Book List

<h2 style="text-align: center;">အခန်း (၄၈၁)</h2> <h2 style="text-align: center;">*</h2> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify">အောက်တိုဘာလ စတင်ပြီးနောက် ပရီးမီးယားလိဂ် ပွဲစဉ်များ ပြီးဆုံးသွားကာ ချန်ပီယံလိဂ် ပွဲစဉ်များ ဆက်လက် ကျင်းပလာသည်။</p> <p style="text-align:justify">မန်ချက်စတာယူနိုက်တက်သည် ဩစတြီးယားနိုင်ငံ ဆဲလ်ဘက်သို့ သွားရောက်ပြီး ရက်ဘူးလ် ဆဲလ်ဘက်အသင်းနှင့် အဝေးကွင်းတွင် ယှဉ်ပြိုင်ကစားရမည် ဖြစ်သည်။</p> <p style="text-align:justify">ဩစတြီးယား ရက်ဘူးလ် ကုမ္ပဏီပိုင် အသင်းတစ်သင်းအနေဖြင့် သူတို့သည် အရင်းအမြစ်များစွာကို ရရှိထားပြီး ဥရောပတွင် နောက်ထပ် ဖျက်မြင်းအသင်း တစ်သင်း ဖြစ်လာဖို့ တာဆူနေလေသည်။</p> <p style="text-align:justify">သူတို့၏ ဘောလုံးဒါရိုက်တာမှာ ဘောလုံးလောက၏ ခေါင်းကိုင်ဖခင်ကြီး ဟု လူသိများသော ရန်းနစ် ဖြစ်သည်။ သူ၏ လူငယ်ကစားသမားများကို ရွေးချယ်နိုင်စွမ်းက အသင်းတစ်သင်းကို ကိုင်တွယ်ရသည့် သူ၏ နည်းဗျူဟာပိုင်းဆိုင်ရာ စွမ်းရည်ထက် များစွာ သာလွန်ပေသည်။</p> <p style="text-align:justify">ဥပမာအားဖြင့် မာနေး ဆိုလျှင် တစ်ချိန်က ရက်ဘူးလ် ဆဲလ်ဘက်တွင် ကစားခဲ့ဖူးသည်။ </p> <p style="text-align:justify">ယခုလည်း ဟွမ်ဟီချန် ၊ ဟာလန်း ၊ မီနာမီနိုနှင့် ဆိုဘိုဆလိုင်းတို့ ကဲ့သို့သော ကစားသမားများက သူတို့၏ အလားအလာများကို တဖြည်းဖြည်း ပြသလာနေကြပြီ ဖြစ်သည်။ ဟာလန်းဆိုလျှင် ဒေါ့မွန်အသင်း၏ မျက်စိကျခြင်းကို ခံထားရပြီး ဆောင်းရာသီ အပြောင်းအရွှေ့တွင် အရောင်းအဝယ် ဖြစ်မည်ဟုပင် သတင်းများ ထွက်ပေါ်နေသည်။</p> <p style="text-align:justify">“မြန်မြန်... မြန်မြန်လုပ်ကြ ဖိအားပေးတာတွေ၊ ဖျက်ထုတ်တာတွေ နေရာတကျ ရှိပါစေ” </p> <p style="text-align:justify">နည်းပြချုပ် မာရှီက တိုက်တွန်းနေသည်။ </p> <p style="text-align:justify">သူက ယခင်က နယူးယောက် ရက်ဘူးလ် အသင်းကို ကိုင်တွယ်ခဲ့ပြီး အသင်းကို ဆုဖလားများနှင့် အောင်မြင်မှုများစွာ ရရှိအောင် ဦးဆောင်နိုင်ခဲ့သူ ဖြစ်သည်။ </p> <p style="text-align:justify">သို့သော် မေဂျာလိဂ်၏ ပြိုင်ဆိုင်မှုက လွန်စွာ အားနည်းလွန်းလှသည်။ ထို့ကြောင့် သူက စိန်ခေါ်မှု အသစ်များကို ရင်ဆိုင်ရန် ရက်ဘူးလ် ဆဲလ်ဘက်သို့ ပြောင်းရွှေ့လာပြီး မန်ချက်စတာ ယူနိုက်တက်နှင့် ပွဲတွင် သူတို့အနေဖြင့် စွမ်းဆောင်ရည်ကောင်းတစ်ခု ပြသနိုင်ဖို့ မျှော်လင့်နေပေသည်။</p> <p style="text-align:justify">မည်သို့ပင်ဆိုစေကာမူ... မန်ချက်စတာယူနိုက်တက်ထံမှ လာသော ဖိအားများက ကြီးမားလွန်းလှသည်။</p> <p style="text-align:justify">“ငါတို့ နိုင်နိုင်မယ်လို့ မင်း ထင်လား...” တာကူမီ မီနာမီနိုက ဟွမ်ဟီချန်ကို မေးလိုက်သည်။</p> <p style="text-align:justify">“သေချာပေါက် အခွင့်အရေး ရှိတာပေါ့။ မန်ချက်စတာယူနိုက်တက်က သန်မာတယ် ဆိုပေမယ့် သူတို့က မရှုံးနိုင်တဲ့ အသင်းမျိုးတော့ မဟုတ်ပါဘူး...” </p> <p style="text-align:justify">ဟွမ်ဟီချန်က ပြီးခဲ့သော အာရှ ထိပ်သီး ၁၂ သင်း ပြိုင်ပွဲကို ရုတ်တရက် သတိရသွားသည်။ သူက တရုတ်ကစားသမား တစ်ဦးကို ရည်ရွယ်ချက်ရှိရှိ ကြမ်းတမ်းစွာ ကန်ကျောက်ခဲ့သဖြင့် နှစ်ဖက်အသင်းကြား အကြမ်းဖက် ပဋိပက္ခတစ်ခု ဖြစ်ပွားခဲ့သည်။</p> <p style="text-align:justify">ယင်းအဖြစ်အပျက်က တရုတ်ကစားသမားများမှာ အားနည်းသည် ဟူသော အထင်အမြင်ကို ချန်ရစ်ထားခဲ့သည်။</p> <p style="text-align:justify">“ကမ္ဘာ့ဖလား ခြေစစ်ပွဲမှာ ငါတို့ တရုတ်အသင်းနဲ့ တစ်အုပ်စုတည်း မကျတာ တကယ် နှမြောစရာပဲ။ မဟုတ်ရင် ချူကို သင်ခန်းစာပေးဖို့ အခွင့်အရေး ရှာလို့ရမှာ...” တာကူမီ မီနာမီနိုကလည်း မကျေနပ်သော လေသံဖြင့် ပြောလိုက်သည်။ </p> <p style="text-align:justify">“ကိစ္စမရှိပါဘူး။ နောက်ဆုံး ၁၂ သင်း အဆင့်အထိ ငါတို့ စောင့်လို့ ရပါတယ်။ ဒါပေမယ့် ကတိနော်...” </p> <p style="text-align:justify">ဟွမ်ဟီချန်ကလည်း ခပ်ယဲ့ယဲ့ အပြုံးတစ်ခုကို ပြသလိုက်သည်။ “အဲဒီအချိန်ရောက်ရင် သူ့ကို တွေ့တဲ့ သူက ပွဲနိုင်ပြီးတာနဲ့ သူ့ကို အရှက်ခွဲပစ်ရမယ်။ ပရီးမီးယားလိဂ်မှာ အဲဒီလောက် မာန ထောင်လွှားနေဖို့... ပြီးတော့ ဆွန်ဟောင်မင်ကိုတောင် အထင်သေးရဲဖို့ ဘယ်သူက သူ့ကို ပြောထားလို့လဲ...”</p> <p style="text-align:justify">“အိုကေ” တာကူမီ မီနာမီနိုက ခေါင်းညိတ်လိုက်သည်။ </p> <p style="text-align:justify">တရုတ်အသင်း၏ အဆင့်အတန်းဖြင့်ဆိုလျှင် အကောင်းဆုံး ခြေစွမ်းပြနိုင်ပါက အာရှတတိယတန်းစား အဆင့်လောက်သာ ရှိမည်ဖြစ်ပြီး ဂျပန်၊ တောင်ကိုရီးယားတို့နှင့် ယှဉ်နိုင်လိမ့်မည် မဟုတ်ဟု သူတို့နှစ်ဦးစလုံး ယုံကြည်ထားပေသည်။</p> <p style="text-align:justify">ချူဖုန်းကဲ့သို့ ဘလွန်းဒီအော အဆင့်ရှိ ကစားသမား တစ်ဦး ပါဝင်လာလျှင်တောင် လုံလောက်မည် မဟုတ်ပေ။</p> <p style="text-align:justify">“လာ... မြန်မြန် လေ့ကျင့်ကြမယ်...” ဟာလန်းက မျက်မှောင်ကြုတ်ကာ လှမ်းခေါ်လိုက်သည်။</p> <p style="text-align:justify">ရက်ဘူးလ် ဆဲလ်ဘက်သို့ သူ ရောက်ကတည်းက ဤနှစ်ယောက်က လူကောင်းများ မဟုတ်ဟု သူ ခံစားခဲ့ရသည်။ သူတို့က အမြဲတမ်း တခြားသူတွေရဲ့ ကွယ်ရာမှာ အတင်းပြောရတာကို သဘောကျကြသည်။ </p> <p style="text-align:justify">မည်သို့ပင်ဆိုစေ သူ ထွက်ခွာရတော့မည် ဖြစ်ရာ ဤသို့သော ကိစ္စများကို ဝင်ရောက် စွက်ဖက်မနေချင်တော့ပေ။</p> <p style="text-align:justify">ဤသို့ဖြင့် ချန်ပီယံလိဂ် ပွဲစဉ်ရက်က လျင်မြန်စွာ ရောက်ရှိလာခဲ့သည်။</p> <p style="text-align:justify">ပရိသတ် သုံးသောင်းခန့်က ရက်ဘူးလ် အားကစားကွင်းကြီးအတွင်းသို့ လာရောက်ကာ ရက်ဘူးလ် ဆဲလ်ဘက် အသင်းကို အားပေးကြသည်။</p> <p style="text-align:justify">ချူဖုန်းက သူ့ရှေ့ရှိ ဟွမ်ဟီချန်နှင့် မီနာမီနိုတို့ကို လက်ညှိုးထိုးပြကာ “ဒီကောင်တွေကို မှတ်ထား... ခဏနေရင် သူတို့ကို သေချာ ပညာပေးရမယ်” ဟု ပြောလိုက်သည်။</p> <p style="text-align:justify">“ချူ... သူတို့နဲ့ မင်းက အငြိုးတစ်ခုခုများ ရှိနေလို့လားဟင်...” ဝမ်ဘစ်ဆာကာ တစ်ယောက် လုံးဝ ကြောင်အမ်းသွားသည်။</p> <p style="text-align:justify">“ဒါက ငါ့ကို အသေသတ်ဖို့ ကြံနေတဲ့ ကောင်တွေကွ” ချူဖုန်းက ခေါင်းညိတ်ပြလိုက်သည်။</p> <p style="text-align:justify">“စိတ်မပူနဲ့... ဒီနေ့ ငါ ဖောင် အရမ်း ကောင်းနေတယ်။ မင်းကိုယ်စား သူ့ကို နောက်ထပ် အကြိမ်အနည်းငယ်လောက် ထပ်ပြီး ဝင်ဖျက်ထုတ်ပေးမယ်” </p> <p style="text-align:justify">ဝမ်ဘစ်ဆာကာက အင်္ကျီလက်ကို ပင့်တင်လိုက်သည်။</p> <p style="text-align:justify">အစ်ကိုကြီးက လုပ်မယ်လို့ ပြောမှတော့... လုပ်လိုက်ရုံပေါ့လေ။ ဘယ်လိုပဲဖြစ်ဖြစ် ချူနောက်ကို လိုက်ရင် ဘယ်တော့မှ အရှုံးမပေါ်ပါဘူး။</p> <p style="text-align:justify">“ငါလည်း ဖျက်ထုတ်မှုတွေ လုပ်ပေးမယ်” </p> <p style="text-align:justify">ဘရူနို ဖာနန်ဒက်စ်ကလည်း မိမိသဘောဆန္ဒအလျောက် ဝင်ပါလိုက်သည်။ မန်ချက်စတာ ယူနိုက်တက်တွင် နေရာတစ်နေရာ အခိုင်အမာ ရချင်လျှင် ချူဖုန်း၏ အသိအမှတ်ပြုမှုကို ရယူရန် လိုအပ်သည် မဟုတ်ပါလား။</p> <p style="text-align:justify">ထိုစဉ် ခပ်လှမ်းလှမ်းတွင် ရှိနေသော ဟွမ်ဟီချန်နှင့် မီနာမီနိုတို့မှာ မန်ချက်စတာယူနိုက်တက် ကစားသမားများ၏ ရန်လိုသော အကြည့်များကို သတိထားမိလိုက်သည်။ မနေနိုင်ဘဲ ကြက်သီးမွေးညင်းများပင် ထသွားကြသည်။</p> <p style="text-align:justify">အဝတ်လဲခန်းသို့ ပြန်ရောက်သောအခါ မော်ရင်ညိုက ချောင်းနှစ်ချက် ဟန့်လိုက်ပြီး “ရက်ဘူးလ် ဆဲလ်ဘက်ကို အားနည်းတယ်လို့ မထင်ကြနဲ့။ တကယ်တမ်းကျတော့ သူတို့ကို ပရီးမီးယားလိဂ်မှာ သွားထားရင်တောင် အမှတ်ပေးဇယား အလယ်အလတ်အဆင့်လောက်မှာ ရှိနေလိမ့်မယ်...” ဟု ပြောလိုက်သည်။</p> <p style="text-align:justify">“ပြီးတော့ သူတို့ရဲ့ ရှေ့တက် ဖိအားပေးတဲ့ စနစ်က လီဗာပူးနဲ့ ဆင်တူတယ်။ လူငယ်ကစားသမားတွေရဲ့ ကောင်းမွန်တဲ့ ရွေ့လျားနိုင်စွမ်းကို အသုံးပြုပြီး ဖိအားပေးတယ်။ ပြီးတာနဲ့ အတိုဆုံး အချိန်အတွင်းမှာ ရှေ့တန်းကို ဘောလုံး ပို့ပေးလေ့ရှိတယ်...”</p> <p style="text-align:justify">“ဒါကြောင့် ဒီနေ့ပွဲမှာ ငါတို့ ကွင်းလယ်မှာ အချိန်ဆွဲမနေသင့်ဘူး။ ပြိုင်ဘက်ရဲ့ ဘောလုံးလုယူပြီး တန်ပြန်တိုက်စစ် ဆင်တာကို ရှောင်ရှားနိုင်ဖို့ ငါတို့လည်း လျင်မြန်တဲ့ အကူးအပြောင်းတွေ လုပ်ဖို့ လိုတယ်...”</p> <p style="text-align:justify">မော်ရင်ညိုက ပွဲတိုင်းကို အလွန် အလေးအနက်ထားလေ့ ရှိသည်။ ဒါက သူ၏ မွေးရာပါ ကိုယ်ရည်ကိုယ်သွေး ဖြစ်ပြီး အသက်အရွယ် သို့မဟုတ် အတွေ့အကြုံများနှင့် မသက်ဆိုင်ပေ။</p> <p style="text-align:justify">“ရက်ဘူးလ် ဆဲလ်ဘက်ရဲ့ ဘယ်ဘက်တောင်ပံ ခံစစ်က နှိုင်းယှဉ်ချက်အရ အားနည်းတယ်။ အခွင့်အရေး ရရင် အပေါ်ကနေ ကျော်ချတဲ့ အဝေးပေးပို့မှုတွေကို စမ်းကြည့်လို့ ရတယ်။ အမြန်နှုန်းအရ သူတို့နဲ့ ယှဉ်ပြိုင်ရမှာကို ကျွန်တော် မကြောက်ဘူး”</p> <p style="text-align:justify">ချူဖုန်းက တစ်ခွန်း ဝင်ဖြည့်ပြောလိုက်သည်။</p> <p style="text-align:justify">“ကောင်းပြီ... ချန်ပီယံလိဂ် အုပ်စုပွဲစဉ်တွေကို အစွမ်းကုန် ကြိုးစားပြီး အနိုင်ယူကြစို့။ ဒါမှ ငါတို့ စောစောစီးစီး ရှုံးထွက်အဆင့်ကို တက်ပြီး ပင်ပန်းခက်ခဲမယ့် ခရစ္စမတ် ပွဲစဉ်တွေအတွက် ပြင်ဆင်နိုင်မှာ...” မော်ရင်ညိုက ခေါင်းညိတ် သဘောတူလိုက်သည်။</p> <p style="text-align:justify">“ရှေ့ဆက်သွား... ”</p> <p style="text-align:justify">အားလုံး အတူတကွ အားပေးစကား အော်ဟစ်လိုက်ကြပြီးနောက် အဝတ်လဲခန်းထဲမှ ထွက်လာခဲ့ကြသည်။</p> <p style="text-align:justify">ရက်ဘူးလ် ဆဲလ်ဘက်က မန်ချက်စတာယူနိုက်တက်ကို အိမ်ကွင်းတွင် ဧည့်ခံ ကစားမည် ဖြစ်သည်။</p> <p style="text-align:justify">ရက်ဘူးလ် နည်းပြချုပ် မာရှီက ရှေးရိုးစွဲဝါဒီ တစ်ဦး မဟုတ်ပေ။ ဆန့်ကျင်ဘက်အနေဖြင့် သူ၏ နည်းဗျူဟာပိုင်းဆိုင်ရာ အကြံဉာဏ်များက အလွန် ဆန်းသစ်တီထွင်မှု ရှိသည်။</p> <p style="text-align:justify">သူတို့က ၄-၂-၂-၂ ကစားကွက်ဖြင့် ခင်းကျင်းလာသည်။</p> <p style="text-align:justify">ဟာလန်းနှင့် ဟွမ်ဟီချန်တို့က ရှေ့တန်းတွင် တိုက်စစ်မှူး နှစ်ဦးအဖြစ် တွဲဖက် ကစားမည်။ </p> <p style="text-align:justify">တာကူမီ မီနာမီနို၊ ဆိုဘိုဆလိုင်း၊ ဘန်နယ်ဒက်နှင့် ယူနူဇိုဗစ်တို့က ကွင်းလယ်တွင် စိန်ပွင့်ပုံသဏ္ဍာန် ဖွဲ့စည်းထားသည်။ ခံစစ်ပိုင်းတွင် ရက်စမတ် ၊ ရာမဲလ်ဟို ၊ ဝူဘာနှင့် အူလ်မာတို့က တစ်တန်းတည်း နေရာယူထားကြသည်။</p> <p style="text-align:justify">ဆိုလိုသည်မှာ ကစားသမားများကို ကွင်းလယ်ဗဟိုတွင် စုစည်းထားပြီး တောင်ပံများကိုတော့ ခံစစ်အစွန်လူများ၏ ကာကွယ်မှုအောက်တွင်သာ ထားရစ်ခဲ့ခြင်း ဖြစ်သည်။ </p> <p style="text-align:justify">ဤသည်က ရက်ဘူးလ် ဆဲလ်ဘက် ကစားသမားများ၏ ဝိသေသလက္ခဏာများနှင့် သက်ဆိုင်နေသည်။ </p> <p style="text-align:justify">ဟာလန်းနှင့် ဟွမ်ဟီချန် အတွဲအဖက်... တစ်ယောက်က အရပ်ရှည်ပြီး နောက်တစ်ယောက်က သန်မာသဖြင့် အတော်လေး ထိရောက်မှု ရှိသည်။ </p> <p style="text-align:justify">သို့သော် ဟာလန်း၏ ခေါင်းတိုက်စွမ်းရည်က အနည်းငယ် အားနည်းနေသေးသည်။ ထို့ကြောင့် ဘေးတောင်ပံများသို့ ထွက်ကစားမည့်အစား ဒေါင်လိုက် နေရာလွတ်များ ဖန်တီးနိုင်ရန် အလယ်ဗဟိုမှသာ ထိုးဖောက်ရန် သူတို့ ဆုံးဖြတ်ခဲ့ကြသည်။ </p> <p style="text-align:justify">ဤလူစာရင်းက ဩစတြီးယား ဘွန်ဒက်စ်လီဂါတွင် သူတို့ ဘယ်လိုပဲ ကစားကစား အလုပ်ဖြစ်နေသည်။</p> <p style="text-align:justify">မန်ချက်စတာ ယူနိုက်တက်ကတော့ ဂန္ထဝင် ၄-၃-၁-၂ ကစားကွက်ဖြင့် ပွဲထွက်လာပြီး ယခင်ပွဲစဉ်များနှင့် ကြီးကြီးမားမား ပြောင်းလဲမှု မရှိပေ။ </p> <p style="text-align:justify">ဗဟိုဝင်ရိုးပေါ်ရှိ ဟားဗက်ဇ် နေရာတွင် အစားထိုး အသုံးပြုလာခြင်းသာ ရှိသည်။</p> <p style="text-align:justify">မော်ရင်ညို ခန့်မှန်းထားသည့်အတိုင်းပင် ရက်ဘူးလ် ဆဲလ်ဘက်တို့ ပွဲစသည်နှင့် တစ်ပြိုင်နက် အမြင့်မှ ဖိအားပေးမှုများကို စတင်လာပြီး ဗဟိုကွင်းလယ် နေရာလွတ်ကို ထိန်းချုပ်နိုင်ရန် အခိုင်အမာ ဆုံးဖြတ်ထားပုံရသည်။</p> <p style="text-align:justify"><br /> သို့သော် မန်ချက်စတာ ယူနိုက်တက်က သူတို့နှင့် ဘောလုံးလုရန် ယှဉ်ပြိုင်မနေတော့ဘဲ တောင်ပံ နှစ်ဖက်စလုံးမှ တစ်ဆင့် တိုက်စစ်များ စတင်လိုက်သည်။ ချူဖုန်းကတော့ ဂရီးလစ်ရှ်နှင့် တွဲဖက်၍ တောက်လျှောက် တိုက်စစ်ဆင်ပေးနေသည်။</p> <p style="text-align:justify">သူ့ ရည်ရွယ်ချက်က ရိုးရှင်းပါသည်။</p> <p style="text-align:justify">ဆဲလ်ဘက်၏ တောင်ပံများကို ဆက်တိုက် ချိုးဖျက်ပြီး သူတို့၏ ခံစစ် အရင်းအမြစ်များကို တောင်ပံများဆီ အာရုံစိုက်လာစေရန် ဖိအားပေးခြင်း ဖြစ်သည်။ ထိုသို့ပြုလုပ်ခြင်းဖြင့် အလယ်လမ်းကြောင်းတွင် နေရာလွတ်များ ပေါ်ထွက်လာမည် ဖြစ်သည်။</p> <p style="text-align:justify">နည်းဗျူဟာများနှင့် လက်တွေ့ အကောင်အထည်ဖော်မှုတို့ ပြီးပြည့်စုံစွာ ပေါင်းစပ်သွားသောအခါ ရလဒ်များကို လျင်မြန်စွာ ရရှိလာတော့သည်။</p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save