Book List

<h2 style="text-align: center;">အခန်း (၁၉၅)</h2> <h2 style="text-align: center;">လောင်ကျွမ်းမီးလျှံဂိုဏ်း၏ ထူးဆန်းသောလုပ်ဆောင်ချက်၊ မုန်တိုင်းမလာမီ ငြိမ်သက်ခြင်း (၂)</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p> </p> <p>“ဝါး၊ သူ့မျက်လုံးတွေက အနီရောင်ကြီး” ရှောင်လန်က လင်းထျန်းလုံ၏ကျောပေါ်မှ ခေါင်းပြူကြည့်ကာ စူးစမ်းလိုစိတ်ဖြင့် လှမ်းထိရန် ကြိုးစားရင်း အာမေဍိတ်သံ ပြုလိုက်သည်။</p> <p>ရှောင်ယင်းက ပိုမိုသတိထားနေပုံရသော်လည်း မျက်လုံးပြူးလေးဖြင့် စိုက်ကြည့်နေသည်။ “ဖေဖေ သူက ဖေဖေ့ကိုမကြောက်ဘူးလားဟင်”</p> <p>“မကြောက်တာက ကောင်းတဲ့အရာပဲ” လင်းထျန်းလုံက စိတ်စွမ်းအားကိုအသုံးပြု၍ အလွန်တက်ကြွနေသော ရှောင်လန်ကို မပြုတ်ကျစေရန် ထိန်းထားရင်း သူ၏အတွေးများဖြင့် ညင်သာစွာ တုံ့ပြန်လိုက်သည်။ “ဝံပုလွေအုပ်စုက မကြောက်မရွံ့တတ်တဲ့ စစ်သည်တွေကို လိုအပ်တယ်”</p> <p>သူ့ရှေ့ရှိ သွေးရောင်မျက်လုံးနှင့် ဝံပုလွေပေါက်လေးကို ကြည့်ရင်း သွေးမိစ္ဆာတိုက်ပွဲဝင်ခန္ဓာတွင် ပါဝင်သော အလားအလာကို သူရှင်းလင်းစွာ သိမြင်နေရသည်။ </p> <p>ဤသည်မှာ တိုက်ခိုက်ရေးပင်ကိုစွမ်းရည် သက်သက်မဟုတ်ဘဲ ဇွဲရှိပြီး အရှုံးမပေးလိုသော စိတ်ဆန္ဒ၏ သရုပ်ပြမှုတစ်ခုဖြစ်ပြီး ယခုအချိန်တွင် ဝံပုလွေတပ်ဖွဲ့က အလိုအပ်ဆုံး စိတ်ဓာတ်ပင်ဖြစ်သည်။</p> <p>“ဒီကောင်လေး... သူ့ရဲ့ သတ်ဖြတ်လိုတဲ့ အငွေ့အသက်က စုစည်းနေတယ်၊ မပြန့်ကျဲသွားဘူး၊ သူ့ရဲ့ အရိုးတည်ဆောက်ပုံကလည ပင်ကိုအရည်အသွေး ပါလာတယ်၊ သူက အဲဒီ ပြင်ပစွမ်းအင်ကို သူ့ရဲ့ ကိုယ်ပိုင်အုတ်မြစ်အဖြစ် တကယ်ပဲ ပြောင်းလဲနိုင်ခဲ့တာပဲ”</p> <p>“ဝံပုလွေဖေဖေ မျက်စိကျတဲ့သူပီပီပဲ၊ အချိန်တန်ရင် ရန်သူကို မြင်တာနဲ့ အကြောက်တရားတွေ သွင်းပေးနိုင်မယ့် နောက်ထပ် ဝံပုလွေအစ်ကိုတစ်ယောက် ဖြစ်လာလိမ့်မယ်။”</p> <p>ဝံပုလွေအမက တိုးလျလျ အသံပြုလိုက်ပြီး သွေးမိစ္ဆာကို သူမ၏အနားသို့ ဂရုတစိုက် ပြန်ခေါ်သွားသည်။ လင်းထျန်းလုံအပေါ် သူမကြည့နေသည့် အကြည့်များတွင် ကျေးဇူးတင်မှုနှင့် သန္နိဋ္ဌာန်များ ပြည့်နှက်နေသည်။ သူမ ပခုံးပေါ်ရှိ တာဝန်ကို သူမ ‌ကောင်းကောင်းနားလည်သည်။</p> <p>လင်းထျန်းလုံ ဘာမှထပ်မပြောတော့ဘဲ သမီးနှစ်ဦးနှင့်အတူ သူ၏ ကင်းလှည့်မှုကို ဆက်လက်လုပ်ဆောင်လေသည်။</p> <p>လင်းထျန်းလုံတို့သည် ထျန်းပင်း တာဝန်ယူရသော ဧရိယာသို့ ရောက်ရှိလာသည်။</p> <p>ဤနေရာရှိ လေထုမှာ ပို၍ပင် က်ကြွနေသည်။ လုပ်ကြံသတ်ဖြတ်သူများသည် သုံးကောင်တစ်ဖွဲ့ လေ့ကျင့်နေကြပြီး သူတို့၏ အပြန်အလှန်လေ့ကျင့်မှုများ က လေခွင်းသံများ မြည်ဟည်းစေပြီး ရေခဲအမှုန်များကို လွင့်ပျံနေစေသည်။</p> <p>ထျန်းပင်း ကိုယ်တိုင်မှာမူ ဧရာမ ကျောက်တုံးကြီးတစ်ခုပေါ်တွင် လှဲလျောင်းနေပြီး သူ၏ခန္ဓာကိုယ်ပေါ်ရှိ ရွှေရောင်ရင့်ရင့် အလင်းရောင်နှင့် ချော်ရည်ပုံသဏ္ဍာန်များက တစ်လှည့်စီ လင်းလက်နေသည်။ </p> <p>သူသည် မြေအောက်မီးလျှံနှလုံးသားနှင့် အမြုတေ၏ စွမ်းအားကို ချေဖျက်ရန် အပြည့်အဝ အာရုံစိုက်နေသည်။ သူ၏အငွေ့အသက်မှာလည အရင်ကထက် ပိုမိုလေးလံပြီး ဗိုလ်ကျလွှမ်းမိုးနိုင်လာပုံရသည်။</p> <p>“ဘုရင်ကြီး” လင်းထျန်းလုံ၏ အငွေ့အသက်ကို ခံစားမိသည်နှင့် ထျန်းပင်းက ချက်ချင်း ခေါင်းမော့လာပြီး သူ၏ မျက်လုံးများထဲတွင် တိုက်ပွဲဝင်လိုစိတ်များ လောင်ကျွမ်းနေသည်။</p> <p>“ညီအစ်ကိုတွေက အကောင်းဆုံး အခြေအနေမှာ ရှိနေပါတယ်၊ ဟို မီးနဲ့ကစားတဲ့ကောင်တွေ ပြန်လာဖို့ကိုပဲ စောင့်နေတာ”</p> <p>“မင်းရဲ့ တည်ငြိမ်မှုကို ဆက်ထိန်းထား” လင်းထျန်းလုံက သူ့ကို ကြည့်လိုက်သည်။ “မင်းရဲ့ စွမ်းအားက အဓိကပဲ၊ အဲဒါကို အပြည့်အဝ ကျွမ်းကျင်အောင်လုပ်၊ နောက်တစ်ကြိမ် ထိပ်တိုက်တွေ့ရင် မင်းကို တိုက်စစ်မှုးအဖြစ် သုံးဖို့ ငါလိုအပ်တယ်”</p> <p>“ဟုတ်ကဲ့” ထျန်းပင်း ဟိန်းဟောက်လိုက်ပြီး သူ၏ကျင့်ကြံမှုအပေါ် ပိုမိုအာရုံစိုက်လိုက်သည်။</p> <p>ထို့နောက် သူတို့သည် အကာအကွယ်အချက်အချာ တစ်ခုသို့ ရောက်ရှိလာသည်။ ရန့်မြဲ့သည် အတည်ငြိမ်ဆုံး လက်မှုပညာရှင်တစ်ဦးပမာ ဗဟိုအချက်အချာတစ်ခု၏ စွမ်းအင်ကို ချိန်ညှိနေသည်။</p> <p>မဟာနှင်းအစောင့်အရှောက် ခြောက်ဦးသည် အရပ်လေးမျက်နှာကို ကာကွယ်နေသော ရေခဲရုပ်တုများပမာ မတ်မတ်ရပ်နေခဲ့ကြ၏။</p> <p>သူတို့၏ နှင်းခဲအကာအကွယ်မှ အလင်းစက်ဝန်းများက တစ်ခုတည်းအဖြစ် ဆက်သွယ်နေပြီး ဖျက်ဆီး၍မရနိုင်သော အငွေ့အသက်ကို ထုတ်လွှတ်နေသည်။</p> <p>ရန့်မြဲ့၏ အမိန့်ပေးမှုအောက်တွင် ရေပြာကြေးခွံအစောင့်အရှောက် ငါးဦးသည် စွမ်းအင်လမ်းကြောင်းလွှဲခြင်းနှင့် အခြားသော လေ့ကျင့်မှုများကို ပြုလုပ်နေကြသည်။</p> <p>“ဘုရင်ကြီး၊ စွမ်းအင်အချက်အချာ လည်ပတ်မှုနှုန်း ၉၅ ရာခိုင်နှုန်း ကျော်ပါတယ်၊ ကာကွယ်ရေးစနစ် တည်ငြိမ်ပါတယ်” ရန့်မြဲ့က တိုတိုတုတ်တုတ်ပဲ သတင်းပို့လာသည်။</p> <p>“ကောင်းတယ်၊ ရေပြာကြေးခွံအစောင့်အရှောက်တွေရဲ့ တိုးတက်မှုက ဘယ်လိုလဲ”</p> <p>“သူတို့ တိုက်ပွဲဝင်ဖို့အသင့်ဖြစ်နေပါပြီ” ရန့်မြဲ့၏ အဖြေမှာ အေးစက်နေဆဲဖြစ်သော်လည်း ထိုအထဲရှိ အတည်ပြုချက်မှာ ခိုင်မာလွန်းလှသည်။</p> <p> သူသည် နှင်း၀ံပုလွေအဖွဲ့၀င်သစ်များကို တစ်ချက်ကြည့်လိုက်ပြီးနောက် ဆက်ပြောလာသည်။ “သူတို့ကို သွေးပေးဖို့ အစစ်အမှန် တိုက်ပွဲတစ်ခု လိုအပ်တယ်။”</p> <p>“ရှိလာမှာပါ” လင်းထျန်းလုံ ခေါင်းညိတ်လိုက်သည်။</p> <p>ရန့်မြဲ့၏ တင်းကျပ်သောလမ်းညွှန်မှုနှင့် မိခင်သစ်ပင်၏ စွမ်းအင်အားဖြည့်မှုအောက်တွင် ဤရာထူးတိုးခါစ ရေပြာကြေးခွံအစောင့်အရှောက်များသည် လျင်မြန်စွာ တိုးတက်နေပြီး သူတို့၏ကြေးခွံချပ်ဝတ်တန်ဆာပေါ်ရှိ အလင်းရောင်များမှာလည်း ပိုမိုခိုင်မာလာသည်ကို သူ မြင်တွေ့နေရသည်။</p> <p>နောက်ဧရိယာသို့သွားရန် ပြင်ဆင်နေစဉ် မမြင်ရသော သတင်းအချက်အလက် စီးကြောင်းတစ်ခုက သူ၏အသိစိတ်ထဲသို့ တိကျစွာ ဖြတ်တောက်ဝင်ရောက်လာသည်။ </p> <p>ယင်းဖုန်းပင် ဖြစ်သည်။</p> <p>“ဘုရင်မင်းမြတ် အရေးကြီးတဲ့ ရှာဖွေတွေ့ရှိမှုပါ” ယင်းဖုန်း၏ စိတ်ဝိညာဉ် ပုံရိပ်ယောင်ထဲတွင် ပုံမှန်မဟုတ်သော လေးနက်မှုတစ်ခု ပါဝင်နေသည်။</p> <p>“မီးကိုအသုံးပြုတဲ့ အနောက်ဘက် လူသားစခန်းရဲ့ အလယ်ဗဟိုမှာ သူတို့က ရှုပ်ထွေးလွန်းတဲ့ အကြီးစား စွမ်းအင်စုစည်းမှု အစီအရင်တစ်ခုကို တည်ဆောက်နေတယ်၊ အဲဒီရဲ့ ဗဟိုချက်မှာ ပုံထားတဲ့ မီးဓာတ်အမြုတေ အရေအတွက်က အံ့မခန်းပဲ”</p> <p>“စွမ်းအင်တုံ့ပြန်မှုက ပုံမှန်မဟုတ်တဲ့ နှုန်းနဲ့ မြင့်တက်နေတယ်၊ သမားရိုးကျ နည်းဗျူဟာ လိုအပ်ချက်တွေထက် အများကြီး သာလွန်နေတယ်”</p> <p>“ခံစစ်ကို ကျွမ်းကျင်တဲ့ တောင်ဘက်က လူသားတပ်ဖွဲ့တွေကလည်း အကြီးအကျယ် ရှေ့ဆက်တက်လာပြီး ဆယ်မိုင်အကွာမှာ အလွှာပေါင်းစုံနဲ့ ကာကွယ်ရေးစခန်းတွေကို တည်ဆောက်နေကြတယ်"</p> <p>“သူတို့ရဲ့ လှုပ်ရှားမှုတွေက လျင်မြန်လွန်းတယ်၊ စစ်ဆင်ရေးတစ်ခုခုအတွက် ကာကွယ်ပေးနေမှန်း သိသာတယ်”</p> <p>“စက်ရုပ်တွေကို ထိန်းချုပ်တဲ့ မြောက်ဘက်က လူသားတွေကလည်း တချိန်တည်းမှာပဲ ဘေးနှစ်ဖက်စလုံးမှာ စွမ်းအင်နှောင့်ယှက်ရေး စက်ပစ္စည်းအသစ် အများအပြားကို ဖြန့်ကျက်နေတယ်၊ ဖုံးလွှမ်းနိုင်တဲ့ အကွာအဝေးကလည်း အရမ်းကျယ်တယ်။”</p> <p>ယင်းဖုန်းသည် တစ္ဆေရေခဲအရိပ်ထွက်ပြေးခြင်း၏ အမြင့်ဆုံး ပုန်းကွယ်နိုင်စွမ်းနှင့် ထိုးထွင်းသိမြင်မှုတို့ကို အားကိုးကာ အန္တရာယ်ကြီးမားလွန်းသော စစ်ဆင်ရေးအတွင်း အနီးကပ် လေ့လာထားသည့် စွမ်းအင်စီးဆင်းမှု ပုံစံများနှင့် အစီအရင် ဖွဲ့စည်းပုံတို့၏ အကြမ်းဖျင်း ပုံကြမ်းများကို သတင်းအချက်အလက်များနှင့်အတူ ပူးတွဲပို့ပေးလိုက်သည်။</p> <p> မီးအသုံးပြုသော လူသားများ၏ခေါင်းဆောင်အကြောင်း ပြောသောအခါ ယင်းဖုန်း၏ စိတ်စွမ်းအင် ပုံရိပ်ယောင်က ပြင်းထန်သော ရန်လိုမှုများဖြင့် ပြည့်နှက်နေသည့် အလွန်ရှင်းလင်းသော ပုံရိပ်တစ်ခုကို ပေးပို့လိုက်သည်။</p> <p>ဤလူမှာ ယခင်က လင်းထျန်းလုံနှင့် တိုက်ခိုက်ပြီး ဒဏ်ရာရခဲ့သူပင် ဖြစ်သည်။</p> <p>သတင်းအချက်အလက်များကို ရရှိသည်နှင့် တစ်ပြိုင်နက် လင်းထျန်းလုံသည် ယင်းဖုန်း ပြန်ပို့လာသော အချက်အလက်များကို ခွဲခြမ်းစိတ်ဖြာရန် ငွေပြာဘုရင်မျက်၀န်း စွမ်းရည်ကို အစွမ်းကုန် ရူးသွပ်စွာ လည်ပတ်လိုက်တော့သည်။</p> <p> ဟော်ကျိန်းနှင့် သူ၏ လောင်ကျွမ်းမီးလျှံဂိုဏ်းက အတိအကျ မည့်သည့်အကြံအစည်များ ချမှတ်နေခြင်းလော။</p> <p>ဤမျှ ကြီးမားသော စွမ်းအင်စုစည်းမှုသည် သာမန်တိုက်ခိုက်မှုတစ်ခုအတွက် လုံးဝမဟုတ်ပေ။</p> <p>‘သူတို့က အကာအကွယ်ကို တစ်ချက်တည်းနဲ့ ဖျက်ဆီးဖို့ရည်ရွယ်ပြီး အဖျက်စွမ်းအားကောင်းလွန်းတဲ့ ပူးပေါင်းစွမ်းရည်တစ်ခုခုကို ထုတ်လွှတ်ရန် ပြင်ဆင်နေတာလား၊ ဒါမှမဟုတ်... အန္တရာယ်များတဲ့ ဆင့်ခေါ်ခြင်း ဓလေ့ထုံးတမ်းတစ်ခုခုကို လုပ်ဆောင်နေတာလား'</p> <p>ဟော်ကျန်း၏ အလွန်ဒုက္ခပေးနိုင်သော မသေမျိုးမီးလျှံဝိညာဉ် ပင်ကိုစွမ်းရည်နှင့် ပေါင်းစပ်လိုက်လျှင် ရန်သူ၏ နောက်ထပ်တိုက်ခိုက်မှုသည် စမ်းသပ်မှု မဟုတ်တော့ဘဲ အင်အားအပြည့်ဖြင့် ပြတ်ပြတ်သားသား နောက်ဆုံး ထိုးစစ်ဆင်မှု ဖြစ်မည်မှန်း လင်းထျန်းလုံ သေချာသလောက် ရှိနေပြီဖြစ်သည်။ </p> <p>မီးပွားသုသေသနပညာရှင်အသင်း၏ နှောင့်ယှက်ရေးစက်ပစ္စည်းများသည် နောက်ဆုံး တိုက်ခိုက်မှု စတင်ချိန်တွင် နှင်းဝံပုလွေများ၏ အာရုံခံနိုင်စွမ်းနှင့် အတွင်းပိုင်းဆက်သွယ်ရေးကို အဆုံးစွန်ဖိနှိပ်ရန် ရည်ရွယ်ပြီး ထိုအဖျက်စွမ်းအားကြီးမားလွန်းသော တိုက်ကွက်အတွက် အခွင့်အရေးဖန်တီးပေးရန် ဖြစ်သည်မှာ သေချာသည်။</p> <p>တောင်ဘက်က လူသားများ၏ လှုပ်ရှားမှုများက ဤသည်မှာ တပ်ဖွဲ့သုံးဖွဲ့လုံး ညှိနှိုင်းဆောင်ရွက်ထားကြသော ပူးပေါင်းစစ်ဆင်ရေးဖြစ်ကြောင်း ထပ်မံအတည်ပြုပေးနေသည်။</p> <p>သူ ဖြည်းညင်းစွာ ခေါင်းမော့လိုက်ရာ သူ၏အကြည့်များက အ‌ဝေးသို့ရောက်ရှိသွားကာ ဟင်းလင်းပြင်ကို ဖောက်ထွင်းပြီး အဝေးရှိစခန်းတွင် ရူးသွပ်စွာစုစည်းနေသော ဖျက်ဆီးခြင်းစွမ်းအင်များကို မြင်တွေ့နေရသကဲ့သို့ ရှိလေသည်။</p> <p>လေထုထဲတွင် ယခင်က မိခင်သစ်ပင်၏ အသက်စွမ်းအင်ကြောင့် ပြန့်ကျဲသွားသော သတ်ဖြတ်လိုစိတ် အငွေ့အသက်များ နောက်တစ်ကြိမ် ထူထပ်လာသည်မှာ စစ်ပွဲမီးခိုးငွေ့များ သူတို့မျက်စိရှေ့တွင် လောင်ကျွမ်းနေသကဲ့သို့ပင်။</p> <p>သူ၏ အကြည့်က တိုက်ပွဲဝင်ရန် အသင့်ဖြစ်နေပြီဖြစ်သော ဝံပုလွေအုပ်စုအပေါ် ဖြတ်သန်းသွားပြီး ယုံကြည်မှုနှင့် သန္နိဋ္ဌာန်များ ပြည့်နှက်နေသော ဝံပုလွေမျက်လုံးတစ်စုံချင်းစီကို ဖြတ်ကျော်သွားသည်။</p> <p>နောက်ဆုံးတွင် အသွင်ပြောင်းမှု နောက်ဆုံးအဆင့်သို့ ရောက်ရှိလာသည်နှင့်အမျှ အလင်းရောင်များ ပိုမိုတောက်ပလာသော ဗဟိုဧရိယာရှိ မိခင်သစ်ပင်နှင့် “သွေးမိစ္ဆာ” ဟု ယခုလေးတင် အမည်ပေးလိုက်သော သူ၏ဘေးရှိ မျှော်လင့်ချက်အသစ်လေးအပေါ် ကျရောက်သွားသည်။</p> <p>ကြီးမားလွန်းသောအန္တရာယ်၊ ဘဝအသစ်၊ ဖျက်ဆီးခြင်းအရိပ်အယောင်နှင့် ကာကွယ်လိုသော စိတ်ဆန္ဒတို့သည် ဤအခိုက်အတန့်တွင် ရောထွေးနေကာ စစ်မြေပြင်တွင် သိသာထင်ရှားသော ခြားနားမှုတစ်ခုကို ဖြစ်ပေါ်စေသည်။</p> <p>“အမိန့်လိုက်နာကြ” သူ၏ စိတ်စွမ်းအင် အမိန့်ပေးချက်မှာ ဓားအိမ်ထဲမှ ဆွဲထုတ်လိုက်သော ရေခဲဓားတစ်လက်ပမာ အေးစက်၊ ရှင်းလင်းပြီး မေးခွန်းထုတ်ဖွယ်မရှိသော ပြတ်သားမှုတစ်ခု ပါဝင်ကာ အဓိက အဖွဲ့ဝင်တိုင်း၏ ခေါင်းထဲသို့ ချက်ချင်း ရောက်ရှိသွားသည်။</p> <p>“တိုက်ပွဲအတွက် နောက်ဆုံးအဆင့် ပြင်ဆင်မှုတွေလုပ်ကြ။ ရန်သူက သူတို့ရဲ့ နောက်ဆုံးထိုးစစ်၊ အရှုးသွပ်ဆုံး ထိုးစစ်အတွက် ပြင်ဆင်နေတယ်ထ ကံကောင်းရင်ဆိုတဲ့ အတွေးတွေအားလုံးကို စွန့်လွှတ်လိုက်”</p> <p>“မင်းတို့ရဲ့ တာဝန်တွေကို မှတ်ထား၊ ဒါ ငါတို့အိမ်ပဲ၊ ဒီတိုက်ပွဲမှာ အနိုင်ရခြင်း ဒါမှမဟုတ် သေဆုံးခြင်း ဆိုတာပဲရှိတယ်၊ ဒီနေရာကို ကျူးကျော်လာသူတိုင်း ကျူးကျော်လာရင် ပေးဆပ်ရမဲ့တန်ဖိုးကို သူတို့ရဲ့အရိုးထဲအထိ ထာဝရမှတ်မိနေအောင် ငါ လုပ်ပေးမယ်”</p> <p>သူ၏ အမိန့်ပေးချက်နှင့်အတူ မမြင်ရသော တိုက်ပွဲဝင်လိုစိတ်များ ကောင်းကင်သို့ ထိုးတက်သွားသည်။</p> <p> ဝံပုလွေအသိုက်တစ်ခုလုံးသည် အပြည့်အဝ နိုထလာသော ရှေးဟောင်းသားရဲကြီး တစ်ကောင်ပမာ သူ၏အေးစက်စက် မျက်လုံးများကို ဖွင့်ကာ လက်သည်းများသွေးရင်း သိပ်မကြာမီ လာတော့မည့်မုန်တိုင်းကို တိတ်တဆိတ် စောင့်ကြိုနေလေတော့သည်။</p> <p> </p> <p> </p> <p> </p> <p style="text-align: center;">***</p>


Save