Book List

<h2 style="text-align:center">အခန်း (၄၇၂)</h2> <h2 style="text-align:center">*</h2> <p> </p> <p> </p> <p> </p> <p style="text-align:justify">မော်ရင်ညိုက တန်ဟက်ဂ်၏ အင်တာဗျူးကို ကြည့်ပြီးနောက် ချူဖုန်းကို လှမ်းပြောလိုက်သည်။ “တန်ဟက်ဂ်ရဲ့ နည်းဗျူဟာ အဆင့်အတန်းက တကယ် ကောင်းပါတယ်။ မဟုတ်ရင် ပြီးခဲ့တဲ့ရာသီက သူတို့ ချန်ပီယံလိဂ် ဆီမီးဖိုင်နယ်ကို ရောက်လာမှာ မဟုတ်ဘူး။ ငါတို့ အဝေးကွင်းပွဲအတွက် သေသေချာချာ ပြင်ဆင်ရမယ်...”</p> <p style="text-align:justify">တကယ်တမ်းတော့ မော်ရင်ညို ငယ်ငယ်ကလည်း တန်ဟက်ဂ်ကဲ့သို့ပင် ဗဟိုချက်မ လျှော့ချခြင်း နည်းဗျူဟာ ဒဿနကို လက်ကိုင်ထားခဲ့ဖူးသည်။ သို့သော် အသက်ကြီးလာသည်နှင့်အမျှ ရှုပ်ထွေးသော နည်းစနစ်များကို ထပ်မံ မဖန်တီးချင်တော့ပေ။</p> <p style="text-align:justify">မန်ချက်စတာယူနိုက်တက်ကို ကိုင်တွယ်ပြီးနောက် သူ အနားယူသွားနိုင်ခြေ ရှိသည်။ ထိုသို့ မဟုတ်လျှင်လည်း ပေါ်တူဂီ လက်ရွေးစင်အသင်းကို ကိုင်တွယ်နိုင်ခြေလည်း ရှိနေသေးသည်။ ထို့ကြောင့် သူ့အနေဖြင့် နည်းစနစ် အသစ်များကို တီထွင်ရန် စိတ်မဝင်စားတော့ချေ။</p> <p style="text-align:justify">“စိတ်မပူပါနဲ့ ဆရာကြီး...” </p> <p style="text-align:justify">ချူဖုန်းက ကော်ဖီခွက်ကို ချလိုက်သည်။ “အေဂျက်စ်ရဲ့ နည်းဗျူဟာတွေကို ကျွန်တော် နားလည်ပါတယ်။ သူတို့က အဓိကအားဖြင့် ဗန်ဒီဘိခ်နဲ့ လီဆန်ဒရိုတို့ကို အခြေခံပြီး လည်ပတ်နေတာပါ။ သူတို့က အသင်းရဲ့ တိုက်စစ်နဲ့ ခံစစ် ဗဟိုချက်တွေလေ...”</p> <p style="text-align:justify">ချူဖုန်း၏ လက်ရှိ နည်းဗျူဟာ နားလည်နိုင်စွမ်းက မော်ရင်ညိုလောက် မကောင်းသေးပေ။ သို့သော် ဥရောပ ထိပ်သီးလိဂ် ငါးခုရှိ အလယ်အလတ် အသင်းတစ်သင်းကို ကိုင်တွယ်မည်ဆိုလျှင်တော့ အသင်းကို တန်းဆင်းဇုန်မှ လွတ်မြောက်အောင် ကူညီပေးနိုင်လိမ့်မည်မှာ သေချာသလောက်ပင်။</p> <p style="text-align:justify">ဟုတ်ပါသည်...။ ကစားသမားများနှင့် နည်းပြများ၏ အမြင်များက ကွဲပြားကြသဖြင့် ပေါ့ပေါ့တန်တန်တော့ ဆုံးဖြတ်ချက်ချ၍ မရပေ။</p> <p style="text-align:justify">“အင်း... မင်းပြောတာ အဓိပ္ပာယ်ရှိတယ်။ တောင်ပံ နှစ်ဖက်စလုံးကနေ ဖြန့်ထွက်ကစားတာ အကောင်းဆုံးပဲ...” မော်ရင်ညိုက ခေါင်းညိတ် ထောက်ခံလိုက်သည်။</p> <p style="text-align:justify">......</p> <p style="text-align:justify">ချန်ပီယံလိဂ် ပွဲစဉ်ရက်က လျင်မြန်စွာ ရောက်ရှိလာခဲ့သည်။</p> <p style="text-align:justify">ယိုဟန် ခရိုက်ဖ် အားကစားကွင်း…</p> <p style="text-align:justify">လွန်ခဲ့သော သုံးနှစ်က ဘောလုံးလောကအပေါ် ကြီးမားသော သက်ရောက်မှုများ ပြုလုပ်နိုင်ခဲ့သည့် ယိုဟန် ခရိုက်ဖ် ကွယ်လွန်သွားခဲ့သည်။ တစ်နှစ်အကြာတွင် အမ်စတာဒမ် အားကစားကွင်းကို ယိုဟန် ခရိုက်ဖ် အားကစားကွင်း ဟု အမည်ပြောင်းလဲခဲ့သည်။</p> <p style="text-align:justify">ဘောလုံးလောက ဖွံ့ဖြိုးတိုးတက်မှုအပေါ် ကြီးမားသော သက်ရောက်မှုများ ပြုလုပ်နိုင်ခဲ့သည့် အကြီးကျယ်ဆုံး ကစားသမား တစ်ဦးအနေဖြင့် သူ၏ ကစားသမားဘဝနှင့် နည်းပြဘဝ အဆင့်အတန်း နှစ်ခုစလုံးက ယုံမှားသံသယဖြစ်စရာ မရှိပေ။ </p> <p style="text-align:justify">သူ၏ ဒဿနမှာ တစ်သင်းလုံးတိုက် ၊ တစ်သင်းလုံးပြန်ဆင်းပင် ဖြစ်လေသည်။</p> <p style="text-align:justify">သို့သော် ဘောလုံးလောက ပြင်ပတွင်မူ သူ၏ ဆေးလိပ်ကြိုက်မှုက ဘောလုံးလောကတွင် အဆိုးဆုံး ဟုပင် ဆိုနိုင်သည်။ အဆိုးရွားဆုံး အခြေအနေတွင် တစ်နေ့လျှင် ဆေးလိပ် အလိပ် ၈၀ အထိ သောက်ခဲ့ဖူးသည်။ </p> <p style="text-align:justify">၁၉၇၈ ကမ္ဘာ့ဖလား ဗိုလ်လုပွဲ၌ ပွဲတစ်ပိုင်းနားချိန်တွင်ပင် ခရိုက်ဖ်က အဝတ်လဲခန်းထဲ၌ ဆေးလိပ်သောက်နေခဲ့သည်။</p> <p style="text-align:justify">သို့သော် ဆိုရိုးစကားတစ်ခု ရှိသည်မဟုတ်ပါလား... ပွဲတစ်ပိုင်းနားချိန် ဆေးလိပ်တစ်လိပ် သောက်ရတာက နတ်ဘုရားဖြစ်ရတာထက် ပိုကောင်းတယ်တဲ့။</p> <p style="text-align:justify">အဘယ်ကြောင့်ဆိုသော် ပြင်းထန်သော လေ့ကျင့်ခန်းများ ပြုလုပ်ပြီးနောက် ဆေးလိပ်တစ်လိပ် သောက်ရခြင်း၏ သာယာမှုက လိင်ကိစ္စထက်ပင် ပိုကောင်းသည်ဟု ဆိုကြသောကြောင့်ပင်။ သို့သော် ခရိုက်ဖ်လို လူမျိုးကတော့ တကယ်ကို ရှားပါးလှပါသည်။</p> <p style="text-align:justify">“ဟေ့ကောင်တွေ ကြည့်စမ်း... ခရိုက်ဖ်ရဲ့ ရုပ်တုဟ။ တစ်နေ့ကျရင် အိုးထရက်ဖို့ဒ် အပြင်ဘက်မှာ ငါ့ရုပ်တုရော ထားပေးလောက်မလားဟင်...”</p> <p style="text-align:justify"> မက်ဂွိုင်းယားက ကလေးတစ်ယောက်လို ကားပြတင်းပေါက်တွင် မျက်နှာအပ်ကာ မေးလိုက်သည်။</p> <p style="text-align:justify">“မင်းတော့ တကယ် တွေးလွန်နေပြီကွာ...”</p> <p style="text-align:justify">“မဖြစ်နိုင်တာတော့ မဟုတ်ပါဘူး... တကယ်လို့ မင်းသာ အနာဂတ်မှာ မန်ယူနည်းပြ ဖြစ်လာပြီး အသင်းကို တတိယမြောက် ခေတ်တစ်ခုဆီ ခေါ်သွားနိုင်ရင်တော့ မင်းဘာသာမင်း ရုပ်တု လုပ်လို့ရပါတယ်...” ဒီဂီယာက ဝင်နှိမ်လိုက်သည်။</p> <p style="text-align:justify">“ထားလိုက်ပါကွာ...” </p> <p style="text-align:justify">မာရက်ဇ်က နှုတ်ခမ်းတွန့်လိုက်သည်။ “ဒီကောင့် ခေါင်းကြီးတာကို ကြည့်ပြီး အထင်မကြီးနဲ့။ တကယ်တမ်းကျတော့ ဦးနှောက် သိပ်ရှိတာ မဟုတ်ဘူး...”</p> <p style="text-align:justify">“ချူ... မင်းတို့ဆီမှာ စကားပုံတစ်ခု ရှိတယ်မလား။ သုံးရက်လောက် မတွေ့ရရင်... အဲဒီနောက်က ဘာဆက်ပြောတာလဲ...” မက်ဂွိုင်းယားက ခေါင်းကို ကုတ်ရင်း ဦးနှောက်စားစွာ စဉ်းစားနေသည်။</p> <p style="text-align:justify">“သုံးရက်လောက် ခွဲခွာနေရရင်တောင်မှ တခြားသူတွေကို အမြင်သစ်နဲ့ ကြည့်သင့်တယ်။ ဒါက လူတွေရဲ့ တိုးတက်မှုနဲ့ အပြောင်းအလဲက မြန်ဆန်တယ်ဆိုတာကို ပြတာပဲ...” ချူဖုန်း တစ်ယောက် တရုတ်စာဆရာ ချက်ချင်း ဖြစ်သွားတော့သည်။</p> <p style="text-align:justify">“ဟုတ်တယ်... ငါ စောစော အနားယူဖြစ်ရင် မင်းတို့ကို နည်းပြ လာလုပ်ပေးရမလားပဲ...” မက်ဂွိုင်းယား၏ ယုံကြည်မှုများက ဘယ်ဆီက ရောက်လာမှန်း မသိပေ။</p> <p style="text-align:justify">ချက်ချင်းဆိုသလိုပင် ကားထဲတွင် ရယ်မောသံများ ပြည့်နှက်သွားပြီး အားလုံးက မက်ဂွိုင်းယား၏ ကြီးမားလှသော ရည်မှန်းချက်များကို လှောင်ပြောင် ချီးကျူးလိုက်ကြသည်။</p> <p style="text-align:justify">အက်ရှလေယန်းက အော်ပြောလိုက်သည်။ “ရှေ့ဆက်သွား ဟယ်ရီ။ မင်းသာ နည်းပြဘဝကို ဝင်မယ် ဆိုရင် ငါကတော့ နောက်ထပ် ငါးနှစ် ခြောက်နှစ်လောက် ကစားဦးမှာပဲ။ မင်းကို နည်းပြကြီး လို့ ခေါ်ရမယ့် နေ့ကို စောင့်နေမယ်ကွာ”</p> <p style="text-align:justify">သိပ်မကြာမီမှာပင်... </p> <p style="text-align:justify">အဖွဲ့သားများ အားလုံး ယိုဟန် ခရိုက်ဖ် အားကစားကွင်းအတွင်းသို့ ဝင်ရောက်လာကြပြီး ပွဲကြို သွေးပူလေ့ကျင့်ခန်းများကို စတင် လုပ်ဆောင်ကြသည်။</p> <p style="text-align:justify">“သောက်ကျိုးနည်း... ဒီမြက်ခင်းက အရမ်း ချော်တာပဲ။ ဒါကို တစ်နှစ်ကို အကြိမ် ၃၀ လောက် လဲရသေးတယ် ဟုတ်လား...” ဂရီးလစ်ရှ် တစ်ယောက် ခြေချော်ပြီး လဲကျမတတ် ဖြစ်သွားသည်။</p> <p style="text-align:justify">“ခဏနေရင် အားလုံး FG ကန်ဖိနပ်တွေ လဲစီးကြမယ်...” </p> <p style="text-align:justify">ချူဖုန်းက မြေပြင်ကို နှစ်ချက်လောက် ဆောင့်နင်းလိုက်သည်။ ဒါက အေဂျက်စ်ဘက်က တမင် သုံးထားသော ညစ်ပတ်သည့် နည်းဗျူဟာ တစ်ခုများလားဟု သူ တွေးလိုက်မိသည်။</p> <p style="text-align:justify">ည ၈ နာရီ ၃၀ မိနစ်တွင် ချန်ပီယံလိဂ် ဇာတ်ဝင်တေးသံကြီး ထွက်ပေါ်လာသည်။ ကစားသမားများ အားလုံး ဒိုင်လူကြီးအဖွဲ့၏ ဦးဆောင်မှုဖြင့် ကစားသမား ဥမင်လိုဏ်ခေါင်းထဲမှ ထွက်လာကြသည်။</p> <p style="text-align:justify">“လီဆန်ဒရို... မန်ယူရဲ့ ကျောနံပါတ် ၇က မက်ဆီလောက် ကောင်းတယ်လို့ မင်း ထင်လား...” </p> <p style="text-align:justify">ဗန်ဒီဘိခ်က ချူဖုန်းကို အားကျသောအကြည့်ဖြင့် ကြည့်ကာ မေးလိုက်သည်။</p> <p style="text-align:justify">တန်ဟက်ဂ်ကဲ့သို့ပင် သူသည်လည်း မန်ချက်စတာယူနိုက်တက်အတွက် ကစားပေးရန် အိပ်မက် မက်နေသူ ဖြစ်သည်။ ဤကာလအတွင်း ညသန်းခေါင်ယံတွင် သူ အိပ်မက် မကြာခဏ မက်လေ့ရှိသည်။ မန်ချက်စတာယူနိုက်တက်၏ ကျောနံပါတ် ၇ အဖြစ် ကစားပြီး အနီရောင် သရဲနီများ၏ ခေတ်သစ်တစ်ခုကို သူ ဖန်တီးနေသည်ဟု အိပ်မက်မက်ခြင်း ဖြစ်သည်။</p> <p style="text-align:justify">“ကောင်းလောက်ပါတယ်...” လီဆန်ဒရို မာတီနက်ဇ်က သူ ဆက်ပြောမည့် စကားကို မြိုချလိုက်သည်။</p> <p style="text-align:justify">ခံစားချက် အရဆိုလျှင် မက်ဆီက သေချာပေါက် ပိုကောင်းပါသည်။ သို့သော် ဓမ္မဓိဋ္ဌာန်ကျကျ ပြောရလျှင်တော့ ချူဖုန်းက ပိုကောင်းသည်ဟု သူ ခံစားရသည်။ </p> <p style="text-align:justify">အဘယ်ကြောင့်ဆိုသော် သူတို့နှစ်ဦးက အသက်အရွယ် ကွာခြားနေသောကြောင့်ပင်။ တစ်ယောက်က ကစားသမားဘဝ၏ အထွတ်အထိပ်သို့ ရောက်ရှိခါစ ဖြစ်ပြီး နောက်တစ်ယောက်က ကစားသမားဘဝ နေဝင်ချိန်သို့ ရောက်ရှိနေပြီ မဟုတ်ပါလား။</p> <p style="text-align:justify">“ထားလိုက်ပါ... နောက်ကျရင် အခွင့်အရေးရရင် ငါတို့နှစ်ယောက်လုံး မန်ချက်စတာယူနိုက်တက်ကို သွားကြမယ်လေ...” </p> <p style="text-align:justify">ဗန်ဒီဘိခ်က ပါးစပ်ကို အုပ်ကာ တိုးတိုးလေး ပြောလိုက်သည်။ “ရှေ့တန်းမှာ ချူ ရှိမယ်။ ကွင်းလယ်မှာ ငါ ရှိမယ်။ ခံစစ်မှာ မင်း ရှိမယ်... ဒါဆို ငါတို့ကို ဘယ်သူမှ ယှဉ်နိုင်မှာ မဟုတ်တော့ဘူး. မိုက်တယ်မလား”</p> <p style="text-align:justify">တန်ဟက်ဂ် တစ်ယောက် မန်ယူသို့ မသွားရသေးခင်မှာပင် သူ၏ တပည့်များက အသင်းပြောင်းရန် စဉ်းစားနေကြပြီ ဖြစ်ကြောင်းကို သူ မသိခဲ့ရှာပေ။ ဗန်ဒီဘိခ်၏ အကြည့်ကို သတိထားမိသောအခါ ချူဖုန်းက ဖော်ရွေစွာ ခေါင်းညိတ်ပြလိုက်သည်။</p> <p style="text-align:justify">သူ ဒီကောင်လေးကို မှတ်မိသည်။ </p> <p style="text-align:justify">စကားတစ်ခွန်းတည်း ပြောရရင်... ငွေလိမ်ခံရတာပဲ</p> <p style="text-align:justify">စကားနှစ်ခွန်း ပြောရရင်... လုံးဝ ငွေလိမ်ခံရတာပဲ</p> <p style="text-align:justify">ဗန်ဒီဘိခ်က ယူရို သန်း ၄၀ ဖြင့် မန်ချက်စတာယူနိုက်တက်သို့ ပြောင်းရွှေ့လာပြီး ၄ နှစ်အတွင်း ၆၂ ပွဲ ကစားခဲ့သည်။ သို့သော် ထိုအချိန်အတွင်း ကလေးနှစ်ယောက်ပင် ရသွားခဲ့သေးသည်။</p> <p style="text-align:justify">လီဆန်ဒရို မာတီနက်ဇ်ကတော့ မဆိုးလှပေ။ အရပ်ပုသော်လည်း သူ၏ ခံစစ်အဆင့်အတန်းက အလွန် မြင့်မားသည်။ လီဆန်ဒရို မာတီနက်ဇ်က ဟာလန်းကိုပင် အသံတိတ်သွားအောင် ကစားနိုင်ခဲ့သည်ကို ချူဖုန်း ဝေဝါးဝါး မှတ်မိနေသေးသည်။</p> <p style="text-align:justify">“အားလုံးပဲ မင်္ဂလာညချမ်းပါ ခင်ဗျာ”</p> <p style="text-align:justify">“ကျွန်တော်တို့ အခု ၂၀၁၉-၂၀ ယူအီးအက်ဖ်အေ ချန်ပီယံလိဂ် အုပ်စုအဆင့် ပထမအကျော့ကို တိုက်ရိုက် ထုတ်လွှင့်နေပါပြီ...”</p> <p style="text-align:justify">“အေဂျက်စ်က အိမ်ကွင်းမှာ မန်ချက်စတာယူနိုက်တက်ကို ဧည့်ခံ ကစားမှာ ဖြစ်ပါတယ်...”</p> <p style="text-align:justify">“အခု နှစ်သင်းစလုံးရဲ့ ပွဲထွက်စာရင်းကို မိတ်ဆက်ပေးပါမယ်။ အဖြူရောင်ဂျာစီ ဝတ်ဆင်ထားတာက အေဂျက်စ် ဖြစ်ပါတယ်။ တန်ဟက်ဂ် က ၄-၂-၃-၁ တိုက်စစ်အပြည့် ခံစစ်အပြည့် ကစားကွက်ကို အသုံးပြုလာပါတယ်။ ဂိုးသမားကတော့...”</p> <p style="text-align:justify">“ပြီးခဲ့တဲ့ရာသီက ခြေစွမ်းပြခဲ့တဲ့ ဒီလစ်နဲ့ ဒီဂျောင်တို့ကို ရောင်းချလိုက်ပေမယ့် အေဂျက်စ်က သွေးသစ်တွေနဲ့ ချက်ချင်း အင်အားဖြည့်တင်းထားနိုင်ပါတယ်...”</p> <p style="text-align:justify">“မော်ရင်ညိုကတော့ ၄-၃-၁-၂ ကစားကွက်နဲ့ ပွဲထွက်လာပြီး ဂိုးသမားကတော့ ဒီဂီယာ ပါ...”</p> <p style="text-align:justify">“ယခင်ပွဲစဉ်တွေနဲ့ ယှဉ်ရင် သိပ်ပြီး ကွာခြားမှုတော့ မရှိပါဘူး...”</p> <p style="text-align:justify">“အဝေးကွင်းပွဲ ဖြစ်တာကို ထည့်သွင်းစဉ်းစားပြီး ဘရူနို ဖာနန်ဒက်စ်ကို ပွဲထွက် ကွင်းလယ်တိုက်စစ် ကစားသမား အဖြစ် ရွေးချယ်ထားပုံရပါတယ်။ ဘာလို့လဲဆိုတော့ သူက ခံစစ်စွမ်းရည် ပိုကောင်းလို့ပါပဲ...”</p> <p style="text-align:justify">“တစ်သင်းက ဥရောပ ဘောလုံးလောကရဲ့ မြင်းနက်အသင်း ဖြစ်ပြီး နောက်တစ်သင်းက ဥရောပ ဘောလုံးလောကရဲ့ ဘုရင် ဖြစ်ပါတယ်...”</p> <p style="text-align:justify">“မြင်းနက် အေဂျက်စ်အသင်းကပဲ အံ့အားသင့်အောင် လုပ်ပြသွားမလား... ဒါမှမဟုတ် ချန်ပီယံကပဲ သူ့ရဲ့ ကြီးစိုးမှုကို ဆက်လက် ထိန်းသိမ်းသွားမလား...”</p> <p style="text-align:justify">“စောင့်ကြည့်ကြတာပေါ့ဗျာ”</p> <p style="text-align:justify">ကျန်းကျွင်းက အတိုချုပ် မိတ်ဆက်ပေးလိုက်သည်။</p> <p style="text-align:justify">မီဂူ စပေ့ါတ်၏ တိုက်ရိုက်ထုတ်လွှင့်မှု အခန်းထဲတွင် ပရိသတ်များက မှတ်ချက်များကို ရူးသွပ်စွာ ရေးသားနေကြသည်။</p> <p style="text-align:justify">-<br /> 【လူငယ်မုန်တိုင်း နဲ့ လူငယ်မုန်တိုင်း အားပြိုင်ပွဲဟေ့】<br /> -<br /> 【အိုနာနာရဲ့ ဘောလုံးပေးပို့နိုင်စွမ်းက အတော်လေး ကောင်းတယ်။ နူအာကိုတောင် သွားသတိရမိတယ်...】<br /> -<br /> 【သူ့တင်ပါးကြီးက အရမ်းကြီးတာပဲ... အဲဒါ မွေးရာပါ လက်ဆောင်လား...】<br /> -<br /> 【မဟုတ်ဘူး... တိုက်စစ်ကစားသမားတွေအတွက် တင်ပါးကြီးတာက ပေါက်ကွဲအား ကောင်းတာကို ပြပေမယ့် ဂိုးသမားတွေအတွက်ကတော့ တင်ပါးကြီးတာက မြေပြင်ရွေ့လျားမှု နှေးကွေးစေပြီး အလွယ်တကူ အပေါက်အပြဲ ဖြစ်တတ်တယ်...】<br /> -<br /> 【ပြီးခဲ့တဲ့ရာသီက ချန်ပီယံလိဂ် ဂိုးသွင်းစံချိန်ကို မချိုးနိုင်ခဲ့တဲ့ ရှောင်ချူ ဒီရာသီမှာတော့ စံချိန်ကို ချိုးဖို့ အားထုတ်ရတော့မယ်】<br /> -<br /> 【ဟုတ်တယ်... ပြီးတော့ လိဂ်ပွဲတွေလည်း ရှိသေးတယ်။ မက်ဆီရဲ့ ၉၁ ပွဲဆက် နိုင်ပွဲစံချိန်ကို ချိုးဖို့ ကြိုးစားကြစို့】<br /> -<br /> 【......】</p> <p style="text-align:justify">တီ… တီ…</p> <p style="text-align:justify">ဒိုင်လူကြီး၏ ခရာမှုတ်သံနှင့်အတူ ပွဲကို တရားဝင် စတင်လိုက်ပြီ</p> <p style="text-align:justify">နယ်သာလန် ပရိသတ်များ၏ အားပေးမှုက အလွန် ကောင်းမွန်လှသည်။ အေဂျက်စ်၏ ကစားဟန်ကလည်း အလွန် ကြမ်းတမ်းပါသည်။ </p> <p style="text-align:justify">နှစ်သင်းစလုံးက ရာသီ၏ ပထမဆုံး ချန်ပီယံလိဂ်ပွဲ ဖြစ်သောကြောင့် သတိကြီးကြီးထားကာ စတင်ခဲ့ကြသည်။</p> <p style="text-align:justify"> </p> <p style="text-align:justify"> </p> <p style="text-align:center"><br /> ***</p>


Save