Book List

<h2 style="text-align: center;">အခန်း (၄၈၇)</h2> <h2 style="text-align: center;">*</h2> <p> </p> <p> </p> <p> </p> <p style="text-align:justify">“ငါတို့ တည်တည်ငြိမ်ငြိမ် ရှိနေသရွေ့... သေချာပေါက် နိုင်မှာပဲ”</p> <p style="text-align:justify">ချူဖုန်းက သူ့ကိုယ်သူနှင့် အသင်းဖော်များအပေါ် ယုံကြည်မှု အပြည့်အဝ ရှိနေသည်။</p> <p style="text-align:justify">“မြေပြင်ပေးပို့မှုတွေကို လျှော့ချ... ကွင်းအကျယ်ကို အသုံးချပြီး ပင်နယ်တီ ဧရိယာထဲကို အမြင့်ဘောတွေ ပိုပြီး ကန်တင်ပေး” </p> <p style="text-align:justify">ချူဖုန်းက တည်ငြိမ်စွာ ညွှန်ကြားလိုက်သည်။ ချူဖုန်း၏ တည်ငြိမ်သော အသံကို ကြားလိုက်ရသောအခါ လက်ရွေးစင် ဘောလုံးအသင်း ကစားသမားများလည်း ပြန်လည် တည်ငြိမ်သွားကြသည်။ </p> <p style="text-align:justify">ဆက်တိုက်ဆိုသလို ကြီးမားသော နိုင်ပွဲများ ရရှိထားသဖြင့် သူတို့ အနည်းငယ် သတိလက်လွတ် ဖြစ်နေခဲ့ပုံ ရသည်။ ယခုတော့ သူတို့၏ မာနများကို အနည်းငယ် လျှော့ချရန် လိုအပ်နေပြီ ဖြစ်သည်။</p> <p style="text-align:justify">ပထမပိုင်း ပွဲချိန် ၂၇ မိနစ်သို့ ရောက်ရှိလာသည်။</p> <p style="text-align:justify">ချူဖုန်းက ဂိုးပေါက်ကို ကျောပေးထားရင်း ဝူရှီးထံမှ ပေးပို့မှုကို လက်ခံရရှိလိုက်သည်။</p> <p style="text-align:justify">ဖိလစ်ပိုင် ကစားသမားများက အနီးကပ် လူကပ်ကစားသည့် နည်းဗျူဟာကို ဆော့ကြသဖြင့် နောက်ခံလူ နှစ်ဦးက ချူဖုန်းကို အနှောင့်အယှက်ပေးရန် ချက်ချင်းပင် ကိုယ်ကာယချင်း ယှဉ်တိုက်လာကြသည်။</p> <p style="text-align:justify">‘သူ့ကို လှည့်ခွင့် မပေးနဲ့... လူကို ကျော်ဖြတ်ခွင့် မပေးနဲ့... ဘေးကင်းမယ့် ဘောလုံးပေးပို့မှုမျိုးပဲ လုပ်ခိုင်း’ </p> <p style="text-align:justify">‘အဝါကတ် အနည်းငယ် အပြခံရရင်တောင်မှ သူတို့ကို အပြင်ဘက်မှာပဲ ထိန်းထားရမယ်’</p> <p style="text-align:justify">“ဟောင်ကျွင်းမင်” </p> <p style="text-align:justify">ချူဖုန်းက ကျယ်လောင်စွာ အော်ဟစ်လိုက်ပြီး ဘောလုံးကို သူ့နောက်သို့ ကျော်သွားခွင့် ပြုလိုက်သည်။ ထို့နောက် လှည့်ထွက်ကာ ထိုလူနှစ်ယောက်ကြားမှ အတင်း တိုးထွက်သွားသည်</p> <p style="text-align:justify">ဟောင်ကျွင်းမင်က တရုတ်အသင်းအတွက် ဒုတိယ ကစားကွက်ဖန်တီးရှင် အဖြစ် တာဝန်ယူထားသည်။</p> <p style="text-align:justify">ချူဖုန်းက ခံစစ်ကစားသမား အများအပြားကို ဆွဲဆောင်ထားသဖြင့် သူ့တွင် ဘောလုံးကိုင်တွယ်ရန် သက်တောင့်သက်သာ ရှိသော ပတ်ဝန်းကျင်နှင့် အချိန် လုံလောက်စွာ ရရှိနေသည်။ သူက ဘောလုံးကို ချူဖုန်း ပြေးထွက်မည့် လမ်းကြောင်းဆီသို့ တိုက်ရိုက် ပေးပို့လိုက်သည်။</p> <p style="text-align:justify">“တကယ်ကို လှပတဲ့ ဝမ်းတူး ကစားကွက်ပါပဲ”</p> <p style="text-align:justify">ချူဖုန်းက မျက်လုံးကို ပင့်ကာ သူ့ရှေ့ရှိ ဧရိယာကို လျင်မြန်စွာ အကဲခတ်လိုက်ပြီး နှစ်ဖက်အသင်း ကစားသမားများ၏ နေရာယူမှုများကို အလွတ် မှတ်သားလိုက်သည်။ ဖိလစ်ပိုင်အသင်းသည် လူကျွံထောင်ချောက် တစ်ခုကို ခင်းကျင်းထားပေသည်။</p> <p style="text-align:justify">ထို့နောက် သူက ဘောလုံးကို ခေတ္တ ရပ်တန့်လိုက်သည်။ ထိုကဲ့သို့ ရိုးရှင်းပုံရသော ရပ်တန့်မှုလေး တစ်ခုက ဖိလစ်ပိုင် ခံစစ်မျဉ်းကို တုံ့ဆိုင်းသွားစေသည်။</p> <p style="text-align:justify">ထိုအချိန်၌ ဘယ်ဘက်ရှိ အယ်လ်ခီဆန်မှာ လူကျွံနေသော်လည်း ညာဘက်ရှိ ဝူလေမှာမူ လူကျွံ အနေအထား၌ မရှိနေတော့ပေ။ </p> <p style="text-align:justify">ဖိလစ်ပိုင် ကစားသမားများက ချူဖုန်း ပင်နယ်တီ ဧရိယာ အပြင်ဘက်မှ လှမ်းကန်မည့် အဝေးကန်ချက်များကိုလည်း စိုးရိမ်နေသည်။ ထို့ကြောင့် သူတို့က အတန်းလိုက် ချူဖုန်းထံ ပြေးဝင်လာသည်။ </p> <p style="text-align:justify">နောက်တစ်ခဏမှာပင်... </p> <p style="text-align:justify">ရွှစ်...</p> <p style="text-align:justify">ဘောလုံးက ဖိလစ်ပိုင်၏ ခံစစ်ကြောင်းကို ပြတ်သားစွာ ထိုးခွဲသွား၏။</p> <p style="text-align:justify">“သောက်ကျိုးနည်း... ဒါက ဘယ်လို မြက်ခင်းကြီးလဲ။ ဘောလုံးက ဟိုခုန်ဒီခုန် ဖြစ်နေတယ်ကွ”</p> <p style="text-align:justify">“ဝူလေ ဘောလုံးရသွားပြီ”</p> <p style="text-align:justify">“စည်ကြပ်ဒိုင်က အလံ မထောင်ဘူးဗျ။ ဂိုးကန်သွင်းဖို့ အခွင့်အရေး တစ်ခု ရသွားပြီ”</p> <p style="text-align:justify">“ဝူလေ… သူကိုယ်တိုင်ပဲ အဆုံးသတ်တော့မှာလား” </p> <p style="text-align:justify">မဟုတ်ဘူး…</p> <p style="text-align:justify">ဘောလုံးသည် ကျောက်ပေါက်မာကဲ့သို့ ဖြစ်နေသော မြက်ခင်းပြင်ကြောင့် အပေါ်သို့ အနည်းငယ် ထောင်တက်လာသည်။ ဤအခြေအနေ၌ ဝူလေသည် ဂိုးကန်သွင်းရလျှင် မြေမကျ ကန်ချက်သာ ကန်သွင်းရပေလိမ့်မည်။ ယင်းသို့ဆိုလျှင် ဂိုးဝင်ရန် အခွင့်အရေး အနည်းငယ် နည်းသွားနိုင်ပေသည်။</p> <p style="text-align:justify">“ဘောလုံးကို ဖြတ်တင်ပေးလိုက်” </p> <p style="text-align:justify">ရင်းနှီးသော အသံကို ကြားလိုက်ရသောအခါ ဝူလေ တစ်စက္ကန့်မျှပင် မတုံ့ဆိုင်းတော့ပေ။</p> <p style="text-align:justify">ညာခြေဖြင့် အမြင့်ဘော တစ်လုံး ကန်တင်ပေးလိုက်သည်။</p> <p style="text-align:justify">ရွှံ့ဗွက်များနှင့် မြက်ပင်များ လွင့်စဉ်သွားမှုကြားတွင် ဘောလုံးက လည်ထွက်ကာ ပင်နယ်တီ ဧရိယာအတွင်းသို့ ပြေးဝင်လာသည်။ </p> <p style="text-align:justify">ရုပ်သံမြင်ကွင်းထဲတွင် တရုတ်အသင်း၏ ကျောနံပါတ် ၇ က လျင်မြန်စွာ ရှေ့သို့ ပြေးထွက်လာနေသည်။ သူက ပင်နယ်တီ ဧရိယာရှေ့တွင် အမြင့်ကြီး ခုန်တက်လိုက်သည်။ </p> <p style="text-align:justify">သူ၏ ခါးနှင့် ဝမ်းဗိုက်မှ အင်အားများ အားလုံး ထိုဘောလုံးထဲသို့ စီးဝင်သွားသည်။ အက်သရစ်ချ် တစ်ယောက် ခေါင်းလှည့်ကြည့်လိုက်ပြီး လုံးဝ ကြောင်အမ်းသွားသည်။</p> <p style="text-align:justify">ဘောလုံးက ဂိုးပေါက်အတွင်းသို့ ခုန်ပေါက် ဝင်ရောက်သွားပြီ ဖြစ်သည်။</p> <p style="text-align:justify">၀ : ၁ </p> <p style="text-align:justify">“ဂိုး…”</p> <p style="text-align:justify">အသင်းနှင့်အတူ လိုက်ပါလာသော တရုတ်အသင်း ပရိသတ်များက လက်များကို ဝှေ့ယမ်းကာ အော်ဟစ်လိုက်ကြပြီး ပြီးခဲ့သည့် မိနစ် ၃၀ ကျော်အတွင်း ချုပ်တည်းထားခဲ့ရသော စိတ်ပျက်မှုများကို ဖွင့်အံချလိုက်ကြသည်။</p> <p style="text-align:justify">နောက်ဆုံးတော့... အကုန်လုံးကို ဖွင့်ထုတ်လိုက်လို့ ရပြီဟေ့။</p> <p style="text-align:justify">“သောက်ကျိုးနည်း... နောက်ဆုံးတော့ ဂိုးရပြီကွ။ ငါ အောင့်ထားရတာ အရမ်းကြာနေပြီ” </p> <p style="text-align:justify">ဂိုးသွင်းပြီးနောက် ချူဖုန်းက ဝူလေကို တင်းကျပ်စွာ ဖက်လိုက်သည်။</p> <p style="text-align:justify">“ကျန်တဲ့ ပွဲချိန်တွေကတော့ အများကြီး ပိုလွယ်သွားပါပြီ...”</p> <p style="text-align:justify">“ပထမပိုင်း မပြီးခင် နောက်တစ်ဂိုးလောက် ထပ်သွင်းနိုင်အောင် ကြိုးစားကြစို့”</p> <p style="text-align:justify">“ရှေ့ဆက်သွား... ”</p> <p style="text-align:justify">လူတိုင်း၏ ရင်ထဲမှ အလေးချိန်များ ပျောက်ကွယ်သွားသည်နှင့်အမျှ သူတို့၏ မျက်နှာ အမူအရာများကလည်း များစွာ ပိုမို ပေါ့ပါး လွတ်လပ်လာကြသည်။</p> <p style="text-align:justify">“လေထဲမှာ မင်း ရပ်နေနိုင်တဲ့ အချိန်က တကယ်ကို အံ့မခန်းပဲကွာ... အဲဒီလိုမျိုးဆို မင်း ဘတ်စကက်ဘောတောင် ကစားလို့ ရတယ်” ဝူလေက အလွန်အမင်း အံ့သြနေပုံရသည်။</p> <p style="text-align:justify">သူ ဘေးဘက်မှ ရှင်းရှင်းလင်းလင်း မြင်လိုက်ရသည်။ ချူဖုန်း၏ ဒူးများက တစ်ဖက်လူ၏ ခေါင်းပေါ်အထိ နီးပါး ရောက်နေခဲ့သည်။</p> <p style="text-align:justify">“ငါ့လက်တံက မရှည်လို့ပါကွာ...” ချူဖုန်းက အားရပါးရ ရယ်မောလိုက်သည်။</p> <p style="text-align:justify">ကွင်းဘေးတွင်... </p> <p style="text-align:justify">လစ်ပီက သက်ပြင်းတစ်ချက် ချလိုက်ပြီး နည်းပြခုံတန်းသို့ ပြန်သွားလိုက်သည်။ “အခု စိုးရိမ်ရမှာက ဖိလစ်ပိုင်ပဲ။ ငါတို့ရဲ့ အားသာချက်က ခံစစ်ကစားကွက်ထဲမှာ ဆုတ်ကစားပြီး သူတို့ရဲ့ တိုက်စစ်တွေကို တန်ပြန်နိုင်တာပဲ...”</p> <p style="text-align:justify">ဒီပွဲကနေတစ်ဆင့် ပြဿနာ တော်တော်များများကို သူ တွေ့လိုက်ရသည်။</p> <p style="text-align:justify">ပထမဆုံးအနေဖြင့် ခံစစ်ပိုင်း... ပြီးခဲ့သော ပွဲစဉ်များဆက်တိုက် ကြီးမားသော ခြိမ်းခြောက်မှုများနှင့် မကြုံတွေ့ခဲ့ရသော နောက်တန်းက ယခု ဖိလစ်ပိုင်၏ လျင်မြန်သော တန်ပြန်တိုက်စစ်များအောက်တွင် အားနည်းချက်များ ပြသလာခဲ့သည်။</p> <p style="text-align:justify">ခံစစ်ပိုင်းကို ညှိနှိုင်းဆောင်ရွက်ခြင်း၊ ပံ့ပိုးပေးခြင်းနှင့် အသင်းလိုက် ရွေ့လျားခြင်းများကို ဖြေရှင်းရန် အချိန်များစွာ လိုအပ်နေသေးသည်။</p> <p style="text-align:justify">“တရုတ်အသင်းက ဂိုးသွင်းပြီးနောက်မှာ သိသိသာသာကို ကွာခြားသွားပါတယ်...”</p> <p style="text-align:justify">“ဖိလစ်ပိုင်တို့က သူတို့ရဲ့ ကစားကွက်ကို ရှေ့ကို အတော်လေး တိုးလာပါတယ်။ ကွင်းလယ်မှာ ဘောလုံးလုယူပြီး တိုက်စစ်ဆင်နိုင်ဖို့ မျှော်လင့်နေပုံရပါတယ်...”</p> <p style="text-align:justify">“ဟေး... ရှည်လျားတဲ့ ထောင့်ဖြတ်ပေးပို့မှု တစ်ခုက ဘေးဘက်မှာ ရှိနေတဲ့ အယ်လ်ခီဆန်ဆီ ရောက်သွားပါပြီ”</p> <p style="text-align:justify">“အယ်လ်ခီဆန်က အရမ်း မြန်တာပဲ”</p> <p style="text-align:justify">အယ်လ်ခီဆန်က ဘောလုံးကို ပင်နယ်တီ ဧရိယာအတွင်းသို့ တိုက်ရိုက် ဆွဲပြေးသွားပြီး အခွင့်အရေးကို ဆုပ်ကိုင်ကာ ဘယ်ခြေဖြင့် အဝေးတိုင်ဘက်သို့ ကန်သွင်းလိုက်သည်။</p> <p style="text-align:justify">အရေးကြီးသော အချိန်တွင် အက်သရစ်ချ်က နောက်ထပ် မယုံနိုင်စရာ ကာကွယ်မှု တစ်ခုကို ထပ်လုပ်ပြသွားပြန်သည်။ ဘောလုံးက အက်သရစ်ချ်ကို ထိသွားပြီးနောက် လမ်းကြောင်း ပြောင်းသွားပြီး ဂိုးတိုင်ကို ထိကာ ပင်နယ်တီ ဧရိယာအတွင်းသို့ ပြန်ထွက်လာသည်။</p> <p style="text-align:justify">ဖိလစ်ပိုင် နောက်ခံလူများက ချက်ချင်းပင် ဘောလုံးကို ရှင်းထုတ်လိုက်ကြသည်။ သို့သော် ဤသို့ ဝိုင်းရံ ပိတ်ဆို့မှုကို ရှင်းထုတ်ရန် ကြိုးပမ်းမှုကြောင့် ဘောလုံးက ဂိုးဧရိယာထိပ်သို့ ပြန်ကျသွား၏။</p> <p style="text-align:justify">ချူဖုန်းက လေထဲမှ ဝဲကျလာသော ဘောလုံးကို သေချာ ကြည့်နေသည်။ ထို့နောက် သူက နေရာလွတ် တစ်ခု ဖန်တီးပြီး ညာခြေဖြင့် ပြင်းထန်စွာ ကန်သွင်းလိုက်သည်။</p> <p style="text-align:justify">ဘုန်း...</p> <p style="text-align:justify">အက်သရစ်ချ်က သူ၏ ခန္ဓာကိုယ်ကို အစွမ်းကုန် ဆန့်ထုတ်ကာ ကာကွယ်လိုက်သော်လည်း သူ စိုက်ကြည့်နေသော ဘောလုံးကတော့... ဂိုးပေါက်ရှေ့ရှိ မြေစာပုံလေး တစ်ခုနှင့် တိုက်မိသွား၏။ ထို့နောက် ဘောလုံးက မြေပြင်မှ ချက်ချင်း ပြန်ကန်ထွက်လာပြီး အက်သရစ်ချ် အပေါ်မှ ခုန်ကျော်ကာ ဂိုးပေါက်အတွင်းသို့ နောက်တစ်ကြိမ် ခုန်ပေါက် ဝင်ရောက်သွားသည်။</p> <p style="text-align:justify">“နောက်တစ်ဂိုး ထပ်ရပြန်ပါပြီ... ”</p> <p style="text-align:justify">“ဖိလစ်ပိုင်ရဲ့ ဆိုးရွားတဲ့ ကွင်းအခြေအနေက တရုတ်အသင်းကိုသာမက သူတို့ကိုပါ ထိခိုက်စေခဲ့ပါပြီ”</p> <p style="text-align:justify">“ဟားဟား... အက်သရစ်ချ် တစ်ယောက် မြေစာပုံကို ဒေါသတကြီး ကန်ထုတ်ပစ်လိုက်ပြီးမှ တိတ်တဆိတ် ပြန်ကောက်ပြီး မြေကျင်းထဲ ပြန်ဖို့နေပါတယ်” </p> <p style="text-align:justify">ကျန်းကျွင်း တစ်ယောက် ပြုံးစိစိ ဖြစ်နေမှုကို မတားဆီးနိုင်တော့ပေ။</p> <p style="text-align:justify">တကယ်တမ်းတော့ ဥရောပ ထိပ်သီးလိဂ်ငါးခုတွင်လည်း ဤကဲ့သို့ ဆင်တူသော အခြေအနေမျိုး ဖြစ်ပွားဖူးသည်။ ဘောလုံးစည်းမျဉ်းများအရ ဤသည်က ဂိုးအဖြစ် သတ်မှတ်ခံရမည် ဖြစ်သည်။</p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save