Book List

<h2 style="text-align: center;">အခန်း (၄၉၀) </h2> <h2 style="text-align: center;">*</h2> <p> </p> <p> </p> <p> </p> <p style="text-align:justify">ချူဖုန်းက ထရက်ဖို့ဒ် လမ်းမကြီးဆီသို့ ကားမောင်းလာခဲ့သည်။ ထရက်ဖို့ဒ် လမ်းမကြီးပေါ်တွင် မန်ချက်စတာ၏ ဒုတိယ အကြီးဆုံး ဈေးဝယ်စင်တာကြီး ဖြစ်ပြီး ဤနေရာတွင် နာမည်ကြီး အမှတ်တံဆိပ်တိုင်း နီးပါး၏ ဆိုင်များကို တွေ့ရှိနိုင်သည်။</p> <p style="text-align:justify">ချူဖုန်းက မာရီယာကို အဝေးကနေ မြင်လိုက်ရသည်။</p> <p style="text-align:justify">ဒါပေမယ့်... အနာဂတ် ယောက္ခမကြီးက ဘာလို့ ဒီကို ရောက်နေတာလဲ။ </p> <p style="text-align:justify">သို့သော် လတ်တလောတွင် မန်ချက်စတာ ဒါဘီပွဲ မရှိသဖြင့် ချူဖုန်းအနေဖြင့် ဂွါဒီယိုလာကို အရမ်းကြီး မကြောက်တော့ပေ။</p> <p style="text-align:justify">“အောက်တိုဘာလ ၂၀ ရက်နေ့က အင်္ဂလန် ဒါဘီပွဲမှာ မင်းတို့ ဘယ်လိုလုပ် သရေ ကျသွားရတာလဲ...”</p> <p style="text-align:justify">ကိုယ်တိုင် မျက်စိအောက်မှာ ကြီးပြင်းလာတဲ့ သမီးလေးက အခုတော့ လှပတဲ့ မင်္ဂလာဝတ်စုံကြီးကို ဝတ်ပြီး ကိုယ် အမုန်းဆုံးလူကို လက်ထပ်တော့မယ်လေ။</p> <p style="text-align:justify">ထို့ကြောင့် ဂွါဒီယိုလာ အနည်းငယ် ဒေါသထွက်နေပြီး ချူဖုန်းကို မြင်သည်နှင့် ချက်ချင်း မေးခွန်းထုတ်တော့သည်။</p> <p style="text-align:justify">“အင်း... အသင်းတွင်းက ဒဏ်ရာပြဿနာတွေကြောင့် နည်းဗျူဟာအပေါ် သက်ရောက်မှု ရှိသွားတယ်။ အဓိကကတော့ အလယ်ဗဟိုကနေ ဖောက်ထွက်မှုတွေ ပိတ်ဆို့ခံရတော့ တိုက်စစ်မှူးတွေ တိုက်စစ်ဆင်ဖို့ အခက်အခဲ ဖြစ်သွားလို့ပါ...”</p> <p style="text-align:justify">အနာဂတ် ယောက္ခမကြီး၏ အမူအရာကို ချူဖုန်း သိပ်ဂရုမစိုက်ပေ။ </p> <p style="text-align:justify">သူ ပြောချင်တာ ပြောပါစေပေါ့။ </p> <p style="text-align:justify">ဘာပဲဖြစ်ဖြစ် သူ့ရဲ့ အဖိုးတန် သမီးလေးကို လုယူပြီးသွားပြီပဲ... ခနဲ့တဲ့တဲ့ စကားလေး နည်းနည်းပါးပါး ပြောတာလောက်ကတော့ ဘာအရေးလဲ။</p> <p style="text-align:justify">“ချူ... ဒီတစ်စုံကို ကြည့်ကြည့်ပါဦး... ဘယ်လိုနေလဲ...”</p> <p style="text-align:justify">ထိုစဉ် မာရီယာက အနားသို့ ရောက်လာပြီး ချူဖုန်း၏ လက်မောင်းကို ချိတ်ကာ အဝတ်အစားများ ချိတ်ဆွဲထားသော နံရံတစ်ခုဆီသို့ ဆွဲခေါ်သွားသည်။</p> <p style="text-align:justify">ဂွါဒီယိုလာ၏ မျက်ခမ်းလေး အနည်းငယ် တွန့်သွားပြီး ဒီကို လာမရှုပ်တာ ပိုကောင်းမယ်လို့ တွေးလိုက်မိသည်။ အိမ်မှာ ကော်ဖီသောက်ပြီး ပွဲကြည့်နေရတာ ပိုမကောင်းဘူးလား။ </p> <p style="text-align:justify">အခုတော့ ကိုယ့်ဒုက္ခ ကိုယ်ရှာမိပြီ။</p> <p style="text-align:justify">“ဒါက ကျွန်မ ကိုယ်တိုင် ဒီဇိုင်းဆွဲထားတဲ့ မင်္ဂလာဝတ်စုံလေ...” မာရီယာက တောက်ပစွာ ပြုံးရင်း ပြောလိုက်သည်။</p> <p style="text-align:justify">သူမက မန်ချက်စတာ တက္ကသိုလ်၏ ဖက်ရှင်ဒီဇိုင်း ကျောင်းတွင် နှစ်နှစ်ကြာ ပညာသင်ကြားခဲ့ပြီး စပိန်နှင့် အီတလီရှိ နာမည်ကြီး ဖက်ရှင်အမှတ်တံဆိပ် များစွာထံ သွားရောက် လေ့လာခဲ့သည်။</p> <p style="text-align:justify">နောက်ဆုံးတွင် ယခုနှစ်၌ သူမ၏ ကိုယ်ပိုင် အမှတ်တံဆိပ်ဖြစ်သော ဘရီးဇ်ကို စတင် ထူထောင်ခဲ့သည်။</p> <p style="text-align:justify">မာရီယာက သူမ၏ ကိုယ်ပိုင် စီးပွားရေးကို တည်ဆောက်ချင်သော်လည်း... ဂွါဒီယိုလာနှင့် ချူဖုန်းတို့၏ သြဇာလွှမ်းမိုးမှုမှတော့ လွတ်ကင်းနိုင်မည် မဟုတ်ပေ။ အဘယ်ကြောင့်ဆိုသော် ဘောလုံးလောကတွင် သူတို့၏ နာမည်များက ကျော်ကြားလွန်းနေသောကြောင့်ပင်။</p> <p style="text-align:justify">“ကျွန်မ ဒါလေး သွားဝတ်ကြည့်လိုက်ဦးမယ်”</p> <p style="text-align:justify">မာရီယာက ပျော်ရွှင်သော မျက်နှာထားဖြင့် လှည့်ထွက်သွားပြီး ချူဖုန်းနှင့် ဂွါဒီယိုလာတို့ကိုသာ ချန်ထားခဲ့သည်။ သူတို့နှစ်ယောက် တစ်ယောက်ကိုတစ်ယောက် စိုက်ကြည့်နေကြပြီး ဘာပြောရမှန်း မသိဖြစ်နေကြသည်။</p> <p style="text-align:justify">ထားလိုက်ပါတော့... ဘောလုံးအကြောင်းပဲ ပြောကြတာပေါ့... အဲဒါက ငါတို့ ကျွမ်းကျင်တဲ့ အရာပဲလေ။</p> <p style="text-align:justify">“အဲဒီပွဲမှာ မင်းတို့ရဲ့ အပြောင်းအလဲတွေက ပြဿနာ ရှိတယ်။ ကွင်းလယ်ကနေ ရှေ့ကို အကူးအပြောင်း လုပ်ဖို့ ခက်ခဲနေမှတော့... မက်တော်မီနေး နေရာမှာ ဟာရဲရားကို ပြတ်ပြတ်သားသား လူစားလဲသင့်တယ်။ သူ့ရဲ့ ရွေ့လျားနိုင်စွမ်းက လီဗာပူးရဲ့ ထိုးဖောက်မှုတွေကို ဟန့်တားနိုင်တယ်...”</p> <p style="text-align:justify">ဂွါဒီယိုလာက မော်ရင်ညိုကို လုံးဝ ထောက်ထားညှာတာခြင်း မရှိဘဲ ဝေဖန်လိုက်သည်။</p> <p style="text-align:justify">ချူဖုန်း : “.......”</p> <p style="text-align:justify">“ဟေး... ဒီမင်္ဂလာဝတ်စုံလေးက အရမ်းလှတာပဲ။ မင်းရဲ့ ခန္ဓာကိုယ် အချိုးအစားနဲ့ လုံးဝ ကွက်တိပဲ” </p> <p style="text-align:justify">မာရီယာ ထွက်လာသည်ကို မြင်သောအခါ ချူဖုန်း ချက်ချင်း မတ်တပ်ရပ်ပြီး ချီးကျူးလိုက်သည်။</p> <p style="text-align:justify">“တကယ်လား... ဒါဆို ကျွန်မ နောက်တစ်စုံ ထပ်ဝတ်ကြည့်ဦးမယ်...” မာရီယာက နူးညံ့စွာ ပြုံးလိုက်သည်။</p> <p style="text-align:justify">နောက်ဆက်တွဲ လုပ်ငန်းစဉ်များက ရိုးရှင်းသလို ရှုပ်ထွေးလှသည်။</p> <p style="text-align:justify">မာရီယာက သူမကိုယ်တိုင် ဒီဇိုင်းဆွဲထားသော ဝတ်စုံများနှင့် အခြားအမှတ်တံဆိပ်များနှင့် ပူးပေါင်း ဖန်တီးထားသော ဝတ်စုံများ အပါအဝင် စုစုပေါင်း မင်္ဂလာဝတ်စုံ ၁၃ စုံကို ဝတ်ဆင်ကြည့်ခဲ့သည်။</p> <p style="text-align:justify">သို့သော် တစ်ခုခု လိုအပ်နေသေးသည်ဟု သူမ အမြဲ ခံစားနေရသည်။</p> <p style="text-align:justify">ရုတ်တရက်... ပြဿနာ၏ သော့ချက်ကို သူမ သဘောပေါက်သွားသည်။ သတို့သား၏ ဝတ်စုံနှင့် လိုက်ဖက်မှု ရှိရမည်လေ။</p> <p style="text-align:justify">ထိုအခါ ချူဖုန်း တစ်ယောက် အဆုံးအစမရှိသော အဝတ်အစား လဲလှယ်ခြင်း သံသရာထဲသို့ ကျရောက်သွားတော့သည်။ </p> <p style="text-align:justify">ကံကောင်းထောက်မစွာဖြင့် သူက အရပ်ရှည်ပြီး ကိုယ်ဟန်အနေအထား မတ်မတ် ရှိကာ ရုပ်ရည်ကလည်း လက်ခံနိုင်စရာ ရှိသည်။ သူက စွပ်ကျယ်ကို ဝတ်ရင်တောင်မှ ထူးခြားတဲ့ စတိုင်လ် တစ်ခု ဖြစ်နေနိုင်သေးသည်။</p> <p style="text-align:justify">ဂွါဒီယိုလာ တစ်ယောက် ဘယ်အချိန်ကတည်းက တိတ်ဆိတ်သွားမှန်း မသိပေ။ လိုက်ဖက်ညီလှသော စုံတွဲကိုသာ ငေးကြည့်နေမိသည်။</p> <p style="text-align:justify">သူ လက်မခံချင်ရင်တောင်မှ ချူဖုန်းက သူ့သမီးအတွက် တကယ်ကို ကောင်းမွန်လွန်းသည်ဟု ဝန်ခံရမည်ပင်။</p> <p style="text-align:justify">ပွဲဦးထွက်ကတည်းက မည်သည့်အခါကမျှ အချစ်ရေးနှင့် ပတ်သက်၍ အရှုပ်အရှင်း သတင်းတွေ မထွက်ခဲ့ဖူးပေ။</p> <p style="text-align:justify">ဤအချက်တစ်ခုတည်းနှင့်တင် ရွယ်တူတွေ၏ ၉၀% ထက် သာလွန်နေပြီ။</p> <p style="text-align:justify">ချူဖုန်း၏ တစ်ခုတည်းသော အားနည်းချက်က... သူက မန်ချက်စတာစီးတီး ကစားသမား မဟုတ်ဘဲ မန်ချက်စတာ ယူနိုက်တက် ကစားသမား ဖြစ်နေတာပင်…။</p> <p style="text-align:justify">တစ်နေ့ခင်းလုံး အချိန်ယူပြီးမှ အားလုံး ပြီးစီးသွားသည်။</p> <p style="text-align:justify">ချူဖုန်း တစ်ယောက် ဆိုဖာပေါ်တွင် မှီချလိုက်ချိန်၌ လုံးဝကို ပင်ပန်းနွမ်းနယ်နေပြီ ဖြစ်သည်။ အင်္ကျီ လဲရသည်က ဘောလုံးပွဲ တစ်ပွဲ အပြည့် ကစားရတာထက်တောင် ပိုပင်ပန်းသေးတယ် ဟု သူ တွေးလိုက်မိသည်။</p> <p style="text-align:justify">“လောလောဆယ် ဒီဝတ်စုံအနည်းငယ်ကိုပဲ အရင် ချုပ်ထားလိုက်မယ်။ တခြားပုံစံတွေကို ကျွန်မ နောက်မှ ပို့ပေးလိုက်မယ်...” </p> <p style="text-align:justify">သို့သော် မာရီယာက ကျေနပ်ပုံ မရသေးပေ။ မင်္ဂလာပွဲက သူမအတွက်ရော ချူဖုန်းအတွက်ပါ လွန်စွာ အရေးကြီးတယ်လို့ သူမ ခံစားရသည်။ ထို့ကြောင့် ပြီးပြည့်စုံအောင် ကြိုးစားရမည်။</p> <p style="text-align:justify">“မင်းတို့ နိုဝင်ဘာလမှာ ခြေစစ်ပွဲ ရှိတယ် မဟုတ်လား...” </p> <p style="text-align:justify">အဖြေသိပြီးသား ဂွါဒီယိုလာက ချက်ချင်း ဆက်ပြောလိုက်သည်။ “ငါ အခုလတ်တလော နည်းနည်း ပျင်းနေလို့ ဆီးရီးယားရဲ့ နည်းဗျူဟာတွေကို လေ့လာကြည့်လိုက်တယ်။ သူတို့ရဲ့ တစ်သင်းလုံး စွမ်းဆောင်ရည်က အတော်လေး ညီမျှပြီး ကွင်းထဲမှာ... အထူးသဖြင့် ကွင်းလယ်နဲ့ တိုက်စစ်ပိုင်းမှာ သိသာတဲ့ အားနည်းချက်တွေ မရှိဘူး။ သူတို့ရဲ့ အဓိက နည်းဗျူဟာက အရှေ့တက် ဖိအားပေးတာပဲ။ လီဗာပူးနဲ့ နည်းနည်း ဆင်တူတယ်...”</p> <p style="text-align:justify">ရိုးရိုးသားသား ပြောရလျှင် ထိုကဲ့သို့သော ပွဲစဉ်မျိုးကို သူ များသောအားဖြင့် ကြည့်လေ့မရှိပေ။ ထို့အပြင် သူက တရုတ်အသင်း၏ နည်းပြလည်း မဟုတ်သဖြင့် ဤသည်က အနည်းငယ်တော့ ကျော်လွန် စွက်ဖက်ရာ ရောက်နေသည်။</p> <p style="text-align:justify">သို့သော် ချူဖုန်းက သူ၏ သားမက်လောင်း ဖြစ်နေသည်။ အာရှခြေစစ်ပွဲက ချူဖုန်းနှင့် တရုတ်အသင်း အတွက် မည်မျှ အရေးပါသလဲ ဆိုတာကိုလည်း သူ ကောင်းကောင်း သိထားသည်။ ထို့ကြောင့် ကူညီနိုင်သည်ကို ကူညီပေးရမည်။</p> <p style="text-align:justify">“နောက်ပြန်ပေးပို့တာတွေနဲ့ ကန့်လန့်ဖြတ် ပေးပို့တာတွေကို အတတ်နိုင်ဆုံး လျှော့ချပြီး ကစားသမားတွေရဲ့ ပြေးလွှားမှုနဲ့ ပံ့ပိုးမှုတွေကို အသုံးပြုပြီး ဘောလုံးကို ဒေါင်လိုက် အတတ်နိုင်ဆုံး သယ်သွားပါ။ ပြီးတော့... ဘောလုံးပေးပို့မှု အမြန်နှုန်းကိုလည်း မြှင့်တင်ဖို့ လိုတယ်...”</p> <p style="text-align:justify">“ရစ်သမ်ကို ထိန်းချုပ်ဖို့ ကိစ္စကတော့ မင်းအပေါ်မှာပဲ မူတည်တယ်။ ဘာလို့လဲဆိုတော့ မင်းတို့ အသင်းမှာ ဘောလုံးကို ထိန်းချုပ်နိုင်စွမ်း ရှိတာ မင်း တစ်ယောက်တည်းပဲ ရှိလို့လေ။ ဆီးရီးယားရဲ့ ပထမလှိုင်း ဖိအားပေးမှုကို မင်းတို့ တောင့်ခံနိုင်သရွေ့... တောင်ပံ နှစ်ဖက်စလုံးက နေရာလွတ်တွေ ပေါ်လာလိမ့်မယ်...”</p> <p style="text-align:justify">ဂွါဒီယိုလာ၏ ရှင်းပြချက်များက အလွန် အသေးစိတ်ကျလှသည်။ </p> <p style="text-align:justify">သူက ချူဖုန်း၏ ပခုံးကို ပုတ်ကာ ပြောလိုက်သည်။ “တိကျတဲ့ အချက်အလက် စာရွက်စာတမ်းတွေကို မင်းရဲ့ အီးမေးလ်ဆီ ပို့ထားလိုက်မယ်။ အားတဲ့အချိန် သေသေချာချာ လေ့လာကြည့်ပေါ့...”</p> <p style="text-align:justify">ချူဖုန်း တစ်ယောက် အလွန် ဝမ်းသာ ကြည်နူးသွားသည်။</p> <p style="text-align:justify">အနာဂတ် ယောက္ခမကြီးက အပြင်ပန်းမှာ ညည်းတွားနေပေမယ့်လည်း သူ့ရင်ထဲမှာတော့ တကယ် ဂရုစိုက်ရှာပါတယ်။ နောက်ဆို သူ့ကို တမင်သက်သက် သွားမဆွတော့ပါဘူးလေ။</p> <p style="text-align:justify">——</p> <p style="text-align:justify">နိုဝင်ဘာလ ၂ ရက်။</p> <p style="text-align:justify">ပရီးမီးယားလိဂ် ပွဲစဉ် ၁၁ သို့ ရောက်ရှိလာခဲ့ပြီ ဖြစ်သည်။</p> <p style="text-align:justify">မန်ချက်စတာယူနိုက်တက်က ဘုန်းမောက်ကို ရင်ဆိုင်ရန် ဗိုက်တဲလတီ အားကစားကွင်းသို့ သွားရောက်ရမည် ဖြစ်သည်။</p> <p style="text-align:justify">ပွဲစပြီး သိပ်မကြာမီမှာပင်... ဘုန်းမောက် ပရိသတ်များ၏ နားကွဲမတတ် အော်ဟစ် အားပေးသံများ ပေါက်ကွဲထွက်လာသည်</p> <p style="text-align:justify">အဘယ်ကြောင့်ဆိုသော် သူတို့၏ ကိုယ်ပိုင် ဗဟိုနောက်ခံလူ အကီက ချူဖုန်းနှင့် တစ်ဦးချင်း ရင်ဆိုင်ရချိန်တွင် လှပသော လျှောထိုးဖျက်ထုတ်မှု တစ်ခုကို ပြုလုပ်နိုင်ခဲ့သောကြောင့် ဖြစ်သည်။</p> <p style="text-align:justify">ချူဖုန်းကတော့ ဤကိစ္စနှင့် ပတ်သက်၍ ဘာမှမတတ်နိုင်ဟုသာ ခံစားရသည်။ ဘောလုံးလောကတွင် ၁၀၀% ခံစစ် အောင်မြင်မှု ရှိသော ကစားသမား မရှိသလို ၁၀၀% လိမ်ခေါက်ဖြတ်ကျော်မှု အောင်မြင်သော ကစားသမားလည်း မရှိပေ။</p> <p style="text-align:justify">အခု သူက ပရီးမီးယားလိဂ်ရဲ့ လူထုရန်သူ နံပါတ်တစ် ဖြစ်နေပြီ ဆိုတော့... ဘောလုံး အလုခံရတာလေးတောင် အောင်ပွဲခံစရာ ကိစ္စတစ်ခု ဖြစ်နေပြီလား။</p> <p style="text-align:justify">ချူဖုန်း၏ ပေးပို့မှုကို ကြားဖြတ် လုယူပြီးနောက် အကီ တစ်ယောက် ယုံကြည်မှု အပြည့်ဖြင့် နည်းပြချုပ်၏ ညွှန်ကြားချက်အတိုင်း ချူဖုန်းကို အနီးကပ် လူကပ်ကစားကာ သူ၏ စွမ်းဆောင်ရည်များကို ကန့်သတ်ပစ်ရန် အခိုင်အမာ ဆုံးဖြတ်လိုက်သည်။</p> <p style="text-align:justify">သို့သော် အတွေးက လှပသော်လည်း လက်တွေ့ကတော့ မလှပနိုင်ချေ။</p> <p style="text-align:justify">ချူဖုန်းက ပင်နယ်တီ ဧရိယာအတွင်းသို့ ထိုးဖောက်ဝင်ရောက်ပြီး ဘုန်းမောက် ခံစစ်ကို ဖိအားပေးလိုက်ချိန်တွင်...</p> <p style="text-align:justify">မန်ချက်စတာယူနိုက်တက် တစ်သင်းလုံးက အန္တရာယ်ဇုန်ထဲသို့ လျင်မြန်စွာ ချဉ်းကပ်လာသည်။</p> <p style="text-align:justify">ကန်တေက ဟားဗက်ဇ်ဆီသို့ ထောင့်ဖြတ် ပေးပို့လိုက်ပြီး ဟားဗက်ဇ်က ကန့်လန့်ဖြတ် ပြန်ပေးလိုက်သည်။</p> <p style="text-align:justify">“ပင်နယ်တီ ဧရိယာ အပြင်ဘက်ကနေ တိုက်ရိုက် ကန်သွင်းလိုက်ပြီလား...”</p> <p style="text-align:justify">“လှလိုက်တာဗျာ...”</p> <p style="text-align:justify">“ကန်တေက ဘုန်းမောက်ကို လှပတဲ့ အဝေးကန်သွင်းဂိုး တစ်ဂိုး သွင်းယူသွားပါပြီ”</p> <p style="text-align:justify">“ပွဲချိန် ၃၁ မိနစ်မှာ မန်ချက်စတာယူနိုက်တက်တို့ ဦးဆောင်ဂိုး ရရှိသွားပါပြီ”</p> <p style="text-align:justify">ပရီးမီးယားလိဂ်၏ အလယ်အလတ် သို့မဟုတ် အောက်ခြေအဆင့် အသင်းတစ်သင်း ဖြစ်သော ဘုန်းမောက်သည် ဂိုးပေးလိုက်ရပြီးနောက် အနည်းငယ် ကမောက်ကမ ဖြစ်သွားပုံရသည်။ </p> <p style="text-align:justify">မန်ချက်စတာ ယူနိုက်တက်တို့ ထိုအခွင့်အရေးကို ဆုပ်ကိုင်ကာ နောက်ထပ် တိုက်စစ်လှိုင်း တစ်ခုကို စတင်လိုက်သည်။</p> <p style="text-align:justify">ထို့နောက် ပွဲချိန် ၃၈ မိနစ်တွင် ချူဖုန်းက ခေါင်းတိုက်ဂိုး တစ်ဂိုး သွင်းယူခဲ့သည်။ ဒုတိယပိုင်းတွင် ပင်နယ်တီ ဧရိယာ အစွန်၌ ချူဖုန်းက အကီနှင့် ကွတ်ခ်တို့ကို ဆက်တိုက် ကျော်ဖြတ်ပြီး အနိမ့်ဘော ကန်သွင်းကာ နောက်ထပ် တစ်ဂိုး သွင်းယူခဲ့သည်။</p> <p style="text-align:justify">နောက်ဆုံးတွင် မန်ချက်စတာယူနိုက်တက်က ဘုန်းမောက်ကို ၃-၀ ဖြင့် အနိုင်ရရှိသွားသည်။</p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save