Book List

<h2 style="text-align: center;">အခန်း (၄၈၅)</h2> <h2 style="text-align: center;">*</h2> <p> </p> <p> </p> <p> </p> <p> </p> <p style="text-align:justify">“နှစ်လ၊ သုံးလလောက်ပဲ ရှိသေးပေမယ့် ခန္ဓာကိုယ် ကြံ့ခိုင်မှုပိုင်း ပြောင်းလဲလာတာက အရမ်းကို သိသာနေပြီ။ နည်းစနစ်ပိုင်းနဲ့ နည်းဗျူဟာပိုင်းတွေ ကိုတော့ ဖြည်းဖြည်းချင်း သွေးယူရဦးမယ်...” လစ်ပီ၏ လက်ထောက်နည်းပြ ပက်ဇော့တီက လေ့ကျင့်နေသော တရုတ်ကစားသမားများကို ကြည့်ပြီး မှတ်ချက်ပြုသည်။</p> <p style="text-align:justify">“ဟုတ်တယ်... ပြိုင်ပွဲတွေကို လေ့ကျင့်ရေးအဖြစ် ငါတို့ အသုံးပြုလို့ ရတယ်။ နောက်ပိုင်း အရှေ့ အာရှဖလားမှာလည်း တရုတ် ကစားသမားတွေကို လေ့ကျင့်ပေးရမယ်။ အဲဒီအခါကျရင်တော့ ချူကို ပြန်ခေါ်စရာ မလိုလောက်ဘူး...” </p> <p style="text-align:justify">လစ်ပီက ခေါင်းညိတ်လိုက်သည်။ ဘောလုံးအဖွဲ့ချုပ်၏ ဝင်ရောက်စွက်ဖက်မှုများမှ လွတ်ကင်းသွားသဖြင့် ယခုအခါ သူ အလွန် သက်တောင့်သက်သာ ရှိနေသည်။ </p> <p style="text-align:justify">“လူငယ်ကစားသမားတွေ ရွေးချယ်တဲ့ နေရာမှာ ဂရုစိုက်ပါ။ ငါတို့ရဲ့ ပစ်မှတ်က နောက်သုံးနှစ် အကြာပဲ” လစ်ပီက သူ၏ မျက်မှန်ကို ပင့်တင်လိုက်သည်။</p> <p style="text-align:justify">၂၀၂၂ ကာတာ ကမ္ဘာ့ဖလားအတွက် ခြေစစ်ပွဲ အောင်မြင်ရန်က သူ၏ ရည်မှန်းချက် ဖြစ်ပေသည်။</p> <p style="text-align:justify">အသင်းတွင် ဘလွန်းဒီအော အဆင့်ရှိ ကစားသမား ပါဝင်နေသဖြင့် လစ်ပီအနေဖြင့် ဂျပန်နှင့် တောင်ကိုရီးယားတို့ကို မကြောက်တော့ဘဲ ပိုမို ရှေ့ဆက်သွားနိုင်မည့် အခွင့်အရေး ရှိသည်ဟု ယုံကြည်နေသည်။</p> <p style="text-align:justify">သိပ်မကြာမီမှာပင်... </p> <p style="text-align:justify">နေ့စဉ် လေ့ကျင့်ရေးများ အားလုံး ပြီးဆုံးသွားပြီးနောက် ကျူးချန်ကျိက ချူဖုန်း အနားသို့ တိုးကပ်လာသည်။ </p> <p style="text-align:justify">“ဇန်နဝါရီလမှာ လုပ်မယ့် အာရှယူ-၂၃ ချန်ပီယံရှစ် ပြိုင်ပွဲအတွက် အစ်ကိုချူ ပြန်လာမှာလားဟင်...”</p> <p style="text-align:justify">ချူဖုန်းကို ထိုသို့သော ပြိုင်ပွဲမျိုးတွင် ဝင်ကစားခိုင်းခြင်းက သူ့အဆင့်အတန်းနှင့် အနည်းငယ် မတန်ဟု သူ ခံစားရသော်လည်း... ဒါက ၂၀၂၀ ဇူလိုင်လမှာ ကျင်းပမယ့် တိုကျို အိုလံပစ် ပြိုင်ပွဲအတွက် လက်မှတ်နဲ့ သက်ဆိုင်နေတယ်လေ။ </p> <p style="text-align:justify">စဉ်းစားကြည့်လိုက်စမ်းပါ။</p> <p style="text-align:justify">သောက်ကျိုးနည်း... ဂျပန်တွေကို သူတို့ မြေပေါ်မှာပဲ အနိုင်ယူနိုင်ခဲ့မယ်ဆိုရင်... </p> <p style="text-align:justify">ဘယ်လောက်တောင် မိုက်လိုက်မလဲ။</p> <p style="text-align:justify">ဟုတ်ပါသည်။ ဘရာဇီးလ်၊ စပိန်တို့ကဲ့သို့ အသင်းကြီးများကို အနိုင်ယူပြီး အိုလံပစ် ချန်ပီယံဆု ရယူနိုင်လိမ့်မည် ဟု သူ မမျှော်လင့်ထားပေ။ </p> <p style="text-align:justify">အိုလံပစ်ပြိုင်ပွဲ ဝင်ခွင့် ရရင်ကို လုံလောက်ပါပြီ။ </p> <p style="text-align:justify">ဘာလို့လဲဆိုတော့ ဒါက တရုတ်ဘောလုံးလောကအတွက် တိုးတက်မှု တစ်ခုကို ကိုယ်စားပြုနေလို့ပဲ။ သေးငယ်တဲ့ ခြေလှမ်းလေး တစ်ခုတင် မကဘူး။ သူတို့အားလုံးက သမိုင်းမှတ်တမ်း ဝင်သွားနိုင်မည့် အခွင့်အရေးပင်…။</p> <p style="text-align:justify">“ငါ ကလပ်အသင်းနဲ့ စကားပြောပြီးပြီ... လာကစားဖြစ်မှာပါ...”</p> <p style="text-align:justify">မန်ချက်စတာယူနိုက်တက်က ချူဖုန်း၏ စွမ်းဆောင်ရည် ထိခိုက်မည်ဟု ဆိုကာ အစပထမတွင် ခွင့်မပြုလိုကြပေ။ သို့သော် ချူဖုန်း၏ သဘောထားက အလွန် ပြတ်သားခဲ့သည်။ </p> <p style="text-align:justify">တကယ်လို့... တကယ်လို့သာ တရုတ်အသင်းက ဆုတံဆိပ် တစ်ခုခု ရခဲ့မယ်ဆိုရင်...</p> <p style="text-align:justify">ဒါက ပြည်တွင်း ဘောလုံးလေထုကို အတိုင်းအဆမသိ တိုးတက်လာစေလိမ့်မည်။</p> <p style="text-align:justify">ထို့ကြောင့် သူ့အနေဖြင့် မန်ချက်စတာ ယူနိုက်တက်၏ တာဝန်ရှိသူများကို အနည်းငယ် ဖိအား ပေးခဲ့ရသည်။ ယူနိုက်တက်၏ တာဝန်ရှိသူများကလည်း နည်းပြချုပ် မော်ရင်ညိုနှင့် တိုင်ပင်ပြီးနောက် ချူဖုန်း၏ တောင်းဆိုချက်ကို လက်ခံ ပေးခဲ့ရလေသည်။</p> <p style="text-align:justify">ထို့အပြင် ဇန်နဝါရီလ အတွင်းဝယ်</p> <p style="text-align:justify">ချန်ပီယံလိဂ်နှင့် ဖလားပွဲများ မရှိသလို အားနည်းသော လိဂ်ပြိုင်ဘက်များနှင့်သာ ကစားရမည် ဖြစ်ရာ မန်ချက်စတာယူနိုက်တက် အနေဖြင့် ချူဖုန်း မရှိလျှင်လည်း သေချာပေါက် တောင့်ခံထားနိုင်မည် ဖြစ်သည်။</p> <p style="text-align:justify">“အစ်ကိုချူ ပြန်လာတာ ကောင်းတာပေါ့” ကျူးချန်ကျိက လက်သီးဆုပ်လိုက်သည်။</p> <p style="text-align:justify">ချူဖုန်း ပါဝင်လာမည် ဆိုလျှင် သူတို့အသင်းအနေဖြင့် ရည်မှန်းချက်ကို မြင့်မြင့် ထားလို့ ရပြီဟု သူ ခံစားလိုက်ရသည်။</p> <p style="text-align:justify">ဆီမီးဖိုင်နယ်…</p> <p style="text-align:justify">တတိယနေရာ…</p> <p style="text-align:justify">ဒုတိယနေရာ…</p> <p style="text-align:justify">ချန်ပီယံ…</p> <p style="text-align:justify">မကြာမီ ကျူးချန်ကျိသည် နှုတ်ခမ်းထောင့်မှ သွားရည်များကို သုတ်ကာ ချူဖုန်း နောက်သို့ အလျင်အမြန် လိုက်သွားတော့သည်။</p> <p style="text-align:justify">......</p> <p style="text-align:justify">၂၀၁၉ ခုနှစ်၊ အောက်တိုဘာလ ၁၀ ရက်။</p> <p style="text-align:justify">အာရှဇုန် ခြေစစ်ပွဲ တတိယအဆင့်ဖြစ်သော အသင်း (၄၀) အဆင့် ပြိုင်ပွဲကို ကွမ်ကျိုးရှိ ထျန်ဟယ် အားကစားကွင်းတွင် ကျင်းပမည် ဖြစ်သည်။</p> <p style="text-align:justify">တရုတ်နှင့် ဂူအမ်။</p> <p style="text-align:justify">ပွဲကြည့်စင်များထက်တွင် အနီရောင် ကြယ်ပွင့်များ ပင်လယ်ပြင်ကြီးသဖွယ် ဖြစ်နေပြီး အားကစားကွင်း တစ်ခုလုံး တက်ကြွသော အားပေးသံများဖြင့် ပြည့်နှက်နေသည်။</p> <p style="text-align:justify">ဝိုး...</p> <p style="text-align:justify">တရုတ် ကစားသမားများ ကွင်းထဲသို့ ဝင်ရောက်လာချိန်တွင် အားကစားကွင်း တစ်ခုလုံး ဟိန်းထွက်သွားတော့သည်။</p> <p style="text-align:justify">နိုင်ငံတော်သီချင်း သီဆိုပြီးနောက် အားလုံး စက်ဝိုင်းပုံစံ စုစည်းလိုက်ကြပြီး ကျန်းလင်ဖန်က အော်ပြောလိုက်သည်။ “ပွဲကြို အစီအစဉ်အတိုင်း သွားမယ် အားလုံး နိုးနိုးကြားကြားရှိကြ။ စိတ်မလှုပ်ရှားနဲ့” </p> <p style="text-align:justify">“ပရိသတ်တွေကို စိတ်ပျက်အောင် မလုပ်နဲ့။ ကိုယ့်ကိုယ်ကိုယ်လည်း စိတ်ပျက်အောင် မလုပ်နဲ့။ ဆက်ကြိုးစား” ချူဖုန်းက ထပ်ဖြည့်ပြောလိုက်သည်။</p> <p style="text-align:justify">“ရှေ့ဆက်သွား... ”</p> <p style="text-align:justify">လူအုပ်ကြီးက ရုတ်တရက် လက်ကို မြှောက်ကာ တစ်ပြိုင်နက် ဟိန်းဟောက်လိုက်ကြသည်</p> <p style="text-align:justify">တီ…</p> <p style="text-align:justify">စူးရှသော ခရာမှုတ်သံ ထွက်ပေါ်လာပြီး နှစ်ဖက်အသင်း ကစားကွက်များ စတင် ထိပ်တိုက် တွေ့ဆုံကြပြီ</p> <p style="text-align:justify">ဂူအမ်က သန်မာသလား။ မသန်မာပါဘူး။</p> <p style="text-align:justify">ပစိဖိတ်သမုဒ္ဒရာ အနောက်ဘက် မာရီယာနာ ကျွန်းစုများ၏ တောင်ဘက်စွန်းတွင် တည်ရှိပြီး လူဦးရေ ၁၇၈,၀၀၀ သာ ရှိသည်။</p> <p style="text-align:justify">ယနေ့ ပွဲစဉ်ကို ရုပ်သံမှတဆင့် ကြည့်နေသော တရုတ်ပရိသတ်တွေကတောင် သူတို့လူဦးရေထက် ပိုများသေးသည်။ ထို့အပြင် ဂူအမ်တွင် ဘောလုံးအားကစားက ရေပန်းမစားလှသဖြင့် သူတို့၏ အဆင့်အတန်းကလည်း နိမ့်ကျနေသည်။</p> <p style="text-align:justify">တရုတ်အသင်းက ပွဲစကတည်းက ပွဲကို ထိန်းချုပ်ထားနိုင်ခဲ့သည်။ </p> <p style="text-align:justify">ဝမ်ကန်းက တောင်ပံမှတစ်ဆင့် ပင်နယ်တီ ဧရိယာအတွင်းသို့ ချိုးဝင်ကာ ကန်သွင်းလိုက်ရာ ဂိုးသမား ပုတ်ထုတ်နိုင်ခဲ့သော်လည်း ချူဖုန်းက အလိုက်သင့် ပြေးဝင်ကာ ပိတ်သွင်းလိုက်သည်။</p> <p style="text-align:justify">ပွဲစပြီး လေးမိနစ်သာ ကြာသေးသည်။ တရုတ်အသင်းက ဦးဆောင်ဂိုး ရသွားလေသည်။</p> <p style="text-align:justify">“တရုတ်အသင်း... နိုးထလာပြီဟေ့”</p> <p style="text-align:justify">“ချူဖုန်း... အစွမ်းကုန် ကြိုးစား”</p> <p style="text-align:justify">ပွဲကြည့်စင်ပေါ်ရှိ တရုတ် ပရိသတ်များက တစ်ပြိုင်နက် အော်ဟစ် အားပေးကြသည်။ </p> <p style="text-align:justify">ခင်ဗျားတို့ သိလား။</p> <p style="text-align:justify">ချူဖုန်းက ကလပ်အသင်း ပွဲစဉ်တွေမှာ ပရိသတ် ၇ သောင်း၊ ၈ သောင်းလောက်ကို မြင်ဖူးပေသည်။ သို့သော် ရင်းနှီးကျွမ်းဝင်နေသော တရုတ် ဘာသာစကားဖြင့် အားပေးသံတွေကို ကြားရတာက ခံစားချက်ချင်း မတူညီချေ။</p> <p style="text-align:justify">ယင်းကြောင့် သူ၏ စိတ်ခံစားချက်တို့ ကောင်းမွန်လာပြီး ခြေစွမ်းပိုင်းကလည်း အလိုအလျောက် ကောင်းလာတော့သည်။ သနားစရာ ဂူအမ်အသင်းကတော့ ဦးဆောင်ဂိုး ပေးရပြီး နောက်ထပ် ခြောက်မိနစ် အကြာမှာတင် ဒုတိယမြောက် ဦးဆောင်ဂိုးကို ထပ်မံ ခွင့်ပြုခဲ့ရပြန်သည်။</p> <p style="text-align:justify">ချူဖုန်းက နောက်တန်းမှ ဟောင်ကျွင်းမင်၏ အဝေးပေးပို့မှုကို လက်ခံရရှိလိုက်သည်။ ထို့နောက် လျင်မြန်သော ဘောလုံးထိတွေ့မှု တစ်ချက်ဖြင့် ကန်းလစ်ဖ်ကို ကျော်ဖြတ်သွားသည်။ ပြီးလျှင် ဘောလုံးပင့်တင်မှု တစ်ချက်ဖြင့် ရှေ့တက်လာသော ဂူအမ် ဂိုးသမားကိုပါ ကျော်သွင်းလိုက်လေသည်။</p> <p style="text-align:justify">“ထပ်ပြီး လိမ်ခေါက်လိုက်ပြန်ပြီ”</p> <p style="text-align:justify">“လှလိုက်တာဗျာ...”</p> <p style="text-align:justify">“ချူဖုန်းက ပင်နယ်တီ ဧရိယာ ထိပ်မှာ ကနေသလိုပဲ။ သူက ဂူအမ် နောက်ခံလူတွေကို ကျော်ဖြတ်ပြီး ဂိုးသမား အီဗန်စ်ကိုပါ ကျော်တင်ပြီး ကန်သွင်းသွားခဲ့ပါပြီ”</p> <p style="text-align:justify">“လှုပ်ရှားမှုတွေ အားလုံးက ပြီးပြည့်စုံတဲ့ အကူးအပြောင်းတွေနဲ့ အချိန်ကိုက် ဝင်ရောက်မှုတွေက အပြစ်ပြောစရာ မရှိပါဘူးဗျာ”</p> <p style="text-align:justify">ဂူအမ် အသင်း၏ ခြေစွမ်းက အဆင့်မမီဘူး ဆိုသော်လည်း... သွင်းဂိုးကတော့ အံ့မခန်း ဖြစ်နေဆဲပင်။ </p> <p style="text-align:justify">ထို့ကြောင့် ဘောလုံးရေးရာ သုံးသပ် ဝေဖန်သူ ဟယ်ဝေ တစ်ယောက် သူ၏ စာပေစွမ်းရည်များကို မထုတ်ပြဘဲ မနေနိုင်တော့ပေ။</p> <p style="text-align:justify">ချူဖုန်းက ပွဲကြည့်စင် အောက်သို့ ပြေးဆင်းသွားပြီး ပရိသတ်များကို ပိုမို ကျယ်လောင်စွာ အော်ဟစ်ရန် လက်ဟန်ခြေဟန်ဖြင့် အချက်ပြလိုက်သည်။</p> <p style="text-align:justify">“ဒုန်း... ဒုန်း... ဒုန်း တရုတ်အသင်း ... အမိုက်စားပဲဟေ့”</p> <p style="text-align:justify">ဝူလေက ရယ်မောရင်း ခေါင်းခါလိုက်သည်။ အသင်းနှစ်သင်းကြား ကွာဟချက်က တကယ်ကို ကြီးမားလွန်းတယ် ဟု သူ တွေးလိုက်မိသည်။</p> <p style="text-align:justify">ကျူးချန်ကျိ ကဲ့သို့သော လူငယ်ကစားသမားများမှာမူ ချူဖုန်းကို အားကျလေးစားမှုများသော အကြည့်တို့ဖြင့် ကြည့်နေကြသည်။ လစ်ပီကမူ ကွင်းဘေးမှနေ၍ ညင်သာစွာ လက်ခုပ်တီးလိုက်သည်။</p> <p style="text-align:justify">ချူဖုန်းကို သူ အထင်သေးခဲ့မိကြောင်း ဝန်ခံရမည်ပင်။</p> <p style="text-align:justify">နှစ်ဂိုးအသာဖြင့် ဦးဆောင်ပြီးနောက် တရုတ်အသင်း လုံးဝ စိတ်အေးလက်အေး ဖြစ်သွားပြီး ယခင်ကလို ချုပ်တည်းမှုနှင့် တင်းမာမှုများ မရှိတော့ပေ။ ဘာပဲပြောပြော အားကစားပြိုင်ပွဲများတွင် ယုံကြည်မှုက အလွန် အရေးကြီးပါသည်။ </p> <p style="text-align:justify">၎င်းက အသင်းတစ်သင်းကို ကွဲပြားသော လူနှစ်ယောက်လို ပြောင်းလဲသွားစေနိုင်ပြီး မဖြစ်နိုင်သော အံ့ဖွယ်ရာများကို ဖန်တီးနိုင်စွမ်း ရှိစေသည်။</p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save