Book List

<h2 style="text-align: center;">အခန်း (၁၉၁)</h2> <h2 style="text-align: center;">ဝံပုလွေအသိုက်ကို တိုက်ခိုက်လာသော လူသားမဟာမိတ်တပ်ဖွဲ့ (၃)</h2> <h2 style="text-align: center;">*</h2> <p> </p> <p> </p> <p> </p> <p> </p> <p>လင်းထျန်းလုံ စိတ်ကူးတစ်ခုရသွားပြီး သာမန် ရေခဲပင်မသလင်းကျောက် အချို့ကို ထုတ်ယူကာ စိတ်စွမ်းအားကိုအသုံးပြု၍ သေးငယ်သော ဆွဲသီးလေးနှစ်ခုအဖြစ် ထုဆစ်လိုက်သည်။</p> <p>“ဒါတွေက သမီးတို့အတွက် အကာအကွယ်ဆွဲသီးလေးတွေ” သူက ရှောင်ယင်းတို့နှစ်ဦးကို ညင်သာစွာ ဆွဲပေးလိုက်သည်။</p> <p>“ဒါလေးတွေ ဝတ်ထားရင် သမီးတို့ မချမ်းတော့ဘူး”</p> <p>ရှောင်ယင်းက ရေခဲသလင်းဆွဲသီးလေးကို ဝမ်းသာအားရ ဆော့ကစားနေသည်။</p> <p>“အရမ်းလှတာပဲ။ ကျေးဇူးပါဖေဖေ”</p> <p>ရှောင်လန်ကလည်း ချိုမြိန်သော အပြုံးလေး ပြလိုက်သည်။ “သမီးတို့ အမြဲတမ်း ဝတ်ထားပါ့မယ်”</p> <p>“ရှောင်လန်၊ ဒီရေခဲသတ္တုက သာမန်ပဲဆိုပေမယ့် ဝံပုလွေဖေဖေရဲ့ စွမ်းအားနဲ့ ကောင်းချီးပေးခံရပြီးနောက်မှာ အထူးအာနိသင်တစ်ခု ရှိသွားသလိုပဲ”</p> <p>“ဟုတ်တယ်၊ ဒီအထဲမှာပါတဲ့ ကာကွယ်ရေးစွမ်းအားကို ငါခံစားမိတယ်”</p> <p>အရင်းအမြစ်ခွဲဝေမှု ပြီးဆုံးလုနီးချိန်တွင် မိခင်သစ်ပင်ထံမှ ပြင်းထန်သော လှုပ်ခတ်မှုတစ်ခု ရုတ်တရက်ထွက်ပေါ်လာသည်။ ကြယ်ရောင်များ ရေတံခွန်ပမာ စီးကျလာပြီး ပင်မပင်စည်ပေါ်ရှိ အက်ကွဲကြောင်းများမှာ သာမန်မျက်စိဖြင့်ပင် မြင်နိုင်သော အမြန်နှုန်းဖြင့် ပြန်စေ့လာသည်။</p> <p>[စနစ်အသိပေးချက်]။  ။တိုတမ်မိခင်သစ်ပင် အသွင်ပြောင်းလဲမှု ၆၅ ရာခိုင်နှုန်း ပြီးစီးပါပြီ။ ပင်ကိုယ်စွမ်းရည်သစ် အသက်စွမ်းအင်ပဲ့တင်ထပ်ခြင်း (ရွှေရောင် အဆင့်မြင့်) နိုးထလာပါသည်။</p> <p>ဤအခိုက်အတန့်တွင် နှင်းဝံပုလွေအားလုံး၏ အငွေ့အသက်များ သိမ်မွေ့စွာ မြင့်တက်လာသည်ကို လင်းထျန်းလုံ ချက်ချင်း ခံစားလိုက်ရသည်။ မိခင်သစ်ပင်၏ ပင်ကိုယ်စွမ်းရည်အသစ်က ဝံပုလွေအုပ်တစ်ခုလုံးကို အမှန်တကယ် အကျိုးပြုနိုင်စွမ်း ရှိလေသည်။</p> <p>သို့သော် ထိုအချိန်မှာပင် ယင်းဖုန်း၏ အရေးပေါ်သတင်းပို့သံ နောက်တစ်ကြိမ် ထွက်ပေါ်လာသည်။</p> <p>“ဘုရင်မင်းမြတ် အနောက်ဘက်စစ်မျက်နှာစာက ရန်သူ့ရှေ့ပြေးတပ်ဖွဲ့ မိုင်ငါးဆယ်အကွာအဝေးထဲကို ဝင်လာပါပြီ။ ခြောက်နာရီအတွင်း ထိတ်တိုက်တွေ့မယ်လို့ ခန့်မှန်းထားပါတယ်”</p> <p>လင်းထျန်းလုံ၏ ငွေပြာဘုရင်မျက်၀န်းများ ချက်ချင်း စူးရှသွားသည်။</p> <p>‘နောက်ဆုံးတော့ ရောက်လာပြီပဲ'</p> <p>ယင်းဖုန်း၏ အရေးပေါ်သတင်းပို့သံက ခေါင်းပေါ် ရေအေးဖြင့် လောင်းချလိုက်သကဲ့သို့ ဖြစ်သွားပြီး ဝံပုလွေအသိုက်တစ်ခုလုံးကို အမြင့်ဆုံး တိုက်ပွဲဝင်‌အနေအထားသို့ ချက်ချင်း ရောက်ရှိသွားစေသည်။</p> <p>“သူတို့ရဲ့ ဖွဲ့စည်းပုံနဲ့ လူဦးရေကကော…..” လင်းထျန်းလုံက တည်ငြိမ်စွာ မေးလိုက်ပြီး တစ်ချိန်တည်းမှာပင် စိတ်ခြင်းဆက်သွယ်ခြင်းမှတစ်ဆင့် အားလုံးထံ စစ်ရေးဖွဲ့စည်းပုံ အမိန့်များ ချမှတ်ပေးလိုက်လေသည်။</p> <p>“ရှေ့ပြေးတပ်ဖွဲ့က လူငါးဆယ်လောက်ရှိတယ်၊ မီးစွမ်းအားရှင်လူသားက ကိုယ်တိုင် ဦးဆောင်လာတာ၊ သူတို့ရဲ့ အနောက် သုံးမိုင်လောက်မှာ အကြီးစားလက်နက်တွေ တပ်ဆင်ထားတဲ့ လူနှစ်ရာလောက်ရှိတဲ့ ပင်မတပ်ဖွဲ့လည်း ရှိသေးတယ်”</p> <p>လင်းထျန်းလုံ၏ ငွေပြာဘုရင်မျက်၀န်းများ အနည်းငယ် ကျဉ်းမြောင်းသွားသည်။ ပြိုင်ဘက်သည် ရှေ့ပြေးတပ်ဖွဲ့ကို အသုံးပြုပြီး ဝံပုလွေအသိုက်၏ ကာကွယ်ရေးကို စမ်းသပ်ကာ ပင်မတပ်ဖွဲ့က နောက်မှလိုက်မည့် ရည်ရွယ်ချက်ရှိပုံရသည်။</p> <p>“ထျန်းပင်း မင်းရဲ့ တပ်ဖွဲ့တွေကို ပြင်ဆင်ထားပြီးပီလား”</p> <p>“အချိန်မရွေး တိုက်ခိုက်ဖို့အသင့်ပါပဲ” ရွှေရောင်ရင့်ရင့် ဧရာမဝံပုလွေကြီး၏ပတ်လည်တွင် ချော်ရည်ပုံသဏ္ဍာန်များ စီးဆင်းနေသည်။</p> <p>မြေအောက်မီးလျှံနှလုံးသားနှင့် အမြုတေ ပေါင်းစပ်မှုက ရလဒ် သိသိသာသာထွက်ပေါ်နေပြီဖြစ်သည်။</p> <p>“ရန့်မြဲ့ ကာကွယ်ရေးစနစ်ကရော”</p> <p>“အဓိကအချက်အချာ အားလုံး အသင့်ဖြစ်နေပါပြီ၊ ရေပြာကြေးခွံအစောင့်အရှောက်တွေကို လက်တွေ့တိုက်ပွဲအတွက် အသုံးပြုနိုင်ပါပြီ”</p> <p>အစောင့်အရှောက်ခေါင်းဆောင်၏ အသံက အေးစက်ပြီး ယုံကြည်မှုအပြည့်ရှိနေသည်။</p> <p>လင်းထျန်းလုံက စစ်ဆင်ရေးအမိန့်များပေးရန် ပြင်ဆင်နေစဉ် မိခင်သစ်ပင်ထံမှ ထူးဆန်းသော ပဲ့တင်ထပ်မှုတစ်ခု ရုတ်တရက် ထွက်ပေါ်လာသည်။</p> <p> </p> <p>ကြယ်ရောင်များက အစစ်အမှန်အရာဝတ္ထုတစ်ခုပမာ ကျဆင်းလာပြီး နှင်းဝံပုလွေအားလုံး၏ ခန္ဓာကိုယ်မျက်နှာပြင်ပေါ်တွင် မှိန်ဖျော့ဖျော့ အလင်းဝန်းတစ်ခု ဖွဲ့စည်းသွားသည်။</p> <p>[စနစ်အသိပေးချက်]။  ။တိုတမ်မိခင်သစ်ပင်၏ ပင်ကိုစွမ်းရည် အသက်စွမ်းအင်ပဲ့တင်ထပ်ခြင်း အသက်ဝင်သွားပါပြီ။ လက်အောက်ခံအားလုံး၏ စွမ်းရည် စုစုပေါင်း ၁၅ ရာခိုင်နှုန်း တိုးတက်လာပြီး စွမ်းအင်ပြန်လည်ပြည့်ဖြိုးမှု အမြန်နှုန်း ၃၀ ရာခိုင်နှုန်း မြင့်တက်လာပါသည်။</p> <p>ဤရုတ်တရက် အားဖြည့်မှုက ဝံပုလွေအုပ်စု၏ စိတ်ဓာတ်ကို များစွာ မြင့်တက်သွားစေသည်။</p> <p>အရင်းအမြစ်များကို စုပ်ယူထားခါစဖြစ်သော မဟာနှင်းအစောင့်အရှောက်များပင် သူတို့၏ကိုယ်တွင်း၌ စွမ်းအားများဆူပွက်နေသည်ကို ခံစားလိုက်ရပြီး နှင်းခဲအကာအကွယ်၏ အလင်းရောင်များက ပိုမိုခိုင်မာလာသည်။</p> <p>“မိခင်သစ်ပင်ကလည်း ငါတို့ကို အားပေးနေပုံရတယ်” ရှောင်ယင်းက ဝမ်းသာအားရ ပြောလိုက်ပြီး သူမ၏ ရင်ဘတ်ပေါ်ရှိ ရေခဲသတ္တုဆွဲသီးလေးက ကြယ်ရောင်ကို ရောင်ပြန်ဟပ်နေသည်။</p> <p>ရှောင်လန်ကလည်း လေးနက်စွာ ခေါင်းညိတ်ပြလိုက်သည်။ “သစ်ပင်ကြီးက အားလုံးကို ကာကွယ်ပေးနေတာ”</p> <p>ကိုယ်တွင်းရှိ တိုးတက်လာသော စွမ်းအားများကို ခံစားရင်း လင်းထျန်းလုံ ဆုံးဖြတ်ချက်တစ်ခု ချလိုက်ပြီဖြစ်သည်။ တိုက်ပွဲဝင်ရန် အသင့်ဖြစ်နေသော ဝံပုလွေအုပ်စုကို ကြည့်ကာ သူ၏အသံက အဖွဲ့ဝင်တိုင်းထံသို့ ရောက်ရှိသွားသည်။</p> <p>“ဒီတိုက်ပွဲမှာ ငါတို့ဝံပုလွေအသိုက်ကို ကျူးကျော်လို့မရဘူးဆိုတာ ရန်သူအားလုံးကို နားလည်အောင် လုပ်ပေးရမယ်”</p> <p>“အမဲလိုက်သမားတွေ ရှေ့ထွက်ပြီးကင်းထောက်၊ ရန်သူ့လှုပ်ရှားမှုတွေကို အချိန်နဲ့တစ်ပြေးညီ သတင်းပို့”</p> <p>“လုပ်ကြံသတ်ဖြတ်သူတွေ လေမည်းတောင်ကြောမှာ ခြုံခိုစောင့်နေ၊ တိုက်ခိုက်ဖို့ ငါ့အမိန့်ကိုစောင့်”</p> <p>“အစောင့်အရှောက်တွေ အကာအကွယ်အချက်အချာတွေကို သေချာထိန်းထား၊ ကာကွယ်ရေးစနစ် မပျက်စီးအောင် သေချာလုပ်”</p> <p>အမိန့်များ ပေးပြီးသည်နှင့် တစ်ပြိုင်နက် ဝံပုလွေအုပ်စုသည် တိကျသော စစ်ယန္တရားကြီးတစ်ခုပမာ လည်ပတ်လာတော့သည်။ ယင်းဖုန်းက အမဲလိုက်သမားများကို ဦးဆောင်ကာ ညအမှောင်ထဲသို့ တိတ်တဆိတ် ပျောက်ကွယ်သွားသည်။</p> <p>ထျန်းပင်းက လုပ်ကြံသတ်ဖြတ်သူများကို ခေါ်ကာ ကြိုတင်သတ်မှတ်ထားသော ခြုံခိုစောင့်မည့်နေရာသို့ သွားပြီး ရန့်မြဲ့က အစောင့်အရှောက်များကို သူတို့၏နေရာများတွင် နေရာယူထားရန် အမိန့်ပေးလိုက်သည်။</p> <p>ထို့နောက် လင်းထျန်းလုံသည် သူ့သမီးနှစ်ဦးကို ခေါ်ကာ ဝံပုလွေအသိုက်၏ အမြင့်ဆုံးနေရာရှိ စောင့်ကြည့်ရေးစခန်းသို့ သွားနေသည်။</p> <p>ဤနေရာမှနေ၍ စစ်မြေပြင်တစ်ခုလုံးကို သူ ငုံ့ကြည့်နိုင်ပြီး သူ၏ ငွေပြာဘုရင်မျက်၀န်းဖြင့် မိုင်ပေါင်းများစွာ အကွာအဝေးရှိ စွမ်းအင်လှိုင်းများကို ရှင်းလင်းစွာ ဖမ်းယူနိုင်သည်။</p> <p>“ဖေဖေ ဘာလို့ အဲဒီလူဆိုးတွေက သမီးတို့ကို လာတိုက်ကြတာလဲ” ရှောင်ယင်းက လင်းထျန်းလုံကိုမှီရင်း တိုးတိုးလေး မေးလိုက်သည်။</p> <p>ရှောင်လန်ကလည်း မေးခွန်းထုတ်ချင်သော အကြည့်ဖြင့် ကြည့်နေသည်။</p> <p>လင်းထျန်းလုံက ရှောင်ယင်းတို့နှစ်ဦးကို သူ၏ နှာခေါင်းဖြင့် ညင်သာစွာ ပွတ်သပ်ပေးရင်း ပြန်ဖြေလိုက်သည်။ “ဘာလို့လဲဆိုတော့ တချို့လူတွေက သူများအိမ်ကို အမြဲတမ်း လုယူချင်ကြလို့ပဲ၊ ဒါပေမယ့် ဖေဖေက ဒီနေရာကို ကာကွယ်မယ်၊ ပြီးတော့ သမီးတို့ကိုလည်း ကာကွယ်မယ်”</p> <p>အဝေးရှိ မိုးကုတ်စက်ဝိုင်းတွင် မှိန်ဖျော့ဖျော့ မီးရောင်များကို မြင်နေရပြီဖြစ်သည်။ ၎င်းမှာ လောင်ကျွမ်းမီးလျှံဂိုဏ်း၏ ရှေ့ပြေးတပ်ဖွဲ့ ချဉ်းကပ်လာခြင်းပင်။</p> <p>ပြင်းထန်သော တိုက်ပွဲကြီးတစ်ခု စတင်တော့မည်ဖြစ်သည်။</p> <p>လင်းထျန်းလုံ စစ်မြေပြင်ကို ငုံ့ကြည့်နေစဉ် ဝံပုလွေအသိုက်တစ်ခုလုံးတွင် စစ်ရေးပြင်ဆင်မှုများကို အပြင်းအထန် လုပ်ဆောင်နေကြသည်။</p> <p>လေမည်းတောင်ကြော ခြုံခိုစောင့်မည့်နေရာ….</p> <p>ထျန်းပင်းသည် ချွန်ထက်သော ကျောက်ဆောင်များအနောက်တွင် ဝပ်နေပြီး သူ၏ ရွှေရောင်ရင့်ရင့် အမွေးများက ညအမှောင်ထဲတွင် တောင်ပေါ်ကျောက်ဆောင်များနှင့် လုံးဝနီးပါး တစ်သားတည်းဖြစ်နေသည်။</p> <p>ကိုယ်တွင်း၌ စွမ်းအားများ ဆူပွက်နေသည်ကို သူ ခံစားမိလေသည်။ မြေအောက်မီးလျှံနှလုံးသား နှင့် ကြေးနီမြေအောက်မီးနဂါး အမြုတေတို့၏ ပေါင်းစပ်မှုက အံ့သြဖွယ် ပြောင်းလဲမှုတစ်ခုကို ဖြစ်ပေါ်စေခဲ့သည်။</p> <p>“ခေါင်းဆောင် လုပ်ကြံသတ်ဖြတ်သူတွေ အားလုံး နေရာယူပြီးပါပြီ” ထိပ်တန်း လုပ်ကြံသတ်ဖြတ်သူ ဝံပုလွေတစ်ကောင်က တိုးတိုးလေး သတင်းပို့လာသည်။</p> <p>“ခေါင်းဆောင်ရဲ့ ညွှန်ကြားချက်အတိုင်း ကျွန်တော်တို့ လှိုင်းသုံးလှိုင်းခွဲပြီး တပ်ဖြန့်ထားပါတယ်”</p> <p>ထျန်းပင်းက ပြုံးလိုက်ပြီး သူ၏ခန္ဓာကိုယ်ပေါ်တွင် ချော်ရည်ပုံစံများ စီးဆင်းနေခဲ့သည်။</p> <p> “အရမ်းကောင်းတယ်၊ ငါအချက်ပြတာကိုစောင့်၊ ပထမလှိုင်းက ဟန်ပြတိုက်မယ်၊ ဒုတိယလှိုင်းက ဘေးကနေ ဖြတ်တိုက်မယ်၊ တတိယလှိုင်းကတော့... ငါကိုယ်တိုင် ဦးဆောင်ပြီး ပင်မတပ်ဖွဲ့ဆီ တိုက်ရိုက် ဝင်တိုက်မယ်”</p> <p>သူ၏ ရှေ့လက်သည်းဖြင့် မြေကြီးကို ညင်သာစွာ ထိလိုက်ရာ မာကျောသော ကျောက်ဆောင်မှာ အရည်ပျော်သွားပြီး သေးငယ်သော အမှတ်အသားတစ်ခု ကျန်ရစ်ခဲ့သည်။</p> <p>အဆင့် ၂၅ သို့ ချိုးဖျက်ဝင်ရောက်ပြီးနောက် သူ၏ ထာ၀ရဗာဂျရာခန္ဓာမှာ ခံစစ်ပိုင်းတွင် ကြီးကြီးမားမား တိုးတက်လာရုံသာမက သူ၏ခွန်အားမှာလည်း အရည်အသွေးပိုင်းဆိုင်ရာတွင် ပြောင်းလဲမှုတစ်ခု ဖြစ်ပေါ်လာခဲ့သည်။</p> <p>အကာအကွယ်အချက်အချာ ကာကွယ်ရေးလိုင်း….</p> <p>ရန့်မြဲ့သည် ကာကွယ်ရေးအချက်အချာ တစ်ခုချင်းစီကို တည်ငြိမ်စွာ စစ်ဆေးနေသည်။</p> <p>ရေပြာကြေးခွံအစောင့်အရှောက်များသည် ပူးပေါင်းကာကွယ်ရေး နည်းစနစ်များကို ကျွမ်းကျင်စွာ တတ်မြောက်နေပြီဖြစ်ပြီး သူတို့၏ လျှို့ဝှက်ရေခဲကြေးခွံချပ်ဝတ်မှ အလင်းရောင်များက ညအမှောင်ထဲတွင် ရေခဲပြာရောင် အလင်းတန်းတစ်ခုအဖြစ် ဆက်သွယ်နေသည်။</p> <p>“စွမ်းအင်စီးဆင်းမှုကို ဂရုစိုက်” ရန့်မြဲ့က ရာထူးတိုးခါစ ရေပြာကြေးခွံအစောင့်အရှောက်များကို လမ်းညွှန်ပေးနေသည်။</p> <p>“အစောင့်အရှောက်တွေဆိုတာ အထီးကျန်ဝံပုလွေတွေ မဟုတ်ဘူး၊ မင်းတို့ အဖော်တွေရဲ့ အငွေ့အသက်ကို ခံစားတတ်ရမယ်”</p> <p>သူ ကိုယ်တိုင် သရုပ်ပြလိုက်ရာ သူ၏ရေခဲကြေးခွံချပ်ဝတ်တန်ဆာမှ တစ္ဆေအလင်းများ တလက်လက်တောက်ပနေပြီး ရေပြာကြေးခွံအစောင့်အရှောက်များ၏ ကြေးခွံများနှင့် ပဲ့တင်ထပ်လာသည်။</p> <p>အသစ်နားလည်သဘောပေါက်ထားသော ဝိညာဉ်အေးခဲခြင်း လက္ခဏာရပ်က ဤအအေးဓာတ်ကို ပိုမိုနက်ရှိုင်းစေပြီး လေထုပင် အေးခဲသွားတော့မည့်အလား ဖြစ်နေသည်။</p> <p>“ခေါင်းဆောင် အနောက်ဘက်အချက်အချာ သုံး အသင့်ဖြစ်ပါပြီ”</p> <p>“အရှေ့ဘက်အချက်အချာ ခုနစ် နေရာယူပြီးပါပြီ”</p> <p>ရန့်မြဲ့ ကျေနပ်စွာ ခေါင်းညိတ်လိုက်သည်။ ဤအသစ်ဖွဲ့စည်းထားသော အစောင့်အရှောက်တပ်ဖွဲ့မှာ နောက်ဆုံးတွင် တိုက်ခိုက်နိုင်စွမ်းရှိလာပြီဖြစ်သည်။</p> <p>မုဆိုး ကင်းထောက်ကွန်ရက်….</p> <p>ယင်းဖုန်းသည် တစ္ဆေတစ်ကောင်ပမာ ညအမှောင်ထဲတွင် ရွေ့လျားနေပြီး သူ့တွင် တစ္ဆေရေခဲအရိပ်ထွက်ပြေးခြင်း ပင်ကိုစွမ်းရည်ရှိခြင်းကြောင့် အရိပ်များကြားတွင် လွတ်လပ်စွာ ခုန်ပျံသွားလာနိုင်လေသည်။</p> <p>မျက်လုံးသုံးလုံးပုတ်သင်ညို အကြေးခွံကို ကိုယ်နှင့်မကွာ သိမ်းဆည်းထားပြီး မှိန်ဖျော့ဖျော့ ဟင်းလင်းပြင်လှုပ်ခတ်မှုများ ထုတ်လွှတ်နေသည်။</p> <p>“ရှေ့ပြေးတပ်ဖွဲ့ ဖွဲ့စည်းပုံက  အကြီးစားချပ်ဝတ်တန်ဆာဝတ်စစ်သည် နှစ်ဆယ်၊ မီးမှော်ဆရာ ဆယ့်ငါးယောက်၊ ကင်းထောက်ဆယ်ယောက်၊ ထောက်ပံ့ရေး ငါးယောက်” သူက စိတ်ခြင်းဆက်သွယ်ခြင်းမှတစ်ဆင့် အချိန်နှင့်တစ်ပြေးညီ သတင်းပို့နေလေသည်။</p> <p> </p> <p> </p> <p> </p> <p style="text-align: center;">***</p>


Save