Book List

<h2 style="text-align: center;">အခန်း (၄၇၉)</h2> <h2 style="text-align: center;">*</h2> <p> </p> <p> </p> <p> </p> <p style="text-align:justify">ကလေးမလေး၏ ပြဿနာလေး အပြီးမှာတော့...</p> <p style="text-align:justify">နှစ်သင်းစလုံးမှ ကစားသမားများ ကွင်းထဲသို့ ဝင်ရောက်လာကြပြီး ပွဲကြို ပြင်ဆင်မှုများကို စတင်ကြသည်။</p> <p style="text-align:justify">“အားလုံးပဲ မင်္ဂလာညချမ်းပါ ခင်ဗျာ”</p> <p style="text-align:justify">“ကျွန်တော်တို့ အခု ၂၀၁၉-၂၀ ပရီးမီးယားလိဂ် ရာသီရဲ့ ပွဲစဉ် ၇ ကို တိုက်ရိုက် ထုတ်လွှင့်နေပါပြီ...”</p> <p style="text-align:justify">“မန်ချက်စတာယူနိုက်တက်က အိမ်ကွင်းမှာ အာဆင်နယ်ကို ဧည့်ခံ ကစားမှာ ဖြစ်ပါတယ်...”</p> <p style="text-align:justify">နဗီးလ်က အခြေအနေများကို အတိုချုပ် ရှင်းပြလိုက်ပြီးနောက် ပွဲထွက်စာရင်းကို ဖန်သားပြင်ပေါ်တွင် ပြသလိုက်သည်။</p> <p style="text-align:justify">“ယေဘုယျအားဖြင့် ပြောရရင် အာဆင်နယ်က ပြီးခဲ့တဲ့ရာသီက ပေါင် ၇၂ သန်းတန် နီကိုလပ်စ် ပေပေလို ကစားသမားမျိုးကို ခေါ်ယူဖို့ ငွေအများကြီး သုံးခဲ့ပါတယ်။ ဒါပေမယ့် ရာသီအစမှာ သူတို့ရဲ့ စွမ်းဆောင်ရည်က အလယ်အလတ်အဆင့်မှာပဲ ရှိနေတယ်။ လီဗာပူးနဲ့ တော်တင်ဟမ်တို့လို အသင်းကြီးတွေကို တစ်ပွဲမှ မနိုင်ခဲ့သလို အသင်းငယ်တွေနဲ့ တွေ့ရင်လည်း မကြာခဏ အမှားတွေ လုပ်တတ်တယ်...”</p> <p style="text-align:justify">“လူငယ်နည်းပြ အာတီတာ ရာထူးလက်ခံပြီးနောက်ပိုင်းမှာလည်း သွားရမယ့်ခရီးက အများကြီး ကျန်နေသေးပုံရပါတယ်...”</p> <p style="text-align:justify">“ပွဲကြည့်စင်ပေါ်က အာဆင်နယ် ပရိသတ်တွေ လွှင့်ထူထားတဲ့ ‘အာတီတာ... သူ့ကို ရာထူးက ထုတ်လိုက်’ ဆိုတဲ့ ဆိုင်းဘုတ်ကိုလည်း ကျွန်တော်တို့ မြင်တွေ့နေရပါတယ်...”</p> <p style="text-align:justify">“ဟားဟား... အာဆင်နယ် ပရိသတ်တွေက နောက်ပြောင်တဲ့ နေရာမှာ တကယ် တော်တာပဲ...”</p> <p style="text-align:justify">“ကဲ... ဒိုင်လူကြီး ခရာမှုတ်လိုက်ပါပြီ။ ပွဲကို စတင်လိုက်ပါပြီ ခင်ဗျာ”</p> <p style="text-align:justify">ကင်မရာက စိမ်းလန်းသော မြက်ခင်းပြင်ဆီသို့ ပြန်လည်ရောက်ရှိသွားသည်။</p> <p style="text-align:justify">အခုချိန်မှာ အာဆင်နယ်က သန်မာနေပြီလား။</p> <p style="text-align:justify">မသန်မာပါဘူး။ နည်းနည်းလေးတောင် အားနည်းနေသေးတယ်။</p> <p style="text-align:justify">ဘယ်အသင်းမဆို နည်းပြချုပ် အပြောင်းအလဲ လုပ်ပြီးရင် ပြန်လည်တည်ဆောက်ဖို့ အချိန်တစ်ခု လိုအပ်တာပါပဲ။ ဒါက ရှောင်လွှဲလို့မရတဲ့ ပြဿနာတစ်ခုလေ။</p> <p style="text-align:justify">ကံကောင်းထောက်မစွာဖြင့် အာတီတာက အာဆင်နယ် ကစားသမားဟောင်း တစ်ဦး ဖြစ်သောကြောင့် အဝတ်လဲခန်းအတွင်း အချင်းချင်း ပွတ်တိုက်မှုများ ဖြစ်လာမည်ကို စိုးရိမ်စရာ မလိုပေ။</p> <p style="text-align:justify">မန်ချက်စတာ ယူနိုက်တက်၏ အဓိက ကစားသမားများက လိဂ်ဖလားပြိုင်ပွဲတွင် မကစားခဲ့ရသဖြ်င့ အနားယူချိန် ရရှိထားခဲ့ကြသည်။ ထို့ကြောင့် သူတို့က အလွန် တက်ကြွ လန်းဆန်းနေကြသည်။</p> <p style="text-align:justify">ချူဖုန်း၏ ဦးဆောင်မှုဖြင့် သူတို့က ဓားပြများကဲ့သို့ ရူးသွပ်စွာ ကြားဖြတ် လုယူရင်း အဆက်မပြတ် တိုက်စစ်ဆင်နေကြပေသည်။ အာဆင်နယ်၏ နောက်တန်းမှစ၍ ကစားကွက် တည်ဆောက်မှုက မန်ချက်စတာ ယူနိုက်တက်၏ ကွင်းလယ်ကိုပင် မကျော်နိုင်ချေ။</p> <p style="text-align:justify">ဤသည်ကား အာဆင်နယ်ပရိသတ်တို့ကို ပို၍ ဒေါသထွက်လာစေလေသည်။ အိုးထရက်ဖို့ဒ်၏ အဝေးကွင်း ပွဲကြည့်စင်ရှိ အာဆင်နယ် ပရိသတ်များက အာဆင်နယ် ကစားသမားများကို စတင် ဆူပူလာကြသည်။</p> <p style="text-align:justify">သို့သော် မတတ်နိုင်ချေ။ အမ်မရီ၏ ဒဿနက နောက်တန်းမှနေ၍ အလွှာလိုက် ဘောလုံးဖြန့်ဝေမှုကို အလေးပေးပြီး နောက်ခံလူများ၏ အဝေးပေးပို့မှုများကို တားမြစ်ထားလေသည်။ ထို့ကြောင့် အာဆင်နယ် ကစားသမားများက အရိုးစွဲနေသော ကစားဟန် အတိုင်း ကစားမိနေခြင်း ဖြစ်၏။</p> <p style="text-align:justify">သို့သော်လည်း အာတီတာ တစ်ယောက် အာဆင်နယ်နည်းပြ ရာထူးကို လက်ခံပြီးနောက် ပထမဆုံး လုပ်ဆောင်ချက်မှာ ဤသို့ အလွှာလိုက် ရှေ့တက်သည့် နည်းဗျူဟာကို ဖျက်သိမ်းပစ်ခြင်းပင်။ အဘယ်ကြောင့်ဆိုသော် ဂွါဒီယိုလာပင်လျှင် သူ၏ ကစားကွက်ထဲတွင် တန်ပြန်တိုက်စစ် နည်းဗျူဟာများကို စတင် ထည့်သွင်း အသုံးပြုနေပြီ ဖြစ်သောကြောင့်ပင်။</p> <p style="text-align:justify">အာတီတာက အာဆင်နယ်၏ လက်ရှိ ကစားဟန်ကို ကြည့်ပြီး ခေါင်းခါလိုက်သည်။ တစ်ချိန်ထဲ၌ အာဆင်နယ်သည် ပရီးမီးယားလိဂ်၏ ထိပ်သီး ခြောက်သင်း အနက် အဆင့်နိမ့် အသင်းတစ်သင်း ဖြစ်နေပြီ ဆိုသည်ကို သဘောပေါက်သွားလေပြီ။</p> <p style="text-align:justify">ဤရာသီတွင် သူတို့အသင်း၏ ပစ်မှတ်က အဆင့်လေး အတွင်း ဝင်ရန်သာ ဟု သူ တိတ်တဆိတ် ဆုံးဖြတ်ချက် ချလိုက်သည်။  </p> <p style="text-align:justify">လူတစ်ယောက် လုပ်နိုင်တဲ့ အဖိုးတန်ဆုံး အရာက ကိုယ့်ကိုယ်ကိုယ် သိဖို့ပါပဲ။</p> <p style="text-align:justify">အာဆင်နယ်တို့ မန်ချက်စတာယူနိုက်တက်၏ ဖိအားပေးမှု စနစ်အောက်တွင် အနည်းငယ် ရုန်းကန်နေရသည်။ သို့သော် မိမိတို့၏ ကွင်းဘက်ခြမ်းတွင် ဘောလုံးပေးပို့မှု အမှားအယွင်း မရှိတော့ဘဲ မန်ချက်စတာ ယူနိုက်တက်ကို ဂိုးမပေးရခြင်းကပင် အာတီတာကို ကျေနပ်စေခဲ့သည်။ ဂိုးမပေးရမခြင်း သူတို့အသင်းသည် ဤပွဲ၌ အနိုင် (သို့မဟုတ်) သရေရလဒ်ကို ရယူနိုင်သည် ဟူသော ခံစားချက်ကိုလည်း သူ ခံစားနေရသည်။</p> <p style="text-align:justify">“ဒေးဗစ်လူးဝစ်ရဲ့ တိကျတဲ့ ခြေစွမ်းက အာဆင်နယ်ရဲ့ ကွင်းဘက်ခြမ်းကနေ ဘောလုံး ဖြန့်ဝေတဲ့ ပြဿနာကို ဖြေရှင်းပေးလိုက်ပြီ”</p> <p style="text-align:justify">“သူက ဆာကာဆီကို တိုက်ရိုက် ပေးပို့လိုက်ပြီ”</p> <p style="text-align:justify">“ဝိုး... အာဆင်နယ် လူငယ်အကယ်ဒမီက ထွက်ပေါ်လာတဲ့ ဆာကာက အရမ်း မြန်တာပဲ”</p> <p style="text-align:justify">ပရီးမီးယားလိဂ်၏ အကောင်းဆုံး ဘောလုံးဖျက်ထုတ်သူ ဝမ်ဘစ်ဆာကာနှင့် ရင်ဆိုင်ရချိန်တွင် ဆာကာက ထိတ်လန့်နေသည့် အရိပ်အယောင် လုံးဝ မပြပေ။ သူ၏ ထိုးဖောက်မှုများက လှပ သေသပ်သော လူလိမ်ခေါက်ကွက်များ မပါချေ။</p> <p style="text-align:justify">အရှိန်အဟုန်ကို ပြောင်းလဲခြင်းနှင့် ခန္ဓာကိုယ် အပေါ်ပိုင်းကို ယိမ်းနွဲ့ခြင်းဖြင့် ပြိုင်ဘက်၏ ခန္ဓာကိုယ် ဗဟိုချက်ကို ရွှေ့ပြောင်းစေပြီးနောက် အားနည်းသော ဘက်မှနေ၍ အရှိန်တင်ကာ ရုန်းထွက်ခြင်း ဖြစ်လေသည်။</p> <p style="text-align:justify">“ခြေထောက်ကို အလွယ်တကူ လျှောထိုး မပစ်လိုက်နဲ့”</p> <p style="text-align:justify">သီယာဂိုက ဝမ်ဘစ်ဆာကာ၏ လျှောထိုးဖျက်ထုတ်မှု လွဲချော်သွားသည်ကို မြင်သောအခါ ဘောလုံး လုယူရန် အလျင်အမြန် ပြေးလာသည်။</p> <p style="text-align:justify">မာလ်ဒီနီက တစ်ခါက ပြောခဲ့ဖူးသည်။ “ငါ လျှောထိုးဖျက်ထုတ်လိုက်ပြီ ဆိုကတည်းက ငါ အမှားလုပ်မိသွားပြီ ဆိုတာကို သက်သေပြလိုက်တာပဲ...”</p> <p style="text-align:justify">ဝမ်ဘစ်ဆာကာက တစ်ဖက်လူ ငယ်ရွယ်သည်ကို ကြည့်ပြီး အထင်သေးကာ သတိလက်လွတ် ဖြစ်သွားခြင်းပင်။ </p> <p style="text-align:justify">သူ့ကို သေသေချာချာ ဆုံးမစကား ပြောပေးရမယ်။</p> <p style="text-align:justify">သီယာဂိုက ဆာကာ၏ ခြေထောက်ထဲမှ ဘောလုံးကို အဝေးသို့ ကန်ထုတ်လိုက်ပြီးနောက် ပြတ်ပြတ်သားသားပင် ပြောလိုက်သည်။ “မင်းက လျှောထိုး မဖြတ်ထုတ်ပဲနဲ့ သူ့နောက်ကို လိုက်သွားရင် အလွန်ဆုံး ထောင့်ကန်ဘောလောက်ပဲ ပေးရမှာ။ ဒါပေမယ့် ငါသာ အကာအကွယ်ပေးဖို့ ရောက်မလာခဲ့ရင် ကျောနံပါတ် ၇၇ က ပင်နယ်တီ ဧရိယာထဲကို ချိုးဝင်ပြီး ဂိုးကန်သွင်းသွားနိုင်တယ်”</p> <p style="text-align:justify">မန်ချက်စတာ ယူနိုက်တက်သို့ ရောက်ရှိလာသည်မှာ တစ်လကျော်သာ ရှိသေးသော်လည်း သူက ခံစစ်ပိုင်းတွင် အဓိက အရေးပါသူ ဖြစ်နေပြီ ဖြစ်သည်။</p> <p style="text-align:justify">“ကျွန်တော့် အမှားပါ။ နောက်တစ်ခါ သတိထားပါ့မယ်...” ဝမ်ဘစ်ဆာကာက ငြင်းဆန်ခြင်း မပြုပေ။ </p> <p style="text-align:justify">မန်ချက်စတာယူနိုက်တက်အတွင်းရှိ မပြောဘဲ သိထားကြသော စည်းမျဉ်းတစ်ခုမှာ ကိုယ့်အမှားကို ဝန်ခံရမည် ဖြစ်ပြီး အပြစ်ပေးခံရပါက မတ်မတ်ရပ်ခံရမည် ဟူ၍ပင်။ ချူဖုန်းပင်လျှင် ခြွင်းချက် မဟုတ်ချေ။</p> <p style="text-align:justify">ထို့ကြောင့် မည်သူမျှ အထူးအခွင့်အရေး မရပေ။ ထိုသို့လုပ်ရဲသူ မည်သူ့ကိုမဆို အသင်းမှ ထုတ်ပယ်ပစ်ရမည်။ ဤအတွက် ပေါ့ဘာက အကောင်းဆုံး ဥပမာပင်…။</p> <p style="text-align:justify">အဆူခံရပြီးနောက် ဝမ်ဘစ်ဆာကာမှာ ပို၍ တည်ငြိမ်လာသည်။</p> <p style="text-align:justify">ဆာကာတွင် စူပါစတားတစ်ဦး ဖြစ်လာနိုင်သည့် အလားအလာ ရှိသော်လည်း သူက အသက် ၁၈ နှစ်သာ ရှိသေးသည်။ ငယ်ရွယ်သည် ဆိုသည်မှာ အတွေ့အကြုံ နုနယ်သေးသည်ဟု ဆိုလိုခြင်းပင်။ သူ့အနေဖြင့် မန်ချက်စတာ ယူနိုက်တက်၏ ခံစစ်ကြောင်းကို ခြိမ်းခြောက်နိုင်စွမ်း မရှိတော့ချေ။</p> <p style="text-align:justify">တစ်ချိန်တည်းမှာပင် တန်ကြေး ၇၂ သန်း ရှိသော ပေပေမှာ စာချုပ်သက်တမ်း နောက်ဆုံးနှစ်သို့ ရောက်ရှိနေပြီဖြစ်သော အက်ရှ်လေယန်း၏ ဖိအားပေးမှုကို ခံနေရလေသည်။ </p> <p style="text-align:justify">အာဆင်နယ်၏ တောင်ပံနှစ်ဖက်စလုံးမှ တိုက်စစ်များကို ထိန်းချုပ်လိုက်နိုင်သည်နှင့် အရာအားလုံးက ရိုးရှင်းသွားပြီ ဖြစ်သည်။</p> <p style="text-align:justify">မန်ချက်စတာယူနိုက်တက်၏ ကွင်းလယ်ခံစစ် ကစားသမား သုံးဦးက ရှေ့သို့ တက်လာသဖြင့် ချာကာမှာ သူ၏ နေရာယူမှုကို ပြောင်းလဲရန် ဖိအားပေးခံရပြီး အာဆင်နယ် ကွင်းလယ်မှာ တဖြည်းဖြည်းနှင့် နောက်သို့ ဆုတ်သွားရသည်။</p> <p style="text-align:justify">ဂွမ်ဒူဇီနှင့် တော်ရဲရားတို့မှာလည်း တောင်ပံကစားသမားများနှင့် အစွန်နောက်ခံလူများ ကြားရှိ နေရာလွတ်များကို အကာအကွယ် မပေးနိုင်ခဲ့ပေ။ ထို့ကြောင့် နေရာလွတ်များကို အကာအကွယ်ပေးရန် ချိန်ဘာမှာ ရှေ့သို့ တက်လာရုံမှလွဲ၍ အခြား ရွေးချယ်စရာ မရှိတော့ပေ။ </p> <p style="text-align:justify">သို့သော် ဤသည်က ဆိုကရေးတီး အပေါ် ဖိအားများ ရုတ်တရက် မြင့်တက်လာစေခဲ့သည်။</p> <p style="text-align:justify">ပထမပိုင်း ပွဲချိန် ၂၉ မိနစ်သို့ ရောက်ရှိလာသည်။</p> <p style="text-align:justify">ဂရီးလစ်ရှ်က တောင်ပံမှ ဖောက်ထွက်လာပြီး ဆိုကရေးတီးကို သူ့နေရာမှ ဆွဲထုတ်လိုက်သည်။ ချူဖုန်းက မျက်စိတစ်မှိတ်အတွင်းမှာပင် ကန့်လန့်ဖြတ် ချိုးဝင်လာသည်။</p> <p style="text-align:justify">ဒေးဗစ်လူးဝစ်က ထိုအရာကို စောစီးစွာ သတိထားမိပြီး ကာကွယ်ရန် ချက်ချင်း ဝင်ရောက်လာသည်။ သို့သော် ဂရီးလစ်ရှ်က ဘောလုံးကို ပေးပို့လိုက်ပြီ ဖြစ်သည်။</p> <p style="text-align:justify">“သူ့ကို လှည့်ပြီး ကန်ခွင့် မပေးလိုက်နဲ့” လီနို တစ်ယောက် အလွန်အမင်း စိုးရိမ်ထိတ်လန့်နေသည်။ </p> <p style="text-align:justify">ချူဖုန်း၏ ဂိုးကန်သွင်းနိုင်စွမ်းကို သူ မျက်မြင်ကိုယ်တွေ့ ကြုံဖူးသည်။ ထို့ကြောင့် သူက ချူဖုန်းကို ကန်သွင်းခွင့် မပေးလိုချေ။</p> <p style="text-align:justify">ဒေးဗစ်လူးဝစ်ကလည်း သူ၏ သတိထားမှုကို အမြင့်ဆုံးအဆင့်သို့ မြှင့်တင်လိုက်သည်။ </p> <p style="text-align:justify">သူက ချူဖုန်း၏ အသင်းဖော်အဖြစ် တစ်ရာသီခွဲကြာ ကစားခဲ့ဖူးသဖြင့် ဒီကောင်လေးက ဘယ်လောက် ကြောက်စရာကောင်းသလဲ ဆိုတာကို ကောင်းကောင်း သိထားသည်။ တစ်ဦးချင်း ရင်ဆိုင်ရမည့် အခြေအနေတွင် သူ့အနေဖြင့် ယုံကြည်မှု မရှိပေ။</p> <p style="text-align:justify">သို့သော် သူသည် ယခုအချိန်၌ ချူဖုန်းနှင့် တစ်ဦးချင်း ရင်ဆိုင်ရန်မှ လွဲ၍ အခြား ရွေးချယ်စရာ မရှိပေ။</p> <p style="text-align:justify">“သူလည်း လူပဲ။ တစ်ခါတလေတော့ လွဲဦးမှာပေါ့”</p> <p style="text-align:justify">ဒေးဗစ်လူးဝစ်က သူ့ဘာသာ တိတ်တဆိတ် အားပေးလိုက်ပြီး ရုတ်တရက် ရှေ့သို့ ပြေးထွက်ကာ ခန္ဓာကိုယ်ချင်း ယှဉ်တိုက်ရန် ကြိုးပမ်းလိုက်သည်။ သို့သော် နောက်တစ်စက္ကန့်မှာပင် သူ၏ မျက်လုံးများက အံ့သြမှုကြောင့် ပြူးကျယ်သွားတော့သည်။</p> <p style="text-align:justify">ချူဖုန်းက ဒေးဗစ်လူးဝစ်ကို ခန္ဓာကိုယ်ဖြင့် မှီထားလိုက်ပြီး သူ၏ ညာခြေဖြင့် ဘောလုံးကို လေထဲသို့ ကျွမ်းကျင်စွာ ပင့်တင်လိုက်သည်။</p> <p style="text-align:justify">ထို့နောက် ချက်ချင်းဆိုသလိုပင်…</p> <p style="text-align:justify">သူ၏ တစ်ကိုယ်လုံးကို လေထဲတွင် ကန့်လန့်ဖြတ် အနေအထား ဖြစ်အောင် ဝဲပျံလိုက်ပြီး ညာခြေက မြေပြင်နှင့် အပြိုင်နီးပါး ဖြစ်နေသည်။ ပြီးပြည့်စုံလှသည့် ကပ်ကြေးကန်ချက်ပုံစံပင်…။</p> <p style="text-align:justify">“သောက်ကျိုးနည်း... ”</p> <p style="text-align:justify">ဒေးဗစ်လူးဝစ် တစ်ယောက် လုံးဝ ကြက်သေသေသွားသည်။ ချူဖုန်း ဒီလိုလုပ်လိမ့်မည်ဟု သူ လုံးဝ မမျှော်လင့်ထားခဲ့ပေ။</p> <p style="text-align:justify">အိုးထရက်ဖို့ဒ်ကွင်းအတွင်းမှ အံ့သြတကြီး ရေရွတ်သံများကြားတွင်... </p> <p style="text-align:justify">ချူဖုန်းက သူ၏ ခန္ဓာကိုယ်ကို အစွမ်းကုန် ဆန့်ထုတ်ကာ ဘောလုံးကို ပြင်းထန်စွာ ကန်လိုက်၏။</p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save