲ ခံခဲ့ကြရဖူးသည်။</p> <p>တိမ်မြူမှောင်မိုက်နတ်ဘုရားက ဤတူကို ကိုင်စွဲ၍ စန့်ချင်ကျိုးဂိုဏ်း၏ အပေါင်းအပါ နတ်မိစ္ဆာနတ်ဘုရားများဖြစ်ကြသည့် ခြင်္သေ့နတ်ဘုရား ၊ ရွှေရောင်အလင်းနတ်ဘုရား၊ ဆင်နတ်ဘုရားနှင့် ငှက်မွှေးနတ်ဘုရားတို့ထက်ပင် သာလွန်ကျော်ကြားခဲ့သူ ဖြစ်သည်။</p> <p>သို့သော် မဟာမာရူယိ၏ ရောင်စဉ်ငါးမျိုး အလင်းတန်းများက အလွန်အစွမ်းထက်သည်ဖြစ်ရာ သူ့အနေဖြင့် မူလပရမ်းပတာတူကို ဆုံးရှုံးရခြင်းမှာ ရှက်စရာကိစ္စတော့ မဟုတ်ပေ။</p> <p>ချီထျန်းမဟာသူတော်စင်က မဟာမာရူယိ၏ ရောင်စဉ်ငါးမျိုး အလင်းတန်းချုပ်နှောင်မှုမှ ရုန်းထွက်နိုင်တော့မှသာ တောင်ပိုင်းချန်စန်းဧကရာဇ်၊ မြောက်ပိုင်းကြယ်စင်ဧကရာဇ်၊ ခေါင်းကိုးလုံးပိုးကောင်နှင့် အခြားသူများသည်လည်း သူနှင့်အတူ လွတ်မြောက်လာခဲ့ကြသည်။</p> <p>ထိုအချိန် ရောင်စဉ်ငါးမျိုးအလင်းတန်းများကြောင့် ကြယ်စင်မြစ်ထဲ နစ်မြုပ်သွားသည့် မူလပရမ်းပတာတူသည်လည်း သဲလွန်စမကျန် ပျောက်ဆုံးသွားရသည်။</p> <p>ချီထျန်းမဟာသူတော်စင်နှင့် မဟာမာရူယိတို့ တိုက်ပွဲဖြစ်ပွားနေစဉ်အတွင်း တိမ်မြူမှောင်မိုက်နတ်ဘုရားက နတ်ဘုရားသုတ်သင်အစီအရင်ကို အရယူရန် ကြိုးပမ်းခဲ့သော်လည်း ရန်ကျောက်ကဲ၏ဓားချက်ဖြင့် အသက်ပျောက်ခဲ့ရသည်။</p> <p>နောက်ပိုင်း နတ်ဘုရားသုတ်သင်အစီအရင်က ကြယ်စင်မြစ်အတွင်းရှိ အရာအားလုံးကို ဆွဲငင်လိုက်သည့်အခါ မူလပရမ်းပတာတူသည်လည်း အစီအရင်ထဲသို့ ရောက်ရှိလာသည်။</p> <p>ထို့ကြောင့် ထိုရတနာပစ္စည်းသည်လည်း ကောင်းကင်တက်လှမ်းဗုံကဲ့သို့ပင် ရန်ကျောက်ကဲလက်ထဲ ရောက်ရှိလာခဲ့သည်။</p> <p>ကောင်းကင်တက်လှမ်းဗုံနှင့် နှိုင်းယှဉ်လျှင် မူလပရမ်းပတာတူက အင်အားသုံးတိုက်ခိုက်ရန် ပိုမိုသင့်တော်သည်။</p> <p>ထိုက်ရွှီးမူလနတ်ဘုရားတစ်ပါးသာ ဤလက်နက်ကို ရရှိသွားပါက ကောင်းကင်နတ်ဘုရားတစ်ပါးကို ရှောင်တခင် တိုက်ခိုက်ခြင်းဖြင့် တိုက်ပွဲအခြေအနေကို ပြောင်းလဲပစ်နိုင်စွမ်း ရှိပေသည်။</p> <p>ထို့ပြင် ဤအမတမှော်ဝင်ပစ္စည်း နှစ်ခုလုံးက အသုံးပြုသူစိတ်အလိုရှိတိုင် ချက်ချင်းပင် စွမ်းအားထုတ််ဖော်နိုင်စွမ်း ရှိကြသည်။</p> <p>ရန်ကျောက်ကဲ ရရှိခဲ့သည့် အခြားရတနာပစ္စည်းများစွာလည်း ရှိနေသေးသည်။ သေချာစွာ စစ်ဆေးပြီးမှသာ ထိုပစ္စည်းများကို မည်သို့ ထိရောက်စွာ အသုံးပြုရမည်ကိုဆုံးဖြတ်ရပေမည်။</p> <p>နတ်ဘုရားသုတ်သင်အစီအရင်၏ ဖျက်ဆီးမှုဒဏ်ကြောင့် ဂုဏ်ရောင်ထည်ဝါတာအိုဗုဒ္ဓ၏ ရုပ်အလောင်းက လုံးဝ ပျက်ဆီးသွားခဲ့သည်။</p> <p>သူ၏ သရီရဓာတ်တော်သည်ပင် ကြွင်းကျန်ခြင်း မရှိခဲ့ပေ။</p> <p>ဗုံခရာကောင်းကင်ဘုံအရှင်၏ ကောင်းကင်တက်လှမ်းဗုံနှင့် မတူသည်မှာ ဂုဏ်ရောင်ထည်ဝါတာအိုဗုဒ္ဓ၏ရတနာပစ္စည်းများက သူ၏တာအိုဗုဒ္ဓနယ်မြေထဲတွင် သိမ်းဆည်းထားခြင်း ဖြစ်သည်။</p> <p>သူ၏ရွှေခန္ဓာ အစိတ်စိတ်အမွှာမွှာ ပျက်ဆီးသွားချိန် ထိုတာအိုဗုဒ္ဓနယ်မြေသည်လည်း အတူပျက်သုဉ်းသွားခဲ့သည်။</p> <p>ကျဆုံးသွားခဲ့သော အခြားတာအိုဗုဒ္ဓတစ်ပါးဖြစ်သည့် 'စန္ဒကူးတာအိုဗုဒ္ဓ' ကတော့ ရူယိရွှေတုတ်ဖြင့် ရိုက်နှက်ခံရကာ သေဆုံးသွားသည့်အတွက် သရီရဓာတ်တော် ကျန်ရစ်ခဲ့သည်။</p> <p>ဖန်းယွင်ရှန်းက အဝါရောင်လေမုန်တိုင်းနတ်မိစ္ဆာကို လုပ်ကြံသတ်ဖြတ်ခဲ့ပြီး ရန်ကျောက်ကဲက တိမ်မြူမှောင်မိုက်နတ်ဘုရားကို နတ်ဘုရားသုတ်သင်အစီအရင်ထဲတွင် သုတ်သင်ခဲ့သည်။</p> <p>အဝါရောင်လေမုန်တိုင်းနတ်မိစ္ဆာ၏အလောင်းက ပျက်ဆီးမသွားသော်လည်း တိမ်မြူမှောင်မိုက်နတ်ဘုရား၏ အလောင်းကတော့ ဓားချီများကြောင့် အတော်လေးပျက်ဆီးသွားသည်။</p> <p>ကံကောင်းစွာဖြင့် အချို့သော အစိတ်အပိုင်းများက ကောင်းမွန်စွာ ကျန်ရစ်နေ‌သေးသည်။</p> <p>ဤရုပ်အလောင်းများမှာ အဖိုးမဖြတ်နိုင်သော ရတနာများပင် ဖြစ်သည်။</p> <p>"မဟာနတ်မိစ္ဆာတစ်ကောင်ရဲ့ ခန္ဓာကိုယ်တစ်ခုလုံးက ရတနာတွေပဲ" ဟူသော စကားမှာ အပိုပြောခြင်း မဟုတ်ပေ။</p> <p>အဖိုးတန်ရတနာများကို သန့်စင်ရန် အသုံးပြုသည့် ကုန်ကြမ်းပစ္စည်းများမှာ ဤရုပ်အလောင်းများမှပင် ရရှိခြင်း ဖြစ်၏။</p> <p>ရန်ကျောက်ကဲက အဝါရောင်လေမုန်တိုင်းနတ်မိစ္ဆာ၏ ရုပ်အလောင်းကို စစ်ဆေးကြည့်တော့ ပြင်းထန်သော လေမုန်တိုင်းအအေးဓာတ်ကို အာရုံခံမိသည်။</p> <p>ဤရုပ်အလောင်းကို အသုံးပြု၍ 'သမာဓိကောင်းကင်လေ' ကို ထိန်းချုပ်စေခိုင်းနိုင်မည့် ရတနာပစ္စည်းမျိုးအထိ သန့်စင်နိုင်မည်လား မသေချာသော်လည်း လေမုန်တိုင်းများကို ဆင့်ခေါ်နိုင်သည့် ရတနာပစ္စည်းမျိုးဖန်တီးရန် မခက်ခဲလှပေ။</p> <p>တိမ်မြူမှောင်မိုက်နတ်ဘုရားက ရွှေရောင်မုတ်ဆိတ်နှင့် နဂါးခေါင်းပါသော ငါးကြီးတစ်ကောင်ဖြစ်ပြီး ရေတွင်ကျက်စားသည့် နတ်မိစ္ဆာတစ်ပါး ဖြစ်သည်။</p> <p>သူ၏ရုပ်အ‌လောင်းက ပေါက်ပြဲပျက်ဆီးနေပြီး အသက်ဓာတ်စွမ်းအားများ ယိုစိမ့်နေသော်လည်း ရေဓာတ်အမြုတေစွမ်းအားကတော့ အရင်အတိုင်း အားကောင်းနေဆဲပင်။</p> <p>ရန်ကျောက်ကဲအတွက် ဤရုပ်အလောင်းက လောလောဆယ် အသုံးမဝင်သေးသော်လည်း သူ၏တန်ဖိုးက မူလပရမ်းပတာတူနှင့် ကောင်းကင်တက်လှမ်းဗုံတို့ထက်ပင် သာလွန်နိုင်သည်။</p> <p>တကယ်တော့ ရန်ကျောက်ကဲစိတ်ထဲ ဆန်းသစ်သော အတွေးအခေါ်များစွာ ရှိနေခဲ့သည်။ ထိုအရာများကို လက်တွေ့အကောင်အထည်ဖော်ရန် ရင်းမြစ်များမရှိသဖြင့် မပြုလုပ်နိုင်ခြင်း ဖြစ်၏။</p> <p>ယခု ရတနာပစ္စည်းများ တဖြည်းဖြည်းများပြားလာပြီဖြစ်ရာ သူ၏စိတ်ကူးကို အသက်သွင်းနိုင်ပေတော့မည်။</p> <p>သို့ပေသိ ဤတိုက်ပွဲ၏ အကြီးမားဆုံးသောအောင်မြင်မှုမှာ နတ်ဘုရားသုတ်သင်အစီအရင်ပင် ဖြစ်သည်။</p> <p>မဟာကပ်ဘေးကြီး နောက်ပိုင်းတွင် တာအိုဝါဒ၏ ရပ်တည်ချက်မှာ ယနေ့မှစ၍ အမှန်တကယ် ပြောင်းလဲသွားပြီဟု ဆိုနိုင်သည်။</p> <p>ယနေ့မှစ၍ စန်းချင်း(၃)ပါး အဆက်အနွယ်များမှာ ပုန်းလျှိုးကွယ်လျှိုး နေစရာမလိုတော့ဘဲ ပိုမိုအဆင့်အတန်း မြင့်မားလာပေတော့မည်။</p> <p>တာအိုဝါဒ၏ ကောင်းကင်ဘုံအရှင်များသည်လည်း ဗလာနယ်ထဲတွင် ကိုယ်ယောင်ဖျောက်ကာ လွင့်မျောနေစရာမလိုတော့ဘဲ မိမိတို့စိတ်ကြိုက် ကျောက်ဂူအိမ်တော်များတည်ထောင်ကာ လွတ်လပ်စွာ လှုပ်ရှားသွားလာနိုင်ပေမည်။</p> <p>တာအိုအဆင့်အောက် ကျင့်ကြံသူများကြားတွင် စန်းချင်း(၃)ပါးအဆက်အနွယ် ၊ နတ်မိစ္ဆာမျိုးနွယ် ၊ မဟာယာနဗုဒ္ဓဘာသာကျင့်ကြံသူ ၊ ငရဲကိုးထပ်နှင့် အခြားအင်အားစုများကြား တိုက်ခိုက်မှုများတွင် အနိုင်အရှုံးက မိမိတို့ကိုယ်ပိုင်စွမ်းရည်ပေါ်တွင်သာ မူတည်နေမည်ဖြစ်သော်လည်း တာအိုအဆင့် တန်ခိုးစွမ်းအားရှင်များ၏ ခြိမ်းခြောက်မှုကတော့ သိသိသာသာ လျော့နည်းသွားပေပြီ။</p> <p>သို့သော် တစ်ယောက်ယောက်ကတော့ ဗလာနယ်ထဲတွင် ကိုယ်ယောင်ဖျောက်လျှက် နတ်ဘုရားသုတ်သင်အစီအရင်ကို ဆက်လက်ထိန်းသိမ်းထားရန် လိုအပ်သည်။</p> <p>စန့်ချင်ကျိုးဂိုဏ်းမှ ဝူတန့်မယ်တော်နှင့် ယွင်ရှောင်းနတ်သမီးတို့က ထိုပင်ပန်းလှသော တာဝန်ကို တစ်လှည့်စီ ပုခုံးထမ်းရန် ဆုံးဖြတ်ခဲ့ကြသည်။</p> <p>ဝူတန့်မယ်တော်က ဒဏ်ရာရရှိထားသဖြင့် ယွင်ရှောင်းနတ်သမီးက အစီအရင်ကို ထိန်းချုပ်ရန် ဦးစွာတာဝန်ယူလိုက်ပြီး ဝူတန့်မယ်တော်၏ဒဏ်ရာများ သက်သာသွားမှသာ လူစားလဲရန် သဘောတူလိုက်သည်။</p> <p>အခြားသူများကို နှုတ်ဆက်စကားဆိုပြီးနောက် ယွင်ရှောင်းနတ်သမီးက ချက်ချင်းပင် စတင်လှုပ်ရှားလိုက်သည်။</p> <p>ကျန်ရှိသူများကတော့ ခဏမျှ ဆက်လက်ဆွေးနွေးမှုများ ပြုကြသည်။</p> <p>ထို့နောက်မှာတော့ လောင်ကျွင်းက မည်သည့်ဧည့်သည်ကိုမှ မတွေ့ဆုံသည်ဖြစ်ရာ အားလုံး ပင်လယ်ငြိမ်သက်ပုလဲ တစ်လုံးစီယူဆောင်ပြီး ရွှမ်တုကိုယ်တော်ကိုနှုတ်ဆက်ကာ အမုန်းတရားမဲ့ကောင်းကင်ဘုံရှိ သိုးလွိနန်းတော်မှ ထွက်ခွာခဲ့ကြသည်။</p> <p>နန်းတော်တံခါးကြီးမှ ထွက်ခွာလာစဉ် ရန်ကျောက်ကဲ လည်ပြန်လှည့်ကြည့်လိုက်ပြီး စိတ်ထဲတွင် တစ်စုံတ်စခုကို နက်နက်နဲနဲ စဉ်းစားလိုက်မိသည်။</p>


Save