Book List

<h2 style="text-align: center;">အခန်း (၄၈၂)</h2> <h2 style="text-align: center;">*</h2> <h2> </h2> <h2> </h2> <p> </p> <p style="text-align:justify">“ချူက ဘောလုံးလက်ခံဖို့ ဘယ်ဘက်ကို ဆုတ်လာတယ်”</p> <p style="text-align:justify">“ဆဲလ်ဘက် ရက်ဘူးလ်က တကယ်ကို ကြမ်းတမ်းလွန်းပါတယ်။ ချက်ချင်းပဲ လူသုံးယောက်က သူ့ကို ဝိုင်းရံလိုက်ပြီ”</p> <p style="text-align:justify">တစ်ဦးချင်း ရန်ဖြစ်ရတာထက် အုပ်စုဖွဲ့ ချရတာက ပိုပြီး အားရစရာ ကောင်းတယ် မဟုတ်လား။</p> <p style="text-align:justify">ချူဖုန်းက လူသုံးယောက် ဝိုင်းရံထားသည့် ကြားမှ ကွက်လပ်တစ်ခုကို ရှာတွေ့သွားပြီး မာတစ်ထံသို့ ဘောလုံးကို နောက်ပြန် ပေးပို့လိုက်သည်။ မာတစ်က ဘေးစည်းတစ်လျှောက် မျှောထိုးပေးပို့မှု တစ်ခုကို ပြုလုပ်လိုက်ရာ ဘောလုံးသည် ဆန်ဒရိုဆီ ရောက်ရှိသွား၏။</p> <p style="text-align:justify">တိုက်စစ်အားသန် ဘယ်အစွန်နောက်ခံလူ ဆန်ဒရိုက ရက်စမတ်ကို ကျော်ဖြတ် ပြေးထွက်သွားပြီး ဂိုးစည်းအနီးမှနေ၍ အဝေးတိုင်ဘက်သို့ ပင့်တင်ပေးလိုက်သည်။</p> <p style="text-align:justify">ဂရီးလစ်ရှ်…</p> <p style="text-align:justify">ထိုအချိန်မှာပင် ဂရီးလစ်ရှ်က ရှေ့သို့ ပြေးထွက်လာပြီး လျှောထိုး ကန်သွင်းရန် သူ၏ ခန္ဓာကိုယ်ကို ပြင်ဆင်လိုက်သည်။</p> <p style="text-align:justify">“ဝိုး... လိမ့်ထွက်သွားတယ်။ ဂိုးတိုင်နဲ့ နည်းနည်းလေး လွဲသွားတာ”</p> <p style="text-align:justify">“မန်ချက်စတာယူနိုက်တက်တို့ ပွဲအစောပိုင်းမှာတင် အခွင့်အရေး တစ်ခု ရခဲ့ပေမယ့် ကံမကောင်းစွာနဲ့ပဲ ဂိုးအဖြစ် ပြောင်းလဲနိုင်ခြင်း မရှိခဲ့ပါဘူး...”</p> <p style="text-align:justify">“ဒါပေမယ့် မန်ချက်စတာယူနိုက်တက်တို့ အရမ်းကို စိတ်အေးလက်အေး ရှိနေတယ် ဆိုတာကိုတော့ ခင်ဗျားတို့ သတိထားမိမှာပါ...”</p> <p style="text-align:justify">ဆဲလ်ဘက် ရက်ဘူးလ် ကစားသမားများ သက်ပြင်းချလိုက်နိုင်ကြသည်။</p> <p style="text-align:justify">“ဘာဖြစ်လို့လဲ... ဘလွန်းဒီအောဆုရှင်ကြီး ငါ့ကို ကျော်ဖြတ်ဖို့ ကြောက်နေတာလား...”</p> <p style="text-align:justify">မီနာမီနိုက ချူဖုန်း အနားသို့ ချဉ်းကပ်လာကာ လှောင်ပြောင်သော လေသံဖြင့် ပြောလိုက်သည်။</p> <p style="text-align:justify">“သောက်ရူးလေး...” </p> <p style="text-align:justify">ချူဖုန်းက နောက်ကိုပင် လှည့်မကြည့်ဘဲ လှည့်ထွက်ကာ သူ၏ နေရာသို့ ပြန်သွားလိုက်သည်။ </p> <p style="text-align:justify">‘မင်း ခံစားရမယ့် အချိန် ရောက်လာဦးမှာပါ...’</p> <p style="text-align:justify">မီနာမီနို၏ မျက်နှာက ပြာနှမ်းသွားသည်။ ချူဖုန်းကို ဆွပေးပြီး မာတာရာဇီလို လှည့်ကွက်မျိုး သုံးရန် သူ စဉ်းစားထားခဲ့သည်။</p> <p style="text-align:justify">သို့သော် ချူဖုန်းက ပြန်မတုံ့ပြန်လိမ့်မည်ဟု ဘယ်သူ ထင်မည်နည်း။</p> <p style="text-align:justify">အချိန်တွေ ကုန်လွန်လာသည်နှင့်အမျှ မာရှီ၏ မျက်မှောင်ကြုတ်မှုက ပိုမို နက်ရှိုင်းလာသည်။ </p> <p style="text-align:justify">သူတို့အသင်းမှာ အန္တရာယ်ရှိသော နေရာများတွင် ဘောလုံး ဖျက်ထုတ်နိုင်ရန် ရုန်းကန်နေရပြီး အလယ်ဗဟိုမှတစ်ဆင့် ထိုးဖောက်ရန် ကြိုးပမ်းမှုများမှာလည်း အများအားဖြင့် အလုပ်မဖြစ်ခဲ့ပေ။ ဟာရဲရား၊ ကန်တေနှင့် မာတစ်တို့၏ ကွင်းလယ်ခံစစ် အတွဲအဖက်က ဆဲလ်ဘက်၏ တိုက်စစ်ကို လုံးဝ ဟန့်တားထားနိုင်ပေသည်။</p> <p style="text-align:justify">ဟာလန်းမှာ ဘောလုံးနှင့် မထိတွေ့ရသည်မှာ အတော်ကြာနေပြီ ဖြစ်ပြီး ဘောလုံးရလာချိန်တွင်လည်း သီယာဂို ဆေးလ်ဗား၏ တားဆီးမှုတို့ကို ချက်ချင်း ခံလိုက်ရသည်။ သူက သီယာဂို ဆေးလ်ဗားကို လုံးဝ ကျော်ဖြတ်နိုင်ခြင်း မရှိပေ။</p> <p style="text-align:justify">တစ်ဖက်တွင် မန်ချက်စတာယူနိုက်တက်ကတော့ ပွဲချိန်ကြာလာသည်နှင့်အမျှ ဖြည်းညှင်းစွာ ပိုမို ကောင်းမွန်လာပြီး ပွဲ၏ အရှိန်အဟုန်ကို တဖြည်းဖြည်း ထိန်းချုပ်လာနိုင်ခဲ့သည်။</p> <p style="text-align:justify">“ဝမ်ဘစ်ဆာကာ...”</p> <p style="text-align:justify">“ဒီဖျက်ထုတ်မှုကြောင့် မီနာမီနို လဲကျသွားပေမယ့် ဒိုင်လူကြီးက ပွဲဆက်ကစားဖို့ အချက်ပြလိုက်ပါတယ်”</p> <p style="text-align:justify">“တောင်ပံကနေ ဖောက်ထွက်လာတယ်... ဟင်... အဝေးပေးပို့မှု တိုက်ရိုက် လုပ်လိုက်တာလား...”</p> <p style="text-align:justify">ချူဖုန်းက နောက်သို့ လှည့်ကြည့်လိုက်ပြီး စိတ်ထဲတွင် မကျေမနပ် ညည်းတွားလိုက်မိသည်။ </p> <p style="text-align:justify">‘သောက်ကျိုးနည်း... အားက နည်းနည်း ပြင်းလွန်းနေတယ်”</p> <p style="text-align:justify">သူ ဘောလုံးကို ထိန်းချုပ်လိုက်ချိန်တွင်... </p> <p style="text-align:justify">ရက်ဘူးလ် ဆဲလ်ဘက်တို့ ခံစစ်အင်အား ဖြည့်တင်းမှုကို ပြီးစီးသွားခဲ့ပြီး ပင်နယ်တီ ဧရိယာအတွင်း တင်းကျပ်သော ခံစစ်မျဉ်း တစ်ခုကို တည်ဆောက်ထားလိုက်ကြပြီ ဖြစ်သည်။ </p> <p style="text-align:justify">ရှေ့တန်းမှ ဟွမ်ဟီချန်ပင်လျှင် နောက်သို့ ပြန်ပြေးလာခဲ့သည်။</p> <p style="text-align:justify">ဟွမ်ဟီချန်နှင့် အူလ်မာတို့၏ ပူးပေါင်း ခံစစ်ကို ရင်ဆိုင်ရချိန်တွင် ချူဖုန်းက နေရာတွင်ပင် ဘောလုံးကို နင်းထားကာ ခံစစ်ကို စမ်းသပ်လိုက်သည်။ </p> <p style="text-align:justify">မလှုပ်ရှားဘူး။</p> <p style="text-align:justify">ခံစစ်ကစားသမား နှစ်ယောက် ရှိနေ၍များလား မသိ။ နှစ်ယောက်စလုံးက တည်ငြိမ်စွာပင် သူ့ကို အကဲခတ်နေကြသည်။</p> <p style="text-align:justify">ဒါကို ဖြတ်ကျော်နိုင်သရွေ့တော့ အခွင့်အရေး ရှိတာပဲ။</p> <p style="text-align:justify">ချူဖုန်က အပြင်ဘက်မှ ဖောက်ထွက်မည့် ဟန်ဖြင့် ညာခြေဖြင့် ဘောလုံးအပေါ်မှ ခုန်ကျော်လိုက်သည်။</p> <p style="text-align:justify">အူလ်မာကလည်း အလိုအလျောက်ပင် နောက်မှ လိုက်ပါသွားသည်။</p> <p style="text-align:justify">သို့သော် နောက်တစ်ခဏမှာပင်... </p> <p style="text-align:justify">ချူဖုန်းက သူ၏ ညာခြေကို နောက်တစ်ကြိမ် လှည့်ကာ သူ့ကို လွယ်ကူစွာ ခါချသွားသည်ကို သူ သတိပြုမိလိုက်သည်။ ထို့ကြောင့် သူ၏ အသင်းဖော်များကိုသာ မျှော်လင့်ချက် ထားရတော့မည်။</p> <p style="text-align:justify">ဟွမ်ဟီချန်က စကားတစ်ခွန်းမျှ မဆိုဘဲ ချက်ချင်းပင် လျှောထိုး ဖျက်ထုတ်လိုက်သည်။ </p> <p style="text-align:justify">အကွာအဝေးက လုံလောက်အောင် နီးကပ်နေသဖြင့် ချူဖုန်း၏ ခြေထောက်ထဲမှ ဘောလုံးကို တားဆီးနိုင်လိမ့်မည် ဟု သူ ယုံကြည်ထားပေသည်။ </p> <p style="text-align:justify">‘ဆယ်ထုတ်လို့ မရဘူးဆိုတာ မဖြစ်နိုင်ပါဘူး...’</p> <p style="text-align:justify">“သောက်ကျိုးနည်း”</p> <p style="text-align:justify">ဟွမ်ဟီချန်က သူ၏ ခန္ဓာကိုယ်ကို လှဲချလိုက်သော်လည်း ချူဖုန်းက ပို၍ လျင်မြန်သော အရှိန်ဖြင့် ဘောလုံးအား တစ်ချက် ထိကာ ရွေ့လျားသွားသည်ကို တွေ့လိုက်ရသည်။</p> <p style="text-align:justify">ချူဖုန်းက ဂိုးသွင်းရန် နေရာလွတ် တစ်ခုကို ဖန်တီးလိုက်နိုင်လေပြီ။</p> <p style="text-align:justify">“မြေလှိမ့် ကန်လိုက်ပြီ”</p> <p style="text-align:justify">“ဝင်သွားပြီဟေ့... ”</p> <p style="text-align:justify">ဟွမ်ဟီချန် တစ်ယောက် ဘောလုံး ပိုက်ကွန်ထဲသို့ ဝင်သွားသည်ကို ကြည့်ကာ ရှက်ရွံ့မှုနှင့် ဒေါသများ ရောယှက်ပြီး မြက်ခင်းပြင်ကို ပြင်းပြင်းထန်ထန် ထုနှက်လိုက်သည်။ </p> <p style="text-align:justify">‘ဒီဘောလုံးကို ဘယ်လိုများ ဖျက်ထုတ်လို့ မရခဲ့တာလဲ...’ သူ လုံးဝ နားမလည်နိုင်အောင် ဖြစ်နေရသည်။</p> <p style="text-align:justify">ချူဖုန်းက ဟွမ်ဟီချန်ကို လျစ်လျူရှုလိုက်ပြီး မီနာမီနို ဘေးမှ ဖြတ်သွားချိန်တွင် လှောင်ပြောင်သော အမူအရာကို ပြသလိုက်သည်။</p> <p style="text-align:justify">‘ဒီကောင်နဲ့ စကားများနေရတာက ငါ့အဆင့်အတန်း ကျတယ်...’</p> <p style="text-align:justify">“ချူက ပိုပိုပြီး ကောင်းလာပါလား” </p> <p style="text-align:justify">ဟာလန်းက အနည်းငယ် စိတ်ပျက်စွာဖြင့် သက်ပြင်းချလိုက်သည်။</p> <p style="text-align:justify">သူသာ အသည်းအသန် ကြိုးစားလျှင် သူတို့နှစ်ဦးကြားရှိ ကွာဟချက်ကို လျှော့ချနိုင်လိမ့်မည် ဟု သူ အစက ထင်ထားခဲ့သည်။ သို့သော် အခုလေးတင် ချူဖုန်း ပြုလုပ်သွားခဲ့သော တိကျသည့် ဘောလုံး ထိတွေ့မှု နှစ်ခုက သူ နောက်ထပ် နှစ်အနည်းငယ်လောက် လေ့ကျင့်ရင်တောင် လုပ်နိုင်ဖို့ မသေချာသည့် အရာများပင် ဖြစ်သည်။</p> <p style="text-align:justify">“ကိစ္စမရှိပါဘူး... ငါတို့က ငယ်ပါသေးတယ်...” ဆိုဘိုဆလိုင်းက နှစ်သိမ့်စကား ပြောလိုက်သည်။</p> <p style="text-align:justify">“ဒါပေမယ့် ချူလည်း အသက်ကြီးတာမှ မဟုတ်တာ။ သူက အသက် ၂၁ နှစ်ပဲ ရှိသေးတယ်။ ငါတို့ထက် နှစ်နှစ်ပဲ ကြီးတာလေ” </p> <p style="text-align:justify">ဟာလန်းက သူ၏ အနာဂတ် မှေးမှိန်နေပြီဟု ခံစားလိုက်ရသည်။</p> <p style="text-align:justify">ဘောလုံးကစားသူတိုင်းတွင် တူညီသော အိပ်မက်တစ်ခု ရှိကြသည်။ အဲဒါကတော့ ဘလွန်းဒီအောဆုပင် ဖြစ်သည်။</p> <p style="text-align:justify">“သူ ပိုသန်မာနေလို့ ငါတို့ ကြိုးစားဖို့ မလိုတော့ဘူးလို့ မဆိုလိုပါဘူး...” </p> <p style="text-align:justify">ဆိုဘိုဆလိုင်းက လေးနက်စွာ ပြောလိုက်သည်။ “သူက တောင်တန်းကြီး တစ်ခုလို ဖြစ်နေရင်တောင် ငါတို့က သူ့ကို ကျော်လွှားနိုင်ဖို့ အစွမ်းကုန် ကြိုးစားရမှာပေါ့”</p> <p style="text-align:justify">ထိုစကားကို ကြားသောအခါ ဟာလန်း၏ စိတ်အခြေအနေ ပြန်လည် တည်ငြိမ်သွားသည်။ ထို့နောက် သူ ဆုံးဖြတ်ချက် တစ်ခု ချလိုက်သည်။</p> <p style="text-align:justify">သူက ချူဖုန်းရဲ့ အသင်းဖော် မဖြစ်ချင်ဘူး... ချူဖုန်းရဲ့ ပြိုင်ဘက်ပဲ ဖြစ်ချင်တယ်…</p> <p style="text-align:justify">တစ်သင်းတည်းမှာ အတူတူ ရှိနေရင် သူက ချူဖုန်းကို ဘယ်တော့မှ ကျော်နိုင်တော့မှာ မဟုတ်ဘူး…</p> <p style="text-align:justify">ကိုယ့်အခွင့်အရေး ကိုယ်ရှာဖို့ ဘာလို့ အပြင်မထွက်ရမှာလဲ…</p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save