Book List

<h2 style="text-align: center;">အခန်း (၄၇၇)</h2> <h2 style="text-align: center;">*</h2> <p> </p> <p> </p> <p> </p> <p style="text-align:justify">မန်ချက်စတာယူနိုက်တက်က နည်းဗျူဟာ ပြောင်းလဲလိုက်ပြီး ပြစ်ဒဏ်ဘောများ ရရှိရန် စတင် ကြိုးစားလာသည်။ ပြစ်ဒဏ်ဘော ရယူရာတွင် နာမည်ကြီးသော ဂရီးလစ်ရှ်က ဖရက်ဒရစ်၏ ဖျက်ထုတ်မှုကို ခံလိုက်ရသည်။</p> <p style="text-align:justify">အဝါကတ် တစ်ကတ်နှင့်အတူ အလွန် ကောင်းမွန်သော နေရာမှ အလွတ်တည်ကန်ဘော ရရှိသွားသည်။</p> <p style="text-align:justify">“ဟားဗက်ဇ် ကန်လိမ့်မယ်ဗျ။ ဒီလူငယ်လေးရဲ့ ခြေစွမ်းက ယုံကြည်ရပါ့မလား...”</p> <p style="text-align:justify">“ဒါပေမယ့် သူကလွဲရင် တခြားသူ မရှိတော့ဘူး ထင်ပါတယ်...”</p> <p style="text-align:justify">“ချူ၊ စကော့နဲ့ တခြားလူတွေ အားလုံးက ပင်နယ်တီ ဧရိယာထဲမှာ ရောက်နေကြတယ်။ ဟားဗက်ဇ်ကလည်း သိပ်မသန်မာဘူးဆိုတော့ ပရီးမီးယားလိဂ်က လူထွားကြီးတွေကို သူ ဘယ်လိုများ ယှဉ်နိုင်မလဲ...”</p> <p style="text-align:justify">နဗီးလ်က နောက်ပြောင်လိုက်သည်။</p> <p style="text-align:justify">မကြာမီမှာပင် ဟားဗက်ဇ်က ဖြတ်တင်ဘော တစ်လုံး ကန်တင်ပေးလိုက်ပြီး ဘောလုံးက ပင်နယ်တီ အမှတ်ဆီသို့ တည့်တည့် ပြေးသွားသည်။</p> <p style="text-align:justify">“သောက်ကျိုးနည်း...”</p> <p style="text-align:justify">အော့ဘွန်နာနှင့် ဒီယော့ပ်တို့ နှစ်ဦးစလုံးက အရပ် ၁၉၀ စင်တီမီတာကျော် မြင့်မားသော လူထွားကြီးများ ဖြစ်သော်လည်း ချူဖုန်းနှင့် အားပြိုင်ရာတွင် အသာစီး မရခဲ့ကြပေ။</p> <p style="text-align:justify">ဆန့်ကျင်ဘက်အနေဖြင့်... </p> <p style="text-align:justify">မြေပြင်ပေါ်မှ စပရိန်တစ်ခုလို ခုန်ထွက်လာသော ချူဖုန်း၏ ကြောက်မက်ဖွယ်ကောင်းသော ခေါင်းတိုက်ချက်ကို သူတို့ ရပ်ကြည့်နေလိုက်ရသည်။</p> <p style="text-align:justify">စွမ်းအား အပြည့်အဝတော့ မသုံးထားပေ။</p> <p style="text-align:justify">သို့သော် ဘောလုံးက ကွေးညွတ်သော လမ်းကြောင်းဖြင့် ဖေဘီယန်စကီး၏ လက်ဖျားများကို ကျော်လွန်ကာ ဝက်စ်ဟမ်းယူနိုက်တက် ဂိုးပေါက်အတွင်းသို့ ဝင်ရောက်သွားခဲ့ပြီ။</p> <p style="text-align:justify">“တကယ်ကို လှပတဲ့ ဂိုးပါပဲဗျာ...”</p> <p style="text-align:justify">“ချူ... ”</p> <p style="text-align:justify">“လူစားဝင်လာပြီး မိနစ်နှစ်ဆယ် အကြာမှာပဲ မန်ချက်စတာ ယူနိုက်တက်အတွက် ချေပဂိုး သွင်းယူပေးလိုက်ပါပြီ”</p> <p style="text-align:justify">“ကာရင်တန် လေ့ကျင့်ရေးကွင်းကနေ ထွက်ပေါ်လာတဲ့ ဒီပါရမီရှင်လေးဟာ မန်ချက်စတာ ယူနိုက်တက်ရဲ့ ခေါင်းဆောင် တစ်ယောက်အဖြစ် ကြီးပြင်းလာခဲ့ပြီး အရေးကြီးတဲ့ အချိန်တိုင်းမှာ အမြဲတမ်း ခြေစွမ်းပြနိုင်ခဲ့ပါတယ်”</p> <p style="text-align:justify">နဗီးလ်က အပျက်သဘောဆောင်သော ဝေဖန်မှုများကို မလုပ်တော့ဘဲ ချူဖုန်းကို ချီးကျူးခြင်းဖြင့် ပရိသတ်၏ အာရုံစိုက်မှုကို ရယူရန်သာ ကြိုးစားနေတော့သည်။ မည်သို့ပင်ဆိုစေ ထိုစကားများက သူ၏ ရင်ထဲမှ လာသော စကားများပင်။</p> <p style="text-align:justify">မန်ချက်စတာယူနိုက်တက် သမိုင်းတစ်လျှောက်တွင် သို့မဟုတ် မကြာသေးမီ နှစ်များအတွင်း ချူဖုန်းက ပါရမီအရှိဆုံး ကစားသမား ဖြစ်သည်ဟု သူ ခံစားမိသည်။ သူတို့ ဂုဏ်ယူရသော Class of 92 မျိုးဆက်များပင်လျှင် ချူဖုန်းလောက် မကောင်းခဲ့ပေ။</p> <p style="text-align:justify">ရိုက်စ် တစ်ယောက် ချူဖုန်း အောင်ပွဲခံနေသည်ကို ကူကယ်ရာမဲ့စွာ ကြည့်နေလိုက်သည်။ သူတို့နှစ်ဦးက လူငယ်အသင်းမှသည် ပထမအသင်းအထိ ရှစ်နှစ်ကျော်ကြာ ပြိုင်ဘက်တွေ ဖြစ်ခဲ့ကြသည်။</p> <p style="text-align:justify">ပထမအဆင့် : တန်းတူရည်တူ။</p> <p style="text-align:justify">အလယ်အဆင့် : ရိုက်စ်က ပိုကောင်းတယ်။</p> <p style="text-align:justify">နောက်ဆုံးအဆင့် : ချူဖုန်းက အပြတ်အသတ် အနိုင်ရသွားတယ်။</p> <p style="text-align:justify">ပရီးမီးယားလိဂ် (ခ) တွင် ကစားခဲ့ဖူးသော ချူဖုန်း တစ်ယောက် ၂နှစ်ကျော် ကာလအတွင်း မန်ချက်စတာ ယူနိုက်တက်ကို ယခုလို ဂုဏ်သိက္ခာ ကြီးမားသော အောင်မြင်မှုများဆီ ဦးဆောင်သွားနိုင်လိမ့်မည်ဟု ရိုက်စ် တစ်ခါမှ မတွေးဖူးခဲ့ပေ။</p> <p style="text-align:justify">တစ်ချိန်တည်းမှာပင် သူကတော့ ဝက်စ်ဟမ်းယူနိုက်တက် မနစ်မြုပ်သွားစေရန် သနားစရာ ကောင်းလောက်အောင် ရုန်းကန်နေရသည်။ </p> <p style="text-align:justify">သူတို့နှစ်ဦးက ကလေးဘဝကတည်းက ပြိုင်ဘက်တွေ ဖြစ်ခဲ့ကြလို့များလား မသိ။ မန်ချက်စတာ ယူနိုက်တက်၏ ကမ်းလှမ်းမှုကို သူ မသိစိတ်က လက်မခံချင်ခဲ့ပေ။</p> <p style="text-align:justify">သူတို့နှစ်ယောက်က တစ်သက်တာ ပြိုင်ဘက်တွေ ဖြစ်သင့်တယ်လေ။</p> <p style="text-align:justify">“စိတ်မပျက်ကြနဲ့ဟေ့... ပွဲက အခုမှ စတယ်လို့ပဲ သဘောထားလိုက်။ ငါတို့ ဂိုးသွင်းဖို့ အခွင့်အရေး ရှိပါသေးတယ်” </p> <p style="text-align:justify">ရိုက်စ်ကလည်း ခေါင်းဆောင် တစ်ယောက်၏ တာဝန်ကို ယူကာ အော်ဟစ် အားပေးလိုက်သည်။</p> <p style="text-align:justify">ကံမကောင်းစွာဖြင့် သူ၏ လွှမ်းမိုးနိုင်စွမ်းက ချူဖုန်းနှင့် မယှဉ်နိုင်ပေ။</p> <p style="text-align:justify">မန်ချက်စတာယူနိုက်တက်က ကြိုးတစ်ချောင်းတည်းလို စည်းလုံးသွားပြီး အစွမ်းကုန် အားထုတ်ကာ အပြည့်အဝ တိုက်စစ်ဆင်လာကြသည်။ ဝက်စ်ဟမ်းယူနိုက်တက်တို့ မည်မျှပင် ရော်ဘင်ဟုဒ် စိတ်ဓာတ် ရှိနေပါစေ ထိုဖိအားကိုတော့ မခံနိုင်ခဲ့ပေ။</p> <p style="text-align:justify">ပွဲချိန် ၈၃ မိနစ်…</p> <p style="text-align:justify">ချူဖုန်းက အလယ်မှနေ၍ ဆက်တိုက် ထိုးဖောက်သွားပြီးနောက် ဂရီးလစ်ရှ်ထံသို့ ဘောလုံးကို ချက်ချင်း ပေးပို့လိုက်သည်။</p> <p style="text-align:justify">ဂရီးလစ်ရှ်က ဘောလုံး ရသည်နှင့် ဝက်စ်ဟမ်း၏ ဂိုးဧရိယာ အတွင်းသို့ ပြေးဝင်သွားသည်။ ထိုအချိန်၌ ဖရက်ဒရစ်က ခြေဆန့်ထုတ်ကာ သူ့ကို ဝင်တားသည်။</p> <p style="text-align:justify">ဖရက်ဒရစ်က တကယ်ပဲ သူ့ခြေထောက်ကို ထိမိသွားသည်။ သို့သော် အားက ထင်ထားသလောက် မပြင်းထန်ပေ။ သို့တိုင်အောင် ဂရီးလစ်ရှ်က ဂိုးသွင်းမည့် အခွင့်အရေးကို စွန့်လွှတ်ကာ မြက်ခင်းပြင်ပေါ်သို့ ရုတ်တရက် လဲချလိုက်ပြီး နာကျင်စွာဖြင့် လိမ့်နေတော့သည်။</p> <p style="text-align:justify">ဒိုင်လူကြီးက ကန့်ကွက်စရာ မလိုလောက်အောင် ပင်နယ်တီ ပေးလိုက်သည်။</p> <p style="text-align:justify">“အဲဒီညက မှန်ပြတင်းပေါက်က ကောင်မလေးတွေနဲ့ ငါ ကော့စ်ပလေး ကစားခဲ့တာလေ... ငါ့ရဲ့ သရုပ်ဆောင်စွမ်းရည်က ဟောလိဝုဒ် အဆင့်ထိ တက်သွားပြီကွ...” ဂရီးလစ်ရှ်က ခေါင်းခါရင်း ဂုဏ်ယူစွာ ပြောလိုက်သည်။</p> <p style="text-align:justify">ချူဖုန်းက ဘောလုံးကို ကိုင်ကာ ဆွံ့အသွားသည်။ နည်းလမ်းကြောင့် မဟုတ်ဘဲ ဂရီးလစ်ရှ်၏ မျက်နှာပြောင်တိုက်လွန်းသော အကျင့်စရိုက်ကြောင့် ဖြစ်သည်။ </p> <p style="text-align:justify">ဒီကောင်က ဘယ်လိုလုပ်ပြီး လူတွေမြင်တာနဲ့ ကန်ကျောက်ချင်စိတ် ပေါက်အောင် လုပ်နိုင်ရတာလဲ။</p> <p style="text-align:justify">အာဆင်နယ် ဂိုးသမားဟောင်း ဖေဘီယန်စကီးနှင့် ရင်ဆိုင်ရချိန်တွင် ချူဖုန်းက သူ၏ ပင်နယ်တီ ကန်သွင်းသည့် ပုံစံကို ပြောင်းလဲလိုက်သည်။ </p> <p style="text-align:justify">ပထမဆုံးအနေဖြင့် ခြေလှမ်း သေးသေးလေးများဖြင့် လျင်မြန်စွာ ပြေးတက်သွားပြီး နောက်ဆုံး ခြေလှမ်းတွင် ရပ်တန့်လိုက်သည်။ ဂိုးသမား၏ ဗဟိုချက် မည်သည့်ဘက်သို့ ရွှေ့သွားသလဲဆိုတာကို အကဲခတ်လိုက်သည်။</p> <p style="text-align:justify">ထို့နောက် ဘောလုံးကို ဆန့်ကျင်ဘက်သို့ တွန်းပို့ကာ ဂိုးသွင်းယူလိုက်သည်။</p> <p style="text-align:justify">သူ ဒါကို နေမာ ကစားတာကို ကြည့်ပြီး သင်ယူခဲ့တာဖြစ်ပြီး အချိန်ပိုတွေ အများကြီး ပေးပြီး လေ့ကျင့်ခဲ့တာ ဖြစ်သည်။</p> <p style="text-align:justify">၁ : ၂ </p> <p style="text-align:justify">ဖေဘီယန်စကီး တစ်ယောက် မြက်ခင်းပြင်ပေါ် လဲကျနေရင်း ဒီလိုကန်ချက်မျိုးက လုံးဝ အဖြေရှာမရဘူးဟု တွေးနေမိသည်။</p> <p style="text-align:justify">မန်ချက်စတာယူနိုက်တက်၏ သေချာသလောက် ရှိနေသော ဤဂိုးက ပွဲ၏ ရင်ခုန်စရာ အခြေအနေ အားလုံးကို ဖျက်ဆီးပစ်လိုက်သည်။</p> <p style="text-align:justify">နောက်ဆုံး ပွဲသိမ်းခရာ မှုတ်ချိန်အထိ ရလဒ်က ပြောင်းလဲမသွားတော့ပေ။ </p> <p style="text-align:justify">မန်ချက်စတာ ယူနိုက်တက်တို့ ရှုံးနိမ့်မည့် အရေးမှ သီသီလေး လွတ်မြောက်သွားပြီး အဝေးကွင်းမှနေ၍ သုံးမှတ် အပြည့် ရယူသွားနိုင်ခဲ့သည်။</p> <p style="text-align:justify">ပွဲစဉ် ၆ ပြီးဆုံးချိန်တွင် ပရီးမီးယားလိဂ် အမှတ်ပေးဇယားက အောက်ပါအတိုင်း ဖြစ်သည်။</p> <p style="text-align:justify">မန်ချက်စတာယူနိုက်တက် - ၁၈ မှတ်</p> <p style="text-align:justify">လီဗာပူး - ၁၈ မှတ်</p> <p style="text-align:justify">မန်ချက်စတာစီးတီး - ၁၆ မှတ်</p> <p style="text-align:justify">လီဗာပူးအသင်းက ကစားသမား အသစ်များ အများကြီး မခေါ်ခဲ့သော်လည်း သူတို့၏ လူစာရင်းက အချိတ်အဆက် မိမိဖြင့် ပြီးပြည့်စုံနေပြီ ဖြစ်သည်။ သူတို့က ချယ်လ်ဆီးကို ၂-၁ ဖြင့် အနိုင်ရခဲ့သည်။ </p> <p style="text-align:justify">အာနိုးလ်နှင့် ဖာမီနိုတို့ တစ်ဂိုးစီ သွင်းယူခဲ့ကြပြီး အာနိုးလ်က လတ်တလောတွင် ခြေစွမ်း အလွန် ကောင်းမွန်နေသည်။ ၄-၄-၂ မဂ္ဂဇင်း အဆင့်သတ်မှတ်ချက်တွင် ညာနောက်ခံလူများထဲ၌ သူက တတိယနေရာတွင် ရပ်တည်နေသည်။</p> <p style="text-align:justify">ပရီးမီးယားလိဂ်တွင် နာမည်ကြီးသော လမ်းမကြီး ၆၆က ဘာကြောင့် ထိပ်ဆုံး သုံးယောက်စာရင်းမှာ ပါဝင်နေရတာလဲဟု ပရိသတ်များက မေးခွန်းထုတ်ခဲ့ကြသည်။</p> <p style="text-align:justify">ရရှိလာသော အဖြေမှာ ခံစစ်က ညံ့သော်လည်း တိုက်စစ်က ကောင်းသောကြောင့် ဖြစ်သည်။ ထို့အပြင် မကြာသေးမီက အာနိုးလ်၏ ခံစစ်စွမ်းဆောင်ရည်က သိသိသာသာ တိုးတက်လာခဲ့ပြီး ၎င်းမှာ သူ မည်မျှအထိ ကြိုးစားပမ်းစား လေ့ကျင့်နေသည်ကို သက်သေခံနေလေသည်။</p> <p style="text-align:justify">“အလက်ဇန်းဒါး... ကိုယ့်ကိုယ်ကိုယ် ဂရုစိုက်ဦး။ နေမကောင်းရင် ရပ်လိုက်ပါ...” </p> <p style="text-align:justify">ကလော့ပ်က လေးနက်စွာ ပြောလိုက်သည်။ </p> <p style="text-align:justify">ပြီးခဲ့သည့်ရာသီက မန်ချက်စတာယူနိုက်တက်ကို ဆက်တိုက် ရှုံးနိမ့်ခဲ့ပြီးကတည်းက အာနိုးလ် တစ်ယောက် စွဲလမ်းမှု တစ်ခုခု ဖြစ်နေပုံရသည်။ အရက်သောက်ခြင်း၊ ပျော်ပါးခြင်း အစရှိသည်တို့ အားလုံးကို သူ စွန့်လွှတ်လိုက်ပြီ ဖြစ်သည်။</p> <p style="text-align:justify">“ကျွန်တော် သိပါတယ်...”</p> <p style="text-align:justify">အာနိုးလ်က အတင်း ပြုံးပြလိုက်ပြီးနောက် လေ့ကျင့်ရေးကို ဆက်လုပ်နေသည်။</p> <p style="text-align:justify">သူက ပရီးမီးယားလိဂ်တွင် ချူဖုန်းကို အမုန်းဆုံး ကစားသမားဟု ဆိုနိုင်သည်။ </p> <p style="text-align:justify">လွန်ခဲ့သော နှစ်ရာသီက သူတို့နှစ်ဦး ထိပ်တိုက်တွေ့ဆုံချိန်တွင် လမ်းမကြီး ၆၆ ဆိုသည့် နာမည်ဆိုးဖြင့် ကျော်ကြားသော အမည်ပြောင်ကို ရရှိခဲ့သည်။ ပြီးခဲ့သည့် ရာသီကဆိုလျှင် ပရိသတ်များက သူတို့နှစ်ဦးကို နှိုင်းယှဉ်ခြင်းပင် မပြုကြတော့ပေ။</p> <p style="text-align:justify">ထိုအတွက် အာနိုးလ် ဒေါသထွက်သည်။ မကျေမနပ်ဖြစ်သည်။ စိတ်အနှောင့်အယှက် ဖြစ်ရသည်။ ချူဖုန်းက သူ့ကို ဆက်လက် ရှေ့ဆက်ရန် တိုက်တွန်းနေသော ဆူးငြောင့်ခလုတ်တစ်ခုလို သူ ခံစားရသည်။</p> <p style="text-align:justify">“အောက်တိုဘာလ ၂၀ ရက်နေ့မှာ ကစားမယ့် အင်္ဂလန် ဒါဘီပွဲကျရင် တစ်ကမ္ဘာလုံးကို ငါ့ကိုယ်ငါ သက်သေ ပြမယ်...” အာနိုးလ်က သူ့ဘာသာ တိုးတိုးလေး ရေရွတ်လိုက်သည်။</p> <p style="text-align:justify">လူတော်တော်များများကလည်း လီဗာပူး မင်းသားလေးနှင့် အတွေးတူနေကြသည်။</p> <p style="text-align:justify">သူတို့အမြင်တွင် ချူဖုန်းသည် မင်းသမီးလေးကို ပြန်ပေးဆွဲသွားသော မိစ္ဆာဘုရင်ကြီး ဖြစ်ပြီး သူတို့ကတော့ ရဲရင့်စွာ တိုက်ခိုက်မည့် သူရဲကောင်းများ ဖြစ်ကြသည်။</p> <p style="text-align:justify">“ချူ သစ္စာဖောက်ကို သတ်ပြီး ချန်ပီယံဆုကို လုယူကြ” ဆိုသော စကားစုက ပရီးမီးယားလိဂ်၏ အဓိက အတွေးအခေါ် တစ်ခု ဖြစ်လာတော့သည်။</p> <p style="text-align:justify">ချူဖုန်းကတော့ သူသည် လူထုရန်သူ နံပါတ်တစ် ဖြစ်နေပြီဆိုသည်ကို မသိရှာပေ။ လောလောဆယ်တွင် ဆင်ခြေဖုံးရှိ ခြံတစ်ခြံတွင် ဟားဗက်ဇ်၏ မြည်းလေး မွေးဖွားရာတွင် သူ ကူညီပေးနေသည်။</p> <p style="text-align:justify">ဟုတ်ပါသည်။ </p> <p style="text-align:justify">ဟားဗက်ဇ်၏ အခြား မြည်းမလေး တစ်ကောင်ကလည်း ကလေးမွေးတော့မည် ဖြစ်သည်။</p> <p style="text-align:justify">ဒီတစ်ကြိမ်တော့ သူက ချူဖုန်း၏ လှည့်စားမှုကို မခံရတော့ဘဲ မြည်းကလေးကို ဖန်တာ ဟု အမည်ပေးလိုက်သည်။ နောက်နောင် မြည်းလေးတွေ ထပ်မွေးလာရင်... စပရိုက်တို့ ၊ မီရင်ဒါတို့ပဲ ပေးလိုက်တော့မယ်လေ။</p> <p style="text-align:justify">ချူဖုန်းကလည်း မြင်းတစ်ကောင် မွေးထားပြီး လေပြေး ဟု အမည်ပေးထားသည်။ အဓိကကတော့ သူ နာမည်ပေးရမှာ ပျင်းလို့ပါ။</p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save