Book List

<h2 style="text-align: center;">အခန်း (၄၇၈)</h2> <h2 style="text-align: center;">*</h2> <h2 style="text-align: center;"> </h2> <p> </p> <p> </p> <p> </p> <p style="text-align:justify">“မင်း မြည်းမွေးတာက ငါ မြင်းမွေးတာထက် ပိုက်ဆံ ပိုကုန်နေသလိုပဲနော်...” ချူဖုန်းက အနည်းငယ် စပ်စုလိုက်သည်။</p> <p style="text-align:justify">“ဟွန့်... ကိုကာကိုလာက ဂျာမန်ကလာတဲ့ အစားအစာပဲ စားတာ။ ရေဆိုရင်လည်း ဘုံဘိုင်ရေ သောက်လို့ မရဘူး။ ဗြိတိန်က ရေသောက်ရင် သူ့ရဲ့ အမွေးတွေ ကျွတ်ကုန်လိမ့်မယ်။ အကုန်လုံးက အထူး မှာယူထားရတာတွေချည်းပဲ...” ဟားဗက်ဇ်က ဂုဏ်ယူဝင့်ကြွားစွာ ပြောလိုက်သည်။</p> <p style="text-align:justify">“ဒါကြောင့် မင်း ပိုက်ဆံ မစုနိုင်တာကိုး။ ဒါနဲ့... မင်းရဲ့ အွန်လိုင်းက ရည်းစားနဲ့ အပြင်မှာ တွေ့ပြီးပြီလား...” </p> <p style="text-align:justify">ချူဖုန်းက ဟားဗက်ဇ်၏ ဖြူရော်နေသော နှုတ်ခမ်းများကို ကြည့်ကာ မေးလိုက်သည်။</p> <p style="text-align:justify">“အင်း... သူ မန်ချက်စတာကို ရောက်လာတာ ရက်အနည်းငယ်ပဲ ရှိသေးတယ်...” ဟားဗက်ဇ်က တိုးတိုးလေး ပြန်ဖြေသည်။ </p> <p style="text-align:justify">ဝက်စ်ဟမ်းယူနိုက်တက်နှင့် ပွဲတွင် သူ ခြေစွမ်းမပြနိုင်ခဲ့သည်ကလည်း တကယ်တမ်းတော့ ကောင်မလေးကြောင့် ဖြစ်ပေသည်။ ဒီအရွယ် လူငယ်တွေအတွက်ကတော့ ကိုယ့်ရဲ့ ဆန္ဒတွေကို ထိန်းချုပ်ဖို့ ခက်ခဲမှာပဲလေ။ </p> <p style="text-align:justify">“ကိုယ့်ကိုယ်ကိုယ် ဂရုစိုက်ပေါ့ကွာ” ချူဖုန်းက ဟားဗက်ဇ်၏ ပခုံးကို ပုတ်ကာ အကြံပေးရုံသာ တတ်နိုင်တော့သည်။</p> <p style="text-align:justify">အနာဂတ်တွင် ဟားဗက်ဇ်က အရပ်ရှည်လာရုံသာမက သူ့ရည်းစားကြောင့် လူရုပ်မပေါက်အောင် ပိန်ချုံးသွားသည်ကိုလည်း သူ မှတ်မိနေသေးသည်။ </p> <p style="text-align:justify">“စိတ်မပူပါနဲ့... သူ မကြာခင် ဂျာမနီကို ပြန်တော့မှာပါ...” ဟားဗက်ဇ်က ခေါင်းညိတ်ပြလိုက်သည်။</p> <p style="text-align:justify">“ငါ သတိမပေးဘူးလို့ အပြစ်မတင်နဲ့နော်။ ဘရူနိုက လေ့ကျင့်ရေးမှာ ကြိုးစားပြီး ခြေစွမ်းလည်း ပြနေတယ်။ သူက အသက်နည်းနည်း ကြီးပေမယ့် နည်းပြကြီးက အဲဒီလို ကစားသမားမျိုးကို သဘောကျတယ်...” </p> <p style="text-align:justify">ချူဖုန်းက စိတ်ကို တည်ငြိမ်အောင် ထားကာ လေးနက်သော လေသံဖြင့် ဆက်ပြောသည်။ “အရင်တုန်းက ဒီဘရိုင်းနဲ့ ဆာလာတို့ကို စဉ်းစားကြည့်။ မင်းသာ ခြေစွမ်းမပြနိုင်ရင် နည်းပြကြီးက မင်းကို အငှားချပစ်လိမ့်မယ်... သတိထား...”</p> <p style="text-align:justify">သူ ချဲ့ကားပြောနေခြင်း မဟုတ်ပေ။ မော်ရင်ညို၏ ဒေါသတွေ လျော့ကျသွားပြီဟု မထင်နေပါနှင့်။ သူက စည်းမျဉ်းကို ကျော်လွန်လာသည့် မည်သည့်အရာကိုမဆို သည်းခံမည် မဟုတ်ပေ။</p> <p style="text-align:justify">ထိုအခါ ဟားဗက်ဇ်လည်း လေးလေးနက်နက် သဘောပေါက်သွားပြီး လက်ထဲမှ ဂေါ်ပြားကို အောက်ချလိုက်သည်။</p> <p style="text-align:justify">“ကိုကာကိုလာ... ငါ ရှေ့လျှောက် နင့်ဆီ မကြာခဏ လာဖြစ်တော့မှာ မဟုတ်ဘူး။ အများကြီး စားဖို့၊ လေ့ကျင့်ခန်း လုပ်ဖို့၊ နေရောင်ခြည် ပိုခံဖို့ နဲ့ ရေများများသောက်ဖို့ မမေ့နဲ့နော်...”</p> <p style="text-align:justify">“အား...အူး...အား...အူး” မြည်းလေးကလည်း တစာစာ အော်၍ ခေါင်းညိတ် လက်ခံပုံ ပေါ်လေသည်။</p> <p style="text-align:justify">၂၀၁၉ ခုနှစ်၊ စက်တင်ဘာလ ၂၆ ရက်။</p> <p style="text-align:justify">လိဂ်ဖလား တတိယအဆင့် ပွဲစဉ်…</p> <p style="text-align:justify">မန်ချက်စတာ ယူနိုက်တက်နှင့် ရော့ချ်ဒေးလ်…</p> <p style="text-align:justify">မော်ရင်ညိုက အဓိက ကစားသမားများကို အနားပေးထားပြီး ပထမတန်းလိဂ် အသင်းနှင့် ကစားမည့်ပွဲတွင် လူငယ်အသင်းကို ပွဲထွက်ခွင့် ပေးလိုက်သည်။ သို့သော် သူတို့၏ စွမ်းဆောင်ရည်က အနည်းငယ် လက်ခံနိုင်စရာ မရှိပေ။</p> <p style="text-align:justify">တာဟစ်ချောင်…</p> <p style="text-align:justify">သူ၏ မိခင်ဘက်မှ အဘိုးက တရုတ်သွေး ၅၀% ပါဝင်သောကြောင့် ချူဖုန်းက သူ့ကို အမြဲတမ်း စီမံကိန်း စာရင်းထဲတွင် ထည့်သွင်းထားလေ့ရှိသည်။ ထို့ကြောင့် ချူဖုန်းသည် တာဟစ်ချောင်၏ ခြေစွမ်းကို အသေးစိတ် လေ့လာ အကဲခတ်နေပေသည်။</p> <p style="text-align:justify">“သူ့ရဲ့ လူမည်း မျိုးရိုးဗီဇက အရမ်း သန်မာလွန်းတယ်။ သူက အင်ဒရူး ဂယ်ရစ်ဆန်နဲ့ တစ်ပုံစံတည်းပဲ...” ချူဖုန်းက ပွဲကြည့်စင်ပေါ်မှ လှမ်းပြောလိုက်သည်။ </p> <p style="text-align:justify">သေချာသည်ကတော့ သူ လူမျိုးရေး ခွဲခြားနေခြင်း မဟုတ်ပေ။ သူ့ခံစားချက်ကို ဖွင့်ထုတ်လိုက်ခြင်းသာ။</p> <p style="text-align:justify">အဓိကအချက်က လူတစ်ယောက်၏ ရုပ်ရည်သွင်ပြင်က အရေးမကြီးပေ။ ဘောလုံးစွမ်းရည်ကသာ အရာအားလုံးကို ဆုံးဖြတ်ပေးမည့် အခြေခံအချက် ဖြစ်သည်။</p> <p style="text-align:justify">တာဟစ်ချောင်က ချူဖုန်း၏ ခြေရာကို နင်းကာ လူငယ်အကယ်ဒမီမှ လူငယ်အသင်းသို့၊ ထိုမှတစ်ဆင့် မန်ချက်စတာ ယူနိုက်တက် ပထမအသင်းသို့ ရောက်ရှိလာရန် ဆန္ဒရှိနေသည်။ သို့သော် သူ့တွင် ထိုမျှ အထိ အရည်အချင်း မရှိပေ။</p> <p style="text-align:justify">ပထမတန်းလိဂ် အသင်းနှင့် အချိန်ကြာမြင့်စွာ ရုန်းကန်ရပြီးနောက် နောက်ဆုံးတွင် ဂရင်းဝုဒ်က အဖွင့်ဂိုး သွင်းယူပေးနိုင်ခဲ့သည်။ ထို့နောက် ပွဲချိန် ၇၆ မိနစ်တွင် သူတို့ ချေပဂိုး ပြန်ပေးလိုက်ရသည်။</p> <p style="text-align:justify">ချေပဂိုး သွင်းယူသူက အင်ဒရူး...။</p> <p style="text-align:justify">သူက အထက်တန်းကျောင်းသားလေး တစ်ယောက် ဖြစ်ပြီး လက်ရှိတွင် အသက် ၁၅ နှစ်သာ ရှိသေးသည်။ သူက အိုးထရက်ဖို့ဒ်ကွင်းတွင် ရော့ချ်ဒေးလ် အတွက် ချေပဂိုး သွင်းယူသွားခဲ့ခြင်း ဖြစ်သည်။ </p> <p style="text-align:justify">ထို့ကြောင့် အန်ဒရူးက ဂိုးသွင်းပြီးသည်နှင့် ကွင်းဘေးသို့ စိတ်လှုပ်ရှားစွာ ပြေးသွားပြီး အောင်ပွဲခံနေတော့သည်။</p> <p style="text-align:justify">“ချူ... လူငယ်လေ့ကျင့်ရေး စခန်းက ဝိညာဉ်စွမ်းအင်တွေ အားလုံးကို မင်း စုပ်ယူလိုက်လို့ ထင်တယ်။ ဒါကြောင့် ငါတို့ မျိုးဆက်ထဲကနေ ပါရမီရှင်တွေ ထွက်ပေါ်လာတာ အရမ်းနည်းနေတာ...” စကော့က လတ်တလောတွင် ဘာသာပြန် စိတ်ကူးယဉ် ဝတ္ထုများကို အဖတ်များနေပုံ ရလေသည်။</p> <p style="text-align:justify">ချူဖုန်း : “.......”</p> <p style="text-align:justify">သို့သော် ဒါက တကယ်လည်း ဖြစ်နိုင်ပါသည်။ မဟုတ်လျှင် သူ့ထံသို့ စနစ်ကြီး အဘယ့်ကြောင့် ရောက်လာမည်နည်း…။</p> <p style="text-align:justify">မိနစ် ၉၀ ကြာ ပြင်းထန်စွာ ယှဉ်ပြိုင်ကစားပြီးနောက် သရေကျနေသဖြင့် ပင်နယ်တီ အဆုံးအဖြတ် ခံယူခဲ့ရပြီး မန်ချက်စတာယူနိုက်တက်က ပင်နယ်တီတွင် အနိုင်ရရှိသွားသည်။</p> <p style="text-align:justify">နိုင်ပွဲကတော့ ရိုမီယိုနဲ့ ဘာမှ မဆိုင်ပါဘူး။ ပြိုင်ဘက် ကစားသမားက ဂိုးပေါက်လွဲအောင် ကန်လိုက်ရုံလေးပါ။</p> <p style="text-align:justify">…………………</p> <p style="text-align:justify">အောက်တိုဘာလက မန်ချက်စတာသို့ အအေးဓာတ်ကို ယူဆောင်လာပြီး အိုးထရက်ဖို့ဒ်ကွင်းသည် နောက်ထပ် ရင်းနှီးသော မျက်နှာတစ်ခုကို ကြိုဆိုရပြန်သည်။</p> <p style="text-align:justify">အာဆင်နယ်…</p> <p style="text-align:justify">ယူရိုပါလိဂ် ဘုရင်ကြီး ဟု တင်စားခံရသော အူနိုင်း အမ်မရီ ရာထူးမှ ထုတ်ပယ်ခံရပြီးနောက် မီကေးလ် အာတီတာက နည်းပြချုပ်အဖြစ် တာဝန်ယူခဲ့သည်။ သူက ဂွါဒီယိုလာ လက်အောက်တွင် နှစ်အတော်ကြာ ဆည်းပူးလေ့လာပြီးနောက် အာဆင်နယ်သို့ ပြန်လည် ရောက်ရှိလာခြင်း ဖြစ်သည်။ </p> <p style="text-align:justify">သူ၏ ရည်မှန်းချက်ကတော့ အမြောက်တပ်သားများကို ပြန်လည် အသက်သွင်းရန်နှင့် အာဆင်နယ်ကို ဥရောပစင်မြင့်ထက်သို့ ပြန်လည် ပို့ဆောင်ပေးရန် ဖြစ်လေသည်။</p> <p style="text-align:justify">အိုးထရက်ဖို့ဒ်ကွင်း၏ ကစားသမား ဥမင်လိုဏ်ခေါင်း…</p> <p style="text-align:justify">ချူဖုန်းက သူ၏ သူငယ်ချင်းဟောင်း ဒေးဗစ်လူးဝစ်ကို တွေ့လိုက်ရသဖြင့် တင်းကျပ်စွာ ပွေ့ဖက် နှုတ်ဆက်လိုက်ပြီး “အာဆင်နယ်မှာ အခြေအနေ ဘယ်လိုလဲ...” ဟု မေးလိုက်သည်။</p> <p style="text-align:justify">“အတော်လေး ကောင်းပါတယ်ကွာ... အာတီတာက အကြံဉာဏ်ကောင်းတွေ ရှိတဲ့သူပါ။ သူက လူငယ်ဗားရှင်း ဂွာဒီယိုလာနဲ့ နည်းနည်း တူတယ်လို့ ငါထင်တယ်...”</p> <p style="text-align:justify">ဒေးဗစ်လူးဝစ်က ပေါ့ပေါ့ပါးပါးပင် ပြန်ဖြေသည်။</p> <p style="text-align:justify">သူ လိမ်ပြောနေခြင်း မဟုတ်ပေ။ နှစ်ပေါင်းများစွာ လေ့လာဆည်းပူးခဲ့ပြီးနောက် အာတီတာတွင် အာဆင်နယ်ကို ချန်ပီယံလုပွဲထဲသို့ ပြန်လည် ခေါ်ဆောင်လာနိုင်သည့် နည်းဗျူဟာပိုင်းဆိုင်ရာ ဆန်းသစ်တီထွင်မှု အကြံအစည်များ တကယ်ကို ရှိနေသည်။</p> <p style="text-align:justify">သေချာသည်ကတော့ ယခုရာသီတွင် မျှော်လင့်ချက် မရှိပေ။ </p> <p style="text-align:justify">ဘယ်နည်းပြချုပ်ကများ ရာထူးစလက်ခံတာနဲ့ ချက်ချင်း ချန်ပီယံဆု ရဖူးလို့လဲ။</p> <p style="text-align:justify">တကယ်တမ်းတော့ အဲဒီလို ဖြစ်ခဲ့ဖူးပါတယ်။ </p> <p style="text-align:justify">မော်ရင်ညိုက အကြိမ်အနည်းငယ်လောက် လုပ်ပြနိုင်ခဲ့ဖူးသည်။ သို့သော် ယင်းက ရှားရှားပါးပါး ဖြစ်ရပ်ပင်…။</p> <p style="text-align:justify">“ဝါး.......”</p> <p style="text-align:justify">ရုတ်တရက်... ဘောလုံးကောက်သည့် ကလေးမလေး တစ်ဦး၏ ငိုသံက လေထဲတွင် ထွက်ပေါ်လာသဖြင့် ချူဖုန်းက မနေနိုင်ဘဲ လှည့်ကြည့်လိုက်မိသည်။</p> <p style="text-align:justify">ချစ်စရာကောင်းသော ကလေးမလေး တစ်ယောက်က မျက်ရည်များကို သုတ်နေသည်။</p> <p style="text-align:justify">အဟမ်း... သူမ၏ ဘေးတွင် ရပ်နေသူကတော့ အာဆင်နယ်၏ ကျောနံပါတ် ၇၇ – ဆာကာ ဖြစ်သည်။</p> <p style="text-align:justify">“ဘာလို့ ငိုနေတာလဲ”</p> <p style="text-align:justify">ချူဖုန်းက ထိုကလေးမလေးကို မှတ်မိသည်။ သူမက မန်ယူပရိသတ် တစ်ဦး၏ ကလေး ဖြစ်သည်။ ယခင် လက်မှတ်ရေးထိုးပွဲ တစ်ခုတွင် သူ့ထံမှ လက်မှတ်ပင် လာတောင်းခဲ့ဖူးသည်။</p> <p style="text-align:justify">“သူက ရုပ်ဆိုးတယ်... အီးဟီး...”</p> <p style="text-align:justify">ကလေးမလေးက ရှိုက်ငိုရင်း ပြောလိုက်သည်။</p> <p style="text-align:justify">ချူဖုန်း : “.......”</p> <p style="text-align:justify">ဆာကာ : “.......”</p> <p style="text-align:justify">လူမျိုးရေး ခွဲခြားတာလား။</p> <p style="text-align:justify">မဟုတ်ပါဘူး။ ဒါက ရုပ်ရည်သွင်ပြင်နဲ့ပဲ သက်ဆိုင်တဲ့ ကိစ္စ သက်သက်ပါ။</p> <p style="text-align:justify">ချူဖုန်းနှင့် ဆာကာတို့ အချင်းချင်း မျက်နှာချင်းဆိုင် ကြည့်လိုက်ကြ၏။ ချူဖုန်းကတော့ အပြင်မှ ထုတ်မပြောသော်ငြား ဆာကာမှာ တကယ်ကို နည်းနည်းလေး ရုပ်ဆိုးတယ်လို့ အတွေးဝင်မိသွားသည်။</p> <p style="text-align:justify">ကလေးမလေး လန့်ငိုသွားတာ အံ့သြစရာတော့ မဟုတ်ပါဘူးလေ။</p> <p style="text-align:justify">ဆာကာ တစ်ယောက် ဆွံ့အသွားသော်လည်း သိပ်တော့ ဂရုမစိုက်လှပေ။ အဘယ်ကြောင့်ဆိုသော် သူက စိတ်ထား အလွန်ကောင်းမွန်သူ ဖြစ်သောကြောင့်ပင်။</p> <p style="text-align:justify">“ဒါဆို... သမီးက ဘယ်သူနဲ့ အတူတူ ကွင်းထဲ ထွက်ချင်လဲ...” ချူဖုန်းက ကြင်နာသော လေသံဖြင့် မေးလိုက်သည်။</p> <p style="text-align:justify">ကလေးမလေးက ဘေးဘီဝဲယာသို့ ဝေ့ဝဲကြည့်လိုက်ပြီး ပို၍ပင် အော်ငိုလိုက်ပုံရသည်။</p> <p style="text-align:justify">အူဘာမီယန်း၊ နီကိုလပ်စ် ပီပီ၊ ဂွမ်ဒူဇီနဲ့ တော်ရဲရားတို့ အားလုံးက လူမည်းတွေ ဖြစ်မနေရင်တောင် ရုပ်ဆိုးနေကြတယ်လေ။</p> <p style="text-align:justify">ချက်ချင်းဆိုသလိုပင်... သူမက ချိန်ဘာကို မြင်သွားသည်။</p> <p style="text-align:justify">ချိန်ဘာသည် အာစင်ဝင်းဂါး စတိုင်လ် ကစားသမား ဖြစ်သည်။ ဤနေရာတွင် မေးစရာ တစ်ခု ရှိလာ၏။</p> <p style="text-align:justify">‘အာစင်ဝင်းဂါး စတိုင်လ်’ ကစားသမား ဆိုတာ ဘာလဲ။ </p> <p style="text-align:justify">ငယ်ငယ်ရွယ်ရွယ်နဲ့ နာမည်ကြီးလာပေမယ့် တန်ကြေးက သိပ်မမြင့်ဘူး။ ခြေစွမ်းကလည်း သာမန်ပဲ။ အာဆင်နယ်မှာ ကစားနေလို့သာ ခြေစွမ်းကောင်းသလို ထင်နေရတာမျိုး ဖြစ်သည်။</p> <p style="text-align:justify">သို့သော် ချိန်ဘာက ရုပ်ချောသည်။ ၁၉၉၀ ပြည့်နှစ်နောက်ပိုင်း မွေးဖွားသူတွေထဲမှာ ပရီးမီးယားလိဂ်၏ အချောဆုံး ကစားသမား စာရင်း၌ သူက အဆင့် ၅ နေရာမှာ ရှိနေလေသည်။</p> <p style="text-align:justify">ဒါဆို ပထမ လေးယောက်က ဘယ်သူတွေလဲ ဟု မေးစရာ ရှိလာပြန်၏။</p> <p style="text-align:justify">ပထမနေရာက ချူဖုန်း… တကယ်တမ်းကျတော့ ချူဖုန်းက ဘက်ခမ်းတို့လို ရုပ်ချောသူမျိုးတော့ မဟုတ်ပေ။ သို့ရာ၌ သူ့တွင် နေရောင်ခြည်ကဲ့သို့ နွေးထွေး တောက်ပသော အပြုံးတို့ ရှိလေသည်။ သူ၏ ခြေစွမ်းကိုပါ ပေါင်းစပ်လိုက်သောအခါ သူသည် ပထမနေရာသို့ ရောက်သွားခဲ့ခြင်း ဖြစ်သည်။</p> <p style="text-align:justify">ဒုတိယနေရာက ချီဝဲလ်… သူက ဘက်ခမ်းနှင့် နည်းနည်း ဆင်သည်။</p> <p style="text-align:justify">တတိယနေရာကတော့ ဟယ်ရီကိန်း… စတုတ္ထနေရာကတော့ အလီ ဖြစ်ပေသည်။</p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save