Book List

<h2 style="text-align: center;">အခန်း (၁၉၄)</h2> <h2 style="text-align: center;">လောင်ကျွမ်းမီးလျှံဂိုဏ်း၏ ထူးဆန်းသောလုပ်ဆောင်ချက်၊ မုန်တိုင်းမလာမီ ငြိမ်သက်ခြင်း (၁)</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p> </p> <p> </p> <p>“...ဒီအချိန်ကို အသုံးချပြီး ပိုသန်မာလာအောင်လုပ်ရမယ်”</p> <p>မိခင်သစ်ပင်က သူ၏ဆုံးဖြတ်ချက်ကို သိရှိသွားပုံရသည်။ ကြယ်ရောင်များ ပိုမိုတောက်ပလာပြီး အသွင်ပြောင်းလဲမှု လုပ်ငန်းစဉ်မှာ ၇၈ ရာခိုင်နှုန်း သို့ ရောက်ရှိသွားသည်။ အသက်စွမ်းအင်ပဲ့တင်ထပ်ခြင်း၏ အကျိုးသက်ရောက်မှုက နှင်းဝံပုလွေတိုင်း သူတို့၏စွမ်းအားများ မြင့်တက်လာသည်ကို ခံစားနေရစေသည်။</p> <p>“ရှောင်လန် ဝံပုလွေဖေဖေဆီမှာ အစီအစဉ်သစ်တစ်ခု ရှိနေပြီထင်တယ်”</p> <p>“အင်း ဝံပုလွေအသိုက်တစ်ခုလုံး ပိုပြီးသန်မာလာတာကို ငါခံစားနေရတယ်”</p> <p>လင်းထျန်းလုံသည် အဝေးသို့ ငေးကြည့်နေပြီး သူ၏စိတ်ထဲတွင် ဆုံးဖြတ်ချက်ချပြီးဖြစ်သည်။</p> <p>နောက်တစ်ကြိမ် ရင်ဆိုင်ရလျှင် ဝံပုလွေအသိုက်အား ကျူးကျော်၍မရသည်ကို ရန်သူအားလုံး နားလည်အောင် လုပ်ပေးရပေမည်။</p> <p>မိုးကုတ်စက်ဝိုင်းမှ နောက်ဆုံးကြယ်အလင်းရောင် မှေးမှိန်သွားပြီး အနက်ရှိုင်းဆုံး အမှောင်ထုက ထျန်းစန်းတောအုပ်ကို ဖုံးလွှမ်းသွားသည်။ သို့သော် ဝံပုလွေအသိုက်မှာမူ တိတ်ဆိတ်ခြောက်ကပ်နေခြင်း မရှိချေ။</p> <p> </p> <p>ကြယ်တာရာအကာအကွယ်၏ တောက်ပမှုနှင့် တိုတမ်မိခင်သစ်ပင်ထံမှ ထွက်ပေါ်နေသော အလင်းဝန်းတို့ ရောယှက်ကာ နှင်းဝံပုလွေများ၏ ဤသန့်စင်သော မဟာမြင့်မြတ်နယ်မြေကို နေ့ခင်းဘက်ပမာ လင်းထိန်နေစေသည်။ </p> <p>လေထုထဲတွင် သန့်စင်သော အအေးဓာတ်များသာ မဟုတ်တော့ဘဲ ကြီးမားလွန်းသော အသက်စွမ်းအင်များကပါ အစွမ်းထက်သော နှလုံးခုန်သံတစ်ခုပမာ တိတ်တဆိတ် စီးဆင်းနေ၏။</p> <p>လင်းထျန်းလုံသည် ဝံပုလွေအသိုက်၏ အမြင့်ဆုံးနေရာတွင် တိတ်ဆိတ်စွာ ရပ်နေသည်။ ရေခဲပြာရောင်မျက်လုံးများ၏ အနက်ရှိုင်းဆုံးနေရာတွင် သတိပြုမိရန် ခက်ခဲသော ရွှေရောင်အလင်းတစ်ခု တိတ်တဆိတ် လည်ပတ်နေ၏။</p> <p> အဝေးမှ လူသားစခန်းများ၏ မီးရောင်များနှင့် မှိန်ဖျော့ဖျော့ စွမ်းအင်စီးဆင်းမှု ခြေရာများအားလုံးကို သူ ရှင်းလင်းစွာ မြင်တွေ့နေရသည်။ ထိုတပ်ဖွဲ့သုံးဖွဲ့သည် အိပ်မောကျနေသော သားရဲကြီးများပမာဖြစ်နေပြီး သူတို့၏ ယာယီတိတ်ဆိတ်မှုက ပိုမိုလေးလံသော ဖိအားကိုသာ ယူဆောင်လာသည်။</p> <p>“ဖေဖေ” ရှောင်ယင်းက တိုးတိုးလေးခေါ်လိုက်ပြီး သူမ၏လက်လေးက သူ၏ရင်ဘတ်ပေါ်ရှိ အမွေးရှည်များကို မသိမသာဆုပ်ကိုင်ထားသည်။ “မိုးလင်းတော့မယ်၊ လူဆိုးတွေ လာကြတော့မှာလားဟင်”</p> <p>ရှောင်လန်ကလည်း သူ၏ဘေးတွင် မှီနေလေသည်။ စကားမပြောသော်လည်း တူညီသော စိုးရိမ်မှုက သူမ၏ မျက်လုံးကျယ်ကျယ်လေးများထဲတွင် ပုန်းကွယ်နေသည်။</p> <p>လင်းထျန်းလုံ ခေါင်းငုံ့ကာ သမီးငယ်နှစ်ဦး၏ ပါးပြင်များကို သူ၏နှာခေါင်းဖြင့် ညင်သာစွာ ပွတ်သပ်လိုက်ပြီး နွေးထွေးမှုများပါ၀င်သော အတွေးတစ်ခုကို ပေးပို့လိုက်သည်။</p> <p>“ဘာကြောက်စရာ ရှိလို့လဲ” သူ၏ အသံက တည်ငြိမ်ပြတ်သားစွာ သူတို့၏ စိတ်ထဲတွင် ပဲ့တင်ထပ်သွားသည်။</p> <p>“စစ်သည်လာရင် စစ်သည်နဲ့ ရင်ဆိုင်မယ်၊ ရေလာရင် ဆည်တမံနဲ့ တားဆီးမယ်၊ ဖေဖေတို့အိမ်က အခုဆို ခံတပ်တစ်ခုလိုခိုင်မာနေပြီ၊ သူတို့မလာရင် သူတို့ကံကောင်းတာပဲ၊ လာရင်တော့ သူတို့ ပြဿနာကြီးကြီးတတ်လိမ့်မယ်”</p> <p>“ဒါက စိတ်ဓာတ်တက်ကြွစေတဲ့ အပြောအဆိုမျိုးပဲ၊ ဟန်ပဲရှိတဲ့ ကြွေးကြော်သံတွေထက် အများကြီး ပိုပြီးယုံကြည်ရတယ်။”</p> <p>“အင်း ဝံပုလွေအဖေဆီမှာ အမြဲတမ်း နည်းလမ်းအသစ်တွေရှိတယ်”</p> <p>မမြင်ရသော ကွန်ရက်တစ်ခုက ဝံပုလွေအုပ်စု၏ အသိစိတ်များနှင့် ဆက်သွယ်ထားလေသည်။</p> <p>“ဘုရင်ကြီး အနောက်ဘက်စစ်မျက်နှာစာက ကင်းစောင့်အချက်အချာ အားလုံးကို စစ်ဆေးပြီးပါပြီ၊ စွမ်းအင်လမ်းကြောင်းတွေ ရှင်းလင်းနေပါတယ်” ရန့်မြဲ့၏သတင်းပို့ချက်မှာ တိုတိုတုတ်တုတ်နှင့် လိုရင်းကိုရောက်ကာ သတ္တုကဲ့သို့ အေးစက်စက် အငွေ့အသက်များ ပါဝင်နေသည်။</p> <p>“ကျွန်တော်နဲ့ လုပ်ကြံသတ်ဖြတ်သူတွေက တိုက်ချင်လွန်းလို့ လက်ယားနေပြီ၊ ဟို မီးနဲ့ကစားတဲ့ကောင်တွေ ထပ်လာစမ်းတာကို စောင့်နေတာ” ထျန်းပင်း၏ စိတ်ပိုင်းဆိုင်ရာ အရိပ်အယောင်မှာ ဓားအိမ်မှ ဆွဲထုတ်တော့မည့် ဓားတစ်လက်ပမာ ထက်ရှပေါ်လွင်နေခဲ့သည်။</p> <p>“စခန်းသုံးခုလုံးရဲ့ ပတ်လည်ကို တင်းကြပ်စွာ ပိတ်ဆို့ထားတယ်၊ ကင်းထောက်စက်ပစ္စည်းအသစ်တွေကို အသက်သွင်းထားလို့ အနီးကပ် စောင့်ကြည့်ဖို့ မဖြစ်နိုင်ဘူး၊ အပေါ်ယံမှာတော့ အကြီးစား တပ်လှုပ်ရှားမှု အရိပ်အယောင် မတွေ့ရသေးပါဘူး” ယင်းဖုန်း၏ သတင်းအချက်အလက်မှာ တိကျသေသပ်လှ‌သည်။</p> <p>အပေါ်ယံ တည်ငြိမ်မှုသည် အများအားဖြင့် ရေစီးကြောင်းအောက်မှ လှုပ်ရှားမှုများကို ဖုံးကွယ်ထားတတ်သည်။ လင်းထျန်းလုံ၏ အတွေးများ အနည်းငယ် ပြောင်းလဲသွား၏။</p> <p>“ယင်းဖုန်း ကင်းထောက်ကျွမ်းကျင်တဲ့ ဝံပုလွေအနည်းငယ်ကို ရွေးပြီး ထဲထဲ၀င်၀င် ကင်းထောက်ဖို့ နည်းလမ်းဟောင်းကို သုံးလိုက်၊ သူတို့ စခန်းထဲမှာ ဘာတွေ ကြံစည်နေလဲဆိုတာ ငါ အတိအကျ သိချင်တယ်၊ အပြင်ဘက်ကို စောင့်ကြည့်ရုံနဲ့ မလုံလောက်ဘူး”</p> <p>“နားလည်ပါပြီ”</p> <p>ထိုအချိန်တွင် ဗဟိုဧရိယာရှိ တိုတမ်မိခင်သစ်ပင်သည် ရုတ်တရက် တစ်ခဏမျှ လင်းလက်သွားသည်။ မြစိမ်းရောင် အလင်းရောင်များက ရေလှိုင်းများပမာ ပြန့်ကျဲသွား၏။</p> <p>၎င်း၏ ပင်မပင်စည်ပေါ်ရှိ ကြောက်မက်ဖွယ်ကောင်းသော အက်ကွဲကြောင်းများမှာ သာမန်မျက်စိဖြင့် မြင်နိုင်လောက်အောင် ထပ်မံကျဉ်းမြှောင်းလာသည်။</p> <p>ကြီးမားလှသော အသက်စွမ်းအင် လှိုင်းလုံးကြီးတစ်ခုက ဝံပုလွေအသိုက်တစ်ခုလုံးကို ဖြတ်သန်းသွားသည်။ </p> <p>နှင်းဝံပုလွေအားလုံး သူတို့၏ စိတ်ဓာတ်များ အလိုအလျောက် တက်ကြွလာသည်ကို ခံစားလိုက်ရပြီး ရက်ပေါင်းများစွာ ပြင်ဆင်နေရမှုကြောင့် ဖြစ်ပေါ်လာသော ပင်ပန်းနွမ်းနယ်မှုများ အနည်းငယ် ပြေပျောက်သွားကာ သူတို့၏ အကြည့်များမှာလည်း ပိုမိုစူးရှလာခဲ့သည်။</p> <p> မိခင်သစ်ပင်၏ အသွင်ပြောင်းလဲမှုသည် အရေးအကြီးဆုံးအချိန်သို့ ရောက်ရှိနေပြီဖြစ်သည်။</p> <p>လင်းထျန်းလုံသည် ဝံပုလွေအသိုက်ရှိ မြေကြီးထဲတွင် တစ်လက်မ မကျန် စွမ်းအားများ စုစည်းနေသည်ကို ခံစားနိုင်သည်။ သူသည် သမီးနှစ်ဦးကို ကျောပေါ်တင်လိုက်ပြီး ကင်းလှည့်ဖို့ရာ ဆင်းကြည့်ရန် ဆုံးဖြတ်လိုက်သည်။</p> <p>ဝံပုလွေအသိုက်တစ်လျှောက် လမ်းလျှောက်နေစဉ် သူ၏ခြေလှမ်းများမှာ တည်ငြိမ်နေသည်။ သူ ဖြတ်သွားရာနေရာတိုင်းတွင် ကင်းလှည့်နေသော နှင်းဝံပုလွေများက ရိုသေစွာဖြင့် တိုးလျလျ အသံပြုကာ ခေါင်းငုံ့အရိုအသေပေးကြသည်။</p> <p>အရေးကြီးသော နေရာများတွင် တာဝန်ချထားသော မဟာနှင်းအစောင့်အရှောက်များက မတ်မတ်ရပ်နေကြပြီး သူတို့၏ ကြေးခွံချပ်ဝတ်တန်ဆာပေါ်တွင် အေးစက်သော အလင်းများ တလက်လက် တောက်ပနေသည်။</p> <p>ဝါရင့်သူများ၏ လမ်းညွှန်မှုအောက်တွင် ရေပြာကြေးခွံအစောင့်အရှောက်များသည် သူတို့၏ နောက်ဆုံး ပူးပေါင်းကာကွယ်ရေး လေ့ကျင့်မှုများကို ပြုလုပ်နေကြသည်။</p> <p>သူတို့သည် လျှို့ဝှက်ရေခဲကြေးခွံချပ်ဝတ်မှ အလင်းရောင်များကို အချင်းချင်းဆက်သွယ်နေသော ဒိုင်းကာတစ်ခုအဖြစ် ဖွဲ့စည်းရန် ကြိုးစားနေသည်။ အနည်းငယ် နုနယ်နေသေးသော်လည်း ပုံစံပေါ်စပြုနေပြီဖြစ်၏။</p> <p>သားမွေးဂူကို ဖြတ်သွားစဉ် ဝံပုလွေအမများက အမွေးပွဝံပုလွေပေါက်လေးများကို အပြင်တွင် ခြေလက်လှုပ်ရှားရန် ဦးဆောင်ခေါ်ထုတ်လာသည်နှင့် ကြုံလိုက်ရသည်။</p> <p>ဝံပုလွေပေါက်လေး အများစုသည် သူတို့၏မိခင်များအနားတွင် ကပ်နေကြပြီး သူတို့၏ မျိုးနွယ်စုဘုရင်ကြီးကို စူးစမ်းလိုစိတ်၊ ကြောက်ရွံ့စိတ်တို့ဖြင့် စောင့်ကြည့်နေကြသည်။ တစ်ကောင်တည်းကသာ ခြွင်းချက်ဖြစ်နေခဲ့၏။</p> <p>ထိုဝံပုလွေပေါက်လေးသည် အနည်းငယ် ဝေးသောနေရာတွင် တစ်ကောင်တည်း ရပ်နေသည်။ သူ၏ အရွယ်အစားမှာ ရွယ်တူများထက် တစ်ဆခန့် ပိုကြီးမားပြီး သူ၏ အမွေးများမှာ အရောင်အသွေး အနည်းငယ်မျှမပါဘဲ သန့်စင်သော အဖြူရောင်ဖြစ်သည်။</p> <p> သို့သော် လင်းထျန်းလုံ၏အကြည့်ကို ပြန်စိုက်ကြည့်ရန် မော့ကြည့်လာသော မျက်လုံးများမှာ နှင်းဝံပုလွေများ၏ ပုံမှန် ရေခဲပြာရောင် သို့မဟုတ် အစိမ်းရင့်ရောင် မျက်လုံးများမဟုတ်ပေ။ ယင်းအစား ခဲနေသော သွေးအိုင်နှစ်ခုပမာ နက်ရှိုင်းပြီး ကြမ်းတမ်းနေသည်။</p> <p>အခြားဝံပုလွေပေါက်များကဲ့သို့ ကြောက်ရွံ့မှုမျိုး မရှိဘဲ မွေးကင်းစနွားငယ်က ကျားကိုမကြောက် ဆိုသည့် ဖီဆန်မှုမျိုး ပါဝင်နေသလို ပင်ကိုဗီဇအရ ရင်းနှီးမှုအရိပ်အယောင်တစ်ခုလည်း ပါဝင်နေသည်။</p> <p>လင်းထျန်းလုံ၏အကြည့်များက ဝံပုလွေလေးထံတွင် ချက်ချင်း ဖမ်းစားခံလိုက်ရသည်။ သူ၏အမြင်အာရုံထဲတွင် ဤဝံပုလွေပေါက်လေးကို အလွန် မှိန်ဖျော့သော်လည်း အလွန်သန့်စင်သော အငွေ့အသက်တစ်ခုက ဝန်းရံထားသည်။</p> <p>ထိုအရာကို သူ ကောင်းကောင်းကြီးသိသည်။ ၎င်းမှာ ထာ၀ရတိုက်ပွဲဝိညာဉ်မှ ပိုင်ဆိုင်သော ကြံ့ခိုင်သည့် တိုက်ပွဲဝင်လိုစိတ်ပင် ဖြစ်သည်။ </p> <p>သို့သော် ၎င်းသည် အပြည့်အဝယဉ်ပါးနေပြီး အသွင်ပြောင်းသွားသော အပူဓာတ်စွမ်းအင်တစ်ခုနှင့် ထူးဆန်းစွာ ပေါင်းစပ်သွားကာ ထူးခြားကြမ်းတမ်းသော သတ်ဖြတ်လိုသည့် အငွေ့အသက်တစ်ခုအဖြစ် ဖွဲ့စည်းသွားသည်။ သူ ချက်ချင်း နားလည်လိုက်၏။</p> <p>ယခင် လောင်ကျွမ်းမီးလျှံဂိုဏ်းနှင့် ပဋိပက္ခအတွင်း သူ၏မိခင်သည် လမ်းလွဲလာသော စွမ်းအင်များ၏ သက်ရောက်မှုကို ခံခဲ့ရနိုင်ပေသည်။</p> <p>အံ့သြဖွယ်ကောင်းစွာပင် သန္ဓေတည်နေစဉ်အတွင်း ဤကောင်လေးသည် သူ၏ ပြန့်ကျဲနေသော စွမ်းအားများနှင့် မီးစွမ်းအင်အနည်းငယ်ကို စုပ်ယူပေါင်းစပ်ကာ အကျိုးရှိသော မျိုးဗီဇပြောင်းလဲမှုတစ်ခုကို ဖြစ်ပေါ်စေခဲ့ပုံရသည်။</p> <p>[မျိုးနွယ်]။  ။ငွေပြာနှင်းဝံပုလွေဖြူသွေးမျိုးဆက် (သွေးမိစ္ဆာ မျိုးဗီဇပြောင်းလဲမှု)</p> <p>[အဆင့်]။  ။အဆင့် ၂ (ဝိညာဉ်စွမ်းအင်အဆင့်)</p> <p>[ပင်ကိုစွမ်းရည်။]  ။သွေးမိစ္ဆာတိုက်ပွဲဝင်ခန္ဓာ (ခရမ်းရောင် အဆင့်မြင့်)</p> <p>[စွမ်းရည်လက္ခဏာရပ်]။  ။လက်သည်းတိုက်ကွက် (အဖြူရောင် အဆင့်မြင့်)</p> <p>“ထူးခြားတဲ့ ကောင်လေးပဲ” လင်းထျန်းလုံသည် ချီးကျူးမှုအရိပ်အယောင်တစ်ခု ပါဝင်သော သူ၏အတွေးကို ပေးပို့လိုက်သည်။</p> <p> သူသည် စိတ်စွမ်းအားကို အသုံးပြု၍ သူ့အရှေ့ရှိ သွေးရောင်မျက်လုံးနှင့် ဝံပုလွေပေါက်လေးကို ညင်သာစွာ ဆွဲယူလိုက်သည်။</p> <p>ဝံပုလွေပေါက်လေးသည် အစပိုင်းတွင် ခြေလက်များဖြင့် ရုန်းကန်သော်လည်း ကြီးမားလှသော၊ ဘုရင်ကြီး၏ မျိုးတူအငွေ့အသက်ကို ခံစားလိုက်ရသောအခါ ချက်ချင်း ငြိမ်သက်သွားပြီး သွေးနီရောင်မျက်လုံးများဖြင့် လင်းထျန်းလုံကို စူးစိုက်ကြည့်နေတော့သည်။</p> <p>“အာဝူး” </p> <p>လင်းထျန်းလုံက ခပ်သြသြ၊ ခမ်းနားသည့် အူသံတစ်ချက်ပေးလိုက်သည်။</p> <p>“စစ်ပွဲမီးတောက်တွေကြားထဲမှာ မွေးဖွားလာတယ်၊ သူစိမ်းစွမ်းအားတွေနဲ့ သွေးပေးထားတယ်၊ သတ်ဖြတ်လိုစိတ် အငွေ့အသက်ကို ထိန်းသိမ်းထားနိုင်ပြီး အပြင်ကိုထုတ်မပြဘူး။ ဒီနေ့ကစပြီး မင်းရဲ့ နာမည်ကို ‘သွေးမိစ္ဆာ’ လို့ ခေါ်မယ်။”</p> <p>အမည်ပေးခြင်း ပြီးဆုံးသွားချေပြီ။ ထို့နောက် သူ၏ အသိစိတ်နေရာလွတ်အတွင်းမှ အရည်အသွေးမြင့် ရေခဲပင်မသလင်းကျောက်အချို့နှင့် ခန္ဓာကိုယ်ကို အားဖြည့်ပေးနိုင်သော ညင်သာသည့် ဝိညာဉ်သစ်သီး နှစ်လုံးကို ထုတ်ယူကာ ဝံပုလွေအမ၏ အရှေ့တွင် ချထားလိုက်သည်။</p> <p>“သူ့ကို ပြုစုပျိုးထောင်ဖို့ အာရုံစိုက်ထား” သူ၏အမိန့်မှာ ရှင်းလင်းပြတ်သားသည်။</p> <p>ဝံပုလွေအမက ချက်ချင်း ခေါင်းငုံ့ကာ နာခံမှုရှိသော အသံလေး ပေးလိုက်သည်။</p> <p> “သွေးမိစ္ဆာ” ဆိုသည့် အမည်သည် ဘုရင်ကြီး၏ အသိအမှတ်ပြုမှုနှင့် မျှော်လင့်ချက်များကို သယ်ဆောင်ထားကြောင်း သူမနားလည်သည်။</p> <p>ဘာမှမသိနားမလည်သေးသော ဝံပုလွေငယ်လေး “သွေးမိစ္ဆာ” သည် သူ၏ ကိုယ်ပိုင်ကံကြမ္မာ ပြောင်းလဲသွားသည်ကို ခံစားမိပုံရပြီး သူ၏ခေါင်းဖြင့် လင်းထျန်းလုံ၏ ရှေ့ခြေထောက်ကို ပွတ်သပ်လိုက်သည်။</p> <p> </p> <p> </p> <p style="text-align: center;">***</p>


Save