Book List

<h2 style="text-align: center;">အခန်း (၄၇၃)</h2> <h2 style="text-align: center;">*</h2> <p> </p> <p> </p> <p> </p> <p style="text-align:justify">ပွဲချိန် မိနစ် ၂၀ အကြာတွင်တော့...</p> <p style="text-align:justify">အေဂျက်စ်တို့ ဖိအားပေး ကစားလာပြီး ကွင်းလယ်တွင် ဘောလုံးကို ကြားဖြတ်လုယူရန် ကြိုးပမ်းလာကြသည်။ ထို့နောက် ချက်ချင်း တန်ပြန်တိုက်စစ် ဆင်ကြသည်။</p> <p style="text-align:justify">သို့သော် မန်ချက်စတာယူနိုက်တက်က အခြား ဘောလုံးအသင်းများနှင့် မတူပေ။ သူတို့က ကွင်းလယ်မှတစ်ဆင့် အကူးအပြောင်း လုံးဝ မလုပ်ကြပေ။</p> <p style="text-align:justify">မက်ဂွိုင်းယားက ဘောလုံးကို စကော့ မက်တော်မီနေးထံ ပေးပို့လိုက်သည်။</p> <p style="text-align:justify">မက်တော်မီနေးက ခေါင်းမော့ကာ အသင်းဖော်များနှင့် ပြိုင်ဘက်များ၏ နေရာယူမှုများကို အကဲခတ် လိုက်ပြီး ဝမ်ဘစ်ဆာကာ တစ်ယောက် ဘေးတောင်ပံသို့ လျင်မြန်စွာ ပြေးထွက်သွားသည်ကို သတိပြုမိလိုက်သည်။ ထို့ကြောင့် ဘောလုံးကို ထောင့်ဖြတ် ကန်တင်ပေးလိုက်သည်။</p> <p style="text-align:justify">မူလက ဝမ်ဘစ်ဆာကာသည် ပရီးမီးယားလိဂ်၏ တံစဉ်ကြီး တစ်လက် ဖြစ်ပြီး သူမြင်သမျှ လူတိုင်းကို မဆိုင်းမတွ ဝင်ရောက် ဖျက်ထုတ်တတ်သူ ဖြစ်သည်။ </p> <p style="text-align:justify">ယခုတော့ အရာရာက အနည်းငယ် ပြောင်းလဲသွားခဲ့ပြီ။ </p> <p style="text-align:justify">သူက ခံစစ်ပိုင်းတွင် ထူးချွန်စွာ စွမ်းဆောင်နိုင်ရုံသာမက အသင်း၏ တိုက်စစ်များတွင်လည်း စတင် ပါဝင်လာခဲ့သည်။ တကယ်တမ်းတွင် သူ၏ ပေါက်ကွဲအားက ရှေ့သို့ ပြေးထွက်ရန် သဘာဝအလျောက် သင့်လျော်နေသည်။</p> <p style="text-align:justify">အာဂျင်တီးနားမှ နောက်ခံလူ တာဂလီယာဖီကိုမှာ သတိမထားမိပါက ဝမ်ဘစ်ဆာကာ၏ လိမ်ခေါက် ဖြတ်ကျော်မှုကို အလွယ်တကူ ခံရနိုင်သည်။</p> <p style="text-align:justify">ချူဖုန်းကလည်း လေပြေလေညင်းလေး တစ်ခုလို တစ်ဖက်တည်းသို့ ရွှေ့လျားလာသည်။</p> <p style="text-align:justify">သူက အေဂျက်စ်၏ ညာဗဟိုနောက်ခံလူကို ဖိအားပေးပြီး တောင်ပံများကို အကာအကွယ်ပေးရန် ရွေ့လျားမှုကို နှေးကွေးအောင် လုပ်ရမည်။</p> <p style="text-align:justify">မျှော်လင့်ထားသည့်အတိုင်းပင်…</p> <p style="text-align:justify">မန်ချက်စတာယူနိုက်တက်၏ ကျောနံပါတ် ၇ သူ့ထံ ချဉ်းကပ်လာသည်ကို မြင်လိုက်ရသောအခါ လီဆန်ဒရို မာတီနက်ဇ်၏ ခန္ဓာကိုယ် ချက်ချင်း တင်းမာသွားပြီး သူ၏ လှုပ်ရှားမှုများကို မျက်ခြည်မပြတ် စောင့်ကြည့်နေလိုက်သည်။</p> <p style="text-align:justify">ဝမ်ဘစ်ဆာကာ ရုတ်တရက် ရပ်တန့်လိုက်ပြီး နောက်မှ လိုက်ပါလာသော တာဂလီယာဖီကိုကို ခါချလိုက်သည်။ သို့သော် သူက ဘောလုံးကို ဧရိယာထဲ မဖြတ်တင်လိုက်ပေ။ အနီးဆုံးရှိ ဘရူနို ဖာနန်ဒက်စ်ထံသာ ပေးလိုက်၏။</p> <p style="text-align:justify">သူ့ကို တောင်ပံတစ်လျှောက် အတက်အဆင်း လုပ်ခိုင်းတာက ကိစ္စမရှိပေမယ့် တိုက်စစ်ကစားကွက်တွေ ဖန်တီးပေးဖို့တော့ မျှော်လင့်လို့ မရဘူးလေ။</p> <p style="text-align:justify">ဘရူနို ဖာနန်ဒက်စ်က ဘောလုံးမလက်ခံမီ အလျင်အမြန် လှည့်ကြည့်လိုက်ပြီး ဗန်ဒီဘိခ် နီးကပ်လာသည်ကို တွေ့လိုက်ရသည်။</p> <p style="text-align:justify">“လှလိုက်တာဗျာ...” </p> <p style="text-align:justify">“ဘရူနို ဖာနန်ဒက်စ်က ဗန်ဒီဘိခ်ရဲ့ နှောင့်ယှက်မှုကို ခံနိုင်ရည်ရှိရှိနဲ့ အပေါ်မိုးပျံဘော တစ်လုံး ပေးပို့လိုက်ပြီ”</p> <p style="text-align:justify">ထိုခဏမှာပင် လီဆန်ဒရို မာတီနက်ဇ်၏ တင်းမာနေသော အာရုံကြောများ ပြတ်တောက်သွားသလို ခံစားလိုက်ရသည်။ အဘယ်ကြောင့်ဆိုသော် ချူဖုန်းက ထောင့်ချိုးတစ်ခုမှ ပြေးထွက်လာသည်ကို သူ မြင်လိုက်ရသောကြောင့်ပင်…။</p> <p style="text-align:justify">ချူဖုန်းက ပထမဆုံး ဘောလုံးလက်ခံမည့်ဟန်ဖြင့် ညာဘက်သို့ ရွေ့လျားလိုက်သော်လည်း တကယ်တမ်းတွင်မူ ပင်နယ်တီ ဧရိယာအတွင်းသို့ ထောင့်ဖြတ် ဝင်ရောက်ရန် အခွင့်အရေးကို ရှာနေခြင်း ဖြစ်ပေသည်။</p> <p style="text-align:justify">လီဆန်ဒရို မာတီနက်ဇ်မှာ သူ၏ အရပ် ၁၇၅ စင်တီမီတာသာ ရှိသည်ကိုသာ နောင်တရနေမိတော့သည်။ အရပ် နည်းနည်းလေးသာ ပိုရှည်ခဲ့လျှင် လေထဲကနေ ကြားဖြတ် ဖြတ်ထုတ်နိုင်မည် ဖြစ်သော်လည်း လူပုလေးကတော့ လူပုလေးသာ ဖြစ်နေဆဲပင်။</p> <p style="text-align:justify">နောက်တန်းတွင် ကစားနေသော ကန်တေ တစ်ယောက် ကံကြမ္မာတူ ခံစားချက်မျိုးကို ခံစားလိုက်ရသည်။ </p> <p style="text-align:justify">နေဦး... ဒါ မမှန်သေးဘူး။ သူက အနည်းဆုံး အရပ် ၁၇၅ စင်တီမီတာ ရှိပြီး ငါက ၁၆၈ စင်တီမီတာပဲ ရှိတာလေ။ ကံကြမ္မာတူတဲ့ လူကို သွားသနားနေလို့ ဘာထူးမှာလဲ။</p> <p style="text-align:justify">ချူဖုန်းက ဘောလုံး၏ လမ်းကြောင်းကို အကဲခတ်ရန် လှည့်ကြည့်လိုက်ပြီး ဘောလုံးကို မြေပေါ်ကျခွင့် မပေးတော့ပေ။ </p> <p style="text-align:justify">လေထဲတွင်ပင် သူ၏ ညာခြေက ရုတ်တရက် လွှဲရိုက်လိုက်သည်။</p> <p style="text-align:justify">ဘုန်း...</p> <p style="text-align:justify">အိုနာနာက ကြိုတင်ခန့်မှန်းပြီး ကာကွယ်ရသည်ကို အကျင့်ပါနေသူ ဖြစ်သည်။ အောင်မြင်စွာ ကာကွယ်နိုင်လျှင် ကမ္ဘာ့အဆင့်မီ ကာကွယ်မှု ဖြစ်သွားပြီး လွဲချော်သွားပါက ကြီးမားသော အခြေခံအမှားကြီး ဖြစ်သွားမည်ဖြစ်သည်။</p> <p style="text-align:justify">ကံကောင်းထောက်မစွာဖြင့် ယခုတစ်ကြိမ်တွင် သူ မှန်ကန်စွာ ခန့်မှန်းနိုင်ခဲ့သည်။ </p> <p style="text-align:justify">“လှလိုက်တာဟေ့...” အိုနာနာ မတ်တပ်ရပ်ကာ လက်သီးဆုပ်ပြီး ဟိန်းဟောက်လိုက်သည်။ </p> <p style="text-align:justify">တကယ်တမ်းတော့ တန်ဟက်ဂ်နှင့် ဗန်ဒီဘိခ်တို့ကဲ့သို့ပင် မန်ချက်စတာယူနိုက်တက်တွင် ကစားရန်မှာ သူ၏ ကလေးဘဝ အိပ်မက်တစ်ခု ဖြစ်ခဲ့သည်။ ဂိုးသမားတစ်ယောက်အနေဖြင့် ဘောလုံးကို ကာကွယ်နိုင်ခြင်းက သူတို့၏ အလုပ် ဖြစ်သော်လည်း ဘယ်သူ ကန်သွင်းလိုက်တာလဲ ဆိုသည့်အပေါ်တွင်လည်း မူတည်၍ အောင်ပွဲခံသင့်သည် မဟုတ်ပါလား…။</p> <p style="text-align:justify">“တောင်ပံတွေကနေ ဆက်ပြီး ဖြန့်ကစားကြ...” </p> <p style="text-align:justify">ချူဖုန်းက သိပ်ပြီး ဂရုမစိုက်ပေ။ </p> <p style="text-align:justify">သူက အိုနာနာကို နောက်ပြောင်နေသော်လည်း တကယ်တမ်းတွင်တော့ အိုနာနာ ညံ့သည်ဟု မထင်ထားပေ။ ဘာပဲပြောပြော သူက အေဂျက်စ်၏ ပွဲထွက်ဂိုးသမား မဟုတ်ပါလား။ သူသာ အရည်အချင်း မရှိလျှင် တန်ဟက်ဂ်က သူ့ကို အစားထိုးပစ်ခဲ့သည်မှာ ကြာပြီဖြစ်သည်။</p> <p style="text-align:justify">ပွဲက ဆက်လက် လည်ပတ်နေသည်။</p> <p style="text-align:justify">မော်ရင်ညိုက ကွင်းဘေးတွင် လက်ပိုက်ရပ်ကာ ကွင်းအတွင်းရှိ အခြေအနေများကို အေးဆေးတည်ငြိမ်စွာ အကဲခတ်နေသည်။</p> <p style="text-align:justify">“နည်းပြကြီး... အရည်အချင်းရှိတဲ့ ကစားသမား အနည်းငယ် ရှိတယ်ထင်တယ်။ သူတို့ကို စောင့်ကြည့်စာရင်းထဲ ထည့်ထားလိုက်ရမလား...” </p> <p style="text-align:justify">ဖာရီယာက ဖိုင်တွဲတစ်ခုကို ဆွဲထုတ်လိုက်သည်။</p> <p style="text-align:justify">“အင်း... အရင်ထည့်ထားလိုက်ပေါ့။ အရမ်း ငယ်လွန်းနေသေးတော့ နောက်ထပ် နှစ်အနည်းငယ်လောက် စောင့်ကြည့်ရဦးမယ်...” မော်ရင်ညိုက ခေါင်းညိတ်ပြလိုက်သည်။</p> <p style="text-align:justify">သူ၏ ကျယ်ပြန့်သော ကစားသမား အချက်အလက်များက မန်ဒက်စ်ထံမှသာမက ပွဲစဉ်များအတွင်း ကိုယ်တိုင် အကဲခတ်မှုများမှလည်း ရရှိလာခြင်း ဖြစ်သည်။ ဤကဲ့သို့ ကင်းထောက်ခြင်းက အနည်းငယ် အချိန်ယူရသော်လည်း သူက အမည်ခံ ဒေတာ အချက်အလက်ကြီးတွေထက် သူ့ကိုယ်ပိုင် မျက်လုံးတွေကို ပိုယုံကြည်သည်။</p> <p style="text-align:justify">သေချာသည်ကတော့ ဒေတာတွေက အသုံးမဝင်ဘူးဟု ဆိုလိုခြင်း မဟုတ်ပေ။ ကစားသမားအချို့၏ အခန်းကဏ္ဍနှင့် ဝိသေသလက္ခဏာများကို အေးစက်စက် ဂဏန်းအရေအတွက်များဖြင့် ပြသ၍ မရနိုင်သောကြောင့် ဖြစ်သည်။</p> <p style="text-align:justify">ဘေးဘက်ရှိ တန်ဟက်ဂ်ကလည်း အလားတူပင် လိုက်လုပ်နေသည်။ </p> <p style="text-align:justify">ဘောလုံးလောကတွင် ဆွဲဆောင်မှုအရှိဆုံး နည်းပြချုပ်များမှာ ဂွါဒီယိုလာနှင့် မော်ရင်ညိုတို့ ဖြစ်သည်ဟု သူ ယုံကြည်ထားသည်။</p> <p style="text-align:justify">ရုတ်တရက်...</p> <p style="text-align:justify">တန်ဟက်ဂ်၏ ပြောင်ရှင်းနေသော ခေါင်းပေါ်တွင် အလင်းရောင် တစ်ချက် လက်သွားပြီး ကွင်းအတွင်းရှိ အခြေအနေများက ကြီးမားစွာ ပြောင်းလဲသွားခဲ့သည်။</p> <p style="text-align:justify">မန်ချက်စတာယူနိုက်တက်က တောင်ပံများမှတစ်ဆင့် တိုက်စစ်ကို ဆက်လက် ဆင်နွှဲလာသည်။</p> <p style="text-align:justify">ဝမ်ဘစ်ဆာကာက နောက်မှ လိုက်ပါလာသော သီယာဂိုထံ ဘောလုံး ပေးပို့လိုက်သည်။ ဘရာဇီးလ် ဗဟိုနောက်ခံလူက အံ့မခန်း ခြေစွမ်းကို ပိုင်ဆိုင်ထားသည်။ သူက ချက်ချင်း ဘောလုံးက ဘယ်ဘက်တောင်ပံသို့ ခုတ်တင်ပေးလိုက်၏။</p> <p style="text-align:justify">ဆန်ဒရိုက ဘောလုံးကို ထိန်းချုပ်ပြီး အတွင်းသို့ ချိုးဝင်လာသည်။ သို့သော် သူက ပင်နယ်တီ ဧရိယာ ထိပ်မှ နေ၍ မမျှော်လင့်ဘဲ ဘောလုံးကို နောက်ပြန် ဖနောင့်ပေါက် ပေးလိုက်သည်။</p> <p style="text-align:justify">ချက်ချင်းဆိုသလိုပင်... </p> <p style="text-align:justify">မန်ချက်စတာယူနိုက်တက်၏ ကျောနံပါတ် ၇ ၏ ပုံရိပ်က မြင်ကွင်းဗဟိုတွင် ပေါ်လာသည်။ </p> <p style="text-align:justify">ဘောလုံးရှေ့တွင် သူ၏ ညာခြေကို မြင့်မားစွာ လွှဲလိုက်သည်။ ထို့နောက် အရှိန်အပြည့်ဖြင့် ဘောလုံးကို ကန်ထည့်လိုက်သည်။</p> <p style="text-align:justify">ဘုန်း...</p> <p style="text-align:justify">အမြောက်ဆံတစ်လုံးကဲ့သို့ ဘောလုံးက ဂိုးပေါက်ဆီသို့ ဟိန်းဟောက် ပြေးဝင်သွားသည်။</p> <p style="text-align:justify">ယခုတစ်ကြိမ်တွင်မူ အိုနာနာ ဘယ်လောက်ပဲ ကြိုတင်ခန့်မှန်းနိုင်ပါစေ... အချည်းနှီးသာ ဖြစ်သွားတော့သည်။</p> <p style="text-align:justify">“လှလိုက်တာဗျာ...”</p> <p style="text-align:justify">“ဒီတစ်ခေါက် ပင်နယ်တီ ဧရိယာအပြင်ဘက်က ပြင်းထန်တဲ့ ကန်ချက်က အောက်ကို စိုက်ဆင်းသွားရုံသာမက ထောင့်ကလည်း အရမ်း ကျလွန်းခဲ့ပါတယ်”</p> <p style="text-align:justify">“မန်ချက်စတာယူနိုက်တက်တို့ မကြာသေးခင်က အသင်းလိုက် တွဲကစားမှုတွေမှာ အားထုတ်မှု အများကြီး လုပ်ထားပုံရတယ်”</p> <p style="text-align:justify">“ပွဲချိန် ၃၄ မိနစ်မှာ ချူဖုန်းက ဒီရာသီအတွက် သူ့ရဲ့ ပထမဆုံး ချန်ပီယံလိဂ်ဂိုးကို သွင်းယူသွားခဲ့ပါပြီ”</p> <p style="text-align:justify">အားကစားကွင်းအတွင်းရှိ အေဂျက်စ် ပရိသတ်များမှာ တဖြည်းဖြည်း စိတ်ပျက်အားငယ်လာကြသည်။ </p> <p style="text-align:justify">ပြီးခဲ့သည့်ရာသီက သူတို့ ရီးရဲလ်မက်ဒရစ်ကို အနိုင်ယူနိုင်ခဲ့သဖြင့် ထိပ်သီးကလပ်ဆိုသည်မှာ ဤမျှသာ ဖြစ်မည်ဟု သူတို့ ထင်ခဲ့ကြသည်။ သို့သော် မန်ချက်စတာယူနိုက်တက်၏ ပြင်းထန်လှသော သွင်းဂိုးများက သူတို့နှစ်သင်းကြားရှိ ကွာဟချက်ကို နားလည်သဘောပေါက်သွားစေခဲ့သည်။</p> <p style="text-align:justify">တကယ်တမ်းတော့ သူတို့က အရမ်းသန်မာလွန်းနေတာ မဟုတ်ဘဲ ရီးရဲလ်မက်ဒရစ်က အရမ်းအားနည်းလွန်းနေခဲ့တာကိုး။</p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save